//

අපිට සමා නැත උන්ට සමා ඇත

This category contains 26 posts

එමිල් කාන්තන්ගේ වරෙන්තුව අහෝසියි දුටු තැන අල්ලන්න නිකුත් කළ රතු නිවේදනයත් අවලංගුයි

එමිල් කාන්තන්ගේ
වරෙන්තුව අහෝසියි

දුටු තැන අල්ලන්න නිකුත් කළ
රතු නිවේදනයත් අවලංගුයි

ඒ. ඡේ. ඒ. අබේනායක

උතුරු නැගෙනහිර පළාත්වල මූල්‍ය කටයුතු භාරව කටයුතු කළ ප්‍රධාන පෙළේ එල්. ටී. ටී. ඊ. ක්‍රියාකාරිකයකු වන එමිල් කාන්තන් හෙවත් ඇන්ටන් චමිල් ලක්‍ෂ්මි කන්නන් නමැත්තා දුටු තැන අත්අඩංගුවට ගැනීමට නිකුත් කොට ඇති විවෘත වරෙන්තුව හා රතු නිවේදනය අහෝසි කිරීමට කොළඹ විශේෂ මහාධිකරණ කොමසාරිස්‌ විනිසුරු අයිරාංගනී පෙරේරා මහත්මිය ඊයේ (1 දා) නියෝග කළාය.

හිටපු අමාත්‍ය ඩග්ලස්‌ දේවානන්දා මහතාට උල් ආයුධවලින් හා මොට ආයුධවලින් පහරදී ඝාතනය කිරීමට තැත් කිරීම ඇතුළු අධි චෝදනා යටතේ පවරා ඇති නඩුවේ දෙවැනි විත්තිකරු වන ඔහු අධිකරණයට පැමිණ භාරවීමට අපේක්‍ෂා කරන බව කියමින් විත්තිය වෙනුවෙන් පෙනීs සිටි නීතිඥ සාරංග වාදසිංහ මහතා කළ කරුණු දැක්‌වීම සලකා බැලූ කොමසාරිස්‌ විනිසුරුවරිය එම නියෝගය කළාය. මේ වනවිට විදේශ ගත වී සිටින විත්තිකරු දුටු තැන අත්අඩංගුවට ගැනීමට විවෘත වරෙන්තු නිකුත් කොට තිබීම හා විදේශ රටවල් වෙත නිකුත් කොට ඇති රතු නිවේදන ඔහුව අධිකරණය හමුවට පැමිණීමට බාධාවක්‌ වී ඇතැයි ද විත්තියේ නීතිඥවරයා අධිකරණයට පෙන්වා දුන්නේය.

එම කරුණු සලකා බැලූ කොමසාරිස්‌ විනිසුරුවරිය තම අධිකරණ නියෝගය වහාම කටුනායක හා මත්තල ගුවන් තොටුපළ ආගමන හා විගමන අංශ නිලධාරීන්ට අපරාධ පරීක්‍ෂණ දෙපාර්තමේන්තුවට, ත්‍රස්‌ත විමර්ශන අංශයට හා රාජ්‍ය බුද්ධි අංශ වෙත නිකුත් කිරීමට ද නියෝග කළාය. විත්තිකරු ශ්‍රී ලංකාවට පැමිණියහොත් අත්අඩංගුවට නොගන්නා ලෙසත්, පැමිණි බව තම අධිකරණයට දැනුම් දෙන ලෙසත් එහිදී අපරාධ පරීක්‍ෂණ දෙපාර්තමේන්තුව ඇතුළු බලධාරීන්ට විනිසුරුවරිය නියෝග කළාය.

විත්තිකරු ශ්‍රී ලංකාවට පැමිණ සති දෙකක්‌ ඇතුළත තම අධිකරණය හමුවට පැමිණවීමට පියවර ගන්නා ලෙස විත්තියේ නීතිඥවරයාට නියෝග කළ විනිසුරුවරිය නඩුව ලබන 24 වැනිදා යළි කැඳවීමට නියෝග කළාය.

1998 ජුනි 30 වැනිදා හෝ ඊට ආසන්න දිනකදී කළුතර දී උල් ආයුධවලින් හා මොට ආයුධවලින් පහරදී හිටපු අමාත්‍ය ඩග්ලස්‌ දේවානන්දා මහතා ඝාතනය කිරීමට කුමන්ත්‍රණය කිරීම ඇතුළු අධි චෝදනා තුනක්‌ යටතේ එම විත්තිකරු ඇතුළු විත්තිකරුවන් 16 දෙනකුට එරෙහිව නීතිපතිවරයා එම නඩුව ගොනු කර තිබුණි.

 

නඩු නැති රටක සරණාගතයන් වූ තොප්පිගල මායිමේ සිංහල මිනිස්‌සු

නඩු නැති රටක සරණාගතයන් වූ
තොප්පිගල මායිමේ සිංහල මිනිස්‌සු

දිවුලපොතාන සිංහල ගම්මානයකි. සිංහල ගම් ලංකාවේ හැර වෙනත් කොයි තැනකවත් තිබෙන්නට පුළුවන්කමක්‌ නැත. විශේෂත්වය වන්නේ දිවුලපොතාන තිබෙන්නේ තොප්පිගල කැලෑව මායිමේ වීමය. කොටි ත්‍රස්‌තවා”න් විසින් ස්‌වකීය සංග්‍රාම භූමියේ මර්මස්‌ථානය කරගත් තොප්පිගල තිබුණු සිsංහල ගමෙන් ඒ අසරණයෝ කලකට පෙර පළා ගියහ. ඒ කොටි සංවිධානයේ ම්ලේච්ඡයන් විසින් ගම පිටින් කැතිගෑමෙන් පසුය.

දිවුලපොතාන ගම්මානයට අප යන්නේ පීඩාවට පත් නැගෙනහිර සිංහල ජනයා වෙනුවෙන් සැම විටම පෙනී සිටින අම්පිටියේ සුමනරතන හිමියන් ඇතුළු කිහිපදෙනෙකු සමගිනි. දිවුලපොතානට යා හැකි කෙටිම මාර්ගය වැටී ඇත්තේ තොප්පිගල වන මැදිනි. නමුත් තොප්පිගල වන මැදින් යැමට හැකිවුයේ මඳ දුරක්‌ පමණි. දිගින් දිගටම ඇද හැලෙන වැස්‌සෙන් මාර්ගයේ කීප තැනක්‌ දැවැන්ත වගුරු බවට පත්ව තිබිණි. අපේ කණ්‌ඩායම යළිත් බොහෝ දුරක්‌ ගෙවා මහඔයට පැමණ එතැන් සිට කිලෝමීටර් 36 ක්‌ අරලගංවිල මාර්ගයේ ගමන් ගත්තේය. එතැනින් තවත් කිලෝමීටර් හය හතක්‌ තොප්පිගල දෙසට ගිය විට දිවුලපොතාන ගම්මානය දැකගත හැකි විය.

මිනීමරු කොටින්ගෙන් ජීවිතය පමණක්‌ ඉතිරිකරගත් දිවුලපොතාන ගම්වාසීහු යළිත් සිය ගම් බිම් කරා පැමිණ තිබුණහ. ඒ සාමය උදාවීමත් සමගමය. එහෙත් පැවතුන රජය යටතේද, මේ රජය යටතේද ඒ මිනිස්‌සු අප්‍රමාණ වෙහෙසට පත්වුණහ. උන් මේ ගෙවන්නේ නැගෙනහිර පළාතේදී සිංහලයෙක්‌ වීමේ කරුමයය. ඒ කරුමයේ වපසරිය ගැන දිවුලපොතාන ගමේ මිනිස්‌සු අපට කීහ. මේ ලියන්නේ ඔවුන් අපට කී කතාවය.

දිවුලපොතාන එක්‌සත් ගොවි සංවිධානයේ සභාපති රංජිත් ලියනගේය. මුලින්ම කතා කරන්නේ රංජිත්ය.

”ඇත්ත මේකයි මහත්තයෝ. මේක මඩකලපුව දිස්‌ත්‍රික්‌කයට අයත් සිංහල ගමක්‌. ගම සිංහල වීම නිසා රජයෙන් ලැබෙන කිසිම සහනයක්‌ මේ පළාතෙ දෙමළ ජාතිවාදී දේශපාලනයයි, නිලධාරීනුයි අපට දෙන්නෙ නැහැ. 1977 ඉ`දන් තමයි මේ ගම්මානයේ ජනතාව පදිංචිව සිටින්නේ. පවුල් 610 ක්‌ ඒ කාලේ පදිංචිවෙලා හිටියා. 1984 දි කොටි ගහලා 12 ක්‌ මැරුණා. ඊට පස්‌සෙත් කොටි ගහලා ගමේ අය එක දිගට මැරුණා. එන්න එන්නම කොටි කරදර වැඩි වෙච්ච නිසා අන්තිමේදි ගම අතහැරලා පණ බේරාගෙන ගියා. දැන් යුද්ධය නිමාවුණාට පස්‌සේ නැවතත් මෙම ගම්මානයේ අය පැමිණිලා ස්‌ථිර ලෙස පදිංචිවෙලා ඉන්නවා. ඉතිsරි අයත් වගා කරලා නැවතත් යනවා. දැනට මෙම ගම්මානයේ පාසලක්‌ නෑ. දරුවන්ට ඉගෙන ගන්න විදිහක්‌ නැති නිසා දරුවන් තැන් තැන්වල තියලා ඇවිත් තමයි මේ අය වගා කරන්නේ.

ගමට එන්න හරියට පාරක්‌ නැහැ. පොඩි පැල්පත් හදාගෙන තමයි මෙම ජනතාව ජීවත් වෙන්නේ. දරුවන්ට ඉගෙන ගන්න පාසලක්‌ අවශ්‍යයි. නැවත පදිංචියට පැමිණියත් පාසලක්‌ නැති නිසා දරුවන් ගෙන ඒමට නොහැකි වෙලා තිබෙනවා. ඉස්‌සර දිඹුලාගල හාමුදුරුවෝ ඉන්න කාලේ දිවුලපොතාන සිට තොප්පිගල ළඟට යනකම් පවුල් 35000 ක්‌ විතර පදිංචි කළා. ඒ මෙම ගම්මානයට ආරක්‌ෂාවක්‌ ලබා දෙන්න. අද තත්වය වෙනස්‌. දැන් අපට ඉල්ලන්න වෙලා තියනවා. අපට ගෙවල් හදාගන්න උදවු කරන්න. පාරවල් ටික හදලා දෙන්න. අපි වගකිවයුත්තන්ගෙන් මේවා ඉල්ලා සිටිනවා. මේ කැලේ ලී තොග ගණන් කැපෙනවා. ඒව බලන්නෙ නැති වන සරංක්‌ෂණ නිලධාරීන් අපි මේ ගමෙන් එළවන්න උත්සාහ කරමින් ඉන්නවා” රංජිත් ලියනගේ කීවේය.

නැගෙනහිර පළාත් සභා මන්ත්‍රී ටි.එම්. ජයසේනද කීවේ එවැනි කථාවකි.

”අපේ තාත්තලා හැත්ත ගණන්වල තමයි මෙම ඉඩම්වල පදිංචියට ආවේ. මෙම ගම්මානයේ තිබ්බ මාරවිල පාසලට තමයි මම පහේ පංතියට යනකම් ගියේ. යුද්ධය ඉවර වුණාට පස්‌සේ 2009 සිට වසර ගණනක්‌ අපි මෙහි ගොවිතැන් කළා. නමුත් පසුගිය දිනවල වන සංරක්‌ෂණයෙන් ඒ අයගේ භූමිය කියලා අපේ කිහිප දෙනෙක්‌ අල්ලන් ගියා. ඒ අයගේ භූමිය වෙන්නේ කොහොමද? අපි කලින් පදිංචි වෙලා හිටිය ඉඩම්. නැෙ`ගනහිර පළාත් සභාවේ කෘෂිකර්ම ඇමතිගේ හරක්‌ පන්දාහක්‌ විතර ඉන්නවා. ඒ අය වගා කරන කාලෙට පළාත් සභාවේ ඇමතිගේ හරකුයි වෙනත් අයිතිකරුවන්ගේ හරක්‌ විසි තිස්‌ දහසක්‌ වාගේ ප්‍රමාණයක්‌ මෙම ප්‍රදේශයට ඇවිල්ලා වගාව මු`ඵමනින්ම වාගේ විනාශ කරලා දානවා.

වන සංරක්‌ෂණ එකෙන් මහවැලි හා වන සංරක්‌ෂණ භූමියට ඇතුළුවීම තහනම් කියලා බෝඩ් එකක්‌ ගහලා අපේ ඉඩම්වලට ඇතුළුවන අය වන සංරක්‌ෂණ එකෙන් අත්අඩංගුවට අරන් උසාවි දාන්න පටන් අරන්. දෙමළ අය වගා කරන කාලේට එයාල හරක්‌ මෙහාට දානවා. එතකොට අපේ වගාවන් හරක්‌ විනාශ කරනවා. වන සංරක්‌ෂණයෙන් බලපෑම් කරලා අපිව පන්නන්න හදනවා. රාජ්‍ය නිළධාරින්ගේ සහ දෙමළ දේශපාලන නායකයන්ගෙ හයිය අරන් අපිව පන්නලා තණ භුමියක්‌ කරන්න තමයි මෙයාලට උවමනාව. මම මේ පිළිබ`දව නැගෙනහිර පළාත් සභාවේ පවා කථා කළා. නමුත් තවමත් කිසිම විස`දුමක්‌ නැහැ” ජයසේන මන්ත්‍රීවරයා කිවේය.

කවදත් නැගෙනහිර සිංහලයා වෙනුවෙන් දිවිකැප කර ක්‍රියා කරන, ඔවුන් ගැන ළෙංගතු කමින් සොයා බලන ඒ නිසාම මඩකලපුව දිස්‌ත්‍රික්‌කයේ අධිකරණවල නඩු 40 කට අධික ප්‍රමාණයකට පෙනී සිටින්නට සිදුවූ මඩකලපුව මංගලාරාම විහාරාධිපති පුජ්‍ය අම්පිටියේ සුමනරතන හිමි මෙසේ පැවසූහ.

“දිවුලපොතාන ගම්මානය මඩකලපුවට අයිති වුණත් මෙම ගම්මානය ඒ කාලේ පාලනය කළේ අම්පාර දිස්‌ත්‍රික්‌කයෙන්. මහඔය ප්‍රාදේශිය ලේකම් කාර්යාලයෙන්. යුද්ධයෙන් පස්‌සේ මෙම ජනතාව නැවතත් පදිංචි වෙලා ඉතා දුෂ්කර ආකාරයෙන් වැඩ කටයුතු කරගෙන යනවා. වන සංරක්‌ෂණ නිළධාරින් ඇවිල්ලා මෙම ගම්මානයේ ජනතාව වන සංරක්‌ෂණ ඉඩම් වලට ඇතුලූ වුනා කියලා අරන් ගිහින් උසාවි දානවා. නමුත් මෙම ගම්මානයේ එදා පාසලක්‌ තිබ්බා. පවුල් 610ක්‌ හිටියා. අද තමන් හිටිය තැනට ඇවිල්ලා පදිංචි වෙන්න බැරිවෙලා තියෙනවා. වන සංරක්‌ෂණ ඉඩම් කියන නිසා. මෙහමයි මඩකලපුව සිංහල ගම්මානවල තතත්වය.

කැලේ ගස්‌ කපනවා. නමුත් වන සංරක්‌ෂණ නිළධාරින් ඒවා බලන්නේ නැහැ. නමුත් තමන් ඉපදුන හැදුන වැඩුන ගමේ පදිංචි වෙච්ච ජනතාවයි වන සංරක්‌ෂණයෙන් පන්නා දමන්න හදන්නේ. මේවා මෙසේ සිදුවෙද්දි මඩකලපුවෙහි අසරණ සිංහලයන් කිසිවෙකුගේ පිළිසරණක්‌ නැතිව අසරණ වෙලායි ඉන්නේ. මෙම සිංහල ජනතාව වෙනුවෙන් කටයුතු කරන එක්‌සත් අරාබි එමීර් රාජ්‍යයේ සිටින ශ්‍රී ලාංකිකයන්ගෙන් සැදුම් ලත් හෙළ බිම සංවිධානය හරහා මෙම ගම්මානයට සහනයක්‌ සැලසීමට මං මැදිහත්ව ක්‍රියා කරනවා” අම්පිටියේ සුමනරතන හිමියෝ කීහ.

”ඒ කාලේ අපි කොටින්ගෙන් පුදුම විදිහට බැට කෑවේ. මේ ගමට කොටි ගහපු වෙලාවේ මගෙ අයියත් මැරුණා. කොටි කපලා මගේ මල්ලිගේ ළමයි දෙන්නෙක්‌ මැරුණා. මහත්තයා ග්‍රාම ආරක්‌ෂකයෙක්‌. පස්‌සේ මගේ මහත්තයාගේ රස්‌සාවත් නැතිවුණා. මම ඉපදුනේ මෙම ගම්මානයේ. මාරවිල කියන හරියේ සමුපකාරයත් පාසලත් තිබ්බා. යුද්ධය නැතිවුනාම තමයි අපි නැවතත් මෙම ගම්මානයට ආවේ. නමුත් කිසිම පහසුකමක්‌ නැහැ. හරිම කරදරයක්‌ තමයි විඳින්න සිදුවෙලා තියෙන්නේ.” එච් සිරියාවති කීවාය.

ආර්. එම්. ස්‌වර්ණලතා මැණිකේද සිය අතීත අත්දැකීම අප අභිමුව මෙසේ දිග හැරියාය.

”අපි පාසල් ගියේ මේ ගමේ. අපි ආවේ අපේ ගමට. අලුතින් ඉඩම් අල්ලන්න නොවෙයි. අපිට ස්‌වයං රැකියාවක්‌ කරන්න උදව් කරන්න. රජයෙන් මොනවත් අපිට ලැබිලා නැහැ. යුද්ධයෙන් පස්‌සේ ගම්මානවල නැවත පදිංචි කළත් අපව මේ ගමෙන් පන්නන්නයි සමහරු උත්සාහ කරන්නේ. ගමට විදුලිය නැහැ. නිදන්වල දැල් පාලම හමුදා මුරපොළ සහ කිරි පාර හමුදා මුර පොල දැන් අයින් කරලා. වසර පහක්‌ තිස්‌සේ අපේ ගැටලුවලට පිහිට වුණ අපිව ආරක්‌ෂා කළ යුද හමුදාවත් ඉවත් කරලා. අලි කරදරත් හරිම ගැටලුවක්‌ වෙලා” ඇය කීවාය.

අනතුරුව කතා කළේ එන්.එම්.චන්දරත්නය. ඔහු කතා කරන්නේත් අපේක්‌ෂා භංගත්වයෙනි.

මට දරුවෝ දෙන්නෙක්‌ ඉන්නවා. මං මේ ගම්මානයේ ස්‌ථිර පදිංචිකරුවෙක්‌. ගමට කිsසිම පහසුකමක්‌ නැහැ. නමුත් ජීවත් වෙන්න ඕන නිසා අපි දුක්‌ වි`දගෙන මේ ගමට වෙලා ඉන්නවා. අපි මහන්සිවෙලා වගා කළත් සමහර වෙලාවට කිසි වැඩක්‌ නැහැ. හරක්‌ කාලා යනවා. අලි කාලා යනවා. බළධාරින් අපිව පන්නන්න හදන්නේ. මට තේරෙන්නෙ නෑ ඒ මිනිස්‌සු ඇයි එහෙම කරන්නෙ කියලා. අපි සාධාරණය බලාපොරොත්තු වෙන්නෙ කාගෙන්ද කියලා අපි දන්නෙ නෑ. ” චන්දරත්න කිවේය.

තමන් එතෙරට ගොස්‌ දහඩිය මහන්සියෙන් උපයා ගන්නා දෙයින් වසර ගණනාවක සිට සිංහල ජනයා හට අනුපමේය සේවයක්‌ කරන හෙළබිම සංවිධානයේ කපිල රන්දීප ගම්මානයේ ජනතාව අමතමින් මෙසේ පැවසුවේය.

”අපි මෙම ගම්මානය පිළිබ`දව මංගලාරාමයේ සුමනරතන හිමියන් හරහා දැනගත් විට තීරණය කලා අප සංවිධානයට හැකි ආකාරයෙන් උදව් කරන්න. කුමන බාධක ආවත් මෙම ජනතාව ඉතා හො`ද ගොවි සංවිධානයක්‌ පිහිටුවා ගෙන තිබෙන නිසා පැමිණෙන ගැටලුවලට මේ ආකාරයෙන් හෝ මුහුණ දීමට හැකියාවක්‌ ලැබී තිබෙනවා. එම නිසා ප්‍රධානම ගැටලුව වෙලා තිබෙන ගවයන්ගෙන් වගාවන් ආරක්‌ෂා කිරීමට අපිට දිය හැකි සහයෝගයත් අපි ලබා දෙන්න සුදානම්. ඒ වාගේම නිවාස ගැටලුවටත් අපි සහයෝගයක්‌ දෙන්න බලාපොරොත්තු වෙනවා.” ඔහු ශපථ විය.

නැවත පදිංචි කිරීම පිළිබ`ද දෙමළ ජනයා සම්බන්ධව මුස්‌ලිම් ජනයා සම්බන්ධව මහා කතිකාවක්‌ ඇත. නමුත් සිංහල ජනතාව අරභයා මේ විෂය සම්බන්ධයෙන් කියන්නට ඇත්තේ සිත් කළකිරවන සුළු කාලකණ්‌ණි කතාවකි. මඩකලපුවේ ඇතැම් සිංහල ජනයාට ජන්ද අයිතිය නැත. සමෘද්ධියද නැත. ග්‍රාම සේවක සහතිකද නැත. ඒවා ලබා ගැනීමට ඇති සියලූ මාර්ග අවහිර කර ඇත. ඇතැමුන්ට ආදායම් වාර්තාවක්‌ ලබා ගන්නටද මඩකලපුවට ගොස්‌ උද්ඝෝෂණය කළ යුතුය.

ඔවුන් බොහෝ දෙනකු උපන් බිමේ අනාථව ඇත. රජයෙන් ලැබෙනා කිසිදු දෙයක්‌ මඩකලපුවේ අහිංසක සිංහල ජනයාට ලැබෙන්නේ නැත. ඡන්ද අයිතිය ඉල්ලන්නට ගිය දිනෙක මඩකලපුව පොලිසියේ නරුමයෝ මේ අසරණ සිංහල මිනිස්‌සුන්ව නිරුවත් කර නගර මධ්‍යයේ දී පහර දුන්හ. එවකට මේ රටේ ජනාධිපති මහින්ද රාජපක්‌ෂය.

දැන් රටේ ජනාධිපතිවරයා පොළොන්නරුවේ ගොවි පවුලකින් පැමිණි මෛත්‍රීපාල සිරිසේනය. කවුරු බලයට පැමිණියත් මේ රටේ උපන් සිවිල් වැසියෙකු සතු මූලික අයිතීන් සියල්ල අහිමිකළ නැගෙනහිර සිංහල මිනිsසුන් තවමත් ජීවත් වන්නේ කල්ලතෝනින් සේය. යහපාලනයක ශීලාචාරකම අප විසින් ප්‍රශ්න කරන්නේ මේ පසුබිමේදීය.

බදියුදීන් විල්පත්තු කැලෑව ලයිෂන් පිට විනාශ කරනවිට, රටේ නීතිය බල්ලන්ට දමා කටයුතු කරන විට, අධිකරණයට ගල් ගස්‌සනවිට රාජපක්‌ෂ ආණ්‌ඩුවට ඊට විරුද්ධ වීමට නොහැකිවූ පෞරුෂ ප්‍රශ්නයම මෛත්‍රීපාල සිරිසේන ප්‍රමුඛ යහපාලන ආණ්‌ඩුවටත් තිබේ. මේ මොහොතේත් බදියුදීන් ස්‌වකීය ව්‍යසනය යාවත්කාලීන කරයි. වන සංරක්‌ෂණයේ එකෙකුට තබා ආණ්‌ඩුවටවත් ඒ ව්‍යසනය නවත්වන්නට හැකියාවක්‌ නැත. එහෙත් නීතිය නොව, නීතියේ නාමයෙන් දුබලයන් පෙළන අත්තනෝමතික අශිෂ්ටකම තොප්පිගල කැලෑව මායිමේ වූ දිවුලපොතාන සිංහල ගමේ අහිංසක ගැමියන් මත අතහැර තිබේ.

මේ දිගහැරෙන්නේ වාර්ගික ප්‍රශ්නයක්‌ නොව තවමත් නීතිය නීතියක්‌ නොවූ රටක අශිෂ්ට දේශපාලනයේ යථාර්ථය ය.

සුසන්ත අමර බන්දු

9 වසරකට පසු නෝර්වේ යළි එයි

9 වසරකට පසු නෝර්වේ යළි එයි

කීර්ති වර්ණකුලසූරිය

නෝර්වේ රජය යළිත් වරක්‌ මෙරට වාර්ගික අර්බුදය විසඳීමේ කටයුතුවලට මැදිහත් වී ඇත. මේ බව නෝර්වේ විදේශ ඇමැති බොර්ඡේ බ්‍රෙන්වේ සහ ද්‍රවිඩ සන්ධාන නායක ආර්. සම්පන්දන් අතර පැයකට අධික කාලයක්‌ තිස්‌සේ පැවැති සාකච්ඡාවලින් සනාථ වී තිබේ.

මෙම සාකච්ඡාවලදී අත්අඩංගුවේ සිටින හිටපු කොටි ක්‍රියාකාරීන් මුදාහැරීමට උතුරේ බලය විමධ්‍යගත කිරීම සහ ත්‍රස්‌ත මර්දන පනත අහෝසි කිරීම යන කරුණු සහ ශ්‍රී ලංකාවට, හමුදාවට එරෙහිව එල්ලවී ඇති යුද අපරාධ චෝදනා විමර්ශනය කිරීමේ යාන්ත්‍රණය ගැන කතාබහට ලක්‌වී ඇත.

ආර්. සම්පන්දන් සහ එම්. සුමන්තිරන්ද මේ සාකච්ඡාවලට සම්බන්ධ විණි.

නෝර්වේ රජය මෙරට කටයුතුවලට මැදිහත්වී ඇත්තේ වසර 9 කට පසුවය.

 

Sri Lanka president pardons militant who tried to kill him

 Image result for sirisena pardon tiger

Sri Lanka president pardons militant who tried to kill him

  • 8 January 2016
  • From the section Asia
  • Sri Lanka’s president, Maithripala Sirisena, has pardoned a former Tamil Tiger militant convicted of trying to assassinate him more than a decade ago.

    Mr Sirisena set free Sivaraja Jenivan at a ceremony to mark his first year in power. The men shook hands on stage.

    Jenivan was arrested in 2006, but was only convicted – and given a 10-year prison sentence – last year.

    The Tamil Tigers’ 25-year fight for an independent state in the north of the country ended in their defeat in 2009.

    Jenivan, now aged 36, was taken into custody in April 2006, accused of being part of an attempt a year earlier to kill Mr Sirisena, who was then a senior cabinet minister.

    He was sentenced by the Polonnaruwa High Court only in July last year.

    In pardoning him, Jenivan’s lawyer said the president had taken into account the fact that the former militant had already been detained for 10 years.

    At his anniversary celebration, President Sirisena pardoned and blessed Jenivan, touching him on the head and shaking his hand in front of a crowd.

    He later tweeted a photo of himself on stage with Jenivan, with a caption reading: “Ordered Presidential Pardon to a prisoner who was serving time for attempting to assassinate me in 2005”.

A tweet by Mr Sirisena reading

The Liberation Tigers of Tamil Eelam (LTTE) was a separatist rebel group led by Velupillai Prabhakaran who, to his followers, was a freedom fighter struggling for emancipation for the minority Tamils.

The group used suicide bombings to attack Sri Lanka’s capital, Colombo, in the 1990s, killing high-profile figures including former Sri Lankan President Ranasinghe Premadasa.

In the closing stages of the war in 2009, both sides were accused of committing atrocities.

Velupillai Prabhakaran

Upon taking power, Mr Sirisena pledged a truth and reconciliation commission to investigate the claims of abuses.

In October a government-led inquiry found that there were “credible” allegations that the army had committed war crimes during the conflict.

In the same month, 223 Tamil prisoners went on hunger strike demanding to be freed. Some have been released but most remain in prison.

—————————————————————————————————————————

Sri Lankan soldier gets death penalty for killing 8 Tamil civilians in Jaffna

A Sri Lankan soldier was on Thursday sentenced to death for killing eight Tamil civilians, including four minors, by slitting their throats in Jaffna nearly 15 years ago, in a rare case of the military being held to account for its actions.

Staff Sergeant Sunil Ratnayake was given capital punishment by a two-judge High Court in Colombo while four of the soldier’s colleagues were acquitted due to lack of direct evidence against them. The massacre at the village of Mirusuvil in the Jaffna peninsula came to light when another man in the group of civilians escaped the military attack and raised the alarm. Court heard that the victims were killed by slitting their throats and burying them in a mass grave in Jaffna. The incident had occurred on December 19, 2000. They had gone to check the ruins of their bombed homes following a ferocious bout of fighting between Tamil Tigers in that area.

Instead of the usual sweeping such allegations under the carpet, the then government of President Chandrika Kumaratunga suspended the entire unit of soldiers and subsequently arrested five men who were indicted in 2003. Following the lengthy legal process, the final decision was delivered today in a rare case of military being held to account for its actions.

“Today’s sentencing showed that the military was following due process in dealing with abuses committed during the war,” army spokesman Jayanath Jayaweera said. “This is a good example to show the system is working well,” Brigadier Jayaweera told reporters. Sri Lanka’s army faces allegations that it killed at least 40,000 Tamil civilians in the final months of fighting that ended in May 2009.

The previous government of strong man Mahinda Rajapaksa maintained that not a single civilian was killed by troops, while his successor Maithripala Sirisena has agreed to probe the allegations.

 

එල්ටීටීඊ. රැඳවියෝ උපවාසයක්‌ අරඹති

එල්ටීටීඊ. රැඳවියෝ උපවාසයක්‌ අරඹති

සමන් ගමගේ

එම්. ඒ. සුමන්තිරන්
පොදු සමාවක්‌ යටතේ තමන් වහා නිදහස්‌ කරන ලෙස රජයට බල කරමින් කොළඹ අනුරාධපුර සහ මැගසින් බන්ධනාගාරයේ රඳවා සිටින එල්. ටී. ටී. ඊ. සැකකරුවන් ඊයේ (12 වැනිදා) පෙරවරුවේ සිට උපවාසයක්‌ අරඹා තිබේ.

වත්මන් රජය පොරොන්දු වූ පරිදි තමන්ට නිදහස ලබා නොදුන් බවත් රජය කළේ අසත්‍ය පවසමින් තමන් මුළා කිරීම බවත් සඳහන් කරමින් ඔවුහු මෙසේ උපවාසයේ නිරතව සිටිති.

ඉකුත් යුද සමයේ කොළඹට බෝම්බ ප්‍රහාර එල්ල කිරීමට පැමිණි සහ බස්‌ රථවල, දුම්රියවල බෝම්බ පිපිරවීම්වලට සම්බන්ධ වූවන් ඇතුළු ත්‍රස්‌තවාදී සැකකරුවෝ දෙසීයකට අධික පිරිසක්‌ මෙසේ බන්ධනාගාරගතව සිටිති. මෙම සිරකරුවන්ට සතියක්‌ ඇතුළත නිදහස ලබා දිය යුතු බව පසුගියදා දෙමළ ජාතික සන්ධානයේ පාර්ලිමේන්තු මන්ත්‍රී එම්. ඒ. සුමන්තිරන් මහතාද රජයට පවසා තිබිණි.

විද්‍යාගේ සොහොන දැල්වුණේ බෙදුම්වාදයේ ගින්නෙන්ද?

විද්‍යාගේ සොහොන දැල්වුණේ බෙදුම්වාදයේ ගින්නෙන්ද?

මේ සටහන ඇරඹිය යුත්තේ කොතැන කින්දැයි සිතාගත නොහැකිව තිබෙන්නකි. එසේ කීමට සිදුව තිබෙන්නේ දිගින් දිගටම සිදු වන දේ හමුවේ රට ඉදිරියට ළඟා වෙමින් තිබෙන අභියෝග දැක අපද හොල්මන් වී සිටින නිසාය. සැබවින්ම තිස්‌ අවුරුදු ශාපයකින් මිදුණු මේ රට අද ඇදී යමින් තිබෙනුයේ කුමන දිසාවටද?

නැවත වතාවක්‌ මේ බිම තුළ ත්‍රස්‌තවාදයට හෝ බෙදුම්වාදයට ඉඩක්‌ නොමැති යෑයි ජනාධිපති මෛත්‍රීපාල සිරිසේන මහතා ඉකුත් 19 වැනිදා මාතරදී පැවති රණවිරු සමරු උළෙලේදී සඳහන් කළේය. එසේම ඊට පසුදා එනම් 20 වැනිදා කොළඹ ශ්‍රී ජයවර්ධනපුර කෝට්‌ටේ රණවිරු ස්‌මාරකය අභියස පැවති රණවිරු අනුස්‌මරණ උළෙලේදී ජනතාව ඇමැතූ ජනාධිපතිවරයා එක්‌ වටිනා ප්‍රාර්ථනයක්‌ද කරනු ලැබීය.

“එල්ටිටීඊයේ කුරිරු ත්‍රස්‌තවාදයට එරෙහිව සටන් වැද මේ මාතෘ භූමියේ සහ ජනතාවගේ විමුක්‌තිය වෙනුවෙන් ජීවිත පූජා කළ රණවිරු දූ පුතුනේ නුඹලා සසර කෙළවර නිවන් දකින්නට පෙර මේ බිමේ යළි ජනිත විය යුතුයි” යන්න ජනාධිපතිවරයා කළ එකී ප්‍රාර්ථනය විය.

සැබැවින්ම ජනාධිපති මෛත්‍රීපාල සිරිසේන මහතා කරනු ලැබූ මේ කතා දෙක තුළම ඇත්තේ ඉතා ඉහළ වටිනාකමකි. එසේම අද දවසේ රට යන දිශාව දෙස බැලීමේදී එකී ප්‍රකාශ තුළ යම් අනාගත දැක්‌මක්‌ ද ඇති බව පෙනෙන්නට තිබේ. එමෙන්ම පුංචි ගැටලු සහගත බවක්‌ද වේ.

මේ මොහොතේ රට තුළ ත්‍රස්‌තවාදය නම් නැත. එහෙයින් ත්‍රස්‌තවාදයට මේ බිමේ යළි මතු වන්නට නොදෙන්නේ යෑයි කීම ඉතා ප්‍රශස්‌ථය. නමුත් ත්‍රස්‌තවාදය අවසන් කළාට බෙදුම්වාදයට තිත තබන්නට අදටත් අපට හැකිවී තිබේද? නැත. මේ රට කෑලි කිරීමට සිහින දකින බෙදුම්වාදය තවමත් මහා රාක්‍ෂයකු සේ ක්‍රියාත්මකය.

පසෙකින් සමස්‌තය බිලිගත් යක්‍ෂයා වූ ප්‍රභාකරන් සමඟ එකට සිටි මේ මොහොතේත් ඊළාම් සිහිනය දකින දෙමළ දේශපාලනයේ බෙදුම්වාදය ය. අනෙක්‌ පසින් මුස්‌ලිම් බෙදුම්වාදය ය. අද උතුරේත්, විල්පත්තුවේත් ඇවිලෙමින් තිබෙන්නේ ඒ බෙදුම්වාදයේ ගිනි දළුය.

මෙම තත්ත්වය හමුවේ ජනාධිපතිවරයාගේ ප්‍රාර්ථනය සේම, රටේත් ජනතාවගේත් විමුක්‌තිය උදෙසා ජීවිත පූජා කළාවූ අපගේ රණවිරු දූ පුතුන් නිවන් දකින්නට පෙර යළි මේ බිමේ ඉපදීම නම් අනිවාර්යෙන්ම සිදු විය යුත්තක්‌ බවද කිව යුතුය.

මන්ද යම් මතු දවසක යළිත් ත්‍රස්‌තවාදයක්‌ බවට පත් වන්නේ අද අප අත්දකින මෙකී බෙදුම්වාදයම වන නිසාය. එදාට මේ බිමේ යළි ඉපදෙන අපේ රණවිරු දූ පුතුන්ට ත්‍රිවිධ හමුදාවේ ඕනෑ තරම් වේකන්සි (ඇබෑර්තු) ද තිබෙනු ඇත. නමුත් ගැටලුව වන්නේ රට වෙනුවෙන් දිවිදුන් අපේ රණවිරු දූ පුතුන් ආත්මයෙන් ආත්මයට යළි යළිත් ඉපදිය යුත්තේ එසේ ජීවිත පූජා කරන්නටමද යන්න සිතා බැලීමේදීය.

එහෙත් කිසිවක්‌ ගැන වැඩිපුර සිතන්නට කාලයක්‌ නැත. අද දවසේ රටේ ගමන් මඟ දෙස බැලීමේදී ඔවුන්ගේ යළි ඉපදීම ස්‌ථිර වශයෙන්ම සිදු විය යුතු බව නැවත නැවතත් කිව යුතුය. එසේ නොවුන හොත් මතු දිනක අපට සිදු වන්නේ ඇඳිවතපිටින් ගෝල්ෙµaස්‌ පිටියට ගොස්‌ මුහුදට පන්නින්නට බව සටහන් කරනුයේ “අන්තෝජටා බහිජටා” ආකාරයෙන් රට කරවන සියලු උතුමන්ගේ ඔලුගෙඩි ඇතුළටම කාවදිනු පිණිසය.

මේ මොහොතේ මෙරට දෙමළ දේශපාලනය උතුරේ බෙදුම්වාදයේ ගිනි අවුළුවමින් සිටිනුයේ කෙලෙසින්ද? අද දවසේ ඔවුන් සිය බෙදුම්වාදයේ අරමුණු උදෙසා උතුරේ තරුණ සිත් වියරු ගැන්වීමේ උපක්‍රමය ලෙස තෝරාගෙන ඇත්තේ ඉකුත් දා යාපනය කයිට්‌ස්‌, පුංගුඩුතිව් ප්‍රදේශයේදී අමානුෂික ලෙස ඝාතනය කෙරුණු සිවයෝගනාදන් විද්‍යා දියණියගේ සුන්දර රූපය ය.

සමූහ දූෂණයට ලක්‌ කිරීමෙන් පසු නරුම රැලක්‌ සිවයෝගනාදන් පවුලේ සමනළියක බඳු වූ 17 හැවිරිදි විද්‍යා ඝාතනය කළහ. සැබැවින්ම එය අහස පොලොව නූහූලන අපරාධයකි. එහි කතා දෙකක්‌ නැත. එහෙත් මෙහිදී රටේ වාසනාවට එක්‌ දෙයක්‌ සිදුව නොතිබිණි. ඒ විද්‍යා ඝාතනය කෙරුවෝ සියලු දෙනා දෙමළ ජාතිකයන්ම වීම හැර ඊට වෙනත් ජාතිකයකු (විශේෂයෙන් සිංහල එකෙකු) සම්බන්ධ නොවීමය.

වැරදිලාවත් එවැන්නක්‌ සිදුව තිබුණේ නම් අද බෙදුම්වාදී දෙමළ දේශපාලනය විද්‍යාගේ ලස්‌සන රුව ගෙන හඬ නගන්නේ උතුරේදී නොව, ස්‌විට්‌සර්ලන්තයේ ජිනීවා නුවරය. ප්‍රංශයේ පැරිස්‌ නුවරය. බ්‍රිතාන්‍යයේ ලන්ඩන්, ඉතාලියේ මිලානෝවල මෙන්ම කැනඩාවේ ටොරොන්ටෝවලින්ද ඒ හඬ මතු වන්නේය. පැහැදිලිවම කිවහොත් එය එසේ වූයේ නම් මේ වන විට විද්‍යාගේ රුව නොව සියල්ල ජාත්‍යන්තරකරණය වී අවසන්ය.

එසේ ජාත්‍යන්තරයේදී මතුවන හඬ, බෙදුම්වාදී අරමුණු සඟවාගෙන දැන් සිදු කෙරෙන්නාක්‌ මෙන් “විද්‍යාගේ ඝාතකයන්ට නිසි දඬුවම් දෙනු” යෑයි ලෙසින් නැඟෙන එකක්‌ නොවීමටද ඉඩ තිබිණි. විද්‍යාගේ ඝාතනයට වැරදිලාවත් සිංහල ජාතිකයකු සම්බන්ධ වූයේ නම් “බුදු අම්මෝ මෙන්න ශ්‍රී ලංකාවේ මහ ජාතිය දෙමළ තරුණියන් දූෂණය කර මරා දමනවෝයි” ලෙසින් ඒ හඬ මතුවන්නේය.

මෙරට ක්‍රියාත්මක දෙමළ බෙදුම්වාදී දේශපාලනයේ කාටත් නොවැටහෙන තුප්පහිකම ඇත්තේ එතැනය. එහෙත් විද්‍යා දූෂණය කර මැරූ ඝාතකයන් නව දෙනාම දෙමළ ජාතිකයන් වීම නිසා එවැන්නක්‌ සිදු නොවීය. අද දෙමළ බෙදුම්වාදී දේශපාලනය තිරය පිටුපස සැඟවී සිටියදී විද්‍යාගේ ඝාතකයන්ට මරණීය දඬුවම වහා ලබා දෙන ලෙස පවසා රටේ නීතියට තර්ජනය කරමින් උතුරේ හර්තාල් පැවැත්වෙන්නේ ඒ නිසාය.

මෙසේ දෙමළ බෙදුම්වාදී දේශපාලනය යටින් සිටියදී විද්‍යාගේ මව්පියන් ඇතුළු පවුලේ ඥතීන්ටද නොදැනී ඇගේ ලස්‌සන රුව සංෙ€තය බවට පත්කරගෙන උතුරේ ක්‍රියාත්මක වූ විරෝධතා ව්‍යාපාරය උච්ඡතම අවස්‌ථාවට හෙවත් සුරාන්තයට ළඟා වූයේ ඉකුත් විසි (20) වැනිදාය.

එහිදී විරෝධතාවට එක්‌වී සිටි දෙදහසක පමණ පිරිසක්‌ යුද්ධයෙන් පසු අලුතින් ඉදිවූ යාපනය අධිකරණ ගොඩනැගිල්ලට මෙන්ම පොලිසියටද පහර දී සියල්ල සුණු විසුණු කර මහාමාර්ගවල ටයර් පුළුස්‌සමින් ඩෙඟා නටන්නට වූයේ විද්‍යාගේ ඝාතකයන් වහා මරා දැමීමට තමන්ට භාර දෙන ලෙස රටේ නීතියට බල කරමිනි.

එකී බල කිරීම හමුවේ විරෝධතාවට එක්‌වූ 130 පමණ පිරිසක්‌ මේ වන විට යාපනය බන්ධනාගාරයේ සිර මැදිරිවල කූරු ගණින අතර යතුරු පැදි, පා පැදි සහ ත්‍රිරෝද රථ ඇතුළු රථවාහන රැසක්‌ පොලිසියේ ගොඩ ගසා ගන්නට පොලිසියට සිදු විය.

ඇතැම්විට මෙසේ යාපනය අධිකරණයට පහර දුන් විරෝධතාවේදී විරෝධතාකරුවන්ට එරෙහිව ආරක්‍ෂක අංශවල ගිනි අවියක්‌ පත්තු වනතුරු උතුරේ බෙදුම්වාදී දෙමළ දේශපාලනයේ තුප්පහි භාවිතාව කට ඇරගෙන බලා සිටියාද විය හැකිය. එහෙත් එය සිදු නොවීය. ආරක්‍ෂක අංශ සියලු ගැටලුවලට මනා සිහිබුද්ධියෙන් යුතුව මුහුණ දෙද්දී අවසානයට සිදු වූයේ බෙදුම්වාදී දෙමළ දේශපාලනයේ ඉත්තන් වූ තරුයණයෝ පිරිසක්‌ සිපිරිගෙට යැම වූහ.

සිවයෝගනාදන් විද්‍යා ඝාතනය හමුවේ මෙසේ උතුරේ ප්‍රචණ්‌ඩකාරීත්වයක්‌ නිර්මාණය වන්නට වූයේ කිසිදු හේතුවක්‌ නොමැතිව බවද මෙහිදී පැහැදිලිවම කිවයුතුව තිබෙන්නකි. අප මෙය දෙමළ දේශපාලනය විසින් බෙදුම්වාදය මතුකර ගන්නට දියත් කළ තවත් එක්‌ කුමන්ත්‍රණයක්‌ යෑයි කියනුයේද ඒ නිසාමය.

විද්‍යා ඝාතනය කෙරුණේය. නමුත් ඒ මොහොතේ සිට ඇගේ ඝාතනය වැළලී යන්නට ඉඩ හැර නීතිය හා සාමය රකින්නට සිටි කයටිට්‌ස්‌ පොලිසිය බකන්නිලා සිටියේ නැත. පොලිසිය නීතියට අනුව සියල්ල සිදු කළේය. විද්‍යා මරා දැමූ සැකකරුවන් වරින් වර කොටු කර ගැනීමට පොලිසිය සමත් විය. ඔවුන් අධිකරණය හමුවට ඉදිරිපත් කෙරිණ.

මෙම සිද්ධිය හමුවේ දෙමළ දේශපාලනයේ ඉත්තන් වී විරෝධතා දැක්‌වූ පිරිස්‌ හඬ නඟා කියා සිටියේ විද්‍යාට සාධාරණය ඉටු විය යුතු බවකි. එසේ හඬ නැගූවන්ගෙන් අපට අසන්නට ඇත්තේ විද්‍යා ඝාතනය කළ වුන් අල්ලා අධිකරණය වෙත රැගෙන යැම හෑරෙන්නට ඇය වෙනුවෙන් කරන්නට තවත් පොලිසියට ඉතුරුව ඇත්තේ කුමන සාධාරණයක්‌ද යන්න පමණි. පොලිසිය ඇය වෙනුවෙන් කළ යුතු සියල්ල නොපමාව කරනු ලැබීය.

මින් ඉදිරියට ඇති සියල්ල භාරව ඇත්තේ මේ රටේ නීතියටය. සාමාන්‍යයෙන් ස්‌ත්‍රී දූෂණයකදී, මිනී මැරුමකදී මේ රටේ නීතිය ක්‍රියාත්මක වන ක්‍රමවේදයක්‌ ඇත. එය විද්‍යාගේ ඝාතනය ගෙන උතුරේ තරුණ කොටස්‌ ඇතුළු ජනතාව උසි ගැන්වූ දෙමළ දේශපාලනයද දැන සිටින්නකි.

බෙදුම්වාදී දෙමළ දේශපාලනයේ ඉත්තන් වී ප්‍රකෝපකාරී ලෙස හැසිරෙමින් විරෝධතාවට එක්‌වී යාපනය අධිකරණ ශාලාව කුඩුපට්‌ටම් කළ වුන් විද්‍යාගේ ඝාතකයන් මරා දමන්නට පොර කෑවේ සත්‍ය එය වෙද්දිය. මේ අතරේ ඉකුත් යුද සමයේ එල්ටීටීඊයට සම්බන්ධ වී සිට හමුදා අත්අඩංගුවට පත්වී පුනරුත්ථාපනය වූ පිරිස්‌ද සිටියහ. ඇතැම්විට තවමත් උතුරේ තිබෙන්නේ මිනීමරු ප්‍රභාකරන්ගේ නීතිය යෑයි මෙසේ විද්‍යා ඝාතකයන් මරා දැමීමට තමන්ට භාර දෙන ලෙස ඉල්ලා සිටින වුන් සිතා සිටිනවාද විය හැකිය. එහෙත් දැන් ඒ යුගය අවසන්ය. එහෙයින් අද ඒවා “සුම්මා” බව මෙකී පිරිස්‌වලට මෙන්ම බෙදුම්වාදී දෙමළ දේශපාලනයටද මතක්‌ කර දිය යුතුය. අප එසේ කියන්නේ අද උතුරේ ක්‍රියාත්මක ටීඑන්ඒ දේශපාලනඥයෙක්‌ මීට සති කිහිපයකට ඉහත ප්‍රභාකරන් එදා ක්‍රියාත්මක කළ ප්‍රචණ්‌ඩ නීතියේ ඇති යෝග්‍යතාව පිළිබඳ රෙදි ඇඳගෙනම කතා කරන්නට කටයුතු කර තිබුණ නිසාය.

කෙසේ වෙතත් මෙසේ විද්‍යා ඝාතනය ගෙන විරෝධතා දැක්‌වූවන් යාපනය අධිකරණ ශාලාවට පහරදීමේ සිද්ධියත් සමඟ ඊනියා දෙමළ ජාතික සන්ධානයේ පාර්ලිමේන්තු මන්ත්‍රි මාවෙයි සේනාධිරාජා නිවේදනයක්‌ මගින් අමුතුම කතාවක්‌ කියා තිබෙන අයුරු එදින පළවූ අන්තර්ජාල වාර්තා තහවුරු කළේය.

එහිදී ඔහු කියා තිබුණේ යාපනය දෙමළ ගුරු සංගමය, ව්‍යාපාරික ප්‍රජාව, විශ්වවිද්‍යාල ප්‍රජාව සහ ශිෂ්‍ය හා තරුණ සංවිධාන එක්‌ව විද්‍යා ඝාතකයන්ට නිසි දඬුවම් දිය යුතු බවට බල කරමින් සංවිධානය කර තිබූ සාමාකාමී විරෝධතාවක්‌ අතරේ එහි කඩා වැදුණු ප්‍රකෝපකාරීන් පිරිසක්‌ මෙම ප්‍රහාරය එල්ල කළ බවකි.

gajadeepan

මන්ත්‍රි පී. ගජදීපන් පුංගුඩුතිව්

එහෙත් මාවෙයි සේනාධිරාජා එසේ කියද්දී ඊට දිනකට පෙර එනම් යාපනය අධිකරණ ශාලාවට පහරදුන් දිනට පෙර දින උතුරු පළාත් මන්ත්‍රි පී. ගජදීපන් පුංගුඩුතිව් සර්වෝදය ශාලාවට ජනතාව රැස්‌කරවා ප්‍රකාශ කර තිබුණේ විද්‍යාගේ ඝාතනය සම්බන්ධයෙන් නිසි පියවර නොගතහොත් රජ්‍ය ආයතන අක්‍රීය කරන බවකි. මෙය මාවෙයි සේනාධිරාජා නොදැන සිටියා විය නොහැකිය. එහෙත් අදටත් දෙමළ බෙදුම්වාදය අදහන සේනාධිරාජා සිය නිවේදනය කර තිබුණේ ඉහත පරිදිය.

ඔහුගේ එකී නිවේදනය අනුව මෙකී විරෝධතාවට යාපනය දෙමළ ගුරු සංගමය, ව්‍යාපාරික ප්‍රජාව, විශ්වවිද්‍යාල ප්‍රජාව, ඇතුළු බුද්ධිමත් පිරිස්‌ රැසක්‌ සහභාගි වී ඇත. ඔවුන් මෙසේ විරෝධතා දක්‌වනුයේ විද්‍යාගේ ඝාතනය අරබයා නීතියට අනුව පොලිසිය කළ යුතු සියල්ල සිදු කර තිබියදීය.

විද්‍යා වෙනුවෙන් කළ යුතු සියල්ල සිදු කර තිබියදී මෙකී බුද්ධිමත් ප්‍රජාව විරෝධතා දක්‌වන්නට රැස්‌ වූයේ කුමක්‌ නිසාද? මොලේ අමාරුවක්‌ තිබුණු නිසා විය නොහැකිය. ඒ තුළ තිබුණේ දෙමළ බෙදුම්වාදී දේශපාලන මෙහෙයවීමය. සිදු වූ දේ හමුවේ එසේ නොවන්නේ යෑයි කියන්නට කිසිවකුටත් නොහැක. එසේම සිදුවූ සියල්ල උතුරේ දෙමළ ජනතාවගේ අවශ්‍යතාව නොවූ බවද මෙහිදී කිව යුතුය. උතුරේ කතාව එසේ වෙද්දී යාපනය අධිකරණ ශාලාව කුඩුපට්‌ටම් කිරීමේ සිද්ධියත් සමග විද්‍යා ඝතානය වීමේ දුක දකුණේ දෙමළ බෙදුම්වාදී දේශපාලනය තුළද විහිදී යනු ඉකුත් සතියේ දකින්නට ලැබුණකි. එම සිද්ධියත් සමඟ වහා ක්‍රියාත්මක වූ ප්‍රජාතන්ත්‍රවාදී ජනතා පෙරමුණේ නායක මනෝ ගනේෂන් මාධය හමුවේ අපූරු ප්‍රකාශයක්‌ කර තිබුණි.

“විද්‍යා ඝාතනය සම්බන්ධයෙන් තමන් දෙමළ ජාතිකයකු ලෙස ලඡ්ජාවට පත්ව සිටින බවත් මෙවන් ස්‌ත්‍රී දූෂණ උතුරේ සිදු වන්නේ පසුගිය රජය උතුරේ තරුණ ජීවිත වෙත මත්පැන් ළඟා කර “සෙකේස්‌” ප්‍රචලිත කිරීම” නිසා බව මනෝ ගනේෂන්ගේ එම ප්‍රකාශය විය. මනෝ ගනේෂන් මේ ප්‍රකාශය කරනු ලැබුවේ කටින්ද නැතහොත් වෙන තැනකින්දැයි අප නොදන්නෙමු. එහෙත් අපට හැඟෙන්නේ නම් ඒ ප්‍රකාශය ඔහු කරන්නට ඇත්තේ කටින් නොවේ යෑයි ලෙසිනි.

සමූහ දූෂණයකට ලක්‌ කර විද්‍යා ඝාතනය කිරීම ඉතාම නින්දිත ක්‍රියාවක්‌ බව පැහැදිලිය. එහි කතා දෙකක්‌a නැත. එහිදී එය සිදු කරනු ලැබුවේ දෙමළ ජාතිකයන් නව දෙනකු බැවින් මනෝ ගනේෂන් ලැඡ්ජා වීමද සාධාරණය. එහෙත් මනෝ ගනේෂන් කියන පරිදි මෙවන් දේ අද උතුරේ සිදු වන්නේ පසුගිය රජය සමාජගත කළේ යෑයි කියන අරක්‌කු සහ සෙක්‌ස්‌ නිසාද?නැත. උතුරේ දෙමළ ජනජීවිතයට මේ විනාශය ළඟා කළ එකම ජීවියා (දැන් පරලොව ගොස්‌ සිටින) මනෝ ගනේෂන්ලා අදටත් “මගේ දෙයියා” කියමින් අදහන මිනීමරු වේලුපිල්ලේ ප්‍රභාකරන්ය.

 

Image result for prabakaran devil

උතුරේ තරුණ දූවරුන් හෙවත් දෙමළ ජාතියේ අනාගත මව්වරුන් බලහත්කාරයෙන් පැහැරගෙන ගොස්‌ ගිනි අවිය සමඟ සයනයිඩ් කරල ගෙල පැළඳුවේ වෙලුපිල්ලේ ප්‍රභාකරන්ය. එසේ එදා කොටි ත්‍රස්‌තවාදයේ සටන්කාරියන් ලෙස ප්‍රභාකරන් පැහැරගෙන ගිය ඇතැම් දෙමළ තරුණියන් කොටි බංකර ඇතුළේ දූෂණයට ලක්‌ නොවූයේද?

අප මනෝ ගනේෂන්ගෙන් ඒ ප්‍රශ්නය අසනුයේ වගකීම් සහිතවය. ඉකුත් යුද සමයේ වරක්‌ කිලිනොච්චියට කිලෝමීටර් කිහිපයක්‌ මෙපිට තිබූ කොටින් ඉදි කළ අක්‌කරායන්කුලම් පස්‌ බැම්මේ වූ කොටි බන්කරයක්‌ හමුදාව අත්පත් කර ගැනීමත් සමඟ එහි යන්නට මේ ලියුම්කරුට අවස්‌ථාවක්‌ ලැබිණි.

බන්කරය පස්‌ බැම්ම හරහා එහා මෙහා යා හැකි පරිදි සිමෙන්තියෙන් ඉදි කර තිබිණි. මෙනිසාම එය අල්ලා ගැනීමේදී යුද හමුදාට දැඩි වෙහෙසක්‌ දරන්නට සිදුවූවාද දැනුදු මතකයේ තිබේ. එසේ කොටි බන්කරයට ගිය අවස්‌ථාවේ එහි තැනක පැදුරක්‌ එලා තිබෙනු දැක නිකමට මෙන් එය පාදයෙන් පසකට කරන්නට සිතුවේ අරමුණකින් තොරවය. සිතුවිල්ල ක්‍රියාවට නැගිණි.

පුදුමයකි භාවිත කරපුවා සහ නොකරපුවාද ඇතුළත් උපත් පාලන කොපු තොගයක්‌ පැදුර යටින් මතු වූයේ සියල්ලන් මවිත කරමිනි. පසුව හමුදා සෙබළුන්ගෙන් කළ විමසීමකදී දැන ගැනීමට ලැබුණේ එම බන්කරය අත්පත් කර ගන්නා අවස්‌ථාවේ ඇති වූ සටනින් පසු කොටි තරුණියන් තිදෙනකුගේ සහ තරුණයන් දෙදෙනකුගේ මළ සිරුර හමුවූ බවකි.

එදා එහි සිට හමුදාව සමඟ සටන් වැදුණේ කසාද බැඳපු කොටි ජෝඩු නොවන්නේය. මන්ද විවාහ වීම කොටි සංවිධානය තහනම් කර තිබුණකි. එහි සිටියේ ප්‍රභාකරන් විසින් පැහැරගෙන ගොස්‌ යුද්දයට ඇද දැමූ උතුරේ දෙමළ තරුණ තරුණියන්ය. ඔවුන් බංකරයේ සිට උපත් පාලන කොපු භාවිත කරනු ලැබුවේ බැලුම් පුම්බන්නට නොවන බවද අප කියන්නේ මනෝ ගනේෂන්ට ඇසෙන්නටය.

ප්‍රභාකරන්ගේ ත්‍රස්‌තවාදය හමුවේ සටනට පෙර උතුරේ දෙමළ තරුණියන්ගේ පිරිසිදු බව වැනසී ගියේ එසේය. නමුත් කිසි විටෙකත් තමන්ගේ ජාතියට ඒ විනාශය සිදු වෙද්දී මනෝ ගනේෂන්ලා කටක්‌ ඇරියේ නැත. ඔහු පමණක්‌ නොව අද දෙමළ ජනතාවගේ ගැලවුම්කරුවා යෑයි කියමින් පෙනී සිටින දෙමළ ජාතික සන්ධානය සිටියේද එතැනමය. ඔවුන් පෙනී සිටියේ දෙමළ ජනතාව වෙනුවෙන් නොව, ප්‍රභාකරන්ගේ ඊළම හෙවත් බෙදුම්වාදය වෙනුවෙන්ය.

ප්‍රභාකරන් ඉදිරියේ දෙමළ දේශපාලනයේ භාවිතාව එසේ වෙද්දී උතුරේ ඉපදුණු “විද්‍යාලා” කී දෙනකු අකාලයේ මිලාන වී මිය යන්නට ඇද්ද? දෙමළ ජාතිකයකු ලෙස මනෝ ගනේෂන් ලැඡ්ජා විය යුත්තේ ප්‍රභාකරන් එසේ තම ජාතිය වනසද්දී නිහඬව සිටීම ගැනය.

අද උතුරේ සමාජගත බිහිසුණු බවට හේතුව මනෝ ගනේෂන් කියන අන්දමට අරක්‌කුවත් සෙක්‌ස්‌වත් නොවන්නේය. ඊට එකම හේතුව විය යුත්තේ දෙමළ දේශපාලනයේම හඬ නැගීම හමුවේ කඩිනම් පුනරුත්ථාපනයකින් පසු සමාජගත කෙරුණා වූ ත්‍රස්‌තවාදය තෝරාගත් බිහිසුණු මානසිකත්වයකින් සිටි තාරුණ්‍යය විය යුතුය.

තම ජාතිය පිළිබඳ කැක්‌කුමක්‌ තිබෙන්නේ නම් දෙමළ දේශපාලනය වහා කළ යුත්තේ එසේ මානසිකව ඇදවැටීමකට ලක්‌ව සිටින උතුරේ තාරුණ්‍යය තමන්ගේ බෙදුම්වාදී අරමුණු වෙනුවෙන් පාරට බැස්‌සවීම නොව, ඔවුන්ගේ මොල සුද්ධ කර ජාතියේ අනාගතය සුරක්‍ෂිත කර ගැනීමය.

එහෙත් සිදු වෙමින් තිබෙන්නේ එයද? නැත. දිගින් දිගටම සිදු වෙමින් තිබෙන්නේ තමන්ගේ බෙදුම්වාදය වෙනුවෙන් ඇති එකම සම්පත ලෙස එම තාරුණ්‍යය භාවිත කිරීමට දෙමළ දේශපාලනය ක්‍රියා කිරීමය. විද්‍යා දියණිය වෙනුවෙන් විරෝධතා දැක්‌වූවන් යාපනය අධිකරණ ශාලාව කුඩු කිරීමේ යථාර්ථවාදී කතාව වන්නේ එය ය. දෙමළ දේශපාලනයේ මේ කුහකත්වය රටේ දෙමළ ජනතාව දැන්වත් වටහා ගත යුතුය.

මෙසේ ක්‍රියාත්මක බෙදුම්වාදී දෙමළ දේශපාලනයේ අවසන් තෙරපුම ත්‍රස්‌තවාදයක්‌ සේ මතු දිනක යළිත් දකුණට දැනීම නියත වශයෙන්ම සිදු විය හැකිය. එහෙත් ඒ ඇත්තට මුහුණ දීමට අප සූදානම්ද?

උතුරේ එසේ වෙද්දී මේ මොහොතේ දකුණේ දේශපාලනය තුළ සිදුවන සියල්ල දෙස බලා අවසන් වශයෙන් ආණ්‌ඩුවෙන් අපට අසන්නට ඇත්තේ ඒ ටික පමණක්‌ බව කිව යුතුය.

සමන් ගමගේ

See Gaj

2ND LEAD (Adds voice) මන්ත්‍රි පී. ගජදීපන් පුංගුඩුතිව්

Allow people to give way to their emotions, Wigneswaran warns Colombo on Heroes Day

[TamilNet, Wednesday, 27 November 2013, 16:01 GMT]
The occupying Sri Lankan military in Jaffna on Tamil Heroes Day blocked the Northern Provincial Council (NPC) from planting trees at the public venue of Thanthai Chelva’s memorial square. However, three provincial ministers, including the NPC Chief Minister CV Wigneswaran and three councillors went ahead planting tree saplings in the premises of the secretariat of the provincial education ministry, which is located in a private land. “This is about our emotions and feelings. If the [SL] government didn’t allow us to proceed with this, the outcome would be much more drastic,” the chief minister of NPC warned Colombo.

CV Wigneswaran
 “No government can stop us from planting trees in our private lands. I have planted a tree at my house also. We are planting these new tree saplings at the secretariat which lies in a private land,” Mr Wigneswaran said adding that the act also symbolised the desire of a people for their rejuvenation.

“While praying that peace be upon the souls of those perished, we also regard this event as a sign of bringing ourselves into a new world,” he added.

NPC Minister of Agriculture Mr P Aingaranesan and NPC Minister of Education T. Kurukularajah, NPC members V. Sivayogan, P. Gajadeepan and E. Arnold were present at the function.

“We plant trees symbolising our desire for the arrival of a new generation as one generation has left us. A lot of youth, both men and women, among our population have departed from us. If we are to achieve upliftment in our life, we need the youth, children and more students,” he said.

“Like we seek to maintain our environment in a healthy way, we also seek rejuvenation of the human life.”

“The [Sri Lankan] Government has forbid planting trees [on this Day]. They are approaching the issue with a narrow mind,” he said.

The government should take into account the emotions and feelings of the people. If it seeks to suppress the emotions of the people with military might, the result would be far worse, and that the government should take this into account, the NPC Chief Minister warned.

If the government sought to tackle the situation with military might, the emotions and feelings of the people would gain more impact in the future than now, he said. “If you put the ball inside the water and push it downwards, it would bump up,” Mr Wigneswaran said.

In his 3-minute address, he also said: The trees on both sides of the A9 have been wiped out in the Northern Province. The outgrown jungles have become empty terrains now. “How did they vanish, who got them is something we could only assert, I think, through an international investigation,” he commented.

අද මුල්ලිවයික්‌කාල් කොටි සමරුවට එන්නැයි උතුරු මහ ඇමැති ඇරයුම්පත් යවලා

අද මුල්ලිවයික්‌කාල් කොටි සමරුවට එන්නැයි
උතුරු මහ ඇමැති ඇරයුම්පත් යවලා

https://encrypted-tbn3.gstatic.com/images?q=tbn:ANd9GcRF0VIcvjtav0m4MLiilKr3l2IzQStMtgBXhCuoYkQZUO_8T9tD

චතුර පමුණුව

අද (18 දා) දිනයේ මුල්ලිවයික්‌කාල් රජයේ මිශ්‍ර විද්‍යාලයේ පැවැත්වීමට නියමිතව තිබූ කොටි සැමරුම සඳහා උතුරු පළාතේ ප්‍රධාන අමාත්‍ය සී. වී. විග්නේශ්වරන් මහතා විසින් තම නිල ලේඛන යොදාගෙන පාර්ලි මේන්තු මන්ත්‍රීවරුන්ට හා පළාත් සභා මන්ත්‍රීන්ට ආරාධනා ලිපි යවා ඇත.

මෙම සැමරුම අද උදේ 10 ට ආරම්භ වීමට නියමිතව තිsබිණි.

දෙමළ ජාතික මහජන පෙරමුණ නම් සංවිධානයක්‌ විසින්ද මේ සැමරුම සඳහා ආරාධනා යවා තිබිණි.

කවරක්‌ නමුත් මේ සැමරුම නතර කිරීමට මුලතිව් මහෙස්‌ත්‍රාත්වරයා නියෝග කර තිබිණි.

උතුරට දේශපාලන විසඳුමක්‌ දීමට ඇමරිකාව මැදිහත් වනවා – ජෝන් කෙරී ටීඑන්ඒ මන්ත්‍රීන්ට පවසයි

උතුරට දේශපාලන විසඳුමක්‌ දීමට ඇමරිකාව මැදිහත් වනවා
– ජෝන් කෙරී ටීඑන්ඒ මන්ත්‍රීන්ට පවසයි

දිනසේන රතුගමගේ

උතුරු නැගෙනහිර අර්බුදයට දේශපාලන විසඳුමක්‌ ලබාගැනීමට රජය සමග සාකච්ඡා කිරීමට ඇමරිකාව මැදිහත් වන බව තමන්ට විශ්වාස යෑයි ඇමරිකානු රාජ්‍ය ලේකම් ජෝන් කෙරී මහතා (03 දා) දෙමළ ජාතික සන්ධානයේ නායකයින්ට කොළඔදී ප්‍රකාශ කොට ඇත.

දෙමළ ජාතික සන්ධානයේ නායක ආර්. සම්බන්ධන් මහතා ඇතුළු පිරිසක්‌ කොළඹදී ජෝන් කෙරී සමග සාකච්ඡා කළ අවසථාවේදී ඔහු මෙසේ පැවසූ බව දෙමළ ජාතික සන්ධානයේ යාපනය දිස්‌ත්‍රික්‌ පාර්ලිමේන්තු මන්ත්‍රී සුරේෂ් ප්‍රේමචන්ද්‍රන් මහතා පැවසීය.

නව රජය සමග ඉතා සුහදව කටයුතු කරමින් දෙමළ හා සිංහල ජනතාව අතර සංහිඳියාව ගොඩ නැංවීමට ක්‍රියා කරන මෙන් දෙමළ ජාතික සන්ධානයෙන් ඉල්ලීමක්‌ කොට ඇති ජෝන් කෙරී ඒ සඳහාද ඇමරිකානු සහය ලබාදෙන බව පවසා ඇත.

දෙමළ ජාතික සන්ධානය විසින් ඉදිරිපත් කරන ලද සියලු ඉල්ලීම් හා ගැටලු රජය වෙත ඉදිරිපත් කරන බව පවසා ඇති ජෝන් කෙරී මහතා ලබන සැප්තැම්බරයේදී ශ්‍රී ලංකාවේ මානව හිමිකම් උල්ලංඝනය වීම් සම්බන්ධයෙන් ජිනීවා මානව හිමිකම් මණ්‌ඩලයට ඉදිරිපත් කිරීමට නියමිත චෝදනා ඒ ආකාරයෙන්ම ඉදිරිපත් කරන බව පවසා ඇත්තේද දෙමළ ජාතික සන්ධානයේ නායකයින් විසින් නගන ලද ප්‍රශ්නයකට පිළිතුරු දෙමිනි.

මෙම සාකච්ඡාවේදී දෙමළ ජාතික සන්ධානයේ නායකයින් පවසා ඇත්තේ උතුරු නැගෙනහිර පළාත් දෙක ඒකාබද්ධ කොට බලය විමධ්‍යගත කෙරෙන පාලන ව්‍යහයක්‌ ඇති කිරීමේ අවශ්‍යතාව රජයට පැහැදිලි කොට දෙන ලෙසයි.

යුද්ධයෙන් විපතට පත් උතුරේ වැසියන් 67000 ක්‌ තවමත් යළි පදිංචි කරවීමට නොහැකිව ඇත්තේ ඔවුන්ගේ ඉඩම්වලින් යුද හමුදාව මෙතෙක්‌ ඉවත් නොවීම නිසා බව පෙන්වා දී ඇති දෙමළ ජාතික සන්ධානයේ නායකයින් මෙම කරුණ කෙරෙහිද රජයේ අවධානය යොමු කරවන මෙන් ජෝන් කෙරීගෙන් ඉල්ලා තිබේ.

යුද අපරාධ වාර්තාව කල්දැමීමට එරෙහිව මන්නාරම් රදගුරු හා ද්‍රවිඩ සන්ධාන විරෝධය

යුද අපරාධ වාර්තාව කල්දැමීමට එරෙහිව
මන්නාරම් රදගුරු හා ද්‍රවිඩ සන්ධාන විරෝධය

ලන්ඩන් නුවර ඇමරිකානු තානාපති කාර්යාලය ඉදිරියේදී ආර්. සම්බන්ධන්ගේ හා සුමත්තිරන්ගේ ඡායාරූප පුළුස්‌සන කොටි ක්‍රියාකාරීහු

සත්‍යය වසන්කළ නොහැකිය – බ්‍රිතාන්‍යයේ හිටපු අගමැති වින්සන්ට්‌ චර්චිල්

ජිනීවා මානව හිමිකම් සැසිවාරය මාර්තු 2 දා ආරම්භ මානව හිමිකම් සමුළුව ආරම්භ වීමට පෙර මන්නාරම රදගුරු රායප්පු ජෝෂප් හා උතුරු පළාත් සභාව සහ ද්‍රවිඩ සන්ධානය එක්‌වී ශ්‍රී ලංකාවට එරෙහි යුද අපරාධ වාර්තාව කල්දැමීම ගැන උද්ඝෝෂණයක්‌ පවත්වා ඇත. මෙය උතුරේ සාමකාමී වාතාවරණය බිඳදැමීමේ ක්‍රියාදාමයකි.

මෙහිදී රායප්පු ජෝශප් පවසා ඇත්තේ බරපතළ ප්‍රකාශයකි.

සිංහල රජය යුද්ධයේ මුල් අදියරේ ද්‍රවිඩයන් 40000 ක්‌ මරාදැමූ බවත් එය ජාති ඝාතනයක්‌ බවත් රජය යුද අපරාධ සම්බන්ධව දේශීය විර්ශනයක්‌ පැවැත්වීම ප්‍රතික්‍ෂේප කරන බවත් ඔහු පවසා තිබේ.

මාර්තු මසදී එකී යුද අපරාධ වාර්තාව ප්‍රකාශයට පත්කළ යුතු බවද එය ප්‍රමාද කිරීම ද්‍රවිඩ ජනතාවට කරන ෙද්‍රdaහිකමක්‌ බවද මන්නාරම රදගුරුවරයා තවදුරටත් ප්‍රකාශ කර ඇත.

රායප්පු ජෝශප්ගේ මෙම ප්‍රකාශයට යාපනය විශ්වවිද්‍යාල ශිෂ්‍ය සංගමයද සහය දක්‌වා තිබේ. යුද අපරාධ වාර්තාව ප්‍රකාශයට පත්කරන ලෙස ඉල්ලමින් පැවැත්වූ උද්ඝෝෂණයට පූජකවරු සහ කන්‍යා සොයුරියන්ද සහභාගිවී ඇත.

මන්නාරම් රදගුරුවරයා තවදුරටත් පවසා ඇත්තේ අළුතින් යුද අපරාධ තොරතුරු මතුවී ඇති බවයි.

විශ්වමඩු ප්‍රදේශයේ මළ සිරුරු 30000 ක්‌ 35000 ක්‌ අතර සංඛ්‍යාවක්‌ තිබෙන බව දුටු බවට සාක්‍ෂිකරුවන් සිටිනවා යයිද ඔහු බ්‍රිතාන්‍යයේ බී. බී. සී. ද්‍රවිඩ සේවාව අමතමින් කියා සිටියේය.

යාපනයේ පැවැති උද්ඝෝෂණයට සමානව බ්‍රිතාන්‍ය කොටි හිතවාදින් ලන්ඩන් නුවර ඇමරිකානු තානාපති කාර්යාලය ඉදිරියේදී යුද අපරාධ වාර්තාව වහාම ප්‍රකාශයට පත්කරන ලෙස ඉල්ලමින් උද්ඝෝෂණයක්‌ පවත්වා ඇත.

එහිදී ද්‍රවිඩ සන්ධාන නායක ආර්. සම්බන්ධන් සහ මන්ත්‍රී සුමන්තිරන්ගේ ඡායාරූපද පුළුස්‌සා දමා තිබේ.

මේ පසුබිම මැද යාපනයේ උද්ඝෝෂණයට යාපනය රදගුරු තෝමස්‌ සවුන්ද්‍රනායගම් සහභාගි වී නැත. මෙම උද්ඝෝෂණයට සහභාගිවූවන් මියගිය කොටි ත්‍රස්‌තයන් කීපදෙනෙකුගේ ඡායාරූපද ප්‍රදර්ශනය කර ඇත.

මෙහිදී උතුරු පළාත් සභාවද එකී උද්ඝෝෂණය වෙනුවෙන් පැය 2 ක නි? වක්‌දී තිබේ.

යාපනය විශ්වවිද්‍යාලයේ ශිෂ්‍ය සංගම් නායක තුසින්තාන් නැමැත්තා යාපනයේ ටෙම්පල් පාරේ ඇති එක්‌සත් ජාතීන්ගේ කාර්යාලය වෙත ගොස්‌ සංදේශයක්‌ද බාරදී ඇත.

අනතුරුව යාපනය විශ්වවිද්‍යාලයේ රාසකුමාරන් නැමැත්තා තිලිපන් නැමැති ත්‍රස්‌තයාගේ ස්‌මාරකය තිබූ ස්‌ථානයට අවුත් එකී සන්දේශයේ පිටපත් මන්නාරම රදගුරු වෙත බාරදී එය කොළඹ එක්‌සත් ජාතීන්ගේ නේවාසික නියෝජිත වෙත යොමුකරන්නැයි ඉල්ලා ඇත.

මෙයට පෙර උතුරු පළාත් සභා මන්ත්‍රී සිවාජිලිංගම් මානව හිමිකම් කොමසාරිස්‌ වෙත සන්දේශයක්‌ යවමින් උතුරු නැගෙනහිරට ජනමත විචාරණයක්‌ ඉල්ලා තිබේ.

මේ තොරතුරු මුළුලොව පුරා පැතිරීගොස්‌ ඇත. ද්‍රවිඩ සන්ධාන මන්ත්‍රී ශ්‍රීධරන්ගේ සොහොයුරු කූගන් මෙහෙයවන යුරෝපා කොටි ගුවන් විදුලිය ඊට පුළුල් ප්‍රචාරයක්‌ දී තිබේ.

එහෙත් ද්‍රවිඩ නිජබිම් සංකල්පය පිළිගත යුතු යයි පැවසූ මෙරට විශ්වවිද්‍යාල ආචාර්යවරයකුට නම් මෙවන් තොරතුරු සාවධ්‍ය තොරතුරුයි.

කිසිඳු පිළිගැනිමක්‌ නැති එකී විශ්වවිද්‍යාල ආචාර්වරයා කුමක්‌ පැවසුවත් ඔහු චරිතයක්‌ නොවේ.

මේ පසුබිම මැද මන්නාරම් රදගුරු යාපනය විශ්වවිද්‍යාල සිසුන් සහ ද්‍රවිඩ සන්ධානය දියත් කර ඇත්තේ රාජ්‍ය විරෝධි ක්‍රියාමාර්ගයක්‌ නොවේද?

මෙයට වසර කිහිපයකට පෙර කොටි සංවිධානය ලයන් එයාර් යානාවකට මිසයිල ප්‍රහාරයක්‌ එල්ල කර විනාශ කල අවස්‌ථාවේ මළ සිරුරු සොයාගැනීමට එවකට මන්නාරම් පොලිස්‌ අධිකාරිවරයා කළ ඉල්ලීමට සහය නුදුන්නේද මන්නාරම රදගුරුවරයායි.

– කීර්ති වර්ණකුලසූරිය

ජිනීවා වාර්තාව කල්දැමීමට චීන රුසියා එකඟතාව

ජිනීවා වාර්තාව කල්දැමීමට චීන රුසියා එකඟතාව

කීර්ති වර්ණකුලසූරිය

ශ්‍රී ලංකාවට එරෙහි යුද අපරාධ පරීක්‍ෂණ වාර්තාව සැප්තැම්බර් දක්‌වා කල්දැමීම සඳහා රුසියාව හා චීනය මානව හිමිකම් කොමසාරිස්‌වරයාට සිය එකඟතාව ලබාදී ඇත.

එහෙත් මෙම වාර්තාව සැප්තැම්බර් මස ප්‍රකාශයට පත් කිරීමෙන් පසු එහි අඩංගු කරුණු ගැන එකී රටවල් සිය නිරීක්‍ෂණ දක්‌වන බව ජිනීවා ආරංචි මාර්ග පවසයි.

මෙම යුද අපරාධ වාර්තාව කෙරෙහි රුසියානු හා චීන නිලධාරීන් 2014 මාර්තු මාසයේ දී විරෝධය දන්වමින් ඊට විරෝධය දක්‌වා තිබුණි.

මෙවරද චීනයේ හා රුසියාවේ සහාය ශ්‍රී ලංකා රජයට හිමිවනු ඇත.

Categories

Different countries have visited this site

Free counters!