//

බලවේගය විශේෂ පුවත් (Balawegaya Special News)

This category contains 50 posts

බුදුරුව සහිත අත්වැසුම් තොගය රාජසන්තකයි

බුදුරුව සහිත අත්වැසුම්
තොගය රාජසන්තකයි

අනුර බාලසූරිය

ඉන්දියාවේ සිට ශ්‍රී ලංකාව හරහා ස්‌ලෝවේනියාවට ගෙන යැමට සූදානම්ව තිබියදී ශ්‍රී ලංකා රේගුව විසින් අත්අඩංගුවට ගත් බුදුරුව සහිත අත්වැසුම් හා ඒප්‍රන් තොගය රාජසන්තක කෙරෙන බව රේගු මාධ්‍ය ප්‍රකාශක රේගු අධ්‍යක්‍ෂ ධර්මසේන කහඳව මහතා පැවසීය.

මෙයට අමතරව බුද්ධාගමට අවමන් කෙරෙන ආකාරයේ මෙවන් නිෂ්පාදනවලට ඉඩ නොතබන ලෙසට ඉන්දියානු රජය දැනුවත් කරන්නැයි ශ්‍රී ලංකා රේගුව එරට රේගුවට දැනුම් දී තිබේ.

මෙලෙස ස්‌ලෝවේනියාවට යෑවීමට සූදානම් කර තිබූ බුදුරුව සහිත අත් වැසුම් හා ඒප්‍රන් 5424 ක්‌ රේගුව විසින් පෙරේදා (22 දා) අත්අඩංගුවට ගන්නා ලදී.

මේ සම්බන්ධයෙන් රේගුව වැඩිදුර පරීක්‍ෂණ කරගෙන යයි.

Advertisements

සිංහල කමක්‌ කොයින්ද ?

සිංහල කමක්‌ කොයින්ද ?
මඩකලපුවේ සිංහලයන්ට
බඩ ඉරිඟු ඇටයක්‌වත් වවන්න දෙන්නේ නැහැ

මඩකලපුව මංගලාරාම විහරස්‌ථානයේ විහාරාධිපති අම්පිටියේ
සුමනරතන හිමියන් කියති

වෙහෙර විහාර ඉදිකිරීම සහ අලුත්වැඩියා කිරීම නවත්වන්න
උතුරු පළාත් සභාව පනතක්‌ සම්මත කරගත්තා

අම්පිටියේ සුමනරතන හිමි යන නම ඇසෙත්ම අපට සිහිවෙන්නේ මඩකලපුව මංගලාරාමය විහරස්‌ථානයයි. නැඟෙනහිරින් අතුගාවන්නට හදන බෞද්ධ උරුමය රැකගන්නට උන්වහන්සේ මහත්වූ වෙහසක්‌ ගනිමින් සිටින්නේය. ඇතැම් විට සිංහල ජනයා වෙනුවෙන් දැඩිසේ හඬ නඟන උන් වහන්සේ නිරන්තරයෙන්ම අන්දෝලනයක්‌ ඇතිකළ හිමි නමකි, මේ ‘ඉරිදා දිවයින’ සමග උන් වහන්සේ දොඩමළු වූ ආකාරයයි.

ප්‍රශ්නය – ඔබ වහන්සේ මඩකලපුව මංගලාරාමයට පැමිණෙන සමයේ තත්ත්වය කෙබඳුද?

මම මඩකලපුව මංගලාරාමයට පැමිණෙද්දී මංගලාරාමය මුළුමනින්ම විනාශ කරලා. ආවාසගේ බුදAධ මන්දිරයේ පිළිම වහන්සේට පවා බෝම්බ ගහලා විනාශ කරලායි තිබ්බේ. බෝධීන් වහන්සේ කපලා කොටලා දාලා තිබ්බා. යුද්ධය උපරිමයෙන් තියෙද්දි මම මංගලාරාමය නැවත ගොඩ නඟන්න කටයුතු කළා. අපේ රණ විරුවෝ කොටි ප්‍රහාරවලට ලක්‌ව මගේ දෑතේ මියගිය අවස්‌ථාවත් තිබුණා. මම රණවිරුවන්ටත් ශත්කියක්‌ වෙමින් ත්‍රස්‌තවාදීන්ගේ තාඩන පීඩන මැද දිගටම මංගලාරාමය රැකගනිමින් සිටියා.

ප්‍රශ්නය – මඩකලපුවේ එදා සහ අද සිංහල ජනතාවගේ තත්ත්වය කොහොමද?

ඉස්‌සර මඩකලපුව දිස්‌ත්‍රික්‌කයේ සිංහලයන් හතළිස්‌ දහසකට අධික ප්‍රමාණයක්‌ සිටියා. නමුත් අද මඩකලපුව නගරයේ තිබෙන පන්සලේ ඉන්න අපිට දන් හැන්දක්‌ බෙදන්න දායකයන් කවුරුවත් නැහැ. යුද්ධ කාලයේ කොටසක්‌ මැරුවා. ඉතිරි අය පණ බේරාගෙන 85,87 කාලයේ ගියා. ඒරාවුර් නගරයත් මේ ආකාරයෙන් සිංහලයන්ගෙන් තොර වුණා. දැන් කෙවිලියාමඩුව, මංගලගම, සිප්පිමඩුව, දිවුලපොතන ආදී ගම් කිහිපයක දහසක්‌ පමණ ප්‍රමාණයක්‌ තමයි සිටින්නේ. 2002 සාම ගිවිසුම් කාලයෙත් ඉන් පසුව යුද්ධය නිමාවූ පසුත් සිංහල ජනයා තමන්ගේ පදිංචි ස්‌ථාන සොයන් ආවා. නමුත් එතකොට ඒ ඉඩම් නිවාස දෙමළ සහ මුස්‌ලිම් ජනයා අත්පත් කරගෙන වෙනස්‌ කරලා. මේවා අත්පත් කරගන්න රාජ්‍ය නිලධාරීන්ට කොච්චර කීවත් ලිපි ලේඛන දුසිම් ගණන් දුන්නත් ඔවුන් කිසිවෙක්‌ මෙම සිංහල ජනයාට සිදුවූ අසාධාරණය ගැන කිසිදු පියවරක්‌ ගන්නේ නැහැ.

ප්‍රශ්නය – මඩකලපුව මහ දිසාපතිතුමිය මේ ගැන දැනුවත් කළේ නැද්ද?

වසර කිහිපයක සිට ඇය මඩකලපුව රාජකාරි කටයුතු කරනවා. නමුත් සෑම වසරකම අවස්‌ථා කිහිපයක්‌ මෙම මඩකලපුව සිංහල ජනයා විඳින දුක සහ මඩකලපුව සිංහල ජනයා වෙසෙන ප්‍රාදේශීය ලේකම් කාර්යාල හරහා කිසිදු පියවරක්‌ නොගැනීම පිළිබඳව ඇයව දැනුවත් කරනවා. උපවාස උද්ඝෝෂණ කරා. නමුත් සිංහල ජනතාවගේ ගැටලුවලට කිසිම විසඳුමක්‌ නැහැ.

ප්‍රශ්නය – මීට සති කිහිපයකට ඉහතදී ඔබ වහන්සේ මංගලගමදී ග්‍රාමසේවා නිලධාරිවරයකුට තදින්ම බැණ වදිනවා. ඒක භික්‌ෂුන් වහන්සේ කෙනකුට ඔබින්නේ නැහැ නේද?

මම භීක්‌ෂුවක්‌ විදිහට කටයුතු කරනවා. මට කිලෝ මීටර් 80 ක්‌ 90 ක්‌ යනකම් බෞද්ධයෙක්‌ නැහැ. ඒදා ඒ ගම්මානවලට මායිම් ගම්මාන කිව්වා. මම ඒ අසරණ සිංහල ජනයා වෙනුවෙන් මැදිහත් වෙලා පදිංචි කරවා ගත්තා පුළුවන් උදව්වක්‌ කරන්නම් කියලා. මම එදා ඉඳන් මේ දක්‌වාම වග කිවයුත්තන්ට මේ ගැටලුව ගැන දැනුවත් කළා. නමුත් මේ ජනතාව පිsළිබඳ පට්‌ටිපොළ, වෙල්ලාවලි ආදී ප්‍රාදේශීය ලේකම් කාර්යාල නිලධාරීන් දරන්නේ වෙනත් මතයක්‌.

අපේ ජනතාව මෙම ප්‍රදේශවලින් පන්නා දාන්න හදද්දී, ජනතාවගේ ගැටලුවලට විසඳුමක්‌ නැතිවුණාම, අඩුම තරමින් සමෘද්ධි කුපනයක්‌ නොදීම, ග්‍රාම සේවක වාර්තාවක්‌ ලබා නොදීම, හැඳුනුම්පතක්‌ ලබා ගැනීමට නොහැකිවීම, වසර තිහ හතළිහක්‌ වගා කළ ඉඩම් තණ භූමි කියලා අල්ලා ගන්න හදද්දී ඒවාට කිසිම බලධාරියෙක්‌ කතා කරන්නේ නැහැ. ඒ වෙලේ තමන්ට සිදුවූ අසාධාරණය වෙනුවෙන් එම ජනතාව පාරට බැහැලා උද්ඝෝෂණ කරන විට අපටත් මැදිහත් වෙන්න වෙනවා. ඒ මොහෙතේ අදාළ නිලධාරීන් පැමිණ තමන්ගේ මතයේ දැඩිව සිටිද්දී ඇතැම් වේලාවට මේ වන මහා අසාධාරණකම් හමුවේ මගේ මුවින් තද වචන පිටවූ අවස්‌ථාත් තිබෙනවා ඒ මොනදේ කරන්නෙත් මේ අසාධාරණයට පිළිසරණක්‌ නොමැති වූ විටයි. බලධාරින්ට හොඳින් කියලා ලියුම් පිට ලියුම් දීලා බැරිම වූ විට, අපේ ජනතාවට උසාවි දමලා පිටවෙන්න නියෝග දෙන්නට මේ නිලධාරීන් කටයුතු කරද්දී අපටත් නීති කඩන නිලධාරීන්ට හට හොඳින් කතා කරලා බැරිම තැන අපට කතා කරන්න ඉතිරි වෙලා තියෙන්නේ අකමැත්තතෙන් හරි ඒ විදිහටයි.

දැනට මඩකලපුව පොලිස්‌ බල ප්‍රදේශයේ බුදුපිළිම තැන්පත් කිරීම තහනම් කරලා මට අධිකරණයෙන් වාරණ නියෝගයක්‌ කරලා තියෙනවා. සිංහල ජනතාව පදිංචි කිරීම තහනම් කරලා තියෙනවා. ප්‍රදේශීය ලේකම් කාර්යාලවලට යන්න බැරි වෙන්න තහනම් නියෝග මට කරලා තියෙනවා. ඔය දේවල් මතක්‌ වෙන වේලාවට මගේ කටින් නොකිය යුතු දේවල් කියවෙනවා. ඇතැමුන් මට පිස්‌සු කියලත් කියනවා.

ප්‍රශ්නය – දැනට සති කිහිපයකට කලින් කරදියන්ආරු ප්‍රදේශයේදී සිදුවුණේ කුමක්‌ද? ඇත්තටම එතන පැරණි බෞද්ධ පුදබිමක්‌ද?

මට දැනගන්න ලැබුණා වසර සියදහස්‌ ගාණක්‌ පැරණි පුද බිමක්‌ විනාශ කරලා තියෙනවා කියලා. මම ගිහින් බලද්දී ගල් කණු, සිරිපතුල් ගල් ආදී ඉපැරණි පුරා වස්‌තු ඩෝසරයකින් ගලවලා ගොඩ ගහලා. ඉපැරණි දාගැබක්‌ මුදුනින් කණු සිටුවලා කටුකම්බිවලින් වැට ගහලා. එම පුදබිම සීසාල වී වපුරලා ඒ හැම තැනම ඉපැරණි ගඩොල් කැටයි පුරා වස්‌තුයි විසිරිලා තියෙනවා. මේ ස්‌ථානයට සිදුකර තිබෙන හානිය දැක්‌කාම මම දැඩි කම්පනයට පත් වුණා. එම නිසා මම එතනට කුඩා මඩුවක්‌ හෝ සකසා ආරක්‌ෂා කරන්න ගියා. එතකොට පොලිසියෙන් මට එතෙනට ඇතුළුවීම වළක්‌වන්න තහනම් නියෝගයක්‌ ගෙනාවා. මම එතන හිටියොත් මාව අත්අඩංගුවට ගන්නවා කීවා. මම කිවා කමක්‌ නැහැ මාව අත්අඩංගුවට ගන්න. මාත් එක්‌කම මේ ස්‌ථානය විනාශ කළ පිරිසත් අත්අඩංගුවට ගන්න කියලා. ඒ අය අත්අඩංගුවට ගන්න විදිහක්‌ නැහැ කියලා පොලිසියයි, පුරා විද්‍යාවයි කිව්වා. ඕක තමයි සැබෑ තත්ත්වය. අද පුරා වස්‌තු ආරක්‌ෂා කරන්න යන අය අත්අඩංගුවට ගන්න හදනවා. පුරා වස්‌තු වනසන අය රකිනවා. මේක තමයි තත්ත්වය. පස්‌සේ මම කරදියන්ආරු පොලිසියට මෙම පුරා වස්‌තු හානිය පිළිබඳව පැමිණිලි කළා. නමුත් අද වෙනකම් කිසිවෙක්‌ අත්අඩංගුවට ගත්තේ නැහැ.

අපේ සිංහල ජනතාවට බඩගින්න නිවාගන්න බඩ ඉරිඟු ඇටයක්‌ ඉන්දන්න දෙන්නේ නැහැ. තණ භූමි කියලා පන්නන්න හදනවා. හැබැයි අපේ රජමහා විහාර ඩෝසර් කරලා වී වපුරද්දී බලධාරීන් නිහඬ වෙලා ඉන්නවා.

ප්‍රශ්නය – පසුගිය යුද සමයේ ද එසේ නැතිනම් සාමය උදාවූ පසුද නැඟෙනහිර පළාතේ පුරා වස්‌තුවලට වැඩි වශයෙන් හානි සිදුවූයේ?

වෙලාවකට හිතනවා යුද්ධය තවමත් තිබ්බා නම් හොඳයි කියලා. පසුගිය යුද සමයේ මෙම පුරා වස්‌තුවලට විශාල හානියක්‌ වුණේ නැහැ. පසුගිය රජය සමයේ සිංහල, දෙමළ මුස්‌ලිම් යන සැම ජන කොට්‌ඨාසයටම ඒ සමයේ රාජකාරි කටයුතු සිදුවුණා. නමුත් ඒ සමයෙත් මඩකලපුවේ සිංහලයන්ට යම් අසාධාරණයක්‌ සිදුවුණා. ඒවා ඒ රජය විසඳුවානම් අද මේ අකාරයෙන් මඩකලපුව සිංහල ජනයා දුක්‌ විඳින්නේ නැහැ. නමුත් ඒ සමයේ පොලිසියට ආරක්‌ෂක අංශ, රටේ ජනතාව යන සියල්ලටම එක්‌ වුණා. රට ජාතිය රැකගන්න සියලු දෙනාම එකට එකතු වුණා. නමුත් ඒක දැන් වෙනස්‌ වෙලා. අද බොහෝ දෙනකුට රට ජාතිය ආගම ගැන හැඟීමක්‌ නැති වෙලා තියෙනවා. ඒ වාගේම යුද්ධයෙන් පස්‌සේ පුරා වස්‌තු සංහාරයක්‌ සිදුÊ වෙමින් තියෙනවා. ඉතිං මට වේලාවකට හිතෙනවා යුද්ධය තිබ්බානම් මේ ආකාරයෙන් නැඟෙනහිර පුරා වස්‌තුවලට මේ තරම් දැන් හානියක්‌ සිදුවෙන්නේ නැහැ කියලා.

ප්‍රශ්නය – මේ වන විට ඔබ වහන්සේට විරුද්ධව ඇතැම් අය මඩකලපුවේ විරෝධතාවන් දක්‌වනවා. ඇයි එහෙම විරෝධතාවක්‌ ඔබ වහන්සේට විරුද්ධව ඇති වෙලා තියෙන්නේ.

පසුගියදා උතුරු පළාත් සභාවේ වැඩි ඡන්දයෙන් පනතක්‌ සම්මත කරගෙන තිබ්බා උතුරු නැඟෙනහිර පළාතේ වෙහෙර විහාර ඉදිකිරීම සහ අලුත්වැඩියා කිරීම නවත්වන්න. අම්පිටියේ සුමනරතන හෙවත් මාවත් ඉවත් කරන්න පනතක්‌ සම්මත කරගෙන තිබෙනවා. රටේ ජනාධිපති, අගමැති, පොලිස්‌පති ඇතුළු පිරිස එය නිවරැදි කරගන්න කිසිම පියවරක්‌ ගත්තේ නැහැ. පසුගිය දිනවල දෙමළ ග්‍රාමසේවා නිලධාරිවරු සහ ටී.එන්.ඒ. සංවිධානයේ පිරිස්‌ මට එරෙහිව විරෝධතාවන් පවත්වා තිබෙනවා. ඊට අමතරව මේ වන විට මට විරුද්ධව නඩු 33 ක්‌ මඩකලපුවේ දිස්‌ත්‍රික්‌කයේ විවිධ උසාවිවල පවරලා තියෙනවා. මමත් පවරපු නඩුත් එක්‌ක නඩු 48 ක්‌ ඒ අධිකරණවල විභාග වෙනවා. මේ වන විට මඩකලපුවේ දෙමළ සහ මුස්‌ලිම් ජනයා මාත් සමඟ සුහදව කටයුතු කළත් ටී.එන්.ඒ. වැනි අන්තවාදී සංවිධාන තමයි ඔවුන්ගේ ක්‍රියාකාරම් වලට මා බාධාවක්‌ නිසා මාව මඩකලපුවෙන් ඉවත් කරන්න හදන්නේ. ඒ අය තමයි සාමාන්‍ය ජනතාව මට විරුද්ධව කුලප්පු කරවන්න හදන්නේ.

ප්‍රශ්නය – ඔබ වහන්සේට මේ වන විට ජීවිත තර්ජන තිබෙනවාද?

දැඩි ජීවිත තර්ජනයක්‌ තියෙනවා. පසුගිය සති කිහිපයේ සිට මට දුරකථනය සහ අන්තර්ජාලය ඔස්‌ස්‌ දිගින් දිගටම ලෝකයේ විවිධ රටවලින් දුරකථන අංක දෙතුන් සියයකින් එකදිගටම ප්‍රභාකරන් මැරුණේ නැහැ යනුවෙන් පවසමින් මාව මරා දමන බවට දිගින් දිගටම තර්ජනය කළා. මම එහෙම තර්ජනය කළ දුරකථන අංක සියයකට වැඩියෙන් අදාළ තොරතුරු දීලා මඩකලපුව පොලිසියේ පැමිණිල්ලක්‌ද දැම්මා. පසුගිය 27 වැනිදා මාගෙන් රැකියාවක්‌ අවශ්‍ය බව පවසමින් සැකකටයුතු පුද්ගලයෙක්‌ මාව සොයාගෙන පන්සලට ආවාම ඒ පිළිබඳව සැක සිතී ප්‍රශ්න කිරීමේදී ඔහු පැවසූ උත්තර පරස්‌පරයි. ඒ නිසා මඩකලපුව පොලිසිය මගින් ඔහුව අත්අඩංගුවට ගෙන තිබුණා. ඒ නිසා මා කර හෝa මඩකලපුවෙන් සිංහල ජනයා පන්නා දැමීමට විවිධ කුමන්ත්‍රණයන් සිදුවෙනවා. ඔවුන් දන්නවා ඒ අයගේ අන්තවාදී කටයුතු මා මෙහි සිටිනා විට සිදු කිරීමට අපහසු බව.

ප්‍රශ්නය – ඔබ වහන්සේට මඩකලපුවේ හුදෙකලාවෙ සිට මේ ආකාරයෙන් කටයුතු කරන්නේ කොහොමද?

මම පැවිදි වෙලා වසර 33 ක්‌ වෙනවා. මම යුද්ධ කාලේ වැහෙන්නට ගිය විහරස්‌ථාන රැකගනිමින් විහරස්‌ථාන 22 ක්‌ ගොඩනැඟුවා. මඩකලපුව සිංහල ජනයා වෙනුවෙන් නිවාස 200 කට ආසන්න ප්‍රමාණයක්‌ ඉදිකළා. ළිං වැසිකිළි හදලා දුන්නා. වතුර පොදක්‌ ගන්න වැව් හදලා දුන්නා. ඒ අයට හැකි සෑම මොහොතකම මට පුළුවන් උපරිම ආකාරයෙන් උදව් උපකාර කළා. මඩකලපුවට පැමිණෙන ජනතාවට පා තියන්න පුළුවන් ආකාරයට මංගලාරාම විහාරස්‌ථානය සංවර්ධනය කළා. ඒ ආකාරයෙන් මට කිsරීමට හැකිවූයේ මේ ස්‌ථානය පිළිබඳ අවබෝධයක්‌ ලබා ගත් යම් පිරිසකගේ සහයෝගය නිසා. නමුත් මේ වනවිට යුද්ධයෙන් බැරිවූ ඊළම නැවත ගොඩනඟන්න කොටි හිතවාදීන් ප්‍රබලවම උත්සාහ දරන මේ මොහෙතේ මට විනාඩියෙන් විනාඩිය මරණ තර්ජන එන කාලයක රට ජාතිය ගැන කතා කරන බොහෝදෙනකු මඩකලපුව ගැන අවධානය නිසිසේ යොමු නොකිරීම කනගාටුවට කරුණක්‌.

මේ වන විට මට ලැබෙන සියලුම මුදල් මඩකලපුව විහාරස්‌ථානයේ සහ ජනතාව වෙනුවෙන් යොදවා තිබෙනවා. නමුත් ඉදිරියේදී මට ඒ වෙනුවෙන් කටයුතු කරන්න හැකියාවක්‌ නැතිව ගොස්‌ තිබෙනවා. සියලුම දේට මුදල් අවශ්‍ය මොහොතක මට ඒ ජනතාව වෙනුවෙන් රට ජාතිය ගැන කැක්‌කුමක්‌ තිබෙන හැඟීමක්‌ තිබෙන ඔබගේ සහයෝගය අවශ්‍යව තිබෙනවා. තව දුරටත් මාහට සිංහල ජනයා වෙනුවෙන් කළ මෙහවර කිරීම අපහසු වෙලා තිබෙනවා.

ප්‍රශ්නය – කොහොමද ඔබ වහන්සේට යම් සහයෝගයක්‌ දෙනවා නම් ලබා දිය හැක්‌කේ.

065 2222104, 077 1791883, 072 9902907 දුරකතන අංක ඔස්‌සේ මා සම්බන්ධ කරගෙන සහයක්‌ දිය හැකියි. ඒ සමගම මා කරනා මෙම සද්කාර්ය සඳහා ඔබ දායක වන්නේ නම් ශ්‍රී මංගලාරාම බෞද්ධ පදනමේ මඩකලපුව සම්පත් බැංකුවේ 1139 6100 2363 ගිණුම් අංකයට ඔබගේ සහයෝගය ලබා දෙන්න පුළුවන්.

ප්‍රශ්නය – යහ පාලන ආණ්‌ඩුව මගින් මඩකලපුව සිංහල ජනයාට සහනයන් දෙනවනේ.

සහජීවනයට මුවාවෙලා අන්තවාදීන් මේ වන විට සිංහල ජනයා ඉවත් කරලා නැඟෙනහිර බොදු උරුමය නැත්තටම නැති කරලා විනාශ කරලා දාමින් සිටිනවා. අපටත් අවශ්‍ය වෙලා තියෙන්නෙ සිංහල, දෙමළ, මුස්‌ලිම් ජනයා සමඟ සාමයෙන් සිටිය හැකි වටපිටාවක්‌. නමුත් අන්තවාදීන්ගේ වුවමනාවන් මත අහිංසක ජනතාව අවුස්‌සලා ඒ හරහා මේ වනවිට අන්තවාදීන් තමන්ගේ වැඩ හොඳින් කරගෙන යනවා. මේ වන විට මඩකලපුව සිංහල ජනයාට වත්මන් රජයෙන්ද කිසි සහනයක්‌ නොමැතිව කල්ලතෝනියන්ගේ තත්ත්වයට පත්ව තිබෙනවා. අසරණ සිංහලයා ගැන සහ විනාශ වන වසර සියදහස්‌ ගණනක අපේ උරුමය ගැන කතා කරද්දී අපිට ජාතිවාදී ලේබලය අලවනවා. එහෙම කරලා ඊළම ගැන කතා කරන ජාතිවාදීන්ව හුරතල් කරනවා යෑයි පවසමින් සුමනරතන හිමියෝ ‘ඉරිදා දිවයින’ සමඟ මඩකලපුවේ වත්මනේ සිංහලයාගේ ශෝකාන්තය පිsළිබඳ පවසා සිටියහ.

සුසන්ත අමර බන්දු

කුළු පොලු ජල ප්‍රහාරවලින් රණවිරුවාට කෘතගුණ සැලකීම

කුළු පොලු ජල ප්‍රහාරවලින්
රණවිරුවාට කෘතගුණ සැලකීම

රියර් අද්මිරාල්, ආචාර්ය සරත් වීරසේකර

කළගුණ සැලකීම යනු යමෙක්‌ තමන්ට උපකාරයක්‌ කළ විට ඊට ප්‍රත්‍යqපකාරයක්‌ කිරීම හෝ ඔහුට ගෞරවයෙන් යුතුව සැලකීමයි. තිලෝගුරු බුදුපියාණන් වහන්සේ තමන් බුදු වන විට පිටදුන් ශ්‍රී මහා බෝධියට පවා කෘතගුණ දක්‌වමින් (අනිමිසලෝචනයෙන්) එහි වටිනාකම සහ වැදගත්කම ලෝකයාට පෙන් වූ සේක. කෙනෙක්‌ව මරණයෙන් බේරා ගැනීම තරම් උපකාරයක්‌ තවත් ඇත්දැයි සිතා ගැනීමට නුපුළුවන. මන්ද අප සියලු දෙයක්‌ම කරන්නේ ජීවත්වීම උදෙසා බැවිනි. එම ජීවිතය කවුරුන් හෝ වනසා දමන්ට තැත් කරයිද ඒ අනතුරින් ජීවිත බේරා ගැනීම තරම් ” උපකාරයක්‌” වෙන තිබිය නොහැක. නමුත් සමස්‌ත ජනතාවම මරණයෙන් බේරාගෙන කරන ලද උපකාරයක්‌ සමස්‌ත ජනතාවම අද මුළුමනින්ම අමතක කර ඇති සෙයක්‌ පෙනේ නම් එය කෙතරම් ෙ€දජනකද?

ත්‍රස්‌තවාදය උත්සන්නව පැවැති සමයේ, දරුවන් පාසල් යෑවූ දෙමාපියන් නැවත දරුවා ගෙදර එනතුරු සිටියේ මහත් වූ භීතියෙනි. සැමියා වැඩට ගිය පසු ඔහු නැවත නිවස කරා එනතුරු බිරිඳ සිටියේ දෙලොවක්‌ අතරය. සැමියා සහ බිරිඳ දෙදෙනාම රැකියා කරන විට ඔවුන් දෙදෙනාම ගියේ වෙන වෙනමය. මන්ද එක වාහනයක යන විට එය බෝම්බයකට අසුවුවහොත් තම දරුවනට මවුපිය දෙදෙනාම අහිමි වන බැවිනි. ත්‍රස්‌තවාදයේ තරම එයයි. එදා රටේ සියලුම ජනතාව සිටියේ මරබියෙනි. ත්‍රස්‌තවාදය ඇතිවීමට පාදක වූ කරුණු සාධාරණද අසාධාරණද යන්න එදා ජනතාව විමසුවේ නැත. ඔවුනට අවශ්‍ය වූයේ ත්‍රස්‌තවාදය නැති කර දමා තමන්ට බියෙන් සැකෙන් තොරව ජීවත්වීමට ඇවැසි නිදහස ලැබා ගැනීමය.

ඒ නිදහස ලබාදුන්නේ කවුද? රණවිරුවාය. ඒ සඳහා රණවිරුවන් 29000 ක්‌ දිවි පිදූහ. 14000 ක්‌ පූර්ණ ආබාධිත තත්ත්වයට පත් වූහ. සෙසු රණවිරුවෝ තම පවුලේ නිදහස වසර ගණනාවක්‌ කැප කරමින් සටන්කොට ජීවත්වීමට වාසනාව ලැබූහ. එසේ නම් රණවිරුවෝ මෙවන් වූ උත්තරීතර කැපවීමක්‌ කළේ තමාට නිදහසේ ජීවත් වීමට නොව තම සහෝදර ජනතාවට නිදහසේ ජීවත් වීමටය. ඒ අනුව බලන කල එම “උපකාරය” තරම් වෙනත් උපකාරයක්‌ තවත් ඇත්ද? එවන් සුවිශේෂී වූ උපකාරයකට. ජනතාව කෘතගුණ සලකන ආකාරය ගැන අපට සෑහීමකට පත් විය හැකිද? තමන් වෙනුවෙන් අත පය, ඇස්‌ කන් අහිමි කරගත් ආබාධිත රණවිරුවන්ට එළවා එළවා රජය විසින් පහර දෙන විට එම කඳුළු ගෑස්‌, ජල ප්‍රහාර හමුවේ තම කෘත්‍රිම කකුල්ද ගලවා එහේ මෙහේ දුවන විට, ලේ ගලන තුවාල සහිතව වැටී සිටින විට, අප ඒ දෙස බලමින් නිකම්ම සිටියෙමු. ඊට පසුවදාවත් ජනතාවගෙන් ඊට විරුද්ධව කිසිදු බරපතළ චෝදනාවක්‌ නැඟෙනු අපට ඇසුණේ නැත දුටුවේ නැත.

මීට මාස කිහිපයකට පෙර නිදහස්‌ චතුරශ්‍රයේ ආරක්‍ෂක නියාමකවරුන් දෙදෙනෙක්‌ (සෙකියුරිටි ගාඩ්) තරුණ ජෝඩුවකට අත් අල්ලාගෙන එම ශාලාව තුළ යන්න එපා යෑයි කී විට මුළු ලංකාවේම යෞවන යෞවනියන් ඒ අසරණ ආරක්‍ෂක නියාමකවරුන් දෙදෙනාට එරෙහිව නැඟê සිටිය හැටි අපට මතකය. එක්‌තරා තරුණ ඇමතිවරයෙක්‌ද පැමිණ එම දෙදෙනාට තරයේ අවවාද කරනු රූපවාහිනිය තුළින් ජනතාවට දැක බලා ගත හැකි විය. එවන් වූ තරුණ පරම්පරාවක්‌ සිටින අපේ රටේ ආබාධිත රණවිරුවන්ට මෙලෙස ම්ලේච්ඡ අන්දමින් පහරදුන් විට එයට විරුද්ධව මුහුණු පොතේ පවා කිසිදු බැරෑරුම් ප්‍රකාශන හෝ රණවිරුවන්ට ලබා දිය යුතු සහයෝගය” අප දුටුවේ නැත. එය අප දකින්නේ ජාතියේම අවාසනාවක්‌ ලෙසිනි.

යුද හමුදාවට යුද සමයේ ස්‌වේච්ඡාවෙන් බැඳී වසර 12 ක්‌ ගෙවෙන්ට මත්තෙන් යුද බිමේදී බරපතළ තුවාල ලැබ අත පය අහිමි වු රණවිරුවන් යුද හමුදාවෙන් වෛද්‍ය හේතූන් මත ඉවත් වූ විට ඔවුනට මාසික වැටුප සහ දුබලතා දීමනාව ඔවුනට අවුරුදු 55 වනතුරු ලැබේ. නමුත් ඔවුන් සේවා විශ්‍රාම වැටුපට හිමිකම් කියන්නේ නැත. මන්ද ඔවුන් වසර 12 ක්‌ සම්පූර්ණ කර නොමැති හෙයිනි. සේවා විශ්‍රාම වැටුපට හිමිකම් නොලබන උක්‌ත රණවිරුවෙක්‌ හදිසියේ මිය ගියොත් එම බිරිඳට එතෙක්‌ රණවිරුවා ලැබූ වැටුප හෝ දුබලතා හෝ නොලැබේ. ලැබෙන්නේ සුළු වැන්දඹු සහ අනත්දරු වැටුපක්‌ පමණි. එම ආබාධිත රණවිරුවන්ගේ ඉල්ලීම වනුයේ තමාට වසර 12 ක සේවා කාලයක්‌ නැතත් තමන්ව සේවා විශ්‍රාම වැටුපට අනුයුක්‌ත කරන ලෙසයි. මන්ද ඔවුන් තුවාල වී ආබාධිත වූයේ නැතිනම් ඔවුන් දිගටම සේවයේ යෙදෙන නිසයි. ඔවුන් තුවාල ලැබුවේ රට වෙනුවෙන් සටන් බිමට ගිය නිසයි. ඔවුන් උදාහරණයක්‌ ලෙසින් දක්‌වා සිටින්නේ ආබාධිත වූ වසර 12 කට අඩු එවන් රණවිරුවෙක්‌ දියේ ගිලී මිය ගිය බවත් අද එම බිරිඳට හිමිව ඇත්තේ මසකට රු 3000/ක පමණ මුදලක්‌ බවත්ය. මන්ද සියලුම සෙබළුන් පාහේ නිවාස සෑදීමට සහ වෙනත් අවශ්‍යතාවන්ට ණය ලබාගෙන ඇති බැවින් රුපියල් 15,000 ක පමණ මුදලින් ණයවාරික කපා ගත් පසු ලැබෙන්නේ එවන් සුළු මුදලක්‌ බැවිනි. දරුවන් සිටින බිරිඳක්‌ එවන් තත්ත්වයකට පත් වුවහොත් ඇය මුහුණපාන තත්ත්වය එයයි. මෙම ආබාධිත සෙබළුන් එදින ඉල්ලා සිටියේ තමන්ගෙන් පසු තම පවුලට මුහුණ පෑමට වන එම අවාසනාවන්ත තත්ත්වයෙන් මුදවීමට තමන්වද සෙසු නිලයන්ට මෙන් සේවා විශ්‍රාම තලයේ තබන ලෙසයි.

අද වන විට මෙලෙස වසර 12 ක සේවා කාලය නැති ආබාධිත වූ ත්‍රිවිධ හමුදා සහ පොලිස්‌ නිලධාරීන් සිටිනුයේ තුන්දහසකට අඩු සංඛ්‍යාවකි. එබැවින් පසු ගිය රජය විසින් මොවුන්ට, පූර්වාදර්ශයක්‌ නොවන පරිද්දෙන්, එම සේවා විශ්‍රාම වැටුප කැබිනට්‌ මණ්‌ඩලය මගින් අනුමත කර ඇත්තේ 2014 වර්ෂයේ දෙසැම්බර් මස 11 වන දිනය. රජය වෙනස්‌ වීමත් සමඟ එය ක්‍රියාත්මක වීම අතපසු වූ බැවින් මෙම ආබාධිත රණවිරුවන් පසුගිය ජුලි මස කොටුව දුම්රිය පළට පැමිණ එම සහනය තමන්ට ලබාදෙන ලෙස ඉල්ලා සිටි විට දුමින්ද දිසානායක අමාත්‍යවරයා එතැනට පැමිණ මාස 3 ක කාලයකින් ප්‍රශ්නය විසඳන බවට දුන් පොරොන්දුව අනුව ඔවුන් එතැනින් විසිර ගියහ. තුන් මසක්‌ ඉකුත් වූ පසුත් මේ සම්බන්ධයෙන් පිළිතුරක්‌ තබා කිසිදු ප්‍රතිචාරයක්‌ හෝ නොලැබුණු බැවින් ඔවුනට නැවත එම උද්ඝෝෂණය ආරම්භ කිරීමට සිදු විය. උද්ඝෝෂණය ආරම්භ වූ පසු රජයෙන් කිසිදු නියෝජිතයෙක්‌ එතැනට පැමිණ ඒ පිළිබඳව සාකච්ඡා නොකරන ලදී. දින කිහිපයකට පසුව රණවිරුවන් කිහිප දෙනෙක්‌ මාරාන්තික උපවාසයක්‌ ආරම්භ කරන ලදී. ඊට දින කිහිපයකට පසුව ඉතිරි ආබාධිත රණවිරුවන් ජනාධිපති කාර්යාලය ඉදිරිපිට උද්ඝෝෂණය කරන විට ඊට සූදානම්ව සිටි පොලිසිය කඳුළු ගෑස්‌ සහ ජල ප්‍රහාර එල්ල කොට ඔවුන්ව පලවා හරින ලදී. ඉන් පසුව එම ප්‍රශ්නයට 2017 පෙබරවාරි මස විසඳුම දෙන බවට ලිතව ඔවුනට රජය මගින් දන්වා තිබිණ. ඒ වන විට ත්‍රස්‌තවාදීන් හා සටනින් ආබාධිත තත්ත්වයට පත්ව සිටි එම රණවිරුවන්ගෙන් දෙදෙනෙක්‌ බරපතළ තුවාල ලබා රෝහලට ඇතුළත් කර තිබිණ. ඒ ප්‍රභාකරන්ගෙන් නොව තමන්ගේම අයගෙන් එල්ල වුණු ප්‍රහාරයෙනි. ඒ ප්‍රශ්නය, එසේ නම් එසේ ඉතා ලෙහෙසියෙන් විසඳීමට තිබියදී දින ගණනාවක්‌ මෙම රණවිරුවන් මහ පාරේ කිසිදු පහසුකමක්‌ නැතිව රස්‌තියාදු කළේ ඇයි? ඒ ඔවුන්ට “පාඩමක්‌” ඉගැන්වීමටද?

මේ ප්‍රහාරය සම්බන්ධයෙන් ජනාධිපතිතුමා පවසන්නේ තමා ඒ පිළිබඳව කිසිත් නොදන්නා බවත් තමාට දුරකථනයෙන් හෝ දැන් වූයේ නම් එසේ පහරදීම කෙසේ හෝ වළක්‌වන බවත්ය. රටේ සේනාවිධායකට නොදන්වා එලෙස ආබාධිත රණවිරුවන්ට හිංසාකාරී ලෙස යමෙක්‌ සලකා ඇත්නම් එය රණවිරුවන්ට සේම ජනාධිපතිවරයාටද කරන ලද නිගරුවකි. මන්ද රණවිරුවන් සියල්ලන්ම සේනාවිධායක යටතේ සිටින සාමාජිකයන් බැවිනි. එබැවින් එම අදාළ පුද්ගලයන්ට විරුද්ධව ක්‍රියා මාර්ග ගනු ඇතැයි අපි අපේක්‍ෂා කරමු.

එම රජය බලයට පැමිණිදා පටන් රණවිරුවාට සැලකූ ඉතා පහත් ආකාරය ජනතාව හොඳින් දනී. එසේ කරනුයේ දෙමළ ඩයස්‌පෝරාවේ සිත් පිනවීමට බවද ඔවුන් දනී. මන්ද මෙම රජය බලයට පැමිණියේ දෙමළ බෙදුම්වාදී ඩයස්‌පෝරාවේ සහ දෙමළ බෙදුම්වාදී දේශපාලනඥයන්ගේ පූර්ණ සහයෝගය තුළින් නිසාය. බලයට පැමිණි වහාම රණවිරුවා අභූත චෝදනා ඉදිරිපත් කරමින් සිරගෙට යවන්නේද බරපතල අපරාධ සිදු කළ ත්‍රස්‌තයන් නිදහස්‌ කොට යවන්නේද එබැවිනි. අද රජය බටහිරේ සහ දෙමළ ඩයස්‌පෝරාවේ දේශපාලනඥයන්ගේ නූල්වලින් නැටවෙන රූකඩ බවට පත් වී හමාරය. එසේ කරනුයේ ජාතියේ සේම රණවිරුවාගේද අභිමානය පාවා දෙමිනි. පාර්ලිමේන්තුවේ බහුතරයක්‌ පවා නොමැති රනිල් වික්‍රමසිංහගේ ආණ්‌ඩුවට මෙසේ තමන් හිතුමතේ රට පාවා දීමට ක්‍රියා කිරීමට ජනතාව බලය දී නැත. එබැවින් ඊට විරුද්ධ වීමට අපට බලය තිබේ.

පසුගිය දින සියය තුළ රනිල් වික්‍රමසිංහ මූල්‍ය අපරාධ විමර්ශන ඒකකය පිහිටු වූයේද ජනාධිපති මෛත්‍රිපාල සිරිසේනට නොදන්වාය. ඒ බැව් ජනාධිපතිතුමා එදා පාර්ලිමේන්තුවේ කණ්‌ඩායම් රැස්‌වීමේදී ප්‍රකාශ කරන ලදී. ජනාධිපති එසේ තමාට නොදන්වා, මෙවන් වූ ඉතා බරපතළ සංවේදී දෙයක්‌ කළත්, එය අවලංගු කිරීමට කිසිත් පියවරක්‌ ගත්තේ නැත. වර්ෂ 2002 දී අගමැති රනිල් වික්‍රමසිංහ කොටි සංවිධානය ඉතා විශාල ලෙසින් ශක්‌තිමත් වීමට ඉඩදුන් ඊනියා සාම ගිවිසුම කොටින් සමඟ අත්සන් කළේද එවකට සිටි ජනපතිනිය චන්ද්‍රිකා බණ්‌ඩාරනායකට නොදන්වාය. රනිල් වික්‍රමසිංහ රට පාවාදීම සඳහා සියලුම දේ කරනුයේ ඒ ආකාරයටය.

මෙවරද ජිනීවා හිදී අපේ රණවිරුවන්ට විරුද්ධව සකස්‌ කරන ලද යුද අපරාධ චෝදනා අඩංගු වාර්තාව මංගල සමරවීර අමෙරිකාව සමඟ අගය කරමින් පිළිගත්තේ රනිල්ගේ උපදෙස්‌ මත ජනාධිපතිතුමාට නොදන්වා විය යුතුය. එම වාර්තාවේ අඩංගු රණවිරුවන්ට විරුද්ධව ඇති චෝදනා විභාග කිරීමට විදෙස්‌ විනිසුරුකරුවන්ගෙන් සමන්විත විශේෂ අධිකරණයටද මංගල සමරවීර එකඟ වී ඇත්තේ ජනාධිපතිට නොකියාය. මන්ද ඊට පසුව තමා කිසිසේත් විදෙස්‌ විනිසුරුකරුවන්ට ඉඩ දෙන්නේ නැතැයි ජනාධිපතිතුමා ප්‍රකාශ කළ බැවිනි. කරුණු එසේ වෙතත් ද්‍රවිඩ සන්ධානයේ සුමන්දිරන් ඊට පසුවදාම පුවත්පතට නිවේදනයක්‌ නිකුත් කරමින් කියා සිටියේ විශේෂ අධිකරණයේ විදෙස්‌ විනිසුරුවන් සිටීම සම්බන්ධව ඔහු (එනම් සුමන්දිරන්) ඇමෙරිකාව සහ රජය එක්‌ වී තීරණය කළේ දීර්ඝ සාකච්ඡාවකින් පසුව බවත් එබැවින් ජනාධිපතිවරයාට එය දැන් වෙනස්‌ කළ නොහැකි බවත්ය. එසේ නම් රනිල් වික්‍රමසිංහ රජය ත්‍රස්‌තවාදය විනාශ කළ රණවිරුවන් අනාගතය පිළිබඳ තීරණ ගැනීමට ඉඩදී ඇත්තේ ත්‍රස්‌තවාදයේම කොටි දේශපාලනඥයන්ටය. එයද ජනාධිපතිවරයාට නොදන්වාය.

ජනාධිපතිතුමන් විසින් එසේ නම් මේ පිළිබඳව බරපතළ ලෙස සිතිය යුතු කාලය එළඹ තිබේ. එතුමාගේම වදන් වලින් කියන ලෙස රටේ සිදු වන බොහෝ වැදගත් සිද්ධීන් සහ ගනු ලබන තීරණ පිළිබඳව එතුමා දැනගත්තේ පසුවදා පුවත්පත් වලිනි. එය දැන් විහිළුවක්‌ බවට පත් වී ඇති නිසා රටේ ජනාධිපති එසේ විහිළුකාරයෙක්‌ගේ තත්ත්වයට ඇද දැමූ රනිල් වික්‍රමසිංහ අගමැතිවරයා එයට වගකිවයුතු බැව් ජනපතිට අවබෝධ විය යුතු වේ. රණවිරුවන් සම්බන්ධයෙන් රජය විසින් ගත් සියලුම නින්දිත ක්‍රියාවන්හි වගකීම ලැබෙන්නේ ජනපතිටය. හිටපු ආරක්‍ෂක ලේකම් සහ හිටපු නාවික හමුදාපතිවරුන් තිදෙනා පදක්‌කම් පැළඳ සිටියදී පවා කුඩුකාරයන් ලගින කූඩුවේ ඇප ලැබෙන තුරු රඳවා සිටියේද ජනාධිපතිගේ දැනුමින් තොරවය. මම මේ බව දන්නවා නම් ආරක්‍ෂක ලේකම් සහ නාවික හමුදාපතිවරුන් උසාවියට දක්‌කාගෙන යන්න ඉඩ තියන්නේ නැහැ.” යෑයි ජනපති පැවසුවේ එබැවිනි. එසේ නම් රනිල් වික්‍රමසිංහ රජය රණවිරුවා සම්බන්ධයෙන් ගෙනයන මේ නින්දිත ක්‍රියා කලාපය නිසා ජනතාවගේ අප්‍රසාදය යොමු වන්නේ රනිල්ට නොව ජනාධිපතිටය. මෙය ජනපතිට විරුද්ධව කූට ලෙස ක්‍රියාත්මක වන කුමන්ත්‍රණයක්‌ බවද ජනපති අවබෝධ කර ගත යුතුවේ. මෙසේ රණවිරුවාද පාවාදෙමින් ජනපතිගේද ආවරණය ලබමින් ලක්‌ ඉතිහාසයේ සිදු වූ විශාලතම මුදල් වංචාවට වගකිව යුතු අගමැතිවරයා තනතුරින් නෙරපා හැරියහොත් ජනපතිගේ නමට ඉදිරියේදී සිදුවන මහා කැළලකින් යම්තාක්‌ දුරට හෝ මිදිය හැකි බැව් අපගේ විශ්වාසයයි.

අපේ රටේ, තම ජීවිතය පරදුවට තබා සටන් කළ රණවිරුවාට වර්තමාන රජය සලකන ආකාරයත් එයට ජනතාවගේ ප්‍රතිචාරයත් ඉතාම ශෝචනීය බැව් කිව යුතුය. අද එදා ප්‍රහාරයට ලක්‌ වූ එක්‌ ආබාධිත සෙබළෙක්‌ගේ එක්‌ ඇසක්‌ සම්පූර්ණයෙන්ම අන්ධ වී තිබේ. වර්ෂ 1996 දී මෝටාර් ප්‍රහාරයකට ගොදුරුව ඔහුගේ අනෙක්‌ ඇසෙහිද පෙනුම ඉතාම දුර්වල වී තිබිණ. මෙවන් තත්ත්වයක්‌ අද රණවිරුවාට අත්වීම සම්බන්ධයෙන් සමස්‌ත ජනතාවම ල-ජාවට පත්විය යුතුය.

අන් සියලුම රටවල් රණවිරුවන්ට සලකන්නේ මහත් වූ ගෞරවයෙනි. “කොමිසරි” නමින් ඔවුන් සඳහා වූ වෙනම සහන මිලට භාණ්‌ඩ අලෙවි වන වෙළෙඳසල් පවා තිබේ. ඕනෑම තැනක, කාර්යාලයක ඔවුනට ලැබෙනුයේ විශේෂ ස්‌ථානයකි. ගුවන් යානයක රණවිරු මගියෙක්‌ සිටී නම් ගමන ආරම්භ වීමට ප්‍රථම ගුවන් නියමුවා විසින් ” අද අපට සතුටු දිනයක්‌. අපේ යානයේ යුද විරුවෙක්‌ සිටිනවා.” යෑයි කියන විට අනෙකුත් සියලුම මගීන් අත්පොළසන් දී ඔහුට සිය ප්‍රණාමය පුද කරති. බොහෝ විට මේ සියලු “රණවිරුවන්” යුද්ධ කර ඇත්තේ තම රටේ නොව වෙනත් රටකය. තමාගේ රටේ ජනතාව බේරා ගැනීමට නොව වෙන රටක්‌ ආක්‍රමණය කිරීමටය. අපේ රටේ රණවිරුවා අත්පා අහිමි කරගත්තේ අපේ ජනතාව ත්‍රස්‌තයාගෙන් බේරා ගැනීමටය. දිවි පිදුවේ තමාගේ ජනතාවගේ දිවි ආරක්‍ෂා කිරීමටය. එවන් වූ රණවිරුවාට අද රටේ ලැබෙන තත්ත්වය මෙය නම් ඒ පිළිබඳව දේශප්‍රේමී ජනතාව දැන්වත් ඉදිරියට පැමිණිය යුතු කාලය එළඹ තිබේ. අපේ ජාතියේ අභිමානය සහ කළගුණ දත් ජාතියක්‌ ලෙස අප ලබා ඇති නාමය රැක ගත හැක්‌කේ ඒ අයුරිනි. එයට අප සැම එක්‌වෙමු.

කොටි ගුවන් ඒකකයේ ත්‍රස්‌තයා කුශාන්තන් නිදහස්‌?

කොටි ගුවන් ඒකකයේ ත්‍රස්‌තයා කුශාන්තන් නිදහස්‌?

කීර්ති වර්ණකුලසූරිය

සුන්දරලිංගම්රාජා කුශාන්තන් හෙවත් කුශාන්තන් මාස්‌ටර් කොටි සංවිධානයේ වාන්පුලිගල් නැමැති ගුවන් ඒකකයේ ප්‍රධානියායි. එහෙත් ඔහු අතුරුන්වූයේ කොටි පරාජයවීමට පෙරය. කුශාන්තන්ව කොටි සංවිධානය නම්කර තිබුණේ දර්ශන් නමිනි. මේ කොටි ගුවන් ඒකකයේ ප්‍රධානියා 2014 වසරේ මැයි 15 දා මැලේසියාවේ බ්‍රකින් අමාන් ත්‍රස්‌ත මර්දන ඒකකය සිදුකළ මෙහෙයුමකදී අසුවිය.

මැලේසියානු ත්‍රස්‌තමර්දන බලධාරීන් කුශාන්තන් සමඟ තවත් ත්‍රස්‌තයන් තිදෙනකු අත්අඩංගුවට ගනු ලැබුවත් ඔවුන් කවුදැයි හෙළිකලේ නැත.

එහෙත් 2014 මැයි 29 දා කොටි ගුවන් ඒකකයේ ප්‍රධානි කුශාන්තන් අසුවීමේ සිද්ධිය අපි විශේෂයෙන් (exclusive) අනාවරණය කෙළෙමු.

කොලොන්නාව තෙල් ටැංකිය, කටුනායක ගුවන් හමුදා කඳවුරට සහ කොළඹ බෝම්බ දැමීමේ සියලු මෙහෙයුම් දියත්කළ කුශාන්තන් දැඩි අවහිරතා මැද ක්‌වාලම්පූර් සිට මෙරටට එවීමට ක්‍රියාකලේ පසුගියදා අභාවප්‍රාප්තවූ මේජර් ජනරාල් සුමිත් මානවඩුය. කටුනායකදී කුශාන්තන් ඇතුළු කොටි තිදෙනා අත්අඩංගුවටගත් ත්‍රස්‌ත මර්දන බලධාරීහු ඔවුන්ව ත්‍රස්‌තවාදීන් රඳවන බොරැල්ලේ සිර මැදිරියේ රඳවා තැබූහ.

එහෙත් කොටි ගුවන් ඒකකයේ ප්‍රධානියා ගැන සැමටම අමතක විය. ශ්‍රී ලංකාවට එරෙහි ත්‍රස්‌ත ක්‍රියා සිදුකළ කුශාන්තන්ට නඩු පැවැරූ බව මාධ්‍යයට වාර්තාවූයේ නැත. එසේනම් කුශාන්තන්ට සිදුවූයේ කුමක්‌ද?

2015 මැයි මස අවසානයේ මෙරටට ගෙන ආ කුශාන්තන් තවදුරටත් ත්‍රස්‌ත රැඳවුම්භාරයේ සිටින්නේද යයි අපි නිරීක්‍ෂණය කළෙමු.

එහෙත් එම ත්‍රස්‌ත රැඳවුම් අංශයේ ආරංචි මාර්ග පැවසුවේ කුශාන්තන් නිදහස්‌ වී මෙරටින් පිටව ගොස්‌ ඇති බවත් ඔහුගේ බිරිඳ මැලේසියාවේ සිටින බවත්ය.

47 හැවිරිදි වියේ පසුවූ කුශාන්තන් අල්ලාගැනීමට මැලේසියානු ත්‍රස්‌ත මර්දන ඒකකයට හැකිවූයේ එවකට මැලේසියාවේ ශ්‍රී ලංකා මහ කොමාසාරිස්‌ කාර්යාලයේ නියෝජ්‍ය මහ කොමසාරිස්‌ ලෙස සේවය කළ මේජර් ජනරාල් සුමිත් මානවඩු නිසාය. එහෙත් කොටි ගුවන් ඒකකයේ ප්‍රධානියා සිටින්නේ කුමන රටේදැයි කිසිවෙක්‌ දැනසිටියේ නැත. කුශාන්තන් අසුවූයේ ඔහු කළ මෝඩකමක්‌ නිසාය. 2014 අප්‍රේල් මස කුවාලම්පූර්හි ශ්‍රී ලංකා තානාපති කාර්යාලයට පැමිණි ද්‍රවිඩයෙක්‌ සිය ගමන් බලපත්‍රය අළුත්කරගැනීමට තානාපති නිලධාරියකුට බාරදුන්නේය. මේ ද්‍රවිඩයා කවුදැයි තානාපති කාර්යාලයේ ගමන් බලපත් ඒකකයේ නිලධාරීන් විමර්ශනය කළේ නැත. ඒ ගැන ඔවුන් උනන්දුවක්‌ද දක්‌වා නොමැත.

එහෙත් දිනක්‌ තානාපති කාර්යාලයේ ගමන් බලපත් ඒකයට ලැබී ඇති ගමන් බලපත් පරීක්‍ෂාවට ලක්‌කළ මේජර් ජෙනරාල් මානවඩු එක්‌ ගමන් බලපත්‍රයක්‌ දැකීමෙන් විශ්මයට පත්විය. එය කුෂාන්තන් හෙවත් දර්ශන්ගේ ගමන් බලපත්‍රයකි.

ඒ සමඟම ක්‍රියාත්මකවූ මේජර් ජනරාල්වරයා අළුත්කළ ගමන් බලපත්‍රය ගැනීමට තානාපති කාර්යාලයට පැමිණි කුශාන්තන් පසුපස හඹා ගියේය. කුෂාන්තන් මැලේසියාවේ පැලන්ජයා නමැති ප්‍රදේශයේ සිටින බවත් ඔහු විටින් විට ක්‌ලැන්ස්‌ ප්‍රදේශයටද යන බව විමර්ශනයේදී සනාථ විය.

මෙම ප්‍රදේශ ගැන හොඳින් දන්නා මැලේසියානු ඔත්තුකරුවෙක්‌ මේජර් ජනරාල්ට සහය විය. කොටින්ගේ වාන්පුලිගල් නම්වූ ගුවන් ඒකකයේ ප්‍රධානියාවූ කුශාන්තන් මැලේසියාවේදී අසුවී ශ්‍රී ලංකාවට ගෙනඑනු ලැබූ බව ඇසූ ඊලම් ඩයස්‌පෝරාව දැඩි කලබලයට පත්විය.

කුශාන්තන් මැලේසියා ත්‍රස්‌ත මර්දන පොලිසිය අල්ලාගත් අවස්‌ථාවේ එක්‌සත් ජාතීන්ගේ සරණාගත කාර්යාලය ඔහුට සරණාගත කාඩ්පත පවා ලබාදී තිබූ බව අනාවරණයවිය.

කුශාන්තන්ගේ අසුවීමේ සිද්ධිය මැලේසියානු කොටි හිතවාදීන්ට වාර්තාවීමත් සමඟම පිනෑන්ප් ප්‍රාන්තයේ නියෝජ්‍ය මහ ඇමැති මහාචාර්ය පී. රාමසාමි කොටි ක්‍රියාකාරීන් සමඟ එක්‌ව අධිකරණය වෙත පෙත්සමක්‌ද ගොනුකරනු ලැබීය.

එම පෙත්සම මත කුෂාන්තන් පිටුවහල් කිරීම වැලැක්‌වීමේ නියෝගය කුවාලම්පූර් ගුවන්තොටුපලේ ආගමන හා විගමන බලධාරීන්ට ලැබීමට පෙර කුශාන්තන් ඇතුළු කොටි තිදෙනා ශ්‍රිලන්කන් ගුවන් යානාවට ඇතුළු කිරීමට මේජර් ජනරාල් මානවඩුට හැකිවිය. එහිදී මැලේසියා පොලිස්‌පති කාලිද් අබුබකර්ගේ සහයද ලැබී තිබුණි. කුශාන්තන් ගැන තවදුරටත් හෙළිවූයේ මුල්ලිවයික්‌කාල්හි කොටි බංකරයක තිබී අසුවූ ඡායාරූප කිහිපයකිනි.

ඔහු විවාහ වී සිටියේ කොටි ගුවන් ඒකකය ආරම්භ කළ ශංකර්ගේ ඥති දියණියක්‌ වූ රෝහිනි සමඟය.

මැලේසියා ත්‍රස්‌ත මර්දන බලධාරීන්ට කුශාන්තන් සමඟ අන්බරායු හෙවත් මහාදේවන් තිරුබාහරන්ද අසුවී තිබුණි. ඔහු පොට්‌ටු අම්මාන්ගේ ටොසි බුද්ධි සේවාවේ ප්‍රධානතම ක්‍රියාකාරියෙකි. තිරුබාහරන් සමඟ කොටින්ගේ නිදර්ශනම් රූපවාහිනියේ ප්‍රධාන ඉංජිනේරුවාවූ සෙල්වතුරෙයි තිරුබානන්දන්ද අසුවිය.

මේ ත්‍රස්‌තයන් සතුව තිබී කොටි ප්‍රචාරක ලියවිලි හා පරිගණක උපාංගද සොයාගැනිනි. මේ කොටි ත්‍රස්‌තයන් තිදෙනාගේ අනන්‍යතාවය කොළඹ පොලිස්‌ මාධ්‍ය ප්‍රකාශක කාර්යාලය අනාවරණය කිරීමට ක්‍රියාකළේ අප කළ හෙළිදරව්වෙන් පැය 48 කට පසුවය.

මෙලෙස මැලේසියා ත්‍රස්‌ත මර්දන බලධාරීන්ගේ අත්අඩංගුවේ සිටි කුශාන්තන් ඇතුළු කොටි තිදෙනා මෙරටට ගෙනඒමට තිදෙනකුගෙන් යුත් පොලිස්‌ කණ්‌ඩායමක්‌ ක්‌වාලම්පුරයට පැමිණි බව හෙළිවිය.

මේ අතර මේජර් ජනරාල් මානවඩුගේ මෙහෙයවීම මත මැලේසියාවේදී අසුවූයේ කොටි සංවිධානයේ වඩා වටිනාකමක්‌ ඇති ත්‍රස්‌තයා වූ කුශාන්තන් බව හමුදා බුද්ධි අංශයට වාර්තා විය.

ඒ වනවිට ලත් බුද්ධි තොරතුරුවල සඳහන් වූයේ කොටි ගුවන් ඒකකය පිහිටවූ ශංකර් විසින් කුශාන්තන්ව සහ රවීන්ද්‍රන් හෙවත් මෙන්ඩිස්‌ යන දෙදෙනා ගුවන් යානා පුහුණුවීම සඳහා කැනඩාවට යවා තිබූ බවත් ඔවුන් 1988 දී යළි ශ්‍රී ලංකාවට පැමිණි බවත්ය. ප්‍රභාකරන් විසින් කුශාන්තන්ට පවරා තිබූ කාර්යය වූයේ කොටින්ට ගුවන් යානා පැදවීම පුහුණු කිරීමයි. ඒ සඳහා කැලෑ වර්ණයෙන් යුත් ධාවන පථයක්‌ ඉරනමඩුහි ඉදිකර තිබුණි.

මෙරටට ගෙනඑනු ලැබූ ස්‌ලින් වර්ගයේ යානා දෙක එකලස්‌ කිරීමට කුශාන්තන් කටයුතු කළේ ඉරනමඩුහි පිහිටා තිබූ ගුවන් අංගනයේයි.

මේවන විට ශ්‍රී ලංකා හමුදා බුද්ධි අංශවලට වාර්තා වූයේ සිවරාසා පිරුන්තබන් හෙවත් අච්චුදන් කොටි ගුවන් ඒකකයේ ප්‍රධානියා බවයි. ඔහුද ගුවන් නියමුවෙකි. අච්චුදන් නැමැත්තාද ඉන්ටර්පෝල් පොලිසියට අවශ්‍ය කරන අයකු ලෙස රතු වරෙන්තුව ප්‍රකාශයට පත්වූවත් කුශාන්තන්ගේ නම රතු වරෙන්තු ලැයිස්‌තුවට ඇතුලත් වී නොතිබුණි.

කොටි ගුවන් ඒකකය හසුරුවන ලද්දේ කුශාන්තන්ය. ප්‍රංශ ගමන් බලපත්‍රයක්‌ හිමි අච්චුදන් සහ ඔහුගේ බිරිය දැන් ප්‍රංශයේ සිටින බව වාර්තා වී ඇත. මේ පසුබිම මැද 2001 සැප්තැම්බර් 27 දා පුදුකුඩිඉරිප්පු මාර්ගයේදී ශ්‍රී ලංකා යුද හමුදාවේ දිගු දුර විහිදුම් බළකායේ බිම් බෝම්යකට ගොදුරුවී කුශාන්තන්ගේ ගුරුවරයාවූ ශංකර් මරුමුවට පත්විය. මේ අතර කුශාන්තන් විසින් ශංකර්ගේ ඥති දියණියක්‌වූ රෝහිනි විවාහ කරගත් අතර එම උත්සවය පැවැත්වූයේ ප්‍රභාකරන් සහ බිරිය මදිවදිනිගේ ප්‍රධානත්වයෙනි.

මෙවන් ඉතිහාසයක්‌ ඇති කුශාන්තන් ශ්‍රී ලංකාවේ ජනතාවට එරෙහිව ත්‍රස්‌ත ක්‍රියා සිදුකිරීම ගැන දඬුවම් ලැබිය යුතු වූවත් 2016 නොවැම්බර් 7 දා තෙක්‌ ඔහුට සිදුවූයේ කුමක්‌ද යන්න ගැන අබිරහසක්‌ විය.

ඉමහත් වෙහෙසක්‌ දරා පසුගිය රජය සමයේදී මැලේසියාවේදී අල්ලාගත් කුශාන්තන් ගැන ද්‍රවිඩ දේශපාලනඥන්ද කිසිදු ප්‍රකාශයක්‌ කළේ නැත. ඒ වෙනුවට ඔවුන් පැවසුවේ රැඳවුම් භාරයේ සිටින දේශපාලන සිරකරුවන් මුදාහැරිය යුතු බවයි. එම තත්ත්වය මත කුශාන්තන් හෙවත් දර්ශන් පිළිබඳව රජයේ නීති යාන්ත්‍රණය ගත් පියවර කුමක්‌දැයි වසන්වී තිබුණි. එහෙත් කුශාන්තන් සහ තවත් කොටි ක්‍රියාකාරීන් කීපදෙනෙක්‌ සිංහල කොටි යයි හංවඩු ගැසූ කීපදෙනකු සමඟ ත්‍රස්‌ත රැඳවුම් භාරයේ රඳවා සිටි බව අනාවරණය විය.

එහිදී තමා ගුවන් නියමුවකු බව කුශාන්තන් අනිකුත් රැඳවියන් හමුවේ පවසනු ලැබීය. කුශාන්තන් සමඟ රැඳවුම්භාරයේ සිටි තවත් පුද්ගලයෙක්‌ වූයේ හිටපු හමුදා කපිතන් වරයකුවූ ඉන්දික සංජීව හෙවත් සාන්ඡ් මොහොමඩ්ය.

ශ්‍රී ලංකා හමුදාවේ බුද්ධි තොරතුරු කොටින්ගේ ටොසි බුද්ධි සේවාවට ලබාදුන් බවට චෝදනා එල්ලවූ අගුරුකංකානම්ලාගේ ඉන්දික සංජීව කඩුවෙල හේවාගම පදිංචිකරුවෙකි.

1991 වසරේ හමුදාවට බැඳුණු මෙම හමුදා කපිතන්වරයා යාපනයට ස්‌ථාන මාරුවක්‌ ලැබීමෙන් පසු හමුදාවෙන් පැනගොස්‌ කොටි බුද්ධි නායකයකුවූ චාල්ස්‌ට එක්‌වී ඇත. කොළඹ පිහිටි හමුදා කඳවුරු මාර්ග බාධක සහ ප්‍රහාර එල්ල කළ යුතු ස්‌ථාන දැක්‌වෙන සිතියමද හමුදා බුද්ධි අංශ නිලධාරීන් ගැන තොරතුරු කොටි සංවිධානයට ලබාදුන් බවට පාපොච්චාරණය කර ඇත.

කපිතන් ඉන්දික සංජීව පසුව මැලේසියාවට පැනගොස්‌ මුස්‌ලිම් ආගම වැළඳගෙන තිබේ.

මේ හිටපු හමුදා නිලධාරියා මැලේසියා ත්‍රස්‌ත මර්දන නිලධාරීන් විසින් අල්ලාගනු ලැබුවේ 2014 අගෝස්‌තු මස මුල් සතියේ කුවාලම්පූර්හි සෙන්තුල් ප්‍රදේශයේදීය.

ඒ සඳහා මේජර් ජනරාල් මානවඩු මැලේසියා පොලිසියට සහය විය.

ඉන්දික සංජීව හෙවත් මොහමඩ් සාන්ඡ් අබ්දුල්ලා නමින් පෙනීසිටි එම කපිතන්වරයා මීගමුවේ පදිංචිකරුවකු බව දක්‌වමින් 2021 වසර දක්‌වා බලපැවැත්වෙන ව්‍යාජ ගමන් බලපත්‍රයක්‌ ලබාගෙන තිබුණි. ඔහු එම ගමන් බලපත්‍රය භාවිත කර මැලේසියාව සහ ශ්‍රී ලංකාව අතර ගමන් කළත් අසුවූයේ නැත. මේ හැර මොහු 2016 වසර දක්‌වා ගමන් බලපත්‍රයක්‌ ආගමන විගමන දෙපාර්තමේන්තුවෙන් ලබාගෙන තිබිණි.

කොළඹ ප්‍රධාන පෙළේ පාසලක ආදි සිසුවකුවූ කපිතන් ඉන්දික සංජීව අසුවීමෙන් පසු ඔහුගේ ගමන් බලපත්‍රයේ අංකය වූ 3293983 පිළිබඳව සොයාබැලීමේදී එය කොටහේනේ ද්‍රවිඩ කාන්තාවකට අයත්වූවක්‌ බව අනාවරණය විය.

2006 සැප්තැම්බර් 25 දා කපිතන්වරයා මෙරටින් ගමන් බලපත්‍රයක්‌ ලබාගෙන තිබුණේ හදිසි අවස්‌ථාවක්‌ ඇතිවුවොත් පැනයාමට බවද හෙළිවිය.

කොටි පරාජය වීමත් සමඟම ඔහු 2009 දී මෙරටින් පැනගිය අතර යුද හමුදා බලධාරීන්ට ඒ බව වාර්තා වූයේ නැත.

මැලේසියාවේදී කපිතන්වරයා එක්‌ව සිටියේ කොටි ත්‍රස්‌තයන් කීපදෙනකු සමඟය. ඉන් එක්‌ ත්‍රස්‌තයෙක්‌ වූයේ සෂි සහ සොර්ගලිංගම් පුවනෙස්‌වරන් සමඟය.

කොටින්ගේ ටොසි බුද්ධි සේවාවට තොරතුරු සැපයූ කපිතන් ඉන්දික සංජීවද කුශාන්තන් සමඟ එකට බොරැල්ලේ ත්‍රස්‌ත රැඳවුම් සිරමැදිරියේ රඳවා තිබුණි. එහෙත් එම සිරමැදිරියේ සිටි අනිකුත් රැඳවියන් විස්‌මයට පත්කරමින් කොටි ගුවන් ඒකකයේ ප්‍රධානියාවූ කුශාන්තන් හා ටොසි බුද්ධි සේවාවේ ඔත්තුකරු ඉන්දික සංජීව ආපසු එම රැඳවුම් මැදිරිය වෙත පැමිණියේ නැත.

කපිතන් ඉන්දික සංජීව රැඳවුම් මැදිරියේ සිටි රැඳවියන්ට පැවසුවේ තමා ආපහු මැලේසියාවට යන බවත් බිරිය ක්‌වාලම්පුරයේ සිටින බවත්ය.

මැලේසියානු පොලිසියට වාර්තාවූයේ මෙම හමුදා කපිතන්වරයා තායි කාන්තාවක්‌ විවාහ කරගෙන ඇති බවයි.

මේ අතර කුශාන්තන්ගේ බිරිය රෝහිනිද මැලේසියාවේ සිටින බව අනාවරණය වී තිබුණි. මේ පසුබිම මැද කුශාන්තන් හා කපිතන් ඉන්දික සංජීව හෙවත් සාන්ඡ් මොහමඩ් නිදහස්‌ වූයේද නැත්නම් ඔවුන්ට සිදුවූයේ කුමක්‌ද යන්න කිසිවෙක්‌ නොදනී. කුශාන්තන් සතුව එක්‌සත් ජාතීන්ගේ සරණාගත හැඳුනුම් පතක්‌ තිබීම නිසා ඔහු දේශපාලන සරණාගතයකු ලෙස එක්‌සත් ජාතීන්ගේ සරණාගත මහකොමසාරිස්‌ පිළිගෙන ඇත. ඔහුට සරණාගත හැඳිනිම් පත ලබාදීම ගැන එම සරණාගත කාර්යාලය ප්‍රකාශයක්‌ කිරීමද ප්‍රතික්‍ෂේප කර තිබේ.

මේ පසුබිම මැද ස්‌ථාන හතරකට බෝම්බ දැමීම මෙහෙයවූ කුශාන්තන්ට එරෙහිව 2014 ජුනි මස සිට 2010 වසර දක්‌වා රජයේ බලධාරීන් පියවරක්‌ නොගැනීම අබිරහසකි.

මඩකලපුව ශ්‍රී මංගලාරාම විහාරයේ දී පැවැත්වූ මාධ්‍ය සාකඡ්චාව

වසර දෙදාහක බෞද්ධ නටඹුන් නසා ලියෑවෙන නැගෙනහිර අමුතු ඉතිහාස කතාව

වසර දෙදාහක බෞද්ධ නටඹුන් නසා ලියෑවෙන
නැගෙනහිර අමුතු ඉතිහාස කතාව
සොහොන මුස්‌ලිම් ආගමික නායකයකුගෙලු…
අවුරුදු දෙසීයක්‌ පරණයිලු..
සොහොනක්‌ තියනවග කියන්නෙ
වතුසුදු මල්ගස්‌ දෙකක්‌ නිසාලු…

වට්‌ටමඩු ප්‍රදේශයේ වසර දෙසීයක්‌ පැරණි මුස්‌ලිම් ජාතිකයෙක්‌ගේ සොහොන් තිබෙනවා. එතන අපේ ගල් කණුත් තිබෙනවා. දැන් එතන පල්ලියකුත් හදලා අලුත් ගම්මානයක්‌ හදන්න යනවා.” අයෙක්‌ මට කීවේය. අසන්නට ලැබුණු තොරතුරු කුහුල දනවන සුළුය. මම මා ප්‍රිය මිතුරු සමන් සමග ඒ සොහොන සොයා ගියෙමි.

අක්‌කරපත්තුව නගරයට පිවිසි අපි සාගම පොතුවිල් මාර්ගයේ ඉදිරියට ගියෙමු. ඩෝසර් කර බිමට සමතලා කරන ලද මොට්‌ටයාගොල ඉපැරණි පුද බිමද පසු විය. දෙපස කෙත්වතුය. ප්‍රධාන මාර්ගයෙන් වනපෙත දෙසට යනවිට සාගම වැව හමුවේ. වාහනයකට තබා පාපැදියකටවත් යාමට අපහසු මෙම මාර්ගයේ ගමන අතිශය දුෂ්කර විනි.

”මේ තියෙන්නේ මෙතන දාගැබක්‌. අර පේන තැනත් දාගැබක්‌, අර තියෙන්නේ ගල් කණු. අන්න අර හරියේ කවදාවත් හිෙ`දන්නේ නැති ක`ඵ දිය පොකුණක්‌ තිබෙනවා.” සමන් අවට වූ නටබුන් ගොඩැලි පෙන්වමින් යතුරුපැදිය පැදෙව්වේය. දෙපස පාළුය. තවත් දුර යනවිට හමුවන්නේ කලෙක කුඹුරු වගා කර අත් හරින ලද ඉඩම්ය. තැන් තැන්වල පෙර දිනයේ අලින් දැමු අලි වසුරුය.

”හැන්දෑවෙනකම් හිටියොත් අලි එනවා. සමහර වෙලාවේ දවල්ටත් අලි එනවා.” සමන් යළිත් හ`ඩ අවදි කළේය. ල`දු කැලෑවන් සහ ක`දු වැටි අතරින් හතර අතට වැලි පාරවල් පෙනේ. අප මහා මාර්ගයේ සිට මිනිස්‌ පු`ඵටක්‌ නැති අතුමග දිගේ කිලෝ මීටර් හත අටක්‌ පමණ පැමිණ තිබිණි. අප සොයා යන්නේ වසර දෙසීයක්‌ පැරණි ශ්‍රී ලාංකික මුස්‌ලිම්වරයකුගේ සොහොනකි. එම හැ`ගීම අප තුළත් යම් කුතුහලයක්‌ දනවයි. මේ අප සමග සියවස්‌ කාලයක්‌ එකට ජීවිතය බෙදාගත් මිනිසුන්ගේ සාධකනම් එය කොපමණ අසිරියක්‌ ද?.

අවසානයේ වසර දෙසීයක්‌ පැරණි යෑයි කියන සොහොන හමු විය. එය තිරුක්‌කෝවිල් ප්‍රාදේශිය ලේකම් කොට්‌ඨාසයේ ආරච්චිකට්‌ටුව ප්‍රදේශයේ පිහිටා තිබුණි. දෙපස ඉපැරණි ගල් කණු දෙකකි. එය යාකොට සිමෙන්ති ගඩොලින් බ`දින ලද සොහොන් ගැබ යෑයි කියන ස්‌ථානයට ඉහළින් කොළ පැහැති රෙදි හා කොඩි වැල් ඇද තිබිණි. ඉදිකිරීම හතර අත නිවීගිය හ`දුන්කුරු කොටස්‌ තිබුණි. සොහොන් කොත යෑයි කියනා ඉදිකිරීමේ සිමෙන්ති වලින් වට කළ කොටසේ එක්‌ පසෙක වතු සුද්ද පඳුරු කිහිපයක්‌ විය. අඩි 10ක්‌ 12ක්‌ උසට වන්නට සැකසු ස්‌මාරකයක්‌ද පසෙකින් තිබිණි. තහඩු ගසා ලෑලිවලින් මෑතකදි කරන ලද පල්ලියක්‌ද එම භුමියේ වූයේය.

සියල්ල පැහැදිලිය. මේ පවතින්නේ අනුරාධපුර යුගය තෙක්‌ දිවෙන පුරාණ ආරාමික නටබුන්වලින් උගුල්වාගත් ගල් කණු ය. මේ බෞද්ධ ආරාමික නටබුන් උගුලුවා ඒ ආශ්‍රයෙන් ඉදිවෙමින් ඇති මුස්‌ලිම් පල්ලිය බොහෝ අසුබ ඵල අනාගතයට ගෙන එනු ඇතැයි සිතේ. මේ රටේ පැවැත්ම සහතික වන්නේ එකිනෙකා එකිනෙකාගේ සංස්‌කෘතියට එහි හරයන්ට ගරු කිරීමෙන් පමණි. එහෙත් මේ මුස්‌ලිම් සහෝදරවරු මහා ව්‍යසනයක්‌ අපේක්‌ෂාවෙන් අශ්ලීල ප්‍රවේශයකට එළඹ සිටිති. කූරගලට සිදුවූයේත් මෙයමය. මේ පුංචි විඥානයක්‌ සහිත පරිණත නොවූ මිනිසුන් නැගෙනහිර බොදු උරුමය විනාශ කිරීමටත් එම උරුම සංකේත මුස්‌ලිම්කරණය කරගෙන අර්ථ දක්‌වන්නටත් කළ උත්සාහයේ මුල්ම අවස්‌ථාව මෙය නොවේ. පවතින රජය මෙවැනි සංස්‌කෘතික ව්‍යසනයන් නැවැත්වීමට නෛතික පදනම ශක්‌තිමත් නොකරන්නේනම්, පුරාවිද්‍යා දෙපාර්තමේන්තුව මේ ව්‍යසනයට ශාස්‌ත්‍රීයව මැදිහත් වී මේ බිම ස`දහා අර්ථකථනයක්‌ නොදෙන්නේනම් එය අවසන් විය හැකි ෙ€දවාචකයේ තරම අපට දැන් වැටහෙන්නේය.

මෙතැන ඇත්තේ මුස්‌ලිම් ජාතික ශුද්ධවරයකුගේ සොහොනක්‌ නම් එය පුරාවිද්‍යාත්මකව සිදුකළ යුතු වටිනා සොයාගැනීමකි. අවට පුද්ගලයන් පවසන්නේ මුස්‌ලිම් ආගමික නායකයෙක්‌ ලෙස හ`දුන්වන බාවා නමැති පූජකවරයාගේ සොහොන මෙය බවය. එහෙත් අපට පෙනෙන්නේ අඩුම තරමින් වසර දහසක්‌ පැරණි ආරාමික නටබුන් විතැන් වීමක්‌ය.

මෙම ස්‌ථානයට මීටර් දෙතුන් සියයකට එපිටින් වන වදුලෙන් වටව ගල් තලාවක පොතාන ඉපැරණි පුදබිම ඇත්තේය. එම ක`දු පර්වතය මත සාහසිකයන් විසින් විනාශ කරන ලද ඉපැරණි දාගාරී ගොඩැල්ලක්‌ය. වන පෙතට කිලෝ මීටර කිහිපයක්‌ ඔබ්බෙන් ඇත්තේ මාන්තොට්‌ටම ප්‍රදේශයය. එක්‌ පසෙක එදා කොටින්ගේ පරාදීසයක්‌වූ කංචිකුඩිආරු වනපෙතය. පෙනෙන මානයේ තැන් තැන්වල ගල්කණු සහ පියගැට පෙළවල සලකුණුය. අතීත බෞද්ධ උරුමයේ සාධක විනා වසර දෙසීයකට එපිට මිය ගිය මුසල්මානු ශුද්ධවරයෙකුගේ සොහොනක්‌ පිළිබ`ද සාධනීය තොරතුරු අපට පෙනෙන්නේ නැත.
අප එන අතරමග සාගම ප්‍රදේශයේදී හමුවූ අක්‌කරපත්තුව පදිංචි එම්. එච්. එම්. මොහොමඩ් මේ ස්‌ථානය ගැන කී කතාව සිහිවේ.

”මම කුඩා කාලයේ ඔතනට ගිහිල්ලා තියෙනවා. එතන සොහොන් ගැබක්‌ තිබිලා තියෙනවා. ඒ සොහොන් ගැබ තිබෙන්නේ පල්ලියට අයිති භූමියේ. එතන පූජක කෙනෙක්‌ ඉ`දලා තියෙනවා. එයාගේ සොහොන තමයි ඒ.” මොහොමඩ්ගේ කතාව කුහුල දැනවීය.

මෙම ස්‌මාරක සහිත ප්‍රදේශයට මදක්‌ ඔබ්බෙන් කූඹුරක සී සාමින් සිටි දමිළ වැසියන් කිහිප දෙනෙකු අපට තොරතුරු කියන්නට ඉදිරිපත් වූහ.
 

මුලින්ම කතා කළේ අක්‌කරපත්තුව පදිංචි ඉලේතම්බි රාඡේන්ද්‍රන්ය.

”ඔය ඉඩමේ හිමිකරු වන්නේ නාවුර්තම්බි ඕඩාර් කියන පුද්ගලයා. එයාගේ ඉඩමෙන් කොටසක්‌ තමයි එයා පල්ලිය ගහන්න ඉඩදිලා තියෙන්නේ. අක්‌කරපත්තුව වෙළෝද සංගමයෙන් තමයි ඔතන පල්ලිය හදන්නේ. ඔතන මැරිච්ච පූජක කෙනෙක්‌ගේ අවුරුදු 200 ක්‌ පැරණි සමාධියක්‌ කියලයි එයාලා කියන්නේ. එතන වතු සුද්ද මල් ගස්‌ වගයක්‌ තියෙනවා. ඒවායේ මල් පිපෙනවා. ඒක නිසා එයාලා හිතෙනවා එතෙන සොහොනක්‌ තියෙනවා කියලා. බාවා නමින් හ`දුන්වන මුස්‌ලිම් පූජකයෙක්‌ගේ කියලයි එයාලා කියන්නේ. වසර 04ක්‌ ඉ`දන් තමයි එතන සොහොනක්‌ හදලා තියෙන්නේ. ඒ අය විටින් විට ඇවිත් පූජා පවත්වලා යනවා. වසර 10ක පහලොවක කාලයේ සිට එතන ගල් කණු වැටිලා තිබ්බා. මේ අය ඒක කෙළින් කරලා ඉන්දලා තියෙනවා. අපි හිතෙන්නේ ඒ ගල් කණු මෙතන තියෙන පොතාන හරියේ පරණ පන්සලේ කියලයි.”

අනතුරුව අපට කතා කළේ ආලයඩිවෙම්බු එන්.රඝූපතිය.

”සිකුරාදට මෙතන තියෙන පල්ලියේ ජූජාවන් තියෙනවා. එතෙනට කිලෝ මීටර් 07ක්‌ 08ක්‌ දුර ඉ`දන් කට්‌ටිය එනවා. මුස්‌ලිම් ගම්මානයක්‌ එතන කලින් තිබ්බේ නැහැ. එතන කැලෑව තිබ්බේ. මේ අය එවා එළි කරලා තියෙනවා. මම අවුරුදු 10 ඉ`දන් තමයි මෙහි ආවේ. නමුත් ඉස්‌සර මෙතන මුස්‌ලිම් ගම්මානයක්‌ තිබ්බේ නැහැ. මේ ඉඩම් වගා කරන්න ගත්තේ පන්නල්ගම වැව හැදුවට පස්‌සේ.” යනුවෙන් රඝූපති කීවේය.

අක්‌කරපත්තුව සිංහල සංවිධානයේ ලේකම් එච්. සමන් කිවේ මෙවැනි කථාවකි.

”මම වසර 45ක්‌ තිස්‌සේ ජීවත් වුණේ අක්‌කරපත්තුවේ. ඔය සුසාන භූමියක්‌ කියන ස්‌ථානය වන සංරක්‌ෂණ දෙපාර්තමේන්තුවෙන් වන වගාවට වෙන් කළ එකක්‌. අපි තිරුක්‌කෝවිල් ප්‍රාදේශීය ලේකම් කාර්යාලයෙන් මෙම ප්‍රදේශයේ ඉඩම් පිsළිබ`ද සොයා බැලුවා. ඒවාට නිසි බලපත්‍ර ඔප්පු නැහැ. තියෙන්නේ පොටෝ කොපි කොළ. මෙම ප්‍රදේශයේ අඩියෙන් අඩිය තියෙන්නේ බෞද්ධ උරුමය. ඒවා දිනෙන් දින විනාශ කරනවා. මහා රෑ බැකෝa යන්ත්‍ර ක`දු වලට පවා නංවලා ඉපැරණි දාගැබ් වල හාරලා තියෙනවා. මම මෙවැනි ස්‌ථානයන් සොයා ගෙන පුරා විද්‍යා නිලධාරීන් පවා රැගෙන ගොස්‌ පෙන්නලා තියෙනවා. කොටි ත්‍රස්‌තවාදීන් සිටින සමයේ මේ ආකාරයෙන් පුරා වස්‌තු වලට හානි වුණේ නැහැ. තව්පික්‌ ජමාඩ් සංවිධානයේ තමයි එතන අ`ඵතින් පල්ලිය හදන්න කටයුතු කරන්නේ. මොට්‌ටයාගල දාගැබ මු`ඵමනින්ම බිමට සමතලා කළා. තිරුක්‌කෝවිල් දාගැබ දෙප`ඵ කළා. ඒක හදනවා කියලා ලක්‌ෂ 10ක්‌ වෙන් කළත් ඒ වැඩත් අතර මග නතර වෙලා. දිනෙන් දිනම මේ ආකාරයෙන් අම්පාර දිස්‌ත්‍රික්‌කයේ පුරා වස්‌තු විනාශ කරමින් නව ඉතිහාසයක්‌ බිහි කරන්නට යනවා. කරුණාකරලා මේ ගැන අවධානය යොමු කරන්න. මේ සිද්ධ වෙන්නෙ මේ රටේ සාමාන්‍ය මුස්‌ලිම් සහෝදරයන්ට අවශ්‍ය දේ නොවන වග අප කියන්න ඕනි.”

දිගාම`ඩුල්ල බෞද්ධ උරුමයන් රකින්නට මහත් වෙහෙසක්‌ ගන්නා අරන්තලා ජත්‍යන්තර බෞද්ධ මධ්‍යස්‌ථානාධිපති, අම්පාර විද්‍යානන්ද පරිවෙණාධිපති ශාස්‌ත්‍රපති පූජ්‍ය කිරිඳිවෙල සෝමරතන නාහිමියෝ මේ විපරිතය පිළිබ`ද අදහස්‌ පළ කළ අයුරු සිහිවේ.

දිනෙන් දිනම නැගෙනහිර ඉපැරණි බෞද්ධ උරුමය විනාශ වෙමින් තිබෙනවා. අපේ ඉපැරණි දාගැබ් ඩෝසර් වලින් බිමට සමතලා කරනවා. දාගැබක්‌ හොයා ගන්න බැරි විදිහට බිමට සමතලා කරලා දානවා. මහනාග රාජ සමයේ සෙල් ලිපි පවා තිබෙන අතීතයේ රුහුණට සම්බන්ධයෑයි තොරතුරු රැසක්‌ ආනාවරණය වන මොට්‌ටයාගල ඉපැරණි පුදබිමේ දාගැබ බිමට සමතලා කළා, තිරික්‌කෝවිල් දාගැබ ඩෝසරයක්‌ දාලා දෙපලු කළා. පුරා විද්‍යා එකෙන් නැවතත් තිබුණු තත්වයට හදනවා කියලා පටන් ගත්තා. ඒ වැඩ සති දෙක තුනකින් ඉවරයි. සාගම විශාල දාගැබක්‌ මේ ආකාරට නිධන් හාරන්න විනාශ කරලා තිබ්බා. අපි මේවාට විරුද්ධව දිගින් දිගටම හ`ඩ නගනවා. නමුත් මේවා රැක ගන්න නිසි වැඩ පිළිවෙලක්‌ නැහැ. වසර දෙසීයක්‌ පරණ මුස්‌ලිම් ජාතිකයකු සොහොන් ගැබක්‌ ඔතන තියෙන්න නම් 1816 දී එතන මුස්‌ලිම් ජනවාසයක්‌ තිබෙන්න ඕන. ඒ දවස්‌වල එතන තිබ්බේ ඝන කැලෑව. වසර දහස්‌ ගණනකට පෙර එම ප්‍රදේශය පුරාම තිබ්බේ සිංහල බෞද්ධ ජනවාස.”

”ඔය ප්‍රදේශය ඇතුළුව නැගෙනහිර ප්‍රදේශය පුරාම සෑම තැනම ගව්වෙන් ගව්ව විසිරී තිබෙන්නේ අපේ බෞද්ධ උරුමය. කොච්චර විනාශ කළත් අදටත් එම ප්‍රදේශයට යන අයෙකුට තවමත් ඒ අතීත උරුමයන් දකින්නට හැකියි. කොච්චර ගල් බෝර ගැසුවත්, කු`ඵ ගෙඩි පහරවල් ගැසුවත් තවමත් ඒ අතීත උරුමය අපේ වාසනාවට මෙන් විනාශ කරන්න බැරි වෙලා තියෙනවා. ක`ඵ ගලෙන් ජීවමාන බුදුරුව නිර්මාණය කළේ බෞද්ධ කලා කරුවන්, අපේ ඉපැරණි පුද බිමක්‌ ආසන්නයේ තිබෙන ගල් කණු උපයෝගි කොට ගනිමින් වසර 200 ක්‌ පැරණි මුස්‌ලිම් ජාතිකයෙකුගේ පුදබිමක්‌ තිබෙන බව කියනවා. මේ හැසිරීම කනගාටුදායකය. මෙම ස්‌ථානයේ ගල් කණු පිටතින් රැගෙනා ආ ඒවාද? එසේ නොමැති නම් මෙම ගල් කණු එම ස්‌ථානයේ තිබුණු අපේ උරුමයන්ද? සැබවින්ම මෙම ස්‌ථානයේ වසර 200ක්‌ පරණ මුස්‌ලිම් ආගමික නායකයෙකුගේ මළ සිරුරක්‌ තිබෙනවාද? එසේ තිබෙන්නේ නම් කොපමණ කාලයක්‌ පැරණී සිරුරක්‌ද කියා අපි පුරා විද්‍යා දෙපාර්තමේන්තුවෙන් පරීක්‌ෂණයක්‌ ආරම්භ කරන්න කියලා අපි ඉල්ලා සිටිනවා. අන්තවාදි කොටස්‌ ඉතා සූක්‌ෂම ආකාරයෙන් පුරා විද්‍යා උරුමයන් විනාශ කරන්න කටයුතු කරනවා. මේවන විට ඒ තත්වය උපරිම මට්‌ටමින් සිදුවෙමින් පවතිනවා.” සෝමරතන හිමියෝ කීහ.

කිසිදු ඓතිහාසික සාක්‌ෂියක්‌ නොමැතිව මල් තිබෙන නිසා මුස්‌ලිම් අයෙකුගේ සුසානයක්‌ ඇතැයි කියන්නේ නම් පේරාදෙණිය මල් වත්තත් සොහොන් බිමකි. මල් වැවී ඇත්තේ සිමෙන්ති ගඩොලින් මැදි කොට ඇති ස්‌ථානයේ කොටසකය. එය බැලූ බැල්මට මෑතකදී සිටුවන ලද්දක්‌ බව පෙනෙන්නේය. වෙළ`දාමට ශූර මුස්‌ලිම් ජාතිකයන් ශෛලමය නිර්මාණ සහිත කලාකෘති කළ බවට ඓතිහාසික සාක්‌ෂි නොවේ. වසර දෙසීයක්‌ පමණ පැරණිබවට ඔවුන් පෙන්වන ගල් කණුද වසර සිය දහස්‌ ගණනක පැරණි නිර්මාණයන් බව පෙනේ. මේ ආක්‍රමණයේ අල-ජී ස්‌වරූපය තේරුම් ගැනීම පහසුය.

වැඩිවන මුස්‌ලිම් ජනගහණයට ඉඩම් සොයා ගැනීම ස`දහා භාවිත වන ඉතා ප්‍රාථමික හා අසංස්‌කෘතික ක්‍රමය මෙයය. මුලින්ම කුඩා පල්ලියකි. අනතුරුව ඒ අවට ඉදිවන ගම්මානයකි. ලිපි ලේඛන ව්‍යාජය. මේ ආකාරයෙන් ව්‍යාජ ලිපි ලේඛන සපයමින් මේ වන විටත් අම්පාරේ නිත්ත හෙලගම්පුර සහ සීනි සමාගම විසින් ගොවීන්ට බෙදා දුන් උක්‌ ඉඩම්ද ජනපද වෙමින් ඇති අයුරු කාටවත් පෙනෙන්නේ නැත.

මේ නොදියුණු මිනිස්‌සුන්ට රටේ පවතිsන නීති ගැන කිසි තැකීමක්‌ නැත. තණ භූමියක්‌ ලෙස වට්‌ට මඩුවේ පැවැති ඉඩම් ඔවුහු අනවසරයෙන් වගා කළහ. වගා කටයුතු තහනම් කරන ලද්දේ බරපතළ විරෝධතා පැන නැගි පසුය. නමුත් මීට දින කිහිපයකට ඉහතදී මේ පිරිස්‌ අක්‌කරපත්තුවේදී මාධ්‍ය සාකච්ඡාවක්‌ පැවැත්වූහ. ඔවුන් පවසා සිටියේ තමන් ඉදිරියේදී බලයෙන් හෝ එම ඉඩම් වල වගා කටයුතු කරන බවය.

මේ මිනිසුන්ට නඩු නැතිවූයේ කෙසේ ද?. මුස්‌ලිම් ඇමතිවරු විල්පත්තුව වනසති. ඔවුන්ව ආදර්ශකොටගත් පිරිස්‌ රටේ නීතිය උල්ලංඝණය කරමින් ඉඩම් අත්පත් කරගනිති. පුරාවස්‌තු වනසති. අලුත් ඉතිහාසයක්‌ නිර්මාණය කරන්නට තනති. මේ අසංස්‌කෘතික සංහාරය ශිෂ්ට සම්පන්න මුසල්මානුවෙක්‌වත් ඉවසන්නේ නැත. එහෙත් අපේ ”ජාත්‍යන්තරවාදී ශිෂ්ටත්වය” අපව නපුංසකයන් කර ඇති අයුරු සිත් පාරවයි.

සුසන්ත අමරබන්දු

රටවල් දෙකක්‌ අපිට ඕනෑ විග්නේෂ්වරන් රජයෙන් ඉල්ලයි

රටවල් දෙකක්‌ අපිට ඕනෑ
විග්නේෂ්වරන් රජයෙන් ඉල්ලයි

කීර්ති වර්ණකුලසූරිය

ශ්‍රී ලංකාව තුළ රාජ්‍ය දෙකක්‌ පිහිටුවන ලෙස උතුරු මහ ඇමැති සී. විග්නේශ්වරන් රජයට යෝජනා කර ඇත. උතුරු නැගෙනහිර සඳහා එක්‌ රාජ්‍යයක්‌ හා අනිකුත් පළාත් හත සඳහා තවත් රාජ්‍යයක්‌ ද ස්‌ථාපිත කරන ලෙස ඔහු දන්වා තිබේ.

එසේම මුස්‌ලිම් ජනතාව වෙසෙන නැගෙනහිර ප්‍රදේශ හා උඩරට වතු ජනතාව ජීවත්වන ප්‍රදේශ ස්‌වාධීන ප්‍රදේශ (Aමඑදබදපදමි) ලෙස නම් කළ යුතු බවද විග්නේශ්වරන් රජයට යෝජනා කර ඇත. මේ යෝජනා විග්නේශ්වරන් විසින් ද්‍රවිඩ සන්ධාන නායක ආර්. සම්බන්ධන්ට බාරදී තිබේ.

එසේම උතුරු නැගෙනහිර වෙනම රටක්‌ විය යුතු බවද විග්නේශ්වරන් සිය යෝජනාවලියේ සඳහන් කර ඇත. මේ හැර උතුරු නැගෙනහිර සියලුම පරිපාලන ලියවිලි ද්‍රවිඩ භාෂාවෙන් සකස්‌ කළ යුතු බවත් පොලිස්‌ බලතලද ලබාදිය යුතු බවත් එම යෝජනාවලියේ දක්‌වා තිබේ.

වැඩේ වැරදුනා අපි එකතු වෙමු; සෝභිත හාමුදුරුවෝ කිව්වා

වැඩේ වැරදුනා අපි එකතු වෙමු;
සෝභිත හාමුදුරුවෝ කිව්වා

සාකච්ඡා කළේ ජනිත සෙනෙවිරත්න

* දෙමළ අය ඉල්ලපු විස`දුම දීලා ඉවරයි
* මෛත්‍රී ඉන්න ඕනෑ තමන්ට ගැලපෙන අය එක්‌ක
* දැන් ප්‍රශ්න ඇතිකරන්නේ බෞද්ධයන්ට…

රට දියුණු කරන්නට නම් රටේ ජනතාව ආරක්‌ෂා කරන්නට නම් ආර්ථික හා සමාජීය ප්‍රශ්නවලින් මෙන්ම විවිධාකාරවූ ජාත්‍යන්තර බලපෑම්වලින් රට බේරා ගන්නට නම් මෛත්‍රීපාල සිරිසේන ජනාධිපතිවරයා සහ මහින්ද රාජපක්‌ෂ හිටපු ජනාධිපතිවරයා වහාම එක්‌විය යුතු බවත් එම ඒකරාශී කිරීම වෙනුවෙන් මහා සංඝරත්නය මැදිහත් විය යුතු බවත් කොළඹ 07 , ධර්මායතනාධිපති අතිපුජ්‍ය ඇල්ලේ ගුණවංශ නාහිමියෝ පවසති. ඒ සම්බන්ධයෙන් උන්වහන්සේ ‘දිවයින ඉරිදා සංග්‍රහය’ට කරුණු දැක්‌වූයේ මෙසේය.

අද මේ රටේ සිංහල ජනතාව අපේක්‌ෂා භංගත්වයට පත්වෙලා සුළු ජාතීන් නම් අපේක්‌ෂා සහිතව ඉන්නවා, මහා ජාතිය ලෙස සිංහලයා විශේෂයෙන්ම බෞද්ධයා සැකයකින් ඉන්නා බව මට පේනවා. ඔවුන් අපව හමුවෙලා දක්‌වන අදහස්‌ අනුව. රජය පත්වූවාට පසු ගත් යම් යම් ක්‍රියාමාර්ග නිසා මේ තත්ත්වය ඇතිවුණේ. එල්ටීටීඊ සංවිධානයේ ඉතාම දරුණු පිරිස්‌ නිදහස්‌ කරමින් හමුදා බුද්ධි අංශ වල පිරිස්‌ අත්අඩංගුවට ගැනීම, භික්‌ෂු ජාතිවාදය හා ආගම්වාදය ලෙස පනතක්‌ ගෙන ඒම, භික්‌ෂු කතිකාවතක්‌ ගෙන ඒම වගේ කාරණා වලින් විවිධ සැකයන් ඇතිවෙලා. මේ හින්දා භික්‌ෂුවත් සැකෙන් ඉන්නේ රට ජාතිය ආගම ගැන යම් තරමකින් වත් සිතන සිංහල බෞද්ධයන් යම් සැකයකින් ඉන්නේ. ඉට්‌කා ගිවිසුම හින්දත් රටේ ජනතාව සැකයෙන් ඉන්නේ. බලයේ ඉන්න දේශපාලනඥයෝ කියන දේවල් ජනතාව පිළිගන්නේ නැහැ. මොන රජයක්‌ තිබුණත් රජයක්‌ බලය රැක ගැනීම සඳහාත් ඔවුන් කරන ක්‍රියාදාමයන් සාධාරණීකරණය කර ගැනීම සඳහාත් පළාත් සභා ගෙන එන වෙලාවේ, ඉන්දු ලංකා ගිවිසුම අත්සන් කළ මොහොතේ ඒ අවස්‌ථාවේ බලයේ සිටි දේශපාලනඥයන් කියපු දේවල් අපට මතකයි.

දේශපාලනඥයන් ගැන තියෙන විශ්වාසය බිඳ වැටිලා, ඒ බිඳ වැටීම නිසා සිවිල් සමාජයේ නැගිටීමක්‌ ඇතිවෙලා. වෛද්‍යවරුන් ඉංජිනේරුවන් පරිගණක හා තොරතුරු තාක්‌ෂණ ක්‌ෂේත්‍රයේ අය ගොවීන් තමන්ගේ අයිතීන් ගැන සංවිධානය වෙනවා මොවුන් සිවිල් සමාජයේ පිබිදීම හා සංවිධානය වීම පෙනෙන්න තිබෙනවා. ජාත්‍යන්තර වශයෙන් මැදිහත් වීම ගැන මිනිස්‌සු ඉන්නේ සැකයෙන්, රටේ ඒකීය භාවයට හානියක්‌ වෙයි කියලා ජනතාව ඉන්නේ සැකයෙන් . එදා එල්ටීටීඊය හා දෙමළ ඩයස්‌පෝරාවේ ඉල්ලීම් අද එකින් එක සිද්ධ වෙනවා . විවිධ රජය නායකයෝ වරින්වර එනවා, අද ඇමරිකාව ඇතුළු රටවල නියෝජිතයෝ, ලේකම්වරු නිරන්තරයෙන් එනවා. මේ ගොඩක්‌ අය කෙලින්ම යන්නේ යාපනයට , මේ ගැන සිංහල ජනතාවට සැක ඇතිවීම සාධාරණයි, මේ අය ඇවිත් මොනවද කරන්නේ කියලා කවුරුත් දන්නේ නැහැ , ආණ්‌ඩුව ඒ ගැන මුකුත් කියන්නෙත් නැහැ . ජනතාවට පික්‌පොකට්‌ ගහන්න ලෑස්‌තිවෙන්න එපා කියලා මම රජයට කියනවා.

ශ්‍රී ලංකා නිදහස්‌ පක්‌ෂයේ පාර්ශව දෙකක්‌ තියෙනවා ඒ මෛත්‍රී හා මහින්ද පාර්ශ්ව, රටට ආදරේ නම් ජනතාවට ආදරේ නම් මේ නායකයෝ දෙන්නා එක්‌විය යුතුයි. ඒ එක්‌ කිරීම සඳහා වගකිවයුතු භික්‌ෂුන් වහන්සේලා සම්බන්ධ විය යුතුයි. යම් යම් සැක සංකා විවිධ ප්‍රශ්න ඇති ඒ දෙදෙනා අතරේ භික්‌ෂුන් වහන්සේලා මැදිහත්වෙලා. ඒවා විසඳිය හැකියි.

මහනායක හිමිවරුන්ගේ යුතුකම හා වගකීම යන හැම කෙනාටම සෙත් පතන එක නෙවෙයි. යන කෙනා දෙයක්‌ කිව්වහම ඒක හොඳයි කියන එක නෙවෙයි. මේ දෙදෙනා එකතු කරලා රට ආරක්‌ෂා කිරීම උන් වහන්සේලා මැදිහත්වෙලා කළ යුතුයි. මහා මංගල සුත්‍රය වගේම අවශ්‍ය වෙලාවට වසල සූත්‍රය දේශනා කරන්නත් මහා සංඝරත්නයට හැකියාව තිබිය යුතුයි.

මෛත්‍රිපාල සිරිසේන මහතාට මෙහිදී පොඩි පරිත්‍යාගයක්‌ කරන්න වෙනවා මේ ඒකරාශී වීමට, ඔහුට සිදුවුණු අසාධාරණකම් මම පිළිගන්නවා. ඒත් නායකයෙක්‌ පාලකයෙක්‌ ප්‍රඥාවන්තයෙක්‌ වුණහම ඔහු තම ඇස්‌ දෙකින් මුළු මහත් රට දෙසම බැලිය යුතුයි. අපට වුණත් යම් යම් කලකිරීම් තියෙන පිරිස්‌ සමඟ පොදු සන්ධාන ගතවෙන්න සිදු වෙනවා. එම නිසා මේ ගැන සිතිය යුතුයි. ඔහු එහෙම කළොත් ඔහු ඉතිහාසගත වෙනවා, ඒ සඳහා අපි මැදිහත් වෙන්න කැමතියි.

මෛත්‍රීපාල සිරිසේන මහතා සිටිය යුත්තේ ඔහුට පෑහෙන පිරිස්‌ සමඟයි. හැන්දෙන් ගෑරුප්පුවෙන් කන මිනිස්‌සු අතරයි අතින් කන මිනිස්‌සු අතරෙයි කුරුම්බා ගෙඩියක්‌ කටේ තියලා බොන මිනිස්‌සු අතරෙයි ඒකට ස්‌ට්‍රොa එකක්‌ දාලා බොන මිනිහ අතරෙයි සිංහල හාලේ බත් කන අය අතරෙයි හොට්‌ඩෝග් කන මිනිහ අතරෙයි මැඩෝනගේ සින්දු අහන අය අතරෙයි පැල්කවියක්‌ රස විඳින අය අතරෙයි ලොකු වෙනසක්‌ තියෙනවා. මම හිතනවා මේවා තේරෙනවා කියලා මෛත්‍රිපාල සිරිසේන මහතාට. ඔහු නිවැරදි තීරණ ගත යුතුයි.

මොනවා වුණත් මෛත්‍රිපාල සිරිසේන මහතා පනස්‌ හයේ දරුවෙක්‌. ගමක ඉපදුනු දරුවෙක්‌. වෙලේ ඉපනැල්ලේ සුවඳ දැනුනු නායකයෙක්‌. ගල් විහාරේ නිතර එන යන කොට පෙනුණු මනුස්‌සයෙක්‌. එයාට මේ රටේ සිදුවෙන හැමදේටම වගකීමක්‌ තියෙනවා. ඔහු අනාරාධිතව පවා මෙහෙ ඇවිත් ගියා. දුරකථනයෙනුත් කතා කරනවා. ඔහු කවදාවත් රටට ජාතියට ආගමට විරුද්ධ වෙන්නේ නැහැයි කියලා මට විශ්වාසයි.

ඒත් අද සිදුවෙන දේවල් බැලුවහම ජනාධිපතිවරයටත් හොරෙන් යම් යම් දේ සිදුවෙන බව පේනවා . අද මේ රටේ බහුතරයක්‌ රජයේ වැඩපිළිවෙල විවේචනය කරනවා. මේ රජය බලයට පත් කරන්න මැදිහත්වුණු ඇතැම් රාජ්‍ය නොවන සංවිධාන පවා දැනටමත් රජය විවේචනය කරන්න පටන් අරගෙන.

රටේ බෞද්ධයන්ට යම් ප්‍රශ්න ඇතිවෙමින් තිබෙනවා. මුලින්ම දියවඩන නිලමේට විරුද්ධව නැගිට්‌ටා. එහෙත් ඔහු වරදක්‌ කර තිබේ නම් එය කළ යුත්තේ පුද්ගලිකව ඔහුට එරෙහිව මිස තනතුරට නෙවෙයි. ස්‌වාමින් වහන්සේලා වරදක්‌ කර තිබේ නම් වරදට එරෙහිව පියවර ගත්තට අප විරුද්ධ නැහැ. යම් යම් ආගම්වල පූජ්‍ය පක්‌ෂය වැරදි කළහම ඒ අය සම්බන්ධයෙන් කටයුතු කරපු පිළිවෙලක්‌ තිබුණා. ඒත් මේ දැන් භිකෂුන් වහන්සේලා සම්බන්ධයෙන් කටයුතු කරන ආකාරයට කළේ නැහැනේ. භික්‌ෂුන් වහන්සේලා බෙඩ් ෂීට්‌ වලින් ඔතලා ගෙනියනවා. මේ ආකාරයට භික්‌ෂුව නින්දාවට අපහාසයට උපහාසයට පත් කිරීමක්‌ මම මීට පෙර දැකලා නැහැ. මෙතරම් භික්‌ෂුන් වහන්සේලා පිරිසක්‌ සිරගත කරපු මුල්ම අවස්‌ථාව මේක. ජාතියේ මුරදේවතා යන නාමයෙන් භික්‌ෂුන් වහන්සේලා හඳුන්වන එකම රට ශ්‍රී ලංකාව.

ගම්වල මිනිස්‌සුන් අප කියනදේ පිළිගන්නවා, අප කියන දේ අනුව තමයි ගමේ මනුස්‌සයා තීරණ ගන්නේ, භික්‌ෂුන් වහන්සේලා දේශපාලන පක්‌ෂවලට එක්‌ව වැඩ කිරීම මම අනුමත කරන්නේ නැහැ. මම කවදාවත් දේශපාලන වේදිකාවට යන්නේ නැහැ. ලුණු ඇති කරන්නෙත් වතුර. නැති කරන්නෙත් වතුර වගේ, ආණ්‌ඩුව හදන්නෙත් ජනතාව. නැති කරන්නෙත් ජනතාව. ඒකට නායකත්වය දෙන්නේ භික්‌ෂුන් වහන්සේලා, දේශපාලනඥයන්ට ඕන ඕන දේ කරන්න මේ රටේ ඉඩ දෙන්නේ නැත්තේ භික්‌ෂුන් වහන්සේලා.

මේ විදිහට දිගටම භික්‍ෂුන් වහන්සේලා මර්දනය කරනවා නම් දහස්‌ ගණන් භික්‌ෂුන් වහන්සේලා කැඳවලා අපි විරෝධය පළ කරනවා

එල්ටීටීඊය ඇතුළු දෙමළ අන්තවාදී ජාතිවාදී කොටස්‌ මුල ඉඳලා කිව්වේ කහ සිවුරු පොරව ගත්ත අය ඉන්නකම් අපේ ඉල්ලීම් ලැබෙන්නේ නැහැ කියලා. අපට අවශ්‍ය දේ ලබාගන්න බැහැ කියලා. සෝභිත හිමියන්ගේ අපවත්වීම සැකයි. විදේශ බලවේග ශක්‌තිමත් වුණු හැම මොහොතකම භික්‌ෂුන් වහන්සේලා අපවත් කළා., කොටගම වාචිස්‌සර හිමි අපවත් කළා. පානදුරේ අරියධම්ම හාමුදුරුවෝ අපවත් කළා. ගංගොඩවිල සෝම හිමි අපවත් කළා.

සෝභිත හිමියන්ගේ අවසන් දිනවල මම උන්වහන්සේ බලන්න රෝහලට ගියා. උන් වහන්සේ කිව්වා අපට වැරදුනා කියලා. මම කිව්වා මේ තත්ත්වයට ඔබ වහන්සේ වග කියන්න ඕන කියලා. බලමුකෝ, අපි එකතු වෙමු කියලා ඒ අවස්‌ථාවේ සෝභිත හිමියන් කිව්වා. ඒ අවස්‌ථාවේත් උන් වහන්සේ හොඳ සෞඛ්‍ය තත්ත්වයෙන් හිටියා. හැබැයි අන්තිම දවස්‌ වල රටේ සිදුවුණු දේ ගැන උන් වහන්සේ මානසිකව වැටිලා හිටියේ. ඉස්‌සර මටත් වස දුන්නා. එල්ටීටීඊය මට වෙඩි තිබ්බා. මම බේරුණා. මම ඉස්‌පිරිතාලෙන් බෙහෙත් ගන්නේ නැහැ. එක දොස්‌තර කෙනෙක්‌ගෙන් විතරයි බෙහෙත් ගන්නේ. ඒ තරමට භික්‌ෂුන් වහන්සේලාගේ තත්ත්වය අනාරක්‌ෂිතයි. මේ රටේ ප්‍රශ්න හදන්නේ සුළු ජාතීන් විසින්මයි, අපි හැමදාම කිව්වේ අප රටේ සියලු ජාතීන් සියලු දෙනාම එකට ඉඳිමු කියලා. අදත් එකට ඉන්න බැහැ කියලා වෙනම අයිතීන් ඉල්ලන්නේ ඒ අයයි. එක්‌කෝ ස්‌වයං නිර්ණය අයිතිය එක්‌කෝ ෙµඩරල් ඉල්ලනවා.

එදා ඒ අය ඒ වෙනුවෙන් තුවක්‌කුව හා බෝම්බය අතට ගත්තා. අවුරුදු තිහක්‌ සටන් කළා. ඒ අයට අවශ්‍ය විසඳුම දුන්නා. නන්දිකඩාල් කලපුවේදී ඒ විසඳුම ලබා දුන්නා ආයේ ඒ ගැන කතාවක්‌ නැහැ. හදිස්‌සියෙන්වත් ඒ ගොල්ල ගහලා ලංකාව ඇල්ලුවා නම් ඇතිවන තත්ත්වය මොකක්‌ද ?

කවුරුවත් කියන්නේ නැහැනේ දෙමළ අයට දෙමළ වීම නිසා තියෙන ප්‍රශ්නය මොකක්‌ද කියලා.

අදත් සමහර අය කතා කරන්නේ උතුරු නැගෙනහිර කියලා වෙන්කරලා. ඇයි එහෙම කරන්නේ මේක සංස්‌කෘතික ආක්‍රමණය ඊලාම් කියන එක සියයට හැත්තෑ ගණනක්‌ වුණු අප පවා ව්‍යවහාර කළා . අපේ හුනුගම චුන්නාකම් වුණා. වැලිගම වලිකාමම් වුණා. තඹලගමුව තඹලකාමම් වුණා. දැන් ව්‍යවහාර වෙන්නේ ඒවානේ.

ලෝකේ කිසිම රටක මෙවැනි දේ නැහැ. අපි ශ්‍රී ලංකාවට ශ්‍රී ලංකාව කියද්දී දෙමළ අය ඉලන්කෙයි කියනවා. අප මීගමුව කියද්දී මීර්කුලම් කියනවා ඉංග්‍රීසියෙන් නිගම්බු කියනවා. හලාවතට සීලවතුර කියනවා ඉංග්‍රීසියෙන් චිලව් කියනවා. මෙහෙම තත්ත්aවයක්‌ ලෝකයේ කොහෙවත් නැහැ. දෙමළ ජනතාව කියනවනේ ඒ අය සමහර ප්‍රදේශ පාලනය කළා කියලා. ඒවා ආක්‍රමණ මිසක්‌ වෙන කිසිවක්‌ නෙවෙයි. එහෙම නම් ලන්දේසීන්ගේ කාලේ මුහුදුබඩ පළාත් පාලනය කළේ ලන්දේසීන්. එහෙමනම් ලන්දේසි මිනිස්‌සුන්ට පුළුවන්නේ වෙනම කෑල්ලක්‌ ඉල්ලන්න. ඒවා ආක්‍රමණ මිසක්‌ වෙන දෙයක්‌ නෙවෙයි. විදේශ රටවලින් එන අය කවුරුවත් කතා කරන්නේ උතුරු නැගෙනහිර දෙමළ අය ගැන. මේ කවුරුවත් යාපනයෙන් එළවපු සිංහලයන් විසි එක්‌දහසක්‌ සිංහල ජනතාවට නැවත ආපසු ඔවුන්ගේ අයිතීන් ඉඩම් දෙන්න ඕන කියලා කතා කරන්නේ නැහැනේ. අපේ භික්‌ෂුන් වහන්සේලා ඝාතනය කළා. ඒ ගැන කවුරුත් කතා කරන්නේ නැහැ. පුරා වස්‌තු 276 ක්‌ උතුරේ තිබුණා. ඒවා ගොඩක්‌ විනාශ කරලා

දෙමළ අය ඉල්ලපු විසඳුම දීලා ඉවරයි ආයෙත් ඒ ගැන කතාවක්‌ නැහැ. අද පාසල් පෙළ පොත් පවා වෙනස්‌ කරන්න උත්සහ කරනවා. සමහරුන්ට ඕන මේ රට හොඳ පෘට්‌ සැලඩ් එකක්‌ කරන්න , අපි ඒ ගැන හොඳ අවධියෙන් ඉන්නවා. අපේ රටේ විදේශ ප්‍රතිපත්තිය අනුව අප නොබැඳි රටක්‌ ලෙස කටයුතු කළ යුතුයි. ඉන්දියාව සමග අපේ රටේ සම්බන්ධය ප්‍රවේශමෙන් කළ යුතුයි.

ඉන්දියාවේ බිහිවුණු නායකයන්ගේ ප්‍රතිපත්තිය අනුව තමයි ඒ රටේ විදේශ ප්‍රතිපත්තිය නිර්මාණය වුණේ. ඉන්දියාව බෞද්ධත්වය පෙන්වා ගෙන වැරදි දේ කළ යුතු නැහැ. ජාත්‍යන්තර වෙළඳ සම්බන්ධතා තිබිය යුතු වුවත් අනවශ්‍ය මැදිහත්වීම් හොඳ නැහැ, ඉක්‌ටා ගිවිසුම භයානක තත්ත්වයක්‌. ඉන්දියාව බිලියන හතක්‌ දීලා, ඒ දෙන ගමන් ඉක්‌ටා කොන්දේසි දැඩි කරනවා . අද ඉන්දියාවෙන් කොන්ඩේ රැවුල කපන්න පවා කට්‌ටිය ඇවිල්ලා. උතුරේ මැරුණු අය ලෙස වෙනත් පිරිස්‌ ලංකාවට ඇවිල්ලා පෙනී සිටිනවා. ඉන්දියාවෙන් එන මිනිස්‌සු යන්නේ නැතුව මෙහෙ ජීවත් වෙනවා. රටේ ජනතාව ගැනවත් හරියට තොරතුරු නැතුව කොහොමද ආණ්‌ඩුව මේවා අල්ලන්නෙ. අද පොලීසිය ආණ්‌ඩුව ආරක්‌ෂා කරනවා හැර ජනතාවවත් රටවත් ආරක්‌ෂා කරන්නේ නැහැ. ප්‍රතිපත්ති ප්‍රකාශනවල තිබුණු දේ නෙවෙයි මේ ආණ්‌ඩු අද කරන්නේ.

මට නම් අංක එක රට. රට නැතිවෙනවා නම් නිවන් දකින්න ඕනත් නැහැ මට.

අපි අවුරුදු තිහක්‌ අවිනිශ්චිත ජීවිතයක්‌ ගෙව්වේ, නායකයෝ ඉතිහාසගත වෙන්නේ තමන් දෙස හෝ තමන්ගේ බලය සඳහා හෝ පරපුර ගැන හෝ බලලා ගන්න තීරණ මත නොව රට වෙනුවෙන් ගන්න තීරණ හින්දයි.

දේශපාලන මැච් එකේ ජනතාවයි රටයි පන්දුවක්‌ කරගන්න එපා , මගේ ශක්‌ති ප්‍රමාණයට වඩා මම රටට හමුදාවට බොහෝ දේ කරලා තිබෙනවා. හමුදාවට තරුණයෝ හොයලා දුන්නෙත් මම. ඒ නිසා රට තුළ සිදුවෙන හැමදේම මට දැනගන්න ලැබෙනවා. මේ රට යළිත් බෙදන්න දෙන්න බැහැ.

අවුරුදු හැටඅටක නිදහසේ ගමන් මඟ

අවුරුදු හැටඅටක නිදහසේ ගමන් මඟ

ඇස්‌. බී. කරල්ලියද්ද

මේ එළැඹ ඇත්තේ අප නිදහස ලබා ගතවූ හැටඅට වැනි අවුරුද්දයි. නවසිය පනස්‌වැනි දශකය මැද භාගය වන තුරු රට තුළ යහපත් හා සාමකාමී පරිසරයක්‌ පැවතියේය. නිදහසට පෙර සිට ආරම්භ වූ යෝධ වාරිමාර්ග හා ගොවි ජනපදවල විපුල ප්‍රයෝජන ජනතාවට අත්විඳීමට හැකිවූයේ නිදහසේ උදාවත් සමඟය. එදා සිටි ජන නායකයන් වූ ඩී. ඇස්‌. සේනානායක ප්‍රමුඛ සිංහල, ද්‍රවිඩ, මුස්‌ලිම් නායකයන් ජනතා නායකයන් මිස දේශපාලන පක්‌ෂ නියෝජනය කළ අයවලුන් නොවූ බැවින් ඔවුන් ක්‍රියා කළේ මව්බිමේ පොදු සංවර්ධනය හා උන්නතිය අරමුණු කොටගෙනය. රටේ යහපත හා දියුණුව සඳහා සිය ශ්‍රමය මෙන්ම ධනයද ලබාදීමෙනි. අද වැඩ බිම්වල දකින යෝධ යන්ත්‍ර සූත්‍ර එදා නොතිබුණි. රටේ නායකයන් වැඩ කරන ජනතාව සමඟ පැල්පත්වල මදුරු උවදුරට ලක්‌වෙමින් සංවර්ධන කාර්යයන්ට ශ්‍රම දායකත්වය මෙන්ම ජාතියට ආදර්ශ ලබා දුන්නේ එපරිද්දෙනි. එසේ ගොඩනැඟුණු ගොවිබිම් ජනාවාස නගර අතරට පොළොන්නරුව, කලාවැව, මින්නේරිය, ඇලහැර ආදී රජරට මෙන්ම මිනිපේ, දේවහූව ආදී මැදරටද ඉරණමඩු වැනි උතුරේද කන්තලේ අල්ලේ වැනි නැගෙනහිර සංවර්ධනය ඇතුළු තවත් බොහෝ සංවර්ධනය කරන ලද ප්‍රදේශ ඇතුළත් විය. අද අප ආහාරයෙන් ස්‌වයංපෝෂිතව ඇත්තේ එබැවිනි. එදා මේ සියලුම දැවැන්ත ප්‍රතිසංවර්ධන හා සංවර්ධන ව්‍යාපෘති දේශීය ඉංජිනේරුවරුන් හා තාක්‌ෂණ ශිල්පීන්ගේ දේශීය තාක්‌ෂණයෙන් හා ශිල්පීය දැනීමෙන් කිසිදු විදේශීය ණය ආධාර හෝ මූල්‍යමය පරිත්‍යාගයෙන් තොරව සිදුවිය. මේ ක්‍රියාදාමයන්හි ප්‍රතිඵල අද වන විට පරම්පරා පහක්‌ පමණ භුක්‌ති විඳිමින් සිටී. හැත්තෑවේ දශකය වන විට රටේ තරුණ කැරැල්ලක්‌ ආරම්භ වූයෙන් පැවති රජයට වසර දෙකක පමණ කාලයක්‌ එය මැඬපැවැත්වීම සඳහා අවධානය යොමුකොට සුදුසු ක්‍රියාමාර්ග ගැනීමට සිදුවිය. රටේ ඉදිරි ගමනට එයින් අවහිරතාවක්‌ ඇතිවිය. ජනරජ ව්‍යවස්‌ථාව පාර්ලිමේන්තුවේ සම්මත වූයේද මේ කාලවකවානුවේදීය. හැත්තෑවන දශකය මැද භාගය වන විට රට මුහුණපෑ ආර්ථික හා සමාජ ප්‍රශ්න නිසා රටේ දියුණුවට හා සංවර්ධනයට බාධා ඇතිවිය. ඉන්පසුව පැන නැගි දකුණේ තරුණ

කැරැල්ලට මෙන්ම උතුරේ දියත් වූ රට දෙකඩ කිරීමේ මිනීමරාගෙන මැරෙන බෙදුම්වාදී යුද්ධයටද පැවැති රජයට මුහුණපෑමට සිදුවිය. එවන් අභියෝග හා දුෂ්කරතා රැසකට මුහුණ දෙමින් රටේ දැවැන්තම සංවර්ධන ව්‍යාපෘතිය වූ අවුරුදු තිහකින් නිම කිරීමට සැලසුම් කර තිබූ මහවැලි ගඟ උතුරට හැරවීමේ යෝධ ක්‍රියාදාමය කඩිනම් මහවැලි සංවර්ධන ව්‍යාපෘතිය නමින් අවුරුදු හයකින් නිම කිරීම රජය ලත් ජයග්‍රහණයකි. ඒ සමඟම ඒ හා බැඳි බහුකාර්ය සංවර්ධන වැඩසටහන් වූ විදුලිබලය නිෂ්පාදනය නව ජනාවාස හා ගම්මාන බිහිකිරීම නව නගර නිර්මාණය කිරීමටද හැකිවිය. සංවෘත වූ ආර්ථික ක්‍රමය විවෘත කර අපනයන ආනයන කටයුතු දියුණු කිරීම, නිදහස්‌ වෙළෙඳ කලාප ඇති කිරීම ආදියෙන් ජාත්‍යන්තරව වෙළෙඳ කටයුතු දියුණු කිරීමටද රටේ ජාතික නිෂ්පාදනයට මෙන්ම දළ දේශීය ආදායම මෙන්ම ඒක පුද්ගල ආදායමද වැඩි කරවා ගැනීමද අප ලත් සමහර ජයග්‍රහණයන්ය. තිස්‌ අවුරුද්දක්‌ ඉක්‌මවා රට තුළ පැවති යුද්ධයෙන් ත්‍රිවිධ හමුදාවත් සමඟ යුද්ධ පිටියේදීම ජය අත්කර දීමෙන් මහින්ද රාජපක්‌ෂ ජනාධිපතිතුමාගේ නම මතු ඉතිහාසයට එක්‌වන්නේ පෙර අපගේ රජ දරුවන්ගේ නම්වලට සමාන සමාජ ගෞරවයක්‌ හා පිළිගැනීමකට ලක්‌වීමෙනි.

අපි අවුරුදු හැටහතක නිදහසින් පස්‌ අවුරුද්දක්‌ පමණ ඡේ.වී.පී. ත්‍රස්‌තවාදයෙන්ද, අවුරුදු තිස්‌පහක්‌ පමණ බෙදුම්වාදී ඊළාම් යුද්ධය නිසාද රටේ ඉදිරි ගමන් මඟ අවහිර වූ පසුගාමී වූ ජාතියකි. දෙවැනි ලෝක යුද්ධයෙන් පසු අප සමඟම නිදහස ලබාගත් ජපානය, ඉන්දියාව, බුරුමය, මැලේසියාව, සිංගප්පූරුව, චීනය ආදී රටවල් අද අපට ඉදිරියෙන් සිටී. දෙවැනි මහා ලෝක යුද්ධයෙන් සුන්නද්ධූලී වූ ජපානය අද බටහිර රටවලටද ණය ආධාර සපයයි. එම රටවල් නවීන විද්‍යාවෙන් හා තාක්‌ෂණයෙන් අත් කරගෙන ඇති දියුණුව හා සසඳන විට අපට තවමත් අප රටේ නිෂ්පාදිත එළවළු, පලතරු ආදියෙක්‌ අතිරික්‌තය

රැස්‌කර කල් තබාගෙන ප්‍රයෝජනයට ගැනීමට තරම්වත් අවශ්‍ය තාක්‌ෂණ හා විද්‍යාත්මක ක්‍රමවේදයන්හි දියුණුවක්‌ ලබා ගැනීමටවත් අපොහොසත්ය. අප රටේ අතිරික්‌ත එළවළු හා පලතුරු වර්ග ආර්ථික මධ්‍යස්‌ථානවලින් ටොන් ගණනින් ඉවත් කරන අයුරු රූපවාහිනියෙන් නිතර දැකගත හැක.

ගම්බද ආර්ථිකය ඉදිරියට ගියේ නැත

අප රටේ ජනගහනයෙන් සියයට අසූවක්‌ම ජීවත් වන්නේ ගම්වලය. ගම තවමත් වානිජකරණයට හෝ නව තාක්‍ෂණය වැළඳගෙන පෙරට ගොස්‌ නැත. වෙනත් ආසියාතික රටවල නම් ගම තුළ කර්මාන්ත මගින් නිෂ්පාදනය වන නොයෙක්‌ විද්යුත් හා ඉලෙක්‌ට්‍රොනික්‌ භාණ්‌ඩ හා ඒවාට අවශ්‍ය නිමි කොටස්‌ ගම තුළම නිෂ්පාදනය කරන එකලස්‌ කරන මධ්‍යස්‌ථාන එරට ගෘහ කර්මාන්ත වශයෙන් පවත්වාගෙන යයි. තායිවානය, ජපානය, මැලේසියාව, තායිsලන්තය, සිංගප්පූරුව වැනි රටවල් එයට උදාහරණය. මෘදුකාංග නිෂ්පාදනය ඉන්දියාවේ ගෘහ කර්මාන්තයක්‌ වශයෙන් දියුණු වී ඇමරිකා ආදී බටහිර වෙළෙඳපොළටද සපයයි. අපේ ගම්වල තිබූ අත් යන්ත්‍ර පේෂ කර්මාන්තය යුගයට ගැළපෙන අන්දමට දියුණුවී නැත. ගමේ නිෂ්පාදනයන් වන සුළු අපනයන භෝග කරාබු, එනසාල්, ගම්මිරිස්‌, කුරුඳු, කෝපි, කොකෝවා වැනි නිෂ්පාදනයන්ට වැඩි අගයක්‌ ලබාදී ඒවා නිමි පාරිභෝගික භාණ්‌ඩ වශයෙන් අපනයනය කිරීමේ කර්මාන්තශාලා ගම තුළ ඉදිවී නැත. ඌවේ දෙහි, දොඩම් අතිරික්‌ත රජරට පලතුරු වර්ග ආශ්‍රිත අපනයන කර්මාන්ත ශාලා තබා ඒවා රට තුළම

රැස්‌කර තබා ගැනීමේ ශීත ගබඩා ජාලයක්‌ හෝ අපට නැත. තඹ, පිත්තල. වැනි ලෝහවලින් නිෂ්පාදිත ගෘහ අලංකරණ භාණ්‌ඩ කර්මාන්තයද එදා පැවති ගතානුගතික තත්ත්වයේමය. ඉරානය මෙවැනි අලංකරණ භාණ්‌ඩ හා මෙවලම් ලෝක වෙළෙඳපොළට යවයි. අපි කර ඇත්තේ පුරාඡේරු දේශපාලන කතාවලින් ජනතාව රවටා තබා ගැනීමයි. බලය ප්‍රයෝජනයට ගනිමින් හත්මුතු පරම්පරාවටම ඇති පමණ ධනය රැස්‌කර ගැනීමය.

නව ව්‍යවස්‌ථාවක්‌

මෙම අවුරුදු හැටහතටම අප සෝල්බරි ව්‍යවස්‌ථාව, සමාජවාදී ප්‍රජාතන්ත්‍රවාදී ජනරජ ව්‍යවස්‌ථාව, විධායක ජනාධිපති ව්‍යවස්‌ථාව ආදී විවිධ ආණ්‌ඩුක්‍රම ව්‍යවස්‌ථාවන් අත්හදා බලා ඇත්තෙමු. සෝල්බරි ව්‍යවස්‌ථාව වෙස්‌ට්‌ මිනිස්‌ටර් පාර්ලිමේන්තු සම්ප්‍රදාය අප පිට පැටවූවකි. සමාජවාදී ප්‍රජාතන්ත්‍රවාදී ව්‍යවස්‌ථාව පාර්ලිමේන්තු මන්ත්‍රීවරුන් ව්‍යවස්‌ථාදායක මණ්‌ඩලයක්‌ මෙන් ක්‍රියා කොට සම්මත කරගත් ව්‍යවස්‌ථාවකි. අද නව ව්‍යවස්‌ථාවක අවශ්‍යතාව සියලුම දේශපාලන පක්‍ෂ මෙන්ම රටේ පොදු ජනතාවද අවධාරණය කරන අවස්‌ථාවකට අප පැමිණ ඇත. එම අවශ්‍යතාව ජනතා සිතුම් පැතුම් පරිදි සපුරාලීමට අවශ්‍ය පහසුකම් හා අවස්‌ථාව සැපයීම පාලකයන් සතු වගකීමකි. මෙතෙක්‌ අප පාලනය වූ ව්‍යවස්‌ථා සියල්ලෙන්ම සිදු වූයේ පාලකයන්ගේ සිතුම් පැතුම් ඉටුකර ගැනීම මිස ජනතා අපේක්‍ෂාවන් හා අභිලාෂයන් ඉටුකර ගැනීම නොවේ. මෙතෙක්‌ සිදුවූයේ පාර්ලිමේන්තුවට පත්වූ මන්ත්‍රීවරුන් ලවා ව්‍යවස්‌ථාවක්‌ සම්මත කර එය අනුව ජනතාව පාලනය කිරීමය.

පාර්ලිමේන්තු නියෝජනයක්‌ නැති විවිධ ක්‌ෂේත්‍රවල රටේ උගතුන්, බුද්ධිමතුන්, විද්වතුන්, විද්‍යාඥයන්, ඉංජිනේරු වෛද්‍ය ආදී විශේෂඥයන් මෙන්ම ආගමික නායකයන් ආදීන් මෙම ක්‍රියාදාමයට දායකත්වයක්‌ ලබා දුන්නේ නැත. එබැවින් රටේ විවිධ ක්‌ෂේත්‍රවල මෙන්ම විවිධ ප්‍රදේශ තුළ විසිරී පවතින ඥන හා දැනීම් සම්භාරය නව ව්‍යවස්‌ථාව සම්පාදනයේදී ලබාගත යුතුය. ඒ නිසා මෙම අදහස්‌ හා යෝජනා ලබා ගැනීම ප්‍රාදේශීය මට්‌ටමින් දිස්‌ත්‍රික්‌ මට්‌ටමින් මෙන්ම පළාත් මට්‌ටමින්ද සිදු කිරීම අවශ්‍ය වේ. අප මේ දක්‌වා පාලනය වී ඇත්තේ ජනතාවගේ සිතුම් පැතුම් හා අභිලාෂයන් අනුව ජනතාව වෙනුවෙන් ජනතාව සඳහා වූ ජනතාවගේ ව්‍යවස්‌ථාවකින් නොවේ. සුදු අධිරාජ්‍යවාදීන් අප පිට පැටවූ මොඩලයකට එහෙන් මෙහෙන් පැලැස්‌තර දමාය.

 

මෙරටින් පැන්නූ නොර්වේ ජනවාරි 7 සිට යළි ඇවිත්


මෙරටින් පැන්නූ නොර්වේ ජනවාරි 7 සිට යළි ඇවිත්

කොටි ත්‍රස්‌තවාදය නැති කර ලීම සඳහා 6000 කට අධික හමුදා භටයන් සහ නිලධාරීන් දිවිදුන් ශ්‍රී ලංකා යුද හමුදාව අද බරපතල ප්‍රශ්නයකට මුහුණ පා ඇත. මේ සතියේ දිනෙක වාර්තා වූයේ වෙබ් අඩවියක කාටුන් ශිල්පියකු වූ එක්‌නැලිගොඩ අතුරුදන්වීමේ සිද්ධියට අදාළ පරීක්‍ෂණ සඳහා රහස්‌ පොලිසියට සහය නොවීම සම්බන්ධයෙන් හමුදාපති ක්‍රිශාන්ත සිල්වාට එරෙහිව නඩු පැවරීමට රහස්‌ පොලිස්‌ බලධාරීන් කටයුතු කරන බවයි. හමුදාපතිවරයකුට එරෙහිව නඩු පැවරීමට පොලිසිය උත්සාහ කළ මුල් අවස්‌ථාව මෙය නොවේ.

2002 ජනවාරි මස දිනෙක මහනුවර සහකාර පොලිස්‌ අධිකාරීව සිටි කුලසිරි උඩුගම්පොල අතුරුගිරියේ දිගුදුර විහිදුම් බළකාය වටලා එහි සිටි හමුදා භට පිsරිස අත්අඩංගුවට ගැනීමේ සිද්ධියේදී මෙවන් තත්ත්වයක්‌ මතුවිය. එම සිද්ධියට අදාළව එවකට හිටපු හමුදාපති ලයනල් බලගල්ලට සහ බුද්ධි අංශ ප්‍රධානි කපිල හෙන්දා විතාරණට එරෙහිව නඩු පැවරීමට පොලිසිය සූදානම් විය. එහෙත් එදා සිටි නියෝජ්‍ය ආරක්‍ෂක ඇමැති තිලක්‌ මාරපන නිසා එකී උත්සාහය අසාර්ථක විය.. මෙවන් පසුබිමක්‌ මැද රහස්‌ පොලිසියට තොරතුරු නොදීම නිසා හමුදාපතිට නඩු පැවරීමට සූදානම් වෙද්දී යුද හමුදාව යුද අපරාධ සිදු කළ බව කියමින් ඇමරිකානු රජයට දිව්රුම් පෙත්සමක්‌ දුන් ශ්‍රී ලංකා යුද හමුදාවේ හිටපු මේජර් ජනරාල්වරයකුට විදේශ ශ්‍රී ලංකා මහකොමසාරිස්‌ කාර්යාලයක උසස්‌ ධුරයක්‌ හිමිවිය. පසුගිය ආරක්‍ෂක විශේෂාංගයෙන් “ජුදාස්‌” යෑයි අපි හඳුන්වනු ලැබුවේ එම හමුදා නිලධාරියායි.

ඔහු හමුදාවෙන් විශ්‍රාම ලබා තම ධුරය ලබාගැනීමට පෙර එතෙක්‌ පැවැති වෙස්‌ මුහුණ ගලවා දමා අලුත් වෙස්‌ මුහුණක්‌ දා ගත්තේය. ඒ සිය වාසගම වෙනස්‌ කිරීමෙනි. එහෙත් ජනාධිපති මෛත්‍රීපාල සිරිසේන මහතාට මේ හමුදා නිලධාරියාගේ අතීතය වාර්තා වී නොතිබුණි. යුද හමුදාව පාවාදුන් මොහු විදේශ රටක පිහිටි ශ්‍රී ලංකා මහ කොමසාරිස්‌ කාර්යාලයක ඉහළ ධුරයක්‌ ලැබීමෙන් පසු එම රට ඔහුව පිළිගත්තේ බ්‍රිතාන්‍යයේ මහරැජිනට හිමිවී ඇති සත්කාරවලට සමාන සත්කාරවලිනි.

එහෙත් සිය පැරණි වෙස්‌ මුහුණ ගලවා අලුත් වෙස්‌ මුහුණක්‌ දමාගත් මේ හමුදා නිලධාරියා කවුදැයි මෙරට හමුදා නිලධාරීහු හඳුනා ගත්හ. එසේ වුවත් රාජ්‍ය රහස්‌ පනත උල්ලංඝනය කරමින් ඇමරිකාවට ශ්‍රී ලංකා හමුදාව පාවාදීම ගැන මොහු අත්අඩංගුවට ගැනීමක්‌ හෝ නඩු පැවරීමක්‌ සිදුවූයේ නැත.

මේ අන්දමට දිවුරුම් ප්‍රකාශයක්‌ මගින් ඇමරිකානු නීතිවේදියකු හමුවේ සාවද්‍ය ප්‍රකාශයක්‌ සිදු කළ එකී හිටපු හමුදා නිලධාරියා ඉහළම ධුරයකට පත්වන අවස්‌ථාවේ වන්නි මෙහෙයුම ජය ගැනීමට අනිකුත් හමුදා ප්‍රධානීන් සමග කැපවූ 58 වැනි සේනාංකයේ ප්‍රධානියාව සිටි මේජර් ජෙනරාල් ශවේන්ද්‍ර සිල්වා 53 වැනි සේනාංකයේ සේනාධිපති ලෙස පත් කරනු ලැබීය. මේ අතර නෝර්වේ විදේශ ඇමැති බ්‍රොaඡ් බ්‍රොන්ඩේ පසුගිය ජනවාරි 7 දා මෙරටට සම්ප්‍රාප්ත විය.

ජනවාරි මස මුල් සතියේ නෝර්වේ විදේශ ඇමැතිවරයා මෙරටට පැමිණීම විශේෂ සිද්ධියක්‌ වන්නේ 2008 වසරේÊජනවාරි 4 දා ශ්‍රී ලංකා රජය නෝර්වේ සටන් විරාම ගිවිසුමෙන් ඉවත්වීම නිසාය.

අට වසරකට පෙර නෝර්වේ සහ ශ්‍රී ලංකාව අතර පැවැති සබඳතාවය ෙද්‍රdaහි ක්‍රියා නිසා බිඳ වැටෙද්දී 2016 ජනවාරි 7 දා යළි නෝර්වේ ආගමනය සිදු විය. ඔහු පැමිණියේ පව් සමා කර ගැනීමට නොවේ.

බ්‍රොaඡ් බ්‍රොන්ඩේ මෙරටට පැමිණියේ කුමක්‌ සඳහාද? ශ්‍රී ලංකාවේ සංහිඳියා ක්‍රියාදාමයට සහයවීම සම්බන්ධයෙන් කරුණු සෙවීමට නෝර්වේ රජය කටයුතු කරන බව ඔහු දේශපාලන නායකයන් සමග පැවැති සාකච්ඡාවලදී පවසා ඇත.

නෝර්වේ විදේශ ඇමැතිව සිටි ජාන් පැටර්සන් සහ නියෝජ්‍ය විදේශ ඇමැතිව සිටි විදාර් හෙල්ඡේසන් කොටි සමග එක්‌ව කටයුතු කළ ආකාරය අමතක නොවේ.

2002 ජනවාරි සිට 2008 ජනවාරි දක්‌වා කාලය තුළ නෝර්වේ රාජ්‍යය මෙරට කටයුතු කළ ආකාරය මෙලෙස දැක්‌විය හැක. ප්‍රභාකරන් සිදු කළ බිහිසුණු ක්‍රියා අමතකවී ඇති විටෙක නෝර්වේ ෙද්‍රdaහි ක්‍රියා සහමුලින් අමතක වී ඇත.

1. කොටින්ට එරෙහි වන්නි මෙහෙයුම නතර කිරීම සඳහා ව්‍යාජ සාමයක්‌ මැවීමට රාජ්‍ය නොවන සංවිධානවලට රුපියල් මිලියන 250 කට අධික මුදලක්‌ ලබාදීම.

2. කොටි හඬ ගුවන් විදුලිය සඳහා අධි සම්ප්‍රේෂණ යන්ත්‍ර ලබාදීම.

3. හිටපු නෝර්වේ අමාත්‍ය එරික්‌ සෝල්හයිම් ජිනීවා පරීක්‍ෂණ මණ්‌ඩලය හමුවේ ශ්‍රී ලංකාව යුද අපරාධ සිදු කළ බවට සාක්‍ෂි දීම.

4. නෝර්වේ නියෝජ්‍ය විදේශ ඇමැති විදාර් හෙල්ඡේසන් කොටි නායක ප්‍රභාකරන්ගෙන් ස්‌වර්ණමය තිළිණයක්‌ ලබා ගැනීම.

5. හිටපු නෝර්වේ තානාපති හෑන්ස්‌ බ්‍ර්‍රට්‌ස්‌කාර් හිටපු ජනාධිපති හමුවී සාම්පූර් මෙහෙයුම නතර කිරීමට උත්සාහ කිරීම.

6. කොටි සංවිධානයට නැගෙනහිර මුහුදු කලාපය ලබාදීම සඳහා ද සටන්විරාම කමිටුව සමග එක්‌වී පිඹුරුපත් සකස්‌ කිරීම.

7. සාම සාකච්ඡා මුවාවෙන් ඔස්‌ලෝ අගනුවරට පැමිණි කොටි කණ්‌ඩායමට නෝර්වේ අවි සමාගම්වලට යැමට ඉඩ දීම.

8. කොටි කණ්‌ඩායමකට නෝර්වේහි රේන විශේෂ බළකා කඳවුරට යැමට අවසර දීම – එකී විශේෂ බළකා කටයුතු ගැන අවබෝධයක්‌ ලබාදීමට කටයුතු කිරීම.

9. කොටි ඊළම් පොලිස්‌ කණ්‌ඩායමක්‌ විදේශ පුහුණුවට යැවීම.

10. නෝර්වේ චන්ද්‍රිකා තාක්‍ෂණ උපකරණ වූ “නේරා” උපාංග සැපයීම. මෙම උපාංග හමුදාව විසින් පසුව සොයා ගෙන තිබිණි.

11. ප්‍රභාකරන් සමග යුද්ධ කර ජයගත නොහැකි බව එරික්‌ සෝල්හයිම් ශ්‍රී ලංකා රජයට දැනුම්දීම.

12. විදේශ ඇමැතිව සිටි ලක්‍ෂ්මන් කදිරගාමර් ඝාතනය සම්බන්ධව කොටින්ට එරෙහිව නිසි පියවර ගැනීමෙන් වැළකීම.

13. නෝර්වේ ඒජන්තවරුන් දෙදෙනකු මෙරට ස්‌ථාපිත කර එම ඒජන්තවරු දේශපාලන පක්‍ෂවලට රිංගවීම.

මෙවන් අවමන් සහගත අතීතයක්‌ ඇති නෝර්වේ රාජ්‍යය යළි ශ්‍රී ලංකාවේ කටයුතුවලට මැදිහත්වීමට කටයුතු කර ඇත්තේ නෝර්වේහි සිටින ඊළම්වාදීන්ගේ ඉලක්‌කය සපුරා ගැනීම සඳහායි.

වන්නි මෙහෙයුමට පසු ප්‍රධාන පෙළේ කොටි ත්‍රස්‌තයන් රැසක්‌ තානාපති වරප්‍රසාදවලට මුවාවී නෝර්වේ වෙත යෑවූ බව ඔස්‌ලෝ නුවර ඇප්ටන් පෝස්‌ටන් පුවත්පත හෙළි කර තිබිණි.

මෙවන් පසුබිමක්‌ මැද බ්‍රිතාන්‍ය විදේශ ඇමැති හියුගෝ ස්‌විරේ ශ්‍රී ලංකාවට පැමිණ ඇත. හියුගෝ ස්‌විරේ මෙරටට එන්නේ ශ්‍රී ලංකාවේ සෞන්දර්යය දැක ගැනීමට නොවේ.

ස්‌විරේ විසින් බ්‍රිතාන්‍යයේ ඊළම් සංසදයට සම්බන්ධ සිසොම්ගාන් මැක්‌ඩොනා වෙත යෑවූ ලිපියෙන් ඔහුගේ සංචාරයේ අරමුණ හෙළි විය.

          

ඒ ශ්‍රී ලංකා හමුදාව උතුරින් ඉවත් කිරීම සහ ජිනීවා යෝජනාව ක්‍රියාත්මක කිරීම සඳහා ශ්‍රී ලංකා රජය සමග සාකච්ඡා කිරීමටයි. මේ සඳහා බ්‍රිතාන්‍ය ආරක්‍ෂක අරමුදලින් ස්‌ටර්ලින් පවුම් මිලියන 6.6 ක්‌ ශ්‍රී ලංකාවට ලබාදීමට තීරණය කර ඇත. හියුගෝ ස්‌විරේ ඊළාම් බෙදුම්වාදයට සහය වන මැක්‌ඩොනා මන්ත්‍රිනිය වෙත යවා ඇති ලිපියේ මෙලෙස සඳහන් කර තිබේ. “සංහිඳියාව සහ යුද අපරාධ චෝදනා විමර්ශනය සම්බන්ධව ශ්‍රී ලංකාව ජාත්‍යන්තර ප්‍රජාවට පොරොන්දුවක්‌ දී ඇත. එහිදී ශ්‍රී ලංකා හමුදාව වැදගත් කාර්ය භාරයක්‌ ඉටු කල යුතුයි. ඒ උතුර හා නැගෙනහිරින් හමුදාව ඉවත්වීම සහ හමුදාව භාරයේ ඇති ඉඩම් සිවිල් ජනතාවට ලබාදීමයි. එසේම ආරක්‍ෂක ක්‍ෂේත්‍රය ප්‍රතිසංවිධානය කිරීමට සහය වීම අපේ අරමුණයි”.

බ්‍රිතාන්‍ය විදේශ ඇමැති මෙරටට පැමිණීමෙන් පසු ඊළඟට ශ්‍රී ලංකාවට එන්නේ ජිනීවා මානව හිමිකම් කොමසාරිස්‌ සෙයිද් රාද් හුසේන්ය. මානව හිමිකම් කොමසාරිස්‌වරයාගේ ශ්‍රී ලංකා සංචාරයේ අරමුණ වී ඇත්තේ ජිනීවා යෝජනාව ප්‍රකාර රජය ක්‍රියා කර තිබේද යන්න විමර්ශනය කිරීමයි.

මෙලෙස බ්‍රිතාන්‍ය විදේශ ඇමැති හා මානව හිමිකම් කොමසාරිස්‌ ශ්‍රී ලංකාවට එන සමයේ උතුරේ තවත් මෙහෙයුමක්‌ ක්‍රියාත්මක වේ.

උතුරු පළාත් සභාව මුල්ලිවයික්‌කාල් ස්‌මාරකය නමින් සමරු මධ්‍යස්‌ථානයක්‌ ඉදිකිරීමටත් එය මැයි 28 දා විවෘත කිරීමටත් සැලසුම් කිරීම මෙම මෙහෙයුමයි. එහෙත් ඒ සඳහා රජයෙන් අවසර ගෙන නැත. උතුරු පළාත් සභාව මෙම සමරු මධ්‍යස්‌ථානය ස්‌ථාපිත කිරීමට සැලසුම් කර ඇත්තේ කොටි ඝාතන සමාගම සැමරීම සඳහායි.

මුල්ලිවයික්‌කාල් සමරු මධ්‍යස්‌ථානය ඉදිකරන බව උතුරු පළාත් සභාව ප්‍රසිද්ධියේ පවසන අවස්‌ථාවේ රජයේ යාන්ත්‍රණයෙන් ඊට නිසි ප්‍රතිචාරයක්‌ දක්‌වා නැත. මේ අන්දමට ත්‍රස්‌තවාදීන් සැමරීමේ ස්‌මාරක ඉදිකිරීමට ලොව වෙනත් රටවල් ඉඩදී නොමැත.

මේ අතර මානව හිමිකම් කොමසාරිස්‌ගේ ශ්‍රී ලංකා සංචාරය ගැන දැනගත් වූ විගස මෙරට රාජ්‍ය නොවන සංවිධාන 12 ක්‌ හා සිවිල් ක්‍රියාකාරීන් යෑයි හඳුන්වාගත් 41 ක පිරිසක්‌ කරුණු දහයක්‌ ඉටු කරන ලෙස ඉල්ලීමක්‌ කරමින් රජයට සන්දේශයක්‌ යවා ඇත. මේ සන්දේශයේ දැක්‌වෙන කරුණු පාඨකයන්ගේ අවධානය උදෙසා අපි මෙලෙස සඳහන් කරන්නෙමු.

1. ජිනීවා යෝජනාව මුළුමනින්ම ක්‍රියාත්මක කරනු.

2. යුද අපරාධ චෝදනා විමර්ශනය සඳහා විශේෂ අධිකරණයක්‌ සහ ස්‌වාධීන කාර්යාලයක්‌ පිහිටුවනු.

3. විශේෂ අධිකරණය සඳහා විදේශ විනිසුරුවරුන්, නීතිවේදීන්, නඩු අධ්‍යක්‍ෂකවරුන් සහ විමර්ශකයන්ට සහභාගි වීම සඳහා නීතිරීති ඇති කරනු.

4. පසුගිය කාලයේ සිදුවූ යුද අපරාධ ගැන නඩු පැවරීම සඳහා නව නීතිරීති කෙටුම්පත් කරනු.

5. ජිනීවා මානව හිමිකම් කාර්යාලයේ සහය ලබාගනු.

6. ආරක්‍ෂක අංශ ප්‍රතිසංවිධානයට ලක්‌ කරනු.

7. මානව හිමිකම් උල්ලංඝනය කර ඇති අයවළුන් සාම හමුදා කටයුතු සඳහා අනුයුක්‌ත කිරීමෙන් වළකිනු.

8. මහජන ආරක්‍ෂක පනත හා ත්‍රස්‌ත මර්දන පනත සංශෝධනයට ලක්‌ කරනු.

9. අත්අඩංගුවේ සිටින දේශපාලන සිරකරුවන් (හිටපු කොටි ත්‍රස්‌තයන්) නිදහස්‌ කරනු.

10. විපතට පත් වූවන් නිරීක්‍ෂණය කිරීමෙන් වළකිනු.

මේ ඉල්ලීම්වලින් කියන්නේ ඇන්ටනෝව් යානාවට මිසයිල ගැසූ ත්‍රස්‌තයන් ද මුදාහැරිය යුතු බවයි.

මෙකී ඉල්ලීම් ඇතුළත් සන්දේශයට අත්සන් තබා ඇති සමහරු මෙයට පෙර අසා නැති පුද්ගලයන්ය. තවත් අයෙක්‌ ශ්‍රී ලංකා හමුදාව චීනයෙන් ගෑස්‌ කුටි ගෙන්වා ලක්‍ෂ ගණනක්‌ ද්‍රවිඩයන් පුලුස්‌සා මරා දැමීමට යුද හමුදාව ක්‍රියා කළ බවට සාවද්‍ය ප්‍රචාරයක්‌ දියත් කළ අයෙක්‌.

එසේම සන්දේශයේ සඳහන් රාජ්‍ය නොවන සංවිධාන විදේශ අරමුදල් ලබන සංවිධාන වේ. ඉන් වාර්ගික අධ්‍යයනය පිළිබඳ ජාත්‍යන්තර මධ්‍යස්‌ථානය යනු වසර කීපයකට පෙර වන්නි මෙහෙයුම නතර කිරීමට එක්‌සත් ජාතීන්ගේ හමුදාවක්‌ කැඳවීමට උත්සාහ කළ සංවිධානයයි.

එකී ක්‍රියාදාමයට සම්බන්ධ වූ එම මධ්‍යස්‌ථානයේ ප්‍රධානියාව සිටි ප්‍රංශ ජාතික රාමා මානිව මෙරටින් පිටුවහල් කිරීමට රජය ක්‍රියා කළේය.

මෙකී සන්දේශයේ දැක්‌වෙන කරුණු පසුගිය සැප්තැම්බර් මාසයේදී එක්‌සත් ජාතීන්ගේ හිටපු නිලධාරිනියක්‌ වූ යස්‌මින් සුකා ද ජිනීවා මානව හිමිකම් කවුන්සිලය වෙත ඉදිරිපත් කර තිබුණි.

මේ නිසා තහවුරු වන්නේ “අත ඊසොප්ගේ හඬ ඡේකොබ්ගේ” යන බයිබල් පාඨයයි.

මෙවන් තොරතුරු හෙළිවන අවස්‌ථාවේ වඩුක්‌කෝඩේ සම්මුතිය යළි මතු විය. 1976 යාපනය වඩුක්‌කෝඩේහිදී එස්‌. ඡේ. වී. චෙල්aවනායගම්ගේ ප්‍රධානත්වයෙන් පැවැති ද්‍රවිඩ එක්‌සත් විමුක්‌ති පෙරමුණේ ප්‍රථම ජාතික සමුළුවේදී ශ්‍රී ලංකාව දෙකඩ කළ යුතු බවට දැක්‌වෙන එකී සම්මුතිය ප්‍රකාශයට පත් විය. මේ සම්මුතියට 2016 වසරේදී වසර 40 ක්‌ සපිරෙයි.

දැන් මේ සම්මුතිය ඉදිරියට ගෙන යැමට උත්සාහ කරන්නේ රටින් බැහැර ඊළාම් ආණ්‌ඩුව නමැති සංවිධානයයි.

මේ අතර මුහුදු කොටි පාලනය යටතේ පැවැති මුලතිව්හි නැගෙනහිර මුල්ලිවයික්‌කාල් ප්‍රදේශය ආරක්‍ෂක හමුදාව විසින් මුදා ගැනීමෙන් වසර හතකට පසු එකී ප්‍රදේශයේ නාවික කඳවුරක්‌ ඉදිකිරීම සම්බන්ධයෙන් විරෝධතා එල්ලවී ඇත.

මුලතිව් යනු උපායමාර්ගික කේන්ද්‍රස්‌ථානයකි. නැගෙනහිර මුල්ලිවයික්‌කාල්හි පදිංචිකරුවන් යෑයි හඳුන්වාගත් පිරිස්‌ එකී විරෝධතාවට සම්බන්ධ වී තිබේ.

මෙයට සමගාමීව ප්‍රභාකරන්ගේ මස්‌සිනාවූ උතුරු පළාත් සභා මන්ත්‍රී එම්. කේ. සිවාජිලිංගම්ද රජයට ඉල්ලීම් පහක්‌ යොමු කර ඇත.

මෙහි දැක්‌වෙන්නේ එම ඉල්ලීම්ය.

1. දෙමළ ජාති ඝාතනය ගැන යුක්‌තිය ලැබිය යුතුය.

2. ජනවාර්ගික ගැටලුව විසඳීමට ඇමරිකාව ඉන්දියාව සහ යුරෝපා සංගමය සම්බන්ධ කර ගත යුතුය.

3. හමුදා කඳවුරු ශක්‌තිමත් කිරීම නතර කළ යුතුය.

4. අතුරුදන් වූවන් ගැන කඩිනම් ප්‍රතිචාරයක්‌ දැක්‌වීම.

5. දෙමළ දේශපාලන රැඳවියන් 200 ට නිදහස දිය යුතුයි.

ද්‍රවිඩ සංධාන මන්ත්‍රී එම්. කේ. සුමන්තිරන් ද ඊට සමාන ප්‍රකාශයක්‌ කරමින් රටේ සෑම ජනවර්ගයකටම සම තත්ත්වය දිය යුතු බව පවසා ඇත. ප්‍රභාකරන්ගේ ඉල්ලීම වූයේ ද සම තත්ත්වයයි. මේ අතර වසර කීපයකට පසු නෝර්වේ හිටපු අමාත්‍ය එරික්‌ සෝල්හයිම් තවත් රහසක්‌ හෙළි කර ඇත. රහස නම් විදේශ ඇමැති කදිරගාමර් කොටි සංවිධානය මැරුවේ ඔහු කොටින්ව ජාත්‍යන්තර තහනමට ලක්‌ කළ නිසා යෑයි පවසා ඇත.

කීර්ති වර්ණකුලසූරිය

Categories

Balawegaya Flickr Photos

Different countries have visited this site

Free counters!