//

බලවේගය විශේෂ පුවත් (Balawegaya Special News)

This category contains 50 posts

නඩු නැති රටක සරණාගතයන් වූ තොප්පිගල මායිමේ සිංහල මිනිස්‌සු

නඩු නැති රටක සරණාගතයන් වූ
තොප්පිගල මායිමේ සිංහල මිනිස්‌සු

දිවුලපොතාන සිංහල ගම්මානයකි. සිංහල ගම් ලංකාවේ හැර වෙනත් කොයි තැනකවත් තිබෙන්නට පුළුවන්කමක්‌ නැත. විශේෂත්වය වන්නේ දිවුලපොතාන තිබෙන්නේ තොප්පිගල කැලෑව මායිමේ වීමය. කොටි ත්‍රස්‌තවා”න් විසින් ස්‌වකීය සංග්‍රාම භූමියේ මර්මස්‌ථානය කරගත් තොප්පිගල තිබුණු සිsංහල ගමෙන් ඒ අසරණයෝ කලකට පෙර පළා ගියහ. ඒ කොටි සංවිධානයේ ම්ලේච්ඡයන් විසින් ගම පිටින් කැතිගෑමෙන් පසුය.

දිවුලපොතාන ගම්මානයට අප යන්නේ පීඩාවට පත් නැගෙනහිර සිංහල ජනයා වෙනුවෙන් සැම විටම පෙනී සිටින අම්පිටියේ සුමනරතන හිමියන් ඇතුළු කිහිපදෙනෙකු සමගිනි. දිවුලපොතානට යා හැකි කෙටිම මාර්ගය වැටී ඇත්තේ තොප්පිගල වන මැදිනි. නමුත් තොප්පිගල වන මැදින් යැමට හැකිවුයේ මඳ දුරක්‌ පමණි. දිගින් දිගටම ඇද හැලෙන වැස්‌සෙන් මාර්ගයේ කීප තැනක්‌ දැවැන්ත වගුරු බවට පත්ව තිබිණි. අපේ කණ්‌ඩායම යළිත් බොහෝ දුරක්‌ ගෙවා මහඔයට පැමණ එතැන් සිට කිලෝමීටර් 36 ක්‌ අරලගංවිල මාර්ගයේ ගමන් ගත්තේය. එතැනින් තවත් කිලෝමීටර් හය හතක්‌ තොප්පිගල දෙසට ගිය විට දිවුලපොතාන ගම්මානය දැකගත හැකි විය.

මිනීමරු කොටින්ගෙන් ජීවිතය පමණක්‌ ඉතිරිකරගත් දිවුලපොතාන ගම්වාසීහු යළිත් සිය ගම් බිම් කරා පැමිණ තිබුණහ. ඒ සාමය උදාවීමත් සමගමය. එහෙත් පැවතුන රජය යටතේද, මේ රජය යටතේද ඒ මිනිස්‌සු අප්‍රමාණ වෙහෙසට පත්වුණහ. උන් මේ ගෙවන්නේ නැගෙනහිර පළාතේදී සිංහලයෙක්‌ වීමේ කරුමයය. ඒ කරුමයේ වපසරිය ගැන දිවුලපොතාන ගමේ මිනිස්‌සු අපට කීහ. මේ ලියන්නේ ඔවුන් අපට කී කතාවය.

දිවුලපොතාන එක්‌සත් ගොවි සංවිධානයේ සභාපති රංජිත් ලියනගේය. මුලින්ම කතා කරන්නේ රංජිත්ය.

”ඇත්ත මේකයි මහත්තයෝ. මේක මඩකලපුව දිස්‌ත්‍රික්‌කයට අයත් සිංහල ගමක්‌. ගම සිංහල වීම නිසා රජයෙන් ලැබෙන කිසිම සහනයක්‌ මේ පළාතෙ දෙමළ ජාතිවාදී දේශපාලනයයි, නිලධාරීනුයි අපට දෙන්නෙ නැහැ. 1977 ඉ`දන් තමයි මේ ගම්මානයේ ජනතාව පදිංචිව සිටින්නේ. පවුල් 610 ක්‌ ඒ කාලේ පදිංචිවෙලා හිටියා. 1984 දි කොටි ගහලා 12 ක්‌ මැරුණා. ඊට පස්‌සෙත් කොටි ගහලා ගමේ අය එක දිගට මැරුණා. එන්න එන්නම කොටි කරදර වැඩි වෙච්ච නිසා අන්තිමේදි ගම අතහැරලා පණ බේරාගෙන ගියා. දැන් යුද්ධය නිමාවුණාට පස්‌සේ නැවතත් මෙම ගම්මානයේ අය පැමිණිලා ස්‌ථිර ලෙස පදිංචිවෙලා ඉන්නවා. ඉතිsරි අයත් වගා කරලා නැවතත් යනවා. දැනට මෙම ගම්මානයේ පාසලක්‌ නෑ. දරුවන්ට ඉගෙන ගන්න විදිහක්‌ නැති නිසා දරුවන් තැන් තැන්වල තියලා ඇවිත් තමයි මේ අය වගා කරන්නේ.

ගමට එන්න හරියට පාරක්‌ නැහැ. පොඩි පැල්පත් හදාගෙන තමයි මෙම ජනතාව ජීවත් වෙන්නේ. දරුවන්ට ඉගෙන ගන්න පාසලක්‌ අවශ්‍යයි. නැවත පදිංචියට පැමිණියත් පාසලක්‌ නැති නිසා දරුවන් ගෙන ඒමට නොහැකි වෙලා තිබෙනවා. ඉස්‌සර දිඹුලාගල හාමුදුරුවෝ ඉන්න කාලේ දිවුලපොතාන සිට තොප්පිගල ළඟට යනකම් පවුල් 35000 ක්‌ විතර පදිංචි කළා. ඒ මෙම ගම්මානයට ආරක්‌ෂාවක්‌ ලබා දෙන්න. අද තත්වය වෙනස්‌. දැන් අපට ඉල්ලන්න වෙලා තියනවා. අපට ගෙවල් හදාගන්න උදවු කරන්න. පාරවල් ටික හදලා දෙන්න. අපි වගකිවයුත්තන්ගෙන් මේවා ඉල්ලා සිටිනවා. මේ කැලේ ලී තොග ගණන් කැපෙනවා. ඒව බලන්නෙ නැති වන සරංක්‌ෂණ නිලධාරීන් අපි මේ ගමෙන් එළවන්න උත්සාහ කරමින් ඉන්නවා” රංජිත් ලියනගේ කීවේය.

නැගෙනහිර පළාත් සභා මන්ත්‍රී ටි.එම්. ජයසේනද කීවේ එවැනි කථාවකි.

”අපේ තාත්තලා හැත්ත ගණන්වල තමයි මෙම ඉඩම්වල පදිංචියට ආවේ. මෙම ගම්මානයේ තිබ්බ මාරවිල පාසලට තමයි මම පහේ පංතියට යනකම් ගියේ. යුද්ධය ඉවර වුණාට පස්‌සේ 2009 සිට වසර ගණනක්‌ අපි මෙහි ගොවිතැන් කළා. නමුත් පසුගිය දිනවල වන සංරක්‌ෂණයෙන් ඒ අයගේ භූමිය කියලා අපේ කිහිප දෙනෙක්‌ අල්ලන් ගියා. ඒ අයගේ භූමිය වෙන්නේ කොහොමද? අපි කලින් පදිංචි වෙලා හිටිය ඉඩම්. නැෙ`ගනහිර පළාත් සභාවේ කෘෂිකර්ම ඇමතිගේ හරක්‌ පන්දාහක්‌ විතර ඉන්නවා. ඒ අය වගා කරන කාලෙට පළාත් සභාවේ ඇමතිගේ හරකුයි වෙනත් අයිතිකරුවන්ගේ හරක්‌ විසි තිස්‌ දහසක්‌ වාගේ ප්‍රමාණයක්‌ මෙම ප්‍රදේශයට ඇවිල්ලා වගාව මු`ඵමනින්ම වාගේ විනාශ කරලා දානවා.

වන සංරක්‌ෂණ එකෙන් මහවැලි හා වන සංරක්‌ෂණ භූමියට ඇතුළුවීම තහනම් කියලා බෝඩ් එකක්‌ ගහලා අපේ ඉඩම්වලට ඇතුළුවන අය වන සංරක්‌ෂණ එකෙන් අත්අඩංගුවට අරන් උසාවි දාන්න පටන් අරන්. දෙමළ අය වගා කරන කාලේට එයාල හරක්‌ මෙහාට දානවා. එතකොට අපේ වගාවන් හරක්‌ විනාශ කරනවා. වන සංරක්‌ෂණයෙන් බලපෑම් කරලා අපිව පන්නන්න හදනවා. රාජ්‍ය නිළධාරින්ගේ සහ දෙමළ දේශපාලන නායකයන්ගෙ හයිය අරන් අපිව පන්නලා තණ භුමියක්‌ කරන්න තමයි මෙයාලට උවමනාව. මම මේ පිළිබ`දව නැගෙනහිර පළාත් සභාවේ පවා කථා කළා. නමුත් තවමත් කිසිම විස`දුමක්‌ නැහැ” ජයසේන මන්ත්‍රීවරයා කිවේය.

කවදත් නැගෙනහිර සිංහලයා වෙනුවෙන් දිවිකැප කර ක්‍රියා කරන, ඔවුන් ගැන ළෙංගතු කමින් සොයා බලන ඒ නිසාම මඩකලපුව දිස්‌ත්‍රික්‌කයේ අධිකරණවල නඩු 40 කට අධික ප්‍රමාණයකට පෙනී සිටින්නට සිදුවූ මඩකලපුව මංගලාරාම විහාරාධිපති පුජ්‍ය අම්පිටියේ සුමනරතන හිමි මෙසේ පැවසූහ.

“දිවුලපොතාන ගම්මානය මඩකලපුවට අයිති වුණත් මෙම ගම්මානය ඒ කාලේ පාලනය කළේ අම්පාර දිස්‌ත්‍රික්‌කයෙන්. මහඔය ප්‍රාදේශිය ලේකම් කාර්යාලයෙන්. යුද්ධයෙන් පස්‌සේ මෙම ජනතාව නැවතත් පදිංචි වෙලා ඉතා දුෂ්කර ආකාරයෙන් වැඩ කටයුතු කරගෙන යනවා. වන සංරක්‌ෂණ නිළධාරින් ඇවිල්ලා මෙම ගම්මානයේ ජනතාව වන සංරක්‌ෂණ ඉඩම් වලට ඇතුලූ වුනා කියලා අරන් ගිහින් උසාවි දානවා. නමුත් මෙම ගම්මානයේ එදා පාසලක්‌ තිබ්බා. පවුල් 610ක්‌ හිටියා. අද තමන් හිටිය තැනට ඇවිල්ලා පදිංචි වෙන්න බැරිවෙලා තියෙනවා. වන සංරක්‌ෂණ ඉඩම් කියන නිසා. මෙහමයි මඩකලපුව සිංහල ගම්මානවල තතත්වය.

කැලේ ගස්‌ කපනවා. නමුත් වන සංරක්‌ෂණ නිළධාරින් ඒවා බලන්නේ නැහැ. නමුත් තමන් ඉපදුන හැදුන වැඩුන ගමේ පදිංචි වෙච්ච ජනතාවයි වන සංරක්‌ෂණයෙන් පන්නා දමන්න හදන්නේ. මේවා මෙසේ සිදුවෙද්දි මඩකලපුවෙහි අසරණ සිංහලයන් කිසිවෙකුගේ පිළිසරණක්‌ නැතිව අසරණ වෙලායි ඉන්නේ. මෙම සිංහල ජනතාව වෙනුවෙන් කටයුතු කරන එක්‌සත් අරාබි එමීර් රාජ්‍යයේ සිටින ශ්‍රී ලාංකිකයන්ගෙන් සැදුම් ලත් හෙළ බිම සංවිධානය හරහා මෙම ගම්මානයට සහනයක්‌ සැලසීමට මං මැදිහත්ව ක්‍රියා කරනවා” අම්පිටියේ සුමනරතන හිමියෝ කීහ.

”ඒ කාලේ අපි කොටින්ගෙන් පුදුම විදිහට බැට කෑවේ. මේ ගමට කොටි ගහපු වෙලාවේ මගෙ අයියත් මැරුණා. කොටි කපලා මගේ මල්ලිගේ ළමයි දෙන්නෙක්‌ මැරුණා. මහත්තයා ග්‍රාම ආරක්‌ෂකයෙක්‌. පස්‌සේ මගේ මහත්තයාගේ රස්‌සාවත් නැතිවුණා. මම ඉපදුනේ මෙම ගම්මානයේ. මාරවිල කියන හරියේ සමුපකාරයත් පාසලත් තිබ්බා. යුද්ධය නැතිවුනාම තමයි අපි නැවතත් මෙම ගම්මානයට ආවේ. නමුත් කිසිම පහසුකමක්‌ නැහැ. හරිම කරදරයක්‌ තමයි විඳින්න සිදුවෙලා තියෙන්නේ.” එච් සිරියාවති කීවාය.

ආර්. එම්. ස්‌වර්ණලතා මැණිකේද සිය අතීත අත්දැකීම අප අභිමුව මෙසේ දිග හැරියාය.

”අපි පාසල් ගියේ මේ ගමේ. අපි ආවේ අපේ ගමට. අලුතින් ඉඩම් අල්ලන්න නොවෙයි. අපිට ස්‌වයං රැකියාවක්‌ කරන්න උදව් කරන්න. රජයෙන් මොනවත් අපිට ලැබිලා නැහැ. යුද්ධයෙන් පස්‌සේ ගම්මානවල නැවත පදිංචි කළත් අපව මේ ගමෙන් පන්නන්නයි සමහරු උත්සාහ කරන්නේ. ගමට විදුලිය නැහැ. නිදන්වල දැල් පාලම හමුදා මුරපොළ සහ කිරි පාර හමුදා මුර පොල දැන් අයින් කරලා. වසර පහක්‌ තිස්‌සේ අපේ ගැටලුවලට පිහිට වුණ අපිව ආරක්‌ෂා කළ යුද හමුදාවත් ඉවත් කරලා. අලි කරදරත් හරිම ගැටලුවක්‌ වෙලා” ඇය කීවාය.

අනතුරුව කතා කළේ එන්.එම්.චන්දරත්නය. ඔහු කතා කරන්නේත් අපේක්‌ෂා භංගත්වයෙනි.

මට දරුවෝ දෙන්නෙක්‌ ඉන්නවා. මං මේ ගම්මානයේ ස්‌ථිර පදිංචිකරුවෙක්‌. ගමට කිsසිම පහසුකමක්‌ නැහැ. නමුත් ජීවත් වෙන්න ඕන නිසා අපි දුක්‌ වි`දගෙන මේ ගමට වෙලා ඉන්නවා. අපි මහන්සිවෙලා වගා කළත් සමහර වෙලාවට කිසි වැඩක්‌ නැහැ. හරක්‌ කාලා යනවා. අලි කාලා යනවා. බළධාරින් අපිව පන්නන්න හදන්නේ. මට තේරෙන්නෙ නෑ ඒ මිනිස්‌සු ඇයි එහෙම කරන්නෙ කියලා. අපි සාධාරණය බලාපොරොත්තු වෙන්නෙ කාගෙන්ද කියලා අපි දන්නෙ නෑ. ” චන්දරත්න කිවේය.

තමන් එතෙරට ගොස්‌ දහඩිය මහන්සියෙන් උපයා ගන්නා දෙයින් වසර ගණනාවක සිට සිංහල ජනයා හට අනුපමේය සේවයක්‌ කරන හෙළබිම සංවිධානයේ කපිල රන්දීප ගම්මානයේ ජනතාව අමතමින් මෙසේ පැවසුවේය.

”අපි මෙම ගම්මානය පිළිබ`දව මංගලාරාමයේ සුමනරතන හිමියන් හරහා දැනගත් විට තීරණය කලා අප සංවිධානයට හැකි ආකාරයෙන් උදව් කරන්න. කුමන බාධක ආවත් මෙම ජනතාව ඉතා හො`ද ගොවි සංවිධානයක්‌ පිහිටුවා ගෙන තිබෙන නිසා පැමිණෙන ගැටලුවලට මේ ආකාරයෙන් හෝ මුහුණ දීමට හැකියාවක්‌ ලැබී තිබෙනවා. එම නිසා ප්‍රධානම ගැටලුව වෙලා තිබෙන ගවයන්ගෙන් වගාවන් ආරක්‌ෂා කිරීමට අපිට දිය හැකි සහයෝගයත් අපි ලබා දෙන්න සුදානම්. ඒ වාගේම නිවාස ගැටලුවටත් අපි සහයෝගයක්‌ දෙන්න බලාපොරොත්තු වෙනවා.” ඔහු ශපථ විය.

නැවත පදිංචි කිරීම පිළිබ`ද දෙමළ ජනයා සම්බන්ධව මුස්‌ලිම් ජනයා සම්බන්ධව මහා කතිකාවක්‌ ඇත. නමුත් සිංහල ජනතාව අරභයා මේ විෂය සම්බන්ධයෙන් කියන්නට ඇත්තේ සිත් කළකිරවන සුළු කාලකණ්‌ණි කතාවකි. මඩකලපුවේ ඇතැම් සිංහල ජනයාට ජන්ද අයිතිය නැත. සමෘද්ධියද නැත. ග්‍රාම සේවක සහතිකද නැත. ඒවා ලබා ගැනීමට ඇති සියලූ මාර්ග අවහිර කර ඇත. ඇතැමුන්ට ආදායම් වාර්තාවක්‌ ලබා ගන්නටද මඩකලපුවට ගොස්‌ උද්ඝෝෂණය කළ යුතුය.

ඔවුන් බොහෝ දෙනකු උපන් බිමේ අනාථව ඇත. රජයෙන් ලැබෙනා කිසිදු දෙයක්‌ මඩකලපුවේ අහිංසක සිංහල ජනයාට ලැබෙන්නේ නැත. ඡන්ද අයිතිය ඉල්ලන්නට ගිය දිනෙක මඩකලපුව පොලිසියේ නරුමයෝ මේ අසරණ සිංහල මිනිස්‌සුන්ව නිරුවත් කර නගර මධ්‍යයේ දී පහර දුන්හ. එවකට මේ රටේ ජනාධිපති මහින්ද රාජපක්‌ෂය.

දැන් රටේ ජනාධිපතිවරයා පොළොන්නරුවේ ගොවි පවුලකින් පැමිණි මෛත්‍රීපාල සිරිසේනය. කවුරු බලයට පැමිණියත් මේ රටේ උපන් සිවිල් වැසියෙකු සතු මූලික අයිතීන් සියල්ල අහිමිකළ නැගෙනහිර සිංහල මිනිsසුන් තවමත් ජීවත් වන්නේ කල්ලතෝනින් සේය. යහපාලනයක ශීලාචාරකම අප විසින් ප්‍රශ්න කරන්නේ මේ පසුබිමේදීය.

බදියුදීන් විල්පත්තු කැලෑව ලයිෂන් පිට විනාශ කරනවිට, රටේ නීතිය බල්ලන්ට දමා කටයුතු කරන විට, අධිකරණයට ගල් ගස්‌සනවිට රාජපක්‌ෂ ආණ්‌ඩුවට ඊට විරුද්ධ වීමට නොහැකිවූ පෞරුෂ ප්‍රශ්නයම මෛත්‍රීපාල සිරිසේන ප්‍රමුඛ යහපාලන ආණ්‌ඩුවටත් තිබේ. මේ මොහොතේත් බදියුදීන් ස්‌වකීය ව්‍යසනය යාවත්කාලීන කරයි. වන සංරක්‌ෂණයේ එකෙකුට තබා ආණ්‌ඩුවටවත් ඒ ව්‍යසනය නවත්වන්නට හැකියාවක්‌ නැත. එහෙත් නීතිය නොව, නීතියේ නාමයෙන් දුබලයන් පෙළන අත්තනෝමතික අශිෂ්ටකම තොප්පිගල කැලෑව මායිමේ වූ දිවුලපොතාන සිංහල ගමේ අහිංසක ගැමියන් මත අතහැර තිබේ.

මේ දිගහැරෙන්නේ වාර්ගික ප්‍රශ්නයක්‌ නොව තවමත් නීතිය නීතියක්‌ නොවූ රටක අශිෂ්ට දේශපාලනයේ යථාර්ථය ය.

සුසන්ත අමර බන්දු

යුද්ධය අවසන් කළ නායකයා දැන් කොමිෂන් ගානේ රස්‌තියාදු වෙනවා

යුද්ධය අවසන් කළ නායකයා
දැන් කොමිෂන් ගානේ රස්‌තියාදු වෙනවා
-විමල් වීරවංශ

උදේශ සංජීව ගමගේ

ප්‍රංශයට පසුගියදා එල්ල කළ ප්‍රහාරයෙන් පසු දැන් මහින්ද රාජපක්‍ෂ වැනි නායකයකු හොයනවා. ඒත් තිස්‌ අවුරුද්දක යුද්ධය අවසන් කළ නායකයා දැන් උසාවි ගානේ, කොමිසම් ගානේ රස්‌තියාදු වෙනවා.

කොලොන්නාවේදී ජාතික නිදහස්‌ පෙරමුණේ පාක්‍ෂිකයන් පිරිසක්‌ අමතමින් පක්‍ෂ නායක විමල් වීරවංශ එසේ පැවසීය.

මහින්ද රාජපක්‍ෂ මහතාගේ උපන්දිනය 18 වැනිදාට යෙදී තිබෙනවා. ඊට පසුවදා ඔහු උසාවියට කැඳවා තිබෙනවා. ඒ කේක්‌ ගෙඩියක්‌ කපන්නද දන්නේ නැතැයිද ඔහු වැඩිදුරටත් පැවසීය.

 

ජිනීවා යෝජනා ක්‍රියාත්මක වුණොත් දෙමළ බෙදුම්වාදය ශක්‌තිමත් වෙනවා – සම්මානිත මහාචාර්ය ජී. එච්. පීරිස්‌

ජිනීවා යෝජනා ක්‍රියාත්මක වුණොත්
දෙමළ බෙදුම්වාදය ශක්‌තිමත් වෙනවා

– සම්මානිත මහාචාර්ය ජී. එච්. පීරිස්‌

ශ්‍රී ලංකාව පිළිබඳ ජිනීවා මානව හිමිකම් සමුළුව කර ඇති යෝජනා මගින් නිර්දේශිත දේශීය යාන්ත්‍රණය පිළිබඳ මේ වන විට විවිධ අදහස්‌ පළවී ඇත. එල්. ටී. ටී. ඊ. යට එරෙහිව සිදුකළ මානුෂික මෙහෙයුමේදී සිදුවී ඇතැයි කියන යුද අපරාධ පිළිබඳව සොයා බැලීමට පත් කළ පරණගම කොමිෂන් වාර්තාවත් අතුරුදන් වූවන් පිළිබඳ සොයා බැලීමට පත් කළ උදලාගම කොමිෂන් වාර්තාවත් ප්‍රකාශයට පත් වී ඇත. ජිනීවා මානව හිමිකම් යෝජනා සහ උදලාගම පරණගම කොමිෂන් වාර්තා ගැන පේරාදෙණිය විශ්වවිද්‍යාලයේ සම්මානිත මහාචාර්ය ජී. එච්. පීරිස්‌ කරන විග්‍රහයකි මේ.

එල්.ටී.ටී.ඊ.යට එරෙහිව පැවති මානුෂික මෙහෙයුමේ අවසන් කාලයේ ශ්‍රී ලංකාව යුද අපරාධ සිදු කළ බවට නැගෙන චෝදනා පිළිබඳ ඔබේ අදහස කුමක්‌ද?

ශ්‍රී ලංකාව විසින් මානුෂික මෙහෙයුමේ අවසාන අදියරේදී බරපතළ යුද අපරාධ කළ බවට එල්ල කෙරෙන චෝදනාවල කිසිදු පදනමක්‌ නෑ. ඇමරිකාව ප්‍රමුඛ බටහිර රටවල් විසින් මේ එල්ල කරන චෝදනාවලට හේතු වූ කරුණු දෙකක්‌ තිබෙනවා. පළමු කාරණය තමයි රාජපක්‌ෂ රජය මානුෂික මෙහෙයුමේ අවසාන අදියරේදීත් ඉන් පසුවත් ඇමරිකාව සහ බටහිර රටවලට අවනත නොවීම. දෙවැන්න ශ්‍රී ලංකාව චීනයට සමීපව කටයුතු කරමින් ඉන්දියන් සාගර කලාපය චීන වාණිජමය මූලස්‌ථානයක්‌ බවට පත්කිරීම.

තමන්ට අවනත නොවන රාජ්‍යවල කැළඹිලි ඇතිකිරීම ඇමරිකාවේ රාජ්‍ය ප්‍රතිපත්තියක්‌. අපේ රට වගේ ආර්ථික වශයෙන් දුර්වල, ඇමරිකානු ආයෝජන නැති, ඔවුන්ගේ න්‍යාය පත්‍රයට අනුව කටයුතු නොකරන රටවල් සම්බන්ධයෙන් කටයුතු කිරීමේදී ජාත්‍යන්තර මානව හිමිකම් සංවිධානය වැනි ආයතනත් කටයුතු කරන්නේ හරිම දැඩි ප්‍රතිපත්තියකින්. ඒක අසාධාරණයි. දෙවැනි ලෝක සංග්‍රාමයෙන් පසුව බටහිර රටවල් මැදිහත් වූ සිවිල් යුද්ධවලදී ඔවුන් සිවිල් ජනතාව ගැන කිසිදු තැකීමක්‌ නොකළ බව ඓතිහාසික සත්‍යයක්‌. ඉරාකය, වියට්‌නාමය වැනි රටවල්වල සිවිල් ජනතාව හොය හොයා ඝාතනය කළා. බැට්‌ල් ඔµa හඩිකා වැනි චිත්‍රපටවල නැගුනේ ඒ ඓතිහාසික සත්‍යය කරුණුයි.

ජාත්‍යන්තර ක්‌ෂමා සංවිධානය (ඇම්නෙස්‌ටි ඉන්ටර්නැෂනල්), ජාත්‍යන්තර අර්බුද කණ්‌ඩායම (ඉන්ටර්නැෂනල් ක්‍රයිසිස්‌ ගෲප්) සහ අන්තර්ජාතික නීතිඥ කොමිසම වැනි සංවිධාන අපේ රටට එරෙහිව බරපතළ මානව හිමිකම් චෝදන එල්ල කළා. එපමණක්‌ නොවේ, ඒවා ලෝකය පුරා ප්‍රචාරය කළා. ඔවුන් එසේ බොරු ප්‍රචාරය කළේ සාධාරණ පරීක්‌ෂණයකින් තොරවයි.

ඔවුන්ට මේ බොරු ප්‍රචාර කරන්න අවශ්‍ය ව්‍යාජ තොරතුරු සැපයූවේ කොළඹ කේන්ද්‍ර කරගත්, බටහිර රටවල මුදල්වලින් යෑපෙන සහ ඔවුන්ට අවශ්‍ය ආකාරයට ක්‍රියාකරන රාජ්‍ය නොවන සංවිධාන කිහිපයක්‌. ඒ සඳහා ඔවුන්ට විශාල වශයෙන් මුදල් ලැබුණේ බටහිර රටවල ආයතනවලින්. ඒක රහසක්‌ නෙමෙයි. කෝප් කමිටුව කරන ලද පරීක්‌ෂණවලින් ඒ බව මනාව ඔප්පු වුණා.

එක්‌සත් ජාතීන්ගේ සංවිධානයේ මහලේකම්වරයා විසින් වරින් වර මෙරටට එවන ලද නියෝජිතයන් වන ඇලන් රොක්‌, ජෝන් හෝම්ස්‌, මැන්µs්‍රඩ් නොඇක්‌, µsලිප් ඇල්ස්‌ටන්, ලුවී ආබර් වගේ අය බරපතළ චෝදනා ඇතුළත් ඉතා දීර්ඝ වාර්තා ශ්‍රී ලංකාවට එරෙහිව ප්‍රචාරය කළා. ඔවුන් කළ පරීක්‌ෂණ විධිමත් පරීක්‌ෂණ ලෙස පිළිගන්න බැහැ. දින දෙකතුනක්‌ පමණක්‌ මෙරට ඉඳල දේශීය භාෂා හැසිරවීමට හැකියාවකුත් නොමැතිවයි ඔවුන් මේ වාර්තා ඉදිරිපත් කර තිබෙන්නේ.

ශ්‍රී ලංකාවට එරෙහිව ඉදිරිපත් කර ඇති චෝදනා පදනම් විරහිත බව ශ්‍රී ලංකාවේ ඇමරිකානු තානාපති විසින් සිය රටට යවා ඇති රහසිගත පණිවිඩයකිනුත් තහවුරු වෙනවා. ඒ රහස්‍ය වාර්තා විකිලීක්‌ස්‌ මගින් හෙළිදරව් කළා. ඒවා තුළ කිසිම තැනක ශ්‍රී ලංකාව යුද අපරාධ කළ බවක්‌ සඳහන් වන්නේ නෑ. මයිකල් රොබට්‌ස්‌ මහතා මේ රහස්‍ය පණිවුඩ පිළිබඳ අගනා විග්‍රහයක්‌ කර තිබෙනවා. ශ්‍රී ලංකාවට එරෙහි මේ චෝදනා පදනම් විරහිත අසත්‍ය චෝදනා බව බටහිර රටවල් සහ ඔවුන්ට සහයෝගය දෙන හැමදෙනාම හොඳින්ම දන්නවා.

ශ්‍රී ලංකාව සම්බන්ධයෙන් ප්‍රකාශ වී ඇති ජිනීවා යෝජනාවලට විරුද්ධ විය යුතු බවට ප්‍රබල මතයක්‌ ගොඩනැගී තිබෙනවා?

පැහැදිලිවම අපි ජිනීවා යෝජනාවලට එරෙහි විය යුතුයි. ඇමරිකා හා ශ්‍රී ලංකා රජය එක්‌ව ඉදිරිපත් කර තිබෙන මේ යෝජනා ක්‍රියාත්මක කෙරෙන අධිකරණ ක්‍රියාවලියකින් ශ්‍රී ලංකාවට කිසිදු සාධාරණයක්‌ ඉටුවන්නේ නෑ. එවැනි අධිකරණයකින් දෙනු ලබන තීරණ ශ්‍රී ලංකාවට එරෙහි සතුරු බලවේග විසින් පිළිගනු ලබන්නේ අපේ රටේ දේශපාලන නායකයින්, රජයේ උසස්‌ නිලධාරීන්, හමුදා නිලධාරීන් වැරදිකරුවන් කළොත් පමණයි. එහෙම තීන්දුවක්‌ දුන්නොත් පමණයි ඔවුන් එය ‘සාධාරණ’ පරීක්‌ෂණයක්‌ ලෙස පිළිගනු ලබන්නේ. මානව හිමිකම් සංවිධාන, දෙමළ ඩයස්‌පෝරාව, ඇමරිකාව ප්‍රමුඛ යුරෝපා රටවල් සහ ඉන්දියාවේ ජනමාධ්‍ය හා විදේශ ප්‍රතිපත්ති සකස්‌ කරන අය දරුස්‌මාන් වාර්තාවටත් එරෙහි වෙනවා එහි ඉදිරිපත් කරන චෝදනා මඳි කියල.

මේ යෝජනා ක්‍රියාත්මක වුණොත් ශ්‍රී ලංකාව තුළ කෙබඳු තත්ත්වයක්‌ ඇතිවෙයිද?

රටට ලොකු අවදානමකට මුහුණ දෙන්න වෙනවා. භයානකම දේ තමයි දෙමළ බෙදුම්වාදය ශක්‌තිමත් වීම. බලහත්කාරයෙන් ශ්‍රී ලංකාවේ උතුර සහ නැගෙනහිර වෙනම රටක්‌ නිර්මාණය කිරීමේ ව්‍යාපාරය සාර්ථක වෙනවා. ඊට නිසැකවම නවදිල්ලියේ මෝදි රජයේ සහයෝගය ලැබෙනවා. ඇමරිකාව සහ බටහිර රටවල් සහය දෙනවා. එදා 1987 ” වර්ධරාජා පෙරුමාල් වෙනම රටක්‌ ප්‍රකාශ කිරීම කාගේත් හාස්‍යයට ලක්‌වුණා. නමුත් විග්නේෂ්වරන් එහෙම ප්‍රකාශයක්‌ කළොත් ඉහත කී රටවල් ඊට සහය දෙනවා. වර්තමාන රජයේ අදූරදර්ශී රාජ්‍යතාන්ත්‍රික ප්‍රතිපත්ති නිසා අපේ දිගුකාලීන මිතුරන් වූ චීනය සහ රුසියාව අපට සහාය නොදෙන තත්ත්වයට පත්වේවි. එවිට අපේ රට ජාත්‍යන්තරය තුළ සැබෑ ලෙසම හුදකලා වේවි. මේක භයානක තත්ත්වයක්‌. විශේෂයෙන් චීනය සහ රුසියාව අපට සහය දුන්නේ පෙරළා අපෙන් කිසිවක්‌ බලාපොරොත්තුව නෙමෙයි.

අපේ රටේ ජාතික අභිලාෂයන්ට මේ යෝජනා බරපතළ හානියක්‌ බවයි විද්වතුන්ගේ මතය?

පැහැදිලිවම ඔව්. රටේ ඒකීයභාවය, ස්‌වෛරීත්වය, භෞමික අඛණ්‌ඩතාව සහ ජාතීන් අතර සහජීවනය විනාශ වෙන බරපතළ තත්ත්වයක්‌ මේ යෝජනා ක්‍රියාත්මක වීම නිසා ඇතිවෙනවා.

ශ්‍රී ලංකාව තුළ යුද අපරාධ සිදුවී ඇත්ද යන්න පිළිබඳ විමර්ශනය කිරීමට පත් කළ පරණගම කොමිසම ඉතා පැහැදිලිව කියා තිබෙනවා යුද්ධයේ අවසාන කාලේ සිදුවූ සිවිල් වැසියන්ගේ මරණවලට එල්.ටී.ටී.ඊ. සංවිධානය වගකිවයුතු බව. මේ දේශීය වාර්තාව පිළිබඳ ජිනීවා මානව හිමිකම් කමිටුව නිහඬයි. නමුත් ඔවුන් දේශීය යාන්ත්‍රණයක්‌ ඇති කළ යුතු බව කියනවා?

මානව හිමිකම් කමිටුවේ මේ නිහඬවීම සාමාන්‍ය දෙයක්‌. ජාතීන් හතළිස්‌ හතක නියෝජිතයෝ වසරකට දෙවරක්‌ සමුළුවක්‌ පවත්වල එහිදී ඉදිරිපත් කෙරෙන චෝදනා සම්බන්ධයෙන් ජන්ද විමසීම් කිරීමත්, ඒවායේ ප්‍රතිඵල ඉදිරිපත් කිරීමත් තමයි ඔවුන් කරන්නෙ.

මානුෂික මෙහෙයුමේ අවසාන අදියරේදී සිදුවූ සිවිල් ඝාතනවලට එල්.ටී.ටී.ඊ. සංවිධානයත් වගකිවයුතු බව පරණගම කොමිෂන් වාර්තාවේ සඳහන් වන බව ඇත්ත. ඒක කවුරුත් පිළිගන්න දෙයක්‌. සාමාන්‍ය දෙමළ ජනතාව ආරක්‌ෂක පළිහක්‌ ලෙස රඳවාගෙන සිටියදී ඔවුන්ට අවශ්‍ය ආහාර, බෙහෙත් ආදී කිසිවක්‌ ලබා දී නෑ. තම ප්‍රදේශවල ඉඳල හමුදාව වෙතට පලායැමට තැත්කරපු අයට එල්.ටී.ටී.ඊ එකෙන් වෙඩි තිබ්බා. නමුත් චෝදනාව ඒක නෙමෙයි. ශ්‍රී ලංකා හමුදාව වුවමනාවෙන්ම අහිංසක දෙමළ ජනතාව ඉලක්‌ක කර බර අවි යොදාගෙන පහර දී ඔවුන් ඝාතනය කළාය කියන එක.

ශ්‍රී ලංකා රජය විසින් පරීක්‌ෂණ පවත්වල අවසන් කළ මුතූර් දෙමළ තරුණයින් 17 දෙනකු ඝාතන සිද්ධිය සහ ත්‍රිකුණාමලයේ නාවික හමුදා කඳවුර අසල දෙමළ තරුණයින් පස්‌ දෙනෙකු ඝාතනය කිරීමේ සිද්ධිය පිළිබඳව විතරක්‌ නොවෙයි පදනම් විරහිත අසත්‍ය එකක්‌ යෑයි විවේචනයට ලක්‌වූ චැනල් 4 මගින් ඉදිරිපත් වූ කරුණුත් නැවත පරීක්‌ෂා කළ යුතු බව පරණගම කොමිසමේ තිබෙනවා.

ශ්‍රී ලංකාව සම්බන්ධයෙන් ප්‍රකාශ වී ඇති ජිනීවා යෝජනාවලටත් යුද අපරාධ චෝදනාවලටත් ශ්‍රී ලංකාව කෙසේ පිළිතුරු දිය යුතුද?

අපේ රටේ සිටින විනිසුරුවරුන් සහ නීතිඥයින් හා අපේ නීති පද්ධතිය යොදාගෙන මේ සඳහා විවෘත අභ්‍යන්තර පරීක්‌ෂණයක්‌ සිදු කළ යුතුයි. නිශ්චිත චෝදනා පිළිබඳ පරීක්‌ෂා කළ යුතුයි. දේශපාලන අභිලාෂ ඉලක්‌ක කරගෙන කරනු ලබන උද්ඝෝෂණ හා අසත්‍ය කරුණු මත පදනම් වූ චෝදනා ප්‍රතික්‌ෂේප කළ යුතුයි.

අපේ රට අද පත්ව තිබෙන්නේ භයානක අර්බුදකාරී තත්ත්වයකට. දේශීය විදේශීය සතුරු බලවේගවලට ප්‍රතිචාර දැක්‌වීමට නම් එක ප්‍රබල පක්‌ෂයක්‌ විපක්‌ෂය ලෙස කටයුතු කළ යුතුයි. විපක්‌ෂයේ විවිධ කණ්‌ඩායම්වලට මෙවැනි අවදානම් සහගත මොහොතකදීවත් සියලූ සුළු සුළු වාදබේද අමතක කර එක පක්‌ෂයක්‌ පිහිටුවා ගැනීමට හැකිවෙන්න ඕන. මේ පවතින අවදානම් තත්ත්වය පිළිබඳ මහජනතාව තුළ කම්පනයක්‌ ඇති කළ හැක්‌කේත් එවැනි විපක්‌ෂයකට පමණයි.

මහාචාර්ය සුනිල් ආරියරත්න විසින් රචිත විශාරද නන්දා මාලිනී විසින් ගයන ගීතයක කොටසක්‌ මම මේ මොහොතේ සිහිපත් කරන්න කැමතියි.

කවුරුන් හෝ මගෙ රට බිලිදේ නම්

නොපනත් කම් ගිනි ලා අවුලා නම්

කුමටද උන් හා සීල සමාදම්

සටනින් තොර මුනිවත අවදානම්

මේ ගීතයෙන් කියෑවෙන දේශප්‍රේමී හැඟීම් මත කටයුතු කරමින් මහජනතාවට මේ තත්ත්වය පහදා දී කටයුතු කරන විපක්‌ෂයක්‌ මේ රටට අවශ්‍යයි. ශ්‍රී ලංකා නිදහස්‌ පක්‌ෂයේ මෑත කාලීන පාවාදීම් සහ එහි ඇතැම් නායක නායිකාවන්ගේ කියුම් කෙරුම් දෙස බලන විට තවදුරටත් එම පක්‌ෂය කෙරෙහි විශ්වාසයක්‌ තබන්න රටට ආදරය කරන ජනතාවට බැහැ. එබැවින් විකල්ප දේශපාලන ධාරාවක්‌ බිහිවිය යුතුයි.

සාකච්ඡා කළේ
පාලිත සේනානායක

 

දේශපාලන බැටළු හම අන්දවා කොටි හපුවන් එළියට දමමුද?

දේශපාලන බැටළු හම අන්දවා කොටි හපුවන් එළියට දමමුද?

වත්මන් රජය බලයට පත්වීමත් සමග මෙරට දෙමළ දේශපාලනඥයන් ආණ්‌ඩුවෙන් කළ එක්‌ ප්‍රධාන ඉල්ලීමක්‌ වූයේ ඉකුත් යුද සමයේ විවිධ ත්‍රස්‌තවාදී ක්‍රියා හේතුවෙන් පොලිස්‌ අත්අඩංගුවට ගෙන බන්ධනාගාරගත කර සිටින කොටි ත්‍රස්‌තවාදී සැකකරුවන් වහා නිදහස්‌ කළ යුතුය යන්නය.

මෙහිදී ඔවුන් එකී ත්‍රස්‌තවාදී සැකකරුවන්ට දේශපාලන සිරකරුවන් ලෙසින් අලුත් නිර්වචනයක්‌ ලබා දෙන්නටද කටයුතු කළේය. උතුරත් දකුණත් ඇතුළු මෙරට සමස්‌ත දෙමළ දේශපාලනයේ විවිධ හැල හැප්පීම් සහ පරස්‌පර මතවාදයන් ඇතිවීම හැමදාමත් සිදු වූවකි.

එහෙත් ඉහත කී පොදු ඉල්ලීම්වලදී ඔවුහු සියලු දෙනාම එකම වේදිකාවක සිටගත්හ. ඒ අනුව දේශපාලන සිරකරුවන් යෑයි දෙමළ දේශපාලනය විසින් නිර්වචනය කළ බන්ධනාගාරගත ත්‍රස්‌තවාදී සැකකරුවන් නිදහස්‌ කරනු යන හඬ මෛත්‍රීපාල සිරිසේන මහතා ජනාධිපතිවරයා වූ දා පටන් උතුරේත් දකුණේත් විටින් විට රැව් දෙන්නට විය.

විටෙක එය මතු කරනු ලැබුවේ ප්‍රභාකරන්ගේ මස්‌සිනා වූ ශිවාජිලිංගම්ය. තවත් අවස්‌ථාවක ඒ හඬ උතුරේ මහ ඇමැති සී. වී. විග්නේෂ්වරන් මතු කරද්දී දකුණේ සිට මනෝ ගනේෂන් සහ වත්මන් විපක්‍ෂ නායක ආර්. සම්බන්ධන් මහතාද එයම කියන්නට වූහ.

එහෙත් මෛත්‍රීපාල සිරිසේන මහතා ජනාධිපතිවරයා වී නව රජයක්‌ බලයට පැමිණියද කඩිමුඩියේ ත්‍රස්‌තවාදී සැකකරුවන් නිදහස්‌ කිරීමක්‌ සිදු නොවිණි. ජනාධිපතිවරයා බලයේ සිටියදීම ඉකුත් මහ මැතිවරණයෙන් යළිත් එක්‌සත් ජාතික පක්‍ෂ නායක රනිල් වික්‍රමසිංහ මහතා අගමැති ධුරයට පත්වෙමින් ශ්‍රීලනිප, එජාප ජාතික ආණ්‌ඩුවක්‌ බිහි වූයේ මේ අතරතුරය.

ආණ්‌ඩුව එසේ පිහිටුවා ගනිද්දී ඉතිහාසයේ දෙවැනි වතාවට දෙමළ දේශපාලනඥයකු විපක්‍ෂ නායක ධුරයට පත් වෙමින් පාර්ලිමේන්තුවේ විපක්‍ෂ නායක ධුරය දෙමළ ජාතික සන්ධානයේ ආර්. සම්බන්ධන් මහතාට ලැබිණ.

මේ අන්දමින් රටේ දේශපාලනය තුළ පෙරළි සිදු වෙද්දී දෙමළ දේශපාලනය තුළින් එල්ටීටීඊ සැකකරුවන් නොහොත් දේශපාලන සිරකරුවන් නිදහස්‌ කරන්නැයි යන හඬ යළි යළිත් මතු වන්නව වූවේය.

නව රජය පිහිටුවා ගත් සැණින් නැවතත් මෙසේ දෙමළ දේශපාලනඥයන් එල්ටීටීඊ සැකකරුවන් පිළිබඳ කතා කරන්නට හේතු වූ එක්‌ ප්‍රධාන කරුණක්‌ ද තිබිණි. ඒ එක්‌සත් ජාතීන්ගේ නිරීක්‍ෂණ මණ්‌ඩලයක්‌ මගින් සකස්‌ කළ මෙරටට එරෙහි යුද අපරාධ සහ මානව හිමිකම් පිළිබඳ වාර්තාව ඉකුaත් සැප්තැම්බරයේ ජිනීවා මානව හිමිකම් කවුන්සලයට ඉදිරිපත් කිරීමට නියමිතව තිබීමය.

එනිසාම සිරගත කොටි සැකකරුවන්ගේ කතාව ජිනීවා දක්‌වාම රැගෙන යැමටද දෙමළ දේශපාලනඥයෝ කටයුතු කළහ. මෙකී ත්‍රස්‌තවාදී සැකකරුවන් වෙනුවෙන් පෙනී සිටි උන් කතා කළේ උන්ගේ මානව හිමිකම් පිළිබඳවය. එවුන් සිරගතව දිගු කලක්‌ තිස්‌සේ ජීවිතය විඳවමින් සිටින වග සියල්ලෝ කියන්නට වූහ.

නමුත් මොවුන් කොටි සැකකරුවන් ලෙස සිරගත වූයේ වෙලුපිල්ලේ ප්‍රභාකරන් නමැති කාලකණ්‌නි යක්‍ෂයාගේ ඊළාම් සිහිනයේ හවුල්කරුවන් වීම නිසා බව කියන්නට කිසිවකුත් නොවීය.

එසේම කොළඹ බෝම්බ පිපිරවීම් ඇතුළු විවිධ ත්‍රස්‌තවාදී ක්‍රියා හමුවේ මෙකී කොටි සැකකරුවන් සිරගත වෙද්දී ඒ බෝම්බ පුපරා මිය ගිය මිනිසුන්ගේ සහ දරු පවුල්වල මානව හිමිකම් පිළිබඳ කිසිවෙක්‌ කතා නොකළේය.

මෙම කොටි ත්‍රස්‌තවාදී සිරකරුවන් සිරගත කෙරුණේ ගුවන් යානාවලට මිසයිල ප්‍රහාර එල්ල කිරීම, නාවික හමුදා යාත්‍රා පිපිරවීම, දකුණේ පිපිරී ගිය මිනිස්‌ බෝම්බකරුවන් මෙහෙයවීම ආදී ලෙසින් වූ බරපතළ අපරාධයන්හි සැකකරුවන් ලෙසිනි. එහෙත් ඒ කතා වැළලී ගියේය.

මෙසේ සිරගත කර සිටිනුයේ කවරාකාරයේ වුන්ද? මහා බරපතළ අපරාධයන්හි කොටස්‌කාරයන්යෑයි කියනා සැකකරුවෝය. සෙල්වරාඡ් (මහ බැංකු බෝම්බය) ශ්‍රී දරන් (එම), සගාදේවන් (ලක්‍ෂමන් කදීර්ගාමර් වෙඩි තැබීම), අයි. අරෝග්‍යනාදන් (එම), තංගවේලු ශිවකුමාර් (කරන්දෙණිය ලොරි බෝම්බය), ආනන්දරාජා (එම), කේ. කේ. ශිවාජි (හිටපු ආරක්‍ෂක ලේකම් ගෝඨාභය රාජපක්‍ෂ මහතාට බෝම්බ ගැසීම), එච්. ඒ. සුදාකරන් (පිළියන්දල බස්‌ බොම්බ ප්‍රහාරය) සුරේන්ද්‍රරාජා (පාකිස්‌තාන මහකොමසාරිස්‌ කාර්යාල බෝම්බ ප්‍රහාරය) ඒ සටහන් වූයේ සිරගත කර සිටින ත්‍රස්‌තවාදීන් අතරින් කිහිපදෙනකුගේ පැටිකිරිය ය.

රටේ සිදු වුණ දේශපාලන පෙරළියත් සමග දක්‌නට ලැබුණු දෙමළ දේශපාලනයේ උපක්‍රමශීලී බව මෙසේ වෙද්දී ජිනීවා මානව හිමිකම් සැසිවාරයද නිමාවට පත් විය. එහෙත් කොටි සැකකරුවන් නිදහස්‌ කරනු ලෙසින් සමස්‌ත දෙමළ දේශපාලනය රජයට කරනු ලැබූ බලපෑම්වල නිමාවක්‌ නම් නොවීය. උතුරේත් දකුණේත් නොනවත්වාම ඒ හඬ මතුවන්නට විය.

ඉකුත් 12 වැනි සඳුදා කොළඹ මැගසින්, අනුරාධපුර සහ මඩකලපුව යන බන්ධනාගාරවල රඳවා සිටින කොටි ත්‍රස්‌තවාදී සැකකරුවන් 143 දෙනකු තමන් නිදහස්‌ කරන ලෙස ඉල්ලා උපවාසයක්‌ අරඹනුයේ මේ අතරතුරය.

“යහ පාලනය අපව රැවට්‌ටුවා.. පොරොන්දු ඉටු කළේ නැහැ.. කඩිනමින් අපව නිදහස්‌ කරන්න..” උපවාසයට එක්‌ව සිටි කොටි සැකකරුවෝ බන්ධනාගාර තුළ සිටිමින් කියන්නට වූහ. කෙසේ වෙතත් මෙකී උපවාසය පිටුපස තිබූ බළල් අත දෙමළ දේශපාලනය බව පැහැදිලිවම පෙනෙන්නට තබුණකි.

සිරකරුවන් උපවාසය ආරම්භ කෙරුවේ ඉකුත් 12 වැනිදාය. නමුත් 11 වැනිදා උදැසන සිට බොහෝ දෙමළ වෙබ් අඩවි මගින් ඒ පිළිබඳ පූර්ව ප්‍රචාරයක්‌ ලබා දුන්නේ මෙකී කොටි ත්‍රස්‌තයන් පූස්‌ පැටවුන් මෙන් හුවා දක්‌වමිනි. ඒ විවිධ දෙමළ දේශපාලනඥයන්ගේ අදහස්‌ දැක්‌වීම්ද සමගය.

මේ අන්දමින් සිරිකරුවන් උපවාසය ආරම්භ කිරීමත් සමග ඊට පසුදාම උතුරු පළාත් මහ ඇමැතිවරයා ජනාධිපති මෛත්‍රිපාල සිරිසේන මහතාට ලිපියක්‌ යොමු කරමින් ඔවුන් නිදහස්‌ නොකිරීම මානව අයිතීන් උල්ලංඝණය කිරීමක්‌ බව ප්‍රකාශ කරන්නට විය.

ඉකුත් ජනවාරි මාසයේ සිටි මෙකී සිරකරුවන් නිදහස්‌ කරනු ඇතැයි තමන් බලාපොරොත්තු වූ බව දෙමළ ජාතික සන්ධානයේ එම්. සුමන්තිරන් කියා සිටි බව එක්‌ දෙමළ වෙබ් අඩවියක සඳහන්ව තිබිණ.

දෙමළ ජාතික සන්ධානයේ නායක සහ විපක්‍ෂ නායක ආර්. සමබන්ධන් මහතාද මොවුන් නිදහස්‌ කළ යුතු බව රජයට අවධාරණය කළේය. ඒ අතරේ උපවාසයේ නිරත කොටි සිරකරුවන් බලන්නට කොළඹ මැගසින් බන්ධනාගාරයට පැමිණි යාපනය දිස්‌ත්‍රික්‌ එජාප මන්ත්‍රිනී විජයකලා මහෙෂ්වරන් මහත්මිය අගමැති රනිල් වික්‍රමසිංහ මහතා සමග සාකච්ඡ කොට මෙයට විසඳුමක්‌ ලබා ගන්නා බව ප්‍රසිද්ධියේම සඳහන් කළාය.

ප්‍රජාතන්ත්‍රවාදී දෙමළ සන්ධානයේ නායක පාර්ලිමේන්තු මන්ත්‍රි මනෝ ගනේෂන් මහතාද උපවාස කරන කොටි සැකකරුවන් බලන්නට බන්ධනාගාරයට පැමිණියේය. මේ අතරේ මෙකී කොටි සැකකරුවන් දේශපාලන සිරකරුවන් ලෙස හුවා දක්‌වමින් යාපනය නගරයේ පොස්‌ටර් ව්‍යාපාරයක්‌ද දියත් කර තිබිණි.

එසේම උතුරු පළාත් තරුණ සංවිධානය නමැති සංවිධානයක්‌ මගින් උපවාස කරන කොටි සැකකරුවන්ගේ සහායට ඉකුත් 13 වැනිදා යාපනය නල්ලූර් කෝවිල ඉදිරිපිට උපවාසයක්‌ ආරම්භ කර තිබුණු අතර එයට උතුරු පළාත් සභාවේ සභාපති සී. වී. කේ. ශිවඥනම් ඇතුළු මන්ත්‍රිවරු කිහිපදෙනකුද සහභාගි වී සිටියහ.

මේ අතරේ ඉකුත් 14 වැනිදා කොළඹ කොටුව දුම්රිය ස්‌ථානය අසලට රැස්‌වූ මිනී මරු ප්‍රභාකරන්ගේ මස්‌සිනා වන ශිවාජිලිංගම් ඇතුළු පිරිසක්‌ මෙකී ත්‍රස්‌තවාදී සැකකරුවන් පොදු සමාවක්‌ යටතේ වහා නිදහස්‌ කිරීමට රජය ක්‍රියා කළ යුතු බව පවසමින් විරෝධතාවකද නිරත වූහ.

එහිදී ශිවාජිලිංගම් මතු කළ තර්කය වූයේ මෛත්‍රීපාල සිරිසේන මහතා ජනාධිපති වීමත් සමග µSල්ඩ් මාෂල් සරත් ෙµdන්සේකාට පොදු සමාවක්‌ ලබා දුන්නේ නම් මෙකී කොටි සැකකරුවන්ට සමාවක්‌ දිය නොහැක්‌කේ ඇයිද යන්නය. ශිවාජිලිංගම් සරත් ෙµdන්සේකා මහතා වැනි යුද වීරයකු මීනී මරන්නට ගොස්‌ කෙළවා ගත් ත්‍රස්‌තවාදියකු හා සන්සන්දනය කළේ එසේය.

මේ අන්දමින් බෙදුම්වාදී දෙමළ දේශපාලනය අද එක හඬින් රජයට බල කරමින් සිටිනුයේ කොටි ත්‍රස්‌තවාදී සැකකරුවන් නිදහස්‌ කරනු යෑයි කියාය. ඒ මෙකී ත්‍රස්‌තවාදීන් සිර කර තැබීමෙන් ඔවුන්ගේ මානව හිමිකම් උල්ලංඝණය වන බව පවසමිනි. ඔවුන්ට අනුව මේ සිරගත කර සිටිනුයේ කොටි ත්‍රස්‌තයන් නොව පූස්‌ පැටවුන්ය.

නමුත් රටේ දෙමළ දේශපාලනය මෙසේ කැකිල්ලේ කතා කියද්දී ඊට ප්‍රතිවිරොAධී හඬක්‌ රජයේ පාර්ශ්වයෙන් මතුවන බවක්‌ නම් පෙනනෙන්නට නැත. උපවාසය ආරම්භ කළ ත්‍රස්‌තවාදී සැකකරුවෝ මේ සටහන තැබූ ඉකුත් බ්‍රහස්‌පතින්දා වන විටත් නොකඩවා එහි නිරතව සිටියහ. එය හෙටද ක්‍රියාත්මක වනු ඇත. මිනීමරු ප්‍රභාකරන්ගේ සිහින ඊළමේ කොටස්‌කරුවන්ව සිටි ඔවුන්ට මෙසේ ක්‍රියාත්මක වීමට ශක්‌තියක්‌ ලැබුණේ කෙසේද?

අධිකරණ හා බුද්ධශාසන ඇමැති විජයදාස රාජපක්‍ෂ මහතා පමණක්‌ බන්ධනාගාරගතව සිටිනුයේ දේශපාලන සිරකරුවන් නොව ත්‍රස්‌තවාදී සැකකරුවන් බව ප්‍රසිද්ධියේම කියා තිබිණ. එහෙත් ඉකුත් බ්‍රහස්‌පතින්දා මෙකී ත්‍රස්‌තවාදී සැකකරුවන්ට ප්‍රකාශයක්‌ කළ ඒ මහතා මේ වසර අවසානයට පෙර ඔවුන්ට විසඳුමක්‌ ලබා දෙන බවද කියා සිටියේය. ඒ හැරෙන්නට මේ සම්බන්ධයෙන් කිසිදු ප්‍රකාශයක්‌ රජයේ පාර්ශ්වයෙන් සිදු නොවීය.

පෙනෙන්නට ඇති රජයේ එකී නිහඬතාව සහ දෙමළ දේශපාලනයේ හිතුවක්‌කාරී පිබිදීම දෙස බලා සිටින රටේ ජනතාවට අද වටහාගත නොහැකිව තිබෙන්නේ රට ගමන් කරන දිශාව කුමක්‌ දැයි යන්නය. මිනිස්‌සු ඒ තරමටම අතරමං වී සිටින්නාහ.

එසේ නම් දැන් මේ ගැටලුව ඉදිරියේ රජය කළ යුත්තේ කුමක්‌ද? දෙමළ දේශපාලනඥයන්ගේ වුවමනාව මත මේ කොටි හපුවන් නිදහස්‌ කිරීමද? නැත. මුන්ට එරෙහිව කඩිනමින් චෝදනා ගොනු කොට නඩු විභාග පවත්වා උපරිම දඬුවම් ලබා දීමය.

එය එසේම සිදු කෙරුණ හොත් අඩුම තරමේ මිනී මරු ප්‍රභාකරන්ගේ බෝම්බයක ගොදුරක්‌ වී මිය ගිය එක්‌ මිනිසකුගේ ආත්මයට හෝ සැනසීමක්‌ ලැබෙනු ඇත.

සමන් ගමගේ

දේශීය යාන්ත්‍රණයට පෙර දරුණු කොටි රැළක්‌ම එළියට?

දේශීය යාන්ත්‍රණයට පෙර දරුණු කොටි රැළක්‌ම එළියට?

කීර්ති වර්ණකුලසූරිය

බන්ධනාගාර ගතව සිටින හිටපු කොටි ක්‍රියාකාරීන් 220 ක්‌ මුදාගැනීම සඳහා ද්‍රවිඩ සන්ධානය ඇතුළු විවිධ සංවිධාන දැඩි උත්සාහයක යෙදී ඇත්තේ ජිනීවා යෝජනාවෙන් නිර්දේශ වූ දේශීය යාන්ත්‍රණය මගින් ඔවුන්ට එල්ලවන යුද අපරාධ චෝදනාවලින් බේරා ගැනීමට යයි අනාවරණය වී ඇත.

දේශීය යාන්ත්‍රණය පිහිටු වීමට පෙර මෙම කොටි ක්‍රියාකාරීන් මුදවා ගැනීම ද්‍රවිඩ සන්ධානය ප්‍රමුඛ සෙසු සංවිධානවල අරමුණ වී ඇතැයි ඉතා විශ්වාස කටයුතු ආරංචි මාර්ග ඔස්‌සේ දිවයින ඉරිදා සංග්‍රහයට වාර්තාවිය.

බන්ධනාගාර ගතව සිටින මෙම හිටපු කොටි ක්‍රියාකාරීන් බිහිසුණු යුද අපරාධ සිදු කළ බව පරීක්‍ෂණවලින් හෙළිවී තිබේ.

යුද අපරාධ සිදුකළ කොටි ක්‍රියාකාරීන්ටද චෝදනා ඉදිරිපත් කර දඬුවම් කළ යුතු යෑයි ජිනීවා මානව හිමිකම් කොමසාරිස්‌වරයා සිය වාර්තාවේ සඳහන් කර තිබිණි.

ගුවන් යානාවලට මිසයිල ප්‍රහාර එල්ල කිරීම, නාවික යාත්‍රා පිපිරවීම්, ළදරුවන් ඇතුළු සිවිල් වැසියන් සමූහ ලෙස මරා දැමීම, බස්‌රථවලට බෝම්බ තබා සිවිල් ජනතාව ඝාතනය කිරීම ඇතුළු බරපතල යුද අපරාධ චෝදනා එකී හිටපු කොටි ක්‍රියාකාරීන්ට එල්ල වී ඇත.

දේශීය යාන්ත්‍රණය ආරම්භ කිරීමට පෙර රැඳවුම්භාරයේ සිටින පිරිස මුදාගත යුතු යෑයි රටින් බැහැර ඊළාම් ආණ්‌ඩුව නමැති සංවිධානයේ ප්‍රධානී විශ්වනාදන් රුද්රකුමාරන්ද ප්‍රකාශ කර ඇත.

මෙම කොටි ක්‍රියාකාරීන් නිදහස්‌ කළ යුතුයි යන ඉල්ලීම තමිල්නාඩුවේද ක්‍රියාත්මක වනවා. මෙය කොටින්ට එල්ල වී ඇති යුද අපරාධ චෝදනාවලින් මුදාගැනීමේ මෙහෙයුමක්‌ යෑයි ඉහළ පෙළේ ආරංචි මාර්ග පැවසීය.

ශ්‍රී ලංකාව ජාත්‍යන්තර අධිකරණයට ගෙන යාමේ රාජ්‍ය නොවන සංවිධාන උත්සාහය

ශ්‍රී ලංකාව ජාත්‍යන්තර අධිකරණයට
ගෙන යාමේ රාජ්‍ය නොවන සංවිධාන උත්සාහය

ඇමරිකානු හා ඉන්දීය ආණ්‌ඩු ජාත්‍යන්තර අධිකරණයට අදාළ රෝම සම්මුතියට අත්සන් කර නැත. මේ රෝම සම්මුතිය කුමක්‌ද? 1998 ජුලි 17 දා රෝමයේ පැවැති ජාත්‍යන්තර සමුළුවකදී කරුණු හතරක්‌ මත ක්‍රියා කිරීම සඳහා රෝම සම්මුතිය නැමති ප්‍රඥප්තිය සම්මත විය.

ජාති ඝාතනය, මානව සංහතියට එරෙහි අපරාධ, යුද අපරාධ සහ ආක්‍රමණශීලී අපරාධ යන අපරාධකාරී ක්‍රියා සිදු කළ අයවලුන්ට එරෙහිව කටයුතු කිරීම මෙම රෝම සම්මුතියේ අරමුණ විය. එහෙත් එකී සම්මුතිය ක්‍රියාත්මක වූයේ 2002 ජුලි 1 දා සිටය.

එහෙත් ජාත්‍යන්තර අධිකරණයට අදාළ රෝම සම්මුතියට එකඟ නොවූ ඇමරිකාව වෙනත් රටවල රාජ්‍ය නායකයන්ට යුද අපරාධ චෝදනා එල්ල කර ඔවුන්ට හේග් නුවර අන්තර්ජාතික අධිකරණයට යවා ඇත.

එසේම ජාත්‍යන්තර අධිකරණය ක්‍රියාත්මක වී ඇත්තේ ඉතා භයානක ක්‍රමවේදයක්‌ මතය. සර්බියාවේ සිවිල් ජනතාවට හා බෙල්ග්‍රේඩ් රූපවාහිනී මධ්‍යස්‌ථානයට බෝම්බ දමා ඝාතන සිදු කිරීම ගැන නේටෝ සංවිධානයට චෝදනා එල්ල වූවත් ජාත්‍යන්තර අධිකරණයේ නඩු අධ්‍යක්‍ෂව සිටි කාලා බෙල් පොන්ටේ නේටෝ සංවිධානයට එරෙහිව ක්‍රියා කිරීම ප්‍රතික්‍ෂේප කළාය. එසේම සර්බියාවේ හිටපු නායක ස්‌ලොබදාන් මිලොසවික්‌ට එරෙහිව වසර 4 ක්‌ තිස්‌සේ නඩු විභාගය පැවැත්වූත් තමාට නීතිවේදීන් අවශ්‍ය නොවන බවත් තමා සාක්‌කිකරුවන්ගෙන් හරස්‌ ප්‍රශ්න ඇසීමට සූදානම් බව මිලොසොවික්‌ පැවසුවත් ජාත්‍යන්තර අධිකරණය එම ඉල්ලීමට ඉඩ දුන්නේ නැත. 2006 වසරේදී මිලොසොවික්‌ හේග් නුවර ජාත්‍යන්තර අධිකරණයේදී අභිරහස්‌ ලෙස මියගියේය. ඔහු හෘදයාබාධයකින් මියගිය බව පැවසූවත් මරණ පරීක්‍ෂණ වාර්තාව යටපත් විය.

ලයිබීරියාවේ හිටපු ජනාධිපති චාල්ස්‌ ටේලර් යුද අපරාධ සිදු කිරීම ගැන වරදකරු කළ ජාත්‍යන්තර අධිකරණය ඔහුට වසර 50 ක සිරදඬුවමක්‌ නියම කර බ්‍රිතාන්‍ය සිරගෙයකට යෑවීය. ආර්. යූ. එස්‌. නැමැති ගරිල්ලා සංවිධානයට ආධාර කිරීම ගැන ටේලර්ට චෝදනා එල්ල වී තිබුණි.

එම ගරිල්ලන්ට ඇමරිකානු සී. අයි. ඒ. සංවිධානයද උදව් කළ බව චාල්ස්‌ ටේලර් පැවසූවත් ජාත්‍යන්තර අධිකරණය එම ප්‍රකාශය පිළිගන්නේ නැත.

රුවන්ඩාවේ වත්මන් ජනාධිපති පෝල් කගාමේ යුද අපරාධවලට සම්බන්ධ බව දක්‌වමින් ජාත්‍යන්තර අධිකරණයේ ගෙන යායුතු යෑයි චෝදනා එල්ල විය. කගාමේ පැවසුවේ සීඅයිඒ සංවිධානය ද රුවන්ඩාවේ සිදුවීම් වලට සම්බන්ධ බවයි.

ඇමරිකාව එම ප්‍රකාශය මත ජාත්‍යන්තර අධිකරණයේ නඩු අධ්‍යක්‍ෂිකාව ධුරයෙන් ඉවත් කිරීමට ක්‍රියා කරනු ලැබීය.

මේ පසුබිම මැද 2015 සැප්තැම්බර් 30 දා මානව හිමිකම් කොමසාරිස්‌ සෙයිද් රාද් හුසේන් ශ්‍රී ලංකා රජයද ජාත්‍යන්තර අධිකරණයට අදාළ රෝම සම්මුතියට අත්සන් කළ යුතු යෑයි නිර්දේශ කළේය.

ස්‌විට්‌සර්ලන්තය හා එස්‌ටෝනියාවද එය අනුමත කරනු ලැබීය. ශ්‍රී ලංකාව රෝම සම්මුතියට අත්සන් කළ යුතු යෑයි නිර්දේශ කළේ කපටිකමට බව තහවුරු විය. පිටු 261 ක ජිනීවා වාර්තාවේ ශ්‍රී ලංකාවේ ආරක්‍ෂක ව්‍යqහය නමින් හමුදා නිලධාරීන්ගේ නම් සඳහන් විය. විශේෂ බලකායේ සිට ත්‍රස්‌ත මර්දන ඒකකය දක්‌වා ප්‍රධානීන්ගේ නම් ඊට අන්තර්ගත විය.

එය සනාථ වූයේ පරීක්‍ෂණ වාර්තාවේ එක්‌ ඡේදයක චූදිතයන්ගේ නාම ලේඛනයක්‌ පරීක්‍ෂක මණ්‌ඩලයට ලැබී ඇති බව සඳහන් කර තිබීමයි.

එසේ නම් රජය මානව හිමිකම් කවුන්සිලයේ රෝම සම්මුතියට එකඟ වූයේ නම් කවුන්සිලය කරන්නේ එහි ලැයිස්‌තුව ජාත්‍යන්තර අධිකරණයට යෑවීමයි.

එහෙත් රජය රෝම සම්මුතියට එකඟ වී නැත. එසේ වූවත් පසුගිය සඳුදා රජයේ රූපවාහිනිය හා ප්‍රවෘත්ති දෙපාර්තමේන්තුව ජිනීවා යෝජනාවෙන් පසු යන තේමාව යටතේ සම්මන්ත්‍රණයක්‌ පැවැත් විය.

මේ සම්මන්ත්‍රණයේ අරමුණ මාධ්‍ය දැනුවත් කිරීම යෑයි ප්‍රකාශ විය. එහෙත් සම්මන්ත්‍රණයට සහභාගි වූවන් කිසිවෙක්‌ ජිනීවා මානව හිමිකම් කවුන්සිලයේ රඟ දැක්‌ වූ නාටක හා පසුබිමේ සිද්ධීන් දුටුවේ නැත.

සම්මන්ත්‍රණය අමතමින් විදේශ අරමුදල් ලබන ට්‍රාන්ස්‌පේරන්සි ඉන්ටර්නැෂනල් සංවිධානයේ ප්‍රධානියා කරුණු දැක්‌වීය. රජය ජාත්‍යන්තර අධිකරණයට අදාළ රෝම සම්මුතියට අත්සන් කළ යුතුයි යෑයිද හයිබ්‍රිඩ් අධිකරණ යෝජනාව පිළිගත හැකියි යෑයි ඔහු කීවේය.

මෙම සම්මන්ත්‍රණයට සහභාගී වූ රජයේ ඇමැතිවරයකු පැවසුවේ එම රාජ්‍ය නොවන සංවිධාන ප්‍රධානියාගේ ස්‌ථාවරය රජයේ ස්‌ථාවරය නොවන බවයි.

එසේ නම් ඔහු රජයේ ප්‍රවෘත්ති දෙපාර්තමේන්තුවට ගෙන් වුයේ ඇයි? එම තැනැත්තා රජයේ නියෝජිතයකු නොවේ.

මේ රෝම සම්මුතියට හිටපු විදේශ ඇමැති ලක්‍ෂ්මන් කදිරගාමර් එරෙහි විය. එය භයානක යෝජනාවක්‌ නිසා ඊට අත්සන් නොකළ යුතු යෑයි කදිරගාමර් එවකට සිටි ජනාධිපතිනි චන්ද්‍රිකා කුමාරතුංගට පැවසූවාය. කදිරගාමර් වැනි ජාත්‍යන්තර රාජ්‍ය තාන්ත්‍රිකයකු කළ ප්‍රකාශය නිසා ශ්‍රී ලංකාව රෝම සම්මුතියට එකඟ වූයේ නැත.

මේ තත්ත්වය මත ශ්‍රී ලංකාව රෝම සම්මුතියට අත්සන් කළ යුතු යෑයි කියන්නේ එන්. ජී. ඕ. ප්‍රධානියෙකි. රෝම සම්මුතියට අත්සන් කිරීම යනු අපේ වළ අපම කපා ගැනීමකි.

එසේම ශ්‍රී ලංකාව රෝම සම්මුතියට අත්සන් කළ යුතු යෑයි මානව හිමිකම් කොමසාරිස්‌ සෙයිද්රාද් හුසේන්ට නිර්දේශ කර ඇති පාර්ශ්වද හෙලි වී ඇත. මේ එම පිරිසයි.

1. හිටපු මානව හිමිකම් කොමසාරිස්‌ ලුවිසේ ආබර්

2. ලන්ඩන් නුවර ප්‍රිඩම් පෝ ටෝචර්

3 ඕස්‌ටේ්‍රලියාවේ ගී්‍රන් පක්‍ෂය

4 ස්‌විට්‌සර්ලන්ත රජය

5 එස්‌ටෝනියා රජය

එහෙත් ඇමරිකාව තම හමුදාභටයන් ලොව කිසිම අධිකරණයත් හමුවට ගෙන යැමට නොහැකි වන ලෙසින් පනතක්‌ සම්මත කර තිබේ.

කීර්ති වර්ණකුලසූරිය

වැලිකඩ, අනුරාධපුර සිටින්නේ දරුණු කොටි ත්‍රස්‌තයන්

 

 

Image result for air attack by LTTE

වැලිකඩ, අනුරාධපුර සිටින්නේ දරුණු කොටි ත්‍රස්‌තයන්

කීර්ති වර්ණකුලසූරිය

වැලිකඩ සහ අනුරාධපුර බන්ධනාගාරවල රඳවා සිටින්නේ ගුවන් යානාවලට මිසයිල එල්ල කිරීම, නාවික යාත්‍රා පිපිරවීම සහ වෙනත් බිහිසුණු අපරාධ සිදුකළ දරුණු ගණයේ හිටපු කොටි ත්‍රස්‌තයෝ යෑයි ඉහළ පෙළේ ත්‍රස්‌ත මර්දන ආරංචි මාර්ග පවසයි.

උතුරු නැගෙනහිර මායිම් ගම්මානවල ළදරුවන් ඇතුළු සිවිල් වැසියන් ඝාතනය කිරීම, මගී බස්‌රථවල බෝම්බ තබා පිපිරවීම, හමුදා නිලධාරින් හා සෙබළුන් මරාදැමීම වැනි සිද්ධීන් රැසකටද මොවුන් සම්බන්ධ වී ඇත.

ද්‍රවිඩ සන්ධානය බේරාගැනීමට උත්සාහ කරන්නේ මෙලෙස බිහිසුණු අපරාධ කළ ත්‍රස්‌තයන් යෑයි ද එකී ආරංචි මාර්ග පැවැසීය.

මෙම හිටපු කොටි ත්‍රස්‌තයන් එකී අපරාධ සිදුකළ බවට පාපොච්චාරණද කර ඇත.

ඊනියා දෙමුහුන් උසාවි එපා; ජිනීවා වාර්තාව ප්‍රතික්‍ෂේප කරන්න

ඊනියා දෙමුහුන් උසාවි එපා;
ජිනීවා වාර්තාව ප්‍රතික්‍ෂේප කරන්න
– හිටපු ජනපති මහින්දගෙන් නිවේදනයක්‌

අනුර බාලසූරිය

එක්‌සත් ජාතීන්ගේ මානව හිමිකම් කොමසාරිස්‌ කාර්යාලය විසින් නිකුත් කරන ලද වාර්තාව ප්‍රතික්‍ෂේප කළ යුතු බවට හිටපු ජනාධිපති මහින්ද රාජපක්‍ෂ මහතා රජයට යෝජනා කර සිටී.

ශ්‍රී ලංකාවේ සිදුවූවා යෑයි කියන යුද අපරාධ විමර්ශනය කිරීමට විදේශීය විනිශ්චයකාරවරුන්, අධිචෝදකයන් හා විමර්ශන නිලධාරීන්ගේ සහභාගිත්වය ඇතිව පිහිටුවීමට යෝජනා කර ඇති ඊනියා දෙමුහුන් (හයිබ්‍රිඩ්) යුද අපරාධ අධිකරණය ඇති නොකළ යුත්තක්‌ බව ද හිටපු ජනාධිපතිවරයා නිවේදනයක්‌ මගින් වැඩිදුරටත් කියා සිටී.

මානව හිමිකම් කොමසාරිස්‌ කාර්යාලයේ වාර්තාවේ අඩංගු නිර්දේශ බරපතළ ලෙස ප්‍රශ්න සහගත බවත් අපේ ආරක්‍ෂක හමුදාවන්වල ඇතැම් සාමාජිකයන්ට එරෙහි චෝදනා ඇත්නම් එම චෝදනා ලංකාවේ පවතින නීතියට අනුව අපේ උසාවි පද්ධතිය යටතේ අපේ විනිශ්චයකාරවරුන් හා නීතිපති දෙපාර්තමේන්තුව විසින් පමණක්‌ විභාගයට ලක්‌කළ යුතු බව ද එම නිවේදනයේ වැඩිදුරටත් කියා සිටී.

මානව හිමිකම් කවුන්සිලයට හෝ මානව හිමිකම් පිළිබඳ මහ කොමසාරිස්‌ කාර්යාලයට ජාත්‍යන්තර යුද අපරාධ අධිකරණක්‌ පිහිටුවිය නොහැකි බවත් එවැන්නක්‌ කිරීමට බලය ඇත්තේ එක්‌සත් ජාතීන්ගේ ආරක්‍ෂක මණ්‌ඩලයට පමණක්‌ බවත් එහි සඳහන් වේ.

කතෝලික ආගමික ත්‍රස්තවාදය දැන් පාසැල් පෙළ පොතේ

කතෝලික ආගමික ත්‍රස්තවාදය දැන් පාසැල් පෙළ පොතේ

Click here for PDF version

මේ හෙළිදරව්ව කරන  පූජ්‍ය මැඩිල්ලේ පඤ්ඤාලෝක හිමි ප්‍රාර්ථනා බෝධියකින් සුවසේ චතු සත්‍ය අවබෝධ කරත්වා! ජාතිය වෙනුවෙන් දිගටම අප දැනුවත් කරත්වා!

ආගම් යනු මිනිසුන්ගේ සිත් සතන් නිවා සනසන ප්‍රබලම සමාජ ඒකකයකි. නමුත් අද ලෝකය පුරා ප්‍රබලව ව්‍යාප්ත වී තිබෙන බොහෝ ආගම් තුළ එම නිවී සැනසීම නොතිබෙන බව අමුතු රහසක් ද නොව බොහෝ ආගම් අද වනවිට පාදක වි තිබෙන්නෙ මිනිසුන් තලා පෙලන , විනාශකර දමන , කාන්තා නිදහස දැඩි ලෙස අහිමි කර තිබෙන ලෝකයම ගිනි ජාලාවක් බවට පත් කරන අමු සොහොනක් කිරීමටය. ලෝක ඉතිහාසයම පිරික්සා බැලීමෙන් සිය දහස් වාරයක් යළි යළිත් ඔප්පු වෙන කාරණාවක් නම් සෑම අරගලයක් පිටුපසම දැවැන්ත ඡායාව ආගම බවයි. අදටත් ලෝකයේ බලවත් යැයි කියා ගන්නා රාජ්‍යයන් නොනිමි අරගලයක නිමග්නව සිටින්නේ ආගම්වාදයන් තුළ උපරිම අන්තවාදයට පිවිසීමෙනි. මෙවන් ලෝක් පසුබිමක් තුළ ලංකාවේ අපටද ඒ මහා ඕගයන්ගේ තාඩන පීඩන වලට වසර සිය ගණනක් තිස්සේ ලක් වන්නට සිදුවී ඇත. නමුත් අරුමයට කරුණක් ඇත. ලෝකයේ වෙනත් රාජ්‍යයක් මේ තරම් දුරට එවන් තාඩන පීඩන වලට ලක්වුවා නම් ඒ හැමකක්ම ඒ මහා ඕගයන්ගේ සැඩ පහරට හසුව අගක් මුලක් සොයාගත නොහැකි ලෙස විනාශ වනු නොඅනුමාන වීමයි. ඒ සදහා ඕනෑ තරම් නිදසුන් පෙරදාට වඩා අද විද්‍යාමාන වී ඇත. ලෝක ඉතිහාසයේ කිසිදු තැනක බුදු දහම ව්‍යාප්තිය වෙනුවෙන් ලේ සෙලවීමක් සිදු කළ බවට සඳහම් වී නොමැත. නමුත් අන්තවාදයන්ගේ ගොදුරු බවට පත්වු ඔනෑතරම් බෞද්ධයින් නම් ඇත.

නිර්මල බෞද්ධ දර්ශනය මේ මිහිතලය මත ජීවමාන කිරීමේ පෙරගමන් කරුවන් බවට එදත් අදත් පත්ව ඇත්තේ සිංහල බෞද්ධයන්ය. එය අතීතය මෙන්ම වර්තමානය තුළින්ද යළි යළිත් පසක් කරන සත්‍යතාවයකි. වසර සිය ගණනක් තිස්සේ විදේශ ආක්‍රමණිකයන්ගේ ග්‍රහණයට හසු වු සිංහලයා සිය දෑස් ඉදිරිපිටම තම දරුවන් මරා දමද්දී බෞද්ධකම පාවා නොදී සිටි උදාර ජාතියකි. නමුත් ඉතා සටකපටි වූ පරදේශක්කාරයින් තමන්ගේ අනන්‍යතාවයන් ඉදිරියට පවත්වාගෙන යමින් තමන් පැතු දෑ ඉටුකරවාත හැකි අන්දමේ කලු සුද්දන් ටිකක්ද කදිමට බෝ කරවා තබා යන්නට නොපසුබට විය. අද ඒ කලු සුද්දන් පරදේශක්කාරයින් කළාටත් වඩා හොඳින් එම කාර්යය සිදුකරමින් සිටීම මොන තරම් අභාග්‍යයක්ද ?

එම ඒජන්තවරුන් සිය කාර්යයයන් තම ක්ෂේත්‍රයන් තුළ හිඳිමින් හා ඉන් පරිබාහිරව හිඳිමින් අපූර්වට සිදු කරති. මෙහිදී එම සියලු කාර්යයන් පිළිබද අවධානය යොමු කිරීමට යත්න නොදරමි. ලොව මොනයම් බසකින් නිර්මාණය වුවද සාහිත්‍ය යනු සීමා මායිම් නොතකා මනුෂ්‍යත්වයේ උතුම් පරමාර්ථයන් වෙනුවෙන් පෙනී සිටින නිර්ව්‍යාජ කැඩපතකි. හුදෙක්ම මෙයින් සාහිත්‍ය ජාති , ආගම් , සංස්කෘතීන් වෙනුවෙන් පෙනී නොසිටින බවක් නොකියමි. මනුෂ්‍යත්වයේ සැබෑ මුහුණුවර පෙන්නුම් කරන ආධ්‍යාත්මය සංවර්ධනය කිරීමට ඉවහල් වන්නාවු ආගම හා කලාව යන සංවේදනාත්මක අංගයන් දෙකම ඉතා පහත් ලෙස යොදා ගමිනින් යමෙක් උපන්නාට මේ ලොව වැනෙනවා විනා යනාදියෙන් එය තමන්ගේ ආත්ම ලාභයන් උදෙසා අන්තවාදී ලෙස යොද වන්නේ නම් එවන් මිනිසුන්ගෙන් ආගමට හෝ සාහිත්‍යයට කවර නම් සෙතක් සිදු වන්නේද ?

එවන් අන්තවාදිනියකගේ ලේඛනයක් පිළිබදව මෙහි සටහන් තබන්නේ මේ ඛෙදවාචකයේ ආසන්නතම නිදසුන එය වන බැවිනි. අධ්‍යයන පොදු සහතික පත්‍ර සාමන්‍ය පෙළ විභාගයට නියමිත 11 වන ශ්‍රේණියේ ඉංග්‍රීසි සාහිත්‍යය පෙළ පොතේ එන පුණ්‍යකාන්ති විජේනායක නැමැත්තියක් විසින් ලියන ලද “වඳුරෝ” නම් කෙටි කතාව සාහිත්‍ය නිර්මාණයකට වඩා ආගමික ත්‍රස්තවාදයෙන් පිරුණු ලියවිල්ලකි. පෑන අවියක් කරගෙන නිර්මාණ කරමින් තම මහා වගකීම රට දැය සමය උදෙසා ඉටුකළ උත්තුංග මානවයන් පිළිබදව මම දන්නෙමි. එම පෑනම උපයෝගි කර ගමිනින් මහා විනාශ කළ වුන් ගැනද මම අඩු වැඩි වශයෙන් අසා ඇත්තෙමි. දරුවන් යනු දැයේ ජීවනාලියයි. එවන් වූ දරුවන් උදෙසා හොඳම දේ දෙනවා යැයිද මම පවසමි. එය එසේ වියයුතුය. ළපටි නොමේරූ මල් කැකුළුවන් දරුවන් උදේසා හොඳම දේ දිය යුතු වන්නේ මේරු පසු රිසි සේ නම්වාගත් නොහැකි නිසාවෙනි. එනිසා දරුවන්ගේ මනස විකෘති වන අයුරින් යමෙක් සිය නිර්මාණ කරනයේ  යෙදෙන්නේ නම් එය මහා ද්‍රෝහීකමක් නොවන්නේද ?

මේ උත්සාහය තවත් සාහිත්‍ය නිර්මාණයකට රසාස්වාදයක් සැපයීමක් නොවන බව මුලින්ම සිහිකළ යුතුය. නැතහොත් ඇතමෙක් මෙය රසාස්වාදයක් ලෙස පමණක් ගෙන ඉවතලන්නට පිළිවන. “වඳුරෝ” කෙටිකටාව හුදෙක්ම බුදු දහම සම්බන්ධව වගේම ශාසන සම්ප්‍රදාය පිළිබඳව අන්තවාදීව ඉදිරිපත් කරන විවේචනයකි. කුඩා දරුවෙකු පැවිදි වී ගත කරන ජීවිතය ඉතා කටුක දුෂ්කර එකක් බවත් එය මහා අපායකට නොදෙවෙනි බවරත් සේයා මවමින් ශාසනයේ චිර පැවැත්මට අහියෝග කරන ඇය කතා සම්ප්‍රදායේ සත්‍ය හා කල්පිතය යොදාගෙන ඇත්තෙ හුදු කල්පිතයක් සඳහාම පමණක් වන බවට නම් මනාව පැහැදිළිය. කුඩා සාමණේර නමක් හා වඳුරු රංචුවක් වටා ගොඩ නැගී ඇති මේ කතා වස්තුවේ ආරම්භයේදීම “සිවුර ඔහුගේ නිදහසට බාධාවක් විය” යනුවෙන් දක්වා ඇත. මෙයින් පැවසීමට උත්සාහ දරා ඇත්තේ සිවුර දැරීමම නිදහස අහිමි වීමේ ප්‍රධාන කාරණයක් බවයි. නමුත් සම්බුද්ධ දේශනාව මැනවින් පිරික්සා බැලීමෙන් පැවැදි දිවියේ ඇති නිදහස් නිවහල් භාවය මොනවට පැහැදිලි කර ඇත. නිවන නම්වු පරමාර්ථ සාධනය උදෙසා පැවිදි දිවිය තරම් තෝතැන්නම් වෙනත් නොමැත. ව්‍යාජ මානව හිමිකම් පිළිබදව පුරසාරම් දොඩන ඇත්තන්ද පවසන්නේ මෙය මානව හිමිකම් කඩ වීමක් ලෙසයි. මෙම ලේඛිකාවද එම ව්‍යාජ මානව හිමිකම් සුරැකීමේ නියෝජිතවරියක් දැයි. අප නොදනිමු. පියාපත් බර පමණක් ඇති කුරුල්ලෙකුගේ ජිවිතයට සමාන වු පැවිදි දිවිය නිදහසක් නොමැති දිවියක් ලෙස අර්ථගැන්වීමට යත්න දැරීමෙන් නිදහස ලෙස ඔවුන් අර්ථ ගන්නවා ඇත්තේ මිනිසාගේ සිවාධීනත්වය හෑල්ලු කරමින් මිනිසා යනු නිකමෙක් ලෙස ඉදිරිපත් කරන නිර්මාණවාදීන්ගේ වහලුන් වීම වන්නට ඇත. අකාලයේ දන් නොවැළෑදීමේ ශික්ෂා පදය මෙහිදී අවඥාවට ලක්වන අයුරින් හා පැවිදි වුවහොත් කුසගින්නේ ඉන්නට ඉදුවන්නේය යනුවෙන් භීතියක් ඇතිවන අයුරින් ” එම කෑම ඔහු උදේ වරුවේ සිඟා කා එකතු කරගත් ආහාරයේ ඉතිරිය විය. එය ඔහුගේ දිනකට ලැබෙන එකම ආහාර වේල විය” ලෙස දක්වයි. කුඩා දරුවන් විකාලභෝජනය පිළිබද ශික්ෂා පදය දන්නවා වන්නට පිළිවනි. එසේ වුවත් ඇයට මෙහිදී හිතාමතා උලුප්පා දක්වන්නට උත්සාහ දරා ඇත්තේ පැවිදි දිවිය කායික පීඩාවක් බවටයි. තවදුරටත් කරුණු දක්වා ඇති ඇය. ” ඔහුට ලැබුණ මේ යම්තම් ප්‍රමාණවත් වු ආහාර වේලෙන් ඔහු පාන් පෙති දෙකක් හා කෙසෙල් ගෙඩියක් ඉතිරි කරගෙන තිබිණි” යන්නෙන් පැවසීමට උත්සාහ දරන්නේ එක වේලක් ආහර ලැබුණද එයද කුසපුරා නොලැබෙන බවයි. යම්තම් ප්‍රමාණවත් වු යන්නෙන් එන මැනවින් පැහැදිලි වේ. නමුත් කතාවේ මැද භාගය වන විට අග මුල අමතක වු ඇය ඉතිරි වු ආහාරයෙන් පාත්‍රය පුරවාගෙන වඳුරන්ට දෙන්නට යන බව පවසයි. සාමණේර හිමි නම වයස 6ක් තරම් වු කුඩා කෙනෙක් බව දක්වා ඇත. නමුත් ඇය නොදන්නවාට බුද්ධ නියමය අනුව වයස 7ක් වත් සම්පූර්ණ වු පසු දරුවෙකු පැවිදි කිරීම සම්ප්‍රදායයි. ලේඛිකාව කතාව ආරම්භයේ පාහේ බුද්ධ නීතියටද අවමන් කර ඇත්තේ සිතා මතාම වන්නට ඇත.

“වඳුරු අම්මාවරු කීප දෙනෙක් ඔහු සමීපයට පැමිණියහ. සැණේකින් ඔහුට තමා වඳුරු අම්මා කෙනෙක් ඇති වඳුරු පැටවෙක් වුවා නම් යැයි සිතුණි.” මෙයින් දරුවන් තුළ මතු කරන්නට උත්සාහ දරනවා ඇත්තේ පැවිදි වු පසු කිසිවෙකුගේ ආදරයක් කරුණාවක් නොලෑබෙන බව හා විහාරස්ථානවල වැඩ සිටින ගුරු හාමුදුරුවරුන් ප්‍රමුඛ මහා සංඝරත්නය අකාරුණික සිත් පිත් ඇති පොඩි දරුවන්ගේ මානසිකත්වය තේරුම්ගත නොහැකි පිරිසක් ලෙසය. පැවිදි දිවියට එළඹෙන විට දෙමාපිය හිතවතුන්ගෙන් ඈත් වන බව සැබෑවක්ය. නමුත් වර්තමානයේ එම ඈත් වීම පරමාදර්ශයන් තුළම සිදුවන ඈත්වීමක් නොවන බව ලොකු කුඩා කවුරුත් දන්නා සාමාන්‍ය කරුණකි. අනික් කරුණ නම් මෙම කතාවස්තුවේදී ඇය අනියම් ලෙස උත්සාහ දරා ඇත්තේ හුදෙක්ම පැවිදි වන්නේ කාත් කවුරුත් නැති අසරණයන්ම බවටයි. සාමණේර දිවියට නිගරු කර ඇති ඇය මෙසේ පවසයි. ” දැන් වඳුරන් සමග සිටින විට ඔහු සාමණේර හිමි නමක් නොව තම කෙළිලොල් මිතුරන් සමග සිටින කුඩා ළමයෙකි.” සමාජ සම්බන්ධතා පැවැත්විමට සිවුර දැඩි බාධාවක් බව ඇය අනියමාර්ථයෙන් නොපවසන්නේද ?

කුඩා සාමණේර හිමිවරුන්ට පන්සලේ සිටින ඇත්තන්ගෙන් කිසිදු ආදරයක් කරුණාවක් නොලැබෙන බව සෘජුවම පවසන ලේඛිකාව වඳුරන් හා හාමුදුරුවරු සමාන කරමින් හාමුදුරුවරුන්ට වඩා තිරිසන්ගත සත්වයින් හොඳ බව නොපවසනවා යැයි පැවසිය හැක්කේ කා හටද ? “ඔහු ආදරය හඳුනාගත්තේ වඳුරන්ගෙනි. ඔහු වඳුරන් ස්පර්ෂ කළ විටත් ඔවුන් ඔහු ස්පර්ෂ කළ විරත් ඔහු ආදරය හඳුනා ගත්තේය. ඊට කලින් ආදරය කුමක්දැයි දැන සිටියේ නැත. ආශ්‍රමයේ කිසිවෙක් ඔහුව ආදරයෙන් ස්පර්ෂ නොකළේය.” ආරාම වල වැඩ සිටින භික්ෂූන් වහන්සේලා පිළිබද දරුවන් කුමන අන්දමේ දක්මක් ඇතිකර ගනීද යන්න පිළිබද මොහොතක් සිතන්න. දරුවන් තුළ බුදු දහම පිළිබද, ශාසන සම්ප්‍රදාය පිළිබදව. හාමුදුරුවරුන් පිළිබද මොන අන්දමේ විග්‍රහයක් ඇති කර ගනිද , මෙය ඉතා බරපතල තත්වයකි. අරුමයට කාරණාව නම් මෙම පෙළපොත වසර ගණනාවක් තිස්සේ පාසල් ළමුන්ට නිර්දේශ වී තිබෙන අතර අධ්‍යාපන අමාත්‍යංශයේ උපදේශක මණ්ඩල , විශේෂ කමිටු ආදී නොයෙක් පරිපාලන ව්‍යූහයන් පවතිද්දී මෙවන් පහත් මට්ටමේ ක්‍රියාදාමයක් සිදු කරමින් පාසැල් දුවාදරුවාගේ මනස විකෘති කොට බුදු දහම පිළිබද වැරදි ආකල්පයන් ඇති කොට තිබෙද්දීත් මෙ සදහා කිසිදු විරෝධයක් ගොඩ නොනැගීමයි. මෙම සටහන තබන මා ද මෙවන් අන්තවාදී ක්‍රියාවක් පෙළ පොතට ඇතුළත් කොට ඇති බව දැන ගත්තේ මෙම විෂය හදාරන දරුවෙක්ගෙන් වීම සුවිශේෂීය. අනෙක් කරුණ පාසල් තුළ මෙම විෂය උගන්වන ගුරුවරු කුමන මට්ටමේ අයද කියා හෝ එකිනෙකාගේ ඉගැන්වීම් ශෛලීන් කෙබඳුද කියා අප දන්නේ නැත. මෙනිසා මෙහි ඇති භයානක කම තවදුරටත් තීවෘ නොවන්නේද ? දෛනිකව පාන්දරීන් අවදි වීම භික්ෂුවට වගේම කාහටත් වැදගත් වන්නේ එම කාලයේ උපයෝගීතාවයත් සමගය. සාමණේර හිමි නම පාන්දරින් අවදි වීම නිසා වෙහෙසට පත්වන බව දක්වන ලේඛිකාව එතැනින් නොනැවතී මහා වැඩ කන්දරාවක් මෙම කුඩා සාමණේර හිමි නමට පැවරෙන පව දක්වන්නෙ පාසැල් ළමුන්ගේ පමණක් නොව සංවේදී සිත් ඇති කාගේත් සිත් පාරවන අන්දමටය. එක් තැනකදී ” ඔහු විඩාව නිසා වෙව්ලන්නට විය. ඒ  ඔහු ඉර උදාවටත් පෙර අවදි වු නිසාය” මානසික වශයෙන් හා කායික වශයෙන් අතිශය වෙහෙසකර ජීවිතයක් පැවිදි භූමිය තුළ ගෙවන්නට සිදුවන බවට අදහසක් ඇති නොවන්නේ කාගේ සිත් තුළද ? ” ආශ්‍රමයේ ළාබාලම හිමි හැටියට පුදසුන පිරිසිදුව තැබිම ඔහුගේ රාජකාරිය විය” ඉතා පිළිකුල් සහගත වාග්මාලාවක් යොදාගෙන ඇති මෙහිදී කුඩා සාමණේර හිමි නමගේ හීල් දානය පිළිබදව දක්වන්නේ මෙසේය “ඔහු සිය හිල් දානය වු හාතාවාරිය කැඳ ගිල දැම්මේය”

සාමණේර හිමි නමකගේ පැවිදි ජීවිතය මෙහෙකාර සේවයක් සේ අතිශය කටුක බව දැක්වීමට දරා ඇති උත්සාහයේ තරම මෙයින් පැහැදිලි නොවන්නේද ? ” ඔහු වැඩිහිටි ස්වාමීන් වහන්සේලාගේ පඩික්කම් සෝදා බීමට කල ගෙඩියක වතුර උණු කළේය.” විහාරස්ථාන වල කුඩා හිමිවරුන්ට ඉතා අමානුෂික ලෙස සලකන බවට මේ තුළින් අදහසක් මතු නොවන්නේද ? වඳුරන් දැකීමෙන් ඔහුගේ විඩාව පහවන බව දැක්වීමෙන් ගම්‍යමාන කිරීමට යත්න දරනවා ඇත්තේ ආශ්‍රමයේ සිටින මිනිසුන්ට වඩා කැලේ සිටින තිරිසනුන් හොඳ බවය. ” ඉතා දුක්බර බැල්මකින් යුතුව ඔහු තුරුලිය කුරුල්ලන් පැහැබර හිරු එළියෙන් මිදිය යුතුය , සෑම විටම ඔහු තමා මිනිසත් බවක් ලැබ ඉපදුන බව මතක තා ගත යුතුය.” බුදු දහම තරම් පරිසර හිතකාමි වෙනත් ආගමික හෝ දාර්ශනික ඉගැන්වීමක් මේ මිහිතලය මත නොමැත්තේය. බුදු රජාණන් වහන්සේගේ ඉපදීමේ සිට එය සෑම තන්හිදිම පසක් කොට ඇත. මෙවන් උත්තරීතර ඉගැන්වීමක් සිදු කරන බෞද්ධ දර්ශනය විකෘති කරමින් ලේඛිකාව විසින් පරිසරයට වෛර කරන පිරිසක් සසුන්ගතව සිටින බවට පසක් කිරීමට යත්න නොදරන්නේද ? අනෙක මනුෂ්‍ය ජීවිතයේ වටිනාකම පහදා දීමට යත්න දැරීම තුළින් කුඩා මනසට නොදැරිය හැකි අන්දමේ ඉගැන්වීම් ක්‍රමයක් පන්සල් තුළ පවතින බවට අනිසි ඉඟියක් මේ තුළින් නොදෙනවා යැයි පැවසිය හැක්කේ කා හටද ?

මෙලෙසින් වඳුරෝ කෙටිකතාව ලියු පුණ්‍යකාන්ති විජේනායක නැමැත්තිය කාගේ හෝ කොන්ත්‍රාත්තුවක් මත මේවා සිදුකරනවාදැයි මට ඇත්තේ දැඩි සැකයකි. මන්දයත් 2600 වැනි ශ්‍රී සම්බුද්ධත්ව ජයන්තියට දින ලංවත්ම සෑම ක්ෂේත්‍රයක් තුළින්ම පෙරදාට වඩාත් බුදු දහම විනාශ කිරීමේ සැලසුම් විවිධ ස්වරූපයන් ඔස්සේ ක්‍රියාත්මක වෙමින් පවතින බැවිනි. පාසැල් පෙළ පොත් තුළින් බෞද්ධ ඉගැන්වීම වගේම ජාතිකත්වය දැඩි ලෙස අභියෝගයට ලක් කරමින් කර ඇති විකෘතීන් රාශියකි. ජාතියේ සැබෑ පියා වු ශ්‍රීමත් අනගාරික ධර්මපාල උතුමාණන් පිළිබද වු පාඩම් මාලාවන් ඉවත් කරමින් හා එතුමාණන් හුදු ආගමික නායකයෙක් බවට පමණක් පත් කරමින් ඔහු ජාතික නායකයෙකු බව වසන් කොට ඇත. සැවොම ඒකරාශී වී නිර්මාණය කරන්නට වෙර දරන ශ්‍රී ලාංකික ජාතිය පිළිබඳ ප්‍රයත්නය පවා අද දින විට පාසෑල් පෙළ පොතට රිංගා ඇත. ජාතියේ පිනට වුන නාමයෙන් විජාතික එස් මහින්ද හිමියන් ලියූ

ඉපදුන රටට අදහන ආගමට සෙ                        ට

මොන මොන අන්දමින් මුත් මෙහෙයක් නොකො      ට

පැටවුණු බරක් මෙන් ලංකා පොලව පි                       ට

පසුවන එක හොඳද සිංහල පුතෙකු හ                 ට

ඒ උදාර කාව්‍ය කසේරුකාවක් නොමැති සංස්කාරකයින් විසින් අද විකෘති කොට ඇත්තේ අවසන් පේලියේ සිංහල පුතෙකු හට යන්න ලංකා පුතෙකු හට ලෙසිනි. එනිසා අවසන් වශයෙන් නිසි බලධාරීන්ගෙන් අප ඉල්ලා සිටින්නේ මෙවන් අන්තවාදී ක්‍රියාවන් අඩුම තරමින් අධ්‍යාපන ක්ෂේත්‍රය තුළින් වත් බැහැර කොට ළමා මනස් විකෘති කිරීමේ ආගමික තස්තවාදය තවදුරටත් උඩු නොයවා වහාම නවතාලන්නට කටයුතු සලස්වන ලෙසයි.

– පූජ්‍ය මැඩිල්ලේ පඤ්ඤාලෝක හිමි.

What all Sri Lankans have to do on August 17 To Protect the RATA, DEYA and SAMAYA is To decide between the following two alternatives

What all Sri Lankans have to do on August 17 To Protect the RATA, DEYA and SAMAYA is To decide between the following two alternative

Sinhala Article Links:මෙම අගනා ලිපිය සිංහල භාෂාවෙන් කියවීමට මෙතන ක්ලික් කරන්න

Dr. Sudath Gunasekara President Senior Citizen Movement Mahanuwara

08-08-2015

 Option  1   Option  2
 1 An Undivided country (One Country) Sri Lanka From Point Pedro in the North to Devundara in the South and Madakalapuwa in the East to Puttalama in the West with the Lion flag eternally vibrating in the air               sudath1  1 A Divided country ( Three Countries
Eelam, Kalisthan and Sri Lanka  EELAM1/3rd Land area of the Island in the North and
North East for Tamils (5% popu: of the country)
with 2/3rd  the coastal belt from Puttalam
via- Jaffna-Trinco to Kataragama, that will be
annexed to the Tamil Nadu very soon and
become a part of India subsequently.Kalisthan1/6th  of the Island in South East for
Muslims (2% pop) andMalayanadu1/6th  of the Island in the HILL COUNTRY
for Indian Tamils (3% pop) (Handing over
of this land had already begun two months
ago by vote hunting Ranil and Kiriella)1/3rd  of the country in the South West  for,
90 % of the total population of the Island,
Sinhalese, Tamils and Muslims with less
than 1/3rd  the coastal belt  that would be
annexed to  North & East (EELAM) and
later to India

(This will mark the end of the 2500 year
glorious Sinhaldveepa or Sri Lanka )

 2 One Nation ( Sri Lankan), Strong Government and Political Stability  3 A Unitary State  4 Independent, Sovereign and Free Country5 Country with a Non aligned Foreign policy6 Country without LTTE, without war, without Land mines and bomb blasts, without death bodies at every door step and with peace & prosperity all over the country shenali250732 Three Nations Sri Lankan ,Tamil and Muslim,
weak Government and Political Instability                            3 A Federal State where they will be killing each
other at perpetual communal wars4 A Subservient vassal state of the
West and India5 Country with a Foreign Policy aligned to the West6 A country with LTTE resurrected, war renewed,
with land mines  and Time bombs, with deaths
and moaning at each & every house all over the country
7 A country with Buddhist Temples and religious Monuments such as Dagabas like Ruwanweliseya and Monuments like Samadhi Pilimaya, Avukana, and Galviharaya and Sri Dalada Maligawa, Sri Pada along with Hindu Kovils, Muslim Mosques and Churches8 A Government that gives priority to the Village and Villagers and the poor and with pride of place to Apekamata 7A country with Tami Kovilas and Muslim Mosques all over the country and a country without Buddhist Temple and without Dagabas like Ruwanweliseya and Monuments like Samadhi Pilimaya, Avukana, and Galviraya, Sri Dalada Maligawa and Sripada.8 Government that ignores the Village  and Villagers and gives priority to the City and the Rich and  Enthrone Paragetikama
9 A Patriotic, Charismatic and Smart Populist Peoples Leader and the choice of the  Mahasangha as well A Leader admired by Hundreds of thousands in Defeat and invited to take over the reins of the nation again in one  voice  10 A Strong Leader with a towering personality and stature like a Roaring Lion who can withstand any challenge and all External Pressure and who does not  bow down before foreign intimidation and who will defend this Country to his last breadth even before the MARA  9 An Unpatriotic, Uninspiring, Desperate and a Dead figure head  who is not a leader at all and who has lost 29 elections in succession who will enter the Guineas Record as

  1. A) The First PM appointed without a majority in Parliament in the whole Democratic world
  2. b) A Party leader who lost elections for the 30th time but still clinging on to power

 

10 A weakling who will give in to all external pressure and meekly submit to the West and India like a sheep and who will Run away in crisis and destroy this country by selling it to the Tamils, Muslims and the west to remain in power

11 Desapremi Abhimanawath Jatika Rajayak 11 Parageti, Nivata saha Vijatika Rajayak
 12  To protect the Motherland  12 To destroy the Motherland
13 A Legitimate Prime Minister of the People 13 An illegitimate Prime Minister installed by conspiracy
 14 Immediate results  14 Results in 5 years( 60 months as he promises
15 A Leader born to save the Motherland, Sinhala Nation and Sambuddha Sasanaya Diyasena  and War Hero of Patriotic Sri Lakan masses 15 A Man born to destroy the Motherland Sinhala Nation and Sambuddha Sasanaya
If your choice is above  then Vote  forMahinda Rajapaksa (Modern Dutugemunu)by voting * UPFA   *Mahinda Topping the list at Kurunegala & the whole country If your choice is above then vote forRu-nil WickramasinhaBy voting UNP
 *His supporters all over And elect Mahinda as Prime Minister with 125      seats minimum  To make him Prime Minister with Tamil and Muslim votes
Please rememberSri Lanka will never get a leader like this for                        another 500 years   to save our Motherland & Sambuddha Sasana  Ranil -Don Juan Dharmapala of Kotte reborn as people say.
 The destiny of this nation is entirely in your Hands. This is your last Chance to save the Motherland
You Vote UPFA, Mahinda and his supporters on   17 of August 2015 You save this  Country and bring prosperity to all!EVERY VOTE CAST AGAISNT MAHINDA IS          A VOTE AGAINST THE COUNTRY

This slideshow requires JavaScript.

You Vote UNP, Runil and his cohorts On 17 of August 2015You Bring nemesis to this Country and yourself         EVERY VOTE CAST FOR RANIL  IS          A VOTE AGAINST THE COUNTRY

Categories

Different countries have visited this site

Free counters!