//

ඇස ගිය තැන්

This category contains 753 posts

අපේක්‍ෂා කළ තරම් ඡන්ද නොලැබුණත් – රට පුරා ජවිපෙ බලය වැඩිවෙලා – අනුර කුමාර දිසානායක

p1 3තමන් අපේක්‍ෂා කළ ඡන්ද සංඛ්‍යාවක්‌ ප්‍රතිඵල තුළ නැතත් පෙර මැතිවරණයට වඩා රට පුරා ජවිපෙ බලය වැඩිවී ඇතැයි ජනතා විමුක්‌ති පෙරමුණේ නායක අනුර කුමාර දිසානායක මහතා ඊයේ (11 දා) ප්‍රකාශ කළේය.

පළාත් පාලන මැතිවරණයේ ප්‍රතිඵල නිකුත් වෙමින් තිබෙන අතරතුරදී ප්‍රවෘත්ති සාකච්ඡාවක්‌ කැඳවූ දිසානායක මහතා සිය පක්‍ෂ මූලස්‌ථානයේදී මෙසේද කීවේය.

තවමත් ප්‍රතිඵල නිකුත් වෙමින් තිබෙනවා. මේ මැතිවරණය එද්දී වංචා දූෂණවලට එරෙහිව රට තුළ විශාල ආණ්‌ඩු විරෝධයක්‌ මතුවෙමින් තිබුණා. ඊට සාපේක්‍ෂව ජනතා විමුක්‌ති පෙරමුණ අපේක්‍ෂා කළා දේශපාලනික වශයෙන් යම් ප්‍රතිඵලයක්‌. දැනට ලැබෙන ප්‍රතිඵල අනුව පෙන්නුම් කරනවා පක්‍ෂයක්‌ ලෙස අප අපේක්‍ෂා කළ ප්‍රතිඵල මේ තුළ නැති බව. කෙසේ වෙතත් 2011 පළාත් පාලන මැතිවරණයේදී අපට හිමි වූයේ මන්ත්‍රීධුර හැත්තෑ දෙකයි. මේ අතර කොළඹ 01 ක්‌ සහ කඩුවෙල 01 ක්‌ තිබුණා. නමුත් මෙවර අප කොළඹට මන්ත්‍රීවරු 6 ක්‌ සහ කඩුවෙලට පහක්‌ වගේ වර්ධනයක්‌ වී තිබෙනවා. දැනට මේ වනවිට අපට මන්ත්‍රිධුර 10 කට වැඩි සංඛ්‍යාවක්‌ රට පුරා ලැබී තිබෙනවා. උතුරු පළාතෙත් මෙවර අපට මන්ත්‍රිධුර ලැබිලා.

ඒ වගේම 2015 මහ මැතිවරණය සමඟ සසඳද්දී ජවිපෙ ඡන්ද ප්‍රතිශතය සහ ඡන්ද ප්‍රමාණය වර්ධනයක්‌ පෙන්නුම් කරනවා. හම්බන්තොට, මාතර ගාල්ල ඡන්ද වැඩිවෙලා. එම් ප්‍රතිඵල ලබා ගැනීමට කලාකරුවන්, සාහිත්‍යධරයන්, විද්වතුන් මාධ්‍යවේදීන් සුවිශාල මැදිහත් වීමක්‌ ලබා දුන්නා.

2015 ජනවාරි 08 ට පසු රනිල් මෛත්‍රී ආණ්‌ඩුවේ ගුණාගුණ මැන බලන මැතිවරණයක්‌ බවට මේ මැතිවරණය පත්වුණා. මේ ප්‍රතිඵලවලින් පෙන්නුම් කරනවා ජනතාව මේ ආණ්‌ඩුව ප්‍රතික්‍ෂේප කළ බව. 2015 ජනවාරි 08 පොරොන්දු වූ ජනතා අපේක්‍ෂාවලට මුළුමනින්ම පිටුපස හරවා ආණ්‌ඩුව කළ කාර්යභාරයේ ප්‍රතිඵලයක්‌ මේ. මේක ආණ්‌ඩුවේ විශාල බිඳ වැටීමක්‌. ඒ වගේම ජනතා දේපල රිසිසේ පරිහරණය කරමින්, ප්‍රජාතන්ත්‍රවාදය අහිමිකර තම බලය වෙනුවෙන් කටයුතු කළ රාජපක්‍ෂ බලවේගය මේ මැතිවරණයේදී සැලකිය යුතු හිස එසවීමක්‌ පෙන්නුම් කරනවා. බිඳ වැටෙන ආණ්‌ඩු විරෝධය රාජපක්‍ෂ කඳවුර වටා ඒකරාශි කර ගැනීමේ තත්ත්වයක්‌ පෙන්නුම් කරනවා. ජනතාවට මෙහිදී අත්හළ නොහැකි වගකීමක්‌ තිබෙනවා. කවුරුන් ජය ගත්තත් හෙටත් ගොවි පරපුරට, කම්කරුවන්ට, තරුණ පරපුරට එල්ල වන ප්‍රශ්නවලදී ඔවුන් ජවිපෙ සොයා එන බවට සැකයක්‌ නෑ. එම නිසා අප තවදුරටත් මේ වර්ධනය වන දේශපාලන තත්ත්වයට එරෙහිව ජනතාව වෙනුවෙන් මැදිහත් වෙනවා.

අජිත් අලහකෝන්

Advertisements

ජනවාරි වෙනස පෙබරවාරියේදී ලොප් වීම

ජනවාරි 08 වෙනස කණපිට හැරවී ඇත. වෙනසක අගය ගැන ජනතාවට එපා වී ඇත්ද? වෙනසෙන් කිසිදු සහනයක්‌ අත් නොවූ නිසා ජනවාරි වෙනස පෙබරවාරියේදී වෙනස්‌ කිරීමට බහුතර ඡන්ද දායකයන් තීරණය කර ඇති බව පැහැදිලිය. එසේ නම් ජනවාරි වෙනස පෙබරවාරියේදී ලොප් වී ඇත.

වෙනදා පළාත් පාලන මැතිවරණයක්‌ සඳහා ඇති ජනතා උනන්දුව අඩුය. එහෙත් මෙවර වාර්තාගත ඡන්ද දායකයන් ප්‍රමාණයක්‌ ඡන්ද පොළ වෙත ඇදුනේ මන්ද? යහපාලන ආණ්‌ඩුවම යම් වැදගත් පණිවුඩයක්‌ ලබාදීම සඳහාය. ඒ පණිවුඩය ජනපති අගමැති ඇතුළු ආණ්‌ඩුවට හිරිවට්‌ටන්නක්‌ බව පෙනී යයි. මෙරට බහුතරයට යහපාලනය එපාවී ඇති සෙයක්‌ය. ඒ ජනවාරි 08 පොරොන්දු ඉටු නොකිරීමද? ඇල්ලූ හොරෙකුද නැත. හොරු අල්ලන පාටක්‌ද නොපෙනේ. හොරු ඇල්ලීම කෙසේ වෙතත් බැඳුම්කර මහා මගඩියෙන් ජනතාවට යහපාලනයේ නිරුවත හෙළිවිය. බැඳුම්කර වංචාවට වගකිව යුත්තේ කවුරුන්දැයි ජනතාව ඉතා හොඳින් අවබෝධ කරගෙන ඇත. ඒ වංචාකරුවන්ට එරෙහිව ජනතා විරෝධය මේ ඡන්ද ප්‍රතිඵලයෙන් පැහැදිලිව ප්‍රකට නොවන්නේද? හොරු කවුද කම්බ හොරු කවුදැයි මෙරට ඡන්ද දායකයන්ට අමුතුවෙන් කිවයුතු නැත. කොටි ත්‍රස්‌තවාදීන් මරාගෙන මැරෙන ප්‍රහාර එල්ල කර මහ බැංකුව විනාශ කිරීමට කළ උත්සාහයට වඩා විනාශයක්‌ බැඳුම්කර මංකොල්ලයෙන් සිදුවී ඇත. එම බැඳුම්කර හොරුන්ට කම්මුල් පහරක්‌ මේ ඡන්ද ප්‍රතිඵලය හරහා එල්ල කර ඇත.

යහපාලනය යෑයි කීවද එයින් ජනතාවට අත්වූ යහපතක්‌ නැත. ගොවීන්ට පොහොර ලැබුණේ නැත. බඩු මිල අහස උසට ඉහළ ගියේය. පහළ මධ්‍යම පාන්තිකයා දැඩි පීඩනයට පත්විය. ජීවන බර ඉහළ යැම නිසා ලාංකිකයා සතුටින් නොසිsටි බව පැහැදිලිය. ජීවන බර අඩු කිරීමට යහපාලනය ගත් පියවර කුමක්‌ද? ඒවා වේදිකාවල ආඩපාලි පමණි. වේදිකාවල කතාකළ පැවැත්වූවාට ජනතාවගේ බඩ පිරෙන්නේ නැත. ඒ විරෝධයද මේ ඡන්ද ප්‍රතිඵලයෙන් පැහැදිලි වේ. ජනවාරි වෙනස පෙබරවාරියේදී ලොප්වීම නිසා ආණ්‌ඩුවේ බලධාරීන්ට මහජන දුක ගැන යළි සිතන්නට අවස්‌ථාව උදා වී ඇත. මේ ඡන්ද ප්‍රතිඵලය නිසා ආණ්‌ඩුවද හෙළවෙන දතක්‌ ගානට පත්වෙයිද? මහජන වරමක්‌ නැත්නම් ආණ්‌ඩුවේ ගමනද අන්තරාදායකය. ගමේ ආණ්‌ඩුවට තමන් කැමැති පිරිස පත්කර ගැනීමට ඡන්ද දායකයා කටයුතු කර ඇත. පළාත් පාලන මැතිවරණය පැවැත්වුණේද වසර දෙකක්‌ ප්‍රමාදවීය. ඒ ප්‍රමාදය ගැන ජනතාව සිටියේ සතුටින් නොවේ. ඉක්‌මනින් මැතිවරණ පැවැත්වීමට යහපාලනයේ කැමැත්තක්‌ තිබුණේ නැත. ඒ අකමැත්තටද ජනතාව පිළිතුරු ලබාදී ඇති බව පෙනේ.

අලුතෙන් පත්වූ මන්ත්‍රීවරුන්ටද බරපතළ වගකීමක්‌ පැවරී ඇත. ඒ ජනතා යහපත වෙනුවෙන් කටයුතු කිරීමය. පළාත් පාලන ආයතනවලට පත්වන මන්ත්‍රීවරුන් ප්‍රමාණය දෙගුණයක්‌ වී ඇත. මන්ත්‍රී සුඛවිහරණය සඳහා අතිරේක වැය බරක්‌ දැරීමට සිදුව ඇත. මේ සියල්ලම සිදු කරනු ලබන්නේ මහජනයාගේ වරිපනම් මුදලින් බව සියලු පළාත් පාලන මන්ත්‍රීවරුන් අවබෝධකර ගත යුතුය. ජයග්‍රහණයෙන් උදම් නොවී මහජන සේවය පිණිස කැපවිය යුතුය. එමෙන්ම මේ ඡන්ද ප්‍රතිඵලයෙන් හෝ පාඩමක්‌ ඉගෙන යහපාලනය හෙට සිට හෝ ක්‍රියාත්මක කිරීමට ආණ්‌ඩුවේ නායකයන්ට ප්‍රඥව පහළ විය යුතුය.

රටට ආදරය කරන ජනතාව රට ගැන ගැඹුරින් සිතා තිබෙනවා – ගලගොඩඅත්තේ ඥනසාර හිමි

පළාත් පාලන මැතිවරණ ප්‍රතිඵල මගින් පිළිබිඹු වන්නේ රටට ආදරය කරන මිනිසුන් රට ගැන ගැඹුරින් සිතා ඇති බව යෑයි බොදුබල සේනා සංවිධානයේ මහ ලේකම් රාජකීය පණ්‌ඩිත ගලගොඩඅත්තේ ඥනසාර හිමියෝ ඊයේ (11 වැනිදා) “දිවයින”ට පැවසූහ.

එම මිනිසුන් සේම අනෙක්‌ පිරිසත් තම තමන්ගේ පක්‍ෂයට පෙර රටට ආදරය කළ යුතු බව පැවසූ උන්වහන්සේ සියලුම පක්‍ෂවලට ජාතික න්‍යාය පත්‍රයක්‌ මෙන්ම බෞද්ධ දර්ශනය අනුව සැකසුණු ප්‍රතිපත්තිද තිබිය යුතු බවත් කියා සිටියහ.

ගලගොඩඅත්තේ ඥනසාර හිමියෝ වැඩිදුරටත් මෙසේද කීහ.

අපි වසර දෙදහස්‌ පන්සීයකට වඩා බණ ඇසූ ජාතියක්‌. අපි ධර්මය තුළ ශික්‌ෂණය වූ ජාතියක්‌ 1818 ඌව වෙල්ලස්‌ස කැරැල්ල පැරදී වසර 200 ක්‌ ගතවන තැනයි අප අද ඉන්නේ. එදා එහෙම අදත් චිත්‍රපටයක්‌ ප්‍රදර්ශනය වනවා සේ රටට ආදරය කරන සහ රටට එරෙහි බලවේග අපට පෙනෙන්න තිබෙනවා.

රටේ ජනතාව මෙවර හරි තැන හිටගෙන තිබෙනවා. උතුරු නැගෙනහිර දෙමළ මුස්‌ලිම් මිනිසුන් ඒ ජාතීන් ගැන හිතලා තිබෙනවා වගේම දකුණේ සිංහල ජනතාව රට ගැන හිතලා තිබෙනවා.

සිරිමන්ත රත්නසේකර

ජය මහින්දට – පොහොට්‌ටුව ආයතන 239ක

p1 1

නව මැතිවරණ ක්‍රමයක්‌ යටතේ පැවැති පළමු පළාත් පාලන මැතිවරණයෙන් හිටපු ජනාධිපති මහින්ද රාජපක්‌ෂ මහතාගේ ආශිර්වාදයෙන් හා මූලිකත්වයෙන් යුත් ශ්‍රී ලංකා පොදුජන පෙරමුණ අති විශිෂ්ට ජයග්‍රහණයක්‌ හිමි කර ගනු ලැබීය.

පත්‍රය මුද්‍රණයට යන මොහොත වනවිට පළාත් පාලන ආයතන 340 න් 239 ක බලය හිමිකර ගැනීමට පොදුජන පෙරමුණ සමත්විය. දිස්‌ත්‍රික්‌ක 24 න් 19 ක බහුතරයක බලය එම පක්‌ෂයට හිමි විය.

වත්මන් ආණ්‌ඩුවේ ජනාධිපති මෛත්‍රිපාල සිරිසේන මහතාගේ නායකත්වයෙන් යුතු එක්‌සත් ජනතා නිදහස්‌ සන්ධානය හා අගමැති රනිල් වික්‍රමසිංහ මහතාගේ නායකත්වයෙන් යුතු එක්‌සත් ජාතික පක්‌ෂය මැතිවරණයෙන් පරාජයට පත්විය.

එක්‌සත් ජාතික පක්‌ෂයට හිsමි වූයේ පළාත් පාලන ආයතන 36 ක්‌ පමණි. එමෙන්ම ශ්‍රී ලංකා නිදහස්‌ පක්‌ෂය හා එක්‌සත් ජනතා නිදහස්‌ සන්ධානයට හිමි වූයේ ආයතන 10 ක්‌ පමණි. දෙමළ ජාතික සන්ධානයට උතුරු හා නැගෙනහිර පළාත් පාලන ආයතන 27 ක්‌ද ලංකා කම්කරු කොංග්‍රසයට ආසන 05 ක්‌ද හිමි වී ඇත.

ඊයේ පැවැති ප්‍රකාශිත ඡන්ද ප්‍රතිඵලවලට අනුව ශ්‍රී ලංකා පොදුජන පෙරමුණ ඡන්ද හතළිස්‌ හත් ලක්‌ෂයක්‌ පමණ හිමිකරගෙන තිබූ අතර එක්‌සත් ජාතික පක්‌ෂයට ඡන්ද තිස්‌ හතර ලක්‌ෂයක්‌ පමණ හිමිවී තිබිණි.

කොළඹ දිස්‌ත්‍රික්‌කයේ ආයතන 10 ක්‌ පොදුජන පෙරමුණටත් කොළඹ, දෙහිවල – ගල්කිස්‌ස මහ නගර සභා එජාපයටත් හිමිවිය. ගම්පහ දිස්‌ත්‍රික්‌කයේ ආයතන 17 ක ජය පොදු ජන පෙරමුණටත් 02 ක ජය එජාපයටත් හිමි විය. කළුතර දිස්‌ත්‍රික්‌කයේ ආයතන 13 ක්‌ පොදුජන පෙරමුණටත් 03 ක්‌ එජාපයටත් එක්‌ ස්‌වාධීන කණ්‌ඩායමකටත් හිමිවිය. කෑගල්ල හා රත්නපුර දිස්‌ත්‍රික්‌කවල සියලු පළාත් පාලන ආයතන පොදුජන පෙරමුණට හිමිවීම විශේෂත්වයකි.

එමෙන්ම මහනුවර දිස්‌ත්‍රික්‌කයේ ආයතන 17 ක ජය පොදුජන පෙරමුණට හිමි විය. එජාපයටද 05 ක්‌ හිමිවිය. කුරුණෑගල දිස්‌ත්‍රික්‌කයේ කුලියාපිටිය ප්‍රාදේශීය සභාව එජාපය දිනා ගනිද්දී ඉතිරි ආයතන 20 ම පොදුජන පෙරමුණට හිමිවිය.

මාතලේ දිස්‌ත්‍රික්‌කයද ආයතන 21 න් 20 ක්‌ පොදුජන පෙරමුණට හිමිවිය. මාතර දිස්‌ත්‍රික්‌කයේ එක්‌ ආයතනයක්‌ හා හම්බන්තොට දිස්‌ත්‍රික්‌කයේ එක්‌ ආයතනයක්‌ හැර සෙසු සියල්ලේම ජයද පොදුජන පෙරමුණට හිමිවිය.

මේ අතර පොදුජන පෙරමුණේ නාම යෝජනා ප්‍රතික්‍ෂේප වූ මහරගම මහ නගර සභාව හා තිරප්පනේ ප්‍රාදේශීය සභාව එම පෙරමුණේ සහාය ලැබූ කණ්‌ඩායම්ද විශිෂ්ට ජයග්‍රහණ හිමිකර ගත්තේය.

කඩුවෙල මහ නගර සභාවේ අඛණ්‌ඩව නගරාධිපති ලෙස කටයුතු කළ ජී.එච්. බුද්ධදාස මහතා මෙවර සිය කොට්‌ඨාසයෙන්ද පරාජයට පත්වී ඇත. එමෙන්ම හිටපු ඇමැතිවරුන් වන ගුණරත්න වීරකෝන් හා මිල්රෝයි ප්‍රනාන්දු යන මහත්වරුන් පළාත් පාලන මැතිවරණයට තරග කළද පරාජයට පත්ව ඇත. ඌව පළාත් මහ ඇමැති චාමර දසනායක මහතාගේ බිරිඳ අපේක්‌ෂකත්වය දැරූ කොට්‌ඨාසද පරාජයට පත්ව තිබේ.

ඡන්ද ප්‍රකාශ කිරීම සමස්‌තයක්‌ ලෙස සාමකාමීව සිදුවූ අතර සවස 4.30 ට පමණ එම කොට්‌ඨාසවලම ඡන්ද ගණන් කිරීම සිදුවිය. කොට්‌ඨාසවල ඡන්ද ගණන් කිරීම නිසා කලින් ප්‍රතිඵල ප්‍රකාශවනු ඇතැයි ජනතාව බලාපොරොත්තු වුවද පළමු ප්‍රතිඵලය ප්‍රකාශයට පත් වන විට පෙරේදා මධ්‍යම රාත්‍රියද පසුවී තිsබිණි. ඊයේ අලුයම වනවිට ප්‍රකාශයට පත්ව තිබුණේ ආයතන 05 ක ප්‍රතිඵල පමණි. ඊයේ රාත්‍රිය වනවිටත් ප්‍රතිඵල නිකුත් වෙමින් පැවතුණි.

රනිල් ධර්මසේන

තරුණ කාන්තාව සමඟ තලත්තෑනියි කාන්තාවක්‌ ජනාධිපතිවරණයට – ආනන්ද මෛත්‍ර හිමියන්ගේ තවත් අනාවැකියක්‌

බලංගොඩ ආනන්ද මෛත්‍රය මහ නාහිමියන්ගේ මෙතෙක්‌ පළ නොවූ සාකච්ඡා පෙළ – 15

ආනන්ද මෛත්‍ර හිමියන්ගේ තවත් අනාවැකියක්‌

ven

නාඩි වාක්‍ය පිළිබඳව අපි විටින් විට අතිපූජ්‍ය බලංගොඩ ආනන්ද මෛත්‍රෙය මහ නාහිමියන් සමග සාකච්ඡා කළෙමු. මෙම සාකච්ඡාවන් සඳහා මුදල් අමාත්‍යාංශයේ ජ්‍යෙෂ්ඨ සහකාර ලේකම් (ප්‍රවෘත්ති) දිවංගත ප්‍රභාත් මානවසිංහ මහතා ද, දිවයින පුවත් පතේ ප්‍රවෘත්ති කර්තෘව සිටි දිවංගත දයාරත්න රණසිංහ මහතා ද සහභාගි වූහ.සිංහල බසින් රූපවාහිනි සාකච්ඡාව මෙහෙය වූයේ ශ්‍රී ලංකා ගුවන් විදුලි සංස්‌ථා නිවේදකව සිටි සුගත් ලයනල් රණසිංහ මහතාය. ඉංග්‍රීසි බසින් සාකච්ඡාව මෙහෙයවූයේ එවකට ස්‌වාධීන රූපවාහිනි සේවයේ ක්‍රීඩා වාර්තාකරු ලෙස සේවය කළ අතුල රත්නායක මහතා ය. ඇතැම් අවශ්‍ය කරුණු සහ ගැටලු සහිත තැන් පිළිබඳ විමසන ලද්දේ මවිසිනි. එකී සාකච්ඡා වෙන් වෙන් වශයෙන් දැක්‌වීමෙන් පාඨක ඔබ තුළ ඇතිවිය හැකි ව්‍යාකූල තත්ත්වයන් මඟ හැරීම සඳහා අතිපූජ්‍ය බලංගොඩ ආනන්ද මෛත්‍රෙය මහනාහිමියන්ගෙන් අප අසන ලද සියලු ප්‍රශ්න සහ උන්වහන්සේ දුන් පිළිතුරු සරලව පාඨක ඔබගේ පහසුව සඳහා මෙසේ ප්‍රශ්න සහ පිළිතුරු වශයෙන් කැටි කොට කොටස්‌ වශයෙන් පළවන බව සලකන්න.

තමන් වහන්සේ මෙම කරුණු මට හෙළි කළ යුතු යෑයි තීරණය කළේ පෙර දින පැමිණි මාස්‌ටර්වරුන් විසින් මා පිළිබදව දැක්‌ වූ යහපත් ප්‍රතිචාර නිසාවෙන් බව ද පැවැසූ සේක.

උන්වහන්සේ දීර්ඝ වශයෙන් පැහැදිලි කළ බොහෝ කරුණු මෙම කෘතියට ඇතුළත් නොකළේ ඒවා බොහෝ දුරට අතිශය විස්‌මිතවීම ද ඇතැම් කරුණු පාඨක ඔබ වුව ද සැකයෙන් බලන බව මා දන්නා නිසාය.

උන්වහන්සේගේ පෙර භවය මේ භවය සහ මතු භවය පිළිබද විස්‌තරය මවිසින් “ඉසිවරුන් දුටු මගේ බව ගමන” නමින් පළ කළ (1) ග්‍රන්ථයට ඇතුළත් කළේ ද උන්වහන්සේගෙන් රූපවාහිනී පටිගත කිරීම් අතරතුර ලද වාචික අවසරය සහිත බව ද මවිසින් සිහිපත් කළ යුතුව ඇත.

නාහිමියන් තවත් බොහෝ විස්‌තර පවසන ලද නමුත් ඒ සියල්ල මෙම අවස්‌ථාවේ සටහන් කිරීම නොමැනැවයි මම සිතමි.

එහෙත් මට ද ඇදහිය නොහැකි විස්‌තර සමුදායක්‌ උන්වහන්සේ පැවැසූ අතර එම විස්‌තර මෙම ග්‍රන්ථයට ඇතුළත් කිරීමට මා තීරණය කළේ අති පූජ්‍ය බලංගොඩ මහ නාහිමියන් පිළිබදව අප දන්නා, පොතපතින් කියවා ඇති විස්‌තර සම්භාරයට අමතරව, අප නොදන්නා විස්‌තර කරුණු කොපමණ ඇති දැයි මට සිතුන නිසාය.

අති පූජ්‍ය බලංගොඩ මහ නාහිමියන් වහන්සේ යනු මේ ලෝකයෙන් පමණක්‌ නොව මුළු විශ්වයෙන්ම වැදුම් පිදුම් ලැබූ මහා යතිවරයන් වහන්සේ නමක්‌ බව නම් මට පසක්‌ විය.

“ඊයේ රෑ ආපු ඇත්තෝ මම බව ගමන නිම කිරීමට තීරණය කළ වේලාවේ ඒ අය මහත් සේ කලබලයට පත්වුණ බව ඒ ඇත්තෝ කීවා”.

“ඒ වනතුරු මමවත් දැනගෙන හිටියේ නෑ මා පිළිබදව විශ්වය පාලනය කරන මාස්‌ටර්වරුන් සුපරීක්‌ෂාවෙන් ඉන්නවා කියලා”.

“ඒ වේලාවේ මුන්නැහේ කුමක්‌ කරයිද කියල ඒ අය නොඉවසිල්ලෙන් බලා ඉදල තියෙනවා.

මුන්නැහේ මට දීර්ඝායුෂ විඳීමට ආරධනා කිරීම පිළිබදව ඒ ඇත්තෝ මහත් සේ සතුටට පත්වෙලා තියෙනවා.

මුqqන්නැහේට දැනගත යුතු යමක්‌ ඇත්නම් ඒ අය පැහැදිලි කරන බවත් නාහිමියෝ පැවසූහ. (1992) මා එවකට පැවති යුධයත්, එය අවසන් වන කාලය පිළිබදවත් අප රටේ අනාගතය පිළිබදවත් සිතූ අතර ලැබුණු පිළිතුරු සියල්ල මේ වනවිටත් සත්‍ය වී ඇත”.

“ලබන ශතකයේ පළමු දශකයේ මුල් භාගයේදී යුද්ධය අවසන් වන බවත් (2010) පසුව රටේ විශාල වශයෙන් භෞතික දියුණුවක්‌ ඇති වෙනවා.

එවකට බිහිවෙන රාජ්‍ය පාලකයන් අවංකව රට ගැන හිතල වංචා දූෂණවලින් තොරව කටයුතු කළොත් ලබන ශතකයේ දෙවැනි දශකය (2020) වනවිට අපේ රට ලෝකයේ විශිෂ්ටතම රටවල් ගොඩට එකතු වෙනවා”.

(මෙම ප්‍රකාශය නාහිමියන් මා හා පැවසුවේ 1992 දී දෙසැම්බර් මාසයේදී බව මගේ සිහියට නැෙග්.)

එකී තත්ත්වය ඇති කිරීමේ කාර්ය භාරය රදා පවතින්නේ රටේ නායකයා අතෙයි.

ඔහු අවංකව දැහැමිව රට පාලනය කළොත් රටේ අනාගතය යහපත් වෙනවා. රට පාලනය කරන අයගේ ක්‍රියා කලාපය උඩයි සියල්ල සිද්ධ වෙන්නේ.

හරියට ගෙදරක පියා වගෙයි. ගෙදරක පියා දුශ්චරිතයට බරවෙලා රා අරක්‌කු බොන, මස්‌ මාංශ කන කෙනෙක්‌ නම් එම පවුල විනාශයට පත්වෙනවා. පිටින් බලන අයගේ අවඥාවට භාජන වෙනවා.

පියා යහපත් ගුණගරුක කෙනෙක්‌ නම්, පැවැත්ම යහපත් නම්, සියලු දුශ්චරිතවලින් මිදුන කෙනෙක්‌ නම්, ඒ පවුල දියුණු වෙනවා. පිටින් බලාගෙන ඉන්න අය අගය කරනවා. ආශිර්වාද කරනවා. රටක්‌ වුණත් එහෙමයි.

රටේ පාලකයා අතෙයි රටේ දියුණුව හරි, පරිහානිය හරි, රදා පවතින්නේ. ඒක නිසා රටේ පාලකයා අවංකව, ධාර්මිකව, කටයුතු කළ යුතුවෙනවා”.

“නායක හාමුදුරුවනේ මේ රටේ රාජ්‍ය නායකයාට විශ්ව කීර්ති සම්මානයක්‌ ලැබෙනවා කියල, නාඩි වාක්‍ය වලින් කියෑවුණා කියල, ඔබ වහන්සේ ප්‍රකාශ කළ බවක්‌ මට සිහි වෙනවා. ඒ ගැන දැනගන්න මම කැමතියි හාමුදුරුවනේ” මම සිතුවෙමි.

“හොදයි මම උත්තර දෙන්නං. ඊට පළමු මුන්නැහේට කරුණු තුනකට කැමති වෙන්න සිදුවෙනවා.

එකක්‌ තමයි මේ බවයෙන් සමුගන්නා තුරු මත්පැන් පානය නොකරන බවට.

දෙවැන්න මුන්නැහේ කිසිම විටෙක කාගේ හෝ බලපෑමකට හෝ යටත් වී මෝහන නිද්‍රdවට පත් නොවන බවට.

තුන්වැන්න මෙම විස්‌තරය කිසිම විටෙක ලාභ අපේක්‌ෂාවෙන් කිසිම කෙනකුට හෝ නොකියන බවට.

එසේම මෙම විස්‌තරය මා අපවත් වන තුරු කිසිවකුටවත් නොකියන බවට.

අඩුම තරමින් තමන්ගේ පවුලේ අයටවත් නොකියන බවට කැමැති විය යුතුවෙනවා.

ඒ සියලු කරුණුවලට මම මුඵ හදවතින්ම එකග වන බව මම දැඩිව සිතුවෙමි.

“හොදයි මුන්නැහේ එකග වුණු අන්දමට කටයුතු කරයි කියල” මම විශ්වස කරනවා. හැබැයි මෙම රාජ්‍ය නායකයා කවුද කියල නං හිතන්න එපා. කර්මානුරූපව රාජ්‍ය නායකයා පිළිබදව සංඥාවක්‌ ලැබිය යුතු අවස්‌ථාවේදී මුන්නැහේට ලැබෙයි. එම තැනැත්තා මෙම පණිවුඩය පිළිගෙන කටයුතු කළොත් විශ්ව සම්මානය පමණක්‌ නෙවෙයි දීර්ගකාලීනව මෙරට රාජ්‍යත්වයට වුණත් පත්වීමේ වාසනාව ද හිමිවෙනවා.

සිsයලු විස්‌තර හෙළි කිරීමෙන් පසු උන්වහන්සේ විසින් අවසානයට දුන් උපදේශය ද පාඨක ඔබට ද වැදගත් වේ යෑයි සිතූ හෙයින් මෙසේ සටහන් කිරීමට අදහස්‌ කළෙමි.

“මහත්තයා කිසියම් යහපත් වැඩක්‌ කරන්න කල්පනාවක්‌ තියෙනවනං, ඒක ප්‍රසිද්ධීයේ කියන්න එපා. අප අවට විෂම බලවේග තියෙනවා. එම විෂම බලවේග යහපත් දේ විනාශ කරන්න බලාගෙනයි ඉන්නේ. දැන් මේ පවතින යුද්ධයත් එවැනි විෂම බලවේගයක ප්‍රතිඵලයක්‌. දැන් සම්‍යයක්‌ දෘෂ්ටික දෙවිවරුන්ගේ බලය අඩුවෙලා, පසු කාලීනව තරුණ උගත් ශීලවන්ත හාමුදුරුවරු විවිධ පිංකම් පුද පූජා සිදුකරනවා. පිංකම් කරනවා. ඒ පිං බලෙන් නැවතත් සම්‍යයක්‌ දෘෂ්ටික දෙවිවරුන්ගේ බලය වැඩිවෙලා මේ අදුරු කාලය අවසන් වෙනවා.

“මුන්නැහේට මං දුන්න ඉන්දියාවේදී මං භාවනා කළ විස්‌තර තියෙන පොත් පිංච ඉදිරි කාලයකදී මුන්නැහේට මුද්‍රණය කරන්න අවස්‌ථාවක්‌ එනවා. ඒක ප්‍රකාශයට පත් කරන එක හොදයි. ඒ පොතේ තැන්තැන්වල මං භාවිත කළ ප්‍රබල වශී මන්තර වගයක්‌ තියෙනවා. ඒවා ප්‍රකාශයට පත් කරන්න එපා. එතකොට ඒවා මගේ නම දාල වාණිජ පරමාර්ථයෙන් නිෂ්පාදනය කරන්න පුළුවනි. ඒකේ විස්‌තර මං සදහන් කරල තියෙන්නේ කෙටියෙන්. නමුත් ඒ මන්ත්‍ර ජීවං කරන්න ඕන සුදුසු පරිසරයක්‌ තුළයි. හරියට අපි පිරිත් දේශනාවක්‌ කරන කොට පිරිත් මණ්‌ඩප්පයක්‌ හදල වත්පිළිවෙත් අනුව වැඩ කරනවා වගෙයි”.

“මෙම යන්ත්‍ර බලගන්වන්න විශේෂ ක්‍රම තියෙනවා. විශේෂ ගොඩනැඟිලි ඉදිකරන්න ඕනෑ. එතකොට තමයි විශ්වයේ ශක්‌ති කදම්බයන් ඒ ජීවම් කරන තෙල්වලට, වස්‌තුවට, ඇතුළත් වෙන්නේ. මා ළග මහා බලසම්පන්න මලයාලි ගුරුකම් යන්ත්‍ර හිටං තිබුණා. ඒවයේ තිබුණා මිනිස්‌සු මරන්ඩ තරම් ප්‍රබල මන්ත්‍ර. ඒත් මං ඒ කිසිම මන්ත්‍රයක්‌ කවදාවත් අත්හදා බැලුවේ නෑ. ඒ මන්ත්‍ර දුන්නු ඇත්තෝ ඒවා මට දුන්නේ ඒවා මං කිසිම දිනෙක එම මන්ත්‍ර පාව්ච්ච් නොකරන බව තමන් දන්නා නිසා කියලත් කීවා”.

ven1“දවසක්‌ මට කල්පනා වුණා මේ තරම් ප්‍රබල මන්ත්‍ර කිසියම් දුෂ්ට මනුස්‌සයෙක්‌ අතට පත්වුණොත් රටට, මනුෂ්‍ය සමාජයට, විශාල විපත්තියක්‌ සිද්ධ වෙනවා නේද කියල හිතල අපේ ඩ්‍රයිවර් උන්නැහේ ලවා ඒවා ඔක්‌කෝම පුච්චලා දැම්මා. මේ පුංචි වශී මන්තර තුන හතර විතරක්‌ ඉතිරි කරගත්තා. ඒ මන්ත්‍ර හරි බලවත්. එහෙම කියන්නේ කිසි කෙනෙකුට හානියක්‌ නොවන විදිහට මං අත්හදා බලපු හින්දයි. නියම වත්පිළිවෙත් අනුව, සුදුසු පරිසරයක්‌ තුළ ඉදගෙන, සුදුසු සිල්වත් පිරිසක්‌ විසින්, මෙම වශී මන්ත්‍ර ජප කළොත් එය ඉතාම බලවත් වශී යන්ත්‍රයක්‌ වෙනවා. මම ඒවා පොතේ දීර්ග වශයෙන් සටහන් නොකළේ මේ විස්‌තර වැරදි අයෙක්‌ අතට පත් වුණොත් සිදුවිය හැකි විනාශය අවම කිරීම සදහායි.

දිනක්‌ නායක හාමුදුරුවන් වහන්සේ බත්තරමුල්ල චිත්තව්වේකාරයට වැඩිය බවට ලද ආරංචියකට අනුව උන්වහන්සේ හමුවීම සදහා බත්තරමුල්ල චිත්තවිවේකාරාමයට ගියෙමි. මා යන විට උන්වහන්සේ ඉහළ ශාලාවේ හාන්සි පුටුවකට වී පොතක්‌ කියවමින් සිටි සේක.

කුඩා සාමණේර හිමි නමක්‌ උන්වහන්සේගේ කෙණ්‌ඩා යුගලය සම්භාහනය කරමින් සිටියහ.

නා හිමියන්ට වැද නමස්‌කාර කළ මම සම්භාහනය කිරීමේ අවස්‌ථාව ලබා ගතිමි. ඒ අතරතුර නාහිමියන් සමඟ කතාවට යොමු වීමි.

“නායක හාමුදුරුවනේ පත්තරේ තිබුණා අනුර බණ්‌ඩාරනායක මහත්තයාගේ කකුල කැඩිලා ඔත්පලවෙලා ඉන්නවා කියලා”. මම කීවෙමි.

“ඔව්, ඔය ආරංචිය පත්තරෙන් දැකල තමයි මමත් කොළඹ ආවේ. උන්නැහේගේ දුක සැප බලලා යන්න.

ඔය රත්වත්තේ පවුලේ ඇත්තෝ, බණ්‌ඩාරනායක පවුලේ ඇත්තෝ, මට හුගාක්‌ උදවු පදව් කරපු ඇත්තෝ. මං බලංගොඩ පිරිවෙණේ ඉන්න කොට රත්වත්තේ පවුලේ ඇත්තෝ මගේ දුකසැප නිතර නිතර සොයා බැලුවා.

ඒක නිසා මගේ හිතේ ඒ පවුලේ ඇත්තන් ගැන විශේෂ ඇල්මක්‌ තියෙනවා”.

“අවසරයි, හාමුදුරුවනේ, මොනවද අනුර බණ්‌ඩාරනායක මහත්තයා කියන්නේ” මම ඇසුවෙමි.

“මම උන්නැහේට අවවාද නං කළා. ඒත් උන්නැහේ ඒවා පිළිගෙන ක්‍රියා කරයි කියලා මට නං සැකයි.

මම කීවා පවුලේ ඇත්තෝ විරසක වේලා, ඇන කොටා ගන්න එක නවත්තලා, සමගිවෙන්න කියලා.

තමුන්ට මේ රටේ නායකකමට උරුමයක්‌ තියෙනවා නේද?

නාඩි වාක්‍යවල කියලත් තියෙනවා. නියම කරල තියෙන පුද පූජා, වත්පිළිවෙත් කරල දේශපාලන කටයුතු කරන්න කියලා මම කීවා”.

“මහත්තයා, මම මගේ යුතුකම ඉටු කෙරුවා. අවවාද අනුශාසනා භාරගෙන කටයුතු කරන එක ඒ ඇත්තන්ට භාරයි”.

විජේතුංග ජනාධිපතිතුමා විසින් රජය විසුරුවා හරින ලදි. එතෙක්‌ මහජන පක්‌ෂයේ නායිකාව ලෙස කටයුතු කළ චන්ද්‍රිකා බණ්‌ඩාරනායක කුමාරණතුංග මැතිනිය ශ්‍රී ලංකා නිදහස්‌ පක්‌ෂයට බැදුනු අතර පක්‌ෂය විසින් එතුමිය ජනාධිපති අපේක්‌ෂිකාව වශයෙන් තෝරා ගන්නා ලදි.

(ඇයගේ ජන්ම පත්‍රය නාඩි වාක්‍ය තුළින් විමසීම සදහා බැංග්ලෝරය වෙත යෑවූ බව එක්‌තරා සතිඅන්ත පුවත් පතකට ලිපියක්‌ සපයමින් ජ්‍යෙෂ්ඨ රාජ්‍ය නිලධාරියකු විසින් ලියන ලද ලිපියක සදහන්ව තිබිණි.)

ජනාධිපතිවරණය සදහා එක්‌සත් ජාතික පක්‌ෂයෙන් ඉදිරිපත් කරන ලද්දේ ජනප්‍රිය නායකයකුව සිටි ගාමිණී දිසානායක මහතාය.

පසු දින මුදල් අමාත්‍යාශංයේ මාධ්‍ය අංශයට පැමිණි දයාරත්න මහතා මානවසිංහ මහතාට කළ ප්‍රකාශය අප කාගේත් සිනහවට හේතු විය.

“ප්‍රභාත්, ඝෘෂිවරයා නායක හාමුදුරුවන්ටත් ලණුවක්‌ දීලනේ. තරුණ කාන්තාව එක්‌කළ තරගයට එන්නේ තලත්තෑනි කාන්තාවක්‌ කියලනේ කීවේ. දැන් ඇවිල්ල ඉන්නේ ගාමිණී දිසානායක මහත්තයනේ”. මද වේලාවක්‌ නිහඩව සිටි මානවසිංහ මහතා,

“දයා ඉලෙක්‌ෂන් එකට තව කල් තියෙනවනේ. අපි බලා ඉදිමු මොකද වෙන්නේ කියල”. මානවසිංහ මහතා කීවේය.

සති කීපයකට පසු එක්‌තරා උදෑසනක මාධ්‍ය ඔස්‌සේ මුළු රටම කම්පා කරමින් ප්‍රකාශ වූ පුවතින් කියෑවුණේ ජනාධිපති අපේක්‌ෂක ගාමිණී දිසානායක මහතා ඇතුළු පක්‌ෂයේ ජ්‍යෙෂ්ඨයන් කීප දෙනෙක්‌ම තොටළග ත්‍රස්‌තවාදීන් විසින් අටවන ලද බෝම්බයකට හසුවී දිවංගත වූ බවයි. පසුව එක්‌සත් ජාතික පක්‌ෂය විසින් නව ජනාධිපති අපේක්‌ෂිකාව ලෙස දිවංගත ගාමිණී දිසානායක මහතාගේ බිරිද වූ ශ්‍රීමති දිසානායක මැතිනිය නම් කරන ලදි.

අභිධජ මහා රට්‌ඨ ගුරු අග්ග මහා පණ්‌ඩිත අති පූජ්‍ය බලංගොඩ ආනන්ද මෛත්‍රය මහ නාහිමියන් වහන්සේ විසින් පවසන ලද බොහෝ දේ මේ වනවිටත් සැබෑ වෙමින් පවතී. මෙවැනි පොත් ලිවීමට මට කිසිදු අදහසක්‌ නොතිබිණ. එහෙත් මගේ මිතුරන් සහ පවුලේ අයගේ දිරි ගැන්වීම නිසාම මෙම පොත ඔබ අතට පත් කිරීමට මට භාග්‍යය ලැබිණ.

මෙහි සඳහන් බොහෝ කරුණු මා පමණක්‌ දැන සිටි හෙයින් එම කරුණු බෞද්ධ ජනතාවට දැනගත හැකිවන සේ ලියන ලෙස කරන ලද ඉල්ලීමක ප්‍රතිඵලයක්‌ ලෙස මෙම පොත ඔබ අතට පත් වූ බව නැවතත් සදහන් කරනු කැමැත්තෙමි.

පොත් ලිවීමේ අපේක්‌ෂාවක්‌, අභිලාෂයක්‌,මා තුළ නොතිබුණි. එහෙයින් ඡායාරූප, සටහන් ආදිය එක්‌රැස්‌ කර ගනිමින් වඩා විස්‌තරාත්මක දින වකවානු සහිතව පොතක්‌ ඔබ වෙත ඉදිරිපත් කිරීමට නොහැකි වීම ගැන මම කනගාටුවෙමි. මගේ අභිප්‍රාය වූයේ නාඩි වාක්‍ය පිළිබද වීඩියෝ චිත්‍රපටියක්‌ නිපදවීම බැවින් එහි හඩපටය සමඟ රූප ද තිබෙන නිසා විශේෂ සටහන් තබා නොගත්තෙමි. අත්‍යවශ්‍ය අවස්‌ථා වලදී තබාගත් කෙටි සටහන් පමණක්‌ ඇසුරෙන් මෙම පොත පළකරවන ලද බව පාඨක ඔබගේ දැනගැනීම සදහා මෙසේ සටහන් කර තබමි.

අවසාන වශයෙන් කිවයුතු වන්නේ අභිධජ මහා රට්‌ඨගුරු අග්ග මහා පණ්‌ඩිත අති පූජ්‍ය බලංගොඩ ආනන්ද මෛත්‍රය මහ නාහිමියන් වහන්සේ සමාන්‍ය බුද්ධ පුත්‍රයාණන් වහන්සේ නමක්‌ පමණක්‌ නොව විශ්වයේ මහා බලසම්පන්න මාස්‌ටර්වරුන්ගේ පමණක්‌ නොව ඝෘෂිවරුන්ගේ ද නමස්‌කාරයට පාත්‍ර වූ මතු බුද්ධත්වයට පත්වීමට පෙරුම් පුරණ බෝධි සත්වයාණන් වහන්සේ නමක්‌ බවයි.

මතු බුදුවන අති පූජ්‍ය බලංගොඩ ආනන්ද මෛත්‍රය මහ නාහිමියන්ගේ එම උදාර ප්‍රාර්ථනාව ඉෂ්ට සිද්ධ වේවායි පිංකම් කර පිං අනුමෝදන් කරන සෑම අවස්‌ථාවකම අපේ බෞද්ධ ජනතාව උන්වහන්සේටද පිං අනුමෝදන් කිරීම මහත් පිංකමක්‌ නොවන්නේද?

නාඩි වාක්‍ය පිළිබද විද්වත් මතය – (ආචාර්ය ආතර් සී. ක්‌ලාක්‌ මහතාගේ අදහස)

නාඩි වාක්‍යය පිළිබදව ආචාර්ය ආතර් සී. ක්‌ලාක්‌ මහතාගේ අදහස්‌ දැනගැනීම සදහා වේලාවක්‌ ලබාගැනීමට ඒ මහතාගේ කාර්යාලයට මම දුරකථයෙන් කතා කළෙමි. ආචාර්ය ආතර් සී. ක්‌ලාක්‌ මහතා දිනයක්‌ හා වේලාවක්‌ දුන් අතර නියමිත දිනයට පැමිණෙන ලෙස ඒ මහතා කාරුණිකව මගෙන් ඉල්ලා සිටියේය. නියමිත දිනයට, නියමිත වේලාවට, ගියමුත් ඒ මහතා පැමිණීමට සුඵ ප්‍රමාදයක්‌ ඇතිවන බව දන්වා ඇති හෙයින් කාර්යාලයට වී සිටින ලෙස ඒ මහතාගේ ලේකම්වරයෙක්‌ මට දැන්වීය.

ඒ අනුව ආතර් සී. ක්‌ලාක්‌ මහතාගේ කාර්යාලයේ රැදී සිටින අතරතුර එතුමාගේ කාර්යාලය මගේ නිරීක්‌ෂණයට ලක්‌විය. පොත් පත්වලින් පිරුණු අල්මාරි හා කොම්පියුටරයකින් කාර්යාලය සමන්විත වූ අතර මා දුටු එකම ආගමික ශාස්‌තෘවරයකුගේ රූපයක්‌ වශයෙන් දුටුවේ අල්මාරියක්‌ මත නිතර ඇස ගැටෙන මානයේ තබා තිබූ ගාන්ධර්ව කලාවට අනුව නිර්මිත ගෞතම බුදුන් වහන්සේගේ උඩුකයේ පිළිමයක්‌ පමණකි.

ටික වේලාවකින් ආචාර්ය ආතර් සී. ක්‌ලාක්‌ මහතා පැමිණි අතර ප්‍රමාද වීම පිළිබදව ඒ මහතා පළමුව කනගාටුව පළ කළේය.

මා නාඩි වාක්‍යය පිළිබදවත්, ඒ පිළිබදව මේ දක්‌වා කර ඇති විමර්ශනත්, අති පූජ්‍ය බලංගොඩ ආනන්ද මෛත්‍රය මහ නාහිමියන් සමඟ කරන ලද සාකච්ඡාවන් පිළිබද විස්‌තර ද එම සාකච්ඡාවන් වීඩියෝගත කර ඇති බව ද පැවසීමි.

මගේ කතාවට සාවධානව සවන් දුන් ආචාර්ය ආතර් සී. ක්‌ලාක්‌ මහතා කළ ප්‍රකාශයයි මේ

“පළමුවෙන් මෙම විෂය පිළිබදච මා දැනුවත් කිරීම ගැන මම ඔබට ස්‌තුතිවන්ත වෙනවා. ජ්‍යෙdතිෂ්‍ය ගැන මම කියවලා, අසා, තිබෙනවා. ඒත් ජ්‍යෙdතිෂ්‍යයේ මෙබදු අංශයක්‌ ඇති බව මම දැනගෙන සිටියේ නෑ. මට මේ ආරංචිය දීම පිළිබදව මම නැවතත් ඔබට ස්‌තුතිවන්ත වෙනවා. ඒත් මේ අවස්‌ථාවේ ඔබට උදව් කිරීමට මට ක්‍රමයක්‌ නැහැ. ඒ ගැන මට කනගාටුයි. හේතුව මම මේ දිනවල කාර්ය බහුලයි. නාසා ආයතනය විසින් මෑතදී සොයාගන්නා ලද (1992) අලුත් ග්‍රහලෝකයක පස්‌ පිළිබදව පරීක්‌ෂා කරල මාස දෙකක්‌ ඇතුළත වාර්තාවක්‌ සපයන්න කියල විස්‌තර එවල තියෙනවා.

ඒ ගැන මම දිවා රාත්‍රි වැඩ කරනවා. ඔබේ ඉල්ලීමට පැය කීපයක්‌ මිඩංගු කිරීමටවත් වේලාවක්‌ ලබාදීමට නොහැකි වීම ගැන මම නැවතත් ඔබෙන් සමාව ඉල්ලනවා”.

“ඒත් ඔබ විස්‌තර කළ කරුණු ආශ්‍රයෙන් මම අදහස්‌ කීපයක්‌ කියන්න කැමතියි. පළමුවෙන් මා පිළිබදව මගේ පවුලේ තොරතුරු ආදිය ගැන විස්‌තර නාඩි වාක්‍ය තුළින් කියෑවෙනවා කියලා ඔබ කීවා. ඔබ දන්නවා මා පිළිබදව බෙහෝ රටවල විවිධ භාෂාවලින් පත පොත ලියෑවිලා තියෙනවා. එමනිසා ඕනෑම කෙනකුට මා ගැන තොරතුරු සොයල විස්‌තර කියන්න පුළුවන් කියල සාධාරණ සැකයක්‌ මා තුළ තියෙනවා”.

“ඊළග කරුණ තමයි ලෝකයේ බොහෝ දෙනකුගේ විස්‌තර සටහන් වෙලා තියෙනවා නම්, ඒ සදහා විශාල පුස්‌තකාල පද්ධතියක්‌ අවශ්‍ය වෙනවා. එවැනි පුස්‌තකාල පද්ධතියක්‌ තියෙනවද කියලා මම දන්නෙ නෑ. මම මේ කීවේ ඔබ කීව කරුණු පදනම් කරගෙන”.

කරුණු දැක්‌වීම පිළිබදවත්, මට මෙම සාකච්ඡාව ලබාදීම පිළිබදවත්, ස්‌තුතිය පළ කළ මා එතුමා පළ කළ අදහස්‌වලට ප්‍රති උත්තර සැපයීම සදහා තවත් කෙටි කාලයක්‌ ලබාදිය හැකි දැයි විමසීමි. ඒ සදහා බොහෝ සේ කැමති වන බව පැවසූ ආචාර්ය ආතර් සී. ක්‌ලාක්‌ මහතා මගේ අදහස්‌ දක්‌වන ලෙස කාරුණික ඉල්ලීමක්‌ ද කළේය.

“ඒ අනුව නාඩි වාක්‍යය කියෑවීමට කාලයක්‌ නොමැති වීම සහ දෙවනුව දැක්‌වූ කරුණ වූ ඔබතුමා පිළිබදව පළ වී ඇති පොතපත ආශ්‍රයෙන් කරුණු දැනගත හැකි බවට ඔබතුමා දරන මතය සාධාරණ බව ද පැවසීමි. එහෙත් තුන්වැනි කරුණ පිළිබද ඔබගේ අවධානය පිළිබදව මා දරන මතය පළකිරීමට කැමැත්තෙමි. එනම් ලෝක පූජිත විද්‍යාඥයන් තම කරුණු පැහැදිලි කිරීමට යොදාගත්තේ අකුරු කීපයක කේතයක්‌ බවත්, ඒ කුඩා කේතය විග්‍රහ කිරීමට විශාල පොත්පත් සම්භාරයක්‌ ලියෑවී ඇති බව ද උදාහරණයක්‌ වශයෙන් අයින්ස්‌ටයින් වැනි මහා ගණිතඥයන් තම සමීකරණ සදහා යෙදාගෙන ඇත්තේ ඉතා කුඩා කේත ක්‍රමයක්‌ වන අතර එම කේත විශ්ලේෂණය සදහා දීර්ඝ සටහන් ලියා දැක්‌වීම පිළිබදවත් මම කරුණු පැහැදිලි කළෙමි.

බදුල්ලේ මෛත්‍රී රත්නායක

ප්‍රභාකරන්ගේ උපන්දිනය සමරා බීමතින් යතුරුපැදියකින් පැමිණි යාපනයේ 2 ක්‌ බසයක ගැටී මරුට

ප්‍රභාකරන්ගේ උපන් දිනය සමරා බීමතින් යතුරු පැදියකින් පැමිණි යාපනයේ තරුණයින් දෙදෙනෙකු 26 දා රාත්‍රී 10 ට පමණ බස්‌ රථයක ගැටීමෙන් සිද්ධිය වූ ස්‌ථානයේදීම මියගොස්‌ තිබේ.

මෙම සිද්ධිය සිදු වී ඇත්තේ යාපනය චාවාකච්ෙච්රි නුනාවිල් ප්‍රදේශයේදීය.

ඉදිරියෙන් බස්‌ රථයක්‌ පැමිණි අවස්‌ථාවේදී තරුණයින් දෙදෙනා පැමිණි යතුරු පැදිය පාලනය කර ගැනීමට නොහැකි වී එය ලිස්‌සා ගොස්‌ බස්‌ රථයේ ඉදිරිපසම හැපී ඇත.

බස්‌ රථයේ පැමිණි මගීන් තරුණයින් දෙදෙනාව චාවාකච්චෙරි රෝහලට ඇතුළත් කොට ඇතත් ඔවුන් රෝහලට රැගෙන යන අවස්‌ථාව වන විටත් මිය ගොස්‌ තිබුණි. මෙසේ මිය ගොස්‌ ඇත්තේ එස්‌. සශිකුමාර් හා පී. මොහාන් රාඡ් නැමති වයස අවුරුදු 27 ක හා 29 ක තරුණයින් දෙදෙනෙකි.

මේ දෙදෙනා අනතුරකට ලක්‌ වූ බව සැලවීමත් සමගම ප්‍රභාකරන්ගේ උපන් දිනය සැමරීමට එක්‌ වූ ඔවුන්ගේ සෙසු යාළුවන් කීප දෙනෙකුම බීමත්ව යතුරු පැදි වලින් සිද්ධිය වූ ස්‌ථානයට පැමිණ ඇති අතර පොලීසිය වහාම ක්‍රියාත්මක වී බීමත්ව යතුරු පැදි ධාවනය කළ සියලුම දෙනා අත්අඩංගුවට ගෙන තිබේ.

චාවාකච්චෙරි පොලීසිය සිද්ධීන් පිළිබඳව පරීක්‌ෂණ පවත්වාගෙන යයි.

දිනසේන රතුගමගේ

ප්‍රභාකරන් සැමරුමට එරෙහි වූ වවුනියාවේ සිංහල සරසවි සිසුන්ට තර්ජන

p4 1යාපනය විශ්වවිද්‍යාලයේ වවුනියාව මණ්‌ඩපයේ ප්‍රභාකරන්ගේ උපන් දින උත්සවයක්‌ පැවැත්වීමට විරෝධය පළ කළ සිංහල සිසුන්ට දෙමළ සිසුන් විසින් මරණීය තර්ජන එල්ල කර විවිධ හිරිහැර කිරීම නිසා ඔවුන් පෙරේදා (26 වැනිදා) රාත්‍රියේම විශ්වවිද්‍යාලයෙන් පිට වී ආරක්‌ෂිත ස්‌ථානවලට ගොස්‌ ඇත.

මෙම විශ්වවිද්‍යාලයේ අධ්‍යාපනය ලබන 200 කට ආසන්න සිංහල සිසුහු පිරිසක්‌ පෙරේදා රාත්‍රියේ මහ වැස්‌සේම විශ්වවිද්‍යාල නේවාසිකාගාරවලින් පිට වී ආරක්‌ෂිත ස්‌ථානවල සැඟ වී සිටියහ.

මේ සිසුන් පවසන්නේ තමන්ට විශ්වවිද්‍යාල පාලනාධිකාරියෙන් හෝ පොලිසියෙන් නිසි ආරක්‌ෂාවක්‌ නොලැබුණු බවයි. විශ්වවිද්‍යාල පාලන අධිකාරිය සිසුන්ට දන්වා ඇත්තේ බිය නොවී ආපසු නේවාසිකාගාරවලට යන ලෙසයි. ගැටුම් ඇත.s කර නොගෙන සාමකාමී ලෙස හැසිරෙන ලෙස පොලිසිය තමන්ට දැන්වූ බව විශ්වවිද්‍යාලයීය නේවාසිකාගාරවලින් එළියට පැමිණි ශිෂ්‍ය ශිෂ්‍යාවෝ කියා සිටිති.

ප්‍රභාකරන් සැමරුමට විරෝධය දක්‌වා පැයක්‌ යැමටත් මත්තෙන් දෙමළ සිසුන් කණ්‌ඩායම් වශයෙන් පැමිණ තමන්ට හිරිහැර හා තර්ජනය කිරීමට පටන් ගැනීම නිසා නේවාසිකාගාරවලින් ඉවත් වී විශ්වවිද්‍යාලයේ පාලන කාර්යාලය වෙත පැමිණ සිදු වූ දේ පැවසුවත් පාලනාධිකාරියෙන් තමන්ට කිසිදු සහනයක්‌ සැලසුණේ නැතැයි සිංහල සිසුහු පවසති.

පසුව එම සථානයේ සිට මේ බව පොලිසියට දැනුම් දෙන ලද නමුත් පොලිසිය ඔවුන්ට නිසි ආරක්‌ෂාවක්‌ සපයා නොදීම නිසා ඔවුන් වෙනත් ආරක්‌ෂිත ස්‌ථාන සොයා ගොස්‌ ඇත.

පෙරේදා (26 දා) උදැසන විශ්වවිද්‍යාලයේ දෙමළ සිසුන් කේක්‌ කපා ප්‍රභාකරන්ගේ උපන් දිනය සැමරූ අවස්‌ථාවේදී සිංහල හා මුස්‌ලිම් සිසුන් නිහඬව සිටි නමුත් සන්ධ්‍යා කාලයේදීද උපන් දිනය සැමරීමට සිංහල සිසුන්ටත් මුස්‌ලිම් සිසුන්ටත් පැමිණෙන ලෙස දන්වමින් උපන්දින සැමරුම් උත්සවයක්‌ සංවිධානය කොට තිබේ. මේ අවස්‌ථාවේදී සිංහල සිසුන් ඊට විරෝධය පළ කිරීම නිසා ඔවුන්ට මරණීය තර්ජන එල්ල කර ඇත.

දිනසේන රතුගමගේ

දහම් පියාපත් බෞද්ධ සංගීත කණ්‌ඩායමට ප්‍රශ්න පහක්‌

san7 1ඉන්දියාවේ පවතින කුලභේදය නැති කිරීමට බුදුරජාණන්වහන්සේගේ දේශනාවන් හා ආචාර්ය අම්බෙඩ්කාර්ගේ ඉගැන්වීම් යොදාගනිමින් ඉන්දියානු රොක්‌ සංගීත කණ්‌aඩායමක්‌ උත්සාහ කරයි. ලොවපුරා විසිරී ඇති බොහෝ සංගීත වේදීන් භාවනා වැඩ සටහන් වලදී නෙත ගැටෙද්දීත්, එසේ නැතිනම් නවගුණ වැල මැණික්‌ කටුවේ වෙළා ගනිද්දී අප වෙත ගැටලුවක්‌ මතුවේ, මේ ඔවුන්ගේ සැබෑ ජීවිතයද? නැද්ද? නමුත් පැහැදිලි හා ප්‍රබල බෞද්ධ සම්බන්ධයක්‌ සහිතව රොක්‌ සංගීත කණ්‌aඩායමක ඇරඹුමක්‌ 2011 වසරේදී මුම්බායි නගරයේදී සිදුවෙනවා. ඒ ශාරදාපුත්‍ර කබීර්ශාකියාගේ මූලිකත්වයෙන්. ඔහු සහ සාමාජිකයන් හතර දෙනෙකුගෙන් ආරම්භ කෙරෙන මෙම සංගීත කණ්‌ඩායම හැඳින්වෙන්නේ දහම් පියාපත් නමින්. මෙම සංගීත කණ්‌ඩායම් සාමාජිකයන්ගේ විශේෂයක්‌ වන්නේ ඔවුන් ආචාර්ය බී.ආර්.අම්බෙඩ්කාර් මහතාගේ මඟ පෙන්වීම යටතේ බුදුදහම වැළඳගත් පවුල් වලින් පැවත එන සාමාජිකයන් වීමයි.

අම්බෙඩ්කාර් යන නම ඉන්දියානුවන්ට සුවිශේෂීයි. ඒ, ඔහු ඉන්දියාවේ ප්‍රමුඛ දේශපාලනඥයකු මෙන්ම ඉන්දීය ව්‍යවස්‌ථා සම්පාදක මණ්‌ඩලයේ සාමාජිකයකුද වීම නිසාම නෙවෙයි. ඔහු විසින් දසදහස්‌ ගණනින් දාලිත් කුලහීන හින්දු ජන කොට්‌ඨාසය බෞද්ධයන් බවට හැරවීම සමගින් සමාජයේ අයිතියක්‌ හෝ පිළිගැනීමක්‌ නොමැතිවූ හීනකුල ජනතාවට බුදදහම හරහා සැනසීමේ මඟ පෙන්වීමට මුල්වූ හේතුවෙන්. ඉන්දියාවේ ගුජරාට්‌ ප්‍රාන්තයේ දෙවන වරට පැවැත්වූ ජාත්‍යන්තර බෞද්ධ සම්මන්ත්‍රණයේදී, දහම් පියාපත් සංගීත කණ්‌ඩායමේ ඉදිරිපත් කිරීමකින්, මේ අසමතුලිත චක්‍රය බිඳදැමීමට සංගීතය ඉතා හොඳ මෙවලමක්‌ බව දුටු නිසාම, ඔහු, එනම් ශාකියා සමගින් මේ ගැන සාකච්ඡා කිරීමට තීරණය කරා.

* දහම් පිහාටු සංගීත කණ්‌ඩායමේ සියලු සාමාජිකයන් බෞද්ධ ද?

ඔව්, සියලු ප්‍රධාන සාමාජිකයන් බෞද්ධ. එයිනුත් බොහෝ දෙනෙක්‌ සංගීත ගුරුවරුන්. අපේ සීයලා ආචාර්ය අම්බෙඩ්කාර්ගේ මඟ පෙන්වීම යටතේ බුදුදහම වැළඳගත් පිරිසක්‌. ඉතා මෑත කාලයේදී බෞද්ධ නොවන කීපදෙනෙකුත් අපි සමඟ එකතුවෙලා ඉන්නවා. අපි ඉන්දීය ජනගී සම්ප්‍රදාය එකම වේදිකාවක ඉදිරිපත් කරනවා.

මට කෙටියෙන් කියන්න ඔබගේ බෞද්ධ හා සංගීත පසුබිම ගැන. මේ දෙකම එක්‌ කිරීමට තීරණය කළේ කුමන කාලයකද?

ඒ බැඳීම ආරම්භ වීම සිදුවුණේ, මම පූර්ව විශ්වවිද්‍යාලයට ඇතුළත්වීමත් සමඟයි. (ඉන්දීය උසස්‌ විද්‍යාල අවසන් වසර) මම මගේ පළමු දින දහය වෙන් කරේ විපස්‌සනා භාවනාව හැදෑරීමට. එයිනුත් අවුරුදු තුනකට පස්‌සෙ, මම තීරණය කරා බෞද්ධ භික්‌ෂුවක්‌ ලෙස පුහුණුවීමට. මම බුද්ධගයාවට ගියා. එහිදී ටී.සිරිචායී තායි ගුරුතුමන් යටතේ මාස තුනක්‌ කල්ගත කළා. මේ මාස තුනක කාලය මගේ මනස සම්පූර්ණයෙන්ම වෙනස්‌ කළා. ඒ කාලය තුළ මා ලැබූ සුන්දර අත්දැකීම් නිසාම මම තීරණය කළා මම ඉගෙන ගත් දේ හා බුදුරජාණන්වහන්සේගේ පණිවුඩය ඉන්දියානු තරුණ තරුණියන් වෙතට ගෙන යායුතුයි කියලා. පාසලේදී සංස්‌කෘතික සංසදයේ ක්‍රියාකාරි සාමාජිකයකු ලෙස මම කටයුතු කරා. ඒ කටයුතු එක්‌ක මම හොඳින්ම තේරුම් ගත් දෙයක්‌ තිබුණා. ඒ තමයි, මේ සමාජයට සාමයේ හා සමගියේ පණිවිඩය ගෙනියන්න හොඳම ක්‍රමය මගේ ගිටාරය කියලා. මගේ මුල්ම ගීත නිර්මාණය කෙරුණේ මම බුද්ධගයාවේ ඉන්න කාලයේ. එහෙන් ආවට පස්‌සෙ මට ඉඩක්‌ ලැබෙන හැම තැනකම, පන්සල්වල, පාරේ, මුඩුක්‌කුවල පවා මම ගායනා කරා. මගේ මේ ගමන්වලදී මට මගේ අනිකුත් සාමාජිකයන් මුණ ගැහුණා. ( ඩ්‍රම් – ස්‌වප්නිල් මෝර්, බේස්‌ ගිටාර් – රාහුල් කම්බ්ලේ සහ ලීඩ් ගිටාර් – රොහාන් සො- ) එයින් පස්‌සෙ 2011 මැයි මාසයේදී අපි නිල වශයෙන් දහම් පියාපත් සංගීත කණ්‌ඩායම ආරම්භ කරා.

* ඔබගේ ගීත නිර්මාණ සඳහා බුදුරජාණන්වහන්සේ දෙසු දහම් හා අම්බෙඩ්කාර්ගේ ඉගැන්වීම් මුල්කර ගැනීමට විශේෂ හේතුව කුමක්‌ද?

මම බෞද්ධ පවුලකින් පැවත එන අයෙක්‌. ඒ වගේම මම ආචාර්ය අම්බෙඩ්කාර් දන්නේ මගේ ළමා කාලයේ ඉඳන්. මම අම්බෙඩ්කාර් මහතාට ඉතා ගරු කරනවා මොකද, ඔහු අපේ සීයලා බෞද්ධයෝ බවට පත් කරලා මටත් ඒ උතුම් දහමට යොමු වීමට ලබා දුන් අවස්‌ථාව නිසා. මිනිස්‌සු කියනවා අපි තුන්වන ලෝක යුද්ධය කරා ඇදී යනවා කියලා. මට දැනෙන දේ තමා මේ හිංසනයන් එකිනෙකා තේරුම් නොගැනීම හා වෛරය නිසාම සිදුවෙන දේවල් බව. මනුෂ්‍යත්වයේ නාමයෙන් සියලුම හිංසනයන් බුදුරජාණන්වහන්සේ ප්‍රතික්‌ෂේප කරනවා. අම්බෙඩ්කාර් අපිට උගන්වූවේත් එයමයි. බුදුරජාණන්වහන්සේ තමන්ගේ ශ්‍රාවකයන් ශාසනයට එක්‌කරගනිද්දී ඔවුන්ගේ කුලය හෝ වර්ණය හෝ බැලුවේ නෑ. අපි දන්නව බුදුරජාණන්වහන්සේ දේශනා කළා වෛරය ඇති වන්නෙ අප තුළින්ම වගේම, සාමය ඇතිවන්නෙත් අපි තුළින්ම බව.

* දේශපාලකයකුට හෝ සමාජසේවකයකුට හෝ වඩා හොඳින් සංගීතය හරහා මෙම පණිවිඩය සමාජගත වෙනවා යෑයි ඔබ සිතන්නෙ කොහොමද?

සංගීතයට සීමාවන් නැහැ. එය විශ්ව භාෂාවක්‌. අපිට අකැමැති අය වෙතටත් අපේ පණිවිඩය යවන්න සංගීතයට පුළුවන් වෙන්නේ ඒ නිසයි. අද වනවිට ලෝකයේ ඉතා පුළුල් පරාසයක තාක්‌ෂණයන් තියනවා. සමාජ ජාල මාධ්‍ය හරහා පහසුවෙන් අපේ නිර්මාණයන් ප්‍රේක්‌ෂකයන් වෙත ගෙනියන්න පුළුවන්. ඔබට දේශපාලකයකු හෝ සමාජ සේවකයකු හෝ ලෙසින් මේ දේම කරන්න පුළුවන්. ඒක ඔබගේ කැමැත්ත. එවන් උත්සාහයන් දරනා සියල්ලන් සමාජයට වැඩදායක පුද්ගලයන් කියලා අපි හිතනවා.

* බෞද්ධ නොවන ප්‍රේක්‌ෂකයන්ට ඔබගේ සංගීතය හරහා ලබාදෙන පණිවිඩය කුමක්‌ද?

බෞද්ධ නොවන ප්‍රේක්‌ෂකයන්ගෙන්ද අපිට විශාල පිළිගැනීමක්‌ තියනවා. ඔවුන් අපගේ පද රචනා හා සංගීතයට කැමැතියි. ඉන්දියාවේ නිල භාෂාවන් විස්‌සකට වඩා වැඩි ප්‍රමාණයක්‌ තියෙනවා. අපි, අපිට පුළුවන් හැම භාෂාවකින්ම ගායනා කරනවා. අපිට අවශ්‍ය වන්නේ සියලු සීමාවන් බිඳ දමමින් බුදුරජාණන්වහන්සේ හා අම්බෙඩ්කාර් ජනතාවගේ සිත් තුලට රැගෙන යැමටයි.

අමිල සහන් පතිරණ

අපේ අරමුණ යුද්ධයෙන් බේරාගත් රට නව ව්‍යවස්‌ථාවෙන් බෙදීම වැළැක්‌වීමයි -හිටපු ආරක්‌ෂක ලේකම් ගෝඨාභය රාජපක්‌ෂ

re9 2ඇතැමුන් ජාතිවාදය වපුරනවා යෑයි කියුවත්

උතුරේ හා නැගෙනහිර දෙමළ ජනතාවට ත්‍රස්‌තවාදීන් විසින් අහිමි කර තිබූ ප්‍රජාතන්ත්‍රවාදය යළිත් ඔවුන්ට හිමිකර දුන්නේ මහින්ද රාජපක්‌ෂ ජනාධිපතිතුමායි. ත්‍රස්‌තවාදීන් පරාජය කිරීමෙන් පසු ඔවුන්ට අහිමි වී තිබූ ඡන්ද බලය යළි ඇතිකර දී ඔවුන්ගේම පාලනයක්‌ ඇතිකර ගැනීමට අවශ්‍ය දේ සිදුකර සංහිsඳියාව යළි ඇතිකළේ මහින්ද රාජපක්‌ෂ මහතා යෑයි හිටපු ආරක්‌ෂක ලේකම් ගෝඨාභය රාජපක්‌ෂ මහතා පැවසීය.

වයවස්‌ථා සංශෝධනය පිළිබඳ ඝණඳුර දුරලන කතිකාවත, අඳුරින් එළියට ආණ්‌ඩුක්‍රම ව්‍යවස්‌ථා අර්බුදය යන තේමාව යටතේ අනුරාධපුර ජයන්ති මාවතේ පිහිටි ගෝල්ඩන් මැන්ගෝ උත්සව ශාලාවේ පැවති සංවිධානයේ අනුරාධපුර දිස්‌ත්‍රික්‌ කතිකාවතට එක්‌වෙමින් හෙතෙම මේ බව පැවසීය.

එහිදී වැඩිදුරටත් අදහස්‌ දැක්‌ වූ ගෝඨාභය රාජපක්‌ෂ මහතා මෙසේ ද පැවසීය,

එහිදී ලක්‌ෂ තුනක ද්‍රවිඩ ජනතාව ත්‍රස්‌තවාදීන්ගෙන් මුදාගෙන ත්‍රස්‌තවාදීන් 12,000 පුනරුත්තාපනය කර සමාජ ගත කළා. ඇතැම් දේශපාලකයන් මෙම සංවිධානය හරහා ජාතිවාදය පතුරනවා යෑයි චෝදනා නඟනවා. එහෙත් මේ සංවිධානය තුළින් කරන්නේ එදා යුද්ධයෙන් බෙදන්නට බැරි වූ රට අද ව්‍යවස්‌ථාවෙන් බෙදීමට දරන උත්සාහය පරාජය කිරීමටයි. ව්‍යවස්‌ථාවේ ඒකීය යන වචනය පමණක්‌ තිබී වඩක්‌ නෑ. එහි ඒකීය ලක්‌ෂණ තිබිය යුතුයි.

යුද්ධයෙන් පසු අවතැන් ජනතාව ලක්‌ෂ තුනක්‌ කෙටි කාලයත් තුළ නැවත පදිංචි කළා. පාරවල් දුම්රිය මාර්ග ඉදිකළා. අපි සංහිඳියාව ඇතිකළේ බලය බෙදීමෙන් නොවේ. එම ජනතාවට ත්‍රස්‌තවාදීන් අහිමි කළ සියලු දේ ලබාදුන්නා. එහෙත් දමිළ දේශපාලකයන් නිසා එය සාර්ථක වුණේ නෑ.

මහාචාර්ය මැදගොඩ අභයතිස්‌ස හිමියන්, බුද්ධශ්‍රාවක භික්‌ෂු විශ්වවිද්‍යාලයේ හිටපු කතිකාචාර්ය පොතානේ ධම්මානන්ද, උතුරු හා උතුරු මධ්‍යම දෙදිසාවේ ප්‍රධාන සංඝනායක අනුරාධපුර ශ්‍රී සම්බුද්ධ ජයන්ති විහාරාධිපති නුගේතැන්නේ පඤ්ඤානන්ද නාහිමිවරුන් ප්‍රධාන මහා සංඝරත්නය හා අන්‍යාගමික පුජකයන් මෙම අවස්‌ථාවට එක්‌ව සිටියහ.

අනුරාධපුර දිස්‌ත්‍රික්‌ පාර්ලිමේන්තු මන්ත්‍රී ෂෙහාන් සේමසිංහ, එස්‌. එම්. චන්ද්‍රසේන, එස්‌. සී. මුතුකුරාරණ, උදය ගම්මපිල, ජී. එල්. පීරිස්‌, රියර් අද්මිරාල් සරත් වීරසේකර, උතුරු මැද පළාත් සභාවේ හිටපු ප්‍රධාන අමාත්‍ය එස්‌. එම්. රංජිත් සමරකෝන්, හිටපු අමාත්‍යවරුන් වන එච්. බී. සේමසිංහ, කේ. එච්. නන්දසේන, හිටපු සභාපති ටී. එම්. ආර්. සිරිපාල, මන්ත්‍රීවරුන් වන කේ. පී. එස්‌. කුමාරසිරි, කල්‍යාණී කරල්ලියද්ද, ගමගේ වීරසේන, උපාලී විෙ-කෝන්, පී. බී. කුමාර, අබ්දුල් හුසේන්, අනුරාධපුර මහා නගර සභාවේ හිටපු නගරාධිපති එච්. පී. සෝමදාස යන මහත්වරුන් ඇතුළු අනුරාධපුර දිස්‌ත්‍රික්‌කයේ සියලුම ප්‍රාදේශීය සභා නියෝජනය කරමින් හිටපු මන්ත්‍රීවරුන් රැසක්‌ මෙම අවස්‌ථාවට එක්‌වූහ.

නොච්චියාගම – එම්. එම්. පී. ජී. පෙරේරා

කිලිනොච්චියේ මහවිරු සැමරුමට කනකපුරම් විදුහලේ ඩෙස්‌ පුටු දෙයි

p11 1

කිලිනොච්චියේ කනකපුරම් ක්‍රීඩාංගණයේ ඊයේ (27 දා) සවස පැවති මහ විරු උළෙල සඳහා කනකපුරම් රජයේ විද්‍යාලයේ ඩෙස්‌, පුටු හා බංකු 300 ක්‌ ලබා දී තිබේ.

මේ දිනවල එම විදුහලේ වර්ෂාවසාන විභාග කටයුතු පැවැත්වෙන නමුත් එය ද නොතකා මෙම ඩෙස්‌, පුටු හා බංකු තොගය ලබාදී තිබේ. අවශ්‍ය වුවහොත් පාසලේ සියලුම ඩෙස්‌ පුටු පළාතේ පාර්ලිමේන්තු මන්ත්‍රීවරයාගේ ඉල්ලීම මත ලබාදීමට කිළිනොච්චිය කනකපුරම් විදුහලේ විදුහල්පතිවරයා කැමැත්ත පළ කොට තිබේ.

එල්. ටී. ටී. ඊ. සොහොන් කොත්වල කැඩී ගිය කොටස්‌ එකතු කොට විශේෂ ස්‌මාරකයක්‌ කනකපුරම් ක්‍රීඩාංගණයේ සකසා ඇති අතර එය සරසා මහවිරු උළෙල පැවැත්වීමට කටයුතු යොදා ඇත.

ඡායාරූපයෙන් දැක්‌වෙන්නේ එම ක්‍රීඩාංගණයේ සැරසිලි කටයුතු සිදු වන ආකාරයයි.

දිනසේන රතුගමගේ

Advertisements

Categories

Balawegaya Flickr Photos

Different countries have visited this site

Free counters!