//

අස්‌ගිරි මහ විහාරයෙන් නිවේදනයක්‌

This category contains 4 posts

විග්නේෂ්වරන්ගේ පාඩම සහ සර්වේශ්වරන්ගේ කොඩිය

රටක ජාතික කොඩිය යනු රටක අනන්‍යතාව ලොවට පෙන්වන ප්‍රධානම සංකේතයයි. රටේ ඓතිහාසික පසුබිම, පෞඪත්වය, ස්‌වෛරීභාවය, ස්‌වාධීනත්වය පිළිබඳ උත්තුංග කාරණා පිළිබිඹු කරන ජාතික කොඩිය රටකට ඇති ගෞරවනීයම ආභරණයයි. රටේ පුරවැසියන් කළ යුත්තේ මෙම ආභරණය පැළඳ ගැනීම හෝ වැළඳ ගැනීම නොව ඊට නිසි ගෞරවය ලබාදීම ය. මන්ද ජාතික කොඩියට ගෞරව කිරීම උදාර මිනිස්‌ ගුණාංගයක්‌ බැවිණි. නමුත් මේ උදාර මිනිස්‌ ගුණාංගය “අදොa වාතයකට” තරම්වත් මායිම් නොකරන මිනිසුන් සිටින රටකි ශ්‍රී ලංකාව. විශේෂයෙන් රටේ අධ්‍යාපන බලධාරීන් ජාතික කොඩියට අගෞරව කරයි නම් එමඟින් ඔවුන් රටේ අනාගත දරු පරපුරට ලබාදෙන සංඥව ඉතා හානිදායක ය.

පෙරේදා (16 දා) වවුනියාව ඊටම්ටපෙරියකුලම් පැරකුම් මහා විද්‍යාලයේ උත්සවයකට සහභාගි වූ උතුරු පළාත් අධ්‍යාපන ඇමැති එස්‌. සර්වේශ්වරන් මහතා ජාතික කොඩිය එසවීම ප්‍රතික්‌ෂේප කර තිබේ. පසුගිය වසරේ ද මෙම පාසලේ පැවති උත්සවයකට සහභාගි වූ හිටපු උතුරු පළාත් අධ්‍යාපන ඇමැති ටී. කුරුකුලරාජා මහතා ද ජාතික කොඩිය එසවීම ප්‍රතික්‌ෂේප කර තිබිණි. රටක අධ්‍යාපන බලධාරීන් මෙලෙස හැසිරීම අපි කෙසේවත් අනුමත නොකරමු. මන්ද මේ අධ්‍යාපන ඇමැතිවරුන්ගේ චින්තනය රටක අනාගත පැවැත්මට ඉතා හානිදායක බැවිනි. උතුරු පළාත් අධ්‍යාපන ඇමැති එස්‌. සර්වේශ්වරන් ජාතික කොඩිය පිළිනොගැනීමෙන් සිදුකර ඇත්තේ ශ්‍රී ලංකා රාජ්‍යය පිළිනොගැනීම ය. රටක රාජ්‍යය පිළිනොගන්නා අධ්‍යාපන ඇමැතිවරුන් සම්බන්ධයෙන් ආණ්‌ඩුව ගන්නා පියවර කුමක්‌ද? හරි නම් සිදුවිය යුතුව තිබුණේ සිද්ධිය වූ දිනට පසු දිනම උතුරු පළාත් ආණ්‌ඩුකාරවරයා විසින් අදාළ ඇමැතිවරයා කැඳවා විනය පරීක්‌ෂණයක්‌ සිදුකර අධ්‍යාපන ඇමැති තනතුරෙන් ඔහු ඉවත් කිරීමය. එලෙස විනය පියවර ගැනීමට ව්‍යවස්‌ථාපිත බලයක්‌ නොමැති නම් කළ යුත්තේ ආණ්‌ඩුව විසින් සකස්‌ කරගෙන යන නව ව්‍යවස්‌ථා කෙටුම්පතට එම ව්‍යවස්‌ථාපිත බලතල ඇතුළු කිරීමය. මෙම ක්‍රියාමාර්ග ගැනීම ප්‍රමාද වීමෙන් සිදුවන්නේ නුදුරේදීම උතුරු පළාතම රටේ ජාතික කොඩිය ප්‍රතික්‌ෂේප කිරීමය. පෑනෙන් කළ යුතු වැඩේ මල්ටි බැරල් වලින් කළ යුතු තැනට කටයුතු සිදු නොකර ගැනීමේ වගකීමක්‌ ආණ්‌ඩුවට තිබේ. ආණ්‌ඩුව එය සිහියේ තබාගැනීම රටේ අනාගතයට වඩාත් හිතකරය.

දෙමළ ජාතික සන්ධානයේ දේශපාලනය තවමත් නන්දිකඩාල් කලපුවෙන් ගොඩට පැමිණ නැත. ආණ්‌ඩුව පැය විසිහතර පුරාම සංහිඳියා මන්තරය ජප කළත් මේ කුම්භාණ්‌ඩයන් මට්‌ටු කිරීමට නොහැකි වී ඇත්තේ ඔවුන් තවමත් ජීවත් වන්නේ සිහින ඊළාම් රාජ්‍යයේ වීමය. ඔවුන්ගේ සිහින අයිති ඔවුන්ට ය. ඒ සිහිනවල නිදන්නට ඔවුන්ට අයිතියක්‌ තිබේ. නමුත් ඊළාම් සිහින දිගේ ඇවිද යමින් රටේ අනාගතය මංමුලා කිරීමට ඔවුන්ට ඉඩදිය යුතු නැත. විග්නේෂ්වරන්ගෙන් පාඩමක්‌ ඉගෙන නොගත් ආණ්‌ඩුව සර්වේශ්වරන්ගෙන්වත් පාඩමක්‌ ඉගෙනගනු ඇතැයි අපි බලා සිටිමු.

Advertisements

උතුරේ බුදු පිළිමවලට ඇමෙරිකාව ඔරවයි!

උතුරේ බුදු පිළිමවලට ඇමෙරිකාව ඔරවයි!

කීර්ති වර්ණකුලසූරිය

උතුරු නැගෙනහිර බුද්ධ ප්‍රතිමා ස්‌ථානගත කිරීම සම්බන්ධයෙන් ඇමෙරිකානු රාජ්‍ය දෙපාර්තමේන්තුව විරෝධය දක්‌වා ඇත.

ඇමෙරිකානු රාජ්‍ය දෙපාර්තමේන්තුව ප්‍රකාශයට පත්කළ ආගමික නිදහස නමැති වාර්තාවේ මේ බව දක්‌වා තිබේ.

බෞද්ධ භික්‌ෂූන්, ක්‍රිස්‌තියානි සහ මුස්‌ලිම්වරුන්ට ප්‍රහාර එල්ල කරන බවත් ඔවුන්ට එරෙහිව රජය පියවර ගෙන නැති බවත් මේ වාර්තාවේ දක්‌වා ඇත.

බෞද්ධ කණ්‌ඩායම් සහ හමුදාව විසින් උතුරු නැගෙනහිර බුද්ධ ප්‍රතිමා ස්‌ථාපිත කර අධිරාජ්‍යවාදී පිළිවෙතක්‌ දියත් කර ඇති බව රාජ්‍ය නොවන සංවිධාන සහ දේශපාලනඥයන් විසින් හෙළිකර ඇතැයි ද එම වාර්තාවේ වැඩිදුරටත් සඳහන් කර තිබේ.

උතුර සහ නැගෙනහිර ප්‍රදේශ මුස්‌ලිම් හා හින්දුන්ට අයත් බව ද බෞද්ධයන් සුළු පිරිසක්‌ වෙනුවෙන් බුද්ධ ප්‍රතිමා ස්‌ථාපිත කර ඇති බව ද ඇමෙරිකානු රාජ්‍ය දෙපාර්තමේන්තුව කියයි.

ව්‍යවස්‌ථා සම්පාදක මණ්‌ඩලයෙන් ජානිපෙ මන්ත්‍රීහු ඉවත් වෙති

ව්‍යවස්‌ථා සම්පාදක මණ්‌ඩලයෙන්
ජානිපෙ මන්ත්‍රීහු ඉවත් වෙති

ව්‍යවස්‌ථා සම්පාදක මණ්‌ඩලයෙන් ඉවත්වීමේ ලිපිය කතානායකවරයාට භාර දුන් අයුරු.

අජිත් අලහකෝන්, ලසිත දුමින්ද

නව ව්‍යවස්‌ථාවක්‌ හෝ ව්‍යවස්‌ථා සංශෝධනයක්‌ ඉදිරිපත් නොකළ යුතු බවට ෙත්‍රෙනිකායික මහා නාහිමිවරුන් ගත් එකඟත්වය හිස මුදුනින් පිළිගනිමින් ආණ්‌ඩුක්‍රම ව්‍යවස්‌ථා සම්පාදක මණ්‌ඩලයෙන් ඉවත්වන බවට ජාතික නිදහස්‌ පෙරමුණ නියෝජනය කරන එජනිස පාර්ලිමේන්තු මන්ත්‍රීවරුන් පස්‌ දෙනා ඊයේ (19 දා) කථානායක කරු ජයසූරිය මහතාට නිල වශයෙන් දැනුම් දී ඇත.මේ සම්බන්ධයෙන් ඊයේ කථානායකවරයා වෙත භාරදී ඇති ලිපියේ ආණ්‌ඩුක්‍රම ව්‍යවස්‌ථා සම්පාදක මණ්‌ඩලයෙන් ඉවත්වීමට මුල් වූ හේතු දහයක්‌ මන්ත්‍රීවරුන් සඳහන් කර ඇත.

පාර්ලිමේන්තු මන්ත්‍රීවරුන් වන විමල් වීරවංශ, වීරකුමාර දිසානායක, ජයන්ත සමරවීර, පද්ම උදයශාන්ත ගුණසේකර සහ නිරෝෂන් ප්‍රේමරත්න යන මහත්වරුන්ගේ අත්සන් සහිතව අදාළ ලිපිය කථානායකවරයා වෙතත්, එහි පිටපත් ජනාධිපති මෛත්‍රිපාල සිරිසේන මහතා සහ ආණ්‌ඩුක්‍රම ව්‍යවස්‌ථා මෙහෙයුම් මණ්‌ඩල සභාපති අගමැති රනිල් වික්‍රමසිංහ මහතා වෙතත් ඉදිරිපත් කර ඇත.

තම මන්ත්‍රී කණ්‌ඩායම ව්‍යවස්‌ථා සම්පාදක මණ්‌ඩලයෙන් ඉවත් වූ බව පාර්ලිමේන්තුවට දැනුම් දෙන ලෙස කථානායකවරයාගෙන් ඉල්ලා ඇති මන්ත්‍රීවරු පාර්ලිමේන්තුවේ සම්මත කළ යෝජනාව අනුව සමස්‌ත මන්ත්‍රීවරුන්ගෙන් ආණ්‌ඩුක්‍රම ව්‍යවස්‌ථා සම්පාදක මණ්‌ඩලය සමන්විත විය යුතු බවද කියා සිටිති.

තම කණ්‌ඩායම ඉන් ඉවත් වීම මගින් පෙර කී කොන්දේසිය බිඳවැටෙන නිසාත් තමන්ට ඉල්ලා අස්‌වීමට හේතු වූ කරුණ දහය නිසා ආණ්‌ඩුක්‍රම ව්‍යවස්‌ථා සම්පාදක මණ්‌ඩලයේ වලංගුභාවය අභියෝගයට ලක්‌වී ඇති බවත් පාර්ලිමේන්තුවට දන්වන ලෙසද මන්ත්‍රීවරු පස්‌ දෙනා කථානායකවරයාගෙන් ඉල්ලා සිටිති.

විමල් වීරවංශ මහතා ඇතුළු මන්ත්‍රීවරුන් පස්‌ දෙනා ආණ්‌ඩුක්‍රම ව්‍යවස්‌ථා සම්පාදක මණ්‌ඩලයෙන් ඉවත් වීමට හේතු ලෙස අදාළ ලිපියේ දක්‌වා ඇති කරුණු දහය මෙසේය.

1. ෙත්‍රෙනිකායික මහානායක හිමිවරුන් විසින් 2017-07-04 දින සිදුකරන ලද විශේෂ ප්‍රකාශය මඟින් රජයට, රටේ පොදු මහජනතාව සහ මහජන නියෝජිතයන් වෙත දන්වා ඇති පරිදි නව ව්‍යවස්‌ථාවක්‌ හෝ ව්‍යවස්‌ථා සංශෝධනයක්‌ මේ මොහොතේ ඉදිරිපත් නොකළ යුතු බවට වන උන්වහන්සේලාගේ එකඟතාව සහ නිර්දේශය පක්‍ෂයක්‌ ලෙස මහජන නියෝජිතයන් ලෙස අපි සියලු දෙනා විසින් හිස්‌ මුදුණින් පිළිගන්නා බැවින් ද,

2. අප රටේ ඓතිහාසික සභ්‍යත්ව රාජ්‍යය තුළ රජුට සහ මහජනයාට ඉහළින් සිට සමාජ සම්මතයන් සහ ප්‍රමිතීන් නිර්දේශ කිරීමට සහ රජුට සහ ජනතාවට අර්ථයෙන්, ධර්මයෙන් අනුශාසනා කිරීමට අදාළ මහා සංඝරත්නය සතු ඓතිහාසික අනුල්ලංඝනීය උරුමය, අප විසින් දෙදණ නමා ගෞරව පූර්වකව පිළිගන්නා බැවින් සහ දිවි නොතකා එම උරුමය සුරැකිය යුතු බැවින් ද,

3. ගෞරවනීය මහා සංඝරත්නය විසින් හේතු සහිතව දක්‌වා ඇති පරිදි වර්තමාන ආණ්‌ඩුක්‍රම ව්‍යවස්‌ථා සම්පාදක ක්‍රියාවලිය විවිධ බලවේගවල බලපෑම්වලට යටත් වූ සහ මහජනයාගේ අනුදැනුම සහ සහභාගිත්වය නොමැතිව සිදුවන ක්‍රියාවලියක්‌ වන බැවින් එම ක්‍රියාවලියේ නීත්‍යානුකූලභාවය සහ සුජාතභාවය බරපතළ ලෙස අභියෝගයට ලක්‌වී ඇති බැවින්ද,

4. විවිධ පාර්ශ්ව විසින් ව්‍යාජ ලෙස සමාජගත කිරීමට උත්සාහ කළත් ආණ්‌ඩුක්‍රම ව්‍යවස්‌ථා සම්පාදක සභාවක්‌ පිහිටුවීම, පවත්වාගෙන යැම හෝ එහි නිර්දේශ පිළිගැනීම සඳහා පැහැදිලිs මහජන වරමක්‌ රජයට ලැබී නොමැති බැවින්ද,

5. වර්තමාන ජනාධිපතිවරයා විසින් ජනවරම ලබාගැනීම සඳහා මහජනයා වෙත ඉදිරිපත් කරන ලද මැතිවරණ ප්‍රකාශනය අනුව එතුමාට බලය ලැබී ඇත්තේ ජනමත විචාරණයක්‌ අවශ්‍ය නොවන ව්‍යවස්‌ථා සංශෝධන සඳහා පමණක්‌ බැවින් එතුමාට ආණ්‌ඩුක්‍රම ව්‍යවස්‌ථා සම්පාදක සභාවක්‌ පිහිටුවීම, නව ආණ්‌ඩුක්‍රම ව්‍යවස්‌ථාවක්‌ සම්මත කිරීම හෝ ජනමත විචාරණයක්‌ අවශ්‍ය වන කිසිදු වගන්තියක්‌ සංශෝධනය කිරීම සඳහා දේශපාලන බලයක්‌ හෝ සදාචාර අයිතියක්‌ නොමැති බැවින්ද,

6. ඒකාබද්ධ විපක්‍ෂයට අයත් මන්ත්‍රීවරුන් 95 දෙනාට ව්‍යවස්‌ථා සංශෝධනයක්‌ සඳහා කිසිදු මහජන වරමක්‌ ලැබී නොමැති බැවින් ව්‍යවස්‌ථා සංශෝධනයක්‌ සඳහා අවශ්‍ය වන විශේෂ බහුතර බලය පාර්ලිමේන්තුව සතුව නොමැති බැවින්ද,

7. සමස්‌ත පාර්ලිමේන්තුව ආණ්‌ඩුක්‍රම ව්‍යවස්‌ථා සම්පාදක මණ්‌ඩලයක්‌ බවට පරිවර්තනය කිරීම සඳහා පාර්ලිමේන්තුව විසින් සම්මත කළ යෝජනාවේ 11 වැනි වගන්තිය ප්‍රකාරව මෙහෙයුම් කමිටුව විසින් පත් කළ උප කමිටු 06 තුළ සිදුවූ සාකච්ඡා ක්‍රියාවලිය මාධ්‍යයට නිරාවරණය නොකළ බැවින් සහ එම ක්‍රියාවලිය තුළ විපක්‍ෂයේ නියෝජිතයන්ට තම අදහස්‌ පළකිරීම සඳහා සාධාරණ අවස්‌ථාවක්‌ ලබාදී නොමැති බැවින්ද,

8. පාර්ලිමේන්තුව විසින් සම්මත කළ ආණ්‌ඩුක්‍රම ව්‍යවස්‌ථා සම්පාදක මණ්‌ඩලයක්‌ පිහිටුවීමට අදාළ යෝජනාවේ ප්‍රතිපාදන ඉක්‌මවායමින් මෙහෙයුම් කමිටුව විසින් අමතර කමිටු 2 ක්‌ පත්කිරීම සහ ඒවායේ නිර්දේශ මෙහෙයුම් කමිටු වාර්තාවට ඇතුළු කිරීම මෙන්ම එම වාර්තා සකස්‌ කිරීමේදී දීර්ඝ කාලයක්‌ රට තුළ බෙදුම්වාදී මතවාද ප්‍රචලිත කළ මන්ත්‍රීවරුන් නොවන බාහිර පිරිස්‌වල මතවාදී දායකත්වය ලබා ගැනීම ආදී ක්‍රියාමාර්ග මගින් පාර්ලිමේන්තු මන්ත්‍රීවරුන්ගේ ගෞරවය සහ ජනවරම නොසලකා හැර ඇති බැවින් සහ මෙහෙයුම් කමිටුවේදී සාකච්ඡාවට ලක්‌ නොවූ කරුණු වාර්තාවට ඇතුළු කොට ඇති බවට මෙහෙයුම් කමිටුව නියෝජනය කරන විපක්‍ෂ මන්ත්‍රීවරුන් විසින් ලිතව චෝදනා කොට ඇති බැවින්ද,

9. පාර්ලිමේන්තුව විසින් සම්මත කළ යෝජනාව අනුව මෙහෙයුම් කමිටුව විසින් ආණ්‌ඩුක්‍රම ව්‍යවස්‌ථා සම්පාදක මණ්‌ඩලයට වාර්තාවක්‌ සහ ව්‍යවස්‌ථා කෙටුම්පතක්‌ යන ලියවිලි දෙකම එක විට ඉදිරිපත් කළ යුතු වුවත් එම ප්‍රතිපාදන උල්ලංඝනය වන සේ කෙටුම්පත රහසිගතව තබා ගනිමින් වාර්තාවක්‌ පමණක්‌ ඉදිරිපත් කරමින් පාර්ලිමේන්තු මන්ත්‍රීවරුන්ගෙන් සැබෑ තත්ත්වය වසන් කිරීමට සහ ඔවුන් නොමඟ යෑවීමට විවිධ පාර්ශ්ව විසින් ගන්නා වූ පහත් උත්සාහය අනුමත කළ නොහැකි බැවින්ද,

10. මහා සංඝරත්නය විසින් බලපෑමට ලක්‌වූ ක්‍රියාවලියක්‌ ලෙස අවධාරණය කර ඇති පරිදි වර්තමාන ව්‍යවස්‌ථා සම්පාදන ක්‍රියාවලිය එක්‌සත් ජාතීන්ගේ මානව හිමිකම් කවුන්සිලය විසින් ශ්‍රී ලංකාවේ රජය බලපෑමට යටත්කොට සම්මත කරනු ලැබූ 2015-30/01 යෝජනාවේ අඩංගු නිර්දේශයන් ප්‍රකාරව ආරම්භ කොට ඇති බැවින් සහ ඊට අදාළව ව්‍යවස්‌ථාවේ අඩංගු විය යුතු ප්‍රතිපාදන මොනවා දැයි නිර්දේශ කිරීමට තරම් මානව හිමිකම් කොමසාරිස්‌වරයා විවිධ විශේෂ නියෝජිතයන් ධෛර්යමත් වී ඇති තත්ත්වයක්‌ තුළ සහ වෙනත් දෙස්‌ විදෙස්‌ බෙදුම්වාදී බලවේග නිරන්තරයෙන් එම ක්‍රියාවලිය තමාට අවශ්‍ය ආකාරයට හැසිරවීම සඳහා විවිධ ආකාරයට බලපෑම් කරන බැවින් සහ මෙම ක්‍රියාවලිය තුළින් රටට සහ සිංහල, දෙමළ, මුස්‌ලිම් සියලු ජනතාවට යහපත් වන ව්‍යවස්‌ථාවක්‌ බිහි නොවන බව සක්‌සුදක්‌සේ පැහැදිලිs බැවින්ද,

අප පක්‍ෂයේ සියලුම නියෝජිත ආයතනවල සහ මහජන නියෝජිතයන්ගේ ඒකමතික තීරණය අනුව ඉහත සඳහන් කළ පරිදි මෙම ලිපිය ඔබතුමා වෙත භාරදෙන අද දින සිට මන්ත්‍රීවරුන් වන අප ආණ්‌ඩුක්‍රම ව්‍යවස්‌ථා සම්පාදක මණ්‌ඩලයෙන් ඉවත් වූ බව පාර්ලිමේන්තුවට දැනුම් දෙන ලෙස අපි ඔබතුමා වෙත ඉතා ගෞරවයෙන් ඉල්ලා සිටිමු.

බෞද්ධ භික්‌ෂූන්ට ඇති අභියෝග හමුවේ තවදුරටත් නිහඬව සිටිය නොහැකියි අස්‌ගිරි මහ විහාරයෙන් නිවේදනයක්‌

බෞද්ධ භික්‌ෂූන්ට ඇති අභියෝග හමුවේ
තවදුරටත් නිහඬව සිටිය නොහැකියි

අස්‌ගිරි මහ විහාරයෙන් නිවේදනයක්‌

සමන්තී වීරසේකර

ජාතිවාදී හැඟීම් අවුස්‌සන ඇතැම් දේශපාලනඥයන්ගේ ප්‍රකාශ සම්බන්ධයෙන් රජය කිසිදු පියවරක්‌ නොගෙන ඊට ප්‍රතිචාර දක්‌වන භික්‌ෂූන් වහන්සේලා නිහඬ කිරීම සඳහා රජය දරන උත්සාහයට බලවත් අප්‍රසාදය පළ කරන බව සියම් නිකායේ අස්‌ගිරි පාර්ශ්වයේ මහනායක අතිපූජ්‍ය වරකාගොඩ ශ්‍රී ඥනරතන හිමියෝ නිවේදනය කර සිටියි.

සියම් මහා නිකායේ අස්‌ගිරි පාර්ශ්වයේ කාරක සංඝ සභා රැස්‌වීමේදී ගත් තීන්දු පිළිබඳව අස්‌ගිරි නාහිමියන් රජය වෙත නිකුත් කරනු ලැබූ සම්පූර්ණ නිවේදනය මෙසේය.

අප මාතෘභූමියටත්, සිංහල ජාතියටත්, සම්බුද්ධ ශාසනයටත්, යම් අභියෝගයක්‌ පැමිණි කල එහි ආරක්‍ෂාව වෙනුවෙන් බෞද්ධ භික්‌ෂූන් වහන්සේ හැම කල්හිම ජීවිත පරිත්‍යාගයෙන් යුතුව ක්‍රියා කළ බව අප කවුරුත් දන්නා කරුණකි. වර්තමානය වන විට ශ්‍රී ලංකාව තුළ සිංහල ජාතියටත්, බෞද්ධ භික්‍ෂූන් වහන්සේටත් මුහුණ දීමට ඇති අභියෝග හමුවේ තවදුරටත් නිහඬව සිටීම යෝග්‍ය නොවන බව අපගේ හැඟීමයි. එය භික්‌ෂුන් වහන්සේ සතු ඓතිහාසික වගකීම පැහැර හැරීමක්‌ වනවා සේම, අනාගතයේ පිළියම් කළ නොහැකි ගැටලු රාශියකට අපට මුහුණ දීමට එය තුළින් ඉඩකඩ සැකසෙනවා ඇත. මේ නිසා අප අස්‌ගිරි මහා විහාරයේ කාරක මහා සංඝ සභාව පහත සඳහන් කරුණු කෙරෙහි සංහිඳියාවෙන් යුතු සමාජයක්‌ ගොඩනැඟීමට ප්‍රයත්න දරන ජනාධිපතිතුමන්, අගමැතිතුමන් ප්‍රමුඛ රජයේ අවධානය යොමු කරනු කැමැත්තෙමු.

ගලගොඩඅත්තේ ඥානසාර භික්‍ෂුවගේ ආවේගකාරී හැසිරීම් රටාව හා අදහස්‌ ප්‍රකාශන ශෛලය අප කිසිසේත් අනුමත නොකරන නමුත්, උන්වහන්සේගේ මතවාදය බැහැර නොකරන්නෙමු. උන්වහන්සේ ඉදිරිපත් කරන කරුණුවල සත්‍ය අසත්‍යතාවය සොයා බලා පිළියම් කරනු වෙනුවට එම සිදුවීම් උපයෝගී කරගනිමින් සමස්‌ත භික්‍ෂු සමාජයම අවඥවට ලක්‌ කරමින් වාමාංශික යයි කියාගන්නා සහ බෞද්ධ පරිසරයක හැදුන වැඩුන දේශපාලනඥයන්ද, සමාජ ක්‍රියාකාරීන් හා විවිධ සංවිධාන කිසිදු ගෞරවයකින් තොරව භික්‌ෂූන් වහන්සේලා විවේචනය කරමින්, නම පමණක්‌ කියමින්, ආමන්ත්‍රණය කරමින් ප්‍රවෘත්ති සාකච්ඡා නිවේදන හා ලිපි පළකිරීම් අප තරයේ හෙළා දකින අතර අපගේ සිංහල හා බෞද්ධ සංස්‌කෘතිය තුළ අතීතයේ පටන් පැවත එන පරිද්දෙන් බෞද්ධ භික්‍ෂූන් වහන්සේ නමක්‌ සිය නමින් ඇමතිය හැක්‌කේ වැඩිහිටි භික්‌ෂුවකට පමණක්‌ය යන්න ද මෙහිදී සිහිපත් කරමු.

ජාතිවාදී හැඟීම් අවුස්‌සන ඇතැම් දේශපාලනඥයන්ගේ ප්‍රකාශ සම්බන්ධයෙන් රජය කිසිදු පියවරක්‌ නොගෙන ඊට ප්‍රතිචාර දක්‌වන භික්‌ෂූන් වහන්සේලා නිහඬ කිරීම සඳහා රජය දරන උත්සාහයට අපගේ බලවත් අප්‍රසාධය පළකරන අතර මේ නිසා ඉදිරියේදී රට තුළ නොසන්සුන්කාරී පසුබිමක්‌ ඇතිවුවහොත් ඒ සම්බන්ධ සම්පූර්ණ වගකීම දැඩිසේ අවධාරණය කරමු.

පවත්නා නීති රීති වෙනස්‌ කිරීමට යැමෙන් අර්බුදකාරී වටාපිටාවක්‌ සමාජය තුළ ඇතිවීමට හේතුවක්‌ වන බවක්‌ ද පෙනී යයි. සිංහල හා බෞද්ධයන් එල්ලකරගෙන සිදුකරනු ලබන නව නීති රීති හඳුන්වා දීමට යැම මෙම අර්බුදයට මූලිකම හේතුවයි. එබැවින් පවත්නා නීති රීතිවල යම් වරදක්‌ තිබේ නම් පමණක්‌ ඒ පිළිබඳ සාකච්ඡා කොට තීරණයකට එළඹිය යුතු නමුත් පවත්නා නීති රීති, ගැටලුකාරී තත්ත්වයන් ප්‍රමාණවත් බව අපගේ හැඟීමයි. ජාතික සංහිඳියාවට මුවා වී සිදුකරනු ලබන රක්‍ෂිත හා ඒ ආශ්‍රිත ඉඩම් මංකොල්ලය, උතුරු නැඟෙනහිර පුරාවස්‌තු විනාශ කිරීම, වහා නතර කිරීමට රජය කටයුතු කළ යුතු බව වහා අවධාරණය කරන අතර මේ සඳහා ජනාධිපතිතුමාගේ මැදිහත්වීම තවදුරටත් සිදුවිය යුතු බව අවධාරණය කරමු. භික්‌ෂූන් වහන්සේලා අතීතයේ සිට වැඩ වාසය කරමින් දියුණුවට පත් කළ ඓතිහාසික සිද්ධස්‌ථාන පාලනයට පුරාවිද්‍යා විෂය භාර අමාත්‍යවරයා අත්තනෝමතිකව කටයුතු කරමින් පෞරාණික සිද්ධස්‌ථාන ආරක්‍ෂා කිරීම හා සංවර්ධනය පසෙක තබා එම ස්‌ථාන සංචාරක පාරාදීසයන් බවට පත් කිරීමට ගනු ලබන ක්‍රියාමාර්ගය වහා නතර කළ යුතු බව දැනුම් දෙමු.

සිංහල ජාතිය වඳ කිරීමට ඇතැමුන් ගන්නා උත්සාහයන් පිළිබඳව පුවත්පත් සහ විද්යුත් මාධ්‍ය මගින් විවිධ වාර්තාවන් පළ කරන අතර ඒවගේ සත්‍ය අසත්‍යතාව සොයා නිසි පියවර ගැනීම රජයේ සුවිශේෂ වගකීමක්‌ බව සිහිපත් කරමු. නිරන්තරයෙන් සිංහල බෞද්ධ ජනතාව මෙන්ම භික්‌ෂූන් වහන්සේලා අප දැනුවත් කරන අතර ඒ අනුව බුදුදහමට එරෙහිව බෞද්ධයන් කියාගන්නා පිරිස්‌ මෙන්ම අන්‍යාගමිකයන් විසින් කරනු ලබන විවිධ ප්‍රකාශන හේතුවෙන් බොහෝ සේ පාරම්පරික බෞද්ධ චර්යාධර්මවලට අනුකූල සිංහල සමාජය වියරුවට මංපෙත් විවර කරන මෙහෙයුමක්‌ ක්‍රියාත්මකව පවත්නා බව දැනගන්නට ඇත. එසේම බුදුදහම හා බෞද්ධ සංස්‌කෘතිය විකෘති කරන ප්‍රකාශන පාලනය කිරීම සඳහා රජය මගින් කෙටුම්පත් කර ඇති බෞද්ධ ප්‍රකාශන නියාමන පනත් කෙටුම්පත වහාම සම්මත කොට ක්‍රියාත්මක කිරීමට අවශ්‍ය ක්‍රියාමාර්ග ගන්නා ලෙසද අවධාරණය කරමු. ලංකාවේ බෞද්ධ ජනතාව නිරන්තරයෙන්ම අන්‍යාගම්වලට ගරු කරමින් එසේම ඒවායේ පැවැත්ම සඳහා කටයුතු කළ පිරිසක්‌ බව මෙරට සියලු අන්‍යාගමිකයන් තරයේ සිත් තබාගත යුතු කරුණකි. එවැනි සහනශීලීත්වයක්‌ ලබාදුන් බෞද්ධ හර පද්ධතියට නිගරු කරන අන්‍යාගමික ක්‍රියාවන් අපි තරයේ හෙළා දකිමු. එබැවින් දේශීය හා විදේශීය කුමන්ත්‍රණ තුළින් සිංහල බෞද්ධයාට සිදුවන මෙම අසාධාරණ හමුවේ ෙත්‍රෙනිකායික මහ නාහිමිවරු ප්‍රමුඛ මහා සංඝරත්නයත්, දේශහිතෛෂී ජනතා බලවේගයත් එක්‌සත්ව කටයුතු කිරීමේ වැදගත්කම අවධාරණය කර සිටිමු.

සංඝ සභා සම්මතයෙන් සකස්‌ වූ මෙම නිවේදනය අස්‌ගිරි විහාර පාර්ශ්වයේ මහා නායක ස්‌ථවිරයන් වන මා විසින් පිළිගෙන ප්‍රකාශයට පත් කරමි.

Categories

Balawegaya Flickr Photos

Different countries have visited this site

Free counters!