//

දේශපාලන පක්ෂ හා හුට පට

This category contains 29 posts

සිංහල කමක්‌ කොයින්ද ?

සිංහල කමක්‌ කොයින්ද ?
මඩකලපුවේ සිංහලයන්ට
බඩ ඉරිඟු ඇටයක්‌වත් වවන්න දෙන්නේ නැහැ

මඩකලපුව මංගලාරාම විහරස්‌ථානයේ විහාරාධිපති අම්පිටියේ
සුමනරතන හිමියන් කියති

වෙහෙර විහාර ඉදිකිරීම සහ අලුත්වැඩියා කිරීම නවත්වන්න
උතුරු පළාත් සභාව පනතක්‌ සම්මත කරගත්තා

අම්පිටියේ සුමනරතන හිමි යන නම ඇසෙත්ම අපට සිහිවෙන්නේ මඩකලපුව මංගලාරාමය විහරස්‌ථානයයි. නැඟෙනහිරින් අතුගාවන්නට හදන බෞද්ධ උරුමය රැකගන්නට උන්වහන්සේ මහත්වූ වෙහසක්‌ ගනිමින් සිටින්නේය. ඇතැම් විට සිංහල ජනයා වෙනුවෙන් දැඩිසේ හඬ නඟන උන් වහන්සේ නිරන්තරයෙන්ම අන්දෝලනයක්‌ ඇතිකළ හිමි නමකි, මේ ‘ඉරිදා දිවයින’ සමග උන් වහන්සේ දොඩමළු වූ ආකාරයයි.

ප්‍රශ්නය – ඔබ වහන්සේ මඩකලපුව මංගලාරාමයට පැමිණෙන සමයේ තත්ත්වය කෙබඳුද?

මම මඩකලපුව මංගලාරාමයට පැමිණෙද්දී මංගලාරාමය මුළුමනින්ම විනාශ කරලා. ආවාසගේ බුදAධ මන්දිරයේ පිළිම වහන්සේට පවා බෝම්බ ගහලා විනාශ කරලායි තිබ්බේ. බෝධීන් වහන්සේ කපලා කොටලා දාලා තිබ්බා. යුද්ධය උපරිමයෙන් තියෙද්දි මම මංගලාරාමය නැවත ගොඩ නඟන්න කටයුතු කළා. අපේ රණ විරුවෝ කොටි ප්‍රහාරවලට ලක්‌ව මගේ දෑතේ මියගිය අවස්‌ථාවත් තිබුණා. මම රණවිරුවන්ටත් ශත්කියක්‌ වෙමින් ත්‍රස්‌තවාදීන්ගේ තාඩන පීඩන මැද දිගටම මංගලාරාමය රැකගනිමින් සිටියා.

ප්‍රශ්නය – මඩකලපුවේ එදා සහ අද සිංහල ජනතාවගේ තත්ත්වය කොහොමද?

ඉස්‌සර මඩකලපුව දිස්‌ත්‍රික්‌කයේ සිංහලයන් හතළිස්‌ දහසකට අධික ප්‍රමාණයක්‌ සිටියා. නමුත් අද මඩකලපුව නගරයේ තිබෙන පන්සලේ ඉන්න අපිට දන් හැන්දක්‌ බෙදන්න දායකයන් කවුරුවත් නැහැ. යුද්ධ කාලයේ කොටසක්‌ මැරුවා. ඉතිරි අය පණ බේරාගෙන 85,87 කාලයේ ගියා. ඒරාවුර් නගරයත් මේ ආකාරයෙන් සිංහලයන්ගෙන් තොර වුණා. දැන් කෙවිලියාමඩුව, මංගලගම, සිප්පිමඩුව, දිවුලපොතන ආදී ගම් කිහිපයක දහසක්‌ පමණ ප්‍රමාණයක්‌ තමයි සිටින්නේ. 2002 සාම ගිවිසුම් කාලයෙත් ඉන් පසුව යුද්ධය නිමාවූ පසුත් සිංහල ජනයා තමන්ගේ පදිංචි ස්‌ථාන සොයන් ආවා. නමුත් එතකොට ඒ ඉඩම් නිවාස දෙමළ සහ මුස්‌ලිම් ජනයා අත්පත් කරගෙන වෙනස්‌ කරලා. මේවා අත්පත් කරගන්න රාජ්‍ය නිලධාරීන්ට කොච්චර කීවත් ලිපි ලේඛන දුසිම් ගණන් දුන්නත් ඔවුන් කිසිවෙක්‌ මෙම සිංහල ජනයාට සිදුවූ අසාධාරණය ගැන කිසිදු පියවරක්‌ ගන්නේ නැහැ.

ප්‍රශ්නය – මඩකලපුව මහ දිසාපතිතුමිය මේ ගැන දැනුවත් කළේ නැද්ද?

වසර කිහිපයක සිට ඇය මඩකලපුව රාජකාරි කටයුතු කරනවා. නමුත් සෑම වසරකම අවස්‌ථා කිහිපයක්‌ මෙම මඩකලපුව සිංහල ජනයා විඳින දුක සහ මඩකලපුව සිංහල ජනයා වෙසෙන ප්‍රාදේශීය ලේකම් කාර්යාල හරහා කිසිදු පියවරක්‌ නොගැනීම පිළිබඳව ඇයව දැනුවත් කරනවා. උපවාස උද්ඝෝෂණ කරා. නමුත් සිංහල ජනතාවගේ ගැටලුවලට කිසිම විසඳුමක්‌ නැහැ.

ප්‍රශ්නය – මීට සති කිහිපයකට ඉහතදී ඔබ වහන්සේ මංගලගමදී ග්‍රාමසේවා නිලධාරිවරයකුට තදින්ම බැණ වදිනවා. ඒක භික්‌ෂුන් වහන්සේ කෙනකුට ඔබින්නේ නැහැ නේද?

මම භීක්‌ෂුවක්‌ විදිහට කටයුතු කරනවා. මට කිලෝ මීටර් 80 ක්‌ 90 ක්‌ යනකම් බෞද්ධයෙක්‌ නැහැ. ඒදා ඒ ගම්මානවලට මායිම් ගම්මාන කිව්වා. මම ඒ අසරණ සිංහල ජනයා වෙනුවෙන් මැදිහත් වෙලා පදිංචි කරවා ගත්තා පුළුවන් උදව්වක්‌ කරන්නම් කියලා. මම එදා ඉඳන් මේ දක්‌වාම වග කිවයුත්තන්ට මේ ගැටලුව ගැන දැනුවත් කළා. නමුත් මේ ජනතාව පිsළිබඳ පට්‌ටිපොළ, වෙල්ලාවලි ආදී ප්‍රාදේශීය ලේකම් කාර්යාල නිලධාරීන් දරන්නේ වෙනත් මතයක්‌.

අපේ ජනතාව මෙම ප්‍රදේශවලින් පන්නා දාන්න හදද්දී, ජනතාවගේ ගැටලුවලට විසඳුමක්‌ නැතිවුණාම, අඩුම තරමින් සමෘද්ධි කුපනයක්‌ නොදීම, ග්‍රාම සේවක වාර්තාවක්‌ ලබා නොදීම, හැඳුනුම්පතක්‌ ලබා ගැනීමට නොහැකිවීම, වසර තිහ හතළිහක්‌ වගා කළ ඉඩම් තණ භූමි කියලා අල්ලා ගන්න හදද්දී ඒවාට කිසිම බලධාරියෙක්‌ කතා කරන්නේ නැහැ. ඒ වෙලේ තමන්ට සිදුවූ අසාධාරණය වෙනුවෙන් එම ජනතාව පාරට බැහැලා උද්ඝෝෂණ කරන විට අපටත් මැදිහත් වෙන්න වෙනවා. ඒ මොහෙතේ අදාළ නිලධාරීන් පැමිණ තමන්ගේ මතයේ දැඩිව සිටිද්දී ඇතැම් වේලාවට මේ වන මහා අසාධාරණකම් හමුවේ මගේ මුවින් තද වචන පිටවූ අවස්‌ථාත් තිබෙනවා ඒ මොනදේ කරන්නෙත් මේ අසාධාරණයට පිළිසරණක්‌ නොමැති වූ විටයි. බලධාරින්ට හොඳින් කියලා ලියුම් පිට ලියුම් දීලා බැරිම වූ විට, අපේ ජනතාවට උසාවි දමලා පිටවෙන්න නියෝග දෙන්නට මේ නිලධාරීන් කටයුතු කරද්දී අපටත් නීති කඩන නිලධාරීන්ට හට හොඳින් කතා කරලා බැරිම තැන අපට කතා කරන්න ඉතිරි වෙලා තියෙන්නේ අකමැත්තතෙන් හරි ඒ විදිහටයි.

දැනට මඩකලපුව පොලිස්‌ බල ප්‍රදේශයේ බුදුපිළිම තැන්පත් කිරීම තහනම් කරලා මට අධිකරණයෙන් වාරණ නියෝගයක්‌ කරලා තියෙනවා. සිංහල ජනතාව පදිංචි කිරීම තහනම් කරලා තියෙනවා. ප්‍රදේශීය ලේකම් කාර්යාලවලට යන්න බැරි වෙන්න තහනම් නියෝග මට කරලා තියෙනවා. ඔය දේවල් මතක්‌ වෙන වේලාවට මගේ කටින් නොකිය යුතු දේවල් කියවෙනවා. ඇතැමුන් මට පිස්‌සු කියලත් කියනවා.

ප්‍රශ්නය – දැනට සති කිහිපයකට කලින් කරදියන්ආරු ප්‍රදේශයේදී සිදුවුණේ කුමක්‌ද? ඇත්තටම එතන පැරණි බෞද්ධ පුදබිමක්‌ද?

මට දැනගන්න ලැබුණා වසර සියදහස්‌ ගාණක්‌ පැරණි පුද බිමක්‌ විනාශ කරලා තියෙනවා කියලා. මම ගිහින් බලද්දී ගල් කණු, සිරිපතුල් ගල් ආදී ඉපැරණි පුරා වස්‌තු ඩෝසරයකින් ගලවලා ගොඩ ගහලා. ඉපැරණි දාගැබක්‌ මුදුනින් කණු සිටුවලා කටුකම්බිවලින් වැට ගහලා. එම පුදබිම සීසාල වී වපුරලා ඒ හැම තැනම ඉපැරණි ගඩොල් කැටයි පුරා වස්‌තුයි විසිරිලා තියෙනවා. මේ ස්‌ථානයට සිදුකර තිබෙන හානිය දැක්‌කාම මම දැඩි කම්පනයට පත් වුණා. එම නිසා මම එතනට කුඩා මඩුවක්‌ හෝ සකසා ආරක්‌ෂා කරන්න ගියා. එතකොට පොලිසියෙන් මට එතෙනට ඇතුළුවීම වළක්‌වන්න තහනම් නියෝගයක්‌ ගෙනාවා. මම එතන හිටියොත් මාව අත්අඩංගුවට ගන්නවා කීවා. මම කිවා කමක්‌ නැහැ මාව අත්අඩංගුවට ගන්න. මාත් එක්‌කම මේ ස්‌ථානය විනාශ කළ පිරිසත් අත්අඩංගුවට ගන්න කියලා. ඒ අය අත්අඩංගුවට ගන්න විදිහක්‌ නැහැ කියලා පොලිසියයි, පුරා විද්‍යාවයි කිව්වා. ඕක තමයි සැබෑ තත්ත්වය. අද පුරා වස්‌තු ආරක්‌ෂා කරන්න යන අය අත්අඩංගුවට ගන්න හදනවා. පුරා වස්‌තු වනසන අය රකිනවා. මේක තමයි තත්ත්වය. පස්‌සේ මම කරදියන්ආරු පොලිසියට මෙම පුරා වස්‌තු හානිය පිළිබඳව පැමිණිලි කළා. නමුත් අද වෙනකම් කිසිවෙක්‌ අත්අඩංගුවට ගත්තේ නැහැ.

අපේ සිංහල ජනතාවට බඩගින්න නිවාගන්න බඩ ඉරිඟු ඇටයක්‌ ඉන්දන්න දෙන්නේ නැහැ. තණ භූමි කියලා පන්නන්න හදනවා. හැබැයි අපේ රජමහා විහාර ඩෝසර් කරලා වී වපුරද්දී බලධාරීන් නිහඬ වෙලා ඉන්නවා.

ප්‍රශ්නය – පසුගිය යුද සමයේ ද එසේ නැතිනම් සාමය උදාවූ පසුද නැඟෙනහිර පළාතේ පුරා වස්‌තුවලට වැඩි වශයෙන් හානි සිදුවූයේ?

වෙලාවකට හිතනවා යුද්ධය තවමත් තිබ්බා නම් හොඳයි කියලා. පසුගිය යුද සමයේ මෙම පුරා වස්‌තුවලට විශාල හානියක්‌ වුණේ නැහැ. පසුගිය රජය සමයේ සිංහල, දෙමළ මුස්‌ලිම් යන සැම ජන කොට්‌ඨාසයටම ඒ සමයේ රාජකාරි කටයුතු සිදුවුණා. නමුත් ඒ සමයෙත් මඩකලපුවේ සිංහලයන්ට යම් අසාධාරණයක්‌ සිදුවුණා. ඒවා ඒ රජය විසඳුවානම් අද මේ අකාරයෙන් මඩකලපුව සිංහල ජනයා දුක්‌ විඳින්නේ නැහැ. නමුත් ඒ සමයේ පොලිසියට ආරක්‌ෂක අංශ, රටේ ජනතාව යන සියල්ලටම එක්‌ වුණා. රට ජාතිය රැකගන්න සියලු දෙනාම එකට එකතු වුණා. නමුත් ඒක දැන් වෙනස්‌ වෙලා. අද බොහෝ දෙනකුට රට ජාතිය ආගම ගැන හැඟීමක්‌ නැති වෙලා තියෙනවා. ඒ වාගේම යුද්ධයෙන් පස්‌සේ පුරා වස්‌තු සංහාරයක්‌ සිදුÊ වෙමින් තියෙනවා. ඉතිං මට වේලාවකට හිතෙනවා යුද්ධය තිබ්බානම් මේ ආකාරයෙන් නැඟෙනහිර පුරා වස්‌තුවලට මේ තරම් දැන් හානියක්‌ සිදුවෙන්නේ නැහැ කියලා.

ප්‍රශ්නය – මේ වන විට ඔබ වහන්සේට විරුද්ධව ඇතැම් අය මඩකලපුවේ විරෝධතාවන් දක්‌වනවා. ඇයි එහෙම විරෝධතාවක්‌ ඔබ වහන්සේට විරුද්ධව ඇති වෙලා තියෙන්නේ.

පසුගියදා උතුරු පළාත් සභාවේ වැඩි ඡන්දයෙන් පනතක්‌ සම්මත කරගෙන තිබ්බා උතුරු නැඟෙනහිර පළාතේ වෙහෙර විහාර ඉදිකිරීම සහ අලුත්වැඩියා කිරීම නවත්වන්න. අම්පිටියේ සුමනරතන හෙවත් මාවත් ඉවත් කරන්න පනතක්‌ සම්මත කරගෙන තිබෙනවා. රටේ ජනාධිපති, අගමැති, පොලිස්‌පති ඇතුළු පිරිස එය නිවරැදි කරගන්න කිසිම පියවරක්‌ ගත්තේ නැහැ. පසුගිය දිනවල දෙමළ ග්‍රාමසේවා නිලධාරිවරු සහ ටී.එන්.ඒ. සංවිධානයේ පිරිස්‌ මට එරෙහිව විරෝධතාවන් පවත්වා තිබෙනවා. ඊට අමතරව මේ වන විට මට විරුද්ධව නඩු 33 ක්‌ මඩකලපුවේ දිස්‌ත්‍රික්‌කයේ විවිධ උසාවිවල පවරලා තියෙනවා. මමත් පවරපු නඩුත් එක්‌ක නඩු 48 ක්‌ ඒ අධිකරණවල විභාග වෙනවා. මේ වන විට මඩකලපුවේ දෙමළ සහ මුස්‌ලිම් ජනයා මාත් සමඟ සුහදව කටයුතු කළත් ටී.එන්.ඒ. වැනි අන්තවාදී සංවිධාන තමයි ඔවුන්ගේ ක්‍රියාකාරම් වලට මා බාධාවක්‌ නිසා මාව මඩකලපුවෙන් ඉවත් කරන්න හදන්නේ. ඒ අය තමයි සාමාන්‍ය ජනතාව මට විරුද්ධව කුලප්පු කරවන්න හදන්නේ.

ප්‍රශ්නය – ඔබ වහන්සේට මේ වන විට ජීවිත තර්ජන තිබෙනවාද?

දැඩි ජීවිත තර්ජනයක්‌ තියෙනවා. පසුගිය සති කිහිපයේ සිට මට දුරකථනය සහ අන්තර්ජාලය ඔස්‌ස්‌ දිගින් දිගටම ලෝකයේ විවිධ රටවලින් දුරකථන අංක දෙතුන් සියයකින් එකදිගටම ප්‍රභාකරන් මැරුණේ නැහැ යනුවෙන් පවසමින් මාව මරා දමන බවට දිගින් දිගටම තර්ජනය කළා. මම එහෙම තර්ජනය කළ දුරකථන අංක සියයකට වැඩියෙන් අදාළ තොරතුරු දීලා මඩකලපුව පොලිසියේ පැමිණිල්ලක්‌ද දැම්මා. පසුගිය 27 වැනිදා මාගෙන් රැකියාවක්‌ අවශ්‍ය බව පවසමින් සැකකටයුතු පුද්ගලයෙක්‌ මාව සොයාගෙන පන්සලට ආවාම ඒ පිළිබඳව සැක සිතී ප්‍රශ්න කිරීමේදී ඔහු පැවසූ උත්තර පරස්‌පරයි. ඒ නිසා මඩකලපුව පොලිසිය මගින් ඔහුව අත්අඩංගුවට ගෙන තිබුණා. ඒ නිසා මා කර හෝa මඩකලපුවෙන් සිංහල ජනයා පන්නා දැමීමට විවිධ කුමන්ත්‍රණයන් සිදුවෙනවා. ඔවුන් දන්නවා ඒ අයගේ අන්තවාදී කටයුතු මා මෙහි සිටිනා විට සිදු කිරීමට අපහසු බව.

ප්‍රශ්නය – ඔබ වහන්සේට මඩකලපුවේ හුදෙකලාවෙ සිට මේ ආකාරයෙන් කටයුතු කරන්නේ කොහොමද?

මම පැවිදි වෙලා වසර 33 ක්‌ වෙනවා. මම යුද්ධ කාලේ වැහෙන්නට ගිය විහරස්‌ථාන රැකගනිමින් විහරස්‌ථාන 22 ක්‌ ගොඩනැඟුවා. මඩකලපුව සිංහල ජනයා වෙනුවෙන් නිවාස 200 කට ආසන්න ප්‍රමාණයක්‌ ඉදිකළා. ළිං වැසිකිළි හදලා දුන්නා. වතුර පොදක්‌ ගන්න වැව් හදලා දුන්නා. ඒ අයට හැකි සෑම මොහොතකම මට පුළුවන් උපරිම ආකාරයෙන් උදව් උපකාර කළා. මඩකලපුවට පැමිණෙන ජනතාවට පා තියන්න පුළුවන් ආකාරයට මංගලාරාම විහාරස්‌ථානය සංවර්ධනය කළා. ඒ ආකාරයෙන් මට කිsරීමට හැකිවූයේ මේ ස්‌ථානය පිළිබඳ අවබෝධයක්‌ ලබා ගත් යම් පිරිසකගේ සහයෝගය නිසා. නමුත් මේ වනවිට යුද්ධයෙන් බැරිවූ ඊළම නැවත ගොඩනඟන්න කොටි හිතවාදීන් ප්‍රබලවම උත්සාහ දරන මේ මොහෙතේ මට විනාඩියෙන් විනාඩිය මරණ තර්ජන එන කාලයක රට ජාතිය ගැන කතා කරන බොහෝදෙනකු මඩකලපුව ගැන අවධානය නිසිසේ යොමු නොකිරීම කනගාටුවට කරුණක්‌.

මේ වන විට මට ලැබෙන සියලුම මුදල් මඩකලපුව විහාරස්‌ථානයේ සහ ජනතාව වෙනුවෙන් යොදවා තිබෙනවා. නමුත් ඉදිරියේදී මට ඒ වෙනුවෙන් කටයුතු කරන්න හැකියාවක්‌ නැතිව ගොස්‌ තිබෙනවා. සියලුම දේට මුදල් අවශ්‍ය මොහොතක මට ඒ ජනතාව වෙනුවෙන් රට ජාතිය ගැන කැක්‌කුමක්‌ තිබෙන හැඟීමක්‌ තිබෙන ඔබගේ සහයෝගය අවශ්‍යව තිබෙනවා. තව දුරටත් මාහට සිංහල ජනයා වෙනුවෙන් කළ මෙහවර කිරීම අපහසු වෙලා තිබෙනවා.

ප්‍රශ්නය – කොහොමද ඔබ වහන්සේට යම් සහයෝගයක්‌ දෙනවා නම් ලබා දිය හැක්‌කේ.

065 2222104, 077 1791883, 072 9902907 දුරකතන අංක ඔස්‌සේ මා සම්බන්ධ කරගෙන සහයක්‌ දිය හැකියි. ඒ සමගම මා කරනා මෙම සද්කාර්ය සඳහා ඔබ දායක වන්නේ නම් ශ්‍රී මංගලාරාම බෞද්ධ පදනමේ මඩකලපුව සම්පත් බැංකුවේ 1139 6100 2363 ගිණුම් අංකයට ඔබගේ සහයෝගය ලබා දෙන්න පුළුවන්.

ප්‍රශ්නය – යහ පාලන ආණ්‌ඩුව මගින් මඩකලපුව සිංහල ජනයාට සහනයන් දෙනවනේ.

සහජීවනයට මුවාවෙලා අන්තවාදීන් මේ වන විට සිංහල ජනයා ඉවත් කරලා නැඟෙනහිර බොදු උරුමය නැත්තටම නැති කරලා විනාශ කරලා දාමින් සිටිනවා. අපටත් අවශ්‍ය වෙලා තියෙන්නෙ සිංහල, දෙමළ, මුස්‌ලිම් ජනයා සමඟ සාමයෙන් සිටිය හැකි වටපිටාවක්‌. නමුත් අන්තවාදීන්ගේ වුවමනාවන් මත අහිංසක ජනතාව අවුස්‌සලා ඒ හරහා මේ වනවිට අන්තවාදීන් තමන්ගේ වැඩ හොඳින් කරගෙන යනවා. මේ වන විට මඩකලපුව සිංහල ජනයාට වත්මන් රජයෙන්ද කිසි සහනයක්‌ නොමැතිව කල්ලතෝනියන්ගේ තත්ත්වයට පත්ව තිබෙනවා. අසරණ සිංහලයා ගැන සහ විනාශ වන වසර සියදහස්‌ ගණනක අපේ උරුමය ගැන කතා කරද්දී අපිට ජාතිවාදී ලේබලය අලවනවා. එහෙම කරලා ඊළම ගැන කතා කරන ජාතිවාදීන්ව හුරතල් කරනවා යෑයි පවසමින් සුමනරතන හිමියෝ ‘ඉරිදා දිවයින’ සමඟ මඩකලපුවේ වත්මනේ සිංහලයාගේ ශෝකාන්තය පිsළිබඳ පවසා සිටියහ.

සුසන්ත අමර බන්දු

ආණ්‌ඩුව කරන්නේ නටපු නැටුමයි බෙරේ පළුවයි දෙකම නැති වැඩ

ආණ්‌ඩුව කරන්නේ නටපු නැටුමයි
බෙරේ පළුවයි දෙකම නැති වැඩ
පාර්ලිමේන්තුවේ පොදු ව්‍යාපාර කාරක සභාවේ සභාපති
ජ. වි. පෙ. පාර්ලිමේන්තු මන්ත්‍රී සුනිල් හඳුන්නෙත්ති

සාකච්ඡා කළේ – දයා ලංකාපුර

ආණ්‌ඩුව නව ආණ්‌ඩුක්‍රම ව්‍යවස්‌ථාවක්‌ සකස්‌ කිරීම සඳහා මහජනතාවගෙන් අදහස්‌ විමසීම මනමාලි පෙන්වන්නේ නැතුව විවාහ මංගල්‍ය සඳහා කැමැත්ත අහනවා වගේ වැඩක්‌ බවත්, ව්‍යවස්‌ථාව පිළිබඳව ප්‍රථමයෙන් ආණ්‌ඩුව ව්‍යවස්‌ථා රාමුවක්‌ ජනතාවට ඉදිරිපත් කළ යුතුව ඇති බවත්, ජනතා විමුක්‌ති පෙරමුණේ පාර්ලිමේන්තු මන්ත්‍රී සහ පොදු ව්‍යාපාර පිළිබඳ කාරක සභාවේ සභාපති සුනිල් හඳුන්නෙත්ති මහතා පවසයි. ඒ මහතා මේ බව ප්‍රකාශ කළේ ‘දිවයින ‘ සමඟ පැවැති සාකච්ඡාවකදීය.

ඔබ සභාපති ධුරය දරන කෝප් කමිටුවේ කටයුතු කොහොමද?

වැඩ කටයුතු ආරම්භ කරල තියෙන්නෙ. ඉතාම සාර්ථකයි. දැනට ආයතන කිහිපයක්‌ අපි කැඳෙව්වා. විගණකාධිපති දෙපාර්තමේන්තුවෙනුත් පාර්ලිමේන්තුවේ සීමිත කාර්ය මණ්‌ඩලයෙනුත් අපට විශාල සහයෝගයක්‌ ලැබෙනවා. ඒ වගේම කමිටුවේ සාමාජිකයන් වන ආණ්‌ඩු පක්‍ෂයේත්, විපක්‍ෂයේත් මන්ත්‍රීවරු ඉතාමත් උෙද්‍යාaගයෙන් එහි කටයුතුවලට සහභාගි වෙනවා. අපි දැනට ආ ගමන හැටියට ලංකා විදුලිබල මණ්‌ඩලය, ලංකා බැංකුව, ජයවර්ධනපුර රෝහල, ශ්‍රී ලංකන් ගුවන් සමාගම, යන ආයතන කැඳවලා තිබෙනවා. පසුගිය කාලයේ අපට කරගන්න බැරි දෙයකට තිබූ රජයේ අයිතිය 50% ට වැඩි පෞද්ගලික සමාගම් ලෙස ලියාපදිංචිකොට ඇති සමාගම් කෝප් කමිටුව වෙත ගෙන්වා ගැනීමට කටයුතු කළා. ලංකා විදුලිබල මණ්‌ඩලය යටතේ එවැනි සමාගම් 23 ක්‌ තිබෙනවා. එල්. ටී. එල්. හෝල්ඩිංස්‌ සමූහයට අයත් ලංකා ට්‍රාන්ස්‌ෙµdaමර්ස්‌ සමාගම යටතේ සමාගම් 15 ක්‌ තිබෙනවා. මේ සමාගම් අදාළ ඇමැතිවරයාටවත් පාර්ලිමේන්තුවටත් වගකියන්න බැඳීමක්‌ තිබුණේ නැහැ. නමුත් අපි සාකච්ඡා කිරීමෙන් පසු එල්. ටී. එල්. හෝaල්ඩිංග්ස්‌ කෝප් කමිටුව හමුවට ආවා. මේක එක අතකින් පාර්ලිමේන්තුව ලැබූ ජයග්‍රහණයක්‌. තවත් මේ වගේ සමාගම් තිබෙනවා. රක්‌නාලංකා සමාගම, ඇවන්ගාඩ් සමාගම සමඟ ඉතාම අවාසිදායක කොන්දේසි යටතේ ගිවිසුම් ඇතිකරගෙන තිබුණා. ඒ ගිවිසුම් සියල්ල දැන් අපි පාර්ලිමේන්තුව භාරයට අරන් තියෙනවා. ඒ ගිවිසුම්වල නීත්‍යනුකූල භාවය පරීක්‍ෂා කරගෙන යනවා.

මහ බැංකුවේ බැඳුම්කර වංචාව ගැන කෝප් කමිටුව පරීක්‍ෂණ කළේ නැද්ද?

පෙබරවාරි 25 දා අපි මහ බැංකුවේ ප්‍රධානීන් කැඳවන්න බලාපොරොත්තු වෙනවා. බැඳුම්කර වංචාව, බැඳුම්කර සිද්ධිය ගැන පොදු ව්‍යාපාරික කාරක සභාවේ (කෝප් කමිටුවේ) අනුකාරක සභාවක්‌ විසින් සිදුකළ පරීක්‍ෂණයක වාර්තාවක්‌ තියෙනවා. එය ඉදිරියට ගෙන යැම පිළිබඳ කාරක සභාව තීරණයක්‌ ගනීවි.

කලෙකට පෙර කෝප් කමිටුවේ කටයුතු පහසු කිරීම සඳහා උපදේශකවරයකු ඇතුළු කාර්යමණ්‌ඩලයක්‌ සිටියා. නමුත් පසුගිය ආණ්‌ඩුව විසින් ඒ උපදේශකවරයා ඉවත්කොට කාර්ය මණ්‌ඩලයද අඩුකළා. මේ නිසා කෝප් කමිටුවේ කටයුතුවලට බාධා එල්ලවුණා. තාමත් ඒ තත්ත්වය තිබෙනවාද?

අපට කාර්ය මණ්‌ඩලයට තවත් අය අවශ්‍යයි. මොකද අපිට ඕන යම් යම් ආයතනවලට ගොස්‌ ඒ මොහොතේම පරීක්‍ෂණ පැවැත්වීමට. අපට දැනට එහෙම කණ්‌ඩායමක්‌ නැහැ. දැන් අපට සිදුවෙලා තිබෙන්නේ විගණකාධිපති වරයාගෙන් සහ මුදල් අමාත්‍යංශයෙන් ලැබෙන වාර්තා අනුව පරීක්‍ෂණ සිදුකිරීමටයි.

ඒ කටයුතු කිරීමට අප දැන් යෝජනා කරලා තිබෙනවා. ඒ වගේම පාර්ලිමේන්තුවේ ස්‌ථාවර නියෝග සංශෝධනය කර ගැනීමටත් අවශ්‍යයි. මන්ද දැනට යම් ආයතනයක්‌ පිළිබඳ කෝප් කමිටුව විසින් පරීක්‍ෂණ පැවැත්වීමේදී අදාළ නිලධාරීන් පමණයි. නමුත් ඒ පිළිබඳ උනන්දුවක්‌ දක්‌වන වෘත්තීය සමිති නියෝජිතයන්ට සහ මහජනයාටත් එහිදී අදහස්‌ දැක්‌වීමට ඉඩදිය යුතුයි. ඒත් දැන් තිබෙන ස්‌ථාවර නියෝග අනුව එහෙම කරන්න බැහැ. ඒ නිසා මේ සඳහා පාර්ලිමේන්තු ස්‌ථාවර නියෝග වෙනස්‌ කිරීම ගැන මා කථානායකතුමා සමඟ සාකච්ඡා කොට තිබෙනවා. ඒ වගේම කෝප් කමිටුවට විශේෂඥ මණ්‌ඩලයක්‌ පත් කිරීමටත් බලාපොරොත්තු වෙනවා. හිටපු විගණකාධිපතිවරුන් වන සරත් මායාදුන්නේ, පී.ඒ. ප්‍රේමතිලක හා මහ බැංකුවේ හිටපු නියෝජ්‍ය අධිපතිවරයකු වන ඩබ්ලිව්. ඒ. විඡේවර්ධන යන මහත්වරු ඒ සඳහා පත් කිරීමට යෝජනා කොට තිබෙනවා.

කෝප් කමිටුව විසින් පරීක්‍ෂණ පැවැත්වීමේදී යම්යම් ආයතනවල වංචා දූෂණ පිළිබඳව හෙළිවූවිට ඒවා පිළිබඳ පරීක්‍ෂණ සිදුකිරීම සඳහා එµa. සී. අයි. ඩී.එක, අල්ලස්‌ කොමිසම බරපතළ වංචා විමර්ශන කොමිසම වගේ ආයතනවලට භාර දෙන්න බැරිද?

මෙහෙමයි. අපට පාර්ලිමේන්තුවට සම්බන්ධකම් ඇති අනිකුත් ආයතන සමඟ කටයුතු කරන්න පුළුවන් වේවි. දැනට අපි අපේ විමර්ශන කටයුතු යොමු කරල තිබෙන්නේ නීතිපතිතුමාට සහ අමාත්‍යාංශ ලේකම්තුමාට. අපට සෘජුව ඒ ආයතනවලට ඉදිරිපත් කිරීමේ හැකියාවක්‌ නැහැ. අපට තියෙන්නේ ඒවා අදාළ අමාත්‍යාංශ ලේකම්වරයා හරහා ඇමැතිවරයාට යොමු කිරීමයි. ඒ අනුව ඇත්තටම අමාත්‍ය මණ්‌ඩලය තමයි ඒ තීරණය ගත යුත්තේ. අමාත්‍ය මණ්‌ඩලය එවැනි තීරණ නොගන්නේ නම් ඊට පස්‌සෙ අපට පුළුවන් වේවි නැවතත් ඒ පිළිබඳව පාර්ලිමේන්තුවේ සාකච්ඡාකොට තීරණයක්‌ ගන්න.

පසුගිය දිනවල විශාල උද්ඝෝෂණයක්‌ ඇතිවුණා. එµa. සී. අයි. ඩී. එක විසුරුවා හැරිය යුතුයි කියලා. මේ හඬ ආවේ යෝෂිත රාජපක්‍ෂ අත්අඩංගුවට ගැනීමත් සමඟයි. මේ ගැන ඔබේ අදහස කුමක්‌ද?

අබ කෑ මිනිහගෙ නහය දනවනේ. වැරදි කරපු අය අල්ලන විට වැරදි කරන අය බයවෙනවා. වරදකට අත්අඩංගුවට ගත්විට එය පළිගැනීමක්‌ය කියා කියනවානම් මා හිතන්නෙ නෑ කවදාවත් වැරදි කරපු අය අල්ලන්න පුළුවන් වේවි කියලා. මොකද එතකොට වැරදි කරන්න ඉන්න අයත් ආරක්‌ෂා වෙනවා. එµa. සී. අයි. ඩී. එකක්‌ ඕනෑ වෙලා තියෙන්නේ ඉදිරියේදී වැරදි කරන අයටත් එක්‌කයි. මොකද හැම ජනාධිපතිවරයෙකුගෙම පුතෙක්‌, හැම ඇමැතිවරයෙකුගෙම පුතෙක්‌ ඔතනට ගනිහින් නැහැනේ. මේවා කව්රුත් දන්න රහස්‌නේ. කවුරුත් දන්න රහස්‌ හෙළිවනවිට හැම දෙනාම කලබල විය යුතු නැහැ. කඳුළුවලින් රටේ නීතිය යටපත් කරන්නත් බෑ.

ජනතා විමුක්‌ති පෙරමුණේ ගොවි සම්මේලනයේ නායක නාමල් කරුණාරත්න මහත්තයා පී. හැරිසන් ඇමැතිතුමාට විරුද්ධව වී අලෙවි මණ්‌ඩලයේ වී පෞද්ගලික වී මෝල් හිමියන් කිප දෙනෙකුට අඩු මිලට විකුණා ඇති බවට චෝදනා කරමින් ඒගැන පැමිණිලි කරන බව කියා තිබුණා.

ඒ ගැන දැනටමත් පැමිණිලි කරලා තිබෙනවා. ඒ ගැන විභාග නොකොළොත් අපි පාරට බහිනවා. අපි අඬ අඬ ඉන්නෙ නෑ. අපි කෙඳිරි ගාන්නේ නෑ කොතනකවත්. විශේෂයෙන්ම ජනතා විමුක්‌ති පෙරමුණ ඉදිරිපත් කරල තියෙන සියලු පැමිණිලි පිළිබඳව අප ඒ ආණ්‌ඩුවද මේ ආණ්‌ඩුවද කියල ප්‍රශ්නයක්‌ නෑ. අපිට කොයි ආණ්‌ඩුවත් එකයි. අපි ඉදිරිපත් කරල තියෙන චෝදනා ගැන පරීක්‍ෂණ නැත්නම් අපි මහජනතාවත් එක්‌ක පාරට බහිනවා.

මෙවර ආණ්‌ඩුවේ අයවැය පාර්ලිමේන්තුවෙන් ඇත්තටම සම්මත වෙලාද? මොකද අයවැයේ බදු සංශෝධන පිළිබඳ ගැසට්‌ පත්‍රය තාම නිකුත් කරල නෑ. අයෑවැයෙන් වැඩිකළ ජාතිය ගොඩනැඟීමේ බද්ද හා වැට්‌ බද්ද අය කිරීම මුදල් අමාත්‍යාංශයෙන් අත්හිටුවා තිබෙනවා. ඒවා පාර්ලිමේන්තුවෙන් සම්මත වනතුරු මේ නිසා බදු අයකරගත නොහැකිව දේශීය ආදායම් දෙපාර්තමේන්තුව අර්බුදයක ඉන්නවා. මොකක්‌ද මේකෙ තත්ත්වය?

පසුගිය අයවැය වගේ විකාර අයවැයක්‌ ඉතිහාසයේ කවරදාකවත් ඉදිරිපත් වෙලා නැහැ. ඒක නිසා රටේ අර්බුද ගොඩක්‌ මතුවුණා. අයවැය කාල සීමාව තුළත් විවිධ සංශෝධන කළා. ඊට පස්‌සෙ දැන් තිබෙන ගැටලුව තමයි ආණ්‌ඩුව අයවැයෙන් ඉදිරිපත් කරපු සමහර සංශෝධන අයවැය ඉදිරිපත් කළදා මධ්‍යම රාත්‍රියෙ සිටම ක්‍රියාත්මක වුණා. සමහර ඒවා ආණ්‌ඩුව අතරමගදී අකුල ගත්තා. සාමාන්‍ය තත්ත්වය තමයි අයවැයෙන් පස්‌සෙ ඒ අයවැයෙන් පනවන බදු පිළිබඳව ගැසට්‌ නිවේදනය හා ඒ බදුවලින් පැනනඟින සංශෝධන පාර්ලිමේන්තුවෙන් සම්මත වෙන්න ඕන. ඒක තවම වෙලා නෑ. මේ පාර්ලිමේන්තුවේ ක්‍රියාකාරිත්වය ඇත්තටම තියෙන්නෙ රාජ්‍ය ගිණුම් කාරක සභාවේ සහ පොදු ව්‍යාපාර කාරක සභාවේ කටයුතු මත පමණයි පාර්ලිමේන්තුව තියෙන්නෙ ගහගන්නයි, බැණගන්නයි විතරයි.

ආණ්‌ඩුක්‍රම ව්‍යවස්‌ථා යෝජනාවට දැන් මොකද වෙලා තියෙන්නේ. ඒකත් දින නියමයක්‌ නොමැතිව කල්දාලද?

ආණ්‌ඩුක්‍රම ව්‍යවස්‌ථාව මේ දවස්‌වල රටේ ජනතාවනේ හදන්නෙ. ඒකට කමිටවුක්‌ පත්කරල තියෙනවා මහජන අදහස්‌ විමසීමට. යෝජනාවක්‌ නැතිව අදහස්‌ විමසීම මහ විකාරයක්‌නේ. මේක හරියට මනමාලි නැතිව කසාදෙට කැමැත්ත අහනවා වගේ වැඩක්‌නේ. මගෙන් කැමැත්ත අහනවා මෙම නොදැක්‌ක, නොදැකපු මනමාලියෙකුට. ඒවගේ තමයි ආණ්‌ඩුව මේ ව්‍යවස්‌ථාවට ජනතාවගෙන් අදහස්‌ විමසන්නේ. ගමේ ඉන්න සිරිපාලද, සුබ්‍රමනියම්ද, තංගමනිද, ගුණපාලද දෙන අදහස්‌වලින් ආණ්‌ඩුක්‍රම ව්‍යවස්‌ථාවක්‌ හදන්න බැහැනේ. ප්‍රධාන වශයෙන් ඒකෙ මූලික රාමුව බලයේ ඉන්න ආණ්‌ඩුව විසින් ඉදිරිපත් කරන්න ඕනෙ. ජනතා විමුක්‌ති පෙරමුණට ආණ්‌ඩුක්‍රම ව්‍යවස්‌ථාවක්‌ හදන්න බැහැනේ.

අගමැතිතුමා කියනවා අලුත් ආණ්‌ඩුක්‍රම ව්‍යවස්‌ථාවක්‌ මගින් විධායක ජනාධිපති ක්‍රමය අහෝසි කොට නව මැතිවරණ ක්‍රමයක්‌ ඇති කළ යුතුයි කියලා. ජනාධිපතිතුමා කියනවා ඒක දැනට තිබෙන ව්‍යවස්‌ථාවට සංශෝධන ගෙනැවිත් කරන්න පුළුවන් කියලා. මේ මත ගැටුම නිසා නේද ව්‍යවස්‌ථා යෝජනාව කල් යන්නේ?

ඒක තමයි එහෙනම් මේ අදහස්‌ විමසන්න සල්ලි වියදම් කරන්නෙ මොකටද? මේවාට යන වියදම් ගැන සොයන්න වෙනම කොමිසමක්‌ දාන්න වෙයි. ඔය වගේ අදහස්‌ විමසීම්, කොමිෂන් සභා පත්කිරීම කොච්චර දාල තියෙනවාද? කෝ තිස්‌ස විතාරණ කමිටුවේ වාර්තාවට මොකද වුණේ? සර්ව පාක්‌ෂික කමිටු කීයක්‌ කැඳවල තියනවාද? මේ වර්තමාන ජනාධිපතිතුමාත් සර්වපාක්‌ෂික කමිටුවක්‌ කැඳෙව්වානේ මානව හිමිකම් ගැන ව්‍යවස්‌ථා සංශෝධන ගැන කතා කරන්න. කෝ ඒකෙ ප්‍රතිඵල. මේව ඇවිල්ල ඒ මොහොතෙ කරන මෝස්‌තර වැඩ.

මේ ආණ්‌ඩුව පත්වෙලා දැන් මාස 7 ක්‌ පමණ වෙනවා. මේ කාලය තුළ කිසිදු වැදගත් පනතක්‌ සම්මත වුණේ නැහැනේ.?

නටපු තොවිලෙකුත් නැහැ. බෙරේ පලුවකුත් නැහැ” වගේ තමයි මේ ආණ්‌ඩුවේ වැඩ. මිනිස්‌සුන්ට මොකුත් වෙන්නෙ නෑ. ආණ්‌ඩුව ලෝක වෙළෙඳපොළේ තෙල් මිල ඩොලරයකින් වැඩිවුණා නම් ඒ වැඩිවුණු සැණෙකින් මෙහේ තෙල් මිල වැඩිකරනවා රුපියල් 10 කින් විතර. එතකොට ඒ තෙල් ඕඩර් කරන්නත් කලින් ආණ්‌ඩුව මිල වැඩිකරනවා. කොම්පියුටරෙන් බලලා. ඕකනේ සාමාන්‍යයෙන් කරන්නෙ. මේ වෙනකොට ලෝක වෙළෙඳපොළේ තෙල් මිල ඉතාම පහළ මට්‌ටමට වැටිලා තියෙනවා. එතකොට අපි අහන්නෙ තෙල් මිල ඩොලර් බිංදුවට වැටුණහමද ලෝක වෙළෙඳපොළේ තෙල් නොමිලේ දෙන්න පටන් ගත්තහමද ආණ්‌ඩුව තෙල් මිල අඩු කරන්නේ

මහා සංඝ රත්නයේ ව්‍යවස්ථා යෝජනා රාජරත්න සභාගත කරයි

මහා සංඝ රත්නයේ ව්‍යවස්ථා යෝජනා රාජරත්න සභාගත කරයි

සිරිමාවෝ බණ්ඩාරනායක රජය නවසිය හැටේ සහ හැටපහ අතර කාලය තුළ ජනතාවට පිරිමහින ප්‍රගතිශීලී වැඩ කොටස් රාශියක් ඉටුකළහ. ඒ අතරින් සිංහල රාජ්‍ය භාෂාව බවට පත්වීමට අවශ්‍ය ප්‍රතිපත්තිමය  ක්‍රියාමාර්ග දියත් කිරීම ප්‍රධාන වේ.  මැතිණියගේ නායකත්වයෙන්  විශාල වැඩ කොටසක් ඉටු කෙරුණද ඇතැම් අනවශ්‍ය තීන්දු තීරණ නිසා රජය අප්‍රසාදයට පත් විය. සීමාසහිත එක්සත් ප්‍රවෘත්ති පත්‍ර සමාගම රජයට පවරා ගැනීම සඳහා ඉදිරිපත් කල යෝජනාවෙන් සිරිමා  රජය පරාජයට පත් වූයේ මෙහි ප්‍රතිඵලයක් වශයෙනි. මේ පණතට විරුද්ධව කේ.එම්.පී.රාජරත්න මහතා චන්දය භාවිතා කලේය.ඊට හේතුව ඔහු දැක්වූ ස්වාධීන මතයයි. 1965 මැතිවරණයෙන් රාජරත්න මහතා පරාජයට පත්වීමට ආසන්නම හේතුව එය නොවේ. ඔහු යටතේම දේශපාලනයේ අත් පොත් තැබූ පර්සි සමරවීර මහතාට එක්සත් ජාතික පක්ෂය උදව් කිරීමයි.රාජරත්න මහතා නොකී කතාවකට මාධ්‍ය විසින් ප්‍රසිද්ධිය ලබා දීම නිසා ජනතාව අතර අප්‍රසාදයට පත් කිරීම එ.ජා.ප යේ එක් පියවරක් විය. කෙසේ වෙතත් අළුතෙන් පත්වූ ඩඩ්ලි සේනානායක රජයේ හිත දිනාගෙන සිටි රාජරත්න මහතා නිසා වැලිමඩ සහ ඌව පරණගම සිටි ඔහුගේ හිතවතුන්ද එක්සත් ජාතික පක්ෂයට ළබැඳිව කටයුතු කළ බව රාජරත්න මහතාගේ සමීපතමයෙකු වන මුහන්දිරම්ලාගේ කළුබණ්ඩා මහතා පවසයි.රාජරත්න මහතා දේශපාලනයෙන් සමුගෙන අධිනීතිඥවරයෙකු ලෙසට කටයුතු කළ අවදිය දක්වාම ඔහු සෙවණැල්ලක් මෙන් සිටි හිතෛෂි වන්තයෙකි.

ජාතික විමුක්ති පෙරමුණෙන් තරඟ කළද  සිරිමා රජයේ මන්ත්‍රීවරයෙකු වූ රාජරත්න මහතා වැලිමඩ ආසනයට සරිලන සේවයක් කිරීමටද අමතක නොකලේය. තමා අධ්‍යාපනය ලැබූ පළමු විදුහල වූ දඹවින්න විදුහල වැලිමඩ මධ්‍යමහා විද්‍යාලය බොරලන්ද විදුහල දිග්ගහපිටිය විදුහල වැනි විද්‍යාල රාශියකටම අඩුපාඩුවක් වූ ගොඩනැගිලි පහසුකම් ඇති කර දීමට ඔහුට පිළිවන් විය. බණ්ඩාරවෙල ගුරු විදුහල ආරම්භ කරන ලද්දේ ඩඩ්ලි සේනානායක මහතාගේ ආණ්ඩු කාලයේදීය. ඒ සඳහා රාජරත්න මහතාගේ දායකත්වය ඉතා ඉහළින්ම විය.හැටේ දශකයට ප්‍රථම වැලිමඩ ප්‍රදේශය සාම්ප්‍රදායික ගොවිතැනින් යැපුණු ග්‍රාමීය පළාතක් විය. රාජරත්න මහතාගේ පියා වන ගංඇතිගේ අප්පුහාමි මහතා ඌව කොළතැන්න නමින් තේ කම්හලක් ආරම්භ කොට ඉංග්‍රීසීන් අභිබවා ගියේ මේ ආර්ථිකය වෙනස් කරන්නටයි.රාජරත්න මහතා මේ ඉඩම් ඇතැම් විට සිය හිතවතුන්ට බෙදා දුන්නේ නොමිලේ බව මුහන්දිරම් මහතා පවසයි. මැතිවරණ වලට වියදම් කිරීට ඇතැම් විට මේ ඉඩ කඩම් විකුණා දැමීය. වැලිමඩ ප්‍රදේශයේ අල වගාව නැන්වීමට රාජරත්න මහතා මුල් වූ බවද සාම්ප්‍රදායික ගොවියා ඉදිරියට ගෙන ඒමට කැපවූ බවද අද බොහෝ දෙනට අමතකය.ඔහුගෙන් ඉඩම් ලබාගෙන ගොවිතැනින් පොහොසත් වූ අය රාජරත්න මහතාට විරුද්ධව චන්දය භාවිතා  කලේ කළ ගුණ නොදත් පුද්ගලයනි මෙනි. ඒ පක්ෂ දේශපාලනයේ ස්වභාවයයි.

1970 වසරේ සෙනෙට් මන්ත්‍රී මණ්ඩලයට පත් වූ රාජරත්න මහතා එහිදී ඉදිරිපත් කළ අදහස් මගින් රට තුළ මෙන්ම රජය  තුළද විශේෂ වෙනසක් ඇති කරන්නට සමත් විය. ස්ත්‍රී දූෂකයන්ට සහ මිනී මරුවන්ට මැති සභයට පැමිණීමට හැකි වන පරිදි පනතක් සම්මත කිරීමට උත්සාහ දරද්දී එයට සහමුලින්ම විරුද්ධ වූයේ කේ.එම්.පී.රාජරත්න මහතාය. මේ එදා ඔහු කළ කතාවයි.

අප වෙත ඉදිරිපත් කරන ලද පළමු වැනි පණත ගෙනාවේ මීනීමරුවන්ටත් ස්ත්‍රී දූෂකයන්ටත් මැති සභයට එන්න පුලුවන් තත්ත්වයක් ඇති කිරීම සඳහාය. ඒ පණත ප්‍රගතිශීලී පණතකැයි යමෙක් කියනවානම් ඔහු පිස්සෙක් මුග්ධයෙක් බේබද්දෙක් වන්ට ඕනෑ. ඒ පණත තරම් මේ රටේ පාර්ලිමේන්තු ඉතිහාසයේ මැති ඇමතිවරුන්ට චන්ද දායකයන්ට හා ඔවුන්ගේ බුද්ධියට අවමාන කළ පණතක් මේ රටේ ඉදිරිපත් වී නැහැ.1972 ජනරජ ව්‍යවස්ථාව සකස් කරන  කල්හි ආචාර්ය කොල්වින් ආර් ද සිල්වා මහතා ගේ මූලිකත්වයෙන් ආණ්ඩුක්‍රම සම්පාදක මණ්ඩලයක් පත් කරන ලදී. මේ මණ්ඩලයය විසින් ගෙනා යෝජනා සෙනෙට් මන්ත්‍රී මණ්ඩලයේ සම්මත විය යුතු විය. මෙහිදී රජරත්න මහතා කළ කතා මගින් පැහැදිලි කරන ලද්දේ ව්‍යවස්ථා සම්පදානය සඳහා භික්ෂූන් වන්සේලාට ද අයිතියක් තිබෙන බවයි. 1970 වසරේ සැප්තැම්බර් සහ ඔක්තෝබර් මාස වලදී දිනමිණ පත්‍රයේ පළවූ වාර්තාවන් උපුටා දක්වමින් කතා කල රාජරත්න මහතා අස්ගිරි මල්වතු අමර පුර සහ රාමඤ්ඤ යන ත්‍රෛයිනිකායික මහා සංඝරත්නය විසින්  ව්‍යවස්ථාවට ඇතුලත් විය යුතු යෝජනා ගැන පළ කරන ලද අදහස් රාශියක් සෙනට් මන්ත්‍රී මන්ඩලය ඉදිරියේ සභාගත කළේය.  1970 ඔක්කෝබර් මස 17 දාතම සහිතව එය සෙනට් මන්ත්‍රී මණ්ඩලයේ තිස් වන වෙළුමට ඇතුලත් කර තිබේ. එහිදී  අස්ගිරි මහානායක අතිපූජ්‍ය ගොඩමුන්නේ ධම්මා නන්ද මල්වතු විහාරයේ මහානායක අතිපූජ්‍ය මඩුගල්ලේ ධම්මසිද්ධි ප්‍රමුඛ කොට ගත් උභය විහාරීය මහා සංඝ රත්නය  විසින් ඉදිරිපත් කරන ලද යෝජනා අතර තිබූ වටිනා අදහස් කීපයක් මෙසේ දැක්විය හැකිය.

1/ රජයේ ප්‍රධානියා සේනා සම්මත ජනාධිපති විය යුතුය.

2/ සිංහල බෞද්ධ රටක් වශයෙන් දීර්ඝ ඉතිහාසයක් ඇති නිසාද බහුතර ජනතාව සිංහල බෞද්ධයන් වන නිසාද රටේ ප්‍රධනියා  බෞද්ධයෙක් ම විය යුතුය යන සම්මතය අවුරුදු දෙදහසකට වැඩි කලක පටන් පැවති නිසාද ජනාධිපතිවරයා සිංහල බෞද්ධයෙකු විය යුතුය.

3/ අති දීර්ඝ කාලයක් මුළුල්ලේ ශ්‍රී ලංකා ද්විපයෙහි ජනතාවගේ සදාචාරය සභ්‍යත්වය සංස්කෘතිය සාහිත්‍යය කලාශිල්ප අධ්‍යාත්මික ගුණ වගාව යනාදිය සංවර්ධනය කිරීමේලා උපයෝගී වූ අසහාය බලවේගය බවට සිද්ධානත්ව පවත්නා බුද්ධ ශාසනයද එහි කටයුතුද සංඝයා වහන්සේලාද පූජනීය වස්තූ සහ විහාරස්ථනයන්ද වත් පිළිවෙත් පුද පූජා අඛණ්ඩව පැවැත්වීමට සලස්වා තිබෙන විධිවිධානයන්ද සිංහල රජ කාලයේ මෙන්ම අනාගතයෙහි ද ස්ථීරව පැවැත්වීමට සහ ආරක්ෂා කිරීමද මෙම රජය විසින් කළ යුතු වේ.

4/ ආගමික කටයුතු පිළිබඳව බුද්ධගමට සහ සංඝයා වහන්සේලාටද බෞද්ධයන්ටද අවුරුදු දහස් ගණනක් මුලුල්ලේ හිමිව තිබුණ විදේශීය පාලන යුගයෙහි නැතිවී ගිය සාධාරණ හිමි කම් වරප්‍රසාද හා විශේෂ සහනයන් මේ රජය විසින් තහවුරු කරනු ලැබේ.ඒ සඳහා අවශ්‍ය විධිවිදාන සැලැස්වීමේදී මේ රටේ පවත්නා ආගම් බුද්ධාගම හා සම තත්ත්වයෙන් නොසලකනු ලැබිය යුතුය.

5/ සංඝයා වහන්සේලාගේ විනය කර්ම චිරාගත සම්ප්‍රදායානුකූල චාරිත්‍ර වාරිත්‍ර නිකාය පාලක සංඝ සභා නොහොත් පාලක මණ්ඩලය එහි අභ්‍යන්තර කටයුතු යන මේවා කෙරෙහි බලපානා අණ පණත් රෙගුලාසි ව්‍යවස්ථා ආඥා ව්‍යවස්ථාදායක මණ්ඩලය හෙවත් රජය විසින් නොපැනවිය යුතුය.

රාජරත්න මහතා විසින් සභාගත කළ අනෙක් යෝජනා අතර ශ්‍රීලංකා රාමඤ්ඤ නිකායේ කාරක  සංඝ සභා රැස්වීමේදී ගත් තීරණයක්ද විය.1970 /9/20 දිනමිණ පත්‍රයේ පළවූ එය යොජනා 11 කින් සමන්විත විය.එම යෝජනා සකස් කරන ලද්දේ රාමඤ්ඤ මහා නිකායේ මහා නායකව සිටි දීපේගොඩ චන්ද විමල හිමියන් සහ ගැටඹේ රාජෝපවනාරාමාධිපති ලබුදූවේ සිරිධම්ම ස්වාමීන් වහන්සේලා ගේ මූලිකත්වයෙනි. එම යොජනා අතරින් කීපයක් මෙසේය.

1/ ලංකාවේ එකම රාජ්‍ය භාෂාව සිංහල විය යුතුය. ශ්‍රී ලංකාව බෞද්ධ රාජ්‍යයක් බව අභිනව ආණ්ඩුක්‍රම පනතින් ප්‍රකාශයට පත් විය යුතුය. ප්‍රජා පාලනය පිලිබඳ බෞද්ධ මූල ධර්ම පදනම් කොට අභිනව ආණ්ඩු ක්‍රම පණත සකස් විය යුතුය.

2/ ශ්‍රී ලංකා ජන රජයේ ජනාධිපති ධූරයද අග්‍රාමාතය  පදවියද සිංහල බෞද්ධයෙකු සතු විය යුතුය. අභිනව ජන රජය ප්‍රජාතාන්ත්‍රික සමාජවාදී ඒකීය පාලන ක්‍රමයක් විය යුතුය.

3/ 1815 උඩරට ගිවිසුමේ පස්වන වගන්තිය වැනි බුද්ධ ශාසනයද බෞද්ධ සංස්කෘතියට අයත් අංගෝපාංගයන්ද ආරක්ෂා කිරීමේ ප්‍රතිඥාවක් ආණ්ඩුක්‍රම පණතෙහි අතුලත් විය යුතුය.

4/ බෝ පත් සතර සහිත පැරණි සිංහ කොඩිය අභිනව ජනරජයේ කොඩිය විය යුතුය.

5/ නව ආණ්ඩුක්‍රම පනත යටතේ රාජ්‍යෝපදේශක මන්ඩලයක් පිහිටු විය යුතුය. අභිනව ජනරජය යටතේ ධර්මාමාත්‍ය පදවියක් ඇති කොට සියලු ආගමික කටයුතු ඒ හා සම්බන්ධ කටයුතුය.

6/ සිංහලයාට අයත් සාධාරණ තැන ලාබා දෙනු පිණිස තාවකාලිකව හෝ ජාතින්ගේ අනුපාතය අනුව පොදු අයිතිවාසිකම් බෙදී යන නීති රීති අභිනව ආණ්ඩුක්‍රම පනතෙහි ඇතුලත් විය යුතුය.

රාමඤ්ඤ නිකායට පසු අමරපුර නිකායට අයත් මහා සංඝරත්නය රැස්වී ආණ්ඩුක්‍රම මණ්ඩලයට ඉදිරිපත් කරන ලද යෝජනාද සභාගත කෙරිණ. ඒ වායින් සමහරක් මෙසේය.

1/ බුද්ධාගම රාජ්‍ය ආගම කල යුතු අතර සිංහල භාෂාව නියම වශයෙන්ම රාජ්‍ය භාෂාව කළ යුතුය.

2/ පක්ෂ දේශපාලනය අහෝසි කළ යුතු අතර මහජන චන්දයෙන් තෝරා පත් කෙරෙන සිංහල බෞද්ධ ජනාධිපතිවරයෙකු පත් කළ යුතුය.

ත්‍රෛයිනිකායික මහා සංඝරත්නයට අමතරව රත්තොට ප්‍රාදේශිය මහා සංඝ සභාව  වයඹ පළාතේ ත්‍රෛනිකායික සංඝ සභාව   වැනි සංඝ සභාවන් විසින් ඉදිරිපත් කරනු ලැබූ ඉතා වැදගත් යෝජනා කීපයක්ද රාජරත්න මහතා සෙනෙට් මන්ත්‍රී මණ්ඩලය ඉදිරියේ සභා ගත කරන ලද්දේය. ඒ යෝජනා අතර ද ඉතා වැදගත් අදහස් රාශියක් විය. ඒ මෙසේය.

1/ තෙරුවන් සන්තක දේපළ අන්සතු වීම වළක්වන නීති රීති සකස් විය යුතුය.

2/තුන් නිකායේ පාලක මූලස්ථාන මගින් ඒ ඒ නිකායික භික්ෂූන් පිළිබඳව පොදු නීති මාලා ( කතිකාවත්) සම්පාදනය කරවා සම්මත කළ යුතුය.

3/ අලුත් ජන රජයට අනුශාසනා කිරීමට රාජ්‍යානුශාසනා උත්තරීතර මණ්ඩලයක් පිහිටවනු ලැබිය යුතුය.

4/ 1958 පනවන ලද කුඹුරු පනතින් සඟසතු දේපල වලට හානි වී ඇති හෙයින් එසේ නොවන පරිදි අඳ ගොවියාගෙන් ඒවා මුදා ගැනීම සඳහා නීති සම්පාදනය කල යුතුය.

5 / ජන රජය බෞද්ධ ප්‍රතිපත්ති පසුබිම් කොට ගත් බෞද්ධ රාජ්‍යයක් ලෙස පිහිටුවීමට කටයුතු කළ යුතුය.

මෙම යෝජනා සියල්ලේම සාරංශය වශයෙන් ගත් කල්හි ලංකාව බෞද්ධ රටක් බවට  නැවත පත් කිරීම මහා සංඝරත්නයේ මූලික අභිලාශයයි. රාජ්‍ය නායකයා බෞද්ධයෙකු වීමත් ප්‍රධාන භාෂාව සිංහල වීමත් කඩ කල නොහැකි කොන්දෙසි වේ. ඒකීය රාජ්‍ය සංකල්පයද මෙයට ඇතුළත් වේ.ත්‍රෛයිනිකායික මහා  සංඝ රත්නය තුළින් මතු වූ මේ යෝජනා පත්‍රවල පළ වූ නමුත් ආණ්ඩු ක්‍රම සම්පාදන මණ්ඩලයට ඉදිරිපත් වූ නමුත් එතරම් සැලකිල්ලකින් ඒ දෙස බැලීමක් එකළ නොවූ බව පෙනේ. නමුත් මේවා සභාගත කොට එයට පිළිගැනීමත් ලබා දී ඇත්තේ කේ.එම්. පී.රාජරත්න මහතා විසිනි. රෙජිනෝල්ඩ් පෙරේරා වැනි සෙනෙට් මන්ත්‍රී වරුන් මෙම යෝජනා වලට  කලේ කල අකලේ යයි සිනාසුණ ආකාරයද සෙනෙට් වාර්තා වල දක්වා තිබේ. කෙසේ වෙතත් ව්‍යවස්ථා සම්පාදනයේදී අතීත රජදරුවන්ගේ සිට භික්ෂූන් වහන්සේලා ගේ දායකත්වය සහ අනුශාසක්තවය ලැබුණු බව ප්‍රකට කිරීමට මෙම සභාගත කිරීම බෙහෙවින්ම වැදගත් වූ බව කිව යුතුය.වසර හතලිස් පහකට පසුව  වර්තමානයේ ව්‍යවස්ථා සම්පාදනයක් සිදු කිරීමට අර අඳී. කලින් සකස් කරන ලද කෙටුම්පතකට මහජන අදහස් එහෙන් මෙහෙන් ලබා ගෙන ආණ්ඩු ක්‍රම සම්පාදකයන්ගේ වුවමනාවන් සම්මත කර ගැනිම මෙහි අභිප්‍රායයි. මහානායක හිමිවරුන් ගෙන් විශේෂ යෝජනා ලබා ගැනීමක් මෙහිදී සිදු වන්නේ නැත. එම නිසා අතීත ආදර්ශයන් පදනම් කොට ගෙන   ත්‍රෛනිකායික මහා සංඝ රත්නයේ මැදිහත් වීම අත්‍යවශ්‍ය යෙන්ම සිදු විය යුත්තේය. කේ.එම්.පී.රාජරත්න මහතා එදා සිදු කළ සභාගත කිරීමට වටිනාකමක් සහ ගෞරවයක් හිමිවන්නේ එවිටයි..

2016/01/18 දිවයින

ත්‍රස්‌ත මර්දන පනත වෙනුවට දේශප්‍රේමී පනතක්‌

ත්‍රස්‌ත මර්දන පනත වෙනුවට දේශප්‍රේමී පනතක්‌

කීර්ති වර්ණකුලසූරිය

ත්‍රස්‌ත මර්දන පනත වෙනුවට ඇමරිකාවේ දේශප්‍රේමී පණතට සමාන පනත් කෙටුම්පතක්‌ ගෙන ඒමට රජය කටයුතු කරන බව ඉහළ පෙළේ ආරංචි මාර්ග ඊයේ (23 දා) පැවසීය.

මෙම ත්‍රස්‌ත මර්දන පනත අහෝසි කරන ලෙස ජිනීවා මානව හිමිකම් කවුන්සිලය හා මෙරටට පැමිණි එක්‌සත් ජාතීන්ගේ දූත කණ්‌ඩායමද රජයෙන් ඉල්ලා තිබේ.

1982 දී සම්මත වූ මෙම ත්‍රස්‌ත මර්දන පනත යටතේ කොටි ත්‍රස්‌තවාදීන්ට එරෙහිව ක්‍රියා කිරීමට හැකි වී තිබුණි.

 

ඇවන්ගාඩ් වෙඩිල්ල හා ආණ්‌ඩුවේ කැළඹිල්ල!

ඇවන්ගාඩ් වෙඩිල්ල හා ආණ්‌ඩුවේ කැළඹිල්ල!

ජ.වි.පෙ. විසින් පත්තු කරන ලද ඇවන්ගාඩ් වෙඩිල්ල පුපුරා ගියේ තිලක්‌ මාරපනට ඔහුගේ ඇමැති ධුරයද අහිමි කරමින්ය. ආණ්‌ඩුවේම ඇමැතිවරුන් දෙදෙනකුට ඇඟිලි දික්‌ වී තිබෙන මේ අර්බුදය සමථයකට පත් කිරීම සඳහා මෛත්‍රීපාල සිරිසේන ජනාධිපතිවරයා ඒ සියලු විමර්ශන තමා යටතට ද ගත්තේය. ඇවන්ගාඩ්වල රාජකාරිය නාවික හමුදාවටද භාර කළේ මේ කන්දොස්‌කිරියාවත්, බැණ අඬගසා ගැනීම් ආදියත් නිසාම විය හැකිය. එහෙත් තවමත් වැඩේ පත්තු වෙමින් තිබේ.

ආණ්‌ඩුවේ ප්‍රබලම ඇමැතිවරුන් දෙදෙනෙකු වන

https://i0.wp.com/sinhalanews.readsrilanka.com/wp-content/uploads/2015/03/rajitha-senarathne1.jpg

රාජිත සේනාරත්නත්,

wijedasa

විජයදාස රාජපක්‍ෂත්

දෙපසට වී එකිනෙකාට දොස්‌ කියමින් ද සිටිති. රූපවාහිනි නාලිකා ඔස්‌සේත්, මුද්‍රිත මාධ්‍ය ඔස්‌සේත් ඇවන්ගාඩ් සිද්ධියට අදාළව ඇසෙන කියවෙන දේවල් ජනතාවගේද කුතුහලයට හේතු වී තිබේ. මේ ජරමර අස්‌සේ නියෝජ්‍ය ඇමැතිවරයකු වන රන්ජන් රාමනායකද ඇවන්ගාඩ් ගනුදෙනුවකට අදාළ සාක්‍ෂිත් සමඟ අල්ලස්‌ කොමසාරිස්‌ දෙපාර්තමේන්තුවට පැමිණිල්ලක්‌ද කළ බව වාර්තා විය.

සාමය හා බන්ධනාගාර ප්‍රතිසංස්‌කරණ ඇමැතිවරයා ලෙස තිලක්‌ මාරපන පාර්ලිමේන්තුවේදී කියා සිටියේ තම සේවාදායකයා වන ඇවන්ගාඩ් සිද්ධිය පොලිසිය ලකුණු දමා ගැනීමට කළ වැඩක්‌ බවය. ඔහු එයට ඊට කලින් සිදුවූ ආන්දොaලනයට ලක්‌වූ මිලේනියම් සිටි සිද්ධියත් ඈඳුවේ පොලිසියට ඇඩ්‍රස්‌ නැතිවන ආකාරයටය. විජයදාස රාජපක්‍ෂ කියන්නේත් මෙතන නීති විරෝධී දෙයක්‌ සිදුවී නැති බවකි. එසේම මේ සිද්ධියට හිටපු ආරක්‍ෂක ලේකම් ගෝඨාභය රාජපක්‍ෂ සම්බන්ධ කරන ලෙස කීප දෙනෙක්‌ම තමන්ගෙන් ඉල්ලා සිටි බවද ඔහු කීවේය.

මාරපන මෙන්ම විඡේදාස යන දෙදෙනාම ප්‍රවීණ නීතිඥයෝය. එනිසා ඔවුන්ගේ පදනම තුළ තාර්කික බවක්‌ තිබිය හැකි යෑයි කල්පනා කළ හැකිය. එහෙත් ප්‍රශ්නයක්‌ මතුවන්නේ කාට හෝ ඇවන්ගාඩ්වරුන්ට හුණු ගෑමට අවශ්‍ය වී තිබේද? තවත් කාට හෝ ඇවන්ගාඩ් තුළින් වෙනත් දේශපාලන දඩයමක්‌ කිරීමට අවශ්‍ය වී තිබේද යන්නයි.

තිලක්‌ මාරපන ඇවන්ගාඩ් නයිමල්ල බිම තබා ඒ කරදරයෙන් නිදහස්‌ වුවත් දැන් විජයදාස රාජපක්‍ෂ පසු පස ඇවන්ගාඩ් සුළඟ හඹායමින් තිබෙන බවද පෙනේ. අගමැති රනිල් පසුගිය දිනක ප්‍රබල ඇමැතිවරයකුට දොස්‌ නගා තිබුණු බවක්‌ ද මාධ්‍යවල පළවිය. මුලින් ඒ වාර්තාව තුළින් ගම්‍ය වූයේ ඇමැතිවරයා විජයදාස රාජපක්‍ෂ බවය. එහෙත් ඔහු නිවේදනයකින් කියා සිටියේ තමන් සම්බන්ධව එබඳු දෙයක්‌ නොවූ බවකි. අනතුරුව එය බාර වූයේ රාජිතටය. ඔහු කියා සිටියේත් එබඳු දෙයක්‌ නොවූ බවත් කිසිවෙක්‌ තමාට ඒ ගැන කතා කිරීම තහනම් කර නැති බවත්ය. එසේ නම් අගමැතිගේ නමත් පටලවා ඒ පුවත කවුරුන් විසින් හෝ ගොතන ලද්දක්‌ද?

මේ ජංජාල අස්‌සේ ආණ්‌ඩුව ඇතුලේ කුමක්‌ හෝ ජරමරයක්‌ සිදුවන බව නම් පැහැදිලිය. ආණ්‌ඩුවේම ඇමැතිවරුන් වෙනදාට වඩා ප්‍රජාතන්ත්‍රවාදය භුක්‌ති විඳින බව ආණ්‌ඩුව ප්‍රසිද්ධියේ කීවත් මේ වර්ගයේ ප්‍රජාතන්ත්‍රවාදයකින් ආණ්‌ඩුවේ කීර්ති නාමයට සිදුවන හානිය නම් සුළුපටු නොවේ. යහපාලනය ගැන නිමල් සිරිපාල ඇමැතිවරයා කළ විවේචනයට පිළිතුරු දුන් හරීන් ප්‍රනාන්දු ඇමැතිවරයා ඇසුවේ ඔහු ආණ්‌ඩුවේ ඇමැතිකම් කරන්නේ රෙදිත් ඇඳගෙනද කියායි.

මේ ආණ්‌ඩුව ඇතුලේ අර්බුදයක්‌ ඇතැයි කීම ආණ්‌ඩුවේ පිත ඇවිස්‌සෙන සුළු විය හැකිය. පිටත සිටින ප්‍රතිගාමී බලවේග ආණ්‌ඩුව භේද කර දැක්‌වීමට ක්‍රියාකරන බවට දැනටමත් සමහරු කියති. 2015 ජනවාරි 08 වැනිදා ඇතිවූ යහපාලනය අගෝස්‌තු 17 වැනිදා යළිත් තහවුරු කර රට නව දිශානතියකට යොමුකර තිබෙන බවද කියති.

එක්‌සත් ජාතීන්ගේ සංවිධානයේ මහ ලේකම්වරයාත් ඒ කතාව කියා තිබේ. මෛත්‍රී ජනාධිපතිවරයා අද ලෝක නායකයන්ගේ හොඳ හිත දිනාගෙන සිටින බවත්, ඔහු මැනවින් මේ රට මෙහෙයවන බවත් කියා තිබේ. ජාත්‍යන්තරය දිනා ගැනීමට මෛත්‍රී ජනාධිපතිවරයාට හැකිවීම ගැන අප විසින්ද සඳහන් කරන ලද කරුණකි. එපමණක්‌ නොව විධායක ජනාධිපති ධුරය වෙනස්‌ කිරීම වැනි සාධනීය දේවල් ඔහු දැතම ඔසවා අනුමත කරන බවද රටම දනී. එහෙත් ප්‍රශ්නය වන්නේ මේ ගමන යැමට ඔහු සමඟ එක්‌ව සිටින පිරිස කුළල්කා ගැනීමය.

1956 බණ්‌ඩාරනායක අගමැතිවරයාටද ආණ්‌ඩුව ඇතුලේ අර්බුදවලට මැදිහත්වීමට සිදුවිය. එයට තුඩුදුන්නේ එදා ඉදිරිපත් වූ කුඹුරු පනතය. බණ්‌ඩාරනායක රජය පිහිටුවා ජනතාවාදී පිළිවෙතකට ආණ්‌ඩුව මාරුවෙන විට එදා ප්‍රතිගාමීත්වයද එතනට කිට්‌ටු වී ඇත. බණ්‌ඩාරනායක ආණ්‌ඩුව පෙරළා දැමීමට ඇමැතිවරුන් කීප දෙනෙකු සමඟ ප්‍රකට භික්‍ෂුවක්‌ද එක්‌වූ බව කියති. ඒ එකල එකී භික්‍ෂුවගේ සහෝදරයකුට අයත්ව තිබුණු “ෂිපිං ලයින් සමාගම” ක්‌ මුල් කරගත් ප්‍රශ්නයකි. නැව් කොන්ත්‍රාත්තුවක්‌ පිළිබඳ ප්‍රශ්නයක්‌ද මතු වූ විට අගමැතිවරයා එයට විරුද්ධවීම නිසා ඔහුට ජීවිතයෙන් වන්දි ගෙවීමටද සිදුවූ අයුරු දේශපාලන ඉතිහාසයේ එයි.

ඇවන්ගාඩ් සිද්ධියේත් නැව් ගැන සඳහන් වුවත් මෙය එතරම් බරපතළ එකක්‌ ලෙස හැඳින්වීමට අවශ්‍යයද නැත. එහෙත් මේ සිද්ධිය දැනට ගොස්‌ තිබෙන දුර ඕනෑවටත් වඩා වැඩි බව අපට පෙනේ. එය පිළිබඳ පරීක්‍ෂණයක්‌ පවත්වා රටට තොරතුරු හෙළි කිරීමත් මේ ඇමැතිවරුන්ගේ ගහගැනිල්ල නතර කිරීමත් ආණ්‌ඩුවේ ශරීර සෞඛ්‍යයට හොඳ බව අපට හැඟෙන දෙයයි.

1956 දී බණ්‌ඩාරනායක අගමැතිවරයාට අවශ්‍ය වූයේ මහජන එක්‌සත් පෙරමුණ සමඟ සමගියෙන් ක්‍රියාකර ජනතාවගේ ප්‍රාර්ථනා ඉටුකිරීමටය. රටේ දැවෙන ප්‍රශ්න විසඳීමටය. 2015 දී මෛත්‍රීපාල සිරිසේනට අවශ්‍ය වූයේත් ඒ දෙයම කිරීමටය. හැබැයි මෛත්‍රී එක්‌වූයේ එජාපයටය. එය එක්‌ අතකින් ඔහුගේ දේශපාලන ප්‍රතිවාදියෙකි. එහෙත් මෛත්‍රී සමඟ එක්‌වන එජාපයට නායකත්වය දුන්නේ රනිල්ය. රනිල්ට අවශ්‍ය වූයේත් රාජපක්‍ෂ යුගය අවසන් කර රටට අලුත් වෙනසක්‌ කිරීමටය.

එජාපය සමඟ ශ්‍රීලනිපය එක්‌වීම මේ දෙපක්‍ෂයේම සමහරුන්ට දිරවා ගැනීමට අසීරු වී තිබෙන බවද ඇත්තය. සමහරු මේ ආණ්‌ඩුව තුළ සිටින්නේද නානාප්‍රකාර නෝක්‌කාඩු කතා කියමින්ය. ශ්‍රීලනිප ඇමැතිවරුන්ගෙන් තම පාක්‍ෂිකයන්ට මදිපුංචිකම් සිදුවන බව ඔවුහු කියති. එජාප ඇමැතිවරුන් නිසා තමන්ට වැඩක්‌ කිරීමට බැරිවී තිබෙන බව ශ්‍රීලනිප යේ චෝදනාවකි. මේ මොන ගැටුම්, ජරමර තිබුණත් මෛත්‍රී හා රනිල් නොසැලී සිටිති. එහෙත් මෛත්‍රීට, රනිල්ට නැති ඔලුවේ කැක්‌කුම් කීපයක්‌ම තිබේ.

හිටපු ජනාධිපති මහින්ද රාජපක්‍ෂත්, හිටපු ජනාධිපතිනි චන්ද්‍රිකා කුමාරතුංගත් සමඟ ශ්‍රීලනිපය සමබරව මෙහෙයවීම ද ඔහුට ප්‍රශ්නයකි. කවුරුත් දන්නා පරිදි අද ශ්‍රීලනිපය ද පිල් දෙකකට නාමිකව හෝ වෙන්ව තිබේ. මෛත්‍රී පිල හා මහින්ද පිල ලෙස තිබෙන මේ බෙදීම ගණන් නොගන්නා අයද සිටිති. එහෙත් මහින්ද සමඟ සිටින සුළු පක්‍ෂ කීපයක නායකයෝද මහින්ද වට කරගෙන සිටිති. මහින්ද අත නොහැර ඔහු සමඟ යන සැලකිය යුතු පිරිසක්‌ද සිටිති.

තමා කිසිදිනක ශ්‍රීලනිපය අත්හැර නොයන බව මහින්ද කියයි. මෛත්‍රී සමඟ ශ්‍රීලනිපය ප්‍රතිසංවිධානය කරන බවත් මහින්දත් ඒ ගමනට එක්‌ කර ගන්නා බවත් ශ්‍රීලනිපයේ ප්‍රබලයෝ කියති. ළඟ එන පළාත් පාලන සටනේදී ඒකාබද්ධ විපක්‍ෂයක්‌ නිර්මාණය වන බවක්‌ද පෙනේ. මේ ඒකාබද්ධ විපක්‍ෂය යනු මෛත්‍රීගේ නායකත්වය නොපිළිගන්නා අය බව සැඟවිය නොහැක. මෛත්‍රී ජනාධිපතිවරයාද මේ දේශපාලන විරසකය හොඳින් දනී. ඔහු කරන්නේත් මහින්ද වගේම කාලය මැනීමකි. එහෙමත් නැත්නම් හොර ගල් ඇහිලීමකි.

ශ්‍රීලනිප නායකයා වන මෛත්‍රී සන්ධානයේද නායකයාය. හංසයාගෙන් තරග කර ජයගත් මෛත්‍රී යළිත් පක්‍ෂය මෙහෙය විය යුත්තේ බුලත් කොළයෙන් හෝ “අත” ලකුණින්ය. රනිල්ට නම් පසුගිය මැතිවරණය වෙද්දී සිය පක්‍ෂයේ ලකුණ වන “අලියා” ගෙන්ම තරග කළ හැකි විය. පක්‍ෂයේ අය පමණක්‌ නොව මහින්දගේ ආණ්‌ඩුවේ ඇමැතිකම් කළ රාජිත, චම්පික, අර්ජුන වැනි අයද “අලියා” ලකුණෙන් ජයග්‍රහණය කරවීමට රනිල්ට හැකිවිය.

මෛත්‍රී, රනිල් සමඟ එක්‌වී ජනාධිපති වූවා පමණක්‌ නොව රනිල්ලා හැදූ විධායක ජනාධිපති ධුරය වෙනස්‌ කිරීමටද එජාපය නම්මවා ගැනීම ජයග්‍රහණයකි. එය රනිල්ගේ දේශපාලන විචක්‍ෂණභාවය නිසාත් රටේ ජනමතයට ගරු කිරීමට ඔහු සූදානම් වන නිසාත් ලද ජයග්‍රහණයක්‌ද වේ. විධායක ක්‍රමය සමඟ මනාප ක්‍රමයද වෙනස්‌ වීම නිසැකයෙන්ම අලුත් දේශපාලන සංස්‌කෘතියකට පදනමක්‌ දැමීමකි.

මේ දේශපාලන ප්‍රතිසංස්‌කරණය ප්‍රාර්ථනා කළා වූද ඒ වෙනුවෙන් පුරෝගාමී මෙහෙවරක්‌ ඉටුකළා වූද මාදුළුවාවේ සෝභිත හිමියෝද දැන් අපවත් වී සිටිති. උන්වහන්සේගේ දෙනෙත් පියවී ගියේ මේ දේශපාලන ක්‍රමය දැක දැක ඇතිවූ කනස්‌සල්ලත් සමඟ බවද කියති. ඒ මතය ජනතාව තුළට කාවැදෙන්නට කලින් මෛත්‍රී ජනාධිපතිවරයා ජනතාවට ප්‍රතිඥවක්‌ දුන්නේය. ඒ ප්‍රතිඥව දුන්නේ එසේ මෙසේ තැනක නොව පාර්ලිමේන්තුව පෙනෙන තෙක්‌මානයේ සිට සෝභිත නාහිමියන්ගේ ආදාහන පූජා උත්සවය සිදුකළ පාර්ලිමේන්තු ක්‍රීඩාංගණයේ සිටය.

දැන් ඒ ප්‍රතිඥව ඉටු කිරීමටද පියවර ගෙන තිබේ. හැමදාමත් සුළඟේ ගසා ගෙන ගිය ඒ කඩවුණු පොරොන්දුව යථාර්ථයක්‌ බවට පත් කිරීමට මෛත්‍රී ජනාධිපතිවරයාට ශක්‌තියක්‌ තිබීම ගැන ඔහුට ප්‍රශංසා කළ යුතුය. මේ ආඥදායක විධායක ජනාධිපති ක්‍රමයත් දූෂිත මනාප ඡන්ද ක්‍රමයත් වෙනස්‌ කරන මෛත්‍රීපාල සිsරිසේන ජනාධිපතිවරයාට ඉතිහාසයේ ගෞරවය ද හිමිවනු ඇත. රට ත්‍රස්‌තවාදයෙන් මුදාගත් ශ්‍රීලනිප නායකයා ලෙස මහින්ද රාජපක්‍ෂ ඉතිහාසයට එකතු වෙද්දී රට අගාධයට ඇද දැමූ හැත්තෑ අටේ ව්‍යවස්‌ථාවත් ඒ හා බැඳුණු මනාප ක්‍රමයත් වෙනස්‌ කළ ශ්‍රීලනිප නායකයා ලෙස මෛත්‍රීපාල සිරිසේනටද ගෞරවය හිමිවනු ඇත. එයට දායකත්වය දෙන රනිල් වික්‍රමසිංහටද ඒ ඉතිහාසය තුළ කීර්ති නාමයක්‌ අත්වනු වැළැක්‌විය නොහැක.

ආණ්‌ඩුව මෙසේ අලුත් ගමනකට සූදානම් වූවද මේ ආණ්‌ඩුව දැන් පරණ ආණ්‌ඩුවම ගිය පාරේ යන බව ජ.වි.පෙ. පමණක්‌ නොව ආණ්‌ඩුවේ මිතුරන් වන සිsවිල් සංවිධාන ද චෝදනා කරයි. ඊට අමතරව ත්‍රස්‌තවාදය වැළැක්‌වීමේ පනත යටතේ අත්අඩංගුවට ගත් එල්.ටී.ටී.ඊ. සැකකරුවන් නිදහස්‌ කරන ලෙසද ඉල්ලීමක්‌ ඇත. ආණ්‌ඩුව දැනටමත් මේ අයගෙන් පිරිසක්‌ ඇප මත මුදාහැර තිබේ.

මෙය ඉතා සංවේදී ප්‍රශ්නයකි. වසර ගණනක්‌ චෝදනා හෝ නඩු නැතිව හිර ගෙවල්වල සිටීමට ඒ බොහෝ සැකකරුවන්ට සිදුවී තිබේ. එයට ආණ්‌ඩුව වගකිව යුතුය. උතුරේ යුද්ධය අවසන් වී කලක්‌ ගතවී තිබියදීත් ආණ්‌ඩුව ඔවුන්ට යුක්‌තියක්‌ ඉටුකළ යුතුව තිබුණි. ප්‍රභාකරන් මිය යැමත් සමඟ ඒ ව්‍යාපාරය ඉඳුරා අවසන් වී ඇතැයි හෝ යළි කිසි දිනක එවැන්නක්‌ සිදු නොවේ යෑයි ස්‌ථිරව කිව හැක්‌කේ කාටද? දේශ පාලන අංජනම්කාරයෝ නම් එබඳු දේවල් දකිති. එහෙත් මෙබඳු ප්‍රශ්න හදවතින්ම නොව බුද්ධියෙන්ම විස¹ ගත යුතුවේ.

උතුරේ මානව හිමිකම් කඩවීම දූෂණ සිදුවීම යනාදිය පිළිබඳ විමසා බැලීමට ආණ්‌ඩුව බැඳි සිටියි. එසේම කිසිදු චෝදනාවක්‌ නැතිව හිරගෙවල්වල ජීවිත ගෙවීමට සිදුවීමද මොන අතින් බැලුවත් වරදකි. ඒ අයට නීති ප්‍රකාර ක්‍රියා කිරීමෙන් පසු පොදු සමාවක්‌ දීමද වැරදි නැත. ජාතික නිදහස්‌ අරගල යනු විවිධ අය විසින් විවිධ ලෙස අර්ථකථනය කරනු ලබන්නකි. අප්‍රිකානු ජාතික කොංග්‍රසය හෝ පලස්‌තීන විමුක්‌ති සංවිධානයට වුවද ආණ්‌ඩුවල විරෝධය එල්ල වූ බව කවුරුත් දනිති. එහෙත් එල්.ටී.ටී.ඊ. ය ඒ වර්ගයේ විමුක්‌ති සටනක්‌ දියත් කළ බව කීම සාධාරණද?

71 කැරැල්ල සම්බන්ධයෙන් වුවද මේ රටේ ආණ්‌ඩුව දැක්‌වූ ප්‍රතිචාර අපට මතකය. එහි නායකයන් අධිකරණයටද පමුණුවා නඩුවක්‌ද විභාග කර දඬුවම් ලබා දුන්නේය. පසුව ඔවුන්ට නිදහස ලැබුණි. එසේම අද ඒ ව්‍යාපාරය ප්‍රජාතන්ත්‍රවාදී ප්‍රවාහයකට එක්‌ව සිටියි. එහෙත් එල්.ටී.ටී.ඊ. සංවිධානය පිළිබඳ යථාර්ථය කුමක්‌ද?

ජාත්‍යන්තර තලයේ අදටත් ඊළාම් ව්‍යාපාරය සඳහා කැපවූවෝ සිටිති. ජාතික සංහිඳියාව තුළින් රට එක්‌සත් කිරීමට ආණ්‌ඩුව කැපවිය යුතු අතරම ඒ පිළිබඳ දෙමළ ජනතාවගේ විශ්වාසයද හිමිවිය යුතුය. දෙමළ ජනතාවගේ හදවතට දැනෙන නිදහසක්‌ ලැබෙනතුරු ඔවුහු හරි හෝ වැරදි හෝ විමුක්‌තියේ නාමයෙන් කෙරෙන ඕනෑම ප්‍රචණ්‌ඩ ක්‍රියාවකට එක්‌වෙති. එනිසා මේ පුළුල් ජාතික සමගිය සඳහා සිංහල, දෙමළ මෙන්ම මුස්‌ලිම් නායකයෝද එක්‌විය යුතු වෙති.

සිංහල අන්තවාදය මෙන්ම දෙමළ අන්තවාදය ද එකම කාසියේ දෙපැත්තකි. එයින් යෑපෙන දේශපාලනයක්‌ කවුරුන් විසින් කරනු ලැබුවත් එය ජාතික විපතක්‌ බව කිව යුතුය. වර්ගවාදය ඇවිලී ගලා ගිය ලේ ගංගා තවමත් උතුරේත් දකුණේත් සපුරා වියළී නැත. එනිසා රට යළිත් එතනට තල්ලු කළ යුතුද නැත. එහෙත් මානව හිමිකම්, ප්‍රජාතන්ත්‍රවාදය වැනි වෙස්‌ බැඳගත් වෘකයන්ගෙන්ද ප්‍රවේශම් විය යුතුය. ඔවුහු න්‍යාය පෙන්වති. තර්ක කඳු ගසති. එහෙත් උත්තරය ඒ තරම් සරල නැත.

දේශපාලනය යනු බලය කේන්ද්‍ර කර ගත් ව්‍යාපාරයකි. එය ඇතැම් විට ප්‍රකාශිත ප්‍රජාතන්ත්‍රවාදයකට සීමා වන්නටද බැරි නැත. අපේ රටේ තිබෙන ඡන්ද ක්‍රමය ප්‍රජාතන්ත්‍රවාදී යෑයි කිව හැකිද? දේශපාලනය සඳහා තරගවදින සියල්ලෝම සර්වප්‍රකාරයෙන්ම යහපත් අය වෙතැයි කිව හැකිද? එහෙත් මේ එකක්‌වත් වෙනස්‌ කර ගැනීමේ අවංක වුවමනාවක්‌ තිබුණේ කාටද?

අද දේශපාලනය යනු පවුලම, හතර වර්ගයම ගොඩදාගන්නා කප් රුකක්‌ නොවේද? මේ වන විට දිනුම් පැරදුම් කුමක්‌ වුවත් මහජන මතය කුමක්‌ වුවත් මැතිකම්, ඇමතිකම් ලබාගත හැකි මට්‌ටමට දේශපාලනය ගරා වැටී නැද්ද? ඥති සංග්‍රහ, පවුල්වාද අනුමත කරන පිළිවෙතක්‌ නැද්ද? නීතිය, යුක්‌තිය, සත්‍යය, ප්‍රජාතන්ත්‍රවාදය යන සියල්ල බලය නැති වූ විට පමණි. විපක්‍ෂයේ ඉඳගෙන විවේචනය කරන වරද ආණ්‌ඩුවට ගිය විට අමතකය. දේශපාලනයේදී ක්‍රියාත්මක වන එකම න්‍යාය ගොරකා දඩමස්‌ කිරීම හා දඩමස්‌ ගොරකා කිරීමේ න්‍යාය හැර අන් කුමක්‌ද?

දෙමළ ජනතාවට සාධාරණ ප්‍රශ්න තිබෙන බව කියන කිසිම නායකයෙක්‌ ඒවාට විසඳුමක්‌ දීමට කැපවී තිබේද? ප්‍රශ්නවලට විසඳුම් දීම වෙනුවට ප්‍රශ්නවල කොටස්‌ තමන්ට වුවමනා ලෙස විසඳීමට බොහෝ විට ක්‍රියාකිරීම නිසා අද වන විට රටම අවුල් ජාලයක්‌ වී තිබේ. ස්‌වාධීන කොමිසන් පිහිටුවීමද අද විවාදාත්මක දෙයකි. අර්බුදවලින් ගොඩ ඒම වෙනුවට අර්බුදවල පතුලට වැටීම අද සාමාන්‍ය දෙයකි. එහෙත් බලය භුක්‌ති විඳීමට තිබෙන තෘෂ්ණාව නිසා දේශපාලනයද සංසාරයටත් වඩා බිහිසුණු එකක්‌ වී තිබේ.

ගාමිණී සුමනසේකර

 

පාර්ලිමේන්තු ඝෝෂාව මැද රනිල්ගෙන් මහින්දට ‘භක්‌තියක්‌’

පාර්ලිමේන්තු ඝෝෂාව මැද රනිල්ගෙන් මහින්දට ‘භක්‌තියක්‌’

අජිත් අලහකෝන් – කුෂාන් සුබසිංහ

සත්‍ය සෙවීමේ දේශීය යාන්ත්‍රණයට ජාත්‍යන්තර අත්දැකීම් ඇති විනිශ්චයකාරවරයකු ශ්‍රී ලංකාවට ලබාදෙන ලෙස මහින්ද රාජපක්‍ෂ මහතා ජනාධිපතිවරයා ලෙස 2014 දී ජපානයෙන් කර ඇති ඉල්ලීම පිළිබඳව තමා හිටපු ජනාධිපතිට ප්‍රශංසා කරන බව අගමැති රනිල් වික්‍රමසිංහ මහතා ඊයේ (20 දා) පාර්ලිමේන්තුවේදී පැවසීය. මෙහිදී විපක්‍ෂය ඝෝෂා කරන්නට වීම නිසා ‘ඇයි ඔබතුමාලා හිටපු ජනාධිපතිට ප්‍රශංසා කරනවාට කැමති නැද්දැයි’ අගමැතිවරයා විමසා සිටියේය.

හිටපු ජනාධිපතිවරයා 2014 වසරේදී ජාත්‍යන්තර අත්දැකීම් ඇති විනිශ්චයකාරවරයකුගේ සේවය ශ්‍රී ලංකාවට ලබාදෙන ලෙස ජපානයෙන් ඉල්ලීමක්‌ කර ඇතැයි ද ඒ අනුව මොටෝ නගුචි මහතා නම්කර ඇති බව ද කී අගමැතිවරයා 2014 ඔක්‌තෝබර් මාසයේදී ඒ මහතා ශ්‍රී ලංකාවේ සංචාරයකට යොමුකළ බව තමන්ට ජපාන අගමැතිවරයා කී බව ද ප්‍රකාශ කළේය.

නගුචි මහතා කාම්බෝජයේ පිහිටුවූ විශේෂ අධිකරණයට සම්බන්ධව කටයුතු කර අත්දැකීම් ලත් අයකු නිසා ඔහුගේ සේවය අඛණ්‌ඩව ලබාගැනීම සුදුසු බව ද ජපාන අගමැතිවරයා අවධාරණය කළ බැව් අගමැති රනිල් වික්‍රමසිංහ මහතා කීය.

හිමිකම් කවුන්සිලයේ සම්මත කරගත් යෝජනාවට සම අනුග්‍රාහකත්වය දැක්‌වීම පිළිබඳ ජපාන අගමැතිවරයා සිය ප්‍රශංසාව පළ කළ බව ද ඒ අනුව සත්‍ය සෙවීමේ දේශීය යාන්ත්‍රණයක්‌ සඳහා ජපානයේ උපරිම සහාය ලබාදෙන බව ඔවුන් ප්‍රකාශ කළ බව ද අගමැති රනිල් වික්‍රමසිංහ මහතා කීවේය.

තම ජපන් සංචාරයේ ප්‍රගතිය පිළිබඳ පාර්ලිමේන්තුව දැනුවත් කරමින් අගමැතිවරයා ඉහත ප්‍රකාශය කළේය.

මහින්ද ජනාධිපති කොමිසමට කැඳවීමෙන් මැතිනියගේ ප්‍රජා අයිතිය අහෝසි කිරීම සිහිවෙනවා

මහින්ද ජනාධිපති කොමිසමට කැඳවීමෙන්
මැතිනියගේ ප්‍රජා අයිතිය අහෝසි කිරීම සිහිවෙනවා

මහාචාර්ය ජී. එල්. පීරිස්‌

ජයසූරිය උඩුකුඹුර

හිටපු ජනාධිපති මහින්ද රාජපක්‍ෂ මහතා විශේෂ ජනාධිපති කොමිසමක්‌ ඉදිරියට කැඳවීමෙන් හිටපු අගමැතිනි සිරිමාවෝ බණ්‌ඩාරනායක මැතිනියගේ ප්‍රජා අයිතිය අහෝසි කිරීම සිහිගන්වන බව මහාචාර්ය ජී. එල්. පීරිස්‌ මහතා පවසයි.

මැතිනියගේ ප්‍රජා අයිතිය අහෝසි කළේ 1980 ඔක්‌තෝබර් 16 දා. මහින්ද මහතා විශේෂ ජනාධිපති කොමිසමට කැඳවන්නේ ඊට වසර 25 කට පස 2015 ඔක්‌තෝබර් 16 දිනයදා. මේ විශේෂ කොමිසම්වල කාර්යභාරය හා තීරණ අභියෝගයට ලක්‌ කර ඉහළ අධිකරණයකට යන්න පුළුවන්. සිරිමාවෝ මැතිනියත් එදා කොමිසම දුන් තීන්දු අභියෝගයට ලක්‌ කරලා අභියාචනාධිකරණයට ගියා.

අභියාචනාධිකරණයෙන් ඇයට සහන රැසක්‌ ලැබුණා. නමුත් පාර්ලිමේන්තු පනතකින් ඒ සහන අහෝසි කරලා ඇගේ ප්‍රජා අයිතිය අහෝසි කළා.

වත්මන් රජය හිටපු ජනාධිපති මහින්ද රාජපක්‍ෂ මහතාගේ ඉදිරි දේශපාලන කටයුතු නවත්වාලීමට ඡේ. ආර්. ජයවර්ධන ජනාධිපතිවරයා සිරිමාවෝ මැතිනිය සම්බන්ධයෙන් අනුගමන කළ ක්‍රියා පිළිවෙත ආදර්ශයට ගෙන ක්‍රියා කරන්නේ ද යන්න පිළිබඳව රටේ බුද්ධිමත් ජනතාවට සැකයක්‌ මතු වී තිබෙන බව ද මහාචාර්ය පීරිස්‌ මහතා සඳහන් කළේය.

මහින්දගේ නීතිඥයින්ගේ විරෝධතාවෙන් ජනාධිපති කොමිසම ඊයේ නොවේ අද

මහින්දගේ නීතිඥයින්ගේ විරෝධතාවෙන්
ජනාධිපති කොමිසම ඊයේ නොවේ අද

ජයසූරිය උඩුකුඹුර

හිටපු ජනාධිපති මහින්ද රාජපක්‍ෂ මහතා ඊයේ ජනාධිපති විමර්ශන කොමිසම වෙත පැමිණීමෙන් පසු යළි පිටව ගිය අයුරු. ඡායාරූපය – සුජාතා ජයරත්න

රුපියල් ලක්‍ෂ 1150 ක මූල්‍ය අක්‍රමිකතාවක්‌ සම්බන්ධව සාක්‍ෂි දීමට මහා පරිමාණ මූල්‍ය වංචා ජනාධිපති විමර්ශන කොමිසම හමුවට ඊයේ (15 වැනිදා) හිටපු ජනාධිපති මහින්ද රාජපක්‍ෂ මහතා පැමිණි මොහොතේ ඒ මහතා වෙනුවෙන් පෙනී සිටි නීතිඥවරුන් විසින් කොමිසමේ නිත්‍යානුකූල භාවය පිළිබඳව ඉදිරිපත් කළ මූලික විරෝධතා හේතුවෙන් කොමිසම අද (16 වැනිදා) පෙරවරු 9.00 දක්‌වා අත්හිටුවීමට එහි සභාපති කොළඹ මහාධිකරණ විනිසුරු ප්‍රීති පද්මන් සූරසේන මහතා තීරණය කළේය.

හිටපු ජනාධිපති මහින්ද රාජපක්‍ෂ මහතාගේ ප්‍රකාශයක්‌ සටහන් කර ගැනීම සඳහා ඊයේ (15) පෙරවරු 9.00 ට ජනාධිපති දූෂණ විමර්ශන කොමිසම රැස්‌විය. එම අවස්‌ථාවේ මහින්ද රාජපක්‍ෂ මහතාගේ නීතිඥ ජනාධිපති නීතිඥ ගාමිණී මාරපන මහතා නීති තර්ක ඉදිරිපත් කරමින් මෙම කොමිසම නිත්‍යානුකූල නොවන බව ප්‍රකාශ කිරීම නිසා සාක්‍ෂි විභාග නොකර ඉදිරිපත් වූ නීති තර්ක අධ්‍යයනය කර නීන්දුව ප්‍රකාශයට පත් කිරීම සඳහා අද පෙරවරු 9.00 ට කොමිසම නැවත රැස්‌වීමට තීරණය කෙරිණි.

පසුගිය ජනාධිපතිවරණයේ දී ස්‌වාධීන රූපවාහිනි සේවයේ දැන්වීම් පළ කර ඊට අදාළ මුදල් නොගෙවීම සම්බන්ධයෙන් සාක්‍ෂි සටහන් කර ගැනීම සඳහා හිටපු ජනාධිපති මහින්ද රාජපක්‍ෂ මහතා ඊයේ කොමිසම හමුවට කැඳවා තිබුණි. එහිදී මූලික විරෝධතා ගොනු කරමින් ජනාධිපති නීතිඥ ගාමිණී මාරපන මහතා ප්‍රධාන කරුණු හතරක්‌ යටතේ කොමිෂම ඉදිරියේ කරුණු ගොනු කළේය.

පළමුවැන්න දැනට රාජකාරියේ යෙදී සිටින මහාධිකරණ විනිසුරුවරුන් මෙවන් කොමිසමකට පත් කිරීම සඳහා නෛතික ප්‍රතිපාදන නොමැති බැවින් ජනාධිපතිවරයාට මෙම පත් කිරීම් සඳහා ලිත බලයක්‌ නොමැති බව.

දෙවැන්න ව්‍යවස්‌ථාවට අනුව විධායකයේ හා අධිකරණ යන ආයතන දෙකම ස්‌වාධීන ආයතන බැවින් විධායකයේ අවශ්‍යතාව පරිදි විමර්ශන කටයුතු සඳහා නිලධාරීන් අධිකරණයට යොදා ගැනීමට නෛතික ප්‍රතිපාදන නොමැති බව.

තෙවැන්න ස්‌වභාවික යුක්‌ති ධර්මය අනුවත් තමන්ගේ නඩුවක්‌ විභාගයට තමන්ටම විනිසුරුවරුන් පත් කළ නොහැකි බව මෙම පැමිණිල්ල අනුව අගතියට පත් පාර්ශවය ලෙස මෛත්‍රීපාල සිරිසේන ජනාධිපතිවරයා නම් කර ඇති බැවින් ඔහුට සිදු වූ අගතිය විමසීමට ඔහු විසින්ම “මාගේ කොමසාරිස්‌වරු” ලෙස හඳුන්වමින් කොමසාරිස්‌වරු පත් කිරීම නිසා යුක්‌තිය ඉටු වනවා පමණක්‌ නොව යුක්‌තිය ඉටු වීම විනිවිද දැකීම සැක මතු කරන බව.

හතර වැන්න මූලික පොලිස්‌ විමර්ශනවලට අනුව මෙම පැමිණිල්ල සම්බන්ධයෙන් හිටපු ජනාධිපති මහින්ද රාජපක්‍ෂ මහතා වරදක්‌ කර නොමැති බව පොලිස්‌ වාර්තා සඳහන් කර තිබියදී ඔහු මෙම කොමිසම හමුවට කැඳවීම යුක්‌තිසහගත නොවන බව.

මෙම කරුණු ඉදිරිපත් කිරීමෙන් පසුව කොමිෂම ඉදිරියේ කරුණු දැක්‌ වූ රජයේ ජ්‍යෙෂ්ඨ අධිනීතිඥ ජනක බණ්‌ඩාර මහතා සඳහන් කළේ විත්තිය ඉදිරිපත් කළ නීති තර්ක පිළිගත නොහැකි බවයි. අගවිනිසුරු, නීතිපති, පොලිස්‌පති ආදී ප්‍රධාන තනතුරු සියල්ල සඳහා පුද්ගලයින් පත් කරනු ලබන්නේ ජනාධිපතිවරයා බැවින් මෙම තර්කයට අනුව කිසිදු පැමිණිල්ලක්‌a විභාග කිරීමට නොහැකිවනු ඇති බවයි.

ජනාධිපති නීතිඥ ගාමිණී මාරපන මහතා සඳහන් කළේ මෙවැනි කොමිෂමකට දැනට රාජකාරීයේ යෙදී සිටින මහාධිකරණ විනිසුරුවන් පත් කිරීමට ජනාධිපතිවරයාට ලිත බලයක්‌ නොමැති බව තමන් අවධාරණය කරන බවයි.

ඉදිරිපත් වූ කරුණු සලකා බැලූ කොමිෂම ඒ පිළිබඳ තීන්දුව ප්‍රකාශයට පත් කිරීම සඳහා කොමිෂමේ කටයුතු විනාඩි 20 කට අත් හිටුවන බව දැන්වීය. අනතුරුව රැස්‌ වූ කොමිෂම ඉදිරිපත් වූ නීති තර්ක සම්බන්ධයෙන් අධ්‍යයනය කිරීම සඳහා කාලය අවශ්‍ය වී ඇති බැවින් අද (16 දා) පෙ.ව. 9.00 ට නැවත කොමිෂම රැස්‌වන බවත් එතෙක්‌ කොමිෂමේ කටයුතු අත්හිටු වන බවත් කොමිෂමේ සභාපති මහාධිකරණ විනිසුරු ප්‍රීති පද්මන් සූරසේන මහතා දැන්වීය. එමෙන්ම ප්‍රකාශයට පත් කිරීමට නියමිත තීන්දුවට අනුකූලව සාක්‍ෂි විභාග කිරීම සඳහා සක්‍ෂිකරුවන් නම් කර ගැනීමටද යෝජනා කළ අතර ඒ අනුව 16 වැනිදා සාක්‍ෂි ලබා ගැනීමට අමාත්‍ය සුසිල් ප්‍රේම ජයන්ත මහතා කැඳවන බව රජයේ ජ්‍යෙෂ්ඨ අධිනීතිඥ ජනක බණ්‌ඩාර මහතා පැවසීය.

රජය වෙනුවෙන් ජ්‍යෙෂ්ඨ අධිනිතීඥ ජනක බණ්‌ඩාර මහතා සමග ජ්‍යෙෂ්ඨ අධිනීතිඥ සුදර්ශන ද සිල්වා මහතා පෙනී සිටි අතර විත්තිකාර පාර්ශවය වෙනුවෙන් ජනාධිපති නීතිඥ ගාමිණී මාරපන ජනාධිපති නීතිඥ ජයන්ත වීරසිංහ, ජනාධිපති නීතිඥ දයාරත්න, නීතිඥ ගනේෂ් යන මහත්වරු ධර්මවර්ධන, නීතිඥ නවීන් මාරපන ප්‍රමුඛ නීතිඥයන් 40 කට අධික පිරිසක්‌ සහභාගී වී සිටියහ.

සැමදා නියං එකදා වැහි වළාවේ

සැමදා නියං එකදා වැහි වළාවේ
Posted on October 15th, 2015

  චන්ද්‍රසේන පණ්ඩිතගේ විසිනි.

වසර තිස් තුනක් පුරා පැවති  කුරිරු යුද්ධය, ඔද තෙද ගුණ බලැති  නායකයෙකුට නිම කිරීමට ගතවූයේ වසර 4ක් වැනි කෙටි කාලයකි. මේ යුද්ධය මෙරට ස්ථාපිත කිරීමට, බටහිර බලවතුන් හා ඉන්දියාව, විශාල ධනස්කන්ධයක් යෙදවූහ. එමෙන්ම වසර  40ක පමණ කාලයක්ද මිඩංගු කලහ. ඒ වැය කල ධනය හා ගොඩනැංවූ ත්රස්තවාදී බලමුළු සියල්ලක්ම අකුණු ගසමින් ඇද හැලෙන මහා වරුෂාවක් මෙන්වූ සංග්රාමශීලිත්වයේ බලයෙන් කඩා හැලුණේ කිසිවෙකු නොසිතූ අයුරිණි.

සටන මෙහෙය වූ රාජ්ය නායකත්වය හා සංග්රාමයේ  පෙරමුණු බල ඇණියන් මෙහෙයවූ සෙනෙවිවරුන් මහා විශාල වරදක් කර ඇති බව වැටහුණි. ඒ මුලු මහත් ලෝකයටම සාමය බෙදා දීමට ගොඩනැංවූ එක්සත් ජාතීන්ගේ‌ සංවිධානයටය. යුද්ධය මහා විනාශයක්ය; එයට යලි ඉස්මතු  නොවීම සදහා කටයුතු කරන්නට ගොඩනැංවූ ලෝක සංවිධානයට, යුද්ධය නිම කිරීම යුධ අපරාධයක්සේ දැනෙන්නට විය. රට පෙලූ‌ූ කුරිරු යුද්ධය නිම කිරීමේ වරද, ක්රම ක්රමයෙන් ඉස්මතු වන්නට විය. රටේ ලක්ෂ 62ක් ජනතාව, සෘජුවම, යුද්ධය නිමකල රණ විරුවන්ට හා‌ දේශපාලන නායකත්වයට එරෙහිව නැගී සිටියහ. කොටි හිතවාදීන් හා අත්වැල් බැද ගත්හ. කොටි හිතවාදිත්වයට රටේ බලය ලබා දුන්හ.

කොටි වනසපු බලය, බලය අයුතු ලෙස යොදවා ගැනීමක් බවට පත්විය. යුධ විරුවන් මහා අපරාධ කරුවන් බවට පත් කොට මරණ දඩුවම්ද ලබාදෙන තත්වයට ජාතික අධිකරණ පද්ඩතිය බලවත් විය. ගම්මාන පිටින් මිනිසුන් හා දරුවන් කපා කොටා සමූහ ඝාතන කල කොටි ඝාතකයින් නිදහස් කල යුතු දේශපාලන සිරකරුවන් බවට දේශපාලන ආරෝපිතයකින් දවටා ලන ලදී.  එක්සත් ජාතීන්ගේ සංවිධානයට හා එහි මානව හිමිකම් කොමසාරිස්ට යුධ විරුවන්ගේ රුධිරයේ සා පිපාසය තදින්ම දැනෙන්නට විය. යුධ විරුවන්ව නීතිමය පදනමකින් මරාදමා, ඒ පිපාසය සංසිදවා ගැනීම ඔවුනගේ අරමුණ විය. ඒ සදහා ජීනිවා වන්දනාවේ පිරිස් එහාට මෙහාට පියාසර කරන්නට විය. 2015 වේ සැප්තැම්බර් මස 30 වෙනිදා, ජීනිවා මානව හිමිකම් කවුන්සලයේදී, යෝජනාවක් සම්මත කොට, දඩුවම්දීම් දීමේ කාර්යය අරඹන බව ප්රකාශ කරන ලදී.

ඒ කියන ලද දිනයේදී එවැන්නක් ජීනිවා කවුන්සලයේ සම්මත නොවිණි. නමුත් හරියටම ඒ කියන ලද දිනයේදී රුසියානු පාර්ලිමේන්තුවේ පනතක් සම්මත විය. ඒ සම්මත කර ගන්නා ලද පනතට අනුව රුසියානු හමුදාවට රටින් බැහැරව යුධ මෙහෙයුම් කිරීමට අවසර ලැබිණි. අවසර ලැබී ගතවූයේ තප්පර ගනනකි. මේ රටේ කොටි ත්රස්තවාදය ස්ථාපිත කොට, මෙරට ජන ජීවිත ලක්ෂ ගනනක් විනාශ කිරීමේ පුරෝගාමිත්වයද, මෙරට රණ විරුවන් දංගෙඩියට දැක්වීමේ පුරෝගාමිත්වයද ගෙන කටයුතු කල ඇමරිකාව ප්රමුඛ බටහිර ජාතීන් විසින් ස්ථාපණය කොට පණ දුන් ත්රස්තවාදී‌‌‌‌‌‌‌‌‌‌‌ කදවුරට ඉතිහාසයේ කිසිදා නොලැබූ අත් දැකීමකට මුහුණ දෙන්නට සිදුවිය. හෙණ පිට හෙණ ගසන්නාක් මේන්වූ නිසි ඉලක්ක ගත රුසියානු ප්රහාර මධයයේ  ඇමරිකානු කුලී ත්රස්ත හමුදාවෝ සිරියාවෙන් හිස් ලූ ලූ අත දුවන්නට වූහ. වසර ගනනාවක් පුරා සිරියාව තුල ආයෝජනය කල ධනය හා ත්රස්ත බලයද බිමට සමතලාකරවීමට ගතවූයේ සතියකට අඩු කාලයකි. බටහිර මහා අධිරාජ්ය දෙදරා ඉරිතලා ගොස් ඇත. රුසියානු ජනාදිපතිවරයා මේ සිදුකරමින් සිටින්නේ; අප විසින් සිදුකොට නවතා දමන ලද යුද්ධයේ ඉතිරි කොටසයි. යුද්ධය යනු යුද්ධයකි. යුද්ධයේදී සතුරන්ව නිසි ලෙස සුද්ද නොකලහොත් මේ වනවිට අපේ රණ විරුවන්ට අත්කිරීමට වෙර දරණ තත්වයන් මතුවීම නොවැලක්විය හැක. එබැවින් අනුකම්පා විරහිතව සතුරන්ව මැඩලිය යුතු බව, භගවත් ගීතාව ඉතා‌ පැහැදිලිව ගෙනහැර දක්වා ඇත. මේ සිදු වෙමින් පවතින්නේ‌ එවන් සටනකි.

සිරියාව, රුසියාවට අයත් නැත. නමුත් සිරියානු ජනතාවගේ මිත්රත්වය රුසියාවට අයත් සම්පතකි. ඒ සම්පත රැක ගැනීම උදෙසා‌ සිරියානු ජනතාව වෙනුවෙන් සටන් වැදීමට රුසියාවට අයිතියක් ඇත. රුසියාව විසින් අප වෙනුවෙන් ජීනිවා මානව හිමිකම් කවුන්සලයේදී උපරිමයෙන්ම දායකත්වය ලබාදී ඇත. අපේ ජන නායකත්වය අපේ සතුරන් සමග අත්වැල් බැදගෙන මෙරට ස්වාධීනත්වය සතුරාගේ දෙපාමුල ඇද දමන මොහොතේදීත් මෙරට ජනතාව වෙනුවෙන් නැගී සිටි රුසියාව අපේ ස දාතනික මිතුරෙකු බව මෙවරද මනාව පෙන්නුම් කලහ. මෙරට ජනතාවගෙන් ලක්ෂ 58 කගේ‌, උත්තරීතර මිත්රත්වයට දක්වන ලද උපහාරයක් ලෙස ශ්රී ලාංකීය දේශප්රේමී පරපුර මේ සටන දකින අතර, මෙය අපේම සටනක්ම ලෙස දකින්නෙමු.

චීනය යුධමය වශයෙන් දුබල තත්වයකදීත් ඉතා පැහැදිලිව ලොවටම ප්රකාශ කර සිටියේ, ඇමරිකා එක්සත් ජනපදය යනු කඩදාසි කොටියකු බවයි. බටහිර අධිරාජ්යවාදීං විසින්, ඒ කඩදාසි කොටියාවම අපේ රටතුල ස්ථාපනය කොට, ඇමරිකාව ප්රමුඛ බටහිර බලවතුන්  අපට කීවේ, මේ කොටියා හරි බලවත් බැවින් මූ සමග සෙල්ලම් නොකර ඌ ඉල්ලන දෙයක්දී ඇග බේරාගන්නා ලෙසයි. අපද මූ ඔය කියන තරම් බයවිය යුතු නැති කඩදාසි කොටියකු බව පෙන්වා දුන් පසු, අප සමග උරන සිටින ඇමරිකා‌ එක්සත් ජනපදය හා බටහිර අධිරාජ්යවාදීන්ට මේ මොහොතේම, රුසියාවද පහරදීම ආරම්භ කිරීම ඉතිහාසයේ මහා සරදමක් සේ පෙනේ. රුසියාව මේ මහා රෞද්ර පෙනුමැති කොටියාවම විනාශ කරමින් මහා සෙල්ලමක් සිදු කිරීම හරහා අප ඉදිරියේ මතුව තිබූ අවදානම නිකම්ම නිකම් පුස්සක් බවට පරිවර්තනයව ඇත. ඒ සමගම බටහිර සරණ යමින් ඒ සරණම පතමින්, බටහිරුන්ට මඤඤොක්කා කැවීම සම්බන්ධව උරණව, බටහිරුන් පිනවීම සදහා යුධ ජයග්රහණය සදහා පෙරමුණ ගත් රණවිරුවන්ගේ, ඇස්, ඉස්, මස් ලේ වලින් සපිරි මහා භෝජන සංග්රහයක් පිළියෙල කිරීමට සැරසෙන ජනාධිපති මෙෙත්රීපාල සිරිසේන නම්වූ ජන නායකත්වයට නම් මහා අමාරු කාලයක ආරම්භය මේ සමගම උදාවෙනු ඇත. ජාත්යන්තර තලයේදී සිය හාම්පුතුන් පහර පිට පහර කමින් වියරුවෙන් දිව යමින් සිටින මේ මොහොතේ, මෙරට රාජ්ය නායකත්වයට උදාවන්නේ ඉතා‌අපහසු කාලයකි.

මේ වනවිට ලෝකය ඉතා පැහැදිලි කදවුරු තුනකට කැඩෙමින්, බිදිමින් වෙන් වෙමින් එ කතු වෙමින් පවතී. ඇමරිකා එක්සත් ජනපදය අද ආර්තික අතින් මෙන්ම යුදමය බලයෙන්ද පිරිහුණ රාජ්යක් ලෙස ලොව ඉදිරියේ නග්නව ඇත.  ඔහු හැරදා යෑමට සූදානම්, ඔහුගේ මිතුරු රාජ්යයන්, රුසියාව සමග ආරක්ෂක ගිවිසුම් වලට පවා එලඹීමට සූදානම් වෙන තත්වයක් තුල, අපද එම තත්වයන්ගෙන් උපරිම ඵල ප්රයෝජන ගැනීමට පෙල ගැසිය යුතුය. රුසියානු රාජ්ය විඤ්ඤාණය සම්බන්ධව අප ඉතා පැහැදිලිව දන්නා මිනිසුන් වෙමු රටවල් වලට කඩා පැන මිනිසුන් මරමින් සම්පත් කොල්ලයක් රුසියාව තුලින් අප කිසිදාක දුටුවේ නැත., එය සැබවින්ම මිත්රශීලි රාජ්යකි.  එහි යුධ ශක්තිය සම්බන්ධවද අපට විශාල විශ්වාසයක්ද ඇත. චීනය, උතුරු කොරියාව, ඉරානය, කියුබාව, සිරියාව, ඉරාකය හා ඊජිප්තුව වැනි රටවල් මේ සටනේදී රුසියාව සමග පෙල ගැසී සිටී. මේ සෑම රටක්ම මෙරට දේශප්රේමී කදවුර සමග සෘජුවම සිට ගන්නා රාජ්යන්ය.

එදා වියට්නාම් ජනතාව ඇමරිකාව සමග  සටන් වදින විට චේගුවේරා සහෝදරයා හඩ නගා ඉල්ලා සිටියේ, ලෝකයේ ප්රගතිශීලී ජනතාවණි. තව වියටනාම් ගනනාවක් බිහි කරව් යන්නයි” අද ඇමරිකාව ප්රමුඛ බල වේගයන්, යුක්රේනයේ හා සිරියාවේ, අන්ත පරාජයන් විදි මින් සිටින මේ මොහොතේදී ලොව පුරා තව තවත් සිරියාවන් ගනනාවක් ලොව පුරාම ගොඩනැංවීම යනු ඇමරිකන් ඇධිරාජ්යවාදයේ මලගම ඉක්මන් කරවීමයි. අපි අපේ රණවිරුවන් නිදහස් කර ගැනීමේ අරගලය වේගවත් කරමු. පැමිණ ඇත්තේ එයට සුදුසු කාලයයි

මුලුමහත් ලෝකය පුරාම අහස ගුගුරවමින් කඩා හැලෙන මේ මහා වරෂාව විසින් මෙතෙක් පැවති නියගය නිමා කරලනු ඇත.

චන්ද්‍රසේන පණ්ඩිතගේ විසිනි.

 

පිල්ලෙයාන් අත්අඩංගුවට ගත්තේ ජිනීවා වාර්තාවේ කරුණු මත

පිල්ලෙයාන් අත්අඩංගුවට ගත්තේ
ජිනීවා වාර්තාවේ කරුණු මත

කීර්ති වර්ණකුලසූරිය

ජිනීවා පරීක්‍ෂණ වාර්තාවෙන් හෙළි කළ කරුණු මත හිටපු ද්‍රවිඩ සන්ධාන මන්ත්‍රී ජෝශප් පරරාජසිංහම් ඝාතනය ගැන පිල්ලෙයාන් අත්අඩංගුවට ගෙන ඇත.

පරරාජසිංහම් මහතා ඝාතනය කළේ කරුණා කණ්‌ඩායම බවට විශ්වාස කළ හැකි සාක්‌ෂි ඇතැයි ජිනීවා පරීක්‍ෂණ වාර්තාවේ සඳහන් කර තිබේ. එම සමයේ කරුණා සහ පිල්ලෙයාන් එක්‌ව කටයුතු කර ඇත.

පිල්ලෙයාන්ට පෙර එම ඝාතනයට සම්බන්ධ යෑයි සැකකරන එඩ්වින් සිල්වා කන්දරාජා හෙවත් ප්‍රදීප් මාස්‌ටර් සහ රෙන්ගසාමි කනකරාජා හෙවත් කජන් මාමා අත්අඩංගුවට ගෙන ඇත.

මොවුහු කරුණා පිල්ලෙයාන් කණ්‌ඩායමේ ක්‍රියාකාරීහු වෙති. 2005 දෙසැම්බර් 24 වැනිදා රාත්‍රියේ ජොශප් පරරාජසිංහම් ඝාතනය සිදුවී තිබේ.

පරරාජසිංහම් ඝාතකයා අල්ලා ගැනීමට පොලිසිය ක්‍රියා නොකළ බවට ජිනීවා පරීක්‍ෂණ වාර්තාවෙන් චෝදනා නඟා තිබුණි.

Categories

Balawegaya Flickr Photos

Different countries have visited this site

Free counters!