//

ලෝකයේ හොදින්ම විජාතින්ට සලකන රට ඔබ දන්නවද ?

This category contains 17 posts

බෝගස්‌වැව ගමේ රණවිරු සරණාගතයෝ…

බෝගස්‌වැව ගමේ රණවිරු සරණාගතයෝ…

බඩදරු අම්මලාට මහ මඟ දරුවො හම්බ වෙනවා. සමහර ලෙඩ්ඩු මග මැරෙනවා.

අපි සිංහල කියලා දෙමළ ගම්වල මිනිස්‌සු කුලියක්‌ කරන්නවත් දෙන්නේ නෑ. ලෙඩක්‌ දුකක්‌ හැදිලා බෙහෙත් ටිකක්‌ ගන්න බෝගස්‌වැව, මාමඩුව, වව්නියාව රෝහල්වලට ගියහම අපිව කොන් කරනවා. අනේ හාමුදුරුවනේ අපිට කන්න නෑ. බොන්න නෑ. අපේ බඩ ඇකිලිලා. වතුර බිව්වොත් බඩ දැවිල්ල ගන්නවා. බෝගස්‌වැව ගමේ විතරක්‌ වකුගඩු රෝගීන් විසි හත්දෙනෙක්‌ ඉන්නවා. පිළිකා රෝගීන් ඉන්නවා. ගමේ හැමෝටම හතිය. රෑකට ලෙඩක්‌ දුකක්‌ හැදුණහම යන්න පාරක්‌ නෑ. බඩදරු අම්මලාට මහ මඟ දරුවො හම්බ වෙනවා. සමහර ලෙඩ්ඩු මග මැරෙනවා.

සේපාලිකා අම්මා හාමතේ හඬ වැළපෙන අයුරු…

විඳින අපට නම් සුන්දර සැඳෑවකි. එහෙත් ඔවුන්ට කෙසේ දැයි අපි නොදනිමු. සඳ එළියෙන් බැබළෙන තුරුලතා අතරින් ප්‍රාදූර්භූත වන ගුප්ත, මූසල බව නෙත ගැටෙන මුහුණු පුරා ද විසිරී ඇත. සඳ කිරණ වැටුණු ලොකු කුඩා කිසිදු මුහුණක එළියක්‌ නම් නැත. මතුව එන්නේ අවිනිශ්චිත බියමය. සතුරු බිය… රෝග බිය… ගමන් අපහසුතා… අධ්‍යාපනය, සෞඛ්‍යය මෙන්ම ආර්ථීක අතින් ද බෝගස්‌වැව ප්‍රදේශවාසීන් අගාධයේ පතුලටම කි¹ බැස ඇත. කතාබහ කළ සෑම ගම්වැසියෙක්‌ම ඒ බව අපට කීවේ හැඬූ කඳුළින්ය.

‘අපි මේ ඉඩම්වල පදිංචියට ඇවිත් අවුරුදු හතරක්‌ වෙනවා. වගා කරන්නයි, ජීවත් වෙන්නයි කියලා ඉඩම් අක්‌කරයක්‌ දීලා තියෙනවා. ඒත් මහත්තයො වගා කරන්න සල්ලි ඕන. අපි ළඟ සල්ලි නෑ. එහෙම ලොකු සල්ලියක්‌ තිබුණා නම් මේ කැලේට වෙලා මෙහෙම දුක්‌විඳින්නේ නෑ…’ බෝගස්‌වැව පදිංචිකරුවකු වන සමන් කතාවට ආරම්භයක්‌ ලබාදුන්නේය.

යුද්ධයෙන් මියෑදුණු කොටි ත්‍රස්‌තවාදීන්ට කරන උපහාරයක්‌ ලෙස ප්‍රභාකරන් ඔවුන්ගේ පවුල් මහා වීර පවුල් ලෙස නම් කළේය. එල්.ටී.ටී.ඊ. ය විසින් මහා වීර පවුල් පමණක්‌ පදිංචි කරවීමට ගම්මාන ඇති කළේය. උතුර, නැගෙනහිර ත්‍රස්‌තවාදයෙන් නිදහස්‌ කර ගත් පසු අපේ හමුදාව ද යුද්ධයෙන් මියෑදුණු හමුදා සමාජිකයන්ගේ පවුල් සිංහල මහා වීර පවුල් ලෙස නම් කර බෝගස්‌වැව ප්‍රදේශයේ පදිංචි කළේය. උතුර, නැගෙනහිර යා කරන පිවිසුම් දොරටුව වන බෝගස්‌වැව ප්‍රදේශයේ ඇති කළ මේ සිංහල මහා වීර ගම්මාන නැවත යුද්ධයක්‌ ඇති නොවෙන්නට දැමූ බැරියර් එකක්‌ ලෙස ද පෙන්වාදිය හැකිය. එක පෙළට ගම්මාන පහකි. බෝගස්‌වැව 1, 2 නාමල්ගම, සැලළිහිණිගම සහ නන්දිමිත්‍ර ගමය. බෝගස්‌වැවෙන් ආරම්භ වී නන්දමිත්‍ර ගමෙන් අවසාන වන මෙම නිවාස ව්‍යාපෘතියට යටත්ව භූමි ප්‍රමාණය අක්‌කර තුන්දහසකට වැඩිය.

ආරක්‍ෂක අංශවල සැලසුම වී තිබුණේ බෝගස්‌වැව නැවත පදිංචි කිරීමේ ව්‍යාපෘතිය යටතේ මේ ගම්මානවල සිංහල පවුල් හාරදහසක්‌ පදිංචි කරවීමය. අංග සම්පූර්ණ පාසලක්‌, සෑම ගමකටම පන්සලක්‌, ජලය, විදුලිය, සෞඛ්‍යය, මාර්ග පහසුකම් ආදියෙන් ඉතාමත්ම දියුණු ප්‍රදේශයක්‌ ලෙස නඟාසිටුවීමට පිඹුරුපත් ද සැකසී තිබිණි. පැවති රාජපක්‍ෂ ආණ්‌ඩුව සමයේ බෝගස්‌වැව නැවත පදිංචි කිරීමේ ව්‍යපෘතිය ආරම්භ කරමින් එහි පළමු අදියර ලෙස නිවාස දහසක්‌ ඉදිකර සිංහල මහා වීර පවුල් දහසක්‌ පදිංචි කරවීය. උතුරෙන්, දකුණින්, වයඹින්, බස්‌නාහිරින් ලංකාවේ හතර දිග්භාගයේම රණවිරු පවුල් මේ ගම්මානවලට පැමිණ පදිංචි වී සිටිති. සෑම නිවසකටම විදුලිය, ජලය, ගම්මාන හරහා වැටුණු පුළුල් මාර්ගයේ වැඩ ද පටන්ගෙන ලහි, ලහියේ කරගෙන ගියේය. එහෙත් ආණ්‌ඩුව වෙනස්‌වීමත් සමග බෝගස්‌වැව නිවාස ව්‍යාපෘතිය එකතැන නතර වීය. ගමට ලබාදෙන වතුර කැපිණි. පරාක්‍රමපුර සිට කිලෝ මීටර් විසි පහක්‌ යන තෙක්‌ තාර නොවැටුණු වැලි පාර වල්වැදී ගියේය.

කාෂ්ටක පොළවෙන් මතු වන දූවිල්ලට දැන් ඒ මඟෙහි ගමන් කිරීම ද අසීරුය. දූවිලිs බැඳුණු මග දෙපස තුරුලතා පාණ්‌ඩු පැහැයෙන් ලෙළ දෙන්නාහ. වාහනයක ගමන් කළ ද අප ඇඳ සිටි ඇඳුම් දූවිලි වර්ෂාවට අවර්ණ විය.

දූවිලි බැඳුණු හිස කෙස්‌ විදුලි එළියට අමුතුම පැහැයකින් දිස්‌න දුන්නේය. නාස්‌ පුඩු අතරින් ඇතුළු වන දූවිලි සැර ඉහ මොළ රත් කරන්නට විය. සැඳෑ අඳුර ගලන ගොම්මනේදීවත් මඟ වසා ගත් දූවිල්ල අපට දරාගත නොහැකි විය.

‘මේ පාරෙ බස්‌ එකක්‌ යන්නේ දවසට දෙතුන් වතාවයි. ගොඩක්‌ම අපි ගමන් බිමන් යන්නේ පයින්…’ දිවි මගෙහි කටුක බව කියන සමන්ගේ කතාවට ගමේ කාන්තාවක්‌ ද එකතු විය. ඇය සුමනාවතී ය. මේ දිනවල පවතින අධික රස්‌නයත් සමඟ අව් කාෂ්ටකයේ දූවිලි වලාවන්ට මැදි වූ මඟෙහි ගමන් කරන විට දැනෙන කටුක බව සුමනාවතී අම්මාගේ බොඳවන දෑස්‌වලින් අපට පෙනේ.

‘අපේ දරුවන්ගේ ඔලුවල ගෙඩි. පෙනහලුවල දූවිලි බැඳිලා. පාරේ යන සමහර වෙලාවට හුස්‌ම ගන්න බෑ කියලා දරුවො අඬනවා…’ ඇයගේ වචන පැටලිණි. ඉකි බිඳුම වේගවත් විය.

‘මේ බලන්න මහත්තයො මේ කිරි සප්පයා ඉපදෙනකොටම හදවතේ ආබාධයක්‌…’ සුමනාවතී අම්මා තවත් මවක්‌ පපුවට තුරුලු කරගෙන සිටි කිරි කැටි බිලින්ඳියක්‌ අපට පෙන්නුවාය.

රෝස මලක්‌ වැනිය. කිරි කැටි දියණිය මවගේ පපුවට තුරුලු වී සුව නින්දකය.

‘දුවට මොකද වෙලා තියෙන්නේ…’ දරු පැටියා තුරුලු කරගෙන සිටි අම්මට අපි කතා කළෙමු. ඇය අචලාය.

‘දුව ඉපදුණේ පහුගිය ජනවාරි 29 වැනිදා. එයා ඉපදෙනකොට පෙනහලුවල ආබාධයක්‌ තියෙනවා කියලා වෛද්‍යවරු කිව්වා. පස්‌සේ කොළඹ රිඡ්වේ රෝහලේදී දුවව ඔපරේෂන් කළා. වෛද්‍යවරු කියපු විදිහට ඔපරේෂන් එක සාර්ථකයි. ඒත් හොඳට පරිස්‌සම් කරන්න කියලා වෛද්‍යවරු කිව්වා. අපේ ගේ මැටි. පොළොවට සිමෙන්තිවත් දාලා නෑ. ඒ මදිවට පාරේ දූවිල්ල ගෙට එනවා. දුවව පරිස්‌සම් කරගන්න එක අපිට ලොකු ප්‍රශ්නයක්‌ වෙලා. දුවට බෙහෙත් ගන්න අද උදේ වව්නියා ඉස්‌පිරිතාලෙට ගියහම හවස්‌ වෙනකම් තියාගෙන හෙට දවසේ බෙහෙත් ටික විතරයි දුන්නේ. ඉතුරු ටික ගන්න අනිද්දට එන්න කිව්වා. මගේ මහත්තයා කරන්නේ ලොතරැයි විකුණන රස්‌සාව. මේ දරුවගේ ප්‍රශ්නය නිසා මහත්තයා දැන් මාස දෙකකින් රස්‌සාවට ගියේ නෑ. අපිට තව ඉස්‌කෝලෙ යන දරුවො දෙන්නෙක්‌ ඉන්නවා…’

ඔයාල මෙහෙට පදිංචියට ආවේ කොහේ ඉඳලාද…? අපි ඇයගේ කතාවේ දිසාව වෙනස්‌ කළෙමු.

‘පොළොන්නරුවේ ඉඳලා…’ ඇයගෙන් කෙටි පිළිතුරකි.

ඇය සමඟ කතා කරමින් සිටින අතරේ පුංචි පුතෙක්‌ අප අසලට පැමිණීයේය. ඔහු සුරාඡ් දේශාන්ය. බෝගස්‌වැව විද්‍යාලයේ පහ වසර පන්තියේ අකුරු කරන දක්‍ෂ දරුවෙකි. ඔහු කියන විදිහට පන්තියේ ළමයින් හතළිස්‌ අටක්‌ අතරින් ඔහු හත්වැනියාය.

ඇයි පුතා තවම ඉස්‌කෝලෙ යුනිෙµdaම් එක පිටින්…?

‘ඉස්‌කෝලෙ ඇරිලා ගෙදරට ආපු ගමන් තමයි අම්ම එක්‌ක පන්සලට ආවේ…’

ඇයි අද පරක්‌කු වුණේ…? අපගේ පැනයට පිළිතුරු දෙනවා වෙනුවට ඔහු ඇඹරිණි. පිළිතුරක්‌ නැති පුංචි මුහුණ දෙස අපි බලා සිටිමු. මොකක්‌ හෝ ගැටලුවක්‌ තිබෙන බව අපට වැටහිණි.

‘පුතාට බස්‌ එකේ එන්න තිබුණු රුපියල් දහය ඉස්‌කෝලෙදී නැති වෙලා. පස්‌සෙ පුතා පයින්ම ගෙදර ඇවිත්. ඉස්‌කෝලේ ඉඳලා අපේ ගමට කිලෝ මීටර් දොළහක්‌ විතර තියෙනවා. ගෙදරට එනකොට හවස පහ විතර වුණා…’ පුංචි පුතා වෙනුවෙන් අපට උත්තර දුන්නේ ඔහුගේ මවය.

සුදු කමිසය පාණ්‌ඩු පාටය. මුහුණ මැළවී ගොස්‌ය. එහෙත් ඒ දරුවගේ පින් පාට සිනාව දැනුදු මට මැවී පෙනේ.

පුතාගේ තාත්තා අම්මා මොකද කරන්නේ…? අපි පුංචි පුතුට නැවතත් චූටි ප්‍රශ්නයක්‌ ඉදිරිපත් කෙළමු.

‘තාත්තා කුලී වැඩ. අම්මාගේ බඩේ ඔපරේෂන් එකක්‌ කරලා. ඒ නිසා අම්මට වැඩක්‌ කරන්න බෑ…’

‘පුතාට නංගිලා මල්ලිලා ඉන්නවාද…’

‘මල්ලි කෙනෙක්‌ ඉන්නවා. අනේ අංකල් අපේ අම්මට තවමත් හොඳ නෑ. අපිට අම්මාව හොඳ කරලා දෙන්න…’ ඒ සුරාඡ්ගේ අහිංසක ඉල්ලීමය.

සුරාඡ්ගේ පන්තියේ ළමයින් හතළිස්‌ අටකි. ළමයින්ට ඉඳ ගැනීමට අකුරු ලියන්නට ඩෙස්‌ බංකු ඇත්තේ පහළොවක්‌ පමණි. සුරාඡ් කියන විදිහට බෝගස්‌වැව විද්‍යාලයේ ඉගෙන ගන්න ළමයින් සංඛ්‍යාව හාරසිය ගානකි. එහෙත් මීට අවුරුද්දකට ඉහතදී එම පාසලේ ළමයින් අටසීයකට වැඩි ප්‍රමාණයක්‌ අධ්‍යාපන කටයුතුවල නියෑලුණු බව ලැබෙන ආරංචි මාර්ගය. මිනිසුන් ප්‍රදේශය අතහැර යැමත් සමඟ පාසලේ ළමයින් ප්‍රමාණය ශීඝ්‍රයෙන් අඩු වෙමින් පවතී.

‘ගොවිතැන් කටයුතු කරන්න වතුර දීලා තිබුණා. වගා කරන්න ණය පහසුකම් දුන්නා. මාසෙකට සැරයක්‌ වියළි ආහාර මල්ලක්‌ දුන්නා. අපිට තිබුණේ මහන්සි වෙලා වගා කරන්න. අපි වගා සංග්‍රමය පටන් ගත්තා. පලතුරු, එළවළු, ධාන්‍ය බෝග හැම දේම වගා කළා. මේක පින් පොළවක්‌ මහත්තයො. මයියොක්‌ක දණ්‌ඩක්‌ විසි කළත් පැළ වෙනවා. අපි වෑපිරු බීජවලින් අස්‌වැන්නත් ගත්තා. අටු කොටුත් පිරෙව්වා. මිනිස්‌සු රජයෙන් දීපු ගෙවල් දොරවල් ලොකු කරලා හදන්න පටන් ගත්තා. උතුරු වසන්තය යටතේ මේ ගම්වල හැම ගෙදරකටම ලයිට්‌ දුන්නා. පාරවල් හැදුණා. බලා හිටිද්දී ප්‍රදේශය දියුණු වුණා. මේ ආණ්‌ඩුව පත් වුණාට පස්‌සේ පාර හදන එක නතර වුණා. ඊට ටික දවසක්‌ යනකොට ගමට දුන්නු වතුර ටික නතර වුණා. වගා කරන්න විදිහක්‌ නැතිව ගියා. ඒ මදිවට වගා කරන්න දුන්නු ආධාර, වියළි ආහාර සහනාධාර සේරම නතර කළා. අපිට වෙච්ච අසාධාරණය මේ ප්‍රදේශයේ දේශපාලනඥයන්ට කිව්වහම කියනවා ‘උඹලාව මෙහෙට ගෙනත් දාපු උන්ට ගිහින් කියාපල්ලා’ කියලා. හරියට අපි අතපලAලෙන් වැටුණු ගානටයි කතා කරන්නේ. අපි එහෙම වෙන්න ඕන මිනිස්‌සු නෙමෙයි. යුද්දෙට දරුවො පූජා කළේ මෙහෙම දුක්‌විඳින්නත් නෙමෙයි. කොටින්ගෙන් වෙඩි කාගෙන උන් එක්‌කම හැපුණේ උපදින දරුවන්ට නිදහස්‌ රටක්‌ ඇති කරන්න. ඒත් දැන් අපිට වෙලා තියෙන්නේ හාමතේ මැරෙන්න. මේ ගම්වල ඉඳලා නගරයට දුරයි. ඒ නිසා නගරයට ගිහින් කඩේකවත් වැඩක්‌ පලක්‌ කරලා එන්න බෑ. අපි සිංහල කියලා දෙමළ ගම්වල මිනිස්‌සු කුලියක්‌ කරන්නවත් දෙන්නේ නෑ. ලෙඩක්‌ දුකක්‌ හැදිලා බෙහෙත් ටිකක්‌ ගන්න බෝගස්‌වැව, මාමඩුව, වව්නියාව රෝහල්වලට ගියහම අපිව කොන් කරනවා. අනේ හාමුදුරුවනේ අපිට කන්න නෑ. බොන්න නෑ. අපේ බඩ ඇකිලිලා. වතුර බිව්වොත් බඩ දැවිල්ල ගන්නවා. බෝගස්‌වැව ගමේ විතරක්‌ වකුගඩු රෝගීන් විසි හත්දෙනෙක්‌ ඉන්නවා. පිළිකා රෝගීන් ඉන්නවා. ගමේ හැමෝටම හතිය. රෑකට ලෙඩක්‌ දුකක්‌ හැදුණහම යන්න පාරක්‌ නෑ. බඩදරු අම්මලාට මහ මඟ දරුවො හම්බ වෙනවා. සමහර ලෙඩ්ඩු මග මැරෙනවා. අපි විඳින දුක රටට කියන්න මම වව්නියාවට ගිහින් බැනර් උස්‌සගෙන හිටියා. ඒ අහන්නේ නැති තැන පාර මැද නිදාගත්තා. ඒත් අපේ දුක බලන්න කවුරුවත් ආවේ නෑ. මේ ප්‍රදේශවල කිසිම මාධ්‍යවේදියෙක්‌ අපේ ප්‍රශ්න රටට කියන්නෙත් නෑ. අනේ හාමුදුරුවනේ අපිට පිහිට වෙන්න… අපි ජීවිතයේ හොඳටම දුක්‌විඳපු මිනිස්‌සු. අපිට තවත් දුක්‌ විඳින්න බෑ. අපේ දරුවන්ට ගොවිතැන් බතක්‌ කරගන්න ගමට දුන්නු වතුර ටික අරගෙන දෙන්න. මේවා අපිට කියාගන්න කෙනෙක්‌ නැතුවයි හිටියේ. මේ අඬනවා නෙමෙයි. පපු කැහුත්තේ තියෙන වේදනාවයි පිටවෙන්නේ…’ වියපත් මවගේ විලාපයත් සමග මුසු වූ උද්වේගකර ඒ වචන සැලළිsහිණිගම විහාර භූමියට රැස්‌ව සිටි සියලුම දෙනා හැඬෙව්වාය. සැබෑවටම ඒ කතාවට ඇඬෙන්නේය.

අපි ප්‍රාදේශීය ලේකම් කාර්යාලයට, දිස්‌ත්‍රික්‌ ලේකම් කාර්යාලයට ගියහම කිසිම සැලකිල්ලක්‌ නෑ. ඒ ආයතන තුළ ඉන්න බහුතරය දෙමළ. නිලධාරීන් නිසා එන්නන්, යන්නන් ‘මෙන්න බුදුනෙA මල් මම වැන්දා ගියා’ කියන කතාවක තමයි කියන්නේ. මේ ක්‍රමය වෙනස්‌ විය යුතුයි. උතුර, නැගෙනහිර ප්‍රදේශවල සිංහල, දෙමළ මිනිස්‌සු පනහට, පනහ පදිංචි කරන්න ඕන. ඒ වගේම අතරමඟ නතර වෙච්ච බෝගස්‌වැව නැවත පදිංචි කිරීමේ ව්‍යාපෘතිය කඩිනමින් ක්‍රියාත්මක කරන්න ඕන. රටේ භාණ්‌ඩාගාරයේ සල්ලි නෑ කියලා කරගෙන ආපු සංවර්ධනය නතර කරන්න බෑ. ගම්වල මිනිස්‌සු කන්න නැතිව මැරෙන්න යනවා. වතුර ටිකක්‌ නැතිව ලෙඩ්ඩු වෙනවා. රටේ සල්ලි නෑ කියන ආණ්‌ඩුව මැති ඇමැතිවරුන්ට පිනට වාහන දෙන්න යනවා. මේවා තමයි පුදුම කතා. මේ කියන හරුප කතාන්දර බුද්ධිමත් ජනතාව තේරුම් ගන්න ඕන. බෝගස්‌වැව සැලළිsහිණිගම විහාරස්‌ථානාධිපති තණමල්විල පියනන්ද ස්‌වාමීන් වහන්සේ අප සමග අදහස්‌ දක්‌වමින් එසේ පැවසූහ.

පක්‍ෂ පාට වැදගත් නොවේ. මනුස්‌සකමට ප්‍රමුඛස්‌ථානය ලබාදිය යුතුය. මිනිසා, මිනිසාට ප්‍රේම කළ යුතුය. එහෙත් සිදුවෙමින් තිබෙන්නේ මිනිසා මිනිසාට වෛර කිරීමකි. දුටුගැමුණු රජ දවසේ නන්දිමිත්‍ර යෝධයාගේ බළකොටුව පිහිටා ඇත්තේ ද බෝගස්‌වැව ප්‍රදේශය කේන්ද්‍ර කරගෙනය. විසි දහසක්‌ රහතන් වහන්සේලා සමග හේමමාලා, දන්ත කුමරු උතුම් දළදා වහන්සේ වඩම්මාගෙන පැමිණියේ කච්චිකුඩිය, මහමඩුව, මඩුකන්ද සහ බෝගස්‌වැව ගම මැදින් වැටුණු මාර්ගයෙනි. එවැනි ඓතිහාසික භූමියක අද ජීවත් වන සිංහල මිනිසුන් හාමතේ මැරෙන්න යන්නේය. එහෙත් බෝගස්‌වැව මිනිසුන් ගෙවල් ඉල්ලන්නේ නැත. බඩු මලු ඉල්ලන්නේ ද නැත. ඔවුන්ගේ එකම ඉල්ලීම ප්‍රදේශයේ යටිතල පහසුම් දියුණු කරගැනීමය. ගමේ පාසල දියුණු කර ගැනීමය. ලබා දීපු වගා සහනාධාරය නැවත ක්‍රියාත්මක කරලීමය. පර වුණු ජීවිත ගොඩනඟා ගැනීමට ඔවුන්ට එය හොඳටම ප්‍රමාණවත් බව ගම්වාසීහු අපට කීහ.

ත්‍රස්‌තවාදයෙන් රට නිදහස්‌ කරගැනීමට ජීවිත පරිත්‍යාග කළ විරුවන්ගේ පවුල් සඳහා සුබසාධනය සැලසීම රටක, ජාතියක වගකීමකි. අනිවාර්ය යුතුකමකි. එමෙන්ම උතුර, නැගෙනහිර යනු වසර තිහකට වැඩි කාලයක්‌ ම්ලේච්ඡ ගෝත්‍රික යුද්ධයකට මැදි වූ විවිධ ජාතීන් ජීවත් වූ ප්‍රදේශයක්‌ය. ඒ මිනිසුන්ගේ පෑරුණු සිත් සුවපත් කිරීමට මෙතෙක්‌ දියත් කෙරුණු කිසිදු වැඩපිළිවෙළක්‌ නැත. මානසික කළමනාකරණය සඳහා කිසිදු උපදේශන වැඩපිළිවෙළක්‌ නැත. එවැනි බේද භින්න වූ පරිසරයක ජනාවාස ඇතිකිරීම සිහිබුද්ධියෙන් කළ යුත්තකි. එසේ නොවන්න දුක්‌විඳින්නේ ජාතික විරුවන්ගේ ඥාතීන්ය. බෝගස්‌වැව රණවිරු ජනපදකරණයේ පදිංචි මිනිසුන් අද අත්විඳිමින් සිටින්නේ ඒ කටුක අද්දැකීමය. ඒ අසරණ මිනිසුන් දේශපාලනිකව, භූගෝලීයව මෙන්ම ආර්ථික වශයෙන්ද නන්නත්තාර වී සිටින්නේය. දැන් ඒ මිනිසුන්ට කිසිදු හව්හරණක්‌ නැත. දේශපාලන ගෝත්‍රිකයන් ඒ අසරණයන් අරබයා කඹ ඇදිල්ලකය. රටක්‌ වශයෙන් අප බලාපොරොත්තු විය යුත්තේ සියලු ජාතීන් අතර සංහිඳියාවයි. එහෙත් මේ රටේ කාලකණ්‌ණි දේශපාලනය විසින් රටේ මිනිසුන් කුලල් කා ගන්නා තැනට තල්ලු කරනවා විනා එකමුතු කිරීමක්‌ නොකරන්නේය. ඉතිහාසය පුරාම අප අත්විඳිමින් සිටින්නේ ඒ ගෝත්‍රික දේශපාලන ක්‍රියාකාරකම්ය. වෙනසක්‌ නැත. අද අත්දකිමින් සිටින්නේ ද ඒ ගෝත්‍රික ප්‍රතිපත්තියමය.

රට නිදහස්‌ කරගැනීමට තම දරුවන් දන් දුන් මවුපියන් අසරණ තත්ත්වයට පත්කිරීම යනු රටක්‌ වශයෙන් අප කර ගන්නා ආනන්තරීය පාපකර්මයක්‌ බව ද දේශපාලන ඇත්තන් සිතේ ධාරණය කර ගත යුතුය.

තරංග රත්නවීර
සිරිමන්ත රත්නසේකර
ඡායාරූප – ක්‍රිෂාන් කාරියවසම්

යාපනයේ ජනතාවට ඉඩම් බෙදා දෙමින් ජනාධිපති මෛත්‍රිපාල සිරිසේන කියයි

වැඩක්‌ කරන විට විවේචන එල්ලවීම සාමාන්‍ය දෙයක්‌
උතුරේ ජනතාව ඉල්ලන්නේ
ඔවුන්ගේ ඉඩම්, ඒ යුතුකම අප ඉටුකළ යුතුයි
යාපනයේ ජනතාවට ඉඩම් බෙදා දෙමින් ජනාධිපති මෛත්‍රිපාල සිරිසේන කියයි

උතුරේ ඉඩම් අවතැන් ජනතාවට භාරදෙන විට දකුණේ සුළු පිරිසක්‌ රජයට විවේචන එල්ල කරනවා. ඕනෑම වැඩක්‌ කරන විට විවේචනය කරන මිනිසුන් සිටීම සාමාන්‍ය දෙයක්‌. උතුරේ අවතැන් කඳවුරුවල සිටින අසරණ ජනතාවගේ දුක සැප ඇවිත් බලලම මේ විවේචනය කරනවා නම් තමා ඊට කැමති යෑයි ජනාධිපති මෛත්‍රිපාල සිරිසේන මහතා පැවසීය.

යාපනයේ ජනතාවට පසුගිය 12 දා ඉඩම් බෙදා දීමේ උත්සවයට සහභාගි වෙමින් ජනාධිපතිවරයා එසේ කීය.

තවදුරටත් කතා කළ ජනාධිපතිවරයා මෙසේ ද කීය.

උතුරු ප්‍රදේශයේ යුද්ධයෙන් අවතැන් වුණු ජනතාවට නිවාස 65,000 ක්‌ ඉදිකර දීමේ ව්‍යාපෘතියට අදාළ ආදර්ශ නිවාස දැක බලා ගැනීමත් මුල් ඉඩම් වල හිමිකම ලබාදීමත් යන කාරණා මුල් කර ගනිමින් කන්කසන්තුරේ ප්‍රදේශයට පැමිණි මේ අවස්‌ථාවේ ඔබ සමඟ එක්‌වීමට ලැබීම පිළිබඳව ඉතා සතුටට පත්වෙනවා.

මම පසුගිය මාසයේ යාපනයේ පැවැති බාලදක්‌ෂ ජම්බෝරියටත් සහභාගි වුණා. ඒ අවස්‌ථාවේ දකුණේ වගේම උතුරේ දරුවන් ඉතාමත් සතුටින් කටයුතු කළ හැටි මම දැක්‌කා.

උතුරේ ජීවත්වන තමුන්නාන්සේලා ගත කරන්නේ ඉතාමත් කටුක ජීවිතයක්‌. ඒවගේම මේ ප්‍රදේශයේ තිබෙන්නේ ඉතා වියළි දේශගුණික තත්ත්වයක්‌. ඒත් මේ ප්‍රදේශවල ජනතාව දුක්‌ මහන්සිවෙලා තමන්ගේ වගා කටයුතු ඉතාමත් සාර්ථක ලෙස කර ගෙන යනවා.

අපේ රටේ පළාත් නවයක්‌ තිබෙන බව ඔබ දන්නවා. මේ පළාත් නවයම එක වගේ සංවර්ධනයකට ලක්‌ විය යුතුයි. අවුරුදු 26 කට වැඩිය තිබුණු යුද්ධය නිසා නැගෙනහිර සහ උතුරු පළාත් වල සංවර්ධනය අඩාල වුණා. මේ ප්‍රදේශවල ජනජීවිතය කඩාවැටුණා. දුප්පත්කම වැඩි වුණා. ඒවගේම යුද්ධය නිසා උතුරේ වගේම දකුණේ සියලු ප්‍රදේශවල ජනතාවගේ ජීවිත අහිමි වුණා. යුද්ධය පැවති මෙම ප්‍රදේශවල ජීවත්වුණු ඔබට එහි කටුක බව අසීරු බව තවමත් මතකයේ ඇති. ඒවගේමයි දකුණේ පළාත්වල ජනතාවටත්. ඔවුන්ටත් මේ යුද්ධයේ කටුක අමිහිරි අත්දැකීම් රාශියක්‌ තිබෙනවා.

නව රජය විදියට අපේ අපේක්‌ෂාව වන්නේ මේ සියලු පළාත්වල ජනතාවට එකවගේ සේවය කිරීමයි. එහිදී යුද්ධය පැවති ප්‍රදේශවල ජනතාවගේ ප්‍රශ්නවලටත් ප්‍රමුඛත්වයක්‌ දී කටයුතු කිරීම අවශ්‍ය වෙනවා. ඒ අනික්‌ ප්‍රදේශවල ජනතාවට වඩා මේ ප්‍රදේශවල ජනතාවට දැඩි පීඩනයකට සහ ප්‍රශ්න රාශියකට මුහුණ දෙන්න සිදුවුණු නිසයි.

අවතැන් වුණු ජනතාවට අවශ්‍ය නිවාස 65000 ක්‌ ඉදිකර දීමේ ව්‍යාපෘතියක්‌ ක්‍රියාත්මක කරන බව ඔබ දන්නවා. මම තෙලිප්පලේ ප්‍රදේශයට පැමිණියේ මේ ආදර්ශ නිවාස ගැන සොයා බලන්න. මේ නිවාස ආකෘතිය සහ ඉදිකිරීම් පිළිබඳව මහ ඇමති විග්නේෂ්වරන් මහතා එතුමාගේ අදහස්‌ ඉදිරිපත් කළා. ඒවගේම ස්‌වාමිනාදන් ඇමතිතුමා එතුමාගේ අදහස්‌ ඉදිරිපත් කළා. මේ සඳහා විවාදයක්‌ අවශ්‍ය නැහැ කියලයි මම හිතන්නේ.

මේ ගෙවල් සෑදීමේදී ජනතාවගේ අවශ්‍යතාවය කුමක්‌ද කියලා අපි සොයා බලන්න ඕනෑ. ජනතාවගේ මත විමසලා ඔවුන්ගේ කැමැත්තට අනුව මේ නිවාස ඉදි කළ යුතුයි. ඒ නිසා අපි තුන් හතරදෙනා, පළාත් සභාව, ආණ්‌ඩුව වගේම මේ සෑම කෙනෙක්‌ම එකතු වෙලා මේ ජනතාව අපේක්‌ෂා කරන ආකාරයේ නිවසක්‌ සාදා දෙන්න කටයුතු කරන්න ඕනෑ. ඒ නිසා අපි ඉදිරි දිනවලදී ඒ ගැන සාකච්ඡා කරලා ජනතාවගේ අදහස්‌ ගැන සොයලා බලලා තීරණයකට එළඹෙනවා.

මම නිවාස නැරඹීමට ගිය අවස්‌ථාවේ ජනතාව විශාල පිරිසක්‌ මට හමු වුණා. ඔවුන් ඉතා අසරණ තත්ත්වයකට පත්වී සිටින ජනතාවක්‌ වගේම ඔවුන්ට ප්‍රශ්න රාශියක්‌ තිබෙන බව මට පෙනී ගියා. ඒ අය කිව්වේ අපට අපේ ඉඩම් දෙන්න කියලා. අපි එකක්‌ මතකයේ තබා ගන්න ඕනෑ. ඒ අය ඉල්ලන්නේ අනුන්ගේ දෙයක්‌ නොවෙයි. ඒ අය අපෙන් ඉල්ලන්නේ ඒ අයගේ ඉඩම් ලබාදෙන්න කියලයි. ඒ නිසා අපි ඒ යුතුකම ඉටු කළ යුතුයි කියලයි මම විශ්වාස කරන්නේ. අපි පසුගිය මාස කිහිපය තුළ ඉඩම් ලබා දුන්නා. ඉදිරි මාස කිහිපය තුළ අපි කෙසේ හෝ මේ කටයුත්ත අවසන් කළ යුතුයි.

පසුගිය දෙසැම්බර් මාසේ නත්තල් උත්සව අවස්‌ථාවේ යාපනයට පැමිණි අවස්‌ථාවේ මම කිව්වා අවතැන් වූ කඳවුරු වල ඉන්න ජනතාවට මාස 06 ක්‌ ඇතුළත ඒ කියන්නේ 2016 ජූනි මාසේ වන විට ඉඩම් පෙන්වීම් අවසන් කරන්න බලාපොරොත්තු වෙනවා කියලා. දැන් මේ අවුරුද්දෙත් මාස 03 ක්‌ ගෙවෙමින් පවතිනවා. ඒ බලාපොරොත්තුව ඉටු කරන්න තව තිබෙන්නේ මාස තුන හතරක්‌ කාලයක්‌ පමණයි. ඒ කාලය තුළ මේ කාර්යය අපි කළ යුතුයි. ඒ සඳහා සියලුම අංශ වල සහයෝගය මම බලාපාරොත්තු වෙනවා.

දැන් මේ වසරේත් මාස 3 ක්‌ ගතවී අවසන් ඒ පොරොන්දුව ඉෂ්ට කිරීමට ඉතිරිව ඇත්තේ තව මාස කිහිපයක්‌ පමණයි. අපි කෙසේ හෝ ඒ කාර්යයන් ඉටුකළ යුතුයි. ඒ ස`දහා සියලුම අංශවල සහයෝගය මම කාරුණිකව බලාපොරොත්තු වෙනවා.

ඉඩම් නැවත භාරදීම රජයේ ප්‍රමුඛ කාර්යයක්‌ ලෙස අප සලකනවා. එක්‌සත් ජාතීන්ගේ සංවිධානයේ මානව හිමිකම් කොමසාරිස්‌තුමා ලංකාවට ආ විට එතුමා මා සමග සාකච්ඡා කළ බව ඔබ දන්නවා. එතුමා මගෙන් කළ පළමු ඉල්ලීම වූයේ අවතැන් කඳවුරු වල සිටින ජනතාවගේ ඉඩම් ප්‍රශ්නය විසඳන්න කියලා.

නමුත් උතුරේ ඉඩම් අවතැන් ජනතාවට බාරදෙන විට දකුණේ සුqළු පිරිසක්‌ රජයට විෙච්චන එල්ල කරනවා. ඕනෑම වැඩක්‌ කරනවිට විවේචනය කරන මිනිසුන් සිටීම සාමාන්‍ය දෙයක්‌. උතුරේ අවතැන් කඳවුරු වල සිටින අසරණ ජනතාවගේ දුක සැප ඇවිත් බලන්න කියල විවේචනය කරන සෑම කෙනෙකුටම මම කියන්නට කැමතියි.

අපි ජාතික සංහිඳියාව පිළිබ`දව නිතර නිතර කතා කරනවා. එහෙත් සියලු ආයතන සංහිඳියාව ශක්‌තිමත් කරන්න පැමිණෙන්නේ උතුරටයි. මම හිතනවා එතන පුංචි වැරදීමක්‌ සිදුව ඇති බව. සංහිඳියාවේ වැදගත්කම පිළිබඳ ජනතාව දැනුවත් කළ යුතු වෙන්නේ දකුණේ ජනතාවටයි කියන එක මා විශ්වාස කරනවා. නමුත් දකුණේ ජනතාව තුළ අන්තවාදී අදහස්‌ ඇතිකරන පිරිස්‌ නිසා සංහිඳියා ගමනට බාධා පැමිණෙනවා.

අපි සමානාත්මතා සමාජයක්‌ පිළිබඳ නිතර කතා කරනවා. සෑම කෙනෙක්‌ම එක වගේ ජීවත්විය යුතුයි කියලා කතා කරනවා. එහෙමනම් සෑම කෙනෙකුටම එක වගේ සිය අයිතිවාසිකම් භුක්‌ති වි`දින්න ඉඩ දිය යුතුයි නේද.

ඒ නිසා මේ රටේ සමස්‌ත ජනතාවට සමානාත්මතාවයෙන් එකවගේ ජීවත්වීමට සමාජයක්‌ බිහිකරන්න අපි එකට එකතුවෙලා කටයුතු කරමු කියලා මම බොහොම ගෞරවයෙන් සියලු දෙනාගෙන් ඉල්ලීමක්‌ කරනවා .

විවේචනය කරන්න, විරෝධය පෑමට ඕනෑම කෙනෙකුට පුලුවන්. නමුත් තමන්ගෙන් විය යුතු යුතුකම් හා වගකීම් පිළිබඳව සෑම කෙනෙකුටම අවබෝධයක්‌ තියෙන්නට ඕනෑ. අපි අපේ වගකීම් හා යුතුකම් මිනිසුන් වෙනුවෙන් ඉටුකළ යුතුයි. යුතුකම් ඉටුකිරීමේදී උතුරේ ද සහ දකුණේ ද කියා බෙදීමක්‌ අවශ්‍ය නැහැ. සමස්‌ත රටටම එය සිදුවිය යුතුයි. සමස්‌ත ලෝකයටම එය ඉටුවිය යුතුයි.

ඒ නිසා ම සතුටුවෙනවා ඔබ වැනි පිරිසකට ඉඩම් අක්‌කර 700 කට වැඩි ප්‍රමාණයක්‌ බාරදීමට පු`එවන් වීම ගැන. ඔබට තිබෙන අනෙකුත් ප්‍රශ්නත් පියවරෙන් පියවරට විසඳීමට අප කටයුතු කරනවා. අපි රජය විදියට උතුරේ ජනතාවට අපේ සම්පූර්ණ සහයෝගය දෙනවා. උතුරේ සිටින පාර්ලිමේන්තු මැති ඇමතිවරුන්ටත් පළාත් සභාෙවි මැති ඇමතිවරුන්ටත් අවශ්‍ය සහයෝගය අපි ලබාදෙනවා.

සමස්‌ත රාජ්‍ය නිලධාරී මහත්ම මහත්මීන්ගෙන් මම ඉල්ලා සිටිනවා මේ කටයුතු අපි ඉතාම කාර්යක්‌ෂමට ඉටු කරමුයි කියා. ප්‍රධාන අමාත්‍ය විග්නේෂ්වරම් මහතා කළ කතාෙවිදී පැවසූ කරුණු ද මා සිතට ගත්තා. තමුන්නාන්සේලා සියලු දෙනාගේම අදහස්‌ මම මගේ සිතට ගන්නවා. ඒ සියලු අදහස්‌ ගෙන වඩා යහපත් දේ අපි ක්‍රියාවට නංවනවා. ඔබ සියලු දෙනාට දෙවි පිහිට පතමින් ඔබෙන් සමුගන්නවා.

දකුණේ නත්තල අරගෙන මෛත්‍රී උතුරට ගිය හැටි

දකුණේ නත්තල අරගෙන මෛත්‍රී උතුරට ගිය හැටි

උඳුවප් මාසයේ සීතල පරයමින් නත්තල් අසිරිය කරළියට පැමිණියේය. එහි තේජස උණුසුම තවමත් පහව නොගිය සෙයකි. වෙනදාටත් වැඩියෙන් නත්තල් උණුසුම මෙරට කිතුණු බැතිමතුන්ගේ හදවත්වලට දැනෙමින් තිබුණු අයුරක්‌ රටේ හැම තැනින්ම දිස්‌ විය. ඔවුහු කති. බොති. ප්‍රීති වෙති.

රටම එසේ නත්තල් අසිරියෙන් සැරසෙද්දී රාජ්‍ය නත්තල් උත්සවය පැවැතියේ යාපනයේය. තමන් නිදා සිටින අතරේ නත්තල් සීයා පැමිණ තම කොට්‌ටය ළඟින් තෑගි තියා යනු ඇතැයි දරුවෝ විශ්වාස කරති. දෙමවුපියෝ දරුවන්ට එසේ කියා ඇත.

යාපනයේ රාජ්‍ය නත්තල් උත්සවයට කොළඹින් නෑදැයෝ ගියේද තෑගි බෝග පිරිවරාගෙනය. ඒ නෑදැ පිරිවරේ නායකයා රටේ ජනාධිපතිය. ජනාධිපති යාපනයේ නත්තල් උත්සවයට පැමිණෙනවා යෑයි යන සිතුවිල්ලම යාපනයේ ජනතාවට නත්තල්ය.

යාපනයේ ජනතාව එය ආශිර්වාදයක්‌ යෑයි සිතූහ. ඒ ආශිර්වාදය පිළිගැනීමට ඔවුහු සැදී පැහැදී සිටියහ. මේ එන්නේ දකුණේ පමණක්‌ නොව අප සැමගේ නායකයා යෑයි එම ජනතාවගේ සිත් සතන් තුළ විය. සෑම ජාතියකටම, සෑම ආගමකටම එක ලෙස සලකන ජනාධිපතිවරයෙක්‌ දැන් අපට සිටින බවට ඔවුන් තුළ විශ්වාසයක්‌ තිබේ. කොටින්ම අපටත් දැන් රජෙක්‌ ඇතැයි ඔවුහු සිතති.

රාජ්‍ය නත්තල් උත්සවයට ජනාධිපතිවරයාට ආරාධනා කර තිබුණේ ඇමැති ජෝන් අමරතුංග මහතාය. ළමා හා කාන්තා කටයුතු රාජ්‍ය ඇමැතිණී විජයකලා මහේෂ්වරන් මහත්මියද, පාර්ලිමේන්තු මන්ත්‍රී අංගජන් රාමනාදන් මහතාද එහි වූහ.

එකී උත්සවයේ සිටියත් විජයකලා මහේෂ්වරන් ඇමැති තුමියගේත්, රාමනාදන් මන්ත්‍රිතුමාගේත් හිත තිබුණේ වෙන තැනකය. ඒ අවතැන් කඳවුරුවල ඉන්න ජනතාව ගැනය. හැමදාමත් ඔවුහු එම ජනතාවගේ දුක ගැන පාලකයන්ට කිවුහ. ඔවුහු එම ජනතාවගේ දුක දැස්‌වලින් දැක කන්වලින් ඇසූහ. හදවතේ එම දුක තැන්පත් වී තිබිණි. එහෙත් පිළිසරණක්‌ දෙන්නට ඉදිරිපත් වූවෝ නොවූහ. දැන් ඔවුන්ගේ ජනාධිපතිවරයෙක්‌ අගමැතිවරයෙක්‌ රටේ සිටී. ඒ පිළිබඳව ඔවුහු පාලකයන් දැනුවත් කළහ. පාර්ලිමේන්තුවේ හඬ නැගූහ.

එහෙත් ජනාධිපතිවරයාට ඔවුන් විඳින දුක ඇස්‌ පනාපිටම පෙන්වන්නට හැකි නම් කෙතරම් අගේදැයි මේ ජනතා නියෝජිතයෝ සිතූහ. ඒ සඳහා හොඳම අවස්‌ථාව මෙය යෑයිද සිතූහ. එහෙත් ජනාධිපතිවරයෙක්‌ එතනට යයිද? ආරක්‍ෂාව ප්‍රමාණවත්ද? සැලසුම් නොකළ ගමනක්‌ යාමට එතුමා කැමැති වේද? ඔවුන්ගේ සිත් තුළ මෙවැනි නොයෙක්‌ ප්‍රශ්න නැගිණි.

එහෙත් තවත් කල් බලා නොසිට ඔවුහු තම යෝජනාව ජනාධිපතිවරයාට ඉදිරිපත් කළහ.

“සර් තෙලිප්පලෙයි අනාථ කඳවුරේ මිනිස්‌සු බොහෝම දුක සේ ඉන්නේ. සර්ට පුළුවන්කමක්‌ තිබෙනවා නම් ඔවුන්ගේ දුක සැප බලන්න ගිහින් එන්න”.

ඔවුන්ගේ යෝජනාව ගැන ජනපති මෛත්‍රී තවත් වරක්‌ නොසිතුවේය.

“බොහොම හොඳයි, බොහොම හොඳයි. රාජ්‍ය නත්තල් උත්සවයේදී හොඳ ආදර්ශයක්‌”.

එසේ කිවු ජනාධිපතිවරයා තම ආරක්‍ෂක අංශවලට එහි යාමට සුදානම් වන ලෙස උපදෙස්‌ දුන්නේය. අනෙක්‌ නිලධාරීන්ටද ඒ පිළිබඳව දැනුවත් කළ ජනාධිපතිවරයා විනාඩි පහක්‌ යන්නට මත්තෙන් මෝටර් රථයටද ගොඩ වූයේය. ඒ තෙලිප්පලෙයි අනාථ කඳවුරට යාමටය. මයිලඩි, මයිලිටි, පලාලි සහ කන්කසන්තුරේ අනාථ වූ ජනතාව විසිපස්‌ වසරක්‌ තිස්‌සේ එම කඳවුරේ වාසය කරති. එම පිරිස එක්‌දහස්‌ පන්සියයකට වැඩිය.

අනාථ කඳවුර ආසන්නයේදී ජනාධිපති මෛත්‍රීපාල සිරිසේන මහතා මෝටර් රථයෙන් බැස ගත්තේය. අනතුරුව ඔහු ඒ දෙසට පයින් ඇවිද ගෙන ගියේය. බුමුතුරුණු, රතු පලස්‌ නොවුණු ඒ වීදිය කර්කශය. කටුකය, එහෙත් ජනාධිපතිවරයාට එය කිසිම අසුවක්‌ එක්‌ කළ මගක්‌ බව දිස්‌ නොවුණි. පුංචි දරු පැටවු ඒ වීදිය දිගේ ඒ මේ අත දිවූහ.

“පුතාලා මොකද කරන්නේ? ඉස්‌කෝලේ යනවද? කීයේ පංතියේද ඉන්නේ? විභාග වැඩ ලේසිද”.

ජනාධිපතිවරයා බොහෝම හිත මිතුරුව ලෙංගතුව ඒ දරු දැරියන්ගෙන් විමසුවේය. ඉන් ඇතැම්හු මේ අප රටේ ජනාධිපතිවරයා යෑයි නොදැන සිටියහ. ඔවුහු කෙළිදොළෙන්ම ජනපතිවරයාට පිළිතුරු දුන්හ.

එම මග දිගේ ගිය ජනපතිවරයා අනාථ කඳවුරේ පිහිටි තාවකාලික නිවසකට ගොඩ විය. එහි තිබුණ පුංචි බංකුවේ ජනාධිපතිවරයා ඉඳ ගත්තේය. එහි ඇවිද ගන්න වාරු නැති වියපත් අසරණ මවකි. එහි කුස්‌සිය යෑයි සිතිය හැකි කොටසටද ජනපතිවරයා ගියේය. උයලා තිබෙන දේ පිළිබඳව ජනාධිපතිවරයා විමසිලි කර බැලීය. බත් මුට්‌ටියත්, ළිපත් බැලීය. ඔවුන් ගත කරන්නේ කෙතරම් දුෂ්කර ජීවිතයක්‌ දැයි ජනාධිපති මෛත්‍රීපාල සිරිසේන මහතාට සිතෙන්නට ඇත.

“මොනවද ඔබලාට වෙන්න ඕන”

ජනාධිපතිවරයා ඔවුන්ගේ අසරණ දැස්‌ දෙස බලමින් විමසීය.

“අපව මුල් පදිංචි ස්‌ථානයේ පදිංචි කර දෙන්න ජනාධිපතිතුමා. අවුරුදු 25 ක්‌ තිස්‌සේ අපි මේ අනාථ කඳවුරේ ඉන්නේ. මාළු අල්ලගෙන විකුණලා තමයි අපි දවස ගැට ගහ ගන්නේ. අපිට ඉන්න තැනක්‌ දුන්නොත් ඒක ගොඩක්‌ වටිනවා”.

ඔවුහු පැවසූහ

යාපනයේ සංචාරයෙන් පසු පලාලිවලින් ගුවන් යානයෙන් බැස ගත් ජනාධිපතිවරයා බිෂොප් තුමා හමු විය. අනතුරුව ආණ්‌ඩුකාර පලිහක්‌කාර මහතාගේ නිවසින් දිවා ආහාරය ලබා ගත්තේය. රාජ්‍ය නත්තල් උත්සවයට පැමිණියේ ඉන් අනතුරුවය. ඒ හැම දෙයක්‌ම කලින් සුදානම් කර තිබූ අවස්‌ථාවන්ය. එහෙත් සුදානමකින් තොරව ගිය තෙලිප්පලෙයි ගමන තරම් ඒ කිසිවක්‌ ජනාධිපතිවරයාගේ සිතට දැනුණා දැයි කිව නොහැක. ඒ පිළිබඳව රාජ්‍ය නත්තල් උත්සවය අරභයා කළ කතාවෙන්ම පැහැදිලි වේ.

“අවුරුදු 25 ක්‌ තිස්‌සේ අවතැන් වෙලා ඉන්න ජනතාවගේ මේ ප්‍රශ්නය විසඳන්න ඉදිරි මාස 6 ක කාලය තුළ කටයුතු කරනවා. මේ සඳහා මම හදිසි කාර්ය සාධක බළකායක්‌ පත් කරනවා. ජාතික ආරක්‍ෂාව බිඳ වැටිලා. එල්ටීටීඊයට ඔළුව උස්‌සන්න අපේ ආණ්‌ඩුව ඉඩ දෙනවා කියලා කියන අවස්‌ථාවාදීන්ට මම ආරාධනා කරනවා උතුරට ඇවිල්ලා උතුරේ ජනතාව හමු වෙන්න කියලා. ඒ ගොල්ලන්ට කොළඹ ශාලාවක්‌ ඇතුළට වෙලා ප්‍රවෘත්ති සාකච්ඡාවක්‌ තියන්න එච්චර වියදමක්‌ යන්නේ නැහැ. ඒ අයට කොළඹ ඉඳන් උතුරට එන්න වාහනවලට තෙල් දෙන්න පුළුවන්. කොළඹ ඉඳලා එන්න වාහන දෙන්නත් පුළුවන්. කොළඹ ඉඳලා මුහුදෙන් එන්න ඕනෑ නම් මුහුදෙන් එන්නත් මට නැවක්‌ දෙන්න පුළුවන්. ඒ දෙකෙන්ම එන්න බැරි නම් උඩින් එන්න ගුවන් යානයක්‌ දෙන්න පුළුවන්. මම ඒ අයට කියනවා අවුරුදු 25 ක්‌ තිස්‌සේ අවතැන් වෙලා හිටිය උතුරේ ජනතාව හමුවෙන්න කියලා”.

ජනාධිපතිවරයා රාජ්‍ය නත්තල් උත්සවයේ කළ සම්පූර්ණ කතාවම වාගේ ගොඩනැගුණේ මේ පිළිබඳව පවසන්නටය. සාමය, සංහිඳියාව සහ මානව දයාව පිළිබඳ පවසන්නටය.

තෙලිප්පලෙයි අනාථ කඳවුරට පමණක්‌ නොව මුළු උතුරටම නත්තල් තෑග්ගක්‌ තිළිණ කිරීමේ පොරොන්දුව දෙමින් ජනාධිපතිවරයා ඉන් නික්‌මුණේය. දැන් එම ජනතාවට බලාපොරොත්තුවක්‌ තිබේ. ඒ තම මුල් බිම්වල අයිතිය තමන්ට යළි හිමිවන බවය.

කවදාවත් රාජ්‍ය නායකයෙන් එසේ යාපනයේ අනාථ කඳවුරකට මීට පෙර පැමිණ තිබුණේ නැත. දුක සැප අසා තිබුණේ නැත. ලෙංගතුව, කුළුපගව කතා කර තිබුණේ නැත. එමතු නොව විසිපස්‌ වසරක්‌ පුරා තම හදවත් තුළ දැවී දැවී තිබුණු ප්‍රශ්නවලට තමා ළඟටම ඇවිත් විසඳුම් දෙන්න පොරොන්දු වුණේ නැත. ඉතින් ඒ ජනතාවට මීටත් වඩා නත්තල් තෑග්ගක්‌ තවත් තිබිය හැකිද?

කුෂාන් සුබසිංහ

ශ‍්‍රීධරන් පාර්ලිමේන්තුවේ මහවිරු දේශන තියනවා… කැමරන් එංගලන්තයේ කොටි සමරනවාවේළුපිල්ලේ පිරිබාහරන් ජාතික විරයෙක් උන්නැහේව අපි සමරනවා කියා දෙමළ ජාතික සන්ධානයේ මන්ත්‍රීවරයෙක් පාර්ලිමේන්තුවේදී ප්‍රකාශ කර තිබෙන බවත් එම ප්‍රකාශය කළ ශ්‍රීධරන් මන්ත්‍රීවරයාට එරෙහිව පවතින නීති වෙනස් කර හෝ නීතිය ක්‍රියාත්මක කළ යුතු බවත් මේ වැනි ප්‍රකාශ කරන අයට විරුද්ධව නීතිය ක්‍රියාත්මක  නොකළ නිසා නියපොත්තෙන් කඩා ඉවත් කිරීමට තිබු දේවල් පොරවෙන් කපලාවත් ඉවත් කීරිමට බැරි තත්වයකට මේ රට පත්වුණ බවත් ඉදිකිරීම්, ඉංජිනේරු සේවා නිවාස හා පොදු පහසුකම් අමාත්‍ය විමල් වීරවංශ මහතා අවධාරණය කරයි.

අමාත්‍යවරයා මෙම අදහස් පළ කළේ රුපියල් ලක්ෂ 239ක වියදමින් මුළුමනින්ම ප්‍රතිසංස්කරණය කරන ලද කොළඹ 12 අලුත්කඩේ මහල් නිවාස ව්‍යාපෘතිය හා ඩයස්පෙදෙස මහල් නිවාස ව්‍යාපෘතිය ජනතා අයිතියට පත්කිරීම වෙනුවෙන් පැවති උත්සවයේ ප්‍රධාන ආරාධිතයා වශයෙන් සහභාගි වෙමිණි. මෙම උත්සවය ඩයස් පෙදෙස නිවාස ව්‍යපෘතිය අසල ඇති ශාන්ත සෙබස්තියන් මාර්ගය අසල පැවැත්විණ.

මෙහිදී වැඩිදුරටත් අදහස් දැක්වූ විමල් වීරවංශ අමාත්‍යවරයා ‘අද මේ රට අභියෝග කන්දක් මැද්දේ ඉදිරියට යනවා. කොටි ත්‍රස්තවාදය ඉවත් කළාට තවම ඒහි අවතාර, විවිධ හොල්මන් වැඩකරන බව පත්තර බැලුවහම තමුන්නාන්සේලාට පේනවා. උතුරේ තැන් තැන් වල මහවිරු දින සැමරුම් පවත්වන්න දෙමළ ජාතික සන්ධානය වර්ථමානයේ කටයුතු කරනවා. දෙමළ ජාතික සන්ධානයේ ශ්‍රීධරන් මන්ත්‍රීවරයා පාර්ලිමේන්තුවේ දී කියනවා වේළුපිල්ලේ පිරිබාහරන් ජාතික වීරයෙක් උන්හැහෙව අපි සමරනවා කියලා. හරිනම් නීති වෙනස් කරලා හරි ඒ මන්ත්‍රීවරයාට එරෙහිව නීතිය ක්‍රියාත්මක කරන්න ඕන. ඔයවගේ ප්‍රකාශ කරන අයට විරුද්ධව නීතිය ක්‍රියාත්මක නොකළ නිසා තමයි නියපොත්තෙන් කඩන්න තිබුණු දේවල් පොරවෙන් කපලා ඉවර කරන්න වත් බැරිවෙන තත්වයකට මේ රට පත්වුණේ. සමහර දෙමළ දේශපාලනඥයන්ට අවශ්‍ය වෙලා ඇත්තේ තැවත උතුර ගිනිතියන්න. උතුරු නැගෙනහිර ඉන්න ජනතාව නැවත ත්‍රස්තවාදී සටන් මාර්ගයකට ඇදගෙන එන්න. එසේ කටයුතු කිරීමෙන් ඒ අය බලාපොරොත්තු වන්නේ නොමිලේ පාර්ලිමේන්තුවට එන්න.නැත්නම් මිනිසුන්ට වැඩ කරන්න වෙනවා. එහෙම නැතිව දෙමළ ජාතිය කියලා දහපාරක් විතර කියපු ගමන් අර ජාතිවාදය, වෛරය අවුලලා පාර්ලිමේන්තුවට එන්න පුළුවන්.

ඡන්දයක් කිට්ටු වෙලා ජාතිය ජාතිය කියලා කියන්න විතරයි ඒ අයට තියෙන්නේ. එතකොට නවතින්නේ පාර්ලිමේන්තුවේ. දැන් බලන්න කැමරන් අගමැතිතුමා ඉන්න මහා බ්‍රිතාන්‍ය මහා විරුදින උත්සව පවත්වනවා. ඒ අය මෙහෙ ඇවිල්ලා උදයන් පත්තරේ කාර්යාලයට යනවා. යාපනේ පුස්තකාලය බලනවා. දෙමළ ජනාසමාජයේ බෙදුම්වාදී මත දරණ අයට වීශාල ලෙස සහයෝගය දෙනවා. අද ඇතැම් යුරෝපා රටවල්  ඊනියා මහවිරු දිනය සමරනවා. මාර්තු වල ජිනිවා හිදී ශ්‍රී ලංකාවට විරුද්ධව යුධ අපරාධ චෝදනා පිළිබඳ අන්තර් ජාතික පරීක්ෂණය පටන් ගන්නවා කියලා තර්ජනය කරනවා. ඒ අතර ඊ.පී.ඩී.පී  පක්ෂයේ ඩෙලෆ් දුපතේ ඉන්න සභාපතිතුමාව වෙඩි තියලා මරනවා. එදා දොරේයප්පා නගරාධිපතිතුමාව ඝාතනය කළා වගේ කොටින්ගේ ත්‍රස්තවාදය නැවත ආරම්භ කිරීමේ පළවෙනි සලකුණ බවට මේ ඩෙලෆ් දුපතේ සභාපතිතුමාගේ ඝාතනය ඇතැම් වෙලාවට පත්වෙන්න පුළුවන්. එක පැත්තකින් කැමරන් මහත්තයල ගිනි අවුලනවා. මෙහේ ඩෙලෆ් දුපතේ  සභාපතිතුමාව රෑ නිදාගෙන ඉන්න කොට මරනවා. අරහේ ඊනියා මහවිරු දිනයට ඉටිපන්දම් පත්තුවෙනවා. මාර්තුවල ජීනිවාවලදී  යුධ අපරාධ චෝදනා ගැන අන්තර් ජාතික පරීක්ෂණයක් ආරම්භ කරනවා කියලා චෝදනා කරනවා. රටට නිදහසේ හුස්ම ගන්න ඉඩදෙන්නේ නැහැ කියලා මේ සියල්ලෙන්ම අපිට පේනවා. ඒ අය නැවත මේ රට ගිනිතියන්න බලනවා. රට ගිනිතියන්න හදන ඒ බලවේග වලට ඉඩදෙන්නේ නැතිව මේ රට ආරක්ෂා කර ගැනිමේ ලොකු වගකීමක් අපට තියෙනවා.

අද රජය  යුද්ධයෙන් මියගිය පුද්ගලයන්ගේ හා විනාශ වුණු දේපළ පිළිබඳ සම්පුර්ණ සංගනණයක් කරනවා. පසුගිය යුද්ධ කාළේ මියගිය පුද්ගලයන්ගේ හා විනාශ වුණු දේපළ පිළිබඳව මොන විදිහේ විනාශයක් ද වුණේ කියලා සංගනණය කරලා එහි වාර්තාව එන කොට තමුන්නාන්සේලාට පේනේවි අවුරුදු  30ක යුද්ධයෙන් ජීවිත හා දේපළ මොනතරම් විනාශයක් වුණාද කියලා . දැන් යුද්ධය අවසන් කරලා සියළු ජාතින් එකට එකතුව සමගියෙන් ජිවත්වෙන්න පටන් ගන්නකොට මේ ගොල්ලෝ බලනවා නැවතත් මේ රටේ ගිනි අවුළුවන්න. ඒනිසා තමයි රටට හතුරුව මේ සියළු දේවල් කරන්නේ. චැනල් 4 මාධ්‍යවේදීන් ලංකාවට එරෙහිව දැවැන්ත සන්නිවේදන ත්‍රස්ත මෙහෙයුමක් ලෝකය පුරා දියත් කරන්නේ ඒකට. ඒදා යුද්ධයට වැය කරපු සල්ලි තමයි අද මේ මහල් නිවාස යෝජනා ක්‍රම නවීකරණය කරන්න යොදවන්නේ .යුද්ධය තිබුණා නම් මේ වැඩ කරන්න හැකි වෙන්නේ නැහැ. මුළු රටේම අද මාර්ග නවීකරනය වෙන්නේ, පැල්පත් වාසී පවුල් 60000 ක් අද කොළඹ නගරයේ මහල් නිවාසවල පදිංච් කරන්නේ, අද ඩයස් පෙදෙස හා අළුත් කඩේ මහල් නිවාස ප්‍රතිසංස්කරණය කෙරෙන්නේ යුද්ධය වෙනුවෙන් වියදම් කරපු මුදල් වලින්. එදා යුද්ධය අවසන් කිරීමේ ප්‍රතිලාභ කොළඹ නගරයේ ජනතාවට අද ලැබෙනවා. එමනිසා මේ රට කොටවන්න, ජාතීන් අතර සමගිය නැතිකරන්න, ත්‍රස්තවාදය මේ රටේ නැවත ඇතිකරන්න, රටේ ජනකොටස් කොටවලා ත්‍රස්තවාදයට අතහිත දෙන අන්තර් ජාතික බලවේග වලට වාසි ලැබෙන්න ඉඩ තියන්න  එපා.

කොළඹ නගරයේ සංවර්ධනය පිළිබඳ අදහස් දැක්වූ විමල් වීරවංශ අමාත්‍යවරයා “මෙවර අයවැයෙන් ජනාධිපතිතුමා රුපියල් මිලියන 2000 ක මුදලක් වෙන්කළා මහල් නිවාස ප්‍රතිසංස්කරණ කටයුතු වේගවත්ව ඉදිරියට කරගෙන යන්න. ඒ නිසා අපි බලාපොරොත්තු වෙනවා කෙළඹ මහල් නිවාස සියල්ලම නවීකරණය කරලා, අලුත් කොළඹට ගැලපෙන මහල් නිවාස යෝජනාක්‍රම පද්ධතියක් බවට සියලුම මහල් නිවාස යෝජනා ක්‍රම ලබන වසරේදී පරිවර්තනය කරන්න. මේ අලුත්කඩේ මහල් නිවාස යෝජනා ක්‍රමයත් ඩයස් පෙදෙස මහල්නිවාස යෝජනා ක්‍රමය ඇතුළු මහල් නිවාස 30කට වැඩි ප්‍රමාණයක් මේ වනවිට ප්‍රතිසංස්කරණය කරලා තියෙනවා. බෝධිරාජමාවතේ උත්සවශාලාව, සමගිපුර, ස්ටේට්පුර, කිරුලපුර, බොරැල්ල සර්පන්ටයින්, මාලිගාවත්ත, ගුණසිංහපුර, වේලුවනපුර,  ආමර්වීදිය, ආරාමයපාර, ඇල්විටිලග මාවත, විතානගේ මාවත ආදි පැරණි මහල්නිවාස යෝජනා ක්‍රම 30ක අධික ප්‍රමාණයක් රුපියල් මිලියන දහස් ගණනක් ආයෝජනය කරලා ප්‍රතිසංස්කරණය කරලා තියෙනවා. 2011 ජනසෙවණ නිවාස හා ජනාවාස සංවර්ධන වැඩසටහන යටතේ අලුත් නිවාස ක්‍රම හදනව වගේම පැරණි මහල් නිවාස යෝජනා ක්‍රම නවීකරණය කළයුතුයි කියලා අපි තීරණයක් ගත්තා. ඒවනවිට අතිගරු ජනාධිපතිතුමා නගමු පුරවර කියලා වැඩසටහනක් ආරම්භ කරලා තිබුණා. ඒ වැඩසටහන ඉදිරියට කරගෙන ඇවිල්ලා තියෙනවා. යාපනයේ ගුරු නගර් නිවාස ව්‍යාපෘතියත් අපි ප්‍රතිසංස්කරනය කරනවා. යුද්ධයේදී විනාශ වුණු යාපනයේ තියෙන මහල් නිවාස යෝජනාක්‍රම පවා මේ වැඩ පිළිවෙල යටතේ අපි ප්‍රතිසංස්කරණය කරනවා.  සිංහල, දෙමළ, මුස්ලිම් භේදයකින් තොරව අපි තමුන්නාන්සේලාට අයිති දේ ඉටුකරදිය යුතු නිසා තමයි මේ වැඩ පිළිවෙල දියත්කරළා තියෙන්නේ.

කොළඹ නගරයේ නව පිබිදීමක් වෙලා කොළඹ නගරය සාමාන්‍යයෙන් සලකන්නේ අලින්ගේ අලිමංකඩක් හැටියට. එක්සත් ජාතික පාක්ෂිකයන් හිතනවා එක්සත් ජාතික පක්ෂ නොවන රජයක් තියෙනකොට කොළඹට වැඩකරනවා අඩුයි කියලා. 2001  වික්‍රමසිංහ මහත්තය හිටිය කාලෙත් සංවර්ධනයක් කොළඹට වුණේ නැහැ. එක්සත් ජාතික පක්ෂය නොවන රජයක් තියෙනකොට පවා කොළඹට වැඩ කෙරෙන බව අද අපි ඔප්පු කරලා ඉවරයි. මේ රටේ රට වැසියන් වශයෙන් ඔවුන්ට ඉටුවියයුතු සේවාවන් ඉටුකරලා තියෙනවා. අපිට ඡන්දය දීපු අය ඉනන්වද කියලා බැලුවේ නැහැ. මම පසුගිය ඡන්දය කාලේ මේහෙම පොරොන්දුව දීලා ගියේ නැහැ. මේ ඉටුකරන්නේ නොදුන්න පොරොන්දු. 1994 සිට තමුන්නාන්සේලට එක්සත් ජාතික පක්ෂය රජයක් ලැබෙනකල් මේ වගේ සංවර්ධනයක් සිදුවෙයි කියලා විශ්වාසයක් තිබුණේ නැහැ. ඒ නිසා කොළඹට වැඩ කරන්න අලිංගෙ ආණ්ඩු ඕන කියලා කතාවක් දැන් නැහැ. කොළඹ ජීවත්වන ජනතාවට මේ රජය වැඩ කරනවා.

අද පවුල් 60,000 ක් පමණ  ඉන්නෙ අඩු පහසුකම් ජනාවාස වල. ඒවායේ ළමයි පාසල් වලදි විහිලු, තහලුවට ලක්වන්නේ ඔවුන් ජිවත් වන ජනාවාස වල නම කියලා. කොළඹ ප්‍රධාන පාසල්වලට එම දරුවන් යනවා. එවිට ඔවුන් විශාල අසීරුතාවයට පත්වෙනව. එම් ළමයින්ගේ පදිංචිය හදුන්වන්නේ වත්තට අයිති ඉලක්කම් වලින්. ඒ නම් කියපු ගමන් ලමයින්ගේ පෞර්ෂය නැති වෙනවා. සමහර වතුවලට කියන්න බැරි නම් තියෙන්නේ. වැඩිහිටියෝ එම තත්ත්වයන්ට පුරුදු වෙලා ඇති.  නමුත් දරුවන් ඒ අත්වන ඉරණමෙන් බේරගන්න ඕන. ඒ නිසා කොළඹ නගරයේ පැල්පත් වාසීන් 60,000 ක් වෙනුවෙන් නවීන මහල් නිවාස හදලා පදිංචි කරන්න වැඩ පිළිවෙලක් ක්‍රියාත්මක කරල තියෙන්නේ. එහි පළමු පදිංචි පවුල් 500 දෙනාව දෙමටගොඩ පදිංචි කෙරුවා. මේ වසර අවසන් වනවිට පවුල් 20,000 ක් කොළඹ මහල් නිවාස වල පදිංචි කරනවා. ඔවුන් පදිංචිවෙලා සිටි මුඩුක්කු කියන අඩුපහසුකම් ජනාවාස මේ නගරයේ දිදුලන තැන් බවට පත්වෙනවා. කොළඹ ආයෝජන වැඩිවී නව රැකියා අවස්ථා නිර්මාණය වෙනවා.

කොළඹ තිබුණු මරබිය ජනාධිපතිතුමාගේ නායක්වය මගින් නැතිකරලා තියෙනවා. පිටකොටුව බෝගහහන්දියෙන් යන්නැතිව වෙන මාර්ග වලින් යන කාලයක් තිබුණා. සිංහල, දෙමළ, මුස්ලිම් කියලා භේදයකින් තොරව මරණ බයට මුහුණ දීලා සිටියා. මේ රට මිනීමරු ත්‍රස්තවාදයෙන් නිදහස් කරගත්තා පමණක් නොවේ මේ රට සංවර්ධනය කරන්නත් අතිගරු ජනාධිපතිතුමා කටයුතු කරලා තියෙනවා. එදා යුද්ධයට වැය කරපු සල්ලි තමයි අද මේ මහල් නිවාස යෝජනා ක්‍රම නවීකරණය කරන්න යොදවන්නේ. යුද්ධය තිබුණා නම් මේ වැඩ කරන්න හැකි වෙන්නේ නැහැ. මුලු රටේම අද මාර්ග නවීකරණය වෙන්නේ , පැල්පත් වාසී පවුල් 60,000 ක් අද කොළඹ නගරයේ මහල් නිවාසවල පදිංචි කරන්නේ, අද ඩයස් පෙදෙසේ හා අලුත් කඩේ මහල් නිවාස ප්‍රතිසංස්කරණය කෙරෙන්නේ එදා යුද්ධයට වියදම් කරපු සල්ලි වලින් . එමනිසා මේ රට කොටවන්න, ජාතීන් අතර සමගිය නැතිකරන්න, ත්‍රස්තවාදය මේ රටේ නැවත ඇතිකරන්න, රටේ ජන කොටස් කොටවලා ත්‍රස්තවාදයට අතහිත දෙන අන්තර් ජාතික බලවේග වලට වාසි ලැබෙන්න ඉඩ තියන්න එපා.

මට හේමා ප්‍රෙමදාස මැතිණිය දුරකතනයෙන් කතා කරලා මේ ඉටුකරපු සේවයට සුභ පැතුවා. අසනීප තත්වයක් නිසා එතුමියට පැමිණීමට නොහැකි බව දැනුම්දුන්නා. එතුමියටත් පේනවා කොං කරලා තිබුණු කොළඹ නගරය අද සංවර්ධනය කරලා ති‍යෙනවා කියලා. අද රනිල් මහත්තයා ළග ඉන්නවාට වඩා එක්සත් ජාතික පක්ෂයේ පාක්ෂිකයෝ ඉන්නේ ආණ්ඩුවේ. කරූ ජයසූරිය මහත්තයා පවා දැන් එක්සත් ජාතික පක්ෂයේ සිටියාට එක්සත් ජාතික පක්ෂයේ ඉදලා රජයට ඇවිල්ලා නැවත එක්සත් ජාතික පක්ෂයට ගිය කෙනෙක්. නැවත රජයට එයිද කියලා අපි දන්නේ නැහැ. එක්සත් ජාතික පක්ෂයේ උරුමක්කාරයන්ට පුළුවන් නම් රජය ඇවිල්ලා කටයුතු කරන්න  මේ ජනතාව රජටය ඇවිල්ලා වැඩ කරන එක ඒ තරම් දෙයක් නෙවේ.

එදා අසාර්ථක රාජ්‍යයක් කියලා කොංකරලා තිබුණු රට අද පොදුරාජ්‍ය මණ්ඩල රාජ්‍ය නායක පවත්වන තත්වයටත් ගෙනල්ලා. පොඩි අඩුපාඩුවක් වත් නොවන විදිහට ලෝක රාජ්‍ය නායක සමුළු පවත්වනවා. දවසින් සවස මේ විදිහට මේ රට දියුණු වෙනවා. වෙනදා මරබිය, බඩගිනි, ප්‍රජාතන්ත්‍රවාදී දේශපාලන නිදහස වැනි අංශ වල එක එක ප්‍රශ්න තිබුණා. අද තියෙනවා නම් තියෙන්නේ ආර්ථික අමාරුකමේ ප්‍රශ්නය විතරයි. එදා තිබුණු අමාරුකම් අද නැහැ. ආර්ථික අභියෝග ජයගැනීමේ ප්‍රශ්නය තමයි අද තියෙන්නේ. ඒ අභීයෝගයත් අද ජයගනිමින් පවතිනවා”.

මෙම ප්‍රතිසංස්කරණයෙන් පසු මහල් නිවාසවල වැසියන් ලබාගන්නා ප්‍රතිලාභ පිළිබඳ අදහස් දැක්වූ අමාත්‍යවරයා  ” පරණ මහල් නිවාසවල දරුවෙකුට මනමාලියක් හෝ මනමාලයෙක් බලන්න ආවොත් කසාදේ කෙරෙන්නේ නැහැ. මගදි හමුවුනොත් නම් කෙරෙනවා ගෙදරට ගෙනාවොත් නම් ඒක කෙරෙන්නේ නැහැ. දැන් මේ නිවාස වල වටිනාකම වැඩිවෙනවා. දැන් මනමාලයෙක් ගෙදරට ආවොත් යවා ගන්න අමාරු වෙනවා. එය දරුවන්ගේ මානසික සුවයට විශාල සාධනයක්. එ දරුවන් සුභවාදී හැගීමෙන් ඉදිරියට යන දරුවන් බවට පත්වෙනවා. දරුවන් නැගිටිසිටුවන්න අත්වැලක් අද ක්‍රියාත්මක කරන්නේ. මේ ප්‍රතිසංස්කරණය කරපු මහල් නිවාස ඇස්දෙක වගේ රැක බලාගනී කියා අපි විශ්වාස කරනවා. කලමණාකරණ සංස්ථාව සමග එකතුවෙලා ආරක්ෂා කරන්න තමුන්නාන්සේලා කැපවිය යුතුයි. ” යනුවෙන්ද විමල් වීරවංශ අමාත්‍යවරයා මෙහිදී වැඩිදුරටත් පැවසීය.

මෙහිදී අදහස් දැක්වූ නාගරික කටයුතු පිළිබඳ ජ්‍යෙෂ්ඨ අමාත්‍ය ඒ. එච්. එම්. ෆවුසි මහතා  “ මැදකොළඹ මහල් නිවාස ප්‍රතිසංස්කරණය කිරීම ගැන මැදකොළඹ ජනතාව වෙනුවෙන් විමල් වීරවංශ ඇමතිතමාට ප්‍රණාමය පුදකරනවා. වසර ගනනනකට පසු මේ වගේ ලස්සන පරිසරයකම ජනතාව ගෙන ඒමට විමල් වීරවංශ ඇමතිතුමාට හැකිවුණා. මීට පෙර මේ නිවාස වල දරුවන්ට මංගල යෝජනාවක් වත් සාර්ථක කරගන්න හැකිවුණේ නැහැ. මේ නිවාසවල හා පරිසරයේ තිබුණු අපවිත්‍රභාවය දැක්කහම, ඒ වගේම මේ නිවාස වල ජීවත්වන ජනතාව අපවිත්‍රයි කියලා බොහෝ අය හිතුවා. නමුත් දැන් ඒ තත්ත්වය වෙනස්වෙලා. අතිගරු ජනාධිපතිතුමා දෙවරක්ම ජයග්‍රහණය කරා ගෙනියන්න කැපවුණු කෙනෙක් විමල් වීරවංශ ඇමතිතුමා. එතුමා විරුද්ධ පක්ෂවල ඡන්ද ලබාගැනීමට පවා කරුණු හරිහැටි ඔවුන්ට  පැහැදිළි කරලා විශාල කැපවීමක් කළා. එ නිසා අතිගරු ජනාධිපතිතුමාත් එතුමාට උපරිම සහයෝගය ලබාදෙනවා. ගියවර මහ මැතිවරණයේදී විමල් වීරවංශ අමාත්‍යවරයා කොළඹ දිස්ත්‍රික්කයේ වැඩිම ජනතා කැමැත්ත ගත්තු දේශපාන නියෝජිතයා බවට පත්වුණා. සිදුකරගෙන යන ජනතා මෙහෙවර හේතුවෙන් මීලඟ මහා මැතිවරණයේදී ගියවරටත් වඩා වැඩි ඡන්ද ප්‍රමාණයක් වීරවංශ අමාත්‍යතුමා ලබාගන්න බව ස්ථීරයි ”යනුවෙන් ද පැවසීය.

අතිගරු ජනාධිපති මහින්ද රාජපක්ෂ මැතිතුමාගේ “ මහින්ද චින්තන ඉදිරි දැක්ම ”  යටතේ විමල් වීරවංශ අමාත්‍යවරයාගේ උපදෙස් පරිදි ක්‍රියාත්මක “ ජනසෙවණ   නගමු පුරවර ” වැඩසටහන යටතේ මෙම මහල් නිවාස සංකීර්ණ මෙසේ පූර්ණ ප්‍රතිසංස්කරණයන්ට ලක්කෙරිණ. වර්ෂ 1972 දී ඉදිකරනු ලැබූ අලුත්කඩේ  මහල් නිවාස ව්‍යාපෘතිය ගොඩනැගිලි 4 කින් හා නිවාස 95 කින් සමන්විතය. ඊට අමතර ප්‍රජාශාලාවක්ද පිහිටා ඇත. මේ නිවාස ව්‍යාපෘතිය මෙලෙස පුළුල් ප්‍රතිසංස්කරණයකට ලක්වුනේ වසර 41 කට පසුව වීම වීශේෂත්වයකී. මෙම නිවාස ව්‍යාපෘතිය ප්‍රතිසංස්කරණය සඳහා වැයකර ඇති මුදල රුපියල් ලක්ෂ 177 කි.

ඩයස්පෙදෙස මහල් නිවාස ව්‍යාපෘතිය අරඹා ඇත්තේ වර්ෂ 1980 දීය. ගොඩනැගිලි  3 කින් සමන්විත  එහි නිවාස  38 ක් පිහිටා ඇත. මෙම නිවාස ව්‍යාපෘතිය මෙසේ පුළුල් ප්‍රතිසංස්කරණයකට ලක්වන්නේ වසර 33 කට පසුවය. මේ සඳහා වැයකර ඇති මුදල රුපියල් ලක්ෂ 62 කි.

මෙම නිවාස ව්‍යාපෘති මෙසේ ප්‍රතිසංස්කරණය කරන ලද්දේ ඉදිකිරීම්, ඉංජිනේරු සේවා, නිවාස හා පොදු පහසුකම්  අමාත්‍යාංශයට අයත් සහාධිපත්‍ය කළමණාකරන අධිකාරිය විසිනි.

මහල් නිවාස මුළුමනින්ම ප්‍රතිසංස්කරණය කිරීම යටතේ ඒවායේ තීන්ත ආලේප කිරීම, වහල අලුත් වැඩියාව, වැහිපීලි හා වැසි නල අලුත්වැඩියාව, කපරාදු කොටස්  සිදුකිරීම, මළ නාලිකා අලුත්වැඩියාව, ජල ටැංකි අලුත්වැඩියාව, ජල කාන්දු සැකසීම, මනු වලවල් ඉදිකිරීම,  භූමිය ප්‍රතිසංස්කරණය කිරීම ප්‍රජාශාලාව  හා උද්‍යාන අලංකරණය, යටිතල පහසුකම් සංවර්ධනය කිරීම ඇතුළු තවත් ප්‍රතිසංස්කරණ රාශියක් මෙහිදී සිදුකර ඇත.

Aluthkade-02

මා වග කියන්නේ ඡන්දදායකයන්ට පමණයි

මා වග කියන්නේ ඡන්දදායකයන්ට පමණයි
විග්නේෂ්වරන් කියයි

කීර්ති වර්ණකුලසූරිය

ද්‍රවිඩ සන්ධානය ලියාපදිංචි පක්‍ෂයක්‌ නොවන බවත් තමා වගකියන්නේ ඡන්දදායකයන්ට පමණක්‌ බවත් උතුරු මහ ඇමැති සී. වී. විග්නේෂ්වරන් මහතා යාපනයේ මාධ්‍ය අමතා ප්‍රකාශ කර ඇත.

තමා කිසිදු දේශපාලන පක්‍ෂයක සාමාජිකයකු නොවන බව පැවසූ විග්නේෂ්වරන් මහතා ද්‍රවිඩ සන්ධානය පක්‍ෂ හතරකින් සැදුම්ලත් සංවිධානයක්‌ බවත් ඔවුන් තමාගෙන් මහ ඇමැති ධුරයට තරග කරන ලෙස ඉල්ලා සිටිය බවත් කීවේය.

උතුර හමුදාකරණයෙන් නිදහස්‌ විය යුතුයි යන ඉල්ලීම ද්‍රවිඩ සන්ධාන මන්ත්‍රී එම්. කේ. සුමන්තිරන් විසින් බැහැර කළ බවටද විග්නේෂ්වරන් චෝදනා කළේය.

යුද්ධය අවසන් කළ නායකයා දැන් කොමිෂන් ගානේ රස්‌තියාදු වෙනවා

යුද්ධය අවසන් කළ නායකයා
දැන් කොමිෂන් ගානේ රස්‌තියාදු වෙනවා
-විමල් වීරවංශ

උදේශ සංජීව ගමගේ

ප්‍රංශයට පසුගියදා එල්ල කළ ප්‍රහාරයෙන් පසු දැන් මහින්ද රාජපක්‍ෂ වැනි නායකයකු හොයනවා. ඒත් තිස්‌ අවුරුද්දක යුද්ධය අවසන් කළ නායකයා දැන් උසාවි ගානේ, කොමිසම් ගානේ රස්‌තියාදු වෙනවා.

කොලොන්නාවේදී ජාතික නිදහස්‌ පෙරමුණේ පාක්‍ෂිකයන් පිරිසක්‌ අමතමින් පක්‍ෂ නායක විමල් වීරවංශ එසේ පැවසීය.

මහින්ද රාජපක්‍ෂ මහතාගේ උපන්දිනය 18 වැනිදාට යෙදී තිබෙනවා. ඊට පසුවදා ඔහු උසාවියට කැඳවා තිබෙනවා. ඒ කේක්‌ ගෙඩියක්‌ කපන්නද දන්නේ නැතැයිද ඔහු වැඩිදුරටත් පැවසීය.

 

විමල්ට, උදයට පාර්ලිමේන්තුවේ පක්‍ෂ නායක වරප්‍රසාද අහිමි කෙරේ ඉදිරි පෙළ අසුන් නෑ. විශේෂ ප්‍රකාශත් බැහැ

විමල්ට, උදයට පාර්ලිමේන්තුවේ
පක්‍ෂ නායක වරප්‍රසාද අහිමි කෙරේ
ඉදිරි පෙළ අසුන් නෑ. විශේෂ ප්‍රකාශත් බැහැ

අකිත පෙරේරා

විමල් වීරවංශ මහතාගේ ජාතික නිදහස්‌ පෙරමුණ සහ උදය ගම්මන්පිල මහතාගේ පිවිතුරු හෙළ උරුමය පාර්ලිමේන්තුව තුළ පිළිගත් දේශපාලන පක්‍ෂ ලෙස නොසැලකීමට ප්‍රධාන පක්‍ෂ නායකයන් තීරණය කර තිබේ. එම මන්ත්‍රීවරුන් පාර්ලිමේන්තුව තුළ පක්‍ෂ නායකයන් ලෙස නොව එක්‌සත් ජනතා නිදහස්‌ සන්ධානයේ පාර්ලිමේන්තු මන්ත්‍රීවරුන් ලෙස පමණක්‌ සැලකීමට තීරණය කර ඇති අතර පාර්ලිමේන්තුව නියෝජනය කරන පක්‍ෂ නායකයන්ට හිමිවන වරප්‍රසාද මින් ඉදිරියට ඔවුනට අහිමි වේ.

ඒ අනුව එම මන්ත්‍රීවරුන් දෙදෙනාට පාර්ලිමේන්තුවේ ඉදිරි පෙළ අසුන් අහිමිව යන අතර 23 (II) යටතේ සිදු කරනු ලබන විශේෂ ප්‍රකාශ ඇතුළු පක්‍ෂ නායකයන්ට හිමිවන සියලු වරප්‍රසාද ද ඔවුන්ට අහිමි වේ.

අටවැනි පාර්ලිමේන්තුවේ පිළිගත් දේශපාලන පක්‍ෂ වශයෙන් එක්‌සත් ජාතික පක්‍ෂය, එක්‌සත් ජනතා නිදහස්‌ සන්ධානය, දෙමළ ජාතික සන්ධානය, ජනතා විමුක්‌ති පෙරමුණ, ශ්‍රී ලංකා මුස්‌ලිම් කොංග්‍රසය සහ ඊ. පී. ඩී. පී. යන පක්‍ෂ හය පමණක්‌ පිළිගැනීමටත් පක්‍ෂ නායකයන් තීරණය කර තිබේ.

මේ සඳහා කථානායක කරු ජයසූරිය මහතාගේ අනුමැතිය හිමි වූ බව පක්‍ෂ නායකයෙක්‌ “දිවයින”ට කීය.

රජිව් ගාන්ධි රැවටූ ස්‌ථානයේදී ඡන්ද සටන ඇරඹූ “ප්‍රජාතන්ත්‍රවාදී සටන්කාමියෝ”

රජිව් ගාන්ධි රැවටූ ස්‌ථානයේදී
ඡන්ද සටන ඇරඹූ “ප්‍රජාතන්ත්‍රවාදී සටන්කාමියෝ”

ප්‍රජාතන්ත්‍රවාදී සටන්කාමියෝ මැතිවරණ ප්‍රකාශනය එළිදැක්‌වීමට දැරූ උත්සාහය

උතුරේ සිදුවන්නේ කුමක්‌ද? මෙරට බහුතරය උතුරේ සිදුවන ක්‍රියාකාරකම් නොදනී. පසුගිය සෙනසුරාදා යාපනයේ ඌරාවිල් හිදී ද්‍රවිඩ පක්‍ෂ පහක නියෝජිතයන්ගේ සාකච්ඡාවක්‌ පැවැත්විණි.

එහිදී ද්‍රවිඩ සංධානය, ද්‍රවිඩ ජාතික ජනතා පෙරමුණ ද්‍රවිඩ එක්‌සත් විමුක්‌ති පෙරමුණ ඊ. පී. ඩී. පී. සහ ප්‍රජාතන්ත්‍රවාදී සටන්කාමියෝ නමැති පක්‍ෂවල නියෝජිතයන් එක්‌වී “වන්නි මෙහෙයුම” පිළිබඳ ජාත්‍යන්තර විමර්ෂණයක්‌ පැවැත්විය යුතු බවට යෝජනාවක්‌ සම්මත කරගනු ලැබීය. ද්‍රවිඩ සංධාන හිටපු මන්ත්‍රී සුමන්තිරන්, ද්‍රවිඩ ජනතා ජාතික පෙරමුණේ ප්‍රකාශක මානිමන්තන්a, ද්‍රවිඩ එක්‌සත් විමුක්‌ති පෙරමුණේ අපේක්‍ෂක විග්නරාජා, ප්‍රජාතන්ත්‍රවාදී සටන්කාමියෝ පක්‍ෂයේ නායක විද්‍යාදරන් හා ඊ. පී. ඩී. පී. නායක ඩග්ලස්‌ දේවානන්දන් සහභාගි වූ මෙම සාකච්ඡාවේදී වන්නි මෙහෙයුම පිළිබඳ සෙවීමට ජාත්‍යන්තර යාන්ත්‍රණයක්‌ කඩිනමින් ස්‌ථාපිත කිරීමට අන්තර්ජාතික ප්‍රජාව ක්‍රියා කළ යුතු බව ඉල්ලා ඇත.

මෙම සාකච්ඡාවට පැමිණෙන ලෙස රජයට ද ඇරයුම් කර තිබූ නමුත් රජයේ නියෝජිතයකු සහභාගි වී නැත. මෙහිදී වැඩිදුරටත් සාකච්ඡාවට ලක්‌වූයේ වන්නි මෙහෙයුමින් විපතට පත්වූවන්ට කඩිනමින් යුක්‌තිය ලබාදිය යුතු බවත් ප්‍රමාදයකින් තොරව ජාත්‍යන්තර පරීක්‍ෂණයක්‌ ආරම්භ කළ යුතු බවයි. වන්නි මෙහෙයුම පිළිබඳව අන්තර්ජාතික පරීක්‍ෂණයක්‌ ඉල්ලන ද්‍රවිඩ පක්‍ෂ එහෙත් ද්‍රවිඩ සංධානය කොටි රූකඩය ලෙස ක්‍රියා කළේය. ප්‍රජාතන්ත්‍රවාදී සටන්කාමීන් නමින් වෙස්‌ මුහුණක්‌ පැළඳගෙන සිටින්නේ යුද අපරාධ රැසක්‌ සිදු කළ හිටපු කොටි ත්‍රස්‌තයන්ය. මොවුන් කවුදැයි දැන් හෙළි වී ඇත. ඝාතක ප්‍රභාකරන්ගේ ආරක්‍ෂක භටයන් දෙදෙනකු ප්‍රමුඛ කණ්‌ඩායමක්‌ උතුරේ මැතිවරණය සඳහා ස්‌වාධීනව තරග කරයි.

මේ එම හිටපු ත්‍රස්‌තයන්ය.

1. වෙන්ඩන් (කොටි ගුවන් ඒකකය), 2. කතීර් (කොටි ගුවන් ඒකකය), 3. ගාමිණී (කොටි ප්‍රහාරක ඒකකය- සීලන් කණ්‌ඩායම), 4. තුලාසි (කොටි පරිපාලන ලේකම්), 5. චාල්ස්‌ (කොටි කාලතුවක්‌කු ඒකකය), 6. අයියල් (වන්නි ටෙක්‌ කොටි පරිගණක ඒකකය), 7. ගංගයි (ටොසි බුද්ධි සේවා චරපුරුෂ ඒකකය), 8. අලාකන් (ඊළම් පොලිසිය), 9. තානි අරසු (කොටි හඬ ගුවන් විදුලිය), 10. මුරුගද්‍රාස්‌ (කොටි ආර්ථික අංශය)

මේ හිටපු කොටි ක්‍රියාකාරීන් පසුබිමේ ක්‍රියාත්මක වන්නේ ත්‍රිකුණාමල හිටපු කොටි හමුදා නායකයාව සිටි එලීලන්ගේ බිරිය වූ ආනන්දි සසිදරන් සහ ප්‍රභාකරන්ගේ සමීපතම ඥතියකු වන සිවාජිලිංගම්ය. මෙලෙස මැතිවරණයට තරග කරන හිටපු කොටි කණ්‌ඩායමේ නායකයා ප්‍රභාකරන්ගේ ප්‍රධාන රැකවලා වූ සිවනාදන් රවීන්ද්‍රන් නොහොත් වෙන්ඩන් ය.

මේ පසුබිම මත ගුවන් යානා විනාශ කළ කොටි ගුවන් ඒකකයේ හිටපු ත්‍රස්‌තයන් පවා “යුක්‌තිය” ඉල්ලීම විහිළුවක්‌ නොවේද? ද්‍රවිඩ පක්‍ෂ පහ තුළ එකී ඉල්ලීම ගැන අනාවරණය වන අවස්‌ථාවේ උතුරු මහඇමැති බ්‍රිතාන්‍යයේදී ශ්‍රී ලංකා රජයට අභ්‍යන්තර පරීක්‍ෂණයක්‌ පැවැත්වීම සඳහා කිසිසේත් සහය නොදෙන ලෙස එරට සර්ව පාක්‍ෂික මන්ත්‍රී කණ්‌ඩායමේ නායක ඡේමිස්‌ ධාරිගෙන් ඉල්ලා ඇත. එසේම එකී දේශීය පරීක්‍ෂණය සඳහා සහය වීමෙන් වලකින ලෙස බ්‍රිතාන්‍ය රජයට බලපෑම් කරන්නැයි ද විග්නේශ්වරන් තවදුරටත් දන්aවා තිබේ.

විග්නේශ්වරන් සිය බ්‍රිතාන්‍ය සංචාරයේදී එරට විදේශ ඇමැති වෙත ලේඛන කිපයක්‌ ද භාරදී ඇතත් ශ්‍රී ලංකා රජයට එම ලේඛන කුමක්‌දැයි හෙළි වී නැත.

එසේම උතුරු මහ ඇමැති විග්නේශ්වරන් සංහිදියාව සාමය ස්‌ථාපිත කිරීම සහ වගවීම යන කරුණු සඳහා සහාය වන්නැයි එක්‌සත් ජාතීන්ගේ සංවිධානයෙන් ඉල්ලා තිබේ.

මේ ඉල්ලීමට ප්‍රතිචාර දක්‌වා ඇති එක්‌සත් ජාතීන්ගේ සංවිධානය යුද අපරාධවලට සම්බන්ධ අය දඬුවම් ලබාදීම ප්‍රමාද කිරීමේ තත්ත්වය නිමා කිරීමටත් අවතැන්වූ ජනතාව යළි පදිංචි කිරීම සඳහාත් සාමය ස්‌ථාපිත කිරීමටත් යෑයි කියමින් ඩොලර් මිලියනයක මුදලක්‌ වෙන්කර ඇත.

එක්‌සත් ජාතීන්ගේ ප්‍රකාශක ස්‌ටෙප්මෙන් ඩුජාරික්‌ මේ බව අනාවරණය කිරීමෙන් ශ්‍රී ලංකාවේ ස්‌වෛරීභාවය දෙකඩ කිරීමට එක්‌සත් ජාතීන් ක්‍රියා කරන බව තහවුරු විය.

උතුරු ප්‍රදේශයේ ක්‍රියාකාරකම් සඳහා මහඇමැති විග්නේශ්වරන් මෙම ඉල්ලීම ශ්‍රී ලංකාවේ රජය අගමැති හෝ ජනාධිපති මගින් එක්‌සත් ජාතීන් වෙත යොමු කර නැත. ඒ වෙනුවට ඔහු කර ඇත්තේ එක්‌සත් ජාතීන්ගෙන් සෘජුව අරමුදල් ලබා ගැනීමට ඉදිරිපත් වීමයි.

පසුගිය සෙනසුරාදා දහවල් එක්‌සත් ජාතීන්ගේ මූලස්‌ථානයේ පැවැති මාධ්‍ය සාකච්ඡාවකදී මහ ලේකම් බෑන් කී මූන්ගේ ප්‍රකාශක ඩුජාරික්‌ ශ්‍රී ලංකාව හඳුන්වා ඇත්තේ කොටස්‌කරුවකු ලෙසයි. මහ ඇමැති විග්නේශ්වරන් සෘජුව එක්‌සත් ජාතීන්ගේ අරමුදල් ඉල්ලීම ගැන රජය ද මෙතෙක්‌ කිසිදු ප්‍රකාශනයක්‌ කර නැත.

එසේම බෑන් කී මූන්ගේ ප්‍රකාශකයා තවත් බරපතළ ප්‍රකාශයක්‌ ද කර ඇත.

ශ්‍රී ලංකාව පිළිබඳ ජාත්‍යන්තර විමර්ශන වාර්තාව සැප්තැම්බර් මස ඉදිරිපත් කිරීමෙන් පසු දේශීය පරීක්‍ෂණයක්‌ ද, ජාත්‍යන්තර පරීක්‍ෂණයක්‌ ද යන්න තීරණය කරන්නෙමු යෑයි ඔහු තවදුරටත් සඳහන් කර ඇත. මේ පසුබිම මැද එක්‌සත් ජාතීන්ගේ සංවිධානය විග්නේශ්වරන්ට අරමුදල් ලබාදීමට යන්නේ එක්‌සත් ජාතීන්ගේ සාමය ස්‌ථාපිත කිරීමේ අරමුදල තුළිනි. මේ අරමුදල භාරව සිටින්නේ සහකාර ලේකම් ජෙප්රි පෙල්ට්‌ස්‌මන්ය.

පෙල්ට්‌ස්‌මන් පසුගියදා ශ්‍රී ලංකාවේ සංචාරකයකද නිරත විය. ඔහු පසුගිය පෙබරවාරි මස ශ්‍රී ලංකාවට පැමිණ රජය සහ උතුරු මහ ඇමැති විග්නේශ්වරන් සමඟ ද සාකච්ඡා පවත්වා ඇතැයි හෙළි විය. ශ්‍රී ලංකාවෙන් පිටව යැමට පෙර පෙල්ට්‌ස්‌මන් පැවසුවේ වගවීම සහ සංහිඳියාව යන කරුණු මත ශ්‍රී ලංකාවට සහාය වීමට තමා ක්‍රියා කරන බවයි.

මෙවන් තොරතුරු හෙළිවීම නිසා එක්‌සත් ජාතීන්ගේ සංවිධානය උතුරු මහ ඇමැති විග්නේශ්වරන් සහ එක්‌සත් ජාතීන්ගේ ආරක්‍ෂක මණ්‌ඩලයේ දේශපාලන කාර්යාලය මෙහෙයවන සහකාර ලේකම් ජෙෆ්රි පෙල්ට්‌මන් අතර ශ්‍රී ලංකාවට එරෙහිව අබිරහස්‌ මෙහෙයුමක්‌ දියත් වී ඇතැයි සනාථ වේ.

එම මෙහෙයුම නම් එක්‌සත් ජාතීන්ගේ සංවිධානයට ශ්‍රී ලංකාවේ උතුරු නැගෙනහිර කටයුතුවලට මැදිහත්වීමේ අවස්‌ථාව හිමිවීමයි.

ද්‍රවිඩ සංධානයේ මැතිවරණ ප්‍රකාශනයට ස්‌වයංපාලන යෝජනාව පවා ඇතුළත් කර ඇත්තේ එක්‌සත් ජාතීන්ගේ සංවිධානයේ ක්‍රියාදාමය විග්නේශ්වරන් ප්‍රමුඛ ද්‍රවිඩ සංධානයට වාර්තා වී තිබූ නිසාය.

මේ අතර රාජ්‍ය නොවන සංවිධානයක්‌ විසින් ශ්‍රී ලංකාව පිළිබඳ සත්‍ය හා යුක්‌තිය නමැති ව්‍යාපෘතිය නමින් වාර්තාවක්‌ද ප්‍රකාශයට පත් විය. මේ වාර්තාවට වත්මන් හමුදාපති ක්‍රිශාන්ත ද සිල්වාගේ නම ද ඇතුළත් කර තිබිණි. විදෙස්‌ රාජ්‍ය නොවන සංවිධානයක්‌ සකස්‌ කළ මෙම වාර්තාවෙන් සුදු වෑන් වලින් ද්‍රවිඩයන් පැහැරගෙන යනු ලැබූ බව ප්‍රකාශ විය.

මේ සාවද්‍ය තොරතුරු ඇතුළත් වාර්තාව ප්‍රකාශයට පත්වී සතියක්‌ ගත වීමට පෙර ශ්‍රී ලංකාවේ හිටපු ඕස්‌ට්‍රේලියානු මහකොමසාරිස්‌ බෘස්‌ ගේන් ඕස්‌ටේ්‍රලියානු ඒබීසී පුවත් සේවය අමතමින් ඕසට්‍රේ‍ලියානු පෙඩරල් පොලිසිය ශ්‍රී ලංකාවේ රහස්‌ පොලිසියට සුදුවෑන් රථයක්‌ ලබාදී ඇති බවත් ඊටත් අමතරව ද්‍රවිඩයන් සිටින ස්‌ථාන නිසි ලෙස දැන ගැනීමේ අධි තාක්‍ෂණ යන්ත්‍ර දෙකක්‌ සපයා ඇතැයි ද හෙළි කර ඇත.

කොටි හිතවාදියකු වූ බෘස්‌ ගේන්ගේ මේ හෙළිදරව්ව ගැන ඕස්‌ටේ්‍රලියානු පොලිසිය කිසිදු ප්‍රතිචාරයක්‌ දක්‌වා නැත.

එහෙත් බෘස්‌ ගේන් ඕස්‌ටේ්‍රලියානු කොටි ඩයස්‌පෝරාව සමග ක්‍රියා කරන බව අනාවරණය වී ඇත. අගෝස්‌තු 3 දා බ්‍රිතාන්‍ය චැනල් ෆෝ රූපවාහිනියේ අධ්‍යක්‍ෂ කැලම් මැක්‌රේ මතුවිය. සමස්‌ත ලෝකය අහක බලාගෙන සිටියදී ශ්‍රී ලංකා හමුදාව දස දහස්‌ සංඛ්‍යාත ද්‍රවිඩයන් ඝාතනය කළ බව මැක්‌රේ ප්‍රකාශ කර ඇත.

30 වැනි මානව හිමිකම් සමුළුව ආරම්භවීමට නියමිතව ඇති අවස්‌ථාවේ කැලම් මැක්‌රේ දැන් තවත් වීඩියෝ පටයක්‌ නිර්මාණය කර තිබේ. ඒ කොටි හඬ රූපවාහිනියේ නිවේදිකාවක්‌වූ ඉනිප්‍රියාව ම්ලේච්ඡ ලෙස ඝාතනය කර ඇති බව පිළිබිඹු කිරීමයි. පිටු 11 ක වාර්තාවක්‌ ප්‍රකාශයට පත් කළ කැලම් මැක්‌රේ මෙලෙස ප්‍රකාශ කර ඇත.

යුද අපරාධ පිළිබඳ වීඩියෝ දර්ශන මුලින්ම අපට ලැබුණේ ඡේ. ඩී. එස්‌. හෙවත් ප්‍රජාතන්ත්‍රවාදය සඳහා වූ මාධ්‍යවේදියෝ, සංවිධානයෙන්, ඔවුන් අප වෙත පැමිණ ශ්‍රී ලංකා හමුදා සෙබළුන් සිරකරුවන් නිරුවත් කර බිම දමා වෙඩි තබන දර්ශන අපට පෙන්නුවා”.

මෙම ඡේ. ඩී. එස්‌. නමින් අටවාගත් සංවිධානය මෙහෙය වන්නේ කොටි සංවිධානයේ දේදුන්න පුවත්පත සංස්‌කරණය කළ රෝහිත භාෂණ අබේවර්ධන නමැති කොටි හිතවාදියාය. සිය ද්‍රවිඩ බිරිය සමග ජර්මනියේ දේශපාලන රැකවරන ලබා ඇති මොහු කිසිදිනෙක කොටි සංවිධානය පරාජය වේ යෑයි සිතුවේ නැත.

කොටි ඩයස්‌පෝරාව සමග එක්‌වී සකස්‌ කළ සාවද්‍ය යුද අපරාධ චෝදනා ඇතුළත් වීඩියෝපට ලොව පුරා ගෙන යමින් මඩිය තර කරගන්නා රෝහිත භාෂණ අබේවර්ධන නමැත්තා කොටි පරාජය වීමට පෙර මෙරටින් පැන ගියේය. එහෙත් ඔහුගේ ප්‍රධාන සගයා මෙවර මැතිවරණයේදී පෙරටුගාමී පක්‍ෂයෙන් තරග කරයි.

වන්නි මෙහෙයුම ආරම්භ වීමෙන් පසු මේ පෙරටුගාමී සගයා ප්‍රකාශයක්‌ කරමින් හමුදාව අන්ත පරාජයට පත්වන බවත් ප්‍රභාකරන් ජය ලැබීම නිසා අපිට රට හැර දමා පළා යැමට සිදුවන බවත් කියා සිටියේය.

මේ තත්ත්වය මැද ශ්‍රී ලංකාවේ හමුදාව යුද අපරාධ සඳහා වැරදිකරු කිරීමට කැලම් මැක්‌රේ දිගින් දිගටම දරණ උත්සාහ සනාථ වේ.

මැක්‌රේ ඇතුළු කොටි ජාලයේ ක්‍රියාකාරීහු ලබන සැප්තැම්බර්Êමස මැද භාගයේදි ජිනීවා පැමිණෙන්නේ යුද අපරාධ පරීක්‍ෂණ වාර්තාවේ සියලු අන්තර්ගත තොරතුරු හෙළි වී ඇති නිසාය.

කැලම් මැක්‌රේ සිය අළුත්ම වාර්තාවේ දක්‌වා ඇත්තේ කොටින්ට එරෙහිව සිදු කළ මෙහෙයුමේදී සිදුවූ දේ ගැන හිටපු ජනාධිපති හෝ හිටපු ආරක්‍ෂක ලේකම් ගෝඨාභය රාජපක්‍ෂට දඬුවම් ලැබී නැති බවයි.

ශ්‍රී ලංකාවට එරෙහි යුද අපරාධ විමර්ශන වාර්තාවට සියලු සාක්‍ෂි ඉදිරිපත් වී ඇති බව ද ඔහු තවදුරටත් ප්‍රකාශ කර ඇත.

මෙම විමර්ශන වාර්තාවට සම්බන්ධ සාක්‍ෂිකරුවන් අතර කොටි සමග එක්‌ව ක්‍රියා කළ හිටපු සහන සේවකයකු වූ බෙන්ජමින් ඩික්‌සි ගැන ද හෙළි වී තිබේ. 2008 ඔක්‌තෝබර් මාසයේදී ඩික්‌සි ඇතුළු සහන සේවකයන් කිලිනොච්චියෙන් ඉවත් විය. සහන සේවකයකු මුවාවෙන් බෙන්ජමින් ඩික්‌සි ඡායාරූප ශිල්පියකු ලෙස ක්‍රියා කළේය. කොටි ප්‍රචාරක ජාලයට ඡායාරූප සැපයුවේ ද ඔහුයි.

මේ අතර යුද අපරාධ පරීක්‍ෂණ වාර්තාව සැප්තැම්බර් 30 දා ප්‍රකාශයට පත් වීමට නියමිතය.

මෙම වාර්තාවෙන් ශ්‍රී ලංකා රජය සහ හමුදාව වරදකරු කර ඇති අතර ප්‍රභාකරන් වරදකරු වී ඇත්තේ ළමා සෙබළුන් බඳවා ගැනීම සම්බන්ධවයි.

කොටි බුද්ධි අංශයේ ප්‍රධානියා වු පොට්‌ටුඅම්මාන් සමග දැඩි ලෙස සබඳකම් පැවැත්වූ එන්. විද්‍යාදරන් නමැත්තා ද මෙවර මකුළුවා සලකුණින් යාපනයට තරග කරයි. ඔහු මෙලෙස ප්‍රකාශ කර තිබේ.

“දෙමළ ජාති ඝාතනයේ උච්චතම ජාති ඝාතකයා මුල්ලිවයික්‌කාල්හිදී සිදුවිය. මේ ජාති ඝාතනය එක්‌සත් ජාතීන්ගේ මානව හිමිකම් කොමිසම ඉදිරියට ගෙන යනු ඇත.”

මෙරට බහුතරය කැබලි කීපයකට කැඩී මැතිවරණයෙන් බලය අල්ලා ගැනීමට ක්‍රියාකරන අවස්‌ථාවේ ද්‍රවිඩ පක්‍ෂ ඉතා සූක්‍ෂම ලෙස සිය ඉලක්‌ක සපුරා ගැනීමට උත්සාහ කරයි.

මෙයට වසර කීපයකට පෙර කොළඹ කින්ස්‌ පාරේ වාර්ගික අධ්‍යයන ආයතනයේ අධ්‍යක්‍ෂිකා රාමා මානි නමැති ප්‍රංශ කාන්තාව වන්නි මෙහෙයුම නතර කිරීම සඳහා එක්‌සත් ජාතින්ගේ ආර්. – 2 – පි නමැති සම්මුතිය ශ්‍රී ලංකාව වෙත යොමු කරන ලෙස එක්‌සත් ජාතීන්ගෙන් ඉල්ලා සිටියාය.

ඇගේ මේ ෙද්‍රdaහි ක්‍රියාව වාර්තා වීම එවකට සිටි ආරක්‍ෂක ලේකම් ගෝඨාභය රාජපක්‍ෂ ඇයව පිටුවහල් කළේය. රාමා මානිව බේරා ගැනීමට හිටපු අගමැතිවරයකුගේ ලේකම්වරයකු ද දැඩි උත්සාහයක යෙදුණි. එහෙත් ඔහුගේ උත්සාහය අසාර්ථක විය.

එහෙත් එම ආර්¾ 2 පී. ක්‍රමවේදය යටතේ එක්‌සත් ජාතීන්ගේ සංවිධානය දැන් උතුරු පළාත් සභාවට සෘජුව අරමුදල් දීමට ඉදිරිපත් වී ඇත.

මේ භයානක පූර්වාදර්ශය කෙරේ මෙරට බහුතරයේ දේශපාලනඥයන් හඬනැගිය යුතුය. “අපි දැන් එක්‌සත් ජාතීන්ගේ දොරටුව අබියසට පැමිණ තිබේ යෑයි ද්‍රවිඩ සංධාන දේශපාලනඥයකු යාපනයේදී ප්‍රකාශ කර තිබුණි. එම ප්‍රකාශය සත්‍යය වි ඇත. ඇමරිකාවේ හිටපු ජනාධිපති ලින්ටන් ජොන්සන් වරක්‌ මෙලෙස කීවේය.

“අද ඔබේ දොරකඩ අසල සිටින එළදෙන හෙට උදේ සිටින්නේ ඔබේ නිවස ඇතුලෙයි. උතුරේ අද සිදුවන්නේ එයයි. එනම් ලෝක ඉතිහාසයේ මුල්වරට ත්‍රස්‌තවාදයට එරෙහිව සටන්වැද ජයගත් ජයග්‍රාහී හමුදාවක්‌ පරාජිතයන් බවට පත් කිරීමේ ක්‍රියාදාමයයි.

මේ අතර ප්‍රජාතන්ත්‍රවාදී සටන්කාමීන් පක්‍ෂයේ මැතිවරණ ප්‍රකාශනය පසුගිය 4 වැනිදා පස්‌වරුවේ මනිපායිහි සුදුමලෙයි අම්මන් කෝවිල් පරිශ්‍රයේදී එළිදැක්‌වීමට කටයුතු යොදා තිබුණි. එහෙත් එම සැලසුම ව්‍යර්ථ විය. හිටපු කොටි ක්‍රියාකාරීන් මේ ස්‌ථානය තෝරා ගත්තේ ඇයි?

ඒ 1987 අගෝස්‌තු 4 වැනිදා ප්‍රභාකරන් කසිකබල් අවි කීපයක්‌ ඉන්දීය සාම හමුදාවට බාරදී එවකට ඉන්දීය අගමැතිවසිටි රජිව් ගාන්ධිව රැවටුවේ මෙම ස්‌ථානයේදීය.

කොටි සංවිධානය විසින් රජිව් ගාන්ධි ඝාතනය කිරීමෙන් වසර කීපයකට පසු කොටි න්‍යායාචාර්ය ඇන්ටන් බාලසිංහම් පැවසුවේ සුදුමලෙයි අම්මාන් කෝවිල් පරිශ්‍රය වෙත ප්‍රභාකරන් පැමිණ ආපසු යන අවස්‌ථාවේ රජිව් ගාන්ධි ඝාතනය කරන බවට ශපථ කළ බවයි.

එසේ නම් වසර 28 කට පසු කාලිකුට්‌ටි සුබ්‍රමනියම් හෙවත් චාල්ස්‌, අකිලන් කුමාරවේලු හෙවත් අයියල් තංගරාසා කේමදාසන් හෙවත් ගංගයි අම්මන්, විනයාගසුන්දරම්, මොහාන් සුන්දරම් හෙවත් ගංගයි අලගන්, විරන් ශක්‌තිවේල් හෙවත් කාකිඅරසු, සිවගුරු මුරුගදාස්‌ හෙවත් රවිරාඡ් නමැති හිටපු ත්‍රස්‌තයන් සුදුමලෙයි අම්මාන් කෝවිලට පැමිණියේ තමන් ශපථ කිරීමකටද?

කීර්ති වර්ණකුලසූරිය

නැවත පදිංචිකිරීම් ඇමැති උතුරේ මහ ඇමැති හමුවෙයි

නැවත පදිංචිකිරීම් ඇමැති
උතුරේ මහ ඇමැති හමුවෙයි

ප්‍රදීප් ප්‍රසන්න සමරකෝන්

උතුරු ප්‍රදේශයේ නැවත පදිංචිකිරීම සහ ඒ සම්බන්ධව පවතින ගැටලු පිළිබඳව විශේෂ සාකච්ඡාවක්‌ නැවත පදිංචි කිරීම, ප්‍රතිසංස්‌කරණය හා හින්දු ආගමික කටයුතු පිළිබඳ අමාත්‍ය ඩී. එම්. ස්‌වාමිනාදන් මහතා සහ උතුරු පළාත් ප්‍රධාන අමාත්‍ය සී. වී. විග්නේෂ්වරන් මහතා අතර පසුගිය 24 වැනිදා පස්‌වරුවේ පැවැත්විණි.

මෙම හමුව කොළඹ 07, රොස්‌මීඩ් පෙදෙසේ පිහිටි නැවත පදිංචි කිරීම, ප්‍රතිසංස්‌කරණය හා හින්දු ආගමික කටයුතු අමාත්‍ය ඩී. එම්. ස්‌වාමිනාදන් මහතාගේ නිවසේදී පැවැත්විණි.

විවිධ හේතූන් මත වලිකාමම් උතුර ප්‍රදේශයේ නැවත පදිංචිවීම සඳහා මෙතෙක්‌ නිදහස්‌ කර නොමැති ඉඩම් අක්‌කර 6000 ක භූමි භාගයෙන් කොටසක්‌ නිදහස්‌ කර එම ප්‍රදේශවලින් අවතැන් වූ ජනතාව නැවත පදිංචි කිරීම දින සියය වැඩ සටහනෙහි පළමු කාර්යය ලෙස සිදු කිරීමට බලාපොරොත්තු වන බවත්, ඒ පිළිබඳව ජනාධිපති මෛත්‍රීපාල සිරිසේන මහතා අග්‍රාමාත්‍ය රනිල් වික්‍රමසිංහ මහතා සමග සාකච්ඡා කර අවශ්‍ය ක්‍රියාමාර්ග ගන්නා බව නැවත පදිංචිකිරීම, ප්‍රතිසංස්‌කරණය හා හින්දු ආගමික කටයුතු පිළිබඳ අමාත්‍ය ස්‌වාමිනාදන් මහතා කීය.

නැවත පදිංචි කිරීමේ වැඩසටහන සාර්ථකව සිදුකිරීමේදී ඒ ප්‍රදේශවල පවතින ගැටලු පිළිබඳව අවබෝධයක්‌ ඇති උතුරු පළාත් ප්‍රධාන අමාත්‍යවරයා ඇතුළු අනෙකුත් පාර්ශ්වයන්ගේ සහයෝගය ලබාගත යුතු බවත්, ඒ අනුව අවතැන් වූ ජනතාවගේ හෙට දිනය සමෘද්ධිමත් කළ හැකි බව අමාත්‍යවරයා මෙහිදී පෙන්වා දෙනු ලැබීය.

මෙම සාකච්ඡාවේදී අවධානය යොමු වූ තවත් විශේෂ කරුණක්‌ වූයේ ඉන්දියාවේ සිටින ශ්‍රී ලාංකික සරණාගතයින් නැවත පදිංචි කිරීමේ කාර්යයයි.

 

යුද අනාථයන් ලෙස වවුනියාවට පැමිණි පවුල් 740 කට ස්‌ථිර පදිංචිය

යුද අනාථයන් ලෙස වවුනියාවට පැමිණි පවුල් 740 කට ස්‌ථිර පදිංචිය

දිනසේන රතුගමගේ

1995 වර්ෂයේදී යුද අනාථයින් ලෙස වවුනියාවට පැමිණි පවුල් 740 කට අයත් අනාථ වැසියන්ව උතුරේ නෙඩුන්කේනි දිස්‌ත්‍රික්‌කයේ ස්‌ථිරව පදිංචිකරවීමට රජය පියවර ගෙන තිබේ.

මෙම අනාථ වැසියන් වවුනියාවට පැමිණෙන විට ඔවුන් පදිංචිව සිටියේ මුලතිව් හා කිලිනොච්චි දිස්‌ත්‍රික්‌කවලය. සාමය එළඹීමෙන් පසුව මේ වැසියන්ට ආපසු සිය ගම්බිම් බලා යන ලෙස නිලධාරීන් දැනුම් දෙනලද නමුත් ඔවුන්ට එම දිස්‌ත්‍රික්‌කවල ඉඩම් නොමැති නිසා එහි යැම ප්‍රතික්‌ෂේප කොට තිබේ.

මේ පිළිබඳව නිලධාරීන් කළ කරුණු සොයා බැලීමකදී ඔවුන් පවසන දේ සත්‍ය බැවින් ඔවුන්ගේ පළාතේ රජයේ ඉඩම්වල මේ පිරිස පදිංචි කරවීමට තීරණය කොට තිබේ. දැනට මේ පිරිස වවුනියාවේ පූංතෝට්‌ටම් හා සිදම්බරපුරම් යන අනාථ කඳවුරුවල පදිංචි වී සිටිති.

යාපනයේ සියලු ඉඩම්වලට වන්දි ලබාදීම මාර්තු 15ට පෙර

යාපනයේ සියලු ඉඩම්වලට වන්දි ලබාදීම මාර්තු 15ට පෙර

මහින්ද අලුත්ගෙදර යාපනය සිට source:

සංවර්ධන කටයුතු වෙනුවෙන් අත්පත් කරගත් යාපනය දිස්ත්‍රික්කයේ සියලුම ඉඩම් සඳහා වන්දි ලබාදීම එළඹෙන මාර්තු මාසයේ 15 දාට ප්‍රථම අවසන් කිරීමට රජය තීරණය කරයි.

එම ඉඩම් සියල්ල දිස්ත්‍රික්කයේ සංවර්ධන කටයුතු වෙනුවෙන් අත්පත් කරගෙන තිබෙන අතර එහි ප්‍රතිලාභ ඒ ඒ ප්‍රදේශයන්හි ජනතාවට බවද යුද්ධය හේතුවෙන් දුක්බර ජීවිතයක් ගතකළ ජනතාවගේ අනාගතය වෙනුවෙන් මේ සියලු ක්‍රියාමාර්ග ගෙන තිබෙන බවද ඉඩම් හා ඉඩම් සංවර්ධන ඇමැති ජනක බණ්ඩාර තෙන්නකෝන් මහතා පවසයි.

මේ අවස්ථාව යාපනය දිස්ත්‍රික්කයේ ජනතාවට අතිශයින්ම වැදගත් බව පෙන්වාදුන් ඒ මහතා දශක තුනක කාලයක් ගතකළ දුක්බර ජීවිතයෙන් මිදී සංවර්ධයේ ප්‍රතිලාභ ලබාගැනීමට අවස්ථාව හිමිව තිබෙන බවද කියා සිටී.

ඇමැතිවරයා මේ බව සඳහන් කළේ යාපනය දිස්ත්‍රික් ලේකම් කාර්යාලයේ දී ඊයේ (10) පැවැති විශේෂ සාකච්ඡාවකට සහභාගි වෙමිනි. උගත් පාඩම් හා ප්‍රතිසංධානය පිළිබද ජනාධිපති කොමිෂන් සභා වාර්තාවේ ඉඩම් හා ඉඩම් සංවර්ධන අමාත්‍යාංශයට අදාළ නිර්දේශ ක්‍රියාත්මක කිරීමේදී පසුගිය 2013 වර්ෂයේ ලබා තිබෙන ප්‍රගතිය සමාලෝචනය වෙනුවෙන් මේ සාකච්ඡාව පැවැත්විණි.

එහිදී වැඩිදුරටත් අදහස් දක්වමින් ඇමැති ජනක බණ්ඩාර තෙන්නකෝන් මහතා පෙන්වා දුන්නේ උතුරු හා නැඟෙනහිර ජනතාවගේ ඉඩම් ගැටලු විසඳීම යුතුකමක් බවත් යාපනය දිස්ත්‍රික්කය ඇතුළු උතුරු පළාතේ ජනතාවගේ ඉඩම් ගැටලු විසඳීම වෙනුවෙන් කඩිනම් ක්‍රියාමාර්ග ගෙන තිබෙන බවත්ය.

මේ වනවිට ආරක්ෂක අංශ විසින් අත්පත් කරගෙන තිබූ උතුරේ ඉඩම් යළි එහි මුල් පදිංචිකරුවන් වෙත ලබාදීම ආරම්භ කර තිබෙන බව සඳහන් කළ ඒ මහතා මේ වනවිට ශ්‍රී ලංකා යුද හමුදාව පරිහරණය කළ ඉඩම් අක්කර 20,012 ක්ද ශ්‍රී ලංකා නාවික හමුදාව පරිහරණය කළ ඉඩම් අක්කර 2,024 ක් සහ ශ්‍රී ලංකා ගුවන් හමුදාව පරිහරණය කළ ඉඩම් අක්කර 716 ක් එහි මුල් පදිංචිකරුවන් වෙත ලබා දී තිබෙන බවද සිහිපත් කළේය.

දැනට පවතින ඉඩම් ගැටලු සහ ඒවා විසඳීම වෙනුවෙන් ගතහැකි ක්‍රියාමාර්ග සම්බන්ධයෙන් දීර්ඝ වශයෙන් මෙහිදී සාකච්ඡා කෙරුණු අතර එළඹෙන ජූනි මාසය වනවිට එම ඉඩම් ගැටලු සඳහා විසඳුම් ලබාදෙන ලෙස ඇමැතිවරයා අදාළ නිලධාරීන් වෙත උපදෙස් දුන්නේය. මේ අතර ඉඩම් නොමැති පවුල් වෙනුවෙන් ඉඩම් ලබාදීමේ දී රජයේ ඉඩම් පවතින ප්‍රදේශයන් වෙත අවධානය යොමුකරන ලෙස සඳහන් කළ ඒ මහතා යාපනය දිස්ත්‍රික්කයේ පවතින සියලුම ඉඩම් සම්බන්ධයෙන් සමීක්ෂණයක් සිදුකර අදාළ වාර්තාව මේ මාසයේ 22 දාට ප්‍රථම තමා වෙත ලබාදෙන ලෙස අදාළ ප්‍රදේශීය ලේකම්වරුන්ට උපදෙස් දුන්නේය.

ඒ වෙනුවෙන් වැයවන මුදල අමාත්‍යාංශය විසින් ලබාදීමට කටයුතු කරන බවද ඉඩම් හා ඉඩම් සංවර්ධන ඇමැතිවරයා ප්‍රකාශ කළේය.

මේ අතර යාපනය දිස්ත්‍රික්කයේ සෑම ප්‍රදේශීය ලේකම් කාර්යාලයක් සඳහාම පරිගණකයක්, මුද්‍රණ යන්‍රයක් බැගීන් ලබාදීම ද ඇමැති ජනක බණ්ඩාර තෙන්නකෝන් මහතා අතින් මෙහිදී සිදුවිය.

ඉඩම් හා ඉඩම් සංවර්ධන අමාත්‍යාංශයේ ලේකම් අශෝක පීරිස්, උතුරු පළාත් ආණ්ඩුකාර මේජර් ජනරාල් ජී.ඒ චන්ද්‍රසිරි, යාපනය දිස්ත්‍රික් ලේකම් සුන්දරම් අරුමනායගම්, ඉඩම් නිරවුල් කිරීමේ කොමසාරිස් ජනරාල් ගාමිණී ඉලංගරත්න, ඉඩම් කොමසාරිස් ජනරාල් ආර්.පී.ආර් රාජපක්ෂ මහත්වරු ඇතුළු පිරිසක් මේ අවස්ථාවට එක්ව සිටියහ.

Categories

Balawegaya Flickr Photos

Different countries have visited this site

Free counters!