//

ජාතික බෞද්ධ බලවේගය

Ayubowan! The National Buddhist Authority (NBA) a well developed organizations which were officially battle against the Rascals who are in local society and who were engage as an international persons for poverty alleviation as a cover for proselytizing activity. We may put our advanced heritage presser which our ancestor did upon the peoples who dealing with converting our peoples for any other faith and Abuse (Insulting Speech) of our culture and the moral of Buddhist main concepts. We are secretly finding the necessary static data and also exploring entrench area and giving an “ON THE SPOT” action without thinking difficulty or danger that must be rise within sound of whom think that converting to their faith is fundamental right in our “Dhrama Dveepa”. Regarding need ness of the case we will report in writing with dates, place name or persons involved and all cases of abuse or illegal activities in the name of a religion or faith and first and last attempted to convert persons in Sri-Lanka to Buddhist organizations, temple, nearest Police Station, Grama Niladari and other local authority as well as presidency level. National Buddhist Authority eager to call upon all Sinhalese Buddhist organizations(International too) to join hands in a Endeavour to defeat the proselytizing efforts of sponsored evangelical and other NGO organizations and thereby to guard the Sinhalese Buddhist culture and tradition for posterity, Relating to their fantasy book,Fantasy Story David did killed the philistine champion who named as Goliath, then all of us too cannot fail. NOTE: This cite is not aimed at or against Christians Or Muslims or Any Other faith Holders.This site is aimed against Christians,Muslim or who ever seek or want to convert Buddhist to Christianity or Muslim or other goodish doctrine. We Buddhist refer to them as "missionaries." We Buddhist respect Christians or Muslim or other followers who maintain the doctrines of their belief, but we do not accept anyone's "right" to proselytize.
ජාතික බෞද්ධ බලවේගය has written 2014 posts for ජාතික බෞද්ධ බලවේගය

රණවිරුවන්ට ගරුසරුවක්‌ නැති රණවිරු අධිකාරියේ ‘විරුසරු’ බෙදිල්ල

රණවිරුවන්ට ගරුසරුවක්‌ නැති
රණවිරු අධිකාරියේ ‘විරුසරු’ බෙදිල්ල

රණවිරු සේවා අධිකාරිය මගින් නව සභාපතිනියගේ සම්ප්‍රාප්තියත් සමඟ රණවිරුවන් අගය කළ යුතුයෑයි පවසමින් ආරම්භ කළ එකම කටයුත්ත වූයේ ජනාධිපතිවරයාගේද නමත් සඳහන් කරමින් ක්‍රියාත්මක කළා වූ විරුසරු කාඩ්පත ලබාදීමය.

මෙම කාඩ්පත ලබාදීමේදී රණවිරුවන්ට විවිධ ආයතන තිහකින් පමණ වට්‌ටම් සහිතව භාණ්‌ඩ මිලදී ගැනීමේ සිට බොහෝ පහසුකම් එය ඉදිරිපත් කිරීමෙන් හිමිකර ගතහැකි බව රණවිරු සේවා අධිකාරියේ ලොක්‌කෝ කියන්නට වූහ.

කෙසේ වෙතත් මෙම කාඩ්පත ලබාදීමේදී පළමු අදියරෙන් පසු ඊළඟ අදියර ක්‍රියාත්මක කිරීමට රණවිරු සේවා අධිකාරියේ බලධාරීන්ට බොහෝ කාලයක්‌ ගත වූ අතර ඒ සම්බන්ධයෙන් “විරුසරු කාඩ්පතට මොකද වුණේ” ආදී ලෙසින් මාධ්‍ය වාර්තාද බොහෝමයක්‌ පළ වන්නට විය.

එසේ මාධ්‍ය මගින් පවා රණවිරුවන් විරුසරු කාඩ්පතේ ප්‍රමාදය පිළිබඳ ප්‍රශ්න කරද්දී ඉකුත් මාර්තු මාසයේදී පැවති කුරුණෑගල ආරක්‍ෂක විද්‍යාලයේ අභිනවයෙන් ඉදිකරනු ලැබූ තෙමහල් ගොඩනැගිල්ල විවෘත කිරීමේ උත්සවයේදී විරුසරු කාඩ්පත පිළිගැන්වීමේ තවත් අදියරක්‌ ක්‍රියාත්මක කරවීමට රණවිරු සේවා අධිකාරිය කටයුතු කළේය.

එහෙත් රණවිරු සේවා අධිකාරිය මෙසේ කන්දක්‌ විළිලා කෙන්දක්‌ වදන අකාරයෙන් විරුසරු නමින් කාඩ්පතක්‌ රණවිරුවන්ට බෙදා දුන්නද එමඟින් රණවිරුවන් ඇන්දවීම හැර මේ දක්‌වා අන් යමක්‌ සිදුව තිබේද?

අප එසේ ප්‍රශ්න කරන්නේ විරුසරු කාඩ්පත යනු තවමත් රණවිරු සේවා අධිකාරියේ ලොකුතැන්වලට සුපිරි කාඩ් වදින නිකම්ම නිකම් කාඩ්පතක්‌ බවට පත්ව තිබෙන නිසාය. එය පෙන්වා වට්‌ටම් සහිතව ලාබෙට බඩු ගත් රණවිරුවන් කිසිවකුත් නැත.

එසේම සේවා ලබාගැනීමෙදී ප්‍රමුඛතා ලබාගත්තෝද ඉතාම විරල වන්නාහ. රණවිරුවන්ට සිදුව ඇත්තේ “විරුසරු” සාක්‌කුවේ දමාගෙන අතින් ගෙවා වැඩේ කර ගන්නටය. මෙසේ සිදුව ඇත්තේ කුමක්‌ නිසාද?

“විරුසරු” කාඩ්පත හොඳ සංකල්පයකි. එය නිසි ලෙස ක්‍රියාවට නැංවෙන්නේ නම් රණවිරුවාට සහනයක්‌ අත්වීමද නියත වශයෙන්ම සිදු වන්නකි. රණවිරුසේවා අධිකාරිය මේ කාඩ්පත රණවිරුවන්ට ලබා දුන්නේය. එහෙත් එය තවමත් සියලුම රණවිරුවන්ට ලබා දීමට අධිකාරිය අසමත්ව සිටින බවද මෙහිදී විශේෂයෙන් සඳහන් කළ යුතුය.

කෙසේ හෝ යම් පිරිසකට එය ලබා දුන්නද ඉන් එහාට යමින් එකී කාඩ්පත බලාත්මක වීමට අවශ්‍ය පියවර ගැනීමට රණවිරු සේවා අධිකාරියේ ලොකු තැන්වලට තවමත් නොහැකි වී ඇත. මේ සම්බන්ධයෙන් අදාළ ආයතන සමඟ මනා සම්බන්ධීකරණයක්‌ ගොඩනඟ ගැනීමට අධිකාරය අදටත් සමත් වී නැත. එසේ සම්බන්ධීකරණයක්‌ ඇති කර ගැනීම විරුසරු කාඩ්පත බෙදන්නට පෙර සිදු විය යුතු දේ වන්නේය.

එහෙත් රණවිරු සේවා අධිකාරිය කරනු ලැබුවේ සියල්ලට පෙර බෙර ගසා තොවිල් නටා “විරුසරු” කාඩ්පත රණවිරුවන්ට බෙදා දීමට පියවර ගැනීමය. අද විරුසරු සාක්‌කුවේ දමාගෙන බල බල ඉන්නට රණවිරුවන්ට සිදුව ඇත්තේ මෙන්න මේ නිසාය.

“විරුසරු කාඩ් පත පෙන්නුවාට ඒ සඳහා වට්‌ටම් සහිතව භාණ්‌ඩ ලබා දීමට බොහෝ ආයතන එකඟතාව පළ කරන්නේ නැත. මේ ආයතන තුළ සිදුවන්නේ ව්‍යාපාරයකි. එහෙයින් රණවිරුසේවා අධිකාරිය නිකම්ම නිකම් කටින් කී පලියට කාටවත් දන්සල් දෙන්නට ඔවුන් සූදානම් නැත.

නිසි ක්‍රමවේදයක්‌ තුළින් අදාළ ව්‍යාපාරික ස්‌ථානවල පාඩුවද පියවෙන සේ කටයුතු සැලසුම් වන්නේ නම් මේ තත්ත්වය ඇති නොවන්නේය. එහෙත් සැලසුම්සහගත බවකින් තොරව මෙසේ රණවිරුවාට කාඩ්පතක්‌ දී “හා දැන් ගිහින් අසවල් තැනින් ලබෙට බඩු ගන්න යෑයි” කී පමණින් එය රැගෙන එන රණවිරුවාට පහසුකම් සලසන්නට කිසිවකුත් කටයුතු කරන්නේද නැත.

“විරුසරු” ලබාගෙන සිටින රණවිරුවන් අද පවසන්නේ තමන් කිසියම් ආයතනයකට ගොස්‌ විරුසරු කාඩ්පත ඉදිරිපත් කරද්දී එය පිළිගැනීමට අදාළ ආයතන සූදානම් නොමැති බවය. ජනාධිපතිවරයාගේද නම් සඳහන් කරමින් රජයේ වැඩපිළිවෙළක්‌ ලෙස රණවිරු සේවා අධිකාරියේ ලොකු අය ක්‍රියාත්මක කර තිබෙන “විරුසරු” කතාවේ යථාර්ථය එය බවට පත්ව ඇත.

එහෙත් ඇත්ත එය වුවද අධිකාරිය අද තව තවත් “විරුසරු” කාඩ්පත් බෙදා දෙන්නට සැලසුම් කරමින් සිටින්නේය. එසේ කාඩ් බෙදන රණවිරු සේවා අධිකාරිය “විරුසරු” කෙසේ වෙතත් රණවිරුවන් මෙතෙක්‌ රැකගෙන සිටින ආත්ම ගරුත්වයද වැනසෙන අන්දමේ ගරුසරු නැති වැඩක්‌ද කර තිබෙන බව ඉකුත් සතියේ අපට වාර්තා විය.

ඒ කිසිදු වැදගම්මකට නැති කරුණක්‌ හමුවේ රණවිරුවන්ට පොලිසියට යැමට සිදුවන තත්ත්වයක්‌ නිර්මාණය කිරීමෙනි. විරුසරු කාඩ්පත මෙතෙක්‌ ලබා නොදුන් රණවිරුවන්ට එය ලබා ගැනීම පිරවිය යුතු සඳහා අයෑදුම් පත්‍රයක්‌ රණවිරු සේවා අධිකාරිය මේ දිනවල නිකුත් කර ඇත.

එහි සඳහන්ව ඇති අන්දමට යුද, නාවික, ගුවන් සහ සිවල් ආරක්‍ෂක බළකායේ දැනට සේවයේ යෙදී සිටින නිලධාරීන්ට හා සෙසු නිලයින්ට මෙන්ම ආදාළ හමුදාවන්හි විශ්‍රාමික නිලධාරීන්ටද එකී අයෑදුම්පත්‍රය පුරවා භාර දීමෙන් විරුසරු කාඩ්පතක්‌ ලබා ගත හැකිය.

එහෙත් ගැටලුව වන්නේ දැනට රාජකාරියේ යෙදී සිටින ත්‍රිවිධ හමුදා සහ සිවිල් ආරක්‍ෂක සාමාජිකයන්ට එම අයදුම්පත්‍රය පුරවා එවීමෙන් “විරුසරු” හිමිකම ලබා ගැනීමට හැකි වුවද විශ්‍රාමික හමුදා නිලධාරීන් සහ සෙසෙq නිලයන්ට එසේ අයෑදුම්පත්‍රය පුරවා එවීමෙන් පමණක්‌ “විරුසරු” ලබා ගැනීමට නොහැකි වීමය.

අදාළ අයෑදුම් පත්‍රයේ සඳහන්ව තිබෙන අන්දමට විශ්‍රාමික රණවිරුවන් විරුසරු ලබා ගන්නේ නම් ඔවුන් ඒ සඳහා තමන් පදිංචි ප්‍රදේශයේ පොලිස්‌ ස්‌ථානයෙන් පොලිස්‌ නිශ්කාශන වාර්තාවක්‌ හෙවත් පොලිස්‌ සහතිකයක්‌ ලබා ගත යුතුය.

රණවිරු සේවා අධිකාරියේ නෝනා, මහත්වරුනි, මෙය මොනතරම් ලඡ්ජා සහගත ක්‍රියාවක්‌ද? වසර 22 ක්‌ හෝ ඊට වැඩි කාලයක්‌ හමුදාවේ සේවය කොට විශ්‍රාම ගිය රණවිරුවන් එසේ විරුසරු ලබා ගැනීම සඳහා පොලිස්‌ සහතික ලබාගත යුත්තේ කුමකටද?

රට වෙනුවෙන් ත්‍රස්‌තවාදයට එරෙහිව සටන් වැද අද විශ්‍රාම සුවයෙන් සිටින මේ රණවිරුවන්ට මෙසේ පොලිස්‌ සහතික රැගෙන එන්නට යෑයි කියමින් ඔවුන්ව “අයිආර්සී” කාරයන්ගේ තත්ත්වයට ඇද දමන්නේ කුමක්‌ නිසාද?

කීර්තිමක්‌ රාජකාරි කාලයකින් පසුව විශ්‍රාම ගනු ලැබූ රණවිරුවන් පිළිබඳ රණවිරු සේවා අධිකාරියට විශ්වාසයක්‌ නැතිව ගොස්‌ තිබේද? එම අයෑදුම් පත්‍රයට අනුව විශ්‍රාමික ත්‍රිවිධ හමුදා සහ සිවිල් ආරක්‍ෂක බළාකායේ නිලධාරීන් මෙනේම සෙසු නිලයින්ද මෙසේ පොලිස්‌ සහතික ඉදිරිපත් කළ යුතුව ඇත.

ත්‍රිවිධ හමුදාවේ උසස්‌ නිලධාරියකු ගත් කළ සාමාන්‍යයෙන් පොලිස්‌ ස්‌ථානයක සිටින මූලස්‌ථාන පොලිස්‌ පරීක්‍ෂකවරයකුටත් වඩා ඔවුන්ගේ නිල තත්ත්වය ඉහළය. එසේ නම් මේ කියන විරුසරු කාඩ්පත ලබා ගැනීම වෙනුවෙන් එකී උසස්‌ නිලධාරීන් පොලිස්‌ ස්‌ථානයකට ගොස්‌ “අනේ මට විරුසරු ගන්න ඕනේ.. ඒකට සහතිකයක්‌ දෙන්න” යෑයි කිවයුතුද?

මේ තුළින් කරන්නට යන්නේ “විරුසරු” හරහා විරු ගරුත්වය කෙළසීමට සැරසීමක්‌ නොවේද? රණවිරු සේවා අධිකාරිය “විරුසරු” දුන්නේය. එහෙත් දැනගැනීමට ඇති පරිදි නම් තවමත් ඉන් රණවිරුවාට සිදුවූ සෙතක්‌ නම් නැත. එසේ තිබියදී “විරුසරු” ගන්නට පොලිස්‌ සහතික දියයුතු යෑයි රණවිරු සේවා අධිකාරිය අද විශ්‍රාමික රණවිරුවන්ට කියන්නේය.

රණවිරු සේවා අධිකාරියේ නෝනා මහත්වරුනි, ඔබලා මෙසේ කියන්නේ හොඳ සිහිකල්පනාවක්‌ ඇතිවද? එසේත් නැතිනම් මේ දිනවල පවතින දැඩි ඉඩෝරයට මොලේ කරකුට්‌ටන් වීම නිසාද?

එදා රණවිරුවා වෙනුවෙන් සැබෑවටම පෙනී සිටි රාජ්‍ය ආයතනයක්‌ව තිබී අද දේශපාලන කාර්යාලයක්‌ බවට පත්ව තිබෙන සහ එකී දේශපාලන කාර්යාලයේ ලොකු පුටුවල ඉන්න උන් රණවිරුවන්ට එරෙහි එන්ජීඕ නඩ සමඟ එක්‌ව රඟන කල එක්‌ අතකින් රණවිරු සේවා අධිකාරියෙන් දැන් මීට වඩා දෙයක්‌ද බලාපොරොත්තු විය නොහැකිය.

එහෙත් මේ නරිනාටක දෙස බලා ඇස්‌ කන් නැත්වුන් සේ අපට නිහඬව සිටින්නටද හැකියාවක්‌ නැත. ආරක්‍ෂක අමාත්‍යංශයේ බලධරයනි, මෙන්න මේ නිසා අද දේශපාලන කඳවුරක සිටිමින් මේ රට බේරාගත් රණවිරුවාට කෝචොක්‌ දමන්නට සැරසෙන රණවිරු සේවා අධිකාරියේ රෙද්ද පල්ලෙන් බේරෙන රණවිරු සේවය රටට හෙළි කරන්නට අප සූදානම් බවද අවසන් වශයෙන් සඳහන් කළ යුතුය.

* සෙනවි රණභාහු

 

තෙවන ලෝක යුද්ධය අත ළඟද? ආසියාව අවදානම්

තෙවන ලෝක යුද්ධය අත ළඟද?
ආසියාව අවදානම්

ආර්. අයි. බී. ජයසිංහ

ලෝක යුද්ධයක ඊළඟ දිගැහැරුමකට බලපාන අනෙක්‌ ආසන්නතම කාරණය වන්නේ උතුරු කොරියාවේ න්‍යෂ්ටික වැඩ පිළිවෙළයි. විශේෂයෙන් උතුරු කොරියා කලාපයට මේ වන විටත් ඇමරිකා ගුවන්යානා ප්‍රවාහන නෞකාවක්‌ පිටත්කර යවා ඇති බව සඳහන්ය. එසේම මීට කලකට පෙර සිටම දකුණු කොරියාව ආශ්‍රිතව ඇමරිකා සොල්දාදුවන් 28000 ක්‌ පමණ නතර කර සිටී. තවද දකුණු කොරියාව තුළ “තාඡ්” නැමැති මිසයිල පද්ධතිය ද ස්‌ථාපනය කර ඇත. කෙසේ වෙතත් ඇමරිකාව මෑතක උතුරු කොරියා කලාපයට එවන ලද ගුවන්යානා ප්‍රවාහන නෞකාව මගින් කොරියාවේ නගර 24 ක්‌ විනාශ කළ හැකි න්‍යෂ්ටික බල යුද්ධ ශීර්ෂ 100 ක්‌ පමණ තිබූ බව පැවසේ.

අද වන විට ලෝක තත්ත්වය පිළිබඳව අවධානය යොමු කරන විට දැකගත හැකි වන්නේ කාලාන්තරයක්‌ තිස්‌සේ ඔඩුදුවමින් පැමිණෙන නොනිමි අරගලයන්ය. ඒවා විවිධ අරමුණු මත ක්‍රියාත්මකය. සිරියානු අර්බුදය එහි එක්‌ අංශයක්‌ පමණක්‌ නියෝජනය කරන අතර, උතුරු කොරියාවේ න්‍යෂ්ටික වැඩපිළිවෙළ මෙන්ම, විවිධ රටවල පවතින, IS ඉරාකය, FARC (කොලොම්බියාව, බොකොහරාම්) නයිජීරියාව, අල්කයිඩා( ඇෆ්ගනිස්‌තානය, තලෙබාන්( ඇෆ්ගනිස්‌තානය හමාස්‌( පලස්‌තීනය, මාවෝ( නේපාලය, හූථි( යේමනය, ශාන්ති බහිනී( ඉන්දියාව/ බංග්ලාදේශය, අල් ශේබාබ්( සෝමාලියාව අල් නස්‌රා (al-Nusra)( සිරියාව, උයිහර් (Uyghurs)( චීනය, ටෙලෝ( දකුණු ඉන්දියාව. යනාදී කණ්‌ඩායම් ඒ ඒ රටවලට ඇති කරන බලපෑම් ද විශාලය. මෙම ත්‍රස්‌ත කණ්‌ඩායම්වලට ආයුධ, ආදී යුද්ධ ශක්‌තිය ප්‍රබල රට වලින් හිමි වන අතර ඒ තුළ ඔවුන් පාලනය කිරීම අසීරුය. ඔවුන් තවත් වර්ධනය වීමද නොවැළැක්‌විය හැකිව පවතී. 2012 සිට 2016 දක්‌වා ගිනි අවි වෙළඳාම පිළිබඳ දැක්‌වෙන වාර්තාවන් අනුව එක්‌සත් ජාතීන්ගේ සංවිධානයේ නිෂේධ බලය හිමි රටවල්, ලෝකය තුළ විවිධ ප්‍රදේශ වල සිදුවන අවි වෙළඳාමේ 73% කම සැපයුම්කරුවෝය. ඒ තුළ බලවතුන් යුද්ධ වැළැක්‌වීමට කිසිසේත් ඉදිරිපත් නොවේ.

සිරියානු අර්බුදය පිළිබඳ අවධානයේ දී, “අරාබි වසන්තය” යනු මැදපෙරදිග කලාපයේ පාලනයන් බිඳ දැමූ, පාලකයන් ඝාතනය වූ, පාලකයන් සිරගෙට යෑවූ ඉතා සුවිශාල ක්‍රියාදාමයකි. මෙය වර්ෂ 2010 දී ටියුනීසියාවෙන් ආරම්භ වී ලිබියාව, යේමනය, ඊජිප්තුව යන රටවලද ශීඝ්‍රයෙන් ව්‍යාප්ත වූ අතර, එයට බටහිර රටවල් හා බටහිර මාධ්‍ය විශාල ලෙස ඉන්ධන සැපයීය. ඒ අනුව එහි ආදර්ශය ගත් සිරියානුවන් පිරිසක්‌ද, (free siriyan army) තම රටේ පාලකයා තනතුරින් නෙරපා වඩා හොඳ සිරියාවක්‌ උදෙසා 2011 මාර්තු මාසයේ සිට විරෝධයක්‌ ආරම්භ කරන ලදී. එයට ඇමරිකාව ඇතුළු බටහිර රාජ්‍යයන්වලින් සහය ද හිමි විය. (තවත් හිමිවේ) එසේම සිරියානු ජනාධිපති බසර් අල් අසාද්ගේ පක්‌ෂයට ද රුසියාව, ඉරානය, තුර්කිය යන රාජ්‍යයන්ගේ සහය හිමිවේ.

විශේෂයෙන් බටහිර රාජ්‍යයන් බසර් අසාද්ගේ විරුද්ධවාදීන්ට සහය දෙමින් ද, රුසියාව ඇතුළු රටවල් අසාද්ට සහය වෙමින්ද, කටයුතු කිරීම තුළ ගල්ෆ් කලාපයේ තම භූ දේශපාලනික උපායමාර්ග ක්‍රියාවට නැංවීම සිදු කරයි. ඒ තුළ ලෝකයේ බලවත් රාජ්‍යන් අතර බල අරගලයක්‌ ඇති කිරීමට මෙම සිරියා අර්බුදය හේතුවක්‌ වී ඇති බව පෙන්වාදිය හැකිය. මෙහි නවතම බරපතළ තත්ත්වය ලෙසින් සිරියාවේ සාමාන්‍ය ජනතාවට පසුගියදා රසායනික අවි ප්‍රහාරයක්‌ එල්ලවීම හඳුනාගත හැකිය. (එයින් 89 මරණයට පත්විය) එය සිරියා රජයේ කටයුත්තක්‌ බව බටහිරින් චෝදනා එල්ලවූ අතර රුසියාව දෙසට ද ඇඟිල්ලක්‌ දික්‌ විය. (එක්‌සත් ජාතීන්ගේ සංවිධානය තවමත් පර්යේෂණ ප්‍රතිඵලය කියා නැත) එයට පිළිතුරක්‌ ලෙස සිරියා ගුවන් කඳවුරකට ඇමරිකාව විසින් කෲස්‌ මිසයිල ප්‍රහාරයක්‌ එල්ල කරන ලදී. එයින් සිරියාවේ ගුවන් බලය 20% ක්‌ විනාශ වූ බව ඇමරිකා ආරක්‌ෂක දෙපාර්තමේන්තුව කියයි. මේ සම්බන්ධ අනෙක්‌ වැදගත්ම කරුණ නම් G7 සමුළුවට මහා බ්‍රිතාන්‍ය විසින් යෝජනාවක්‌ ගෙන ආවේ රුසියාවට එරෙහිව සම්බාධක පැනවිය යුතු බවයි. නමුත් එය සම්මත නොවීය.

ඒ අනුව ලෝකයේ රටවල් පැහැදිලි ලෙසම දෙකට බෙදී ඇති බවක්‌ හඳුනාගත හැකිය. නමුත් ඇමරිකාව මෙය රාජ්‍යතාන්ත්‍රික කටයුතු මගින් විසඳීම සඳහා ඉදිරිපත් වෙමින් රෙක්‌ස්‌ ටිලර්සන් රුසියාවට ගොස්‌ ඇත. ඒ සිරියා අර්බුදයේදී අසාද්ට සහය නොදෙන ලෙස ඉල්ලීමටය. ඇමරිකාවට අවශ්‍යව ඇත්තේ අසාද් බලයෙන් ඉවත් කිරීමටය. ඒ තුළ අපට රසායනික අවි ප්‍රහාරය ගැන ද සැකයක්‌ මතුවේ. ඒ සදාම් හුසේන් බලයෙන් පහකිරීමට ඇමරිකාව ගත් නින්දිත ක්‍රියාව සාධාරණීකරණයට ද පෙන්වා දුන්නේ ඉරාකය තුළ රසායනික අවි පවතින බවය. නමුත් එහි තිබී අද වන තෙක්‌ එවැනි අවි හමු නොවීය. අනෙක්‌ අතට අසාද් තමන්ගේ ජනතාවටම මෙලෙස රසායනික අවි ප්‍රහාරයක්‌ එල්ල කිරීමේ සම්භාවිතාව ඉතා අඩුය. ඒ අතර රුසියාව තව දුරටත් අසාද්ට සහය දෙන බවත් ඇමරිකාව විසින් සිරියාවේ ඩමස්‌කස්‌ නගරයට තවත් රසායනික ප්‍රහාරයක්‌ එල්ල කිරීමේ සූදානමක්‌ ඇති බවට හා එහි වගකීමත් අසාද්ට බැර කිරීමට කටයුතු කරන බවට තොරතුරු ලැබී ඇති බවත් ව්ලැඩිමීර් පුටින් පෙන්වාදී ඇත.

මේ අතර ඉරානයේ ජනාධිපතිවරණය සඳහා නැවත වරක්‌ මහමුද් අහමදි නේදාඡ්(ජාත්) ඉදිරිපත් වීමට නියමිත බවය සඳහන්. මොහු 2005 සිට 2013 දක්‌වා ඉරානයේ බලය දැරූ අතර, බටහිර මාධ්‍ය පෙන්වා දෙන්නේ මොහු දැඩි මතධාරියකු බවයි. විශේෂයෙන් ඔහුගේ පාලන කාලය තුළ ඉරානය දැඩි සම්බාධකවලට යටත්ව පැවතිණ. ඇමරිකාව සමඟ පැවති මතවාදී ගැටුම් හා ඉරාන න්‍යෂ්ටික කටයුතු නිසාවෙනි. නමුත් වත්මන් හසන් රොහානිගේ රජය යටතේ කලාපීය වශයෙන් යහපත් තත්ත්වයක්‌ පවත්වාගෙන යැමට කටයුතු කළ අතර 2015 වියානා සම්මුතිය තුළින් ඉරානය තම න්‍යෂ්ටික වැඩපිළිවෙළ සීමා කළ අතර, ඒ තුළ සම්බාධක ද ඉවත් විය. නමුත් නැවත එම තත්ත්වය අහමදි නේදාඡ් බලයට පැමිණියොත් වෙනස්‌වීමට ඉඩ ඇත. (ඉරාන ආධ්‍යාත්මික නායක අයතුල්ලා අල් කමේනි අහමදි නේදාඡ්ට නැවත බලයට නොඑන ලෙස ඉල්ලා ඇත.)

එම තත්ත්වයන් තුළ මෙම සිරියා අර්බුදය ලෝකයේ බල කඳවුරු අතර ගැටුමක්‌ දක්‌වා ගමන් කිරීමේ සම්භාවිතාවක්‌ පවතී. ඒ බොහෝ බලවතුන් මෙම කලාපයේ බලය සඳහා තරගකාරී ලෙසින් සම්බන්ධ වීමත් කිසිදු බලවත් රාජ්‍යක්‌ බලය අතහැරීමට හෝ සටන් නතර කිරීමට රුචිකත්වයක්‌ නොදක්‌වන බැවිනි.

ලෝක යුද්ධයක ඊළඟ දිගැහැරුමකට බලපාන අනෙක්‌ ආසන්නතම කාරණය වන්නේ උතුරු කොරියාවේ න්‍යෂ්ටික වැඩ පිළිවෙළයි. විශේෂයෙන් උතුරු කොරියා කලාපයට මේ වන විටත් ඇමරිකා ගුවන්යානා ප්‍රවාහන නෞකාවක්‌ පිටත්කර යවා ඇති බව සඳහන්ය. එසේම මීට කලකට පෙර සිටම දකුණු කොරියාව ආශ්‍රිතව ඇමරිකා සොල්දාදුවන් 28000 ක්‌ පමණ නතර කර සිටී. තවද දකුණු කොරියාව තුළ “තාඡ්” නැමැති මිසයිල පද්ධතිය ද ස්‌ථාපනය කර ඇත. කෙසේ වෙතත් ඇමරිකාව මෑතක උතුරු කොරියා කලාපයට එවන ලද ගුවන්යානා ප්‍රවාහන නෞකාව මගින් කොරියාවේ නගර 24 ක්‌ විනාශ කළ හැකි න්‍යෂ්ටික බල යුද්ධ ශීර්ෂ 100 ක්‌ පමණ තිබූ බව පැවසේ. එසේම උතුරු කොරියාවේ fire power (ගිනි බලය) පිළිබඳව වාර්තාවල දැක්‌වෙන්නේ ඇමරිකාව උතුරු කොරියාවට විරුද්ධව යුද ක්‍රියාමාර්ගයකට එළඹෙන්නේ නම්, ඒ පළමු පැය ඇතුළත කාලතුවක්‌කු ප්‍රහාර පමණක්‌ 350,000 යොදවා දකුණු කොරියාවේ හා ජපානයේ ඇති ඇමරිකා යුද්ධ ශක්‌තිය විනාශ කළ හැකි බවයි.

මෙම තත්ත්වයන් සලකා බැලීමේ දී මෙය කලාපීය වශයෙන් විශාල තර්ජනයක්‌ සහිත බව හඳුනාගත හැකිය. උතුරු කොරියාවට බලපෑමක්‌ කළ හැකි එකම රට වන චීනයේ ජනපති ෂී ජිං පිං විසින්, ඇමරිකාවට උතුරු කොරියාවට විරුද්ධව කටයුතු කිරීමට හදිසි නොවන ලෙසත්, තවදුරටත් සිතා බලන ලෙසත් දැනුම් දී ඇත. කෙසේ නමුත් මෙම ගැටුම ඇවිලුනහොත් එය තුළින් ඉතා විශාල බලපෑමක්‌ සිදුවන බව නම් පෙන්වාදිය හැකිය. එය ආසියානු කලාපයටම තර්ජනයකි.

මෙම තොරතුරු විශ්ලේෂණය කර බැලීම තුළින් පෙනෙන්නට ඇති තත්ත්වය නම් ලෝක බලවතුන්ගේ බලකාමීත්වය තුළ ගැබ්ව ඇති භූ දේශපාලනික උපායමාර්ගවල අවසානය තෙවන ලෝක සංග්‍රාමයක්‌ වෙතට ලෝකය ගෙනයාම දැයි යන්නය. පළමු හා දෙවැනි ලෝක යුද්ධ පූර්ව ලෝක සංදර්භයන් ද මෙම වර්තමාන තත්ත්වයන්ට බොහෝ සෙයින් සමගාමීව පැවති බවත් දැක්‌විය හැකිය. ඇමරිකා ජනපති ට්‍රම්ප් මැතිවරණයට පෙර දුන් පොරොන්දු කඩ වෙමින් ඇමරිකාව සුපුරුදු න්‍යාය තුළ ගමන් කරන බවද හඳුනාගත හැකිය. මෙම සියලු තත්ත්ව ගොඩනැඟෙන ආකාරය දෙස රුසියාව නිහඬ ප්‍රතිපත්තියක සිට බලා සිටීම කෙරෙහි ද විද්වත් අවධානය යොමුව පවතී. තත්ත්වය එසේ වුවත් තෙවැනි ලෝක යුද්ධයක්‌ ඇති නොවේවායි අපි පතමු.

 

වෙසක්‌ සිරි නරඹන්න නොවේ මෝදි ලංකාවට එන්නේ යමපාලන දන්සැලෙන් බඩ පැලෙන්න කාලා ඉන්දියාවටත් රැගෙන යන්නයි

වෙසක්‌ සිරි නරඹන්න නොවේ
මෝදි ලංකාවට එන්නේ යමපාලන දන්සැලෙන්
බඩ පැලෙන්න කාලා ඉන්දියාවටත් රැගෙන යන්නයි
උදය ගම්මන්පිල

ජනතාව මේ ආණ්‌ඩුවට බලය දී තිබෙන්නේ වසර 5 කට පමණයි. එම නිසා වසර සිය ගණනකට ත්‍රිකුණාමලය වරාය සහ තෙල් ටැංකි සංකීර්ණය ඉන්දියාවට දීමට මේ ආණ්‌ඩුව කටයුතු කරනවා නම් ඒ පිළිබඳව ජනමත විමසීම සඳහා ජනමත විචාරණයක්‌ පැවැත්විය යුතු බව පාර්ලිමේන්තු මන්ත්‍රී පිවිතුරු හෙළ උරුමයේ නායක නීතිඥ උදය ගම්මන්පිල මහතා පැවැසීය.

ගම්මන්පිල මහතා එම අදහස්‌ ප්‍රකාශ කර සිටියේ ඊයේ (24 දා) පිවිතුරු හෙළ උරුමය පක්‌ෂ මුලස්‌ථානයේ පැවැති මාධ්‍ය හමුවේ දීය.

එහිදී වැඩිදුරටත් අදහස්‌ දැක්‌වූ ගම්මන්පිල මහතා මෙසේද? පැවැසීය

වෙසක්‌ උත්සවයේ ප්‍රධාන අමුත්තා ලෙස ඉන්දීය අගමැති මෝදි එනවා කිව්වාම බොහෝ දෙනෙක්‌ හිතුවේ වෙසක්‌ සිරි නරඹන්න එනවා කියලා. ඇත්තෙන්ම එන්නේ වෙසක්‌ සිරි නරඹන්න නොවේ. යමපාලන දන්සැලෙන් බඩ පැලෙන්න කාලා ඉන්දියාවටත් කෑම අරගෙන යන්න. මේ දන්සැලේ තිබෙන්නේ දුම්තෙල් බත්, අයිස්‌ක්‍රීම්, කිරි කෝපි නොවේ. ත්‍රිකුණාමලය වරාය, තෙල් ටැංකි සහ එක්‌ටා. වෙස්‌සන්තර රඡ්ජුරුවෝ නම් පින් තකා දන් දුන්නේ තමන්ගේ ධනය. නමුත් මේ පාලකයන් ඉන්දියාවට දන් දෙන්න යන්නේ සොබා දහමෙන් මුතුන් මිත්තන්ගෙන් අපට ලැබුණු උරුමය.

ත්‍රිකුණාමලය කියන්නේ ලොව විශිෂ්ටතම ස්‌වාභාවික වරාය දහයෙන් එකක්‌ පමණක්‌ නොවේ. ආසියාවේ උපාය මාර්ගික වශයෙන් වැදගත්ම ස්‌වාභාවික වරාය. මේ වරාය අත්පත් කර ගන්න ඉතිහාසය පුරා ඉන්දියාව, පෘතුගාලය, ප්‍රංශය, නෙදර්ලන්තය, එංගලන්තය සහ ජපානය යුද වැදිලා තිබෙනවා. බ්‍රිතාන්‍ය 1948 දී ලංකාවට නිදහස දුන්නත් ත්‍රිකුණාමල වරාය ඔවුන් තියා ගත්තා. 1957 දී බණ්‌ඩාරනායක අගමැතිතුමා තමයි වරාය නැවත ලංකාවට අත්පත් කර ගත්තේ. එහෙව් වරායක්‌ ලෝක බලවතකු වීමට සිහින මවන ඉන්දියාවට භාර දීම නරියට කුකුළන් භාර දීමක්‌.

ඉන්දියාව කියන්නේ අපේ ඓතිහාසික හතුරා. මහ වංශයේ තිබෙන්නේ වසර 2,600 පුරා ඉන්දියාව විසින් ලංකාව ආක්‍රමණය කළ හැටිත් ලංකාව නිදහස පතා සටන් කළ හැටිත් දැක්‌වෙන කතාන්දරය. අගමැතිතුමාගේ මාමා ඉන්දියානු හමුදා උතුරට ගෙන්නා ගෙන මහ විනාශයක්‌ වුණා. දැන් ත්‍රිකුණාමල වරාය ලබා දීමෙන් ශ්‍රී ලංකාව සදහටම ඉන්දියාවේ ප්‍රාන්තයක්‌ වීම නවත්වන්න බෑ. ත්‍රිකුණාමල තෙල් ටැංකිවලින් පටන්ගෙන මේ ගමන ශ්‍රී ලංකාව ඉන්දියාවේ ප්‍රාන්තයක්‌ වීම දක්‌වා ගමන් කිරීම නම් නතර කරන්න බැරිවෙනාවා කියන අනතුරු ඇඟවීම අපි කරනවා.

සුසිල් ප්‍රේමජයන්ත ඇමතිතුමා ඉතාම දූරදර්ශී යෝජනාවක්‌ ගෙනැවිත් තිබෙනවා. ලංකාවට ඛණිජතෙල් රැස්‌ කර තබා ගන්න පුළුවන් සති දෙකකට පමණයි. එය ජාතික ආරක්‌ෂාවට තර්ජනයක්‌. ඒ නිසා මෙම ටැංකි ලංකාවට අවශ්‍ය ඛණිජතෙල්

රැස්‌කර තබා ගන්න පාවිච්චි කරමු කියලා. එතුමා මේ යෝජනාව ප්‍රසිද්ධියේ පැවසීමෙන් පේන්නේ අවම වශයෙන් තෙල් ටැංකි ඉන්දියාවට ලබා දීම ඇමැති මණ්‌ඩලයේදී වත් සාකච්ඡා කරලා නැති බවයි. අගමැතිතුමන් තනිමතයට හිතුවක්‌කාරව මේ තීන්දු ගන්න බව තමයි සුසිල් ප්‍රේමජයන්ත මැතිතුමන්ගේ මේ ප්‍රකාෂයෙන් පේන්නේ.

මේ ආණ්‌ඩුව රට කෑලි කඩලා විකුණන්නේ දේපළ වෙන්දේසිකරුවන් වගේ. උතුර කොටියට. නැඟෙනහිර ඉන්දියාවට. දකුණ චීනයට. බස්‌නාහිර ඇමරිකාවට. මෙහෙම ගියොත් අපේ දරුවන්ට මොනවාද ඉතුරු වෙන්නේ? එදා ගැමුණු කුමාරයා යන්තම් වකුටුවෙලා නිදා ගත්තේ. අපේ දරුවන්ට නිදා ගන්න වෙන්නේ හැකරැල්ලෙක්‌ වගේ වකුටු වෙලා.

නඩු නැතිව නිදහස්‌ වූ කොටි ගුවන් බළකායේ දෙවැනියා කුශාන්තන්

නඩු නැතිව නිදහස්‌ වූ
කොටි ගුවන් බළකායේ දෙවැනියා කුශාන්තන්

2014 වසරේ අග භාගයේ දිනයක බොරැල්ලේ මැගසින් ත්‍රස්‌ත රැඳවුම් සිරමැදිරිය වෙත සැකකරුවෙක්‌ ගෙන ආ ත්‍රස්‌ත මර්දන නිලධාරීහු ඔහුව එහි රඳවා තැබීමට ක්‍රියා කළහ. මේ සැකකරුවා කවුදැයි ත්‍රස්‌ත මර්දන නිලධාරීන් හෙළි කළේ නැත. එම සිරමැදිරියේ ත්‍රස්‌ත චෝදනා එල්ලවූ සැකකාර පොලිස්‌ අධිකාරිවරයකු ද සිටියේය.

මේ සැකකරුවා වෙනින් කවුරුවත් නොව කොටි සංවිධානයේ වාන්පුලිගල් නමින් හඳුන්වන ගුවන් ඒකකයේ නියෝජ්‍ය නායක කුශාන්තන් සුන්දරලිංගම් හෙවත් කුශාන්තන් මාස්‌ටර් හෙවත් දර්ශන් ය.

දර්ශන් යන අන්වර්ථ නාමයෙන් හඳුන්වනු ලැබූ කුශාන්තයන්ට පැවරී තිබූ මෙහෙයුම වූයේ කටුනායක අනුරාධපුරය කොළොන්නාව සහ පලාලි වෙත බෝම්බ දැමීම ක්‍රියාත්මක කිරීමයි.

ඒ වනවිට කොටි සංවිධානය සතුව චෙක්‌ නිෂ්පාදිත ස්‌ලින් – ඉසඩ් 143 වර්ගයේ ගුවන් යානා දෙකක්‌ තිබුණි. 2007 මාර්තු 20 දා මෙම කොටි ගුවන් යානා දෙක කටුනායක ගුවන් හමුදා කඳවුරට බෝම්බ දැමීමෙන් ගුවන් භටයන් තිදෙනකු මරුමුවට පත් වූහ. ඉන්පසු 2007 අප්‍රේල් 23 දා පලාලි වෙත බෝම්බ දැමීමෙන් ගුවන් භටයන් තිදෙනකු මරුමුවට පත් විය. ඉන්පසු 2007 අප්‍රේල් 23 දා පලාලි අසළ හමුදා බංකරයකට හෙළු බෝම්බවලින් සෙබළුන් 6 ක්‌ ජීවිතක්‍ෂයට පත් වූහ. 2007 ඔක්‌තෝබර් 22 දා කොටි ගුවන් යානාවක්‌ අනුරාධපුර ගුවන් හමුදා කඳවුරටද බෝම්බ දැමීය.

2008 වසරේ අගෝස්‌තු 26 දා කොටි ගුවන් යානාවක්‌ ත්‍රිකුණාමලයේ නාවික කඳවුරටද බෝම්බ දැමීම නිසා නැවියන් සිවුදෙනෙක්‌ මියගියහ.

එම වසරේම සැප්තැම්බර් 9 දා වවුනියාව හමුදා කඳවුරටද බෝම්බ දමනු ලැබීය. එම බෝම්බ ඉලක්‌ක වූයේ ඉන්දියාව විසින් වවුනියාව කඳවුරේ ස්‌ථාපිත කර තිබූ ඉන්ද්‍රd රේඩාර් පද්ධතිය වැනසීමය.

මේ ඉන්ද්‍රd රේඩාර් පද්ධතිය එම අවස්‌ථාවේ අක්‍රියවී තිබූ බව වාර්තා විය. පසුව රජය චීනයෙන් ත්‍රිමාන රේඩාර් පද්ධතියක්‌ ගෙනැවිත් මීරිගම ප්‍රදේශයේ ස්‌ථාපිත කරනු ලැබීය.

අනතුරුව කොටි සංවිධානය 2008 ඔක්‌තෝබර් 28 දා මන්නාරම තල්ලඩි හමුදා කඳවුරට බෝම්බ දැමූ නමුත් ඉලක්‌කය වැරදුනි. එම දිනයේම කොළඹ කැලණිතිස්‌ස විදුලි බලාගාරය වෙතද බෝම්බ දැමීමෙන් බරපතළ හානියක්‌ සිදු විය.

මෙම ත්‍රස්‌ත මෙහෙයුම්වලින් පසුව 2009 පෙබරවාරි 20 දා කොටි ගුවන් ඒකකය ජපන් කමිකාසේ හෙවත් මරාගෙන මැරෙන ක්‍රමයේ ප්‍රහාරයක්‌ කොළඹ ගුවන් හමුදා මූලස්‌ථානයට එල්ල කළත් ඉලක්‌කය වැරදී කොටි ස්‌ලින් යානාව දේශීය ආදායම් දෙපාර්තමේන්තු ගොඩනැඟිල්ලේ ගැටී විනාශ විය. එම අවස්‌ථාවේම තවත් කොටි ගුවන් යානාවක්‌ කටුනායක ගුවන් කඳවුර වෙත ප්‍රහාර එල්ල කළත් ඉන්දියාව සපයා තිබූ බෝෆොaර් ගුවන් යානා නාශක අවි ප්‍රහාරයකට ලක්‌වී එම යානාවද කඩා වැටී විනාශ විය.

මේ ප්‍රහාර සියල්ල මෙහෙයවූ වාන් පුලිගල් කොටි ගුවන් ඒකකයේ නියෝජ්‍ය නායක කුශාන්තන් අසුවූයේ නැත. ක්‍රම ක්‍රමයෙන් කොටි පරාජය වී කුශාන්තන් පිළිබඳව අමතක විය.

එහෙත් මැලේසියාවේ නියෝජ්‍ය මහ කොමසාරිස්‌ ලෙස කටයුතු කළ මේජර් ජනරාල් සුමිත් මානවඩුට කුශාන්තන් අමතක වූයේ නැත. ශ්‍රී ලංකාවට පැමිණීම සඳහා තම ගමන් බලපත් අළුත් කිරීම සඳහා ක්‌වාලාලාම්පූර් නුවර ශ්‍රී ලංකා මහකොමසාරිස්‌ කාර්යාලයට සිය ගමන් බලපත් ලබා දුන් පිරිස අතර කුශාන්තන් සුන්දරලිංගම් නමැත්තකු ද සිටින බව දුටු මේජර්ජනරාල් වරයා මැලේසියාවේ බූකින් අමාත් ත්‍රස්‌ත මර්දන ඒකකයේ සහයෙන් දියත් කළ වැටලීමකදී සැකකටයුතු තිදෙනෙක්‌ අසු විය. ඉන් එක්‌ අයෙක්‌ වූයේ කුශාන්තන්ය.

මේ වනවිට එක්‌සත් ජාතීන්ගේ සරණාගත කාර්යාලය කුශාන්තන්ට සරණාගත හැඳුනුම්පතක්‌ ලබාදී තිබුණි.

කුශාන්තන් අසුවූ බව මැලේසියාවේ කොටි ඩයස්‌පෝරාවට වාර්තා විය. ඔවුහු කොටි හිතවාදියකුවූ මැලේසියාවේ පිනැන් ප්‍රාන්තයේ නියෝජ්‍ය මහ ඇමැති පලනිසාමි රාමසාමිගේ මෙහෙයවීම මත අධිකරණය වෙත පෙත්සමක්‌ ගොනු කරමින් එක්‌සත් ජාතීන්ගේ සරණාගතයකු මැලේසියාවෙන් පිටුවහල් කිරීමට උත්සාහ කරන බවත් එය නතර කරන ලෙසත් නියෝග කරන්නැයි ඉල්ලීමක්‌ කළහ.

කොටි ගුවන් ඒකකයේ නියෝජ්‍ය නායකයා ව බේරා ගැනීමට මැලේසියා කොටි ඩයස්‌පෝරාව උත්සාහ කරන බව මැලේසියා පොලිසියෙන්ම මේජර් ජනරාල්වරයාට ද වාර්තා විය.

මේ නිසා දැඩි කලබලයට පත් මේජර් ජෙනරාල් මානවඩු 2014 මැයි 29 දා කුශාන්තන්ව මෙරටට එවීමේ කටයුතු ලහි ලහියේ සූදානම් කරනු ලැබීය.

ඒ වනවිට ශ්‍රී ලන්කන් ගුවන් සේවාවේ යානාවක්‌ ක්‌වාලලාම්පූර් සිට කොළඹ බලා ඒමට සූදානම් වී තිබුණි. මේ අතර ක්‌වාලාලාම්පූර් අධිකරණය රාමසාමිගේ අයදුම්පත පිළිගනිමින් කුශාන්තන්ව ශ්‍රී ලංකාවට යෑවීම වහාම අත්හිටුවන ලෙස දක්‌වමින් ආගමන විගමන බලධාරීන්ට නියෝගයක්‌ නිකුත් කරනු ලැබීය.

මේ නියෝගය වහාම දුරකථනය මගින් ක්‌වාලාලාම්පූර් ගුවන් තොටුපළේ ආගමන විගමන ප්‍රධානියා වෙත දන්වන ලෙසද අධිකරණය වැඩිදුරටත් නියෝග කර තිබුණි.

එහෙත් ආගමන විගමන ප්‍රධානියාගේ මේසයේ තිබූ දුරකථනය කීපවතාවක්‌ම නාද වුවත් රිසිවරය අතට ගැනීමක්‌ සිදුවී නැත. එම පසුබිම මැද කුශාන්තන්ව ශ්‍රී ලන්කන් ගුවන් යානාවට ගොඩ කිරීමට කොළඹින් ගිය ත්‍රස්‌ත මර්දන නිලධාරීන්ට හැකි විය.

කොටි යුද්ධය අවසන්වී පස්‌ වසරකට පසු කුශාන්තන් අසුවීම ගැන ශ්‍රී ලංකා රජය ලත් විශාල ජයක්‌ බව කොටි ඩයස්‌පෝරාවට සම්බන්ධ වූවෙක්‌ පවසා තිබුණි. කොටි සංවිධානයේ වඩාත්ම වටිනාකමක්‌ ඇති කුශාන්තන් හෙවත් දර්ශන් අසුවීම කොටි ඩයස්‌පෝරාව ලත් පරාජයක්‌ බව එම ඩයස්‌පෝරා ක්‍රියාකාරියා තවදුරටත් පවසා තිබුණි. මේ වනවිට මෙරට බුද්ධි අංශවලට වාර්තා වී තිබුණේ සිවරාසා පිරුන්තබන් හෙවත් අච්චුදන් කොටි ගුවන් ඒකකයේ ප්‍රධානියා බවයි. කුශාන්තන් මෙන්ම අච්චුදන් ද ගුවන් නියමුවෙකි. අච්චුදන් ජාත්‍යන්තර පොලිසියට අවශ්‍ය කරන අයකු ලෙස රතු වරෙන්තුව ප්‍රකාශයට පත් වී තිබුණත් කුශාන්තන්ට එරෙහිව රතු වරෙන්තුවක්‌ නිකුත් කිරීමට ශ්‍රී ලංකා පොලිසිය ක්‍රියා කර නොතිබුණි.

ඒ වනවිට අච්චුදන් හා බිරිය ප්‍රංශයට පැනගොස්‌ ඇති බවට වාර්තා විය.

එහෙත් කොටි ගුවන් ඒකකයේ මෙහෙයුම් සැලසුම් දියත් කළේ කුශාන්තන් බව අනාවරණය විය.

මුල්ලිවයික්‌කාල් බංකරයක තිබී හමුවූ කොටි ගුවන් ඒකකයේ ඡායාරූපවලින් අච්චුදන්ගේ සහ කුශාන්තන්ගේ සියලු තොරතුරු අනාවරණය විය.

කුශාන්තන්ගේ ගුරුවරයා වූයේ ශංකර්ය. 2001 සැප්තැම්බර් 27 දා පුදුකුඩියිරිප්පු මාර්ගයේ අටවා තිබූ බිම් බෝම්බයකින් ශංකර් මරුමුවට පත් විය. මෙම බිම්බෝම්බය අටවා තිබුණේ ශ්‍රී ලංකා හමුදාවේ දිගු දුර විහිදුම් බළකාය බවට වාර්තා විය.

මේ අතර කුශාන්තන් ශංකර්ගේ ඥාති දියණියක්‌ වූ රෝහිනී විවාහ කර ගත්තේය. එම විවාහ මංගල්‍යය පැවැත්වූයේ ප්‍රභාකරන් සහ ඔහුගේ බිරියගේ ප්‍රධානත්වයෙනි.

මෙලෙස කොලොන්නාව තෙල් ටැංකිය, කටුනායක ගුවන් හමුදා කඳවුර ඇතුළු ආරක්‍ෂක උපාය මාර්ගික කේන්ද්‍රස්‌ථාන කීපයකට කොටි ගුවන් ප්‍රහාර එල්ල කිරීමේ මෙහෙයුම් දියත් කළ කුශාන්තන් හෙවත් දර්ශන් වැඩි කලක්‌ බොරැල්ලේ ත්‍රස්‌ත රැඳවුම් මධ්‍යස්‌ථානයේ සිරගත වී සිටියේ නැත.

ඔහු දිනක්‌ තම සිරමැදිරියේ සිටි සහකාර පොලිස්‌ අධිකාරිවරයකු අමතා මෙලෙස පැවසීය.

“මම හෙට නිදහස්‌ වෙනවා. මට නඩු පැවරීමට චෝදනා නැහැ. මම නිදහස්‌ වන්නේ ඔබලාගේ නීතියෙන් යෑයි ඔහු කියා සිටියේය.

කුශාන්තන් කීවේ සැබෑවකි. ත්‍රස්‌ත මර්දන ඒකකය ඔහුට අධි චෝදනා මත නඩු පැවරුවේ නැත. චෝදනා ගොනු කළේ ද නැත. බූස්‌ස සිරකඳවුරේ ද සිටි කුශාන්තන් එකවරම නිදහස්‌ විය. කොටි ගුවන් ඒකකයේ නියෝජ්‍ය ප්‍රධානියා නිදහස්‌ වූයේ කෙසේ දැයි රජයේ බලධාරීන් පවා පැවසුවේ නැත.

ත්‍රස්‌ත සිරකරුවන් රඳවා සිටි මධ්‍යස්‌ථානයෙන් නිදහස්‌ වීමට පැය 24 කට පෙර කුශාන්තන් තමා සමඟ එහි සිටි හිටපු සහකාර පොලිස්‌ අධිකාරිවරයකුට පැවසුවේ එම පොලිස්‌ නිලධාරියාට එරෙහිව රජයේ සාක්‌කිකරුවකුවී සාක්‍ෂි දෙන්නේ කොටි බුද්ධි අංශයේ ප්‍රබලයකු වූ සේරා අම්මාන් බවයි.

කුශාන්තන් නිදහස්‌ වී යන අවස්‌ථාවේ ඔහුව අල්ලා ගැනීමට මහත් වෙහෙසක්‌ දැරූ මේජර් ජනරාල් මානවඩු ජීවතුන් අතර සිටියේ නැත. මේජර් ජනරාල්වරයා ඉදිකරමින් තිබූ ගොඩනැගිල්ලකින් එල්ලවූ පරාලයක්‌ හිසේ වැදීමෙන් ජීවිතක්‍ෂයට පත්වූ බව වාර්තා විය.

එහෙත් ඉහළ පෙළේ හමුදා ආරංචි මාර්ග පැවසුවේ කලකට පෙර මාතරදී පැවැති හමුදා ආචාර පෙළපාලියක්‌ නරඹමින් සිටි අවස්‌ථාවේ ප්‍රබල තරුණියක්‌ “බලා ගනින් නුඹට වන දේ” යෑයි ඔහුට තර්ජනය කර තිබූ බවයි.

මේජර් ජනරාල් මානවඩු කොටි ගුවන් ඒකකයේ නියෝජ්‍ය නායක කුශාන්තන්ගේ දෛවයේ දොර වසා දැමීමට ගත් උත්සාහය අසාර්ථක විය.

මේ පසුබිම මැද රටේ ස්‌ථාන කීපයකට බෝම්බ දැමීමේ මෙහෙයුම් දියත් කළ කුශාන්තන් නිදහස්‌ වීම ද මවිතයට තුඩු දෙන සිද්ධියකි.

මගේ බිරිය බ්‍රිතාන්‍යයේ සිටිනවා – මම බ්‍රිතාන්‍ය වෙත යනවා ත්‍රස්‌ත රැඳවුම් භාරයෙන් නිදහස්‌ වූ කුශාන්තන් අවසන් වරට තමා සමඟ සිරමැදිරියේ සිටි පිරිස අමතා කියා සිටියේය.

ඔහු සිර මැදිරියෙන් යනවිට සිනාසුණේය. ඒ සමච්චල් සිනාවකි. මේ කොටි ත්‍රස්‌තයා නිදහස්‌ වූ බව රටේ ජනතාවට පවා වසන් විය. එසේ නම් කොටි ගුවන් යානාවල බෝම්බ ප්‍රහාරවලට ලක්‌වී මියගිය සෙබළුන් වෙනුවෙන් යුක්‌තිය ඉටු වූයේද?

මැලේසියානු ත්‍රස්‌ත මර්දන පොලිසියේ සහයෙන් අල්ලා ගත් කුශාන්තන්ගෙන් මේජර් ජනරාල්වරයා ප්‍රශ්න කිරීමේදී පැවසුවේ තම මෙහෙයුම් මධ්‍යස්‌ථානය ඉරණමඩු සිට ක්‍රියාත්මක වූ බවත් ස්‌ලින් යානා දෙක ගුවන් ගත වූයේ ඉරණමඩු කොටි ගුවන් ධාවන පථයේ සිට බවයි. 2007 දී තමාව ප්‍රභාකරන් විසින් කොටි ගුවන් ඒකකයට පත් කළ බවද කුශාන්තන් තවදුරටත් අනාවරණය කර ඇත.

මෙලෙස ශ්‍රී ලංකා රජය කුශාන්තන් අත්අඩංගුවට ගැනීම සහ පසුව නිදහස්‌ කිරීම ගැන ද්‍රවිඩ සංධානය ද නිහඬ විය.

මේ අතර ජිනීවා මානව හිමිකම් සමුළුව සමයේ ශ්‍රී ලංකාවට එරෙහිව ක්‍රියාත්මක වන කොටි අවතාර විටින් විට මතුවේ. මින් එක්‌ කොටි අවතාරයක්‌ ලෙස එස්‌. වී. කිරුබාහරන් නමැත්තා දැක්‌විය හැක. මොහු පසුගිය සතියේ දිනෙක රියර් අද්මිරාල් සරත් වීරසේකර සහ මානව හිමිකම් සමුළුවේදී කොටි ත්‍රස්‌තයන්ට එරෙහිව හඬ නැඟූ ජෙගන් යුද අපරාධකරුවන් බවට ප්‍රචාරයක්‌ දියත් කරනු ලැබීය. ශ්‍රී ලංකාවට සහය වූ සංජෝයි නමැති මානව හිමිකම් ක්‍රියාකාරියාට ද ඔහු දොaෂාරෝපණය කර ඇත. එහෙත් කිරුබාහරන් කවුද?

කැනඩා පොලිසියේ විමර්ශන නිලධාරී ස්‌ටිම් ඩුබ්රෝව් කිරුබාහරන්ට ද චරිත සහතිකයක්‌ දී තිබේ. ඔහු එම චරිත සහතික වාර්තාව කැනඩා නීතිපති වෙතද ඉදිරිපත් කර තිබේ.

ජිනීවා මානව හිමිකම් කවුන්සිලයේ සෑම තැනකම සැරිසරන කිරුබාහරන් නමැති තක්‌කඩියා පිළිබඳව ඩුම්රෝව් තම වාර්තාවේ මෙලෙස දක්‌වා ඇත.

2004 ජුලි 20දා සිට 30 දක්‌වා කාලය තුළ වන්නියේ පැවැති විදේශ ක්‍රියාකාරීන් සඳහා වූ කොටි සම්මන්ත්‍රණයට කොටි ජාත්‍යන්තර මහලේකම් කාර්යාලය විසින් කොටි ක්‍රියාකාරීන් රැසකට ඇරයුම් කර තිබුණි.

මේ කොටි ක්‍රියාකාරීන් අතර වී. කිරුබාහරන් (ප්‍රංශය) යන නමද සඳහන් වී තිබුණි. ඊට අදාළ රහසිගත ලැයිස්‌තුව කැනඩාවේ මොන්ටි්‍රයල් නුවර ලෝක ද්‍රවිඩ සංවිධාන කාර්යාලයේ තිබී කැනඩා පොලිස්‌ විමර්ශකයා සොයාගෙන තිබුණි. වී. කිරුබාහරන් යනු එස්‌. වී. කිsරුබාහරන් නමැත්තායි.

මොහු ඇතුළු අනිකුත් විදේශ කොටි ක්‍රියාකාරීන්ට දේශන පවත්වා ඇත්තේ කොටි ජාත්‍යන්තර මහලේකම් කාර්යාලයේ ප්‍රධානි මනිවන්නන්. කොටි නායක ප්‍රභාකරන්, නීලවන් (කළු කොටි පිළිබඳව) මුහුදු කොටි නායක සුසෙයි. කොටි කාන්තා බලඇණියේ විදුෂා, කොටි හමුදා නායක බානු , කොටි දේශපාලන නායකයාව සිටි තමිල්සෙල්වන් යාපනය කොටි හමුදා නායකයාව සිටි බාල්රා-, ප්‍රභාකරන්ගේ සමීපතම සගයා වූ බාලකුමාරන් සහ කොටි මූල්‍ය අංශයේ නායකයාව සිටි වෙට්‌ටිවරායන් ඇතුළු කොටි හමුදා නායකයන් පිරිසකි.

කැනඩා පොලිසියේ විමර්ශක ස්‌ටිව් ඩුප්රොවල් තම වාර්තාවේ මෙලෙස දක්‌වා ඇත. කොටි ජාත්‍යන්තර මහලේකම් කාර්යාලය වැඩමුළුව මැයෙන් සකස්‌ කළ පොත පිළිබඳව මම පූර්ණ නිරීක්‍ෂණයක්‌ කළෙමි. එම පොතේ සඳහන් කර ඇත්තේ කොටි විදේශ ක්‍රියාකාරීන් පුහුණු කිරීම සඳහා වැඩමුළුව පැවැත්වෙන ආකාරයයි.

This booklet describes a training workshop given to LTTE Foreign Activitists.

ඩුබ්රෝව්ගේ මෙම වාර්තාව තුළින් කිරුබාහරන් කොටි ජාත්‍යන්තර ජාලයේ ක්‍රියාකාරිකයකු ලෙසට තහවුරු කර ඇත. එසේ නම් තවත් සාක්‍ෂි කුමකටද?

එහෙත් කිsරුබාහරන් කොටි ත්‍රස්‌තයා මානව හිමිකම් ගැන හඬ නඟමින් මානවහිමිකම් කවුන්සිලයේ සැරිසරයි. කැනඩා පොලිසියේ මෙම විමර්ශන වාර්තාව අපි මානව හිමිකම් කොමසාරිස්‌ සෙයිද් රාද් හුසේන් සහ ඔහුගේ සහායක ඇන්ඩ්රු ගිල්මෝ වෙත යොමු කරන්නෙමු.

එසේම කොටි ත්‍රස්‌තවාදීන්ට මානව හිමිකම් සමුළුවේ දොර විවෘත වී ඇති බව අපි අනාවරණය කළේ මෙවන් කොටි ත්‍රස්‌තයන් “වීරයන්” ලෙසින් මානව හිමිකම් කවුන්සිලය තුළ සැරිසරන නිසාය.

කිරුබාහරන් කොටියා නටන නාඩගම අවසන්වී නැත. ඔහුගේ සහයට ඩැනී ලෙස කටයුතු කරන්නේ 1971 වසරේ ආයුධ බලයෙන් ප්‍රජාතන්ත්‍රවාදී රජය පෙරළා දැමීමට උත්සාහ කර අසාර්ථක චරිතයක්‌ වූ සුනන්ද දේශප්‍රිය නොහොත් රංජිත්ය. මෙවන් පසුබිමක්‌ මැද ජිනීවා මානව හිමිකම් සමුළුව පැවැති සමයේ ශ්‍රී ලංකාවට එරෙහිව විදේශ රාජ්‍ය නොවන සංවිධාන දෙකක්‌ සාවද්‍ය වාර්තා 13 ක්‌ ඉදිරිපත් කර තිබූ බව අනාවරණය විය.

ටර්නර් ලා පේ- සහ භාරති සෙන්ටර් නමැති රාජ්‍ය නොවන සංවිධාන දෙක ඊට දායක වී ඇත. ඉන් සාවද්‍ය වාර්තා නවයක්‌ ම ඉදිරිපත් කර ඇත්තේ ප්‍රංශයේ සිට ක්‍රියාත්මක වන භාරති සෙන්ටර් නමැති සංවිධානයයි. මේ සංවිධානයේ ප්‍රධානියා ලෙස කටයුතු කරන්නේ මොහන්රා- මරියද්‍රdස්‌ නමැති ඊළම්වාදියායි.

මේ අතර ද්‍රවිඩ සංධානය උතුරෙන් හමුදාව ඉවත් කර ගැනීම සඳහා යුද්ධය ඉවරයි. තවදුරටත් හමුදාව උතුරේ රැඳී සිටින්නේ කුමකටද යන තර්කය ඉදිරිපත් කර ඇත. මෙය ප්‍රයෝගකාරී සංකල්පයකි.

උතුරෙන් හමුදාව ඉවත් කර ගැනීම සඳහා ද්‍රවිඩ සංධාන නායක ආර්. සම්පන්දන්, මාවයි සේනාධිරාජා ඇතුළු පිරිස ත්‍රිවිධ හමුදාපතිවරුන් සමඟ සාකච්ඡා පවත්වා ඇත.

එම සාකච්ඡා පැවැත්වීමෙන් පසු මන්නාරම, යාපනය, මාර්ගයේ පිහිටි නයාරු හමුදා කඳවුර ඉවත් කර ගෙන තිබුණි. සිංහලයනට සතියක්‌ ගත වනවිට සියලු දේම අමතක බව පැවසුවේ ප්‍රභාකරන් ය. අද එම ප්‍රකාශය ඉදිරියට ගෙන යන්නේ ද්‍රවිඩ සංධානයයි.

එහෙත් ජාතික ආරක්‍ෂාවට සම්බන්ධ කේන්ද්‍රස්‌ථානවල ඉඩම් මුදාහැරීමට ත්‍රිවිධ හමුදාපතිවරු සම්පන්දන්ලා සමග සාකච්ඡා පවත්වන්නේ කුමකටද? එසේම තවත් හාස්‍යජනක සිද්ධියක්‌ වාර්තා විය. ඒ මුලතිව් ප්‍රදේශයේ රජයේ ඉඩම්වලින්ද හමුදාව ඉවත් කළ යුතු බවට විරෝධතාකරුවන් විරෝධතා පවත්වද්දී හමුදාව සිංහල, දෙමළ අලුත් අවුරුද්ද නිමිත්තෙන් ඔවුන්ට ආහාර පාර්සල් ලබාදීමයි. මේ අතර කුශාන්තන් සමග මැලේසියාවේදී අත්ඩංගුවට ගත් කපිතන් ඉන්දික සංජීව හෙවත් සාන්- මොහමඩ් ද නිදහස්‌ විය. ඔහු පොට්‌ටුඅම්මාන්ට තොරතුරු සැපයූ බව හෙළිවිය.

ත්‍රස්‌ත මර්දන නිලධාරීන් කපිතාන් ඉන්දික සංජීව යොමු කර තිබුණේ යාපනයේ අධිකරණය වෙතයි. ඔහුගේ පාපොච්චාරණය අධිකරණය පිළිගත්තේ නැත.

කැනඩාවේ “ප්‍රභාකරන්” යාපනයට පැමිණෙයි

කැනඩාවේ “ප්‍රභාකරන්” යාපනයට පැමිණෙයි

මානව හිමිකම් කවුන්සිලයේ යෝජනාවට
සම අනුග්‍රහකත්වය දැක්‌වීමෙන් ශ්‍රී ලංකාව අපිව මවිතයට පත් කළා.
– ඇමරිකානු රාජ්‍ය ලේකම් රෙක්‌ස්‌ ටිලර්සන්

ලෝක ඉතිහාසයේ කිසිම රටක්‌ තම හමුදාව යුද අපරාධ කළ බව පිළිගනිමින් ඒ ගැන පරීක්‍ෂණ පැවැත්වීමට එකඟ වී නැත. එහෙත් මුල්වරට ශ්‍රී ලංකා රජය විසින් ඇමරිකාව ප්‍රමුඛ බටහිර රටවල් කීපයක්‌ ඉදිරිපත් කළ ශ්‍රී ලංකාවට එරෙහි යෝජනාවට සම අනුග්‍රහය ලබාදී යුද අපරාධ චෝදනා විමර්ශනයට එකඟ වූයේය. ඒ සඳහා වසර දෙකක කාලයක්‌ ද ලබාගත්තේය. එහෙත් කොටි පරාජයවීම නිසා නිදහසේ මාර්ගවල යන ජනතාව ජිනීවාහිදී එකඟ වූ යෝජනාවේ භයානක කම දුටුවේ නැත. මන්දයත් ජිනීවාහිදී අපි ජයලැබුවා යෑයි රජයේ දේශපාලකයන් ජනතාව හමුවේ පැවසීමයි. එසේ වුවත් සැබෑ යථාර්ථය කුමක්‌ද? ජිනීවා මානව හිමිකම් සමුළුවේදී ඡන්ද විමසිමකින් තොරව සම්මත වූ යෝජනාව සංහිඳියාව ගැන නොව යුද අපරාධ චෝදනා එල්ල වන හමුදා නිලධාරීන්ට නඩු පැවරීමයි.

ශ්‍රී ලංකාවේ කොටි භීෂණය නැති කළ හමුදා නිලධාරීන්ට එරෙහි මෙම ජිනීවා යෝජනාව ක්‍රියාත්මක කිරීම සඳහා මානව හිමිකම් කොමසාරිස්‌ සෙයිද් රාද් හුසේන් සාමාජික රටවල්වලින් ඩොලර් 362000 ක (රුපියල් පන්කෝටි පනස්‌හත් ලක්‍ෂ හතලිස්‌ අට දහසක්‌) ඉල්ලා සිටියි. ඉන් කොටසක්‌ ශ්‍රී ලංකාවද දැරිය යුතුයි.

රජය ජිනීවාහිදී එකඟ වූයේ කොතරම් අපූරු යෝජනාවකටදැයි දැන්වත් ජනතාවට තෙරුම් යනු ඇත.

ශ්‍රී ලංකාවේ හමුදාවට යුද අපරාධ චෝදනා එල්ල වන ජිනීවා යෝජනාවට ශ්‍රී ලංකාවද එකඟවන අවස්‌ථාවේ ඊට සමගාමීව ඊශ්‍රායලයට එරෙහිවද යෝජනා පහක්‌ සම්මත විය.

ඉන් එක්‌ යෝජනාවක්‌ වූයේ ඊශ්‍රායලය යුද අපරාධ කළ බවයි. එහෙත් බ්‍රිතාන්‍ය තානාපතිවරයා එම යෝජනාවලට එරෙහි වෙමින් මානව හිමිකම් කවුන්සිලය මින්පසු ඊශ්‍රායලය පිළිබඳව අනුගමනය කරන පිළිවෙත වෙනස්‌ නොකළහොත් යෝජනාවලට එරෙහිව ඡන්දය පාවිච්චි කරන බව කියා සිටියේය.

ඇමරිකානු තානාපතිවරයා ඊශ්‍රායලයට එරෙහි යෝජනාවට විරෝධය පළ කරමින් මානව හිමිකම් කවුන්සිලය එක්‌ රටක්‌ කෙරේ සමතුළිත භාවයක්‌ නැතිව ක්‍රියා කරන බව පවසා එම යෝජනාවට විරුද්ධව ජන්දය භාවිතා කළේය.

එහෙත් ශ්‍රී ලංකාව තමන්ට එරෙහි යෝජනාවට සම අනුග්‍රාහකත්වය දැක්‌වීම නිසා ශ්‍රී ලංකාවේ මිත්‍රශීලී රටවල්වලට ඊට එරෙහිවීමට නොහැකි විය.

ජිනීවාහිදී සම්මත වූ 30/1 සහ 34/1 යෝජනා දෙකින්ම කියා සිටින්නේ එකම ක්‍රියාදාමයයි.

ඒ ජාත්‍යන්තර නීතිය යටතේ ශ්‍රී ලංකාවේ හමුදාවට එරෙහිව නඩු පැවරිය යුතු බවයි. මේ යෝජනා දෙකින්ම ආරක්‍ෂක හමුදාව සෘජුව ඉලක්‌ක කර ඇත. එය තවදුරටත් පැහැදිලි වන්නේ 2015 ඔක්‌තෝබර් 1 දා සම්මත වු ජිනීවා යෝජනාව 2017 දී කිසිදු සංශෝධනයකින් තොරව ක්‍රියාත්මක කිරීමට රජය එකඟ වීමයි.

රජය එක්‌පසකින් තම හමුදාව සිදු කළ බව කියන යුද අපරාධ ගැන විමර්ශනය කිරීමට එකඟවෙද්දී උතුරේ සිට ජිනීවා ගිය කොටින්ට සම්බන්ධ ජින්බැන්ඩ් කල්ලිය වසර 21 කට පෙර සිදු වු කුමාරපුරම් ඝාතනය ජාත්‍යන්තර කරණය කරනු ලැබීය. ඊට යාපනයේදී මෑතකදී පිහිටුවාගත් අඩයාලම් මධ්‍යස්‌ථානය නැමැති රාජ්‍ය නොවන සංවිධානයේ පර්යේෂිකාවක්‌ යෑයි හඳුන්වා ගත් දර්ෂා ජෙගතීස්‌වරුන් මන්නාරම පුරවැසි කමිටුවේ ප්‍රධානී ඒමානුවෙල් සබමාලෙයි පියනම ලන්ඩන්නුවර සිට ක්‍රියාත්මක වන ටැමිල් ගාඩියන් පුවත්පතේ කර්තෘ අබිනායා නාදන් නැමැත්තියද සම්බන්ධ විය.

මින් දර්ෂා ජෙගතීස්‌වරන් නැමැත්තිය ඇමරිකාවේ සිට ක්‍රියාත්මක වන පර්ල් නැමැති කොටි හිතවාදී සංවිධානයේ අධ්‍යක්‍ෂකවරියකි. ඇයට අමතරව අඩයාලම් මධ්‍යස්‌ථානයේ පර්යේෂිකාවක්‌ වූ නිරන්ජලා අරුලානන්දි ද ශ්‍රී ලංකාවට එරෙහිව කරුණු දැක්‌වීමට ක්‍රියා කරනු ලැබීය. ඔවුන් නීතිපති දෙපාර්තමේන්තුව දේශපාලනීකරණය වී ඇති බවට චෝදනා කරමින් ශ්‍රී ලංකාව සම්බන්ධ පරීක්‍ෂණයට ජාත්‍යන්තර විනිසුරන්, විමර්ශකයන් සහ අභිචෝදකයන් අවශ්‍ය බව කියා සිටියහ.

මේ යාපනයේ කල්ලිය ජිනීවා ගිය මුල්වතාව මෙයයි. එහෙත් වසර 21 කට පෙර සිsදු වු කුමාරපුරම් ඝාතනය සියෑසින් දුටුවාක්‌ මෙන් ඔවුන් 1956 සිට 2008 දක්‌වා කාලය තුළ ස්‌ථාන 88 කදී ද්‍රවිඩයන් සමූලඝාතනය වී ඇති බවට තම වාර්තාවේ දක්‌වා තිබුණි.

ජිනීවාහිදී ශ්‍රී ලංකාවට එරෙහිව ප්‍රකාශයට පත් වූ මෙම වාර්තාව ඉන්පසු යාපනය විශ්වවිද්‍යාලයට ගෙනවුත් එහිදීද ප්‍රකාශයට පත්විය. යාපනය විශ්වවිද්‍යාලයේ පැවැති සාකච්ඡාවට ඇමරිකාවේ සිට පැමිණි ඊළම්වාදිනියක්‌ වූ නිම්මි ගෞවරිනාදන් පර්ල් සංවිධානයේ මාරියෝ අරුල්තාස්‌ මාධ්‍යවේදියකු බව කියන ෂාන් උදය රාසා සහ යාපනය විශ්වවිද්‍යාලයේ නීතිපීඨයේ ප්‍රධානී කුමාරවේල් ගුරුපරන් නැමැත්තාද සම්බන්ධ විය. එහෙත් රජයේ යාන්ත්‍රණය යාපනය විශ්වවිද්‍යාලය තුළත් ජිනීවා මානව හිමිකම් කවුන්සිලය වෙත නොව තමන්ට එරෙහිව ක්‍රියාත්මක වන සතුරු බලවේග හඳුනාගෙන නැත.

මේ කිසිවෙක්‌ කොටි සංවිධානය සිදු කළ යුද අපරාධ ගැන හඬ නගා නැත. මෙහිදී මාරියෝ අරුල්නාත් නැමැත්තා මියගිය කොටි මිනීමරුවන් විශාල ලෙස සැමරීමට ඉඩදිය යුතු බව පවසා ඇත. ඔහු යාපනයේ විශ්වවිද්‍යාලයේ දී සෘජුව පවසා ඇත්තේ මහාවීර් නාල් හෙවත් මියගිය කොටි ත්‍රස්‌තයන් සැමරීමට ඉඩදීම ජිනීවා යෝජනාවේ දැක්‌වෙන වගවීමේ ක්‍රියාවලියේ එක්‌ අංගයක්‌ විය යුතු බවයි.

මෙලෙස කොටි හිතවාදීහු කොටි මිනීමරුවන්ව සැමරීම සඳහා දැඩි උත්සාහයක යෙදෙන අවස්‌ථාවේ රියර් අද්මිරාල් සරත් වීරසේකර ජිනීවා ගොස්‌ ශ්‍රී ලංකාවට එල්ල වී ඇති චෝදනා සත්‍ය දැයි විමර්ශනය කරනු පිණිස එක්‌සත් ජාතීන්ගේ නියෝජිතයෙක්‌ පත් කරන ලෙස ඉල්ලා ඇති බවත් එම ඉල්ලීම මානව හිමිකම් කවුන්සිලය පිළිගන්නේ නම් ශ්‍රී ලංකාව ගැන සෙවීමට විශේෂ නියෝජිතයෙක්‌ පත්වී ඔහු ශ්‍රී ලංකාවට පැමිණ කරුණු එක්‌ රැස්‌ කර සාක්‍ෂි මතත පදනම් වූ වාර්තාවක්‌ සකස්‌ කිරීමටත් හැකියාවක්‌ ලැබෙන බවටත් ජනාධිපති කාර්යාලයට රිංගාගෙන සිටින අඥානයෙක්‌ ප්‍රචාරයක්‌ දියත් කර තිබේ. එහෙත් එක්‌සත් ජාතීන්ගේ විශේෂ නියෝජිතයකු වූ ජුවන් මෙන්ඩස්‌ට රජය කල්තියා දොර විවෘත කළේය. රහස්‌ පොලිසිය බූස්‌ස කඳවුර ත්‍රස්‌ත මර්දන ඒකකය වැලිකඩ බන්ධනාගාරය ත්‍රිකුණාමල නාවික කඳවුර, වව්නියා හමුදා මූලස්‌ථානය සහ වෙනත් හමුදා සහ පොලිස්‌ ස්‌ථාන රැසකට යැමට ජුවන් මෙන්ඩස්‌ට හැකිවිය. ඔහු මෙරටට පැමිණියේ විදේශ වෝහාරික විශේෂඥයකු සමඟය.

උතුරු නැගෙනහිරටද ගිය මෙන්ඩස්‌ වින්දිතයන්ගෙන් සාක්‍ෂි ලබා ගත්තේය. වැලිකඩ කොටි රැදවුම් කඳවුරට ගිය මෙන්ඩස්‌ එහි සිටින කොටින්ට වධහිංසා සිදු වුයේද යන්න ගැන විමර්ශනය කළේය. කොටි රැඳවියෝ යුද්ධ සමයේ සටන්වලදී සිදු වු තුවාල කැළල් පොලිසිය සහ හමුදාව සිදු කළ වධහිංසා ලෙසට පෙන්නුම් කළහ. අවසානයේදී ජිනීවා ගිය මෙන්ඩස්‌ බොරු සාක්‍ෂි පදනම් කරගෙන මානව හිමිකම් කවුන්සිලයට ඉදිරිපත් කළේය. එහෙත් රියර් අද්මිරාල් සරත් වීරසේකරට චෝදනා කරන මේ එන්. ජී. ඕ. ක්‍රියාකාරියා ජුවන් මෙන්ඩස්‌ගේ වාර්තාව ගැන නොදනී. මෙවන් පසුබිමක්‌ මැද ජාත්‍යන්තර ක්‍ෂමා සංවිධානයේ මහලේකම් ෂලිල් ෂෙට්‌ටි නැමැත්තා මෙරටට පැමිණ උතුරට ගොස්‌ ද්‍රවිඩ වැසියන් හමු වී සාකච්ඡාවක්‌ පවත්වනු ලැබීය.

ඉන්පසු ඔහු කොළඹ පිහිටි නෝර්වේ අරමුදල් ලබන මාධ්‍ය කොම්පැනියක මාධ්‍ය සාකච්ඡාවක්‌ අමතමින් ජිනීවා යෝජනාව ක්‍රියාත්මක කිරීමට හයිබ්‍රිඩ් අධිකරණයක්‌ අවශ්‍ය බව කියා සිටියේය. එසේම කොටි මහාවිරු දිනය සැමරීමටද කොටි සුසානභූමි යළි ස්‌ථාපිත කිරීම සඳහා ඉඩදිය යුතු බවට නිර්දේශ කර ඇති සංහිදියා බළකා වාර්තාවද පිළිගනිමින් එම වාර්තාවද අනුමත කළේය.

ෂලිල් ෂෙට්‌ටි ඉන් නැවතුනේ නැත. ජාත්‍යන්තර ක්‌ෂමා සංවිධානය හෙවත් ඇමනෙස්‌ටි ඉන්ටර්නැෂනල් සංවිධානයේ කාර්යාලයක්‌ කොළඹ ස්‌ථාපිත කිරීමට ද ක්‍රියා කරන බව ඔහු පළ කළේය. එහෙත් ඉන්දියාවේ ඇමනෙස්‌ටි ඉන්ටර්නැෂනල් කාර්යාලයක්‌ ස්‌ථාපිත කිරීමට ඔහු ඉදිරිපත් වී නැත.

ෂෙට්‌ටි නැමැති මෙම ඉන්දියානුවා 2012 දෙසැම්බර් මස ද ශ්‍රී ලංකාවට එරෙහිව ප්‍රකාශයක්‌ කරමින් වන්නි මෙහෙයුම අවසානයේ සිදු වු බව කියන ඝාතන ගැන විමර්ශනය කිරීමට පූර්ණ ජාත්‍යන්තර විමර්ශනයක්‌ අවශ්‍ය බවත් වරදකරුවන්ට දඬුවම් කළ යුතු බවත් පවසා තිබුණි.

ෂලිල් ෂෙටිගේ පියා ඩාලිට්‌ (අඩුකුලයේ) අයකු නොවූවත් ඔහු ඩාලිට්‌ ජනතාවගේ නායකයා ලෙස පෙනී සිටියේය.

රාජ්‍ය නොවන සංවිධාන කීපයක සේවය කළ ෂලිල් අවසානයේ ඇමනෙස්‌ටි ඉන්ටර්නැෂල් සංවිධානයේ මහලේකම් විය.

ශ්‍රී ලංකාවේ හමුදාවට එරෙහිව හයිබ්‍රිඩ් අධිකරණයක්‌ යෝජනා කරන ඔහු ඉන්දු කාශ්මීරයේදී ඉන්දීය සෙබළුන්ට එරෙහිව එල්ල වී ඇති චෝදනා විමර්ශනයට හයිබ්‍රිඩ් අධිකරණයක්‌ අවශ්‍ය බව පවසා නැත. මේ අතර කැනඩාවේ ටොරොන්ටෝ නගරාධිපති ජෝන් ටෝරි, නගර සභිකයන් වූ මිචෙල් තොම්සන් හා නගර සභාවට මුලින්ම පත් වූ ද්‍රවිඩයා වු නේතන් ශාන් කැටුව මෙරටට පැමිණ යාපනයට ගියේය. නේතන් ශාන් යනු නේතන් ශන්මුගරාජායි කොටි සංවිධානය ක්‍රියාත්මක වන සමයේ කැනඩාවේ සැඟවුණු කොටි නායකයා ලෙස හඳුන්වනු ලැබු නේතන් ශාන් ද්‍රවිඩ තරුණ සංවිධානය පිහිටුවීමට ක්‍රියා කළේය. එහි ජාතික කටයුතු පිළිබඳ අධ්‍යක්‍ෂක ලෙස ක්‍රියා කළ නේතන් ශාන් කැනඩාවේ දේශපාලන ජාලයට ඇතුල්විය කැනඩාවේ ද්‍රවිඩ සිසුන් ඉගෙන ගන්නා පාසල්වල කොටි ධජය එසවිය යුතු බවට උපදෙස්‌ දුන් ඔහු කොටි සංවිධානයේ අරමුදල්වලින් ටැමිල් විෂන් ඉන්ටර්නැෂනල් සහ සී. එම්. ආර්. නැමැති මාධ්‍ය ආයතන දෙක ස්‌ථාපිත කළේය. 2009 වසරේ මැයි මස මුල සතියේ මොන්ටි්‍රයල් නගරයේ පැවැති කොටි රැලියක්‌ අමතා දේශනයක්‌ පැවැත්වූ නේතන් ශාන් කොටි සංවිධානය සමඟ අත්වැල් බැඳ ගැනීමට හැකිවීම සතුටක්‌ බව කියා සිටියේය.

කැනඩාවේ ද්‍රවිඩයන් විසින් කැනඩා ප්‍රභාකරන් යෑයි හඳුන්වනු ලැබු මේ කොටි හිතවාදියාට ශ්‍රී ලංකාවට පැමිණීම සඳහා වත්මන් රජය අවසර දුන්නේය.

එහෙත් යාපනයේ බුද්ධි අංශ මොහුව හැඳිනත්තේ නැත. නේතන් ශාන්ව යාපනයට ගෙන ආ කැනඩා නගරාධිපති වසර 10 කට පෙර ශ්‍රී ලංකාවට පැමිණ යාපනයට යැමට දැරූ උත්සාහය ව්‍යර්ථ වී ඇත.

වන්නි මෙහෙයුම දියත් වන සමයේ නේතන් ශාන් මෙලෙස ප්‍රකාශ කර තිබුණි.

ක්‍රිකට්‌ තරගයක්‌ හෝ පාපන්දු තරගයක්‌ නරඹන ආකාරයට මේ යුද්ධය දෙස බලා සිටීමට නොහැක. අපි කොටි සමඟ එක්‌ව සටන් කර අහිමි වී ගිය ඉඩම් ආපසු ලබා ගත යුතුයි. කොටි අරගලයේ කොටසක්‌ ලෙස අපි කටයුතු කළ යුතුයි. අපේ ඡන්ද දැමිය යුත්තේ ද්‍රවිඩ ඊළම මහජන පිරිසට පමණයි. කොටි අරගලය දැන් වඩාත් ශක්‌තිමත් වී ඇත. කැනඩාවේ උපන් අපේ දරුවෝ මේ අරගලය ඉදිරියට ගෙන යා යුතුයි.”

කැනඩා රජය විසින් ලෝක ද්‍රවිඩ සංවිධානය තහනම් කළ අවස්‌ථාවේ මොහු ඊට එරෙහිව අභියෝග කළේය. 2008 නොවැම්බර් 27 දා කැනඩා පොලිසිය කොටින්ගේ මහවිරු දින උත්සවය පැවැත් වූ ශාලාවට ඇතුළු වූ අවස්‌ථාවේ වේදිකාවේ සිටියේ පොන් විමගනාදන් සහ නේතන් ශාන් නැමැති කොටි හිතවාදීන් දෙදෙනායි ඒ වනවිට ඔවුන් දෙදෙනාම පසුපස දොරින් පැන ගොස්‌ තිබුණි.

2009 මැයි මස කොටි සංවිධානය පරාජය වීම නිසා නෝර්වේ සිට ක්‍රියාත්මක වූ තෙදියවන් නැමැති කොටි ජාත්‍යන්තර ජාලයේ නායකයා කැනඩා ද්‍රවිඩයන්ගේ ජාතික කවුන්සිලය නමින් කැනඩා කොටි ශාඛාව ස්‌ථාපිත කරනු ලැබීය. 2010 දී ආරම්භ වු එම සංවිධානයේ නියෝජ්‍ය සභාපති ලෙස පත් කර ඇත්තේ නේතන් ශාන්ය.

ප්‍රභාකරන් මරුමුවට පත්වීමට පෙර නේතන් ශාන් කැනඩා රජයෙන් ඉල්ලීමක්‌ කරමින් ප්‍රභාකරන්ට ගෞරවනීය පුරවැසි බව ලබා දෙන ලෙස ඉල්ලා සිටියේය.

ඒ වන විට ප්‍රභාකරන් පරාජය වී නොතිබුණි. 2009 මාර්තු මස දිනක මේ කොටි හිතවාදියා ප්‍රකාශයක්‌ කරමින් ප්‍රභාකරන්ට උත්තරීතර හමුදා බලයක්‌ ඇති බවත් අප ඔවුන්ට හමුදාමය ලෙස සහය දැක්‌විය යුතු බවද ප්‍රකාශ කරනු ලැබිණි. 2012 දී ඔහු කැනඩාවේ එන්. ඩී. පී. පක්‍ෂයට සම්බන්ධ වී ටොරොන්ටෝ නගර සභාවට තරග කර ජය ගත්තේය. මෙලෙස කොටි හඬ නැගූ නේතන් ශාන්ට මෙරටට පැමිණීමට ශ්‍රී ලංකා රජය දොර විවෘත කළේය.

නේතන් ශාන් සමඟ උතුරට ගිය කැනඩා නගරාධිපති ජෝන් ටෝරී අප්‍රේල් 4 දා කැනඩාවේ මාධ්‍ය අමතමින් ශ්‍රී ලංකාවේ හමුදාව විවේචනයට ලක්‌ කළේය.

ජෝන් ටෝරී මෙලෙස ප්‍රකාශ කර ඇත. “උතුරේ සෑම ද්‍රවිඩයන් තිදෙනකුටම එක්‌ සෙබළකු බැගින් සිටිනවා. සැතපුම් කීපයක්‌ යන විට හමුදා කදවුරක්‌ දැක ගැනීමට හැකි වුණා. ඔබ උතුරේ ජනතාවගෙන් මේ හමුදා කඳවුරු ගැන ඇසූවොත් බලහත්කාරයෙන් අල්ලාගත් ඉඩම්වල එම කඳවුරු පිහිටා ඇති බවට ප්‍රකාශ කෙරෙනවා.

ශ්‍රී ලංකාවේ පැවැති සිවිල් යුද්ධයේදී (කොටි ත්‍රස්‌තවාදීන්) මියගිය ද්‍රවිඩයන් වෙනුවෙන් උතුරේ ස්‌මාරකයක්‌ හෝ සිහිවටනයක්‌ නැත. එහෙත් ද්‍රවිඩ ජනතාව මුල්ලි වයික්‌කාල්හි තාවකාලික ස්‌මාරකයක්‌ ස්‌ථාපිත කර තිබෙනවා. යුද්ධයේ අවසාන අදියරේදී 40000 ක්‌ මියගිය බව එක්‌සත් ජාතීන්ගේ සංවිධානය පැවසුවා. මේ නිසා පහනක්‌ දල්වා මල්කලඹක්‌ තැබීමට මම ක්‍රියා කළා.

අතුරුදහන් වූ දරුවන්ගේ මව්වරුන්ගේත් පියවරුන්ගේත් ඇස්‌වල තිබූ වේදනාව මා දුටුවා. උතුරේ මහ ඇමැති විග්නේශ්වරන් කියා සිටියා. ජාත්‍යන්තර මැදිහත්වීමකින් යුත් විමර්ශනයක්‌ අවශ්‍ය බව, එය සාධාරණ ඉල්ලීමකි. උතුරේ හමුදාව අඩුකර අත්පත් කරගෙන ඇති ඉඩම් නැවත බාරදිය යුතුයි. එසේම ජාත්‍යන්තර මැදිහත්වීමක්‌ සහිත වගවීමේ යාන්ත්‍රණයක්‌ ආරම්භ කිරීමට රජය ක්‍රියා කළ යුතුයි.

කැනඩාවේ ටොරොන්ටොda නගරාධිපතිවරයාට ශ්‍රී ලංකාවේ අභ්‍යන්තර කටයුතුවලට මැදිහත්වීමට කිසිදු සදාචාරමය හිමිකමක්‌ නැත. එහෙත් රජය කොටි හිතවාදීන්ට මෙරටට ඒමට ඉඩදී ඉල්ලන් කන තත්ත්වයට පත් විය.

උතුරේ ද්‍රවිඩයන් අතුරුදන් වීම ගැන හඬ නගන ජෝන් ටෝරී කැනඩාවේ ගෝත්‍රික කාන්තාවන් 6000 කට අධික පිරිසක්‌ අතුරුදන් වීම ගැන හඩ නැගුවේ නැත.
කැනඩාවේ “ප්‍රභාකරන්” යාපනයට පැමිණෙයි

මානව හිමිකම් කවුන්සිලයේ යෝජනාවට
සම අනුග්‍රහකත්වය දැක්‌වීමෙන් ශ්‍රී ලංකාව අපිව මවිතයට පත් කළා.
– ඇමරිකානු රාජ්‍ය ලේකම් රෙක්‌ස්‌ ටිලර්සන්

ලෝක ඉතිහාසයේ කිසිම රටක්‌ තම හමුදාව යුද අපරාධ කළ බව පිළිගනිමින් ඒ ගැන පරීක්‍ෂණ පැවැත්වීමට එකඟ වී නැත. එහෙත් මුල්වරට ශ්‍රී ලංකා රජය විසින් ඇමරිකාව ප්‍රමුඛ බටහිර රටවල් කීපයක්‌ ඉදිරිපත් කළ ශ්‍රී ලංකාවට එරෙහි යෝජනාවට සම අනුග්‍රහය ලබාදී යුද අපරාධ චෝදනා විමර්ශනයට එකඟ වූයේය. ඒ සඳහා වසර දෙකක කාලයක්‌ ද ලබාගත්තේය. එහෙත් කොටි පරාජයවීම නිසා නිදහසේ මාර්ගවල යන ජනතාව ජිනීවාහිදී එකඟ වූ යෝජනාවේ භයානක කම දුටුවේ නැත. මන්දයත් ජිනීවාහිදී අපි ජයලැබුවා යෑයි රජයේ දේශපාලකයන් ජනතාව හමුවේ පැවසීමයි. එසේ වුවත් සැබෑ යථාර්ථය කුමක්‌ද? ජිනීවා මානව හිමිකම් සමුළුවේදී ඡන්ද විමසිමකින් තොරව සම්මත වූ යෝජනාව සංහිඳියාව ගැන නොව යුද අපරාධ චෝදනා එල්ල වන හමුදා නිලධාරීන්ට නඩු පැවරීමයි.

ශ්‍රී ලංකාවේ කොටි භීෂණය නැති කළ හමුදා නිලධාරීන්ට එරෙහි මෙම ජිනීවා යෝජනාව ක්‍රියාත්මක කිරීම සඳහා මානව හිමිකම් කොමසාරිස්‌ සෙයිද් රාද් හුසේන් සාමාජික රටවල්වලින් ඩොලර් 362000 ක (රුපියල් පන්කෝටි පනස්‌හත් ලක්‍ෂ හතලිස්‌ අට දහසක්‌) ඉල්ලා සිටියි. ඉන් කොටසක්‌ ශ්‍රී ලංකාවද දැරිය යුතුයි.

රජය ජිනීවාහිදී එකඟ වූයේ කොතරම් අපූරු යෝජනාවකටදැයි දැන්වත් ජනතාවට තෙරුම් යනු ඇත.

ශ්‍රී ලංකාවේ හමුදාවට යුද අපරාධ චෝදනා එල්ල වන ජිනීවා යෝජනාවට ශ්‍රී ලංකාවද එකඟවන අවස්‌ථාවේ ඊට සමගාමීව ඊශ්‍රායලයට එරෙහිවද යෝජනා පහක්‌ සම්මත විය.

ඉන් එක්‌ යෝජනාවක්‌ වූයේ ඊශ්‍රායලය යුද අපරාධ කළ බවයි. එහෙත් බ්‍රිතාන්‍ය තානාපතිවරයා එම යෝජනාවලට එරෙහි වෙමින් මානව හිමිකම් කවුන්සිලය මින්පසු ඊශ්‍රායලය පිළිබඳව අනුගමනය කරන පිළිවෙත වෙනස්‌ නොකළහොත් යෝජනාවලට එරෙහිව ඡන්දය පාවිච්චි කරන බව කියා සිටියේය.

ඇමරිකානු තානාපතිවරයා ඊශ්‍රායලයට එරෙහි යෝජනාවට විරෝධය පළ කරමින් මානව හිමිකම් කවුන්සිලය එක්‌ රටක්‌ කෙරේ සමතුළිත භාවයක්‌ නැතිව ක්‍රියා කරන බව පවසා එම යෝජනාවට විරුද්ධව ජන්දය භාවිතා කළේය.

එහෙත් ශ්‍රී ලංකාව තමන්ට එරෙහි යෝජනාවට සම අනුග්‍රාහකත්වය දැක්‌වීම නිසා ශ්‍රී ලංකාවේ මිත්‍රශීලී රටවල්වලට ඊට එරෙහිවීමට නොහැකි විය.

ජිනීවාහිදී සම්මත වූ 30/1 සහ 34/1 යෝජනා දෙකින්ම කියා සිටින්නේ එකම ක්‍රියාදාමයයි.

ඒ ජාත්‍යන්තර නීතිය යටතේ ශ්‍රී ලංකාවේ හමුදාවට එරෙහිව නඩු පැවරිය යුතු බවයි. මේ යෝජනා දෙකින්ම ආරක්‍ෂක හමුදාව සෘජුව ඉලක්‌ක කර ඇත. එය තවදුරටත් පැහැදිලි වන්නේ 2015 ඔක්‌තෝබර් 1 දා සම්මත වු ජිනීවා යෝජනාව 2017 දී කිසිදු සංශෝධනයකින් තොරව ක්‍රියාත්මක කිරීමට රජය එකඟ වීමයි.

රජය එක්‌පසකින් තම හමුදාව සිදු කළ බව කියන යුද අපරාධ ගැන විමර්ශනය කිරීමට එකඟවෙද්දී උතුරේ සිට ජිනීවා ගිය කොටින්ට සම්බන්ධ ජින්බැන්ඩ් කල්ලිය වසර 21 කට පෙර සිදු වු කුමාරපුරම් ඝාතනය ජාත්‍යන්තර කරණය කරනු ලැබීය. ඊට යාපනයේදී මෑතකදී පිහිටුවාගත් අඩයාලම් මධ්‍යස්‌ථානය නැමැති රාජ්‍ය නොවන සංවිධානයේ පර්යේෂිකාවක්‌ යෑයි හඳුන්වා ගත් දර්ෂා ජෙගතීස්‌වරුන් මන්නාරම පුරවැසි කමිටුවේ ප්‍රධානී ඒමානුවෙල් සබමාලෙයි පියනම ලන්ඩන්නුවර සිට ක්‍රියාත්මක වන ටැමිල් ගාඩියන් පුවත්පතේ කර්තෘ අබිනායා නාදන් නැමැත්තියද සම්බන්ධ විය.

මින් දර්ෂා ජෙගතීස්‌වරන් නැමැත්තිය ඇමරිකාවේ සිට ක්‍රියාත්මක වන පර්ල් නැමැති කොටි හිතවාදී සංවිධානයේ අධ්‍යක්‍ෂකවරියකි. ඇයට අමතරව අඩයාලම් මධ්‍යස්‌ථානයේ පර්යේෂිකාවක්‌ වූ නිරන්ජලා අරුලානන්දි ද ශ්‍රී ලංකාවට එරෙහිව කරුණු දැක්‌වීමට ක්‍රියා කරනු ලැබීය. ඔවුන් නීතිපති දෙපාර්තමේන්තුව දේශපාලනීකරණය වී ඇති බවට චෝදනා කරමින් ශ්‍රී ලංකාව සම්බන්ධ පරීක්‍ෂණයට ජාත්‍යන්තර විනිසුරන්, විමර්ශකයන් සහ අභිචෝදකයන් අවශ්‍ය බව කියා සිටියහ.

මේ යාපනයේ කල්ලිය ජිනීවා ගිය මුල්වතාව මෙයයි. එහෙත් වසර 21 කට පෙර සිsදු වු කුමාරපුරම් ඝාතනය සියෑසින් දුටුවාක්‌ මෙන් ඔවුන් 1956 සිට 2008 දක්‌වා කාලය තුළ ස්‌ථාන 88 කදී ද්‍රවිඩයන් සමූලඝාතනය වී ඇති බවට තම වාර්තාවේ දක්‌වා තිබුණි.

ජිනීවාහිදී ශ්‍රී ලංකාවට එරෙහිව ප්‍රකාශයට පත් වූ මෙම වාර්තාව ඉන්පසු යාපනය විශ්වවිද්‍යාලයට ගෙනවුත් එහිදීද ප්‍රකාශයට පත්විය. යාපනය විශ්වවිද්‍යාලයේ පැවැති සාකච්ඡාවට ඇමරිකාවේ සිට පැමිණි ඊළම්වාදිනියක්‌ වූ නිම්මි ගෞවරිනාදන් පර්ල් සංවිධානයේ මාරියෝ අරුල්තාස්‌ මාධ්‍යවේදියකු බව කියන ෂාන් උදය රාසා සහ යාපනය විශ්වවිද්‍යාලයේ නීතිපීඨයේ ප්‍රධානී කුමාරවේල් ගුරුපරන් නැමැත්තාද සම්බන්ධ විය. එහෙත් රජයේ යාන්ත්‍රණය යාපනය විශ්වවිද්‍යාලය තුළත් ජිනීවා මානව හිමිකම් කවුන්සිලය වෙත නොව තමන්ට එරෙහිව ක්‍රියාත්මක වන සතුරු බලවේග හඳුනාගෙන නැත.

මේ කිසිවෙක්‌ කොටි සංවිධානය සිදු කළ යුද අපරාධ ගැන හඬ නගා නැත. මෙහිදී මාරියෝ අරුල්නාත් නැමැත්තා මියගිය කොටි මිනීමරුවන් විශාල ලෙස සැමරීමට ඉඩදිය යුතු බව පවසා ඇත. ඔහු යාපනයේ විශ්වවිද්‍යාලයේ දී සෘජුව පවසා ඇත්තේ මහාවීර් නාල් හෙවත් මියගිය කොටි ත්‍රස්‌තයන් සැමරීමට ඉඩදීම ජිනීවා යෝජනාවේ දැක්‌වෙන වගවීමේ ක්‍රියාවලියේ එක්‌ අංගයක්‌ විය යුතු බවයි.

මෙලෙස කොටි හිතවාදීහු කොටි මිනීමරුවන්ව සැමරීම සඳහා දැඩි උත්සාහයක යෙදෙන අවස්‌ථාවේ රියර් අද්මිරාල් සරත් වීරසේකර ජිනීවා ගොස්‌ ශ්‍රී ලංකාවට එල්ල වී ඇති චෝදනා සත්‍ය දැයි විමර්ශනය කරනු පිණිස එක්‌සත් ජාතීන්ගේ නියෝජිතයෙක්‌ පත් කරන ලෙස ඉල්ලා ඇති බවත් එම ඉල්ලීම මානව හිමිකම් කවුන්සිලය පිළිගන්නේ නම් ශ්‍රී ලංකාව ගැන සෙවීමට විශේෂ නියෝජිතයෙක්‌ පත්වී ඔහු ශ්‍රී ලංකාවට පැමිණ කරුණු එක්‌ රැස්‌ කර සාක්‍ෂි මතත පදනම් වූ වාර්තාවක්‌ සකස්‌ කිරීමටත් හැකියාවක්‌ ලැබෙන බවටත් ජනාධිපති කාර්යාලයට රිංගාගෙන සිටින අඥානයෙක්‌ ප්‍රචාරයක්‌ දියත් කර තිබේ. එහෙත් එක්‌සත් ජාතීන්ගේ විශේෂ නියෝජිතයකු වූ ජුවන් මෙන්ඩස්‌ට රජය කල්තියා දොර විවෘත කළේය. රහස්‌ පොලිසිය බූස්‌ස කඳවුර ත්‍රස්‌ත මර්දන ඒකකය වැලිකඩ බන්ධනාගාරය ත්‍රිකුණාමල නාවික කඳවුර, වව්නියා හමුදා මූලස්‌ථානය සහ වෙනත් හමුදා සහ පොලිස්‌ ස්‌ථාන රැසකට යැමට ජුවන් මෙන්ඩස්‌ට හැකිවිය. ඔහු මෙරටට පැමිණියේ විදේශ වෝහාරික විශේෂඥයකු සමඟය.

උතුරු නැගෙනහිරටද ගිය මෙන්ඩස්‌ වින්දිතයන්ගෙන් සාක්‍ෂි ලබා ගත්තේය. වැලිකඩ කොටි රැදවුම් කඳවුරට ගිය මෙන්ඩස්‌ එහි සිටින කොටින්ට වධහිංසා සිදු වුයේද යන්න ගැන විමර්ශනය කළේය. කොටි රැඳවියෝ යුද්ධ සමයේ සටන්වලදී සිදු වු තුවාල කැළල් පොලිසිය සහ හමුදාව සිදු කළ වධහිංසා ලෙසට පෙන්නුම් කළහ. අවසානයේදී ජිනීවා ගිය මෙන්ඩස්‌ බොරු සාක්‍ෂි පදනම් කරගෙන මානව හිමිකම් කවුන්සිලයට ඉදිරිපත් කළේය. එහෙත් රියර් අද්මිරාල් සරත් වීරසේකරට චෝදනා කරන මේ එන්. ජී. ඕ. ක්‍රියාකාරියා ජුවන් මෙන්ඩස්‌ගේ වාර්තාව ගැන නොදනී. මෙවන් පසුබිමක්‌ මැද ජාත්‍යන්තර ක්‍ෂමා සංවිධානයේ මහලේකම් ෂලිල් ෂෙට්‌ටි නැමැත්තා මෙරටට පැමිණ උතුරට ගොස්‌ ද්‍රවිඩ වැසියන් හමු වී සාකච්ඡාවක්‌ පවත්වනු ලැබීය.

ඉන්පසු ඔහු කොළඹ පිහිටි නෝර්වේ අරමුදල් ලබන මාධ්‍ය කොම්පැනියක මාධ්‍ය සාකච්ඡාවක්‌ අමතමින් ජිනීවා යෝජනාව ක්‍රියාත්මක කිරීමට හයිබ්‍රිඩ් අධිකරණයක්‌ අවශ්‍ය බව කියා සිටියේය. එසේම කොටි මහාවිරු දිනය සැමරීමටද කොටි සුසානභූමි යළි ස්‌ථාපිත කිරීම සඳහා ඉඩදිය යුතු බවට නිර්දේශ කර ඇති සංහිදියා බළකා වාර්තාවද පිළිගනිමින් එම වාර්තාවද අනුමත කළේය.

ෂලිල් ෂෙට්‌ටි ඉන් නැවතුනේ නැත. ජාත්‍යන්තර ක්‌ෂමා සංවිධානය හෙවත් ඇමනෙස්‌ටි ඉන්ටර්නැෂනල් සංවිධානයේ කාර්යාලයක්‌ කොළඹ ස්‌ථාපිත කිරීමට ද ක්‍රියා කරන බව ඔහු පළ කළේය. එහෙත් ඉන්දියාවේ ඇමනෙස්‌ටි ඉන්ටර්නැෂනල් කාර්යාලයක්‌ ස්‌ථාපිත කිරීමට ඔහු ඉදිරිපත් වී නැත.

ෂෙට්‌ටි නැමැති මෙම ඉන්දියානුවා 2012 දෙසැම්බර් මස ද ශ්‍රී ලංකාවට එරෙහිව ප්‍රකාශයක්‌ කරමින් වන්නි මෙහෙයුම අවසානයේ සිදු වු බව කියන ඝාතන ගැන විමර්ශනය කිරීමට පූර්ණ ජාත්‍යන්තර විමර්ශනයක්‌ අවශ්‍ය බවත් වරදකරුවන්ට දඬුවම් කළ යුතු බවත් පවසා තිබුණි.

ෂලිල් ෂෙටිගේ පියා ඩාලිට්‌ (අඩුකුලයේ) අයකු නොවූවත් ඔහු ඩාලිට්‌ ජනතාවගේ නායකයා ලෙස පෙනී සිටියේය.

රාජ්‍ය නොවන සංවිධාන කීපයක සේවය කළ ෂලිල් අවසානයේ ඇමනෙස්‌ටි ඉන්ටර්නැෂල් සංවිධානයේ මහලේකම් විය.

ශ්‍රී ලංකාවේ හමුදාවට එරෙහිව හයිබ්‍රිඩ් අධිකරණයක්‌ යෝජනා කරන ඔහු ඉන්දු කාශ්මීරයේදී ඉන්දීය සෙබළුන්ට එරෙහිව එල්ල වී ඇති චෝදනා විමර්ශනයට හයිබ්‍රිඩ් අධිකරණයක්‌ අවශ්‍ය බව පවසා නැත. මේ අතර කැනඩාවේ ටොරොන්ටෝ නගරාධිපති ජෝන් ටෝරි, නගර සභිකයන් වූ මිචෙල් තොම්සන් හා නගර සභාවට මුලින්ම පත් වූ ද්‍රවිඩයා වු නේතන් ශාන් කැටුව මෙරටට පැමිණ යාපනයට ගියේය. නේතන් ශාන් යනු නේතන් ශන්මුගරාජායි කොටි සංවිධානය ක්‍රියාත්මක වන සමයේ කැනඩාවේ සැඟවුණු කොටි නායකයා ලෙස හඳුන්වනු ලැබු නේතන් ශාන් ද්‍රවිඩ තරුණ සංවිධානය පිහිටුවීමට ක්‍රියා කළේය. එහි ජාතික කටයුතු පිළිබඳ අධ්‍යක්‍ෂක ලෙස ක්‍රියා කළ නේතන් ශාන් කැනඩාවේ දේශපාලන ජාලයට ඇතුල්විය කැනඩාවේ ද්‍රවිඩ සිසුන් ඉගෙන ගන්නා පාසල්වල කොටි ධජය එසවිය යුතු බවට උපදෙස්‌ දුන් ඔහු කොටි සංවිධානයේ අරමුදල්වලින් ටැමිල් විෂන් ඉන්ටර්නැෂනල් සහ සී. එම්. ආර්. නැමැති මාධ්‍ය ආයතන දෙක ස්‌ථාපිත කළේය. 2009 වසරේ මැයි මස මුල සතියේ මොන්ටි්‍රයල් නගරයේ පැවැති කොටි රැලියක්‌ අමතා දේශනයක්‌ පැවැත්වූ නේතන් ශාන් කොටි සංවිධානය සමඟ අත්වැල් බැඳ ගැනීමට හැකිවීම සතුටක්‌ බව කියා සිටියේය.

කැනඩාවේ ද්‍රවිඩයන් විසින් කැනඩා ප්‍රභාකරන් යෑයි හඳුන්වනු ලැබු මේ කොටි හිතවාදියාට ශ්‍රී ලංකාවට පැමිණීම සඳහා වත්මන් රජය අවසර දුන්නේය.

එහෙත් යාපනයේ බුද්ධි අංශ මොහුව හැඳිනත්තේ නැත. නේතන් ශාන්ව යාපනයට ගෙන ආ කැනඩා නගරාධිපති වසර 10 කට පෙර ශ්‍රී ලංකාවට පැමිණ යාපනයට යැමට දැරූ උත්සාහය ව්‍යර්ථ වී ඇත.

වන්නි මෙහෙයුම දියත් වන සමයේ නේතන් ශාන් මෙලෙස ප්‍රකාශ කර තිබුණි.

ක්‍රිකට්‌ තරගයක්‌ හෝ පාපන්දු තරගයක්‌ නරඹන ආකාරයට මේ යුද්ධය දෙස බලා සිටීමට නොහැක. අපි කොටි සමඟ එක්‌ව සටන් කර අහිමි වී ගිය ඉඩම් ආපසු ලබා ගත යුතුයි. කොටි අරගලයේ කොටසක්‌ ලෙස අපි කටයුතු කළ යුතුයි. අපේ ඡන්ද දැමිය යුත්තේ ද්‍රවිඩ ඊළම මහජන පිරිසට පමණයි. කොටි අරගලය දැන් වඩාත් ශක්‌තිමත් වී ඇත. කැනඩාවේ උපන් අපේ දරුවෝ මේ අරගලය ඉදිරියට ගෙන යා යුතුයි.”

කැනඩා රජය විසින් ලෝක ද්‍රවිඩ සංවිධානය තහනම් කළ අවස්‌ථාවේ මොහු ඊට එරෙහිව අභියෝග කළේය. 2008 නොවැම්බර් 27 දා කැනඩා පොලිසිය කොටින්ගේ මහවිරු දින උත්සවය පැවැත් වූ ශාලාවට ඇතුළු වූ අවස්‌ථාවේ වේදිකාවේ සිටියේ පොන් විමගනාදන් සහ නේතන් ශාන් නැමැති කොටි හිතවාදීන් දෙදෙනායි ඒ වනවිට ඔවුන් දෙදෙනාම පසුපස දොරින් පැන ගොස්‌ තිබුණි.

2009 මැයි මස කොටි සංවිධානය පරාජය වීම නිසා නෝර්වේ සිට ක්‍රියාත්මක වූ තෙදියවන් නැමැති කොටි ජාත්‍යන්තර ජාලයේ නායකයා කැනඩා ද්‍රවිඩයන්ගේ ජාතික කවුන්සිලය නමින් කැනඩා කොටි ශාඛාව ස්‌ථාපිත කරනු ලැබීය. 2010 දී ආරම්භ වු එම සංවිධානයේ නියෝජ්‍ය සභාපති ලෙස පත් කර ඇත්තේ නේතන් ශාන්ය.

ප්‍රභාකරන් මරුමුවට පත්වීමට පෙර නේතන් ශාන් කැනඩා රජයෙන් ඉල්ලීමක්‌ කරමින් ප්‍රභාකරන්ට ගෞරවනීය පුරවැසි බව ලබා දෙන ලෙස ඉල්ලා සිටියේය.

ඒ වන විට ප්‍රභාකරන් පරාජය වී නොතිබුණි. 2009 මාර්තු මස දිනක මේ කොටි හිතවාදියා ප්‍රකාශයක්‌ කරමින් ප්‍රභාකරන්ට උත්තරීතර හමුදා බලයක්‌ ඇති බවත් අප ඔවුන්ට හමුදාමය ලෙස සහය දැක්‌විය යුතු බවද ප්‍රකාශ කරනු ලැබිණි. 2012 දී ඔහු කැනඩාවේ එන්. ඩී. පී. පක්‍ෂයට සම්බන්ධ වී ටොරොන්ටෝ නගර සභාවට තරග කර ජය ගත්තේය. මෙලෙස කොටි හඬ නැගූ නේතන් ශාන්ට මෙරටට පැමිණීමට ශ්‍රී ලංකා රජය දොර විවෘත කළේය.

නේතන් ශාන් සමඟ උතුරට ගිය කැනඩා නගරාධිපති ජෝන් ටෝරී අප්‍රේල් 4 දා කැනඩාවේ මාධ්‍ය අමතමින් ශ්‍රී ලංකාවේ හමුදාව විවේචනයට ලක්‌ කළේය.

ජෝන් ටෝරී මෙලෙස ප්‍රකාශ කර ඇත. “උතුරේ සෑම ද්‍රවිඩයන් තිදෙනකුටම එක්‌ සෙබළකු බැගින් සිටිනවා. සැතපුම් කීපයක්‌ යන විට හමුදා කදවුරක්‌ දැක ගැනීමට හැකි වුණා. ඔබ උතුරේ ජනතාවගෙන් මේ හමුදා කඳවුරු ගැන ඇසූවොත් බලහත්කාරයෙන් අල්ලාගත් ඉඩම්වල එම කඳවුරු පිහිටා ඇති බවට ප්‍රකාශ කෙරෙනවා.

ශ්‍රී ලංකාවේ පැවැති සිවිල් යුද්ධයේදී (කොටි ත්‍රස්‌තවාදීන්) මියගිය ද්‍රවිඩයන් වෙනුවෙන් උතුරේ ස්‌මාරකයක්‌ හෝ සිහිවටනයක්‌ නැත. එහෙත් ද්‍රවිඩ ජනතාව මුල්ලි වයික්‌කාල්හි තාවකාලික ස්‌මාරකයක්‌ ස්‌ථාපිත කර තිබෙනවා. යුද්ධයේ අවසාන අදියරේදී 40000 ක්‌ මියගිය බව එක්‌සත් ජාතීන්ගේ සංවිධානය පැවසුවා. මේ නිසා පහනක්‌ දල්වා මල්කලඹක්‌ තැබීමට මම ක්‍රියා කළා.

අතුරුදහන් වූ දරුවන්ගේ මව්වරුන්ගේත් පියවරුන්ගේත් ඇස්‌වල තිබූ වේදනාව මා දුටුවා. උතුරේ මහ ඇමැති විග්නේශ්වරන් කියා සිටියා. ජාත්‍යන්තර මැදිහත්වීමකින් යුත් විමර්ශනයක්‌ අවශ්‍ය බව, එය සාධාරණ ඉල්ලීමකි. උතුරේ හමුදාව අඩුකර අත්පත් කරගෙන ඇති ඉඩම් නැවත බාරදිය යුතුයි. එසේම ජාත්‍යන්තර මැදිහත්වීමක්‌ සහිත වගවීමේ යාන්ත්‍රණයක්‌ ආරම්භ කිරීමට රජය ක්‍රියා කළ යුතුයි.

කැනඩාවේ ටොරොන්ටොda නගරාධිපතිවරයාට ශ්‍රී ලංකාවේ අභ්‍යන්තර කටයුතුවලට මැදිහත්වීමට කිසිදු සදාචාරමය හිමිකමක්‌ නැත. එහෙත් රජය කොටි හිතවාදීන්ට මෙරටට ඒමට ඉඩදී ඉල්ලන් කන තත්ත්වයට පත් විය.

උතුරේ ද්‍රවිඩයන් අතුරුදන් වීම ගැන හඬ නගන ජෝන් ටෝරී කැනඩාවේ ගෝත්‍රික කාන්තාවන් 6000 කට අධික පිරිසක්‌ අතුරුදන් වීම ගැන හඩ නැගුවේ නැත.

රණවිරුවන් අපරාධකරුවන් කර රටට කරන අපරාධය

රණවිරුවන් අපරාධකරුවන් කර රටට කරන අපරාධය

ආචාර්ය ගොඩගම
මංගල නායක ස්‌ථවිර
රංගිරි දඹුළු රජමහා විහාරාධිපති,
අස්‌ගිරි මහා විහාරය, මහනුවර.

වසර තිහක්‌ පුරාවට මුළු රටම භීතියෙන් ඇළලී ගිය උතුරේ බිහිසුණු ත්‍රස්‌තවාදී තත්ත්වය පිළිබඳ දකුණේ සිංහල ජනතාවට අමුතුවෙන් මතක්‌ කළ යුතු නොවේ. එකල මාපිය දෙපළ තම රැකියාවට හෝ වේවා වෙනයම් කටයුත්තකට හෝ වේවා එකවර නිවසින් බැහැර වුවත් ගමන් කළේ වෙන් වෙන්වමය. ප්‍රවාහන පහසුකම් ලබා ගත්තේ වෙන් වෙන්වමය. එA තම දරුවන්ට මව හෝ පියා යන දෙදෙනාගෙන් කවරකු හෝ රැකවරණයට ජීවත්ව සිටිය යුතුය යන තීරණය මතය. මෙසේ එකල නිවසින් බැහැර වුවහොත් නැවත ආපසු එAම පිළිබඳ ජීවිත විශ්වාසයක්‌ මේ රුදුරු ත්‍රස්‌තවාදය ඇතිකර නොතිබුණි. පාසල් ගිය දරුවාගේ ආරක්‌ෂාවට පාසල් ගේට්‌ටුව මුර කළ සමයක්‌ ද දෙමාපියන්ට තිබිණි.

බිහිසුණු හා අනපේක්‌ෂිත අයුරින් මිනිස්‌ ඝාතන සිදුකළ මේ ත්‍රස්‌ත ක්‍රියාව වරෙක ජයග්‍රාහී මාවතකට ද තවත් වරෙක සටන් විරාමයන්ට ද ලක්‌වෙමින් තිස්‌ වසරක්‌ පුරාවට ඇදී ගියේ රන්ජන් විඡේරත්න, ගාමිණී දිසානායක, ලලිත් ඇතුලත්මුදලි වැනි අද සිටිය යුතු සිංහල දේශපාලන නායකයන් හා ඩෙන්සිල් කොබ්බෑකඩුව, විජය විමලරත්න වැනි හමුදා නායකයන් මිනිස්‌ බෝම්බවලට හෝ කාල බෝම්බවලට හසුකරමින් ඝාතනය කරමින්ය. මේ බිහිසුණු ත්‍රස්‌ත ක්‍රියාව “මාවිල්ආරු” සටනින් පසු අවසන් කිරීමට අප රටේ එවකට සිටි සේනාධිනායකයාට හා රණවිරුවන්ට හැකි විය. එහිදී රණවිරුවෝ 30000 ක ගේ පමණ ජීවිත අහිමි වූහ. තවත් 14000ක්‌ පමණ පිරිසක්‌ ආබාධිත වූහ. තවත් පිරිසක්‌ අතුරුදන් වූහ.

අපේ රණවිරුවෝ ජීවිත පරිත්‍යාගයෙන් සටන් කර ජයග්‍රාහීව අදියරෙන් අදියර යුද්ධය අවසන් කරන විට රණවිරුවන් යුද්ධයක්‌ නොකරන බවත් කරන්නේ මවා පෑමක්‌ බවත් එය මායාවක්‌ බවත්, ඕනෑම ගොනකුට යුද්ධ කරන්න පුළුවන් බවත්, තොප්පිගල කියන්නේ මහ වනයක්‌ බවත්, අලිමංකඩ කියා පාමංකඩ ගිය බවත්, කිලිනොච්චි කියා මැදවච්චි ගිය බවත් කියමින් උපහාස කළ නඩය අද රණවිරුවන් ජාත්‍යන්තර අධිකරණයට ගෙන යැම සඳහාත් රට දෙකඩ කිරීම සඳහාත් මානව හිමිකම් කවුන්සලයෙන් දෙපා නමැද වසර දෙකකින් නිම කිරීමට අවසර ලබාගෙන සිටිති.

ජනාධිපතිතුමාත්, අග්‍රාමාත්‍යතුමාත් දෙමුහුන් අධිකරණයක්‌ ලංකාවේ පිහිටුවා අපේ රණවිරුවන් යුද අපරාධකරුවන් වශයෙන් ජාත්‍යන්තර අධිකරණයට ඉදිරිපත් නොකරන බවට ලාංකිකයන්ට පුන පුනා කීවත්, (මෙසේ කිව යුත්තේ අපට නොව ජිනීවාහි මනව හිමිකම් කවුන්සලයට) ජිනීවා හි මානව හිමිකම් කොමිසම ලංකා රජය දෙමුහුන් අධිකරණයකින් එසේ කළ යුතුය කියා ඉදිරිපත් කළ නිර්දේශයන්ට පාර්ලිමේන්තුවෙන් හෝ ජනාධිපතිතුමාගෙන් හෝ නොවිමසා මංගල සමරවීර නම් වූ විදේශ අමාත්‍යවරයා එකඟතාව පළකර ඇතැයි සැළයි. එමෙන්ම මෙහිදී අතුරුදන් වූවන් සුරැකීමේ පනතට සංශෝධන ගෙනැවිත් විදෙස්‌ රටවල සිටින කොටි ත්‍රස්‌තයන්ට අපේ හමුදාවන්ට එරෙහිව සාක්‌ෂි දීමට අවස්‌ථාවන් ලබා දිය යුතු බව “යස්‌මිත් සුකා” නම් තැනැත්තියක විසින් මානව හිමිකම් කොමසාරිස්‌ සෙයිද් රාද් හුසේන්ගෙන් ඉල්ලා ඇති අතර එයට ද ලංකා රජයේ අනුමැතියක්‌ ලබා දී ඇත. රණවිරුවන් පෙළීමට මානව හිමිකම් කොමසාරිස්‌ගේ වාර්තාව දේවත්වයෙන් පිළිගන්නා රජය එහි ඇති බලය බෙදාහැරීමේ කොන්දේසිවලට යටත්ව “ජනරජය” යන්න ඉවත් කර ලංකාව දෙකඩ කර ස්‌වයං රාජ්‍යයන් බිහිකිරීමේ ක්‍රියාවලියක ද අද නිරතව ඇති බවට ද ව්‍යවස්‌ථා සම්පාදන මෙහෙයුම් කමිටුවෙන්ම තොරතුරු ලැබී ඇත.

2014 මැයි මාසයේ දී එක්‌සත් ජාතීන්ගේ සංවිධානය විසින් මානව හිමිකම් කාර්යාලයට ලංකා හමුදාව දරුණු යුද අපරාධ කළේ ද යන්න පිළිබඳව වාර්තාවක්‌ සකසා 2015 මාර්තු වන විට මානව හිමිකම් කොමිසමට ඉදිරිපත් කරන ලෙස නවනීදන් පිල්ලේ මහත්මියට නියම කෙරිණ. එA සඳහා ඇය 2014 ජූලි පළමු දින සිට එහි කටයුතු අරඹා 2015 වැනි විට පරිච්ඡේද 16 කින් යුතු වාර්තාවක්‌ සකසා අපේ හමුදාව දරුණු යුද අපරාධ සිදු කළා යෑයි කියමින් ප්‍රධාන චෝදනා 11 ක්‌ ඇතිව සහ ඉන් අටක්‌ සහ ප්‍රාසාංගික චෝදනා කීපයක්‌ ද ඇතිව මේ වාර්තාව ඉදිරිපත් කර ඇත. එAවා අතර Ñහිතා මතාම නීති විරෝධී මනුෂ්‍ය ඝාතන සිදු කිරීම, දෙමළ ජනතාවට මානුෂීය ආධාර ලබා නොදීම, කාන්තාවන්ට හා පිරිමින්ට ලිංගික අතවර කිරීම, හිතා මතාම පුද්ගලයන් අතුරුදන් කිරීම, මිනිසුන්ට දරුණු වදහිංසා පමුණුවාලීම හා රෝහල්වලට මෝටාර්වලින් පහර දීම, යන චෝදනා බරපතළ අපරාධ බව එහි සඳහන් වේ.

යථෝක්‌ත චෝදනා ගොනු කිරීම සඳහා උපයෝගී කරගෙන ඇති දත්තයන් වන්නේ, ලංකා රජයේ යම් යම් වාර්තා, රාජ්‍ය නොවැනි සංවිධානවලින් ලබා ගත් තොරතුරු, සිවිල් සංවිධානවලින් ලබාගත් වාර්තා, ගැටුම් නිරීක්‌ෂණය කළ නිලධාරීන්ගෙන් ලබාගත් වාර්තා, දරුස්‌මාන් වාර්තාව, සාම විමර්ශන මණ්‌ඩලයෙන් ලබාගත් වාර්තා, යනාදියයි. නමුත් බැලූ බැල්මටම පෙනෙන්නේ මේ වාර්තා තෙවන පාර්ශ්වයක වාර්තා මිස ක්‍රියාදාමය තුළ සිටි පාර්ශ්ව දෙකෙන් ලබාගත් වාර්තා නොවන බවය. මේ සාක්‌ෂි ලබා ගැනීමේ ක්‍රමවේදය නීතිය ඉදිරියේ දෝෂ දර්ශනයට ලක්‌ කළ හැකිය. එසේ තිබියදීත් අපේ විදේශ අමාත්‍යවරයා අපේ යුද විරුවන්ට කරන චෝදනා සහිත වාර්තාව හා එහි නිර්දේශ මානව හිමිකම් කොමිසම හමුවේ අගය කරමින් පිළිගැනීම සිවිල් වැසියන්ගේ අවධානයට යොමුවී සමාජ කතිකාවක්‌ ගොඩනැඟිය යුතුව තිබුණත් මේතාක්‌ එය සිදු නොවීමෙන් රණවිරුවන්ගේ පෞරුෂය බිඳවැටීමටත් රටේ එAකීයභාවයට අනතුරක්‌ ඇතිවීමටත් හේතුවක්‌ව ඇතැයි නොසිතන්නේ මන්දැයි විශේෂයෙන්ම සිංහලයන්ගෙන් ඇසිය යුතුව ඇත. එසේ මා ඇසීමට පෙළඹුණ හේතුව වන්නේ හිටපු ජනාධිපතිනිය චෙල්වනායගම් අනුස්‌මරණ දේශනයේදී කියනු ලබන “19 වැනි ව්‍යවස්‌ථා සංශෝධනය හඳුන්වා දෙනු ලැබූයේ මහා ජාතියේ පාලන අධිකාරය ඉවත් කිරීමට ගනු ලැබූ ප්‍රයත්නයක්‌ ලෙසය.” යන ප්‍රකාශයෙන් සිංහලයන් බෙලහීන ජාතියක්‌ කිරීමට ජාතියක්‌, ජන්මයක්‌ නැති අයවලුන් සේ කටයුතු කරන අපේම නායක නායිකාවන් යම් උත්සාහයක නියෑළී ඇති නිසාවෙන්මය.

අපේ රණවිරුවන් යුද අපරාධකරුවන් වන්නේ කිනම් ක්‍රමවේදයකට අනුව ද? යන්න විමර්ශනය කළ යුත්තේ යුද අපරාධ පිළිබඳ විශේෂඥයන්ය. අන්තර්ජාතික නීතිය යටතේ යුද අපරාධයක්‌ නිර්ණය වන්නේ අන්තර්ජාතික මානුෂීය නීති යටතේය. එA අනුව, අරන්තලා භික්‌ෂු ඝාතනය, කාත්තන්කුඩි දේවස්‌ථානයේ මුස්‌ලිම් ඝාතනය, ඩොනල්ඩ් µdම් හා කෙන්ට්‌ µdම් මිනිස්‌ සංහාරය, ශ්‍රී මහා බෝධිය ආශ්‍රිත සිල්මාතාවන් ඇතුළු බැතිමතුන් ඝාතනය, ශ්‍රී දළදා මාලිගයට කළ ප්‍රහාර හා ඝාතන ආදිය නිරායුධ සිවිල් වැසියන්ට එල්ල කළ දෙමළ ඊළාම්වාදීන්ගේ ප්‍රහාර යුද අපරාධයන් නොවන්නේ දැයි විමසිය යුතුය. එනමුත් අපේ රණවිරුවන් යුද අපරාධ නොකළ බවට ශ්‍රීමත් ජෙµaරිතායිµa, ශ්‍රීමත් ඩෙස්‌මන් ද සිල්වා, රාජ නීතිඥ රොඩ්නි ඩික්‌සිත්, මේජර් ජෙනරාල් ජෝන් හොµaස්‌ යන යුද අපරාධ විශේෂඥයන්ගේ එකදු වාර්තාවක්‌වත් පාදක සටහන් වශයෙන් නොගෙන මංගල සමරවීර තම අනුග්‍රහය ජයග්‍රාහී ලංකා හමුදාවන්ට එරෙහිව පරාජිත දෙමළ ඩයස්‌පෝරාවේ හා බටහිර අධිරාජ්‍යවාදීන්ගේ උවමනාවන් අනුව කටයුතු කිරීමට පොරොන්දු වීම සිංහලයන් අසරණ කිරීමට ගත් කූට ප්‍රයත්නයකි. මේ ගිවිස ගැනීමත් සමඟම, ලංකාවේ අතුරුදන් වූවන් සෙවීමේ කාර්යාලයක්‌ පිහිටුවීම සඳහා අවශ්‍ය නෛතික ප්‍රතිපාදන ගෙන එAම, එම ප්‍රඥප්තියට පාර්ලිමේන්තුවට නොකියාම අත්සන් කිරීම, යුද අපරාධ සෙවීමට ක්‍රියාකාරී සැලැස්‌මක්‌ සඳහා උපදේශක කමිටුවක්‌ පිහිටුවීම, යන කරුණු දැන් සිංහලයන්ට එරෙහිව සම්පූර්ණ කර ඇත.

මේ උපදේශක කමිටුව පිහිටුවා ඇත්තේ හිටපු ජනාධිපතිනියගේ ප්‍රධානත්වයෙනි. එA අනුව මේ කමිටුව, ජිනීවා යෝජනාවලියේ ඇති 39 වැනි නිගමනය ක්‍රියාත්මක කළ යුතුය යන මතයේ සිට එහි 20 කාරණය වන දෙමුහුන් අධිකරණයක්‌ පිහිටුවා යුද අපරාධ කළ හමුදා නිලධාරීන් මේ අධිකරණය ඉදිරියට ගෙනැවිත් නඩු විභාග කළ යුතුය. 36 කියවෙන්නේ දෙමුහුන් අධිකරණ විමර්ශනයෙන් වැරදිකරුවන් වන නිලධාරීන්ට ජාත්‍යන්තර අධිකරණයකට ඉදිරිපත් කොට දඬුවම් පැමිණ විය යුතු බවය. තව නොබෝ දිනකින් අපේ රණවිරුවන් දෙමළ ජාතිකයන්ගේ දිවුරුම් ප්‍රකාශන මත මේ අධිකරණවල පෙනී සිටිනු ඇත. ඇප නොලබමින් සිරගත වනු ඇත. රණවිරුවන් මෙන්ම සිංහල ජාතියම පාවා දුන් මේ නවනීදන් පිල්ලේගේ 2015 මාර්තු ලියවිල්ල පිටුදැකිය යුතුය. මෙවැනිම වාර්තාවක්‌ මීට වර්ෂ දෙසීයකට මත්තෙන් එනම් 1815 මාර්තු මාසයේ උඩරට වැසියන්ට සුදු පාලකයන් ඉදිරිපත් කරන විට එය එදා සිංහලයන් භාර ගත්තේ සංශෝධනය කිරීමකින් පසුව බව මතක්‌ කළ යුතුය. එවැනි සංශෝධනයක්‌ 2015 ලියවිල්ලට පසුව හෝ ඉදිරිපත් කිරීමට හැකි නම් එය සිංහලයන්ගේ ජයග්‍රහණයක්‌ වනු ඇත.

2015 මාර්තු මාසේ නවනීදන් පිල්ලේ ලංකාව වෙනුවෙන් මානව හිමිකම් කවුන්සිලයට ඉදිරිපත් කළ රට පවරා ගැනීමේ වාර්තාවත් 1815 මාර්තු මාසයේ උඩරට සුදු අධිරාජ්‍යයට පවරාදීමේ වාර්තාවත් අතර වෙනසක්‌ ඇත. එනම් 1815 උඩරට ගිවිසුම උඩරැටියන් විසින් සංශෝධනය කරමින් සකස්‌ කර බටහිරයන් කොන්දේසි ගණනාවකට යටත් කර අත්සන් ගැනීමය. නමුත් 2015 ගිවිසුම ඇමරිකන් ගැති නවනීදන් පිල්ලේ වැනි බටහිරයන් සහ දෙමළ ඩයස්‌පෝරාව එAක පාක්‌ෂිකව සකස්‌ කර එයට යටත්වන බවට අපෙන් අත්සන් කරවාගෙන ඇත. මේ වාර්තාවේ කොන්දේසි ක්‍රියාත්මක වුවහොත් දේවානම්පියතිස්‌ස මහ රජු බෞද්ධ රාජ්‍යයක්‌ බවට පත් කළ මේ සිංහලය, දුටුගැමුණු හා මහා පරක්‍රමබාහු යන වීරෝදාර මහ නරවිරුවන් විසින් එක්‌සේසත් කළ මේ සිංහලද්වීපය, මහාමාන්‍ය ඩී. ඇස්‌. සේනානායක වැනි උපක්‍රමශීලී නායකයන් විසින් සුදු අධිරාජ්‍යවාදීන්ගෙන් මුදවා ගත් මේ ලංකාව සිරිමාවෝ ඩයස්‌ බණ්‌ඩාරනායක මැතිනිය ජනරජයක්‌ බවට පත් කළ මේ ශ්‍රී ලංකාව, කලාප රාජ්‍යයන් ඇති බෙදුණු රටක්‌ වනු ඇත. එවැනි කලාප රාජ්‍යයන්ගෙන් තොර එAකීය ශ්‍රී ලංකා ජනරජයක්‌ වශයෙන් පවත්වාගෙන යැමේ භාරධූර වගකීම පැවරී ඇත්තේ ගරු මෛත්‍රිපාල සිරිසේන ජනාධිපතිතුමාටය. එතුමා එය අධිරාජ්‍යවාදී ගැත්තන්ගේ හෝ දෙමළ ඩයස්‌පෝරාවේ බලපෑමට යටත් නොවී අපේ රට හා රණවිරුවන් ආරක්‌ෂා කරනු ඇතැයි අපේ දෘඪතර විශ්වාසයයි. 1818 වර්ෂයේ ඇති වූ නිදහස්‌ අරගලය මෙන් සිංහල අරගලයක්‌ 2018 වර්ෂයේදී ඇති නොවේවායි ප්‍රාර්ථනය කරමි.

තෙරුවන් සරණයි!

කලවම් සන්නියට සින්නවෙන සිංහලයාගේ උරුමය…

කලවම් සන්නියට සින්නවෙන
සිංහලයාගේ උරුමය…

මතුගම සෙනෙවිරුවන්

දිගු සංස්‌කෘතික ඉතිහාසයකට හිමිකම් කියන සිංහල ජනතාවට තමන්ටම අනන්‍ය වූ අලුත් අවුරුද්දක්‌ ඇත. එය ආරම්භ වන්නේ බක්‌ මාසයෙනි. අමාන්ත ක්‍රමයට නොහොත් අමාවකින් ඇරැඹෙන චන්ද්‍ර මාසයේ තිථිය අනුව කාලය ගණනය කිරීමක්‌ අතීතයේ විය. සූර්යයාගේ ගමන් චක්‍රය අනුවද විශ්වය වටා කරකැවෙන විට උදාවන උත්තරායන සමයේ මේ කාලය එළඹේ. ජනවාරි 15 සිට ජූලි 15 දක්‌වා කාලය උත්තරායනයයි. ජූලි 16 සිට ජනවාරි 14 දක්‌වා කාලය දක්‌ෂිණායනය වේ. උත්තරායන සමයේ මාර්තු මස විසි එක්‌ වැනිදා වන විට ලංකාවට සාපේක්‌ෂව හිරු මුදුන් වීමට පටන් ගනී. අප්‍රියෙල් මස පස්‌වැනිදා පමණ වන විට හිරු ලංකාවට සාපේක්‌ෂව දෙවුන්දර තුඩුව අසලින් උදා වේ. සූර්ය දොරටුව යන අර්ථයෙන් එය දෙවුන්දොර වන්නා සේ සූර්යයා ලංකාව හැරයන ලක්‌ෂ්‍යය පැදුම් දොර අර්ථයෙන් පේදුරුතුඩුව (පෑ දොර) වේ. සූර්යයා ලංකාවට මුදුන් වන තවත් අවස්‌ථාවක්‌ ඇත. ඒ වර්තමාන සම්මතයෙන් අගෝස්‌තු මාසයයි. අගෝස්‌තු මාසය අවුරුදු සැමරීමට නොගෙන බක්‌ මාසය ගත්තේ ඇයි ද යන පැණයත් සමඟ අපට පිළිතුරක්‌ ලැබේ. අවුරුද්දේ සෞභාග්‍යමත් කාලය බක්‌ මාසයයි. සූර්යයාගේ වර්ණ සංකලනයෙන් ගස කොළට ලබා දෙන ශක්‌තිය ඔප් නැංවෙන්නේ බක්‌ මාසයේදීය. ගස්‌ වල කිරි පුපුරා ගෙඩි හටගැනීම ඒ කාලයේදී සිදු වේ.

සූර්යයා වන්දනා කළ රටවල් සාමාන්‍යයෙන් විස්‌සක්‌ පමණ ලොව පුරා හමු වේ. ජපානය, දකුණු අමරිකා ඇස්‌ටෙක්‌වරු ග්‍රීකයන්, රෝමන්වරුන් මෙන්ම පැරණි හෙළයන්ද සූර්යයා වන්දනා කළ බවට සාක්‌ෂි හමු වේ. පැරණි ඇසිරියන්වරුද හිරු වන්දනාව කළහ. ඇසිරියන්වරුන්ගේ මෙසපොතේමියාවේ ඌර් නගරය වසර හයදහසක්‌ පමණ පැරණිය. මේ නගරය පාලනය කළ අක්‌කාඩ් රාජ වංශය අසුරයන්ය. අසූර් යන පදයෙන් ඌර් බිඳී ඇතැයි සිතිය හැකිය. අක්‌කාඩ්වරුන් පසුකාලයේදී ලංකාවටද පැමිණ පදිංචි වී ඇත. (අක්‌කඩි වික්‌කඩි වීර රඹුක්‌කොඩි) හින්දි බසේ සූර්යයාට කියන නම් එකසිය අටක්‌ පමණ හමුවේ. අසුර්යා ඉන් එක්‌ නමකි. උර්ජස්‌වාල යයි තවත් නමකි. පැරණි දඹදිවද සූර්ය වන්දනාවේ යෙදී ඇත. අව්ර් හෝ අව්ව යන පද සිංහලයට පැමිණ තිබෙන්නේ පැරණි හෙළ දවස තිබූ සංස්‌කෘතික සම්මිශ්‍රණයෙනි. ලංකාවේ ජීවත් වූ යක්‌ෂ සහ රාක්‌ෂස යන ජන කොටස්‌ මෙකී අසුරයන්ට අයත්ය. යක්‌ෂ භාෂාවේ කෞෂදී දිනිත්‍රි මෝපාර් යෝදික අව්රාග්‍රත මිනිත්‍ර උපේන්ද්‍ර ගෞකූර් සහ ශුද්‍රdම් යනුවෙන් සූර්යයාට කියන නම් අටක්‌ පමණ ඇත. මෙම නම් අතරින් අව්රාග්‍රත යන නාමයෙන් අව්ර් යන්න බිඳී ඇත්දැයි සෙවිය යුතුය. අව්රාග්‍රත යනු සොබාදහමට ජීවය දෙන අවස්‌ථාවයි. සූර්ය ශක්‌තීන් විසි දෙකක්‌ පමණ ඇතැයි ඔවුහු විශ්වාස කළහ. සූර්යයා මහ පොළවට මුදුන් වීම අනුව දෛනිකව කළ සූර්ය වන්දනා පූජා විධි දහයක්‌ පමණ හඳුනාගත හැකිය.

එකල ලොව පුරා පැතිර සිටි අසුරයන්ගේ සූර්ය වන්දනාව පැරණි හෙළයන් ද අනුගමනය කළ බව පෙනේ. එහෙත් ඒ සිරිත ලංකාවේ දක්‌නට ලැබෙන්නේ විශේෂයෙන්ම බක්‌ මාසය තුළදීය. සියලුම බීජ සහ ගහ කොළවල ජීවය පවතින්නේ සූර්ය ශක්‌තිය තුළය. එම ශක්‌තිය උපරිම වශයෙන් ලබාදෙන අවස්‌ථාව බක්‌ මාසයේ යෙදෙන බව අපගේ පැරණියන් දැන සිටියහ. බක්‌ මාසයේ තිබූ නැකැත් කෙළියක්‌ ගැන කියෑවේ. එසේම නව සඳ බැලීමක්‌ ගැන සීගිරි ගීවල දැක්‌වේ. සූර්ය වන්දනාව නොහොත් තපස්‌ වරයත් මේ නැකැත් කෙළියත් පදනම් කොට විවිධාකාරයෙන් සොබා දහම සතුටු කිරීමට මේ අවස්‌ථාව යොදාගත් බව පෙනේ. අස්‌වනු කපා පාගාගෙන අවසන් වන මැදින් මාසය මහ දින් (ධාන්‍ය) කාලය ලෙසට රැගෙන එය කෘෂිකාර්මික පැවැත්මේ වර්ෂයක්‌ නොහොත් වරුවක අවසානය ලෙසට ද සලකන්නට උත්සාහ කොට ඇතැයි සිතිය හැකිය. අව්ර්+සෘතු යනු සූර්ය ශක්‌තිය උපරිමව ලැබෙන කාලයයි. අවුරුද්ද යන නාමය බිහි වීමට අව්රුතු යන මූල පදය හේතු වන්නට ඇත..

වර්තමානය වන විට මෙම අවුරුදු උත්සවයට සිංහල හා හින්දු හෝ සිංහල හා දෙමළ යන ව්‍යවහාරයන් එක්‌ කර තිබේ. බ්‍රිතාන්‍යයන් 1885 නිවාඩු දින පනත මගින් අප්‍රියෙල් 11, අප්‍රියෙල් 28, සැප් 17 සහ දෙසැ. 25 නිවාඩු දිනයන් ලෙසට ප්‍රකාශයට පත් කළහ. එය සිදුවූයේ සිංහල බෞද්ධයන් සැනසීම සඳහා වෙසක්‌ නිවාඩුව ඇති කළ පසුවයි. නමුත් මෙයින් සිත් අමාරුවට පත් පොන්නම්බලම් රාමනාදන් මහතා හින්දූන්ට ද නිවාඩු දිනයක්‌ අවශ්‍ය බව ව්‍යවස්‌ථාදායක සභාවේ දී කියා සිටියේය. නිරන්තරයෙන්ම ලංකාවේ සුළු ජන වර්ග සැනසීම සඳහා ක්‍රියා කළ ඉංග්‍රීසි ආණ්‌ඩුව නැවතත් 1885 දෙසැම්බර් මස නව නිවාඩු දින පනතක්‌ ඉදිරිපත් කරන ලදී. එහිදී නිල නොලත් මන්ත්‍රීa ලිච්මන් යෝජනා කර සිටියේ අප්‍රියෙල් 28 බෞද්ධයන්ට ද අප්‍රියෙල් 11 හින්දූන්ට ද නිවාඩු දින වශයෙන් වෙන්කර දෙන ලෙසටයි. අලුත් අවුරුද්ද පිළිබඳව ඉංග්‍රීසි රජයේ දැක්‌ම එලෙස වූ අතර 1886 අංක 04 දරන නිවාඩු දින පනත ද සම්මත වුණි. මෙයින් පසුව අප්‍රියෙල් 11 දිනය සිංහල හා හින්දු අලුත් අවුරුද්ද යනුවෙන් භාවිත කරන්නට විය.

1948 දී අප නිදහස ලබා ගත් නමුත් දේශීය ව්‍යවහාරයන් හා චාරිත්‍ර පිළිබඳව බහුතරයකට වැටහීමක්‌ නොවුණි. සිංහල ජනතාව සුපුරුදු ලෙසට අවුරුදු උත්සවය පැවැත් වූ අතර දෙමළ හින්දු ජනතාව ඉන්දියාවේ පිළිවෙළට තෛපොන්ගල් සහ දීපවාලී උත්සවයන් පැවැත්වූහ. සූර්යයාගේ ගමන අනුව දිවා රාත්‍රි වශයෙන් අවුරුද්ද බෙදාගෙන බ්‍රහ්ම සංකල්පය ක්‍රියාත්මක කිරීම හින්දු සම්ප්‍රදාය විය. දෙමළ ජනතාව බහුතරයක්‌ ජීවත් වන දකුණු ඉන්දියාවට සූර්යයා මුදුන් වන අප්‍රියෙල් මාසය අගදී ඔවුන්ට උත්සවයක්‌ නැත. පරිසරය අඳුරු ගහකොළ සරුසාර නොවුණු සීතල දෙසැම්බර් මාසයෙන් පසු සූර්යයා උතුරු දෙසට ගමන් කිරීම ආරම්භ කරන විට තෛපොන්ගල් ද පසුව දීපවාලී සැමරුම ද තුළ සූර්ය වන්දනාව තිබුණ ද හුදෙක්‌ ආගමික උත්සවයකදී කරන චාරිත්‍ර ඊට අයත්ය. ලන්දේසි යුගයේ සිට මෙරට පදිංචි කරන ලද මලබාර් ජනතාව අප්‍රියෙල් මාසයේ 11 දිනය අවුරුද්දේ සතර වැනි මාසය ලෙසින් සලකා සිත්තර පුත්තාන්ඩු යනුවෙන් වසන්ත උත්සවයක්‌ පැවැත් වූහ. වසරේ හතරවැනි මාසය ගන්නේ නම් එය අවරදිග ක්‍රමයටයි. එවිට එම උත්සවයට දිගු අතීතයක්‌ නොමැති බව පෙනේ. 1983 ජුලි කලබලවලින් පසුව රජය සිංහල හා හින්දු ව්‍යවහාරය වෙනස්‌ කොට 1984 සිට සිංහල හා දෙමළ අලුත් අවුරුද්ද යනුවෙන් නව ව්‍යවහාරයක්‌ හඳුන්වා දෙන ලදී. ඒ සිත්තර පුත්තාන්ඩුව අවුරුද්දක්‌ ලෙසට වරදවා වටහා ගැනීමෙනි.

 

ලංකාවේ ප්‍රධාන ගොවි කන්නය මාස්‌ කන්නයයි. එහිදී මුළු රටේම එක පැහැර ගොවිතැන් බත් කෙරේ. නමුත් යල කන්නයේ වුවද රටේ යම්කිසි කොටසක ගොවිතැන කර ගැනීමට ගොවි ජනතාවට හැකියාව තිබුණි. එයට පදනම සකස්‌ වන්නේ ද සූර්යයාගේ ගමනයි. නිරිත දිග මෝසම් වර්ෂාව මගින් සරුසාර කර ගත හැකි කලාපයන් ආවරණය කර ගනිමින් බත බුලත පමණක්‌ නොව ධාන්‍ය පළතුරුද ලබා ගන්නට මොවුහු සමත් වූහ. ආහාර අනුභවයට ප්‍රථම රෑයෙදී තිබෙන වැඩ ඇල්ලීම මගින් සංකේතවත් වන්නේ සමස්‌ත ජාතියම එකම අවස්‌ථාවක ජාතික නිෂ්පාදනය ආරම්භ කිරීමේ සිරිතයි. කිරි ඇති ගසකට කෙටීමෙන් වැඩ ඇල්ලීම සාම්ප්‍රදායික සිරිතයි. ගනුදෙනු කිරීම නම් මුදල් හුවමාරුව නොව ළිඳ සමඟ සොබාදහමේ පංච භූතය සමඟ එක්‌වීමයි. ජලය නොමැතිව ජීවත් වීමට කිසිවකුට නොහැකිය. ජලය ලබා දෙන ළිඳ පිරිසිදු කොට ගැනීම අවුරුද්දට පළමු කළ යුතු දෙයකි. පිරිසිදු ජලය ලබා ගැනීමට උල්පත් පාදා ගැනීම එහි අරමුණයි. ගනුදෙනු කරන අවස්‌ථාවේ දී ළිඳ වෙතට ගොස්‌ කෘතඥතා පූර්වක හැඟීමෙන් නමස්‌කාර කිරීමත් ජලය නැවුම් භාජනයක බහා සුරැකිව තබා ගැනීමත් සිංහල බෞද්ධයන් අනුගමනය කළ සද් කාර්යයකි.

මුදල් ගනුදෙනු කිරීම වත්මන් සමාජයේ ප්‍රධාන කටයුත්තක්‌ වුවද මුදල් අමතක කොට භාණ්‌ඩ හුවමාරුවද කළ හැක්‌කකි. වෙසෙසින්ම ආහාර නිෂ්පාදනයට දායක විය හැකි වන පරිදි වී ගොවිතැනට අදාළ වන බිත්තර වී මල්ලක්‌ හුවමාරු කර ගැනීමට හැකිනම් එය කෙතරම් අගේ කළ යුතු කාර්යයක්‌ ද. එහිදී විවිධ වර්ගයේ වී ප්‍රභේද එයට යොදා ගත හැකිය. හිස තෙල් ගෑමේ චාරිත්‍රය ද ඉතා වැදගත්ය. ඒ මගින් ජනතාවගේ සෞඛ්‍ය පැවැත්ම උදෙසා වටිනාකමක්‌ ලබා දෙයි. සූර්යයා මුදුන් වන අවස්‌ථාවේ ඇතිවන නොයෙකුත් උෂ්ණාධික ලෙඩ රෝග වළක්‌වා ගන්නට මේ තෛල සම්බාහනය ඉතා වැදගත්ය. මෙම අලුත් අවුරුදු චාරිත්‍ර නිවැරදිව සහ අර්ථාන්විතව කිරීමට වත්මන් ජනතාව දැනුවත් කිරීම යුගයේ අවශ්‍යතාවයක්‌ ලෙසට දකිමි.

අලුත් අවුරුදු උත්සවය ඇරැඹෙන්නේ බක්‌ මාසයේ වෙසෙසි අවස්‌ථාවකදීය. එහෙත් එය හුදෙක්‌ වසන්ත උත්සවයක්‌ නොවේ. එබැවින් එය බක්‌ මහ උළෙල යනුවෙන් හැඳින්වීමද නිවැරදි නොවේ. සූර්යයා හෙළ රාශියට නොහොත් මේෂ රාශියට සංක්‍රමණය වීමෙන් අවුරුදු චාරිත්‍ර ආරම්භ වුවද අවුරුදු උත්සවය සූර්ය මංගල්‍යයක්‌ පමණක්‌ ද නොවේ. එය වසර දහස්‌ ගණනක්‌ තිස්‌සේ විවිධ චාරිත්‍ර මත සංවර්ධනය වූ ජාතික උත්සවයක්‌ වී අවසන්ය. ජාතික නිෂ්පාදනයන් පිළිබඳ අභිලාෂයන් ද නිවැරදි පරිභෝජනය ඇති කරවන හුරුපුරුදු මෙන්ම සෞඛ්‍ය සංරක්‌ෂණය හා බැඳි සාරධර්ම මෙහිදී පුරුෂාර්ථ ලෙසට ඉස්‌මතු වේ. සිංහල ජාතිකත්වයට අවුරුදු කාලය ඉතා වැදගත්ය. වත්මන් දෙමළ සහ අනෙකුත් ජන වර්ගයන් ද සොබාදහමේ පැවැත්මට එකතු වන්නේ නම් අලුත් අවුරුද්ද තුළින් සිංහල සංස්‌කෘතියට අනුගත විය හැකිය. එය අපගේ පැරණි සිරිතයි. නමුත් වර්තමාන සිංහල අලුත් අවුරුද්ද කෙරෙන් මේ උතුම් පරමාර්ථ බැහැරව යමින් පවතී. එයට හේතුව ජනේරුව විසින් ඇති කරන ලද රංචු ගැසීම හා විනෝද වීමේ සංස්‌කෘතිය මේ අවුරුදු සමයට ද ආදේශ වීමයි. යුරෝපීය වාණිජ පරමාර්ථ විසින් අලුත් අවුරුද්ද දූෂණය කර තිබේ. එය ජාතියක පරිහානි ලක්‌ෂණයකි. බක්‌ මහ සැණකෙළිය නමින් එය වර්තමානයට උචිත ලෙසින් නාමකරණය වී ඇත්තේ එනිසාය. ඒ යටින් දිවෙන ගෝත්‍රික පරාධීනත්වය අප වහ වහා අවබෝධ කර නොගත හොත් ජාතික නිෂ්පාදන පුරුෂාර්ථ මතු කරන මේ උතුම් අවුරුද්ද ඉතා ඉක්‌මනින් දියවී යනු නිසැකය.

 

යොහෝවා සාක්‍ෂිකරුවෝ රුසියාවෙන් පන්නා දැමෙති…

යොහෝවා සාක්‍ෂිකරුවෝ
රුසියාවෙන් පන්නා දැමෙති

චතුර පමුණුව

යොහොවා සාක්‍ෂිකරුවෝ ලංකාව පුරා ද විසිර සිටිති. මොවුන් උත්සහ කරනුයේ තම ආගමික විශ්වාසවන්තයන් ප්‍රමාණය වැඩි කිරීම සඳහාය. මෙය සැබවින්ම ක්‍රිස්‌තියානි මූලධර්මවාදී කල්ලියකි. මෙරට කාදිනල්තුමා ද මූලධර්මවාදී කල්ලි ගැන අප්‍රසාදය පළකර සිටියේ එක්‌ වරක්‌ නම් නොවේ. ආගම්වලට හැරවීම නැවැත්වීමේ පනත වහා ඉදිරිපත් කළ යුතු බවත් එතුමා ප්‍රකාශ කර තිබිණි.

යොහෝවා සාක්‍ෂිකරුවන් ගැන අපට සිහි වූයේ රුසියානු ශ්‍රේෂ්ඨාධිකරණය ගත් වැදගත් පියවරක්‌ නිසාය. පසුගියදා පැවැති නඩු විභාගයේදී රුසියානු ශ්‍රේෂ්ඨාධිකරණය නිවේදනය කර සිටියේ මෙම සංවිධානය අන්තවාදී සංවිධානයක්‌ බවයි. මේ තීන්දුව අනුව ශාන්ත පිටර්ස්‌බර්ග් නුවර පිහිටි මෙම සංවිධානයේ ප්‍රධාන කාර්යාලය වසා දැමෙනු ඇත. රුසියානු ආණ්‌ඩුව ඉවැන්ජලිකල් ආගමික කණ්‌ඩායම් සම්බන්ධව කිසිම ලිහිල් ප්‍රතිපත්තියක්‌ අනුගමනය කරන්නේ නැත. පසුගිය වසරේදී ඉවැන්ජලිකල් පූජකයන් හයදෙනකු පිටුවහල් කර දැමීමට රුසියානු රජය ක්‍රියා කළේය. 1997 සම්මත කරනු ලැබූ විශේෂ පනතකට අනුව රුසියානු රජය පිළිගනු ලබන්නේ ඩර්නඩොන්ස්‌ ක්‍රිස්‌තියානි, මුස්‌ලිම් යුදෙව් හා බෞද්ධ යන ආගම් හතර පමණි. නමුත් රුසියාවේ සිටින යොහෝවා සාක්‍ෂිකරුවන්ගේ ප්‍රමාණය 175,000 කි. යොහෝවා සාක්‍ෂිකරුවන්ගේ ආගමික නිකායේ ඉතිහාස 1870 දක්‌වා ඈතට යයි. මෙම ආගමික කල්ලිය ආරම්භ වූයේ ඇමරිකාවේ පෙන්සිල්මේනියා හිදීය. ඔවුන් පවසන ආකාරයට ලොව පුරා මෙම ආගමික නිකායට අයත් මිලියන 8.3 ක්‌ විසිර සිටිති. කතෝලිකයන්, ප්‍රොතෙස්‌තන්තීහු ආගමිකයන් ඩර්නඩොන්ස්‌ ක්‍රිස්‌තියානීන් දෙවියන් වහන්සේ ඡේසුස්‌ හා ශුද්ධ ආත්මය පිළිගත්තද යොහෝවා සාක්‍ෂිකාරයෝ ශුද්ධාත්මය පිළිනොගනිති. ඔවුන් පිළිගන්නේ දෙවියන් වහන්සේ හා දෙවියන්ගේ පුත් ඡේසුස්‌ බවයි.

අවදිවව් යන ලිපි ලේඛන ලොව පුරා බෙදාහරින්නේ යොහෝවා සාක්‍ෂිකරුවන් විසිනි. අවදිවව් ලේඛන සිංහලෙන් ද ලක්‍ෂ ගණනින් බෙදාහැර එමෙන්ම මොවුහු නත්තල් උත්සවයට පාස්‌කුව සමරන්නේද නැත. යුද හමුදාවට බැඳී සේවය කිරීම ප්‍රතික්‍ෂේප කරන මේ කණ්‌ඩායම ලේ දීමද ප්‍රතික්‍ෂේප කරති.

චාල්ස්‌ මාසේ රසල් විසින් ආරම්භ කරන ලද මෙම ආගමික කණ්‌ඩායමට බොහෝ විවේචන එල්ල වී තිබේ. බයිබලය වෙනස්‌ කිරීම මෙන්ම මෙම ආගමික කණ්‌ඩායමේ සිදුවූ ලිංගික අපචාර සැඟවීම ගැන ද බලවත් විවාදයක්‌ පවතී, මේ ආගමික කල්ලිය විසින් සිය රහස්‌ දැඩිව රකී. රුසියානු ශ්‍රේෂ්ඨාධිකරණය විසින් යොහෝවා සාක්‍ෂිකරුවන් අපරාධකරුවන් ලෙස හුවා දැක්‌වීම ගැන මෙම සංවිධානයේ ජාත්‍යන්තර ප්‍රකාශක ඩේමියන් සෙමෝනියම් විසින් දැඩිව විවේචනයට ලක්‌ කර ඇත. තමන්ට එරෙහිව දේශපාලන පීඩනයක්‌ එල්ල වන බව මෙම ප්‍රකාශකයා කියයි.

රුසියානු ඩර්නඩෙන්ස්‌ පල්ලිය නම් මේ තීරණය පිළිබඳ සතුටු වන බව රහසක්‌ නොවේ. 2015 දී ඇමරිකානු සයන්මොලොජි ආගමික කල්ලිය ද රුසියානු ආණ්‌ඩුව විසින් තහනම් කරන ලදී. මෙම කල්ලිය ප්‍රධාන අනුගාමිකයකු වන්නේ ප්‍රකට හොලිවුඩ් නළු ටොම් කෲස්‌ය.

විවිධ ඉවැන්ජලිකල් කල්ලි හරහා විදේශ අතපෙවීම් සිදුවන බව රුසියානු රජය හොඳින් අවබෝධ කරගෙන ඇත. එනිසාම යොහෝවා සාක්‍ෂිකරුවන් ද රුසියාවෙන් පැන්නීමට සියලු කටයුතු යොදා ඇත. එහෙත් ලංකාවේ සිදුවන්නේ කුමක්‌ද? වෙනදාටත් වඩා ක්‍රිස්‌තියානි මූලධර්මවාදී කල්ලි කණ්‌ඩායම් පැතිරීම නොවේද? මේ ගැන හඬනගන්නේ කවරෙක්‌ද? කිසිවෙක්‌ නැත.

 

කුස්‌සිය කියන්නේ බෙහෙත් කුටියක්‌ ආහාර කියන්නේ බෙහෙතක්‌… සිංහලයාගේ ආහාර සිරිත ගැන ආචාර්ය පබ්ලිස්‌ සිල්වා කතා කරයි

කුස්‌සිය කියන්නේ බෙහෙත් කුටියක්‌
ආහාර කියන්නේ බෙහෙතක්‌…

සිංහලයාගේ ආහාර සිරිත ගැන
ආචාර්ය පබ්ලිස්‌ සිල්වා කතා කරයි

උදාවී ඇත්තේ සිංහල අලුත් අවුරුදු සමය බැවින් මේ දිනවල බහුලව කතාබහට ලක්‌වන මාතෘකා අතර ආහාර සඳහා හිමිවන්නේ සුවිශේෂී වටිනාකමකි. බත බුලත හා බැඳුන හෙළයේ මහා සංස්‌කෘතික මංගල්‍යවන සිංහල හින්දු අලුත් අවුරුද්ද හා බැඳුන පුරාණ ආහාර සංස්‌කෘතියක්‌ පැවැතියේද එය කිනම් මූලධර්ම මත පදනම්ව ගොඩනැංවී ඇති දෙයක්‌ද මේ වන විට එහි දක්‌නට ඇත්තේ කිනම් තත්ත්වයක්‌ද යන්න පිළිබඳ යම් අවබෝධයක්‌ රටට අවැසි මොහොතක ඒ පිළිබඳ ප්‍රාමාණිකයෙක්‌ වන ගල්කිස්‌ස මහ හෝටලයේ සූප කටයුතු හා ප්‍රවර්ධන අධ්‍යක්‍ෂ දේශබන්දු ආචාර්ය පබ්ලිස්‌ සිල්වා මහතා මුණගැසීමේ අවස්‌ථාවක්‌ පසුගියදා උදාවිය.

ඉහත කාරණා පිළිබඳවත් එයට අමතරව පුරා වසර 41 ක්‌ තිස්‌සේ කරන ලද පර්යේෂණ හා ගවේෂණවල ප්‍රතිඵලයක්‌ ලෙස මේ මස 24 වැනිදා එළිදැක්‌වීමට නියමිත ඒ මහතා විසින් රචනා කර ඇති “සූපවංශය” ග්‍රන්ථය පිළිබඳවත් යම් කථාබහක්‌ සිදුකිරීම අප මුණගැසීමේ ප්‍රධාන අරමුණ විය.

පෞරාණික වටිනාකම් රැසක්‌ නිහඬව දරාගනිමින් මෙරට සංචාරක හෝටල් ක්‌ෂේත්‍රයේ අද්විතීය වටිනාකමක්‌ හිමිකරගෙන ඇති ගල්කිස්‌ස මහ හෝටලය රට හමුවේ පමණක්‌ නොව ලෝකය හමුවේ ප්‍රකට කරවීමේ “මුද්‍රdව” බඳු පබිලිස්‌ සිල්වා මහතා, පළමුව සුහද ආචාරශීලී සිනහවකින් සංග්‍රහකොට ඉන් අනතුරුව මෙරට ආහාර සංස්‌කෘතිය සම්බන්ධයෙන් ඔහු සතු දැනුම හා අවබෝධය වචන බවට පෙරළන්නට විය

“අපි සිංහල අලුත් අවුරුදු හා බැඳුන අපේ ආහාර සංස්‌කෘතිය පිළිබඳ කථාකරන්න පෙර මම හිතනව අපි මේ කථාබහ ආරම්භ කරන්න ඕන මිනිස්‌ ශිෂ්ටාචාරයේ මුල් අවධියට ගිහිල්ල කියලා. මොකද මිනිසා පරිණාමය වෙන්න ඉස්‌සරත් ඊට පසුත් කාලයක්‌ ගතවනතුරුම තමන්ගේ ආහාරය පිණිස යොදා ගත්තෙ පිසින ලද ආහාර නොවෙයි. ඒ අය තමන්ගේ කුසගින්aන නිවා ගත්තෙ ආහාර අමුවෙන් අනුභව කිරීම තුළින් එහෙම අමුවෙන් ආහාර භුක්‌ති විඳපු ජනකොට්‌ඨාසයක්‌ ඇයි ආහාර පිසින්න පටන් ගත්තෙ. ඒකට හේතුවක්‌ තිබිය යුතුයිනෙ. අනෙක්‌ කාරණය තමයි ලෝකයේ සත්ව විශේෂ දස දහස්‌ ගණනක්‌ අතරින් සත්ත්ව විශේෂ එකක්‌ දෙකක්‌ පමණයි ආහාර පිළියෙළ කරල අනුභව කරන්නේ. එතනදී පළමු තැන හිමිවෙන්නෙ මිනිසාට. එහෙනම් කවුද අනික්‌ සත්ත්ව විශේෂය…

පබිලිස්‌ සිල්වා මහතා එතෙක්‌ කරගෙන ආ කථාබහ මා වෙත ඉදිරිපත් කරන ලද පැනයකින් නිමාකර මඳකට නිහඬ විය. එම පැනයට පිළිතුරක්‌ දීමට නොහැකියාවෙන් මා නිරුත්තර වන අයුරු දුටු ඔහු යළිත් හඬ අවදි කළේය. ඒ කටහඬෙහි ඔහු විසින් විමසන ලද පැනයට පිළිතුර අඩංගු විය.

“ඒ තමයි මී මැස්‌ස. එයත් ආහාරයට ගන්නෙ තමන් විසින්ම පිළියෙළ කරගත් ආහාරයක්‌. ඒ තමයි මී පැණි. අදත් මිනිසා වන අපට පුළුවන්ද ආහාර සංස්‌කෘතිය අතින් ගත්විට මී මැස්‌සව අභිබවා යන්න. ඒකට පිළිතුර තමයි “බැහැ” කියන එක. ඒකට හේතුව තමයි අපි මොන ආහාරය සැකසුවත් ඒක ආහාරයට ගන්න පුළුවන් නියමිත කාලයක්‌ පවතිනවා. හැබැයි සෑම මලකින්ම රොන් ගන්න මී මැස්‌ස මේව සංයෝග කරල නිෂ්පාදනය කරන මී පැණි කවදාවත් නරක්‌ වෙනවද? කල් ඉකුත්වීමේ දිනයක්‌ තියෙනවද? නැහැ. මීමැස්‌ස තමන්ගෙ ආහාර ටික හදාගන්නෙ අන්න එහෙම. ඉතින් අපි අපේ ආහාර සංස්‌කෘතිය ගැන කථාබහ කරන කොට අපි මේව ගැන කථා කරනවද. ඒ සතුන්ගේ දක්‌ෂතාවයන් අපි අනුගමනය කරනවද. අන්න ඒ හින්ද අපි මේව ආශ්‍රය කරගෙන අත්හදා බැලීම් කළ යුතුයි. ඔය කියන කාරණය ඇතුළු මිනිසා විසින් අනුභව කරන සියලුම ආහාර සම්බන්ධයෙන් වසර 40 ක්‌ තිස්‌සේ මා විසින් කරන ලද පර්යේෂණ හා අධ්‍යයනයන් උඩ ඉඳල මා විසින් ජාතියට යමක්‌ දායාද කරන්න තමයි “සූපවංශය” කියන මාහැඟි ග්‍රන්ථය මා විසින් ලියා පළ කරන්නෙ.”

“ඒක එක කාරණයක්‌. මෙතනදි මා එක්‌ක මාධ්‍ය අමනාප වන එකක්‌ නැහැ කියන විශ්වාසය මත ඉඳල තව කාරණයක්‌ පැවසිය යුතුයි. ඒ තමයි අද මාධ්‍ය මගින් ප්‍රචාරය කරන දැන්වීම් මගින් කියන්නෙ මොකක්‌ද? දේශීය ආහාරවලට එහෙම නැත්නම් යහපත් ආහාර රටාවක්‌ ගැන දැනුවත්වීම් සිද්ධ කරනවද? එහෙම දෙයක්‌ වෙන්නෙ නැහැ. වසරකට වරක්‌ සිංහල අලුත් අවුරුද්ද අල්ලගෙන අපි වගේ උදවියගෙන් ‘හොඳ’ ගැන පොඩි දෙයක්‌ අරගෙන ඒක සමාජයට දීල වැඩිපුර ප්‍රචාරය කරන්නෙ ආහාර සම්බන්ධයෙන් වැරදි සහ නරක පුරුදු. විශේෂයෙන් තුන්වැනි ලෝකයේ අපේ වගේ රටවල තිබුණ ආහාර සංස්‌කෘතිය යටපත්කරගෙන අද වනවිට ඉස්‌මතු වෙන්න පටන් අරන් තියෙන්නෙ පිටරට බහුජාතික හස්‌ත විසින් ඒ අයට වුවමනා දේ තමයි අද වෙද්දි අපට වැඩිපුරම ආහාරයට ගන්න වෙලා තියෙන්නෙ.

දැන් අපි කතා කරන්න ගත්තෙ අපට ආවේණික ආහාර තියෙනවද ඒ මොනවද කියලනෙ. එතනදි මට කියන්න තියෙන්නෙ අපේම කියන අපටම පමණක්‌ ආවේණික ආහාරයක්‌ තියෙනව නම් ඒ තලප ටික පමණයි. හැබැයි අපට අනන්‍යතාවක්‌ තියෙනවා. ආප්පයක්‌ ගත්තත් පොල් රොටියක්‌ ගත්තත් අපි කන්නෙ ඉන්දියාවෙ හදන ආප්පයට වඩා වෙනස්‌ ආප්පයක්‌. අනෙක්‌ ආහාර වර්ග ගත්තත් එහෙමයි. අන්න ඒ මත පිහිටල තමයි මම ‘සූපවංශය’ රචනා කරන්නෙ.

දැන් අපේ මහාවංශය ගත්තොත් ඒකට සම කරන්න තවත් ග්‍රන්ථයක්‌ ලෝකයෙ නැහැනෙ. අන්න ඒ වගේ තමයි මේ සූපවංශය කියන ග්‍රන්ථයත්. මේ ග්‍රන්ථයට වසර දෙකකට වරක්‌ අලුත් පරිච්ඡේද එකතු වෙනවා. මේ ග්‍රන්ථය ප්‍රධාන වශයෙන්ම සුවිශේෂි වෙන්නෙ මිනිසා ආහාර පිස අනුභව කිරීමට පටන් ගත්තෙ ඇයි කියන එකට මගේ දැනුමේ හා අවබෝධයේ හැටියට පිළිතුරක්‌ දෙනවා.

“අපි නැවත කතාවේ මුලට යමු. අපේ රටේ පැවති ආහාර සංස්‌කෘතිය පිළිබඳ ලිත සාක්‌ෂි නැතිකම මම දකින්නෙ ඉතිහාසය විසින් අපට සිදු කළ විශාල හානියක්‌ කියලා. මොකද මම එහෙම කියන්නෙ සුද්ද කොළ අතු ඇඳගෙන ඉන්න කාලේ අපේ රටේ තාක්‌ෂණය තිබිලා තියෙනවා. ගොවිතැන තිබිලා තියෙනවා. ඒ වගේම ආහාර සංස්‌කෘතියක්‌ තිබිලා තියෙනවා. හැබැයි ඒක කොයි වගේද? රස, සුවඳ කොහොමද? කියලා ලියවිලා නැහැ. මම දන්නා විදිහට අපේ ශේ්‍රෂ්ඨතම ඉතිහාස ග්‍රන්ථය වන මහාවංශය සඳහන් වෙනවා, ක්‍රි. පූ. 9 දී අපි ගොවිතැන් කළ ජාතියක්‌ කියලා. හැබැයි අපේ ආහාර සංස්‌කෘතිය මොකක්‌ද කියලා ලියවිලා නැහැ. 1815 මහනුවර රජකම් කළ ශ්‍රී වික්‍රම රාජසිංහ රජුගේ රාජ්‍ය පාලන සමයේ තමයි, මම දන්න අයුරින් අපේ ආහාර සංස්‌කෘතිය ගැන මුලින්ම යමක්‌ ග්‍රන්ථාරූඪ වෙලා තියෙන්නේ. ඒකත් පුස්‌කොළ පොතක ශ්ලෝක ලෙසින් ලියවිලා තියෙන්නේ. පසුකාලෙක මහාචාර්ය සන්නස්‌ගල මහත්තයා එංගලන්තයට ගිහින් ඒ පුස්‌කොළ පොත හොයා ගෙන ඒක ගැන ලිව්වා. ඒ හැර වෙන කිසිම සාක්‌ෂියක්‌ මම දන්න තරමින් අපේ ආහාර පිළිබඳ නිවැරදිව ඉතිහාසයේ සඳහන් වෙලා නැහැ.”

ඒ කාරණා ගැන පසුවට කතා කරන්න තියලා මේ මොහොත ගැන කතා කරනවා නම් විශේෂයෙන්ම සිංහල අලුත් අවුරුදු චාරිත්‍ර වාරිත්‍ර අතර, බත බුලතට විශේෂ වටිනාකමක්‌ එදා පටන්ම පවතිනවා.

මොකද අවුරුද්දකට එක්‌ වරක්‌ මුළු රටම එකම වෙලාවක ළිප ගිනි මොලොවන්න, එකම වෙලාවට ආහාර පිළියෙළ කරගන්න, එකම වෙලාවක ආහාර අනුභව කරන්න එයට අමතරව මේ හැම දෙයක්‌ම ආගම දහමට පළමු තැන දීලා ඉෂ්ට සිද්ධ කරන්න අපි පෙළඹිලා ඉන්නෙ අපි තුළ ඉන්න සංස්‌කෘතික මිනිසා හේතුවෙන්නෙ. එහෙම සිරිතක්‌ ලෝකයේ වෙන කිසිම රටක ඇත්තෙත් නැහැනේ. එතනදී අපි සකසා ගන්නෙ කුමන ආහාරද ඒවා සකසා ගන්නෙ කෙසේද කියන කාරණය බොහෝ දෙනෙක්‌ දන්න හින්දා මම ඒaකේ වෙන පැත්තක්‌ ගැන යම් සඳහනක්‌ කරන්නම්.

“සිංහල අලුත් අවුරුදු කෑම මේසයට පමණක්‌ නෙවෙයි, මේ කියන කාරණය සෑම ගෙදරකම තුන්වේල පිළියෙළ කරද්දී ගෘහණියට අනුගමනය කරන්න පුළුවන් නම් තමන්ගේ පවුල නිරෝගි සම්පන්න පවුලක්‌ බවට පත්කිරීමට ඇයට හැකියාව පවතිනවා.

” විශේෂයෙන්ම අද බොහෝ දෙනෙක්‌ නැකතට පිසින බතට හොද්දට රසකාරක කියලා වසකාරක දානවා. එතනදීම ආහාර අනුභව කරන්නේ කුමක්‌ සඳහාද? කියන කාරණයේ පවතින අරමුණ විනාශ වෙනවා. ශරීරයට අහිතකර දේ පාවිච්චි කරලා කොපමණ රසට උයා පිහා ගත්තත් ඒක ප්‍රතිඵල විරහිතයි. අනෙක්‌ කාරණය තමයි නිවසක වටිනාම කොටස තමයි මුළුතැන්ගෙය. කෙනෙක්‌ මුළුතැන්ගෙයට පිවිසෙද්දී පන්සලකට යනවා වගේ හැඟීමකින් එතනට යන්න ඕන.

ආහාර පිළියෙළ කරද්දී ඉතාම පිරිසිදු මානසිකත්වයකින් රසකාරකවලින් තොර ආහාර වේලක්‌ පිළියෙළ කරගන්න ඕන. ඇත්තම කියනවා නම් නිවැරදිව මනාව පිළියෙළ කරගත් ආහාරයක්‌ කියන්නෙ ශරීරයට ලබා දෙන ඖෂධයක්‌. ඒ තුළින් බොහෝ රෝග සුවපත් කිරීමේ හැකියාව පවතිනවා. ඒ හින්දා අවුරුදු සමය කියන කාලපරිච්ඡේදයේ පමණක්‌ නොවෙයි, අවුරුද්දෙ තුන්සිය හැටපස්‌ දවසෙම මේ රටේ ගෘහණිය විසින් තමන් විසින් සකසා ගන්න කුළුබඩු ටික පාවිච්චි කරලා ඉතාම යහපත් සිතින් පිරිසිදුව පිළියෙළ කරගන්න පුළුවන් ආහාර වේලක්‌ තමන්ගේ පවුලේ උදවියට නිවසට පැමිණෙන ඥති හිතවතුන්ට පිළිගන්වන්න පුළුවන් නම් මම හිතනවා, පුරාණයේ හිටපු මිනිසුන්ව යෝධයන් බවට පත් කළ අපේ ආහාර සංස්‌කෘතියට ආහාර රටාවට යළි ජීවයක්‌ දෙන්න පුළුවන් වේවි කියලා.

ඒ හින්දා මම ඉල්ලීමක්‌ කරනවා. නිවසක මුළුතැන්ගෙය කියන දෙය ” ඔසු කුටියක්‌” බවට පත් කරගන්න ඒ තුළ තිබෙන්නෙ ඖෂධ කියලා හිතන්න මේ අවුරුද්දෙ ඉඳලා ඒ හැඟීමෙන් යුතුව කටයුතු කරන්න කියලා. එවිට අපට පුළුවන් වෙනවා නොදැනුවත්වම අපේ ආහාර සංස්‌කෘතියේ ඇරඹුමට නැවත පිවිසෙන්න. ඊට පස්‌සෙ අපට පුළුවන් වේවි නැවත සුවපත් ජාතියක්‌, සුවපත් රටක්‌ නිර්මාණය කර ගන්න.

එසේ පවසමින් ආචාර්ය පබ්ලිස්‌ සිල්වා මහතා තමන් විසින් කරගෙන ආ කතා බහට විරාමයක්‌ ලබා දෙන්නට තීරණය කරන ලද්දේ කාලය විසින් ඔහුගේ අවිවේකී බව වේගයෙන් උදුරා ගත්තෙන් විය යුතුය. ඉදිරියේදී මෙවැනි ලිපි මාලාවක්‌ මඟින් රටට තමන්ගෙන් විය යුතු මෙහෙවර ඉටු කිරීමේ නිහතමානී පොරොන්දුවෙන් යුතුව කතා බහ නිමා කළ ජාතියේ මහා සුපවේදියා වන පබ්ලිස්‌ සිල්වා මහතා මා ඔහුගෙන් සමුගන්නට මොහොතකට පෙර පවා ප්‍රකාශ කර සිටියේ මෛත්‍රිය, ආදරය මුසු කොට තනන “ලුණු මිරිස්‌” පවා ඖෂධයක්‌ වන බවය.

රුවන් ජයවර්ධන

 

නිජබිම් අයිතිය තහවුරු කරන්නට මලබාර්වරු ලංකාදෙමළ කිරීම පෘතුගීසීන්ගෙන් ඕලන්දයට හුවමාරු වූ ද්‍රවිඩ මලබාර් වහල් වෙළඳාම

නිජබිම් අයිතිය තහවුරු කරන්නට මලබාර්වරු ලංකාදෙමළ කිරීම
පෘතුගීසීන්ගෙන් ඕලන්දයට හුවමාරු වූ
ද්‍රවිඩ මලබාර් වහල් වෙළඳාම

II වැනි කොටස

ටික්‌කම මහින්ද කුමාර

පෘතුගීසීන්, ලන්දේසීන් හා ඉංග්‍රීසි ආක්‍රමණිකයන් විසින් ලක්‌දිව උතුර හා නැඟෙනහිරට දුම්කොළ වැවීමට වහලුන් ලෙසට ගෙන ආ දෙමළ මලබාර් ජනවර්ගය 1824 සංගණය අනුව 4.5% පමණකි. මේ මලබාර් දෙමළුන්ට මිෂනාරි කතෝලික පාසල් හරහා 1818 සිට ඉංග්‍රීසි අධ්‍යාපනය ලබාදී යාපනයේ මලබාර් නිලධාරීන් පෙලැන්තියක්‌ ලවා සමස්‌ථ ශ්‍රී ලංකාව පාලනය ඇරඹීය. මේ අනුව, ඔවුන් විසින් යාපනයට හා නැඟෙනහිරට ගෙන්වා පදිංචි කල “සියලුම මලබාර් දෙමළුන්ට” ශ්‍රී ලංකාවේ නිජබිම් අයිතිය තහවුරු කිරීම පිණිස ”ලංකා දෙමළ ලෙසට” නීති ගත කලේ ක්‍රි.ව. 1881 ජනසංගණන වාර්තාව සකස්‌ කල දෙමළ මලබාර් වෙල්ලාහල කුල පොන්නම්බලම් අරුනාචලම් නම් වූ ප්‍රථම සිවිල් සේවකයා මගිනි. ක්‍රි.ව. 1881 පසුව ශ්‍රී ලංකාවේ මලබාර් වැසියන් ගැන සඳහන් නොකර ඒ අය ලංකා දෙමළ ලෙසට හැඳින්විය. එතෙක්‌ මේ අය මලබාර්වරුන් ලෙසට ජනගහන වාර්තාවල ක්‍රි.ව. 1881 තෙක්‌ සඳහන් විය.

ක්‍රි.ව. 1661

ඕලන්දයන් තම කොම්පැනිවල වැඩ කිරීමට 10,000 ද්‍රවිඩ වහලුන් කොළඹ හා ගාල්ලට ගෙන්වන ලදී. ක්‍රි.ව. 1678 වන විටත් යාපන අර්ධ ද්වීපයේ සිටි සිංහල ජනයා 30% (50,789) ගෙන් වැඩි ප්‍රමාණයක්‌ ඉවත් වී සිටියා. සිංහල ආරිය අට්‌ට බ්‍රහ්මණ පරපුරේ අරිට්‌ට කයිලෙය වන්නියා තම පාලනයේ පැවති වඩමාරට්‌ටි ප්‍රදේශය අතහැර නුවරකලාවියට පැමිණ යාපනය නැවත ලබා ගැනීම සඳහා ආයුධ සාදන ලදී. යාපනයෙන් ආ සිංහල වංශවත් බ්‍රහ්මණ හා වෙල්ලාල මිශ්‍ර මඩාප්පුලිවරු සමග ලී අට්‌ටාල ගසා ඒ මත පදිංචි වූ තැන මඩා අට්‌ටු ගම මඩාටුගම විය. කයිලෙය වන්නියා විසින් සශ්‍රීක කල ප්‍රදේශය කයිලෙය පත්තුව ලෙසට නම් විය. යාපනයෙන් ගෙන ආ ස්‌කන්ධ (මුරුගන්) පිළිම වඩමවු තැන (කන්ද) මුරුගන් හිටි දේවාලය නොහොත් මුරුගා හිටි කන්ද ලෙසට අදටත් සඳහන් වේ. නාගදේවාලයක්‌ ද මේ ගමේ තවම ඇත. ක්‍රි.ව. 1678 සිංහල වන්නිවරු සමග එකතු වී උඩරට රජුගේ (II රාජසිංහ) උදව් සේනා ඇතිව යාපනේ රාජ්‍යය උරුමය ඇති ශ්‍රී මහා බෝධිය ලංකාවට ගෙන ආ රාජවංශිකයන් 8 දෙනාගෙන් පැවත ආ ආරිය චන්ද්‍රවංශික වරරාම කුමාරයාට යාපාපටුනේ වඩමාරට්‌ටි, තෙත්මාරට්‌ටි, වල්ලිකාමන් නම් ත්‍රීනම් ත්‍රී භූමිය (ත්‍රී භූල්) මෞර්ය වංශික ධර්මාශෝක අධිරාජ්‍යයාගේ නියමයෙන් දේවානම්පියතිස්‌ස රජු විසින් (බුද්ධ රාජාවලිය) ලබාදුන් ත්‍රිබුල් බණ්‌ඩාර පෙලපතින් පැවති වීදිය බණ්‌ඩාරගේ 3 පරපුරේ මුනුබුරු වූ තුඩුගල මද්දුම රාළ සහ යාපනේ රජවූ ගංගා බ්‍රහ්මණ පරපුරේ පරනෘපසිංහ රජුගේ 6 පරපුරේ කයිසියනාර් සහ ඔහුගේ ඇවැස්‌ස මාමාවූ කයිලෙය වන්නියා සමඟ එකතු වී යාපනේ රාජ්‍ය නැවත අත්පත් කර ගැනීමට කැරැල්ලක්‌ දියත් කළහ.

එය අසාර්ථක වීමෙන් පසුව ක්‍රි.ව. 1681 සිංහලයන් බොහොමයක්‌ම සමඟ සිංහල රජ පවුලේ සියලු දෙනාම පුනරීන් සහ වන්නියට හා මඩාටුගම පුත්තලමට හා මාතලේ වල්ලිවෙලට පදිංචියට පැමිණියහ.

ක්‍රි.ව. 1680 වන විට යාපනේ සිංහල ජනගහණය 30% වූ 50789 විය. මුවර් ජනගහනය 39% විය. දෙමළ වඩුකර් පරදේශීන් (සෙබළු) හා විල්ලාලර් සහ ගෝවෙන් ගෙන ආ ගොවි වහලුන් වූ කුරුම්බි ජනයා 31% ක්‌ විය. යාපනේ දිස්‌ත්‍රික්‌කයේ සමස්‌ත ජනගහනය 169 299 ක්‌ විය. කැරැල්ල නිසා ඕලන්දයන් ගෝවෙන් ගෙන්වූ වහලුන් වූ කුලහීන දෙමළ කුරුම්බි ජනයා නැවත ඉන්දියාවට ගියහ.

සිංහල ජනයා යාපනයෙන් ක්‍රමයෙන් ඉවත්වීම

ක්‍රි. ව. 1682 සිංහල කැරැල්ලෙන් පසුව (ක්‍රි.ව. 1695 පමණ) යාපනේ ජනගහනය ඉතාම අවමයක්‌ බවට පත්වී ඇති බවත් පැරණි ගම්වූ වල්ලිකාමන් වල 5000 සිංහල ගොවින්ද, වඩමාරච්චිවල 5000 පමණ සිංහල ගොවින් සිටි බව මහාචාර්ය සින්නයියා අරසරත්නම් සඳහන් කරයි. තෙන්මාරච්චිවල ද සිංහල 5000 ඇති බවට ඔහු අනුමාන කර ඇත. මෙසේ ක්‍රි.ව. 1682 කැරැල්ලෙන් පසුව බොහෝ සිංහල ජනයා යාපනයෙන් ඉවත් වූ බවට සාධක ඇත.

මෙම සිංහල ගොවි වෙල්ලාල ජනයා වෙනුවට දෙමළ වෙල්ලාහල වහලුන්ගේ පැමිණීමෙන් පසුව යාපනය ක්‍රමයෙන් දෙමළ වහලූන්ගෙන් පිරී ගියේය. ක්‍රි.ව. 1695 දී සිංහල වෙල්ලාල ගොවීන් 15,000 සිටි බවත් අනිකුත් කුලවල සිංහල ජනයා සමග මුළු සිංහල ජනයාගේ එකතුව 40,500 පමණ විය.

ඕලන්දයන්ගෙන් බ්‍රිතාන්‍යයට හුවමාරු වූ ද්‍රවිඩ වහල් වෙළඳාම

ක්‍රි.ව. 1780 පමණ දී ඕලන්දයන් විසින් මලබාර් වලින් යාපනයට ගෙන්වන ලද දෙමළ වහලුන් දම්වැල්වලින් බැඳ බෙල්ලට යකඩ වලල්ලක්‌ යොදා (යකඩ විල්ල ඉවත් කළ නිසා විල්ලා හල විය) දුම්කොළ වැවීමට හා කොම්පණිවල වැඩ කිරීමට ගෙන්වන ලදී. ශ්‍රී ලංකාවේ උතුරු නැඟෙනහිර දෙමළ මලබාර් කොලනිසේම, ඇමරිකාවේද කළු ජාතික අප්‍රිකානුවන්ගේ වහල් කොලනි රාශියක්‌ ඇමෙරිකාවේ ද ඇති විය. මේ ආකාරයට උතුරු නැගෙනහිර මුහුදුබඩ පළාත්වල දෙමළ වහලූන් පදිංචි කරමින් දෙමළ මලබාර් වෙල්ලාහල කොලනි ඕලන්දයන් විසින් ආරම්භ කරන ලදී. ඡේම්ස්‌ රුටිනම්ගේ පර්යේෂණ අනුව (tribune – 1957) සඳහන් වන්නේ දකුණු ඉන්දියාවෙන් යාපනයට ගෙන ආ ආර්මුග පිල්ලායි යාපනේ ගුරුදාවිල්වල නම් සිංහල ගමේ පදිංචි වී ඇත, ඔහුගේ පුත් කුමාරස්‌වාමි විය. ඔහුගේ දියණිවරුන්ගෙන් පැවත ආ පරපුර (උපත ක්‍රි.ව. 1814) පොන්නම්බලම් අරුනාචලම් විය.

එලෙස උතුරේ මලබාර් දෙමළ වහල් කොලනි ඇති විය. A Genology of the residents of manipay පොතේ ක්‍රි.ව. 1780 පමණ කම්කරුවන් ලෙසට ගෙන ආ වහලුන් අතර විවිධ (විල්ලාහල/ වෙල්ලාහල/ වෙල්ලාල්/ වෙල්ලාවර්/ වෙල්ලාලර් කුල) මලබාර් දෙමළුන් විවිධ සේවා සඳහා දකුණු ඉන්දියාවෙන් ගෙන්වන ලද බව පැවසෙයි. ඉහත පොතේ පරම්පරා 74 ක්‌ මනිපායි, පේදුරුතුඩුව ආදී ස්‌ථානවල පදිංචි වී ක්‍රි.ව. 1900 දක්‌වා ඔවුන්ගේ පරම්පරා 5ක්‌ පමණ පැවතීම විස්‌තර කර ඇත. ඉහත පොතේ කරුණු අනුව වර්තමානයේ දී යාපනයේ බොරු නිජ බිමක්‌ සැකසූ අයවලුන්ගේ ඉතිහාසය මෙසේ විස්‌තර කෙරේ. මේ සඳහා තවත් පොතක්‌ (බොරු මලබාර් ඉතිහාසය ගැන) ලියූ කනකසභාපති ඉහත පොන්නම්බලම් අරුනාචලම්ගේ මස්‌සිනා විය. කනකසභාපතිගේ මුණුබුරු වූයේ වත්මන් උතුරු පළාතේ මහ ඇමැති විග්නේශ්වරම්ය.

ඉහත Manipay පොතේ (නො. 13 හි පිටුව 25) පරිදි වෙල්ලාහල කුල උලගනාදර් මාතර්ගේ පුත් වූ උලගනාගර්මාතර් කතිරගාම කනනකර් (උපත ක්‍රි.ව. 1765) තම මලබාර් ඥාතීන් සමග ක්‍රි.ව. 1780 දී ඕලන්දයන්ට කම්කරු වහලුන් ලෙසට කේරලයෙන්, යාපනයේ මනිපායිවලට පැමිණ පදිංචි විය. ඔහුගේ පුත් (උපත ක්‍රි.ව. 1790) තිල්ලෙයි අම්බලම් අරුනාචලම් විය. ඔහුගේ පුත් (උපත ක්‍රි.ව. 1814) අරුනාචලම් පොන්නම්බලම් කතෝලික අධ්‍යාපනය ලබා Gate Mudaliyar තනතුර ලබා ගන්නා ලදී. මෙවකට ඇමෙරිකානු මිෂනාරීන් ක්‍රි.ව. 1812 දී බ්‍රිතාන්‍ය යුගයේ දී යාපනයට පැමිණ අධ්‍යාපනය වැඩිදියුණු කරන ලදී. ක්‍රි.ව. 1818 දී ලංකාවේ හොඳම ඉංග්‍රීසි අධ්‍යාපන තත්ත්වය යාපනයේ පමණක්‌ ඇති කිරීමට මිෂනාරිවරු සමත්විය. ක්‍රි.ව. 1849 දී වෙල්ලාහල කුල ආර්මුග නාවලර් කතෝලික ඉංග්‍රීසි භාෂාව ඉවත් කර හින්දු ආගමික ද්‍රවිඩ භාෂාවෙන් අධ්‍යාපනය යාපනයේ ආරම්භ කළහ.

මේ අනුව ක්‍රි.ව. 1875 ලංකාවේ ප්‍රථම සිවිල් සේවකයා වූයේ (උපත ක්‍රි.ව. 1814) පොන්නම්බලම් අරුනාචලම් ය. ක්‍රි.ව. 1878 දී පොන්නම්බලම් අරුනාචලම් ශ්‍රී ලංකාවේ ප්‍රථම ඉංග්‍රීසි උගත් රෙජිස්‌ට්‍රාර් ජෙනරාල් විය. ඔහු විසින් මෙතෙක්‌ දකුණු ඉන්දියාවෙන් ලංකාවට ඕලන්ද හා ඉංග්‍රීසින් විසින් ගෙන ආ දෙමළ මලබාර් වහලුන්ට (වෙල්ලාහල) ලංකා දෙමළ නම භාවිතා කිරීම නීත්‍යානුකූල තත්ත්වයට පත්කරන ලදී. මේ අයිතිය හිමිකර දුන්නේ ඔහුද මලබාර් වෙල්ලාහල කුලේ අයකු වූ බැවිනි. අනෙකුත් දකුණු ඉන්දියානු දෙමලුන් ඉන්දීය දෙමළ ලෙසට හංවඩු ගැසීම සිදුකළේ ද ඔහු විසිනි.

ද්‍රවිඩ මලබාර් වහලුන්ගේ පැමිණීම නිසා සිංහල ජනයා යාපනයෙන් ඉවත් විය

සිංහල ජනයා සමග උතුරුකරයෙන් ඉවත් වූ සිංහල මඩප්පල්ලිවරු ගැන A manual of the Vanni District, Ceylon states, Ceylon Civil Service – J.P. Lewis පොතේ සඳහන් වන්නේ ආරිය සිංහල රදල වංශවරතුන් වන මඩප්පල්ලිවරු වන බ්‍රහ්මන වංශ හා සුළු රාජවංශ හා වෙල්ලාල වරුන්ගෙන් පැවත එන ගම් 500 ක නායකයන් වන මඩප්පල්ලි ජනයා යාපනේ ක්‍රි.ව. 1817 දී 150 පමණ සිටි බවත් එය ක්‍රි.ව. 1890 දී එක්‌ පුද්ගලයකු බවට පහත වැටුණු බවත් වව්නියාවල ක්‍රි.ව. 1817 දී මඩප්පල්ලි ජනයා 92 පමණ සිටි බවත් ක්‍රි.ව. 1890 දී එය එකකු දක්‌වා අඩු වූ බවත්, ක්‍රි.ව. 1817 දී මුලතිව්වල සිටි 60 මඩප්පල්ලිවරු ක්‍රි.ව. 1890 වන විට කිසිවක්‌ ඉතුරු නොවී පැවති බවත්, ඉහත කී සියලුම ආරිය සිංහල රදල යාපා බණ්‌ඩාර/ මඩප්පල්ලිවරු වන්නි දිස්‌ත්‍රික්‌කයේ 152 දක්‌වා උතුරෙන් වන්නි ප්‍රදේශවලට පැමිණ පදිංචි වූ බව (EMC, Vol p 798 & 803) සඳහන් වේ. තවද පුත්තලම හරහා පැමිණ කොච්චිකඩේ දකුණින් මෙම මඩප්පල්ලිවරු නතර වූ තැන මඩප්පැල්ල ලෙසට එම ගම් නම් විය. මෙම සිංහල ආරිය මඩප්පල්ලිවරුන් සහ ආරිය සිංහල මහ වෙල්ලාලගේ, කුඩා වෙල්ලාලගේ සහ වෙල්ලාල වංශවතුන්ගේ නාමය මලබාර් වෙල්ලාහල වහලූන්ට භාවිතා කිරීමට අයිතියක්‌ නැත.

යාපනය මලබාර් ද්‍රවිඩයන්ගෙන් පිරීයාම.

ක්‍රි.ව. 1682 පෙර යාපනේ ද්‍රවිඩ මලබාර්වරුන්ට යාපනේ භූමිය තුළ පාරම්පරික ඉතිහාසයක්‌ නැත. ඕලන්ද ජාතික පිලිප්ස්‌ බැල්දියස්‌ ක්‍රි.ව. 1682 පසුව සඳහන් කරනු ලැබුවේ A True and Exact Description of the Island of Ceylon පොතෙන් සඳහන් කර ඇත්තේ ප්‍රථම මලබාර් ද්‍රවිඩයන් කේරලයන් ගොඩ බැස්‌ස බවත්ය. බැල්දියස්‌ යාපනයේ ජීවත්ව සිටිය කාලයේ දී ඕලන්දයන් තමිල්නාඩු හා නාගපට්‌ටන්වලින් 10,000ක්‌ මලබා_ ද්‍රවිඩ වහලුන් ලෙස යාපනයට ගොඩ බැස්‌ස බව සඳහන් කර ඇත. ඒ ක්‍රි.ව. 1682 පසුවය. මේ අය විල්ලාවර් හා විල්ලාලර් හා විල්ලාහල නම් ද්‍රවිඩ ජනවර්ගවලට වැඩි දෙනෙක්‌ අයිති විය.

මෙසේ පැමිණෙන ද්‍රවිඩ වහලුන් සමඟ එකට ජීවත්වීමට සිංහල වැසියන් අකමැති විය. ඒ අනුව ක්‍රි.ව. 1695 වන විට සමස්‌ත යාපනයේ අර්ධ ද්විපයේ ජනගහනය 150,000 පමණ විය. සිංහල 27% මුස්‌ලිම් 41%, ද්‍රවිඩ 32% පමණ විය. මෙසේ පැමිණෙන ද්‍රවිඩ වහලුන් යාපනයේ පදිංචි කිරීමට යොදාගත්තේ ජර්මනියේ භාවිතා කල “ජූස්‌ මැන්ඩාස්‌ ට්‍රයිබල්” නීතිය එවකට ඕලන්දයේ භාවිතා කර පසුව ද්‍රවිඩ මලබාර් යටත් විජීතවලට හඳුන්වා දුන් ක්‍රි.ව. 1707 දී මලබාර් ද්‍රවිඩ දේශවල නීතිය ලෙසට ඕලන්දයන් විසින් හඳුන්වා දුන් නීතියට යාපනයේ බලහත්කාරයෙන් ක්‍රියාත්මක කර ද්‍රවිඩයන් යාපනේ පදිංචි කළේ එම නීතියම (තේසාවලම් නම්) බලයෙන් ක්‍රියාත්මක කරගෙනය.

ලංකාවට මලබාර් ද්‍රවිඩයන් ගෙන ආ පනත හා ඊට විරුද්ධ වූ සිංහල රජ පවුලේ උරුමකරුවන්ගේ කැරැල්ල.

බ්‍රිතාන්‍ය රජයේ පාර්ලිමේන්තුව විසින් 1807 මාර්තු 25 අනුමත කරන ලද 1807 වහලුන් වෙළෙඳාම් කිරීමට පනතට අනුව දකුණු ඉන්දියාවෙන් දුම්කොළ වගාව සඳහා මලබාර් රටින් විල්ලාහල කුල වහලුන් ගෙන්වන ලදී. ඊට විරුද්ධව උඩරට ෂ විමලධර්මසූරිය රජුගේ සහ ලේනව පරපුරේ දෝන කැත§නා කුසුමාසන දේවියගේ පුත් කුමාරසිංහ කුමරුගේ පරපුරෙන් පැවත ආ කෝරලගේ සින්නෝ අප්පෝ සහ හල්පිට ටික්‌කමගේ ඕවිට සිටි කුමාරයා සහ තුඩුගලගේ ඒබ්‍රහම් සේනාරත්න ඇතුළු කැරලිකරුවන් විසින් ක්‍රි.ව. 1796 -97 දී පාතරට ප්‍රදේශවල සිංහල ආධිපත්‍ය තහවුරු කරගත් කැරැල්ලට හේතු වූයේ සිංහල නිලධාරීන්ගේ තනතුරුවලට මලබාර් ද්‍රවිඩයන් පත්කිරීමත්, ඒ අනුව මලබාර් නිලධාරීන්ගෙන් රට පිරීයාම හා බදු බර සිංහලයන් පිට පැවරීමයි. ක්‍රි.ව. 1998 දී හල්පිට ටික්‌කමගේ ඕවිට අවට පැවති නිවාස 104 ගිනිබත්කර පිරිස පලවා හරින ලදී.

ක්‍රි.ව. 1805 වන විට යාපනේ වැඩිම ජනගහනය මුවර් ජනයාය. ක්‍රි.ව. 1807 පසුව දෙමළ වහලුන් යාපනේ පැලපදියම් වීම නිසා යාපනේ මලබාර් වඩුකර් ජන සංඛ්‍යාව මුස්‌ලිම්වරු අභිබවා ක්‍රමයෙන් වැඩි විය. ක්‍රි.ව. 1818 තන්ජූර්වල බදු එකතු කරන ප්‍රධානියා විසින් වහලුන් ගෙන්වන කොන්ත්‍රාත්කරුවන් 150 ලවා වැඩට සුදුසු දෙමළ වහලුන් දකුණු ඉන්දියාවෙන් ගෙන්වන ලදී. ක්‍රි.ව. 1823 සිට මෙම දෙමළ මලබාර් වහලුන්ගේ සංක්‍රමණය වැඩිවිය. යාපනේ දුම්කොළ හා උඩරට කෝපි වගාව පදනම් කරගෙන සිදුවූ සංක්‍රමණය අද රට කොටස්‌වලට කඩා ඔවුන්ට නිජබිම් අයිතිය ලබාදීම දක්‌වා වර්ධනය වී ඇත. බ්‍රිතාන්‍ය යටතේ වූ ඉන්දීය රජය යටතේ පනත් අංක 14 යටතේ ක්‍රි.ව. 1839 විශාල වශයෙන් දෙමළ කම්කරුවන් ලංකාවට ගෙන්වන ලදී. 1823-40,000 ක්‌ ද, 1837-10,000 ක්‌ ද, 1839- 70,000 ක්‌ ද, 1842-13,935 ද, 1843-31,201 ද, 1844 – 71,173 ද, ගෙන්වූ බවට වාර්තා ඇත. 1845-67,278, 1846-34,971, 1847-46,140, 1848-32,000, 1867-46,407. දෙමළ වහලුන්ගෙන් ලංකාව පිරී ගියේය.

මේ වන විට 350,000 වඩා වැඩි ගනණය කළ නොහැකි වහලුන් ශ්‍රී ලංකාවට ගෙන්වනු ලැබූ බවට ලිත සංඛ්‍යාලේඛන ඇත. මේ අනුව 1871-203,300, 1881-320,200, 1891-313,300, 1901-497,900, 1911-563,800, 1921-635,700, 1931-854,800, 1964 – 816,200 දක්‌වා ශ්‍රී ලංකාවේ මලබාර් හා වතු දෙමළ ජනගහනය වැඩිවිය.

ක්‍රි.ව. 1869 වසරේ ජූලි 5 වන දින ඉන්දියානු මලබාර් කුලී (ජමකසරැ ජදදකසැs) වහලුන් පිළිබඳව බ්‍රිතාන්‍ය පරිපාලන ආගමන වාර්තාවට අනුව ඤඤරරුsචදබාeබජැ දෙ ඵ්ක්‌ඉaර ජදදකසැs සබ Ceහකදබ – භ්එසදබ්ක Aරජයසඩැs Deච්රපැබඑ නැඅ ඛ්බාදබ % පසුගිය 25 වසරක්‌ ඇතුළත්ව ( ක්‍රි.ව. 1843-1867) ලංකාවට ගෙන් වූ ද්‍රවිඩ වහලුන් 1,446,407 රැගෙන ආ බවත් එයින් 839,897 නැවත තම මවුරට බලාගිය බවත් 356,510 මගදී මියයන්නට ඇති බවත් දල වශයෙන් 250,000 පමණ දිවයිනේ නොයෙක්‌ රැකියා කරමින් ස්‌ථිරවම පදිංචි වූ බවත් පැවසේ.

පොන්නම්බලම් අරුනාචලම්ගේ පුතුන් වූ පොන්නම්බලම් රාමනාදන් (උපත 1851) සර් පොන්නම්බලම් අරුනාචලම් ද, පොන්නම්බලම් පද්මනාදන් ද විය. දියණිවරු ද සිටියා. මේ අයගේ මස්‌සිනා වූයේ ඉංග්‍රීසි භාෂාව උගත් සෙල්ලප්පා සභාපති මුදලියාර් විය. පුලෝලිවලට වහල් කම්කරුවකු ලෙසට මලබාර් රටින් පැමිණි නල්ලන් ගේ දියණියක්‌ වූ තයිවනා පිල්ලායි සෙල්ලප්පා සින්නතංගච්චි හා විවාහ වූ සෙල්ලයියා සභාපති ගේ පුත් වූ සෙල්ලප්පා සභාපති කනක සභාපති විය. (උපත ක්‍රි.ව. 1880) ඔහු කනගම සෙල්ලප්පා දියණිය සමඟ විවාහ වි ලැබූ පුතුන් වූ කනක සභාපති විශ්වලිංගම් විග්නේෂ්වර (උපත ක්‍රි.ව. 1939) වර්තමානයේ උතුරු පලාතේ මහ ඇමැති වූ සී. වී. විග්නේශ්වර විය. අවුරුදු 235 නොවැඩි මලබාර් දෙමළ ඉතිහාසයක්‌ ශ්‍රී ලංකාව තුළ ගොඩනන්වන්නේ මලබාර් වෙල්ලාහල කුල විග්නේශ්වරන් ගේ පරපුරයි.

බ්‍රිතාන්‍යයන් විසින් 1807 මාර්තු 25 බ්‍රිතාන්‍ය පාර්ලිමේන්තුව විසින් අනුමත කරන ලද ද්‍රවිඩ වහලුන් වෙළෙඳාම් කිරීමේ පනත අනුව ගෙන ආ දෙමළ මලබාර් වහලුන් යාපනේ දුම්කොළ වගාවට හා නැගෙනහිරට පදිංචියට පැමිණි ගල්ඔයට ගෙන ආ දෙමළ වහල් කම්කරුවන්ගෙන් පැවත එන ඒ රාජවරෝතියන් ගල්ඔය ව්‍යාපෘතියේ ගබඩා ප්‍රධානියා විය. ඔහුගේ පුත් ආර්. සම්බන්ධන් මලබාර් විල්ලාහල කුල ද්‍රවිඩයා අද ලංකාවෙන් උතුරු නැඟෙනහිර වෙන්කර ද්‍රවිඩ ඊලාම් ෆෙඩරල් රාජ්‍යයක්‌ කර සිංහලයාගේ රාජ්‍යයෙන් ඊලාම් ද්‍රවිඩ රාජ්‍යයක්‌ බෙදා වෙන් කිරීමට ව්‍යවස්‌ථාදායක කමිටුවට යෝජනා ඉදිරිපත් කරයි.

ඊළාම් රාජ්‍යයේ බලයට පොරකන
ද්‍රවිඩ විල්ලාහල, විල්ලාලර්, විල්ලාවර්,
නලවර් කුල හා කරෙයියර් සටන

කේරලයේ කෝලම් ගමට ආසන්නව ඇති පුන්තාලතස්‌නම් ගමේ ද්‍රවිඩ කරෙයියර් නම් කුලහීන තිරුමිනියාර් පවුලෙන් ඕලන්දයන් විසින් ලබාගත් වහලුන්ව නාවික භාණ්‌ඩ ප්‍රවාහනයට යොදාගත්හ. ඔවුන්ගේ එක්‌ අයකු වූ (උපත ක්‍රි.ව. 1775 පමණ) අයියම් පිල්ලායි වද කුඩා කාලයේ සිට වහලකු ලෙසට තම පියා (උපත ක්‍රි.ව. 1740) සමග නාවික භාණ්‌ඩ ඉන්දියාවේ වෙරලබඩ සිට යාපනය දක්‌වා භාණ්‌ඩ ප්‍රවාහනය කිරීමට ඕලන්දයන් විසින් ක්‍රි.ව. 1795 දක්‌වා යොදාගත් බවට ලිත සාක්‍ෂි ඇත. අයියම් පිල්ලායි විසින් යාපනයෙන් දුම්කොල නිෂ්පාදන හා වෙනත් භාණ්‌ඩ වරින් වර ඕලන්ද නැව් හරහා ඉන්දියානු වෙරළට භාණ්‌ඩ ප්‍රවාහනය කළ ද්‍රවිඩ වහල් කුලී කම්කරුවකු විය. ඔහුගේ පුත් (උපත ක්‍රි.ව. 1830) වේලායුධම් ද තම පියාගේ අඩිපාරේ යමින් බ්‍රිතාන්‍යයන් සමඟ එකතු වී වෙළඳාමේ භාණ්‌ඩ ප්‍රවාහනය කල හා ගබඩා පාලකයකු ලෙසට සිටි වෙළෙන්දෙක්‌ බවට ධනවත් කමින් උසස්‌ වූ බවට සාධක ලැබේ. ඔහුගේ පුත් (උපත ක්‍රි.ව. 1875) වෙන්කට සාලම් තමාගේම භාණ්‌ඩ ප්‍රවාහන වෙළඳාමින් දකුණු ඉන්දියාව හා යාපනය වැල්වැටිතුර අතර සිදුකළ බවට සාධක ඇත. ඔහු බුරුමය, මලයාසියාව අතර වෙළඳාම සිදුකළ ධනවත් වෙළෙන්දෙක්‌ බවට පත්වී සිංහල වැසියන් විසින් අත්හැර දමන ලද වැල්වැටිතුරේ ඉඩම් විශාල ප්‍රමාණයක්‌ ක්‍රි.ව. 1940 පමණ බ්‍රිතාන්‍යයන්ගෙන් මිලදී ගත් බවත්, එහි ශිවන් දේවාලයක්‌ ද ආරම්භ කළ බවට සාධක ඇත. ඔහුගේ එකම පුතු (උපත ක්‍රි.ව.1920 පමණ) කේරලයේ දී උපත ලබා තම පියා සමග අවුරුදු 22 දී වැල්වැටිතුරේට පැමිණ අතීත සිංහල ජනයා ඉවත් වී ගිය ඉඩම් ඉංග්‍රීසීන්ගෙන් එසේ මිලදී ගත් ඉඩම්වල පදිංචි විය. ඔහු යාපනේ මිෂනාරි ඉංග්‍රීසි පාසල් ගුරුවරයකු වූ අතර එහිදී විවාහ විය. එම විවාහයෙන් වේලුපිල්ලේ ප්‍රභාකරන් උපත ලැබීය.

ප්‍රභාකරන්ගේ මවගේ පස මාමා වල්ලිපුරම් වේලුපිල්ලායි ද තුරුනෙවල්ලී කෘෂි පාසලක ගුරුවරයක්‌ විය. ප්‍රභාකරන්ගේ පිය පාර්ශවයේ නෑනා වන ජානකී අම්මායි කෝරලයේ තම ඥාතීන් අතර අද දක්‌වා ජීවත් වෙති. ප්‍රභාකරන්, තමිල්නාඩුවේ උපන් මධිවතාන් හා ක්‍රි.ව. 1984 දී විවාහ විය. මෙවැනි දකුණු ඉන්දියානු කේරල ද්‍රවිඩ උරුමයක්‌ ඇති ප්‍රභාකරන් යාපනේ නිජබිම් උරුමයක්‌ ඉල්ලමින් ඊළාම් රාජ්‍යයක්‌ පැතීමට සාධාරණ අයිතියක්‌ ඇති බවත්, එය ආක්‍රමණයක්‌ නොවන බව මහාචාර්ය නිර්මාල් රංජිත් දේවසිරි පවසයි. (ඒ කොටි අල්ලස්‌ නිසාය.) යාපනේ මිෂනාරි ආගමට බැදුණේ වේලුපිල්ලේ නම් ප්‍රභාකරන්ගේ පියාය. මේ අය විසින් උතුරේ ද්‍රවිඩ රාජ්‍යයක්‌ සෑදීමේ ඊළාම් යුද්ධය 1983 සිට 2009 දක්‌වා අවුරුදු 26 පවත්වාගෙන ගියහ. ඒ සඳහා නෝර්වේ/ ඕලන්ද රාජ්‍යයේ ආධාර හා මිෂනාරීන්ගේ ආධාර බිලියන ගණනක්‌ ලංකාව ආක්‍රමණය සඳහා යෙදවීය. අද ද එම නෝර්වේ වෑයම ඉදිරියටත් කරගෙන යනු ලැබේ. ඊළාම් ද්‍රවිඩ රාජ්‍යය ලබා ගැනීමේ දී වෙල්ලාහල හා කරෙයියාර්වරු මරා ගත්හ. යාපනේ නගරාධිපති වෙල්ලාහල දොරේ අප්පා ඝාතනය කළේ කරෙයියාර් ප්‍රභාකරන් විසිනි. කරෙයියාර් ප්‍රභාකරන් හා මඩකලපුවේ මුක්‌කර ගෝත්‍ර කරුණා අම්මාන් ගැටුම, ඩග්ලස්‌ දේවානන්දා හා ප්‍රභාකරන් අතර ගැටුම තවත් දෙමළ කුල අතර සටනකි.

මතු සම්බන්ධයි

 

Categories

Balawegaya Flickr Photos

More Photos

Different countries have visited this site

Free counters!