//

සිංහල පුවත් (Sinhala News)

This category contains 97 posts

ෆොන්සේකාට කළු කොඩියක්‌ වූ සුදු කොඩිය

ෆොන්සේකාට කළු කොඩියක්‌ වූ සුදු කොඩිය. : source:

සුදු කොඩි නඩුවේ තීන්දුව දැන් ප්‍රකාශ වී ඇති නිසා ඒ පිළිබඳ යමක්‌ සඳහන් කිරීමට නීතියෙන් බාධාවක්‌ නැතැයි සිතමි. උසාවිය හමුවේ විභාග කෙරෙමින් පවතින නඩුවක්‌ සම්බන්ධයෙන් කතා කිරීම බටහිර රෝම ලන්දේසි නීතියෙහි ඇවැතක්‌ වෙයි. කෙසේ වෙතත් සරත් ෆොන්සේකා සුදු කොඩි කතාව කියා ඇති බව මහාධිකරණය විසින් පිළිගනු ලැබ ඇත. එහිදී අපට කරුණු කිහිපයක්‌ වැදගත් වෙයි. පළමුවෙන්ම සඳහන් කළ යුත්තේ නඩු තීන්දුව ප්‍රකාශයට පත් කිරීමෙන් පසුව ඇතැම් නීතිඥයන් හැසිරී ඇති ආකාරය ය. ඔවුන් උසාවි භූමියේ ම ආවේගකාරී ලෙස හැසිරෙමින් තීන්දුවට විරුද්ධතාව පළ කර ඇත. එය කොතරම් දුරදිග ගොස්‌ ඇත්ද කිවහොත් නඩුව විභාග කළ විනිසුරු මඩුල්ලේ සභාපතිනිය ට ඒ නීතිඥයන්ගේ ආවේගකාරී හැසිරීම ගැන තම කනස්‌සල්ල පළ කිරීමට සිදු වී ඇත. බටහිර පද්ධතීන්හි ඇති ව්‍යාජ හැසිරීම් රටා ගැන මම හො¹කාරව ම දනිමි. විශ්වවිද්‍යාලවලට සම්බන්ධව අවුරුදු හතළිස්‌ අටක්‌ ගත කර ඇති මම පුහු උගතුන්ගේ සෝබන රඟපෑම් හො¹කාරව දනිමි. සරසවිවල ගෞරවය රැකගැනීම යන ව්‍යාජ සටන් පාඨයාට මුවා වී ඇතැම්හු තම ආධිපත්‍යය පවත්වා ගැනීමට පමණක්‌ ක්‍රියා කරති. සරසවියක හතර මායිමට වද්දා නොගතයුතු මොවුන්ට රැකගැනීමට හැකි ගෞරවය කුමක්‌ද? මෙරට බටහිර උගතුන් අතර ඉතා බහුලව ඇත්තේ අනුකාරක කුහකයන් බවද ඔවුන්ගෙන් රටට සත පහක වැඩක්‌ නැති බවද මම දනිමි. නිදහස්‌ අධ්‍යාපනයේ නාමයෙන් ඔවුන්ට අධ්‍යාපනයක්‌ ලබාදීමට ජනතාවගේ මුදල් වියදම් කිරීම බටහිර අර්ථයෙන්වත් ආයෝජනයක්‌ නොවන බවද දනිමි. එදා මෙන් ශරීර ලක්‍ෂණ බලා දුර්ජනයන් ඉවත් කර අනෙක්‌ අයට පමණක්‌ අධ්‍යාපනය ලබාදීම බටහිර ක්‍රමයට එකඟ නොවන බැවින් මූසිලයන් වූ බොහෝ නුසුදුස්‌සන් අද සමාජයේ වැදගත් යෑයි සැලකෙන පදවි දරන බවද රහසක්‌ නොවේ. කිසිසේත්ම විශේෂිත පිරිසක්‌ නොවන සරසවි ඇදුරන්ගෙන් එකකු විවෘත විශ්වවිද්‍යාලයේ සිට ආචාර්ය උපාධියේ මහඟු බව උඩ දමමින්, ජනාධිපතිතුමා ඉදිරිපත් කළ අයවැයට විරුද්ධව තම මඩිය තර කර ගැනීම සඳහා තමන් අතර බොහෝ මූසිලයන් වූද ගුත්තිලයන් නොවූ ද ඇදුරන් තවත් වර්ජනයකට කැඳවීමට උත්සාහ දරනු මම රූපවාහිනියේ දුටුවෙමි. උසස්‌ පෙළ පරීක්‍ෂණයේදී එක්‌ විෂයයකින් (මා සමත් විය යුතු විෂයයක්‌ ලෙස නොසැලකූ රසායන විද්‍යාවෙන්) අසමත් වූ මට ද ආචාර්ය උපාධියක්‌ ඇත. ඒ උපාධියේ තරම මම දනිමි. සාමාන්‍ය බුද්ධියක්‌ ඇති උසස්‌ පෙළ පරීක්‍ෂණයේදී සියලු විෂයයන්ගෙන් සමත්වීමට හැකි ඕනෑම අයෙකුට උපාධිය පංති සහිතව හෝ රහිතව හෝ සමත්වීමෙන් පසු හෝ උපාධිය දෙතුන් වතාවක්‌ අසමත්වීමෙන් පසු සමත්වීමෙන් හෝ නිරවුල්ව සිතීමේ හැකියාවක්‌ නැති වුවත් අවුරුදු කිහිපයක්‌ මහන්සි වී ක්‍රමානුකූලව වැඩ කිරීමෙන් උපදේශකවරයා අමනාපකර නොගතහොත් ආචාර්ය උපාධියක්‌ ලබාගත හැකිය. රජය ඉහත සඳහන් ඇදුරා යෝජනා කරන ක්‍රියාමාර්ගවලට එරෙහිව තදින් ක්‍රියා කළ යුතු අතර සරසවිවල විශේෂිත සේවයක්‌ කරන අනධ්‍යයන සේවකයන්ගේ දුක්‌ගැනවිලි සම්බන්ධයෙන් වැඩි අවධානයක්‌ යොමු කළ යුතුය. ඒ කෙසේ වුවත් මහාධිකරණයෙන් දුන් නඩු තීන්දුවකට විරුද්ධව එයට ඉහළ උසාවියකට අභියාචනයක්‌ ඉදිරිපත් කිරීමේ අයිතිය තිබියදී ඇතැම් නීතිඥයන් නීති ප්‍රකාර නොවන ආකාරයකින් නඩු තීන්දුවට අභියෝග කිරීම පිළිබඳ අපේ විරුද්ධතාව ප්‍රකාශ කළ යුතුය. හුණුවටයේ කතාවේ අසඩක්‌ නීතිය රැකීමට නීති කැඩුවේය. එහෙත් මහාධිකරණයේදී නීතියට අභියෝග කළාහු අසඩක්‌ලා නොවෙති.

මා සරත් ෆොන්සේකා අත්අඩංගුවට ගත යුතු යෑයි යෝජනා කළේ ජනාධිපතිවරණය පිළිබඳ වූ නිලවරණ ව්‍යාපාරයේ දීමය. කුරුණෑගල පැවැත්වූ රැස්‌වීමකදී මම ඒ බව ප්‍රකාශ කළෙමි. ඒ පුවතට කිසිම ප්‍රසිද්ධියක්‌ නොලැබුණේ දැන් වසර ගණනාවක සිට ජනමාධ්‍යවල ප්‍රවෘත්ති කර්තෘවරුන් තම අවධානයෙන් මා බැහැර කර ඇති බැවිනි. විශේෂයෙන්ම රජයේ ජනමාධ්‍යවල එසේ බැහැර කෙරෙයි. මා සරත් ෆොන්සේකා අත්අඩංගුවට ගත යුතු යෑයි යෝජනා කළේ ඔහු ඒ පිළිබඳව රත්නපුරයේදී හා අම්බලන්ගොඩ දී කළ කතා ජනමාධ්‍ය ඔස්‌සේ දැනගැනීමෙන් පසුව ය. අවාසනාවකට නඩු විභාගයේදී සරත් ෆොන්සේකා විසින් කරන ලද ඒ කථා එතරම් අවධානයකට ලක්‌ නොකෙරිණි. ඒ වෙනුවට සන්ඩේ ලීඩර් පුවත්පතේ කතුවරිය වූ ෙµ්‍රඩ්රිකා ජෑන්ස්‌ මහත්මියගේ වාර්තාවක්‌ ගැන උසාවියේ විශේෂ අවධානයට ලක්‌ කෙරිණි. නීතිය පිළිබඳ විශේෂඥයකු නොවූ මට එය එසේ වූයේ කිනම් හේතුවක්‌ නිසා දැයි කිව නොහැකිය. සන්ඩේ ලීඩර් නම් පත්‍රය නොකියවන මා එය දැනගත්තේ ප්‍රධාන වශයෙන්ම රූපවාහිනී මාධ්‍යයෙනි. අදාළ රූපවාහිනී වීඩියෝ පට සංරක්‍ෂණය වී නැද්දැයි නොදනිමි. කෙසේ වෙතත් සරත් ෆොන්සේකා කී කතාව භයානක වුවත් සරල ය. ඔහු මේ කතාව කීමට පටන් ගත්තේ ඇමරිකානු එක්‌සත් ජනපදයේ කරන ලද චාරිකාවකින් පසුවය. ඒ කතාවට අනුව සුදු කොඩි රැගෙන යටත්වීම සඳහා පැමිණෙන ත්‍රස්‌තවාදීන් කණ්‌ඩායමකට වෙඩි තබන ලෙස ආරක්‍ෂක ලේකම්වරයා මේජර් ජෙනරාල් ෂවේන්ද්‍ර සිල්වා මහතාට පැවසූ බව එක්‌තරා හඳුනා නොගත් ජනමාධ්‍යවේදියකු සරත් ෆොන්සේකාට කියා ඇත. මේ කතාව ඉතා භයානක එකක්‌ බව එය ඇසූ විගස මට හැඟී ගියේය. බටහිරයන් ජනාධිපති රාජපක්‍ෂ මහතාට හා ආරක්‍ෂක ලේකම් ගෝඨාභය රාජපක්‍ෂ මහතාට එරෙහිව ඊනියා ජාත්‍යන්තර අධිකරණයේ “යුද්ධ අපරාධ” පිළිබඳව නඩු පැවරීමේ සූදානමක්‌ තිබූ බව අප ඒ වනවිට ද ප්‍රකාශ කර තිබිණි. ඇමරිකාව එක්‌ ප්‍රාන්ත අධිකරණයක ගෝඨාභය රාජපක්‍ෂ මහතාටත් සරත් ෆොන්සේකා මහතාටත් නඩුවක්‌ පවරා තිබිණි. එහෙත් ඒ සරත් මේ සරත් බවට පත්වීමෙන් පසුව (අර මොකක්‌දෝ කමිසය ගැලවීමෙන් පසුව නොව හෘදය සාක්‍ෂිය අමතක කිරීමෙන් පසු – හෘදය සාක්‍ෂියක්‌ නැත්තකුට ද අර කමිසය මේ කමිසය ඇඳගත් පමණින් මහත්වරුන් විය හැකි යෑයි උගන්වන ජඩ බටහිර යුදෙව් ක්‍රිස්‌තියානි පාරිභෝගික සමාජයක ජීවත්වීමට අපට සිදුවී ඇත. කෙසේ වෙතත් අද මෙරට විශ්වවිද්‍යාලවල ද විලාසිතා සංදර්ශන ඔස්‌සේ මේ ජඩ කතා ද ශිෂ්‍යයන්ගේ මනස්‌වලට විදීම ෙ€දවාචකයකි. එක්‌ අතකට බටහිර විශ්වවිද්‍යාල ආකෘතිය අනුකරණය කරන මෙරට අපේ නොවන විශ්වවිද්‍යාලවලින් වෙනත් යමක්‌ බලාපොරොත්තු විය හැකිද නොවේ.) එනම් සරත් ෆොන්සේකා මහතා සරත් ෆොන්සේකා බවට පත්වීමෙන් පසුව ඇමරිකාවේ ඒ නඩු විභාගය පිළිබඳව ආරංචියක්‌ නැති වූ අතර ඊනියා යුද්ධාපරාධ පිළිබඳ චෝදනා රාජපක්‍ෂ සහෝදරවරුන්ට විරුද්ධව දිගින් දිගටම එල්ල විණි. එකලත් මෙකලත් මගේ අනුමානය වනුයේ බටහිරයන් සරත් ෆොන්සේකා ජනාධිපතිතුමාට හා විශේෂයෙන්ම රාජ්‍ය ආරක්‍ෂක අමාත්‍යාංශයේ ලේකම්තුමාට එරෙහිව ඊනියා ජාත්‍යන්තර අධිකරණයක සාක්‍ෂිකරුවකු ලෙස යොදා ගැනීමේ උත්සාහයක්‌ ඇති බවය. මා සරත් ෆොන්සේකා අත්අඩංගුවට ගත යුතු යෑයි ජනාධිපතිවරණ නිලවරණ ව්‍යාපාරයේ දීම ප්‍රකාශ කළේ සරත් ෆොන්සේකා කිරීමට බලාපොරොත්තු වූ පාවාදීම පිළිබඳ අවබෝධයක්‌ තිබූ බැවිනි. කෙසේ වෙතත් ජනාධිපතිවරණය අවසන් වනතුරු කිසිවක්‌ නොකළ යුතු යෑයි ආණ්‌ඩුව කල්පනා කරන්නට ඇත.

සරත් ෆොන්සේකා නිදහස්‌ කළ යුතු යෑයි කෑ ගසන පල්ලි නිකායේ භික්‍ෂූන් වහන්සේ ඇතුළු බොහෝ දෙනා පිටුපස යම් බලවේගයක්‌ ක්‍රියාත්මක වන බව පැහැදිලිය. ඔවුන් දැනුවත් ව හෝ නොදැනුවත්ව හෝ උත්සාහ කරන්නේ සරත් ෆොන්සේකා රාජපක්‍ෂලාට විරුද්ධව ඊනියා ජාත්‍යන්තර අධිකරණයෙහි සාක්‍ෂිකරුවකු බවට පත් කිරීම ය. එසේ කිරීමෙන් අවසාන වශයෙන් වාසි වන්නේ බටහිරයන් විසින් මෙහෙයවනු ලබන දෙමළ ජාතිවාදයට ය. සරත් ෆොන්සේකාට දඬුවම් දී ඇත්තේ අධිකරණයෙන් මිස කැබිනට්‌ මණ්‌aඩලයෙන් නොවේ. ඒ දඬුවම හා ඊනියා ප්‍රජාතන්ත්‍රවාදය අතර බොරු සම්බන්ධයක්‌ සෙවිය හැක්‌කේ කසිකබල් පඬියන්ටය. එජා පක්‍ෂයේ හා ජවි පෙරමුණේ බංකොලොත් නායකයෝ සරත් ෆොන්සේකා අත්අඩංගුවට ගනු ලැබුයේ මහින්ද රාජපක්‍ෂ මහතාට විරුද්ධව ජනාධිපතිවරණයට ඉදිරිපත් වූ නිසාය යන තුට්‌ටු දෙකේ හේතුව ඉදිරිපත් කරති. එය බටහිරයන්ගේ හිතට අල්ලන හේතුවකි. බටහිරයන්ගේ කසිකබල් ප්‍රජාතන්ත්‍රවාදයට එරෙහිව මහින්ද රාජපක්‍ෂ මහතා ක්‍රියා කරන්නේය යන්න තහවුරු කිරීමට එවැනි කතා ඉවහල් වෙයි. එහෙත් සරත් ෆොන්සේකා සුදු කොඩි සම්බන්ධයෙන් කර ඇති ප්‍රකාශය කෙතරම් දේශෙද්‍රdaහී වූවක්‌ ද යන්න අප වටහාගත යුතුය.

යම් අයුරකින් සරත් ෆොන්සේකා කියන්නේ සත්‍යයක්‌ යෑයි සිතමු. සුදු කොඩි රැගෙන එන්නන්ට වෙඩි තබන ලෙස ගෝඨාභය රාජපක්‍ෂ මහතා ෂවේන්ද්‍ර සිල්වා මහතාට උපදෙස්‌ දුන්නේ යෑයි සිතමු. එය සිදු වූයේ සරත් ෆොන්සේකා නොදැනුවත් ව යෑයිද සිතමු. ඔහුට නොදැන්aවීමෙන් ඔහුගේa ප්‍රෙෘඪත්වයට පහරක්‌ වී යෑයි ද සිතමු. එසේ වුවත් ඔහු ඒ වනවිට හමුදාවේ අණ දෙන්නා විය. හමුදාවේ සිදුවූ සියලු දේට අවසාන වශයෙන් වගකිවයුත්තේ ඔහුය. ඔහු ඒa සිද්ධියට විරෝධය පා ඉල්ලා අස්‌ නොවුණා පමණක්‌ නොව පසුව ත්‍රිවිධ හමුදාවේම මාණ්‌ඩලික නිලධාරී පදවියටද පත්විය. එබැවින් සුදු කොඩි සිද්ධිය සත්‍යයක්‌ වුවත් ඒ වකවානුවේ හිටපු හමුදාපති ලෙස එවැනි ප්‍රකාශයක්‌ කිරීම හමුදාව පාවාදීමකි. එයට ඔහුට දඬුවම් නොකළ යුතු යෑයි යමකු කියන්නේ කිනම් පදනමකින්ද? අනෙක්‌ අතට එවැනි සිද්ධියක්‌ සිදු නොවී නම් ඔහු එය හිතා මතා හෝ වෙනත් අයකුගේ බහට හෝ කියන කතාවකි. එහි අරමුණ කවරේද? රාජපක්‍ෂවරුන් බටහිරයන්ට පාවාදීම ද? එමගින් රටම පාවාදීමද? දෙමළ ත්‍රස්‌තවාදය පරාජය කිරීමේ දී සරත් ෆොන්සේකා වැදගත් කාර්යභාරයක්‌ ඉටු කළ බව සැබෑය. එහෙත් ඉන්පසු ඔහු කරන්නේ දෙමළ ජාතිවාදයට රට පාවාදීමය. ඔහුට නිදහසේ හැසිරීමට ඉඩ දීම භයානක කාර්යයකි. අප බටහිරයන්ගේ අවශ්‍යතාවට කිසිවිටෙකත් යට විය යුතු නොවේ.

Advertisements

රහස්‌ රැසක්‌ හෙළි කරමින් නෝර්වේ නාටකය එළිදකී

රහස්‌ රැසක්‌ හෙළි කරමින් නෝර්වේ නාටකය එළිදකී
source:
* කොටි යුද්ධයකට සැලසුම් කරන බව සටන් විරාම කමිටුව දැන සිටියා

* හමුදා සෙබළුන් රැසක්‌ ඝාතනය කළේ කොටි යෑයි එරික්‌ සෝල්හයිම් පිළිගනී

* හිටපු ඉන්දීය අගමැති ගාන්ධිව මැරුවේ කොටි යෑයි ඇන්ටන් බාලසිංහම් පැවසුවා

* 2008 වන තෙක්‌ ඉන්දීය බුද්ධි සේවාව සහ ඉන්දීය නිලධාරීන් ද කොටි පැරදවිය හැකි යෑයි විශ්වාස කළේ නැහැ

* ගෝඨාභය හැර වෙන කිසිවෙක්‌ යුද්ධය ජයගත හැකි බව පැවසුවේ නැහැ – එරික්‌ සෝල්හයිම්

* ඔස්‌ලෝ ප්‍රඥප්තිය ලිව්වේ කවුදැයි නව වසරකට පසු හෙළිවේ

* හමුදාවට උපදෙස්‌ දුන්නේ සිංගප්පූර් ව්‍යාජ යුද මහාචාර්යාද?

* සල්ලි දුන්නේ කවුද? නෝර්වේ වෙතින් සල්ලි ගත්තේ කවුද යෑයි හෙළිවේ

* ඩොක්‌ටර් ජැකිල් ඇන්ඩ් මිස්‌ටර් හයිඩ් චරිතය මවන්නා කවුද?

* වර්ල්ඩ් වීව් පදනමේ ආනේ පෝජට්‌ සෝල්හයිම්ට
ශ්‍රී ලංකා රජය ගැන රහස්‌ වාර්තාවක්‌ යවලා


සටන් විරාමය වැරදුනේ කෙසේද සමුළුවේ එරික්‌ සෝල්හයිම්ගේ
ස්‌වරූපය සහ කොටි බේරා ගැනීමට උත්සාහ කළ හිටපු නෝර්වේ
තානාපතිවරු වූ හැන්සන් බවර් හා හෑන්ස්‌ බ්‍රට්‌ස්‌කාර්


එරික්‌ සෝල්හයිම්, මිලින්ද සහ ආමිටේඡ්

ආරක්‍ෂක ලේකම් ගෝඨාභය රාජපක්‍ෂ – සටන් විරාමය වැරදීමේ වාර්තාව සකස්‌ කළ ගනර් සෝබර්

“ක්‍රිස්‌තියානි බයිබලයේ අයිසයියාගේ පොතේ මෙලෙස සඳහන් වෙනවා. කවුද අපි යවන්නේ? කවුද අපි වෙනුවෙන් යන්නේ? එයට ප්‍රතිචාරය වන්නේ මෙන්න· මම ආවා – මාව යවන්න”

නමුත් මම සිතන්නේ ඒ ප්‍රතිචාරය පැමිණියේ නෝර්වේ රාජ්‍යයෙන් – රිචඩ් ආමිටේ- (හිටපු ඇමරිකානු නියෝජ්‍ය රාජ්‍ය ලේකම්)

අපි සිටියේ බරපතළ තත්ත්වයකයි. අපේ අනාගතය හඳුනා ගැනීමේ අවස්‌ථාව පැමිණ තිබෙනවා. ශ්‍රී ලංකාව සමෘද්ධිමත් ශ්‍රී ලංකාවකට පදනම දමන්නේ ද නැත්නම් තවත් අර්බුදයක්‌ සඳහා බීජ වපුරන්නේ ද යන්න තෝරාගත යුතුයි.
– හිටපු අමාත්‍යවරයකු වූ මිලින්ද මොරගොඩ (නෝර්වේහිදී)

(We stand at a critical point –
Sri Lankans could either lay the
foundation for a prosperous sow
the seeds for another conflict –
Milinda Moragoda)

ලොව ඕනෑම තැනක අර්බුදයක්‌ ඇති වුවොත් එතන නෝර්වීජියානුවන් සිටින බව නෝවීජියානු සාම ආයතනයේ නිලධාරියකු වසර කීපයකට පෙර පවසා තිබිණි.

2002 පෙබරවාරි 21 සහ 22 අත්සන් කළ ව්‍යාජ සටන් විරාමය දියත් කරනු ලැබුවේ ද නෝර්වේ රාජ්‍යයයි. මේ ව්‍යාජ සටන් විරාමයට මුවාවී ව්‍යාජ සාමයක්‌ දියත් කිරීම සඳහා රජයේ සාම මහලේකම් කාර්යාලයට හා කොටින්ට ද අරමුදල් සැපයුනි. 2001 සහ 2004 සමයේ ක්‍රෝන් මිලියන 210 ක්‌ හෙවත් ඩොලර් මිලියන 28 ක්‌ සාමය ගොඩනැඟීම මුවාවෙන් මෙරට එන්.ජී.ඕ. ක්‍රියාකාරීන්ට ප්‍රදානය කෙරිණි. කුමාර් රූපසිංහගේ සහජීවන පදනමට ක්‍රෝන් මිලියන 35 ක්‌ හෙවත් ඩොලර් මිලියන හයක්‌ ද (රුපියල් මිලියන 60 ක්‌) මිලින්ද මොරගොඩ ආයතනයේ බිම්බෝම්බ නාශක කටයුතුවලට ක්‍රෝන් මිලියන 60 ක්‌ද, කුමාර් රූපසිංහගේ ජාතික යුද විරෝධී පෙරමුණ, ජෙහාන් පෙරේරාගේ ජාතික සාම මණ්‌ඩලයට ද සවරිමුත්තුගේ විකල්ප ප්‍රතිපත්ති කේන්ද්‍රය සහ පෝරම් ඔµa පෙඩරේෂන්, ජනතා සාම පෙරමුණ නමැති එන්.ජී.ඒ. සංවිධානවලට හා කොටින්ගේ ද්‍රවිඩ පුනරුත්ථාපන ආයතනයට ද 2004 දී තවත් එන්.ජී.ඕ. සංවිධාන 22 කට ද නෝර්වේ අරමුදල් ලැබිණි.

මෙයට අමතරව සංවර්ධන කටයුතු සඳහා යෑයි දක්‌වමින් සර්වෝදය, සේවා ලංකා පදනම ඇතුළු තවත් සංවිධාන හතරකට ද නෝර්වේ අරමුදල් ප්‍රදානය විය.

මේ නිසා සල්ලි දුන්නේ කවුද? සල්ලි ගත්තේ කවුද යෑයි අනාවරණය විය. මෙලෙස නෝර්වේ අරමුදල් ලබාගත් එන්.ජී.ඕ. සංවිධානයක උප සභාපති ලෙස පත්වී සිටියේ කෝටි ත්‍රස්‌තයෙකි. වන්නි මෙහෙයුම නිමාවීමට පෙර ඔහු පැන ගියේය. මේ කොටි ත්‍රස්‌තයාට එරෙහිව අන්තර්ජාතික පොලිසිය විසින් ජාත්‍යන්තර වරෙන්තුවක්‌ ද ප්‍රකාශයට පත්වී තිබිණි.

මෙලෙස නෝවීජියානු විදේශ අමාත්‍යාංශයට සම්බන්ධ නෝරාඩ් (Norad) නමැති එන්.ජී.ඕ. සංවිධානය මෙරට රාජ්‍ය නොවන සංවිධානවලට පමණක්‌ නොව ඉංගී්‍රසි/සිංහල මාධ්‍ය පාර්ශ්ව, කලාකරුවන් හා විද්වතුන්ට ද අරමුදල් සපයනු ලැබිණ.

2009 මැයි 19 කොටි ඝාතක සමාගම පරාජය විය. මේ පරාජයෙන් වසරකට පසු නෝරාඩ් සංවිධානය සටන් විරාමය පැරදුනේ කෙසේද යන්න විමර්ශනය කිරීම සඳහා අධ්‍යයන වාර්තාවක්‌ සකස්‌ කිරීමේ කොන්ත්‍රාත්තුවක්‌ නෝර්වේහි බර්ජන් නගරයේ මිචෙල්සන් ආයතනයේ ගනර් සෝබෝ නමැත්තාට බාර දුන්නේය. මේ විමර්ශන වාර්තාවට අදාළ තොරතුරු ලබාගැනීම සඳහා ශ්‍රී ලංකාවට පැමිණීමට සෝබෝ කළ ඉල්ලීම ශ්‍රී ලංකා රජය විසින් ප්‍රතික්‍ෂේප කෙරිණි.

2011 නොවැම්බර් 11 වැනිදා නෝර්වේහිදී ගනර් සෝබෝගේ වාර්තාව එළිදැක්‌වූයේ කොටින්ගේ අතිජාත මිත්‍රයා වූ එරික්‌ සෝල්හයිම්ගේ ප්‍රධානත්වයෙනි.

2002 සටන් විරාම ගිවිසුමේ ක්‍රියාකාරිකයකු වූ මිලින්ද මොරගොඩ ද සාම්පූර් හමුදා මෙහෙයුම නවත්වන්නැයි ජනාධිපතිගෙන් ඉල්ලා සිටී. හිටපු නෝර්වේ තානාපති හැන්ස්‌ බ්‍රට්‌ස්‌කාර් සහ කොටි න්‍යයාචාර්ය ඇන්ටන් බාලසිංහම් මියයැම ගැන හඬ වැලපුණු විශේෂ නෝවීජියානු තානාපති හැන්සන් බවර් සහ හිටපු ඇමරිකානු නියෝජ්‍ය රාජ්‍ය ලේකම් රිචඩ් ආමිටේ- ඇතුළු කොටි ක්‍රියාකාරීන් ද මේ අවස්‌ථාවට එක්‌විය.

ගනර් සෝබෝ නමැති නෝවීජියානුවා සකස්‌ කළ මේ විමර්ශන වාර්තාව හොරාගේ අම්මාගෙන් පේන ඇසීමක්‌ යෑයි සනාථ වූයේ ඊට තොරතුරු සැපයුවන් කව්දැයි හෙළිවීමෙනි.

මේ එම පිරිසයි.

නෝවීජියානු ඊළාම්වාදියකු වූ රාජා බාලසිංහ, එස්‌. සී. චන්ද්‍රහසන් (චෙන්නායි), ආර්. හරිහරන් (ඉන්දීය සාම හමුදාවේ හිටපු හමුදා බුද්ධි ප්‍රධානි), රාම් මානික්‌කලිංගම් (හිටපු ජනාධිපතිනි චන්ද්‍රිකා කුමාරතුංගගේ උපදේශක), රාමු මානිවන්නන් (මදුරාසි විශ්වවිද්‍යාලය), සුදාකරන් නඩරාජා (ඇන්ටන් බාලසිංහම්ගේ මිත්‍රයා), එන්. රාම් (හින්දු කර්තෘ), විශ්වනාදන් රුද්‍රකුමාරන් (රටින් පිටත ඊළාම් ආණ්‌ඩුවේ ප්‍රධානි), බී. රාමන් (ඉන්දීය රෝ ඔත්තු සේවාවේ හිටපු ප්‍රධානි), එන්. සත්‍යමුර්ති (රිසර්ච් පදනම – ඉන්දියාව), නඩරාජා ශන්මුගරත්නම් (නෝර්වේ විශ්වවිද්‍යාලය), මානුවෙල් පිල්ලේ සුසපිල්ලේ, සුබ්‍රමනියම් ස්‌වාමි (ඉන්දීය ජනතා පක්‍ෂය), යූ. වී. තංගරාජා (හිටපු උපකුලපති – මඩකලපුව), ආනේ පෝජට්‌ (වර්ල්ඩ් වීව්), චන්ද්‍රිකා කුමාරතුංග, ජෙහාන් පෙරේරා (සාම මණ්‌ඩලය), නෝබට්‌ රූපර් (බර්ග්හොප් පදනම), කුමාර් රූපසිංහ.

මේ හැර ශ්‍රී ලංකාවේ සිට තවත් තිස්‌ හතර දෙනෙක්‌ මෙකී නෝවීජියානු වාර්තාවට තොරතුරා ලබාදී ඇති අතර ඔවුන් කවුදැයි එම වාර්තාවේ දක්‌වා නැත.

එහෙත් නෝවීජියානුවන් සමග සබඳකම් පවත්වන හා කොළඹ නෝර්වේ තානාපති කාර්යාලයේ සැමරීම සාමාජිකයන් කණ්‌ඩායම ඊට සම්බන්ධ වී ඇත.

පිටු 208 කින් යුත් මේ විමර්ශන වාර්තාවේ නෝර්වීජියානුවන් වන්නි මෙහෙයුමින් පසු අපේක්‍ෂා කළ දේ දක්‌වා ඇත. “නෝවීජියානු කණ්‌ඩායම විසින් කැරලිකරුවන් (කොටි) කැලයට පැනගොස්‌ ගරිල්ලා ප්‍රහාර එල්ල කරනු ඇතැයි බලාපොරොත්තු වුණා. හමුදාව විසින් කොටි ප්‍රදේශ අල්ලාගත් පසු එම ක්‍රියාදාමය සිදුවනු ඇතැයි අපේක්‍ෂා කළා. එසේම වන්නි මෙහෙයුම නතර කිරීම සඳහා ඇමරිකාව සහ නෝර්වේ රාජ්‍යය දියත් කළ සැලසුම සටතේ ඇමරිකානු ගොඩබිම් යාත්‍රා ත්‍රිකුණාමලය වෙත ආගමනයේ යෙදීමට ද නියමිතව තිබිණි.

මේ හැර සටන් විරාම නිරීක්‍ෂණ කමිටුව ඇතුළු සාම ක්‍රියාදාමය වෙනුවෙන් ක්‍රෝන් මිලියන 100 ක්‌ වැය කර ඇත.

මේ විමර්ශන වාර්තාව එළිදැක්‌වීමේ උළෙල ඇමතූ ඇමරිකානු හිටපු සහකාර රාජ්‍ය ලේකම් රිචඩ් ආමිටේ- මෙරටට එරෙහි අතිශයින්ම බරපතළ ප්‍රකාශයක්‌ කර තිබේ. “ජනාධිපති රාජපක්‍ෂව ජාත්‍යන්තරව පුළුල් වශයෙන් පිළිගනු ඇතැයි මා සිතන්නේ නැහැ. එහෙත් යම් ක්‍රියාදාමයක්‌ සිදුවිය යුතුයි. එය වැරැදි ක්‍රියාමාර්ගයක්‌ විය හැකියි. නමුත් එම ක්‍රමවේදය මත තමයි යම් දේ සිදුවන්නේ යෑයි ආමිටේ- ජනාධිපතිවරයා අන්තවාදී දේශපාලන පාර්ශ්වයන්ට මැදිවී ඇතැයි” ද දන්වා ඇත.

සටන් විරාමය වැරදුනේ කෙසේද යන්න සෙවීමේ විමර්ශන වාර්තාව එළිදැක්‌වීමේ උත්සවයට ප්‍රභාකරන් පැරදෙන්නේ නැතැයි අපේක්‍ෂා කළ ඉන්දීය ලේඛකයකු වූ නාරායන් ස්‌වාමි සහ කොළඹ හිටපු බී.බී.සී. නියෝජිතවරිය වූ ප්‍රැන්සස්‌ හැරිසන් ද පැමිණ සිටියේය.

ඇමනෙස්‌ටි ඉන්ටර්නැෂනල් සංවිධානයේ ප්‍රචාරක ඒකකයේ ප්‍රධානියා ලෙස ක්‍රියා කරන්නේ ඇයයි. සටන් විරාම ගිවිසුම පිටුපස ඉන්දීය භාරතීය ජනතා පක්‍ෂ රජය ක්‍රියාත්මක වූ බවත් තමා නවදිල්ලි ගුවන්තොටුපළේදී ඉන්දීය “රෝ” බුද්ධි සේවා නිලධාරීන් සමග සාකච්ඡා කළ බවත් සෝල්හයිම් විසින් හෙළි කිරීමේ සිද්ධියක්‌ ද මෙහිදී වාර්තා විය.

(Solheim said some meetings
with ‘Raw’ officials took place at
the New Delhi Air port)

එසේම 2002 සටන් විරාම ගිවිසුම අත්සන් කිරීමට පෙර ඉන්දීය නිලධාරීහු කොටි සමග රහස්‌ සාකච්ඡාවක්‌ පැවැත්වූ බවද සෝල්හයිම් විසින් වැඩිදුරටත් අනාවරණය කර ඇත.

මේ අතර නෝර්වේ උත්සවයට සහභාගි වූ මිලින්ද මොරගොඩ කළ ප්‍රකාශයක්‌ ඉන්දීය අයි.ඒ.එන්.එස්‌. ප්‍රවෘත්ති සේවා විසින් අනාවරණය කරනු ලැබීය. සමෘද්ධිමත් ශ්‍රී ලංකාවකට පදනම දැමීමට ශ්‍රී ලාංකිකයන් ක්‍රියා කරන්නේ ද යන්න අපි තෝරාගත යුතු බව හෙතෙම ප්‍රකාශ කර ඇත.

මේ පසුබිම මැද සටන් විරාම සමයේ බුද්ධි සේවා භාරව ක්‍රියා කළ නියෝජ්‍ය පොලිස්‌පතිවරයෙක්‌ මෙරට ජනතාව නොදන්නා තවත් රහසක්‌ අනාවරණය කර ඇත.

“සටන් විරාම සමයේ අභ්‍යන්තර බුද්ධි සේවා සහ හමුදා බුද්ධි සේවා සාකච්ඡාවලට ඇමරිකානු සී.අයි.ඒ. ඔත්තු සේවාවේ නිලධාරියෙක්‌ ද සහභාගි වූහ. ඔහුව ශ්‍රී ලංකාවට ගෙන ඒමට සහ ශ්‍රී ලංකාවේ බුද්ධි සේවා රැස්‌වීම්වලට යොමු කළේත් එවකට සිටි රජයේ ඇමැතිවරයෙක්‌ යෑයි එම විශ්‍රාමික නිලධාරියා විසින් හෙළි කරනු ලැබීය.

මේ ප්‍රකාශයෙන් ඩොක්‌ටර් ජෙකිල් ඇන්ට්‌ මිස්‌ටර් හයිඩ් ග්‍රන්ථයේ එන එකම මිනිසාගේ ද්විත්ව රංගනයේ යෙදෙන දේශපාලකයාගේ පසුබිම සනාථ නොවන්නේද?

ශ්‍රී ලංකාවේ බුද්ධි සේවා රහස්‌ සාකච්ඡාවලට ඇමරිකානු සී.අයි.ඒ. නිලධාරියෙක්‌ව සහභාගි කරවූ මේ දේශපාලකයා දැන් වත්මන් රජයට සම්බන්ධ වී ඇත. ඒබ්‍රහම් ලින්කන් ජනාධිපතිවරයා මුහුණපා සිටියේ සතුරන් හා ෙද්‍රdaහීන්ටය. ශ්‍රී ලංකා ජනාධිපතිවරයා ද ඒ තත්ත්වයට මුහුණපා ඇත. අපි සතුරන් මෙන්ම මිතුරු අයව ද නිසි ලෙස හඳුනාගත යුතු යෑයි සුන් ත්ට්‌සු නමැති චීන යුද විශේෂඥයා වරක්‌ පැවසීය.

එහෙත් රජය සැබෑ සතුරන් හඳුනාගෙන තිබේද? මේ පසුබිම මැද සටන් විරාමය වැරැදීම ගැන විමර්ශන වාර්තා සකස්‌ කළ ගනර් සෝබෝ ක්‍රිස්‌තුස්‌ වහන්සේව යුදෙව්වන්ට පාවා දුන් පොන්ටියස්‌ පයිලට්‌ නමැති ආණ්‌ඩුකාරයා මෙන් අත සෝදා ගත්තේය. සටන් විරාමය හා සාමය කඩවීම ගැන සියලු පාර්ශ්ව වගකිවයුතු බවද ඔහුගේ වාර්තාවේත් සඳහන් විය. එසේම නෝර්වේ අරමුදල් මත යෑපුන මෙරට එන්.ජී.ඕ. සංවිධානවලට සිය ක්‍රියාදාමය ගෙනයැමට නොහැකි වූ බවද ඔහු පළ කළේය.

මෙහිදී එරික්‌ සෝල්හයිම් ප්‍රකාශයක්‌ කරමින් යුද්ධයේ අවසාන දිනවල සිදුවූ දේ ඉවත දැමිය නොහැකි බවත් කීවේය. ශ්‍රී ලංකාවේ ප්‍රශ්නය හමුදාමය ප්‍රශ්නයක්‌ නොවන බවත් පැවසූ සෝල්හයිම් රජිව් ගාන්ධි ඝාතනයට කොටි සංවිධානය සම්බන්ධ නැතැයි ප්‍රභාකරන් සහ පොට්‌ටු අම්මාන් කළ ප්‍රකාශය ඇන්ටන් බාලසිංහම් විශ්වාස කළේ නැතැයි පළ කළේය. “ප්‍රභාකරන්ගේත්, පොට්‌ටුඅම්මාන්ගේත් ප්‍රකාශය තමා විශ්වාස කළේ නැති බවත් ඉන්පසු ඔවුන් දෙදෙනා එකී බොරුව තමාට පැවසුවේ නැති බවත් බාලසිංහම් හෙළි කළ බව ද” සෝල්හයිම් තවදුරටත් සඳහන් කරනු ලැබීය.

මේ 2009 මැයි 19 වැනිදා කොටි ඝාතක සමාගම පරාජයවීමෙන් පසු වසර 2 කට පසු 2011 නොවැම්බර් 11 වැනිදා එරික්‌ සෝල්හයිම් විසින් නෝර්වේහිදී කළ ප්‍රකාශයෙන් යුද ජයග්‍රහණයෙන් ලකුණු දමා ගැනීමට ක්‍රියා කළ මෙරට ඇතැම් දේශපාලකයන්ගේ හා විවිධ පාර්ශ්වයන්ගේ යථාර්ථය හෙළි විය.

“ගෝඨාභය රාජපක්‍ෂ හැර වෙන කිසිවෙක්‌ යුද ජයග්‍රහණය ලැබිය හැකි යෑයි සිතුවේ නැහැ. යුද්ධය ජයගත හැකි බව පැවසූ එකම පුද්ගලයා ඔහුයි. 2008 වන තෙක්‌ම එකම ඉන්දීය බුද්ධි සේවා නිලධාරියෙක්‌ වත් යුද්ධය ජයගත හැකි යෑයි කියා සිටියේ නැහැ. එ හෙත් එම්. කේ. නාරායන් ඇතුළු අනිකුත් අය කලින් සිටි ස්‌ථාවරය වෙනස්‌ කර ශ්‍රී ලංකා රජයට කොටින්ව විනාශ කළ හැකිය යන මතයට පැමිණියා”යෑයි සෝල්හයිම් කියා සිටියේය.
(No one. May be with exception of Gotabaya
Rajapaksa, but he’s the only
person I can mention who thought
a military victory was possible –
Eric Solhem)

මෙහිදී තවදුරටත් කරුණු දැක්‌වූ සෝල්හයිම් “ඇමරිකාව පවා කොටි පැරදවිය හැකිය යන මතයේ සිටියේ නැහැ” යෑයි කියා සිටියේය.

මෙරට ජනතාවට නව වසරක්‌ තිස්‌සේ සැඟවී තිබූ රහසක්‌ ද සෝල්හයිම් විසින් හෙළි කර ඇත.

ඒ පෙඩරල් ක්‍රමය සඳහා වූ ඔස්‌ලෝ ප්‍රඥප්තිය (Oslo declaration) සකස්‌ කළේ කව්ද යන්නයි. “මමත් මිලින්දත් එකතුවී එය ලිව්වා. ඇන්ටන් බාලසිංහම් එය පිළිගත්තා. නමුත් ප්‍රභාකරන් එය ප්‍රතික්‍ෂේප කළා”යෑයි සෝල්හයිම් කියා සිටියේය.

සෝල්හයිම් මෙසේද පැවසීය. “කොටි සංවිධානය ශ්‍රී ලංකාවේ දේශපාලනඥයන් රැසක්‌ ඝාතනය කළා. ඇයි ඔවුන් රජිව් ගාන්ධිව මැරුවේ? ඇමරිකාවේ සහාය අපේක්‍ෂා කරනවා නම් ඇමරිකාන් ජනාධිපතිව මරනවාද? ඇන්ටන්බාලසිංමගේ මරණයෙන් පසු කොටි සංවිධානය වැරදි රැසක්‌ සිදු කළා.


බර්න් නුවර පැවැති සමුළුවේදී ජර්මනියේ ශ්‍රී ලංකා තානාපති
සරත් කෝන්ගහගේ සහ නීතිපති මොහාන් පීරිස්‌ කරුණු දක්‌වමින්

මේ අතර ස්‌විට්‌සර්ලන්ත කොටි හිතවාදීන්ගේ මෙහෙයවීමෙන් බර්න් පැවැති සමුළුවකදී ශ්‍රී ලංකාවට එරෙහිව නැඟුන චෝදනා ජර්මනියේ ශ්‍රී ලංකා තානාපති සරත් කෝන්ගහගේ සහ නීතිපති මොහාන් පීරිස්‌ විසින් බිඳ දමා ඇත.

මේ පසුබිම සටතේ පසුගිය බදාදා බ්‍රිටිෂ් ස්‌කූලර්ස්‌ ඇසෝසියේෂන් ඔප් ශ්‍රී ලංකා නමැති සංවිධානය පසුගිය 11 වැනිදා බ්‍රිතාන්‍ය කවුන්සිලයේදී දේශනයක්‌ පවත්වනු ලැබීය.

මෙයට කැඳවා තිබුණේ කොටින්ට එරෙහි යුද්ධය ජයගත නොහැකි යෑයි පැවසූ ව්‍යාජ සිංගප්පූර් යුද විශේෂඥයායි.

මේ ව්‍යාජ සිංගප්පූර් යුද විශේෂඥයා ශ්‍රී ලංකාවේ බලධාරීන් සමග සමීපව කටයුතු කරමින් උපදෙස්‌ දුන් බවට ද ප්‍රකාශ විය.

මේ අනුව බලන කල කොටින්ට එරෙහි යුද්ධය ජය ගැනීමට හමුදාවට උපදෙස්‌ දී ඇත්තේ මේ ව්‍යාජ යුද විශේෂඥයා ද?.

මේ රැවටීම තවදුරටත් ක්‍රියාත්මක වන බව මෙවැනි දේශනවලින් සනාථ වේ.

මේ අතර ගනර් සෝබර්ගේ වාර්තාවෙන් මෙරට ස්‌ථානගතව සිටින ආනේ පෝජට්‌ නමැති එන්.ජී.ඕ. ක්‍රියාකාරියා ශ්‍රී ලංකා රජය ගැන සෝල්හයිම්ට රහස්‌ වාර්තාවක්‌ යවා ඇතැයි හෙළි විය. (Solheim
receives a confidential report from
Arne Fjortoft)

මින් සනාථ වන්නේ විදෙස්‌ එන්.ජී.ඕ. ක්‍රියාකාරීන් ශ්‍රී ලංකාව සම්බන්ධයෙන් ඔත්තු බැලූ බව නොවේද?

කීර්ති වර්ණකුලසූරිය

ආන්දෝලනාත්මක සුදු කොඩි කතාවේ සුලමුල

ආන්දෝලනාත්මක සුදු කොඩි කතාවේ සුලමුල

source:

උ……..සා…….වි…….ය.
නි…..ශ්………ශ……බ්……ද……….. වනු·
නඩු අංක ( එච්. සී. 5311/2010
ගාර්දිහේවා සරත් චන්ද්‍රලාල් ෆොන්සේකා

පුරා වසර දෙකකට ආසන්න කාලයක්‌ කොළඹ මහාධිකරණය හමුවේ විභාගයට ගනු ලැබූ මුළු මහත් රට පුරා මෙන්ම ජාත්‍යන්තරය ද අවධානය යොමු කර සිටි “සුදු කොඩි නඩුව” පටන් ගනු ලැබුයේ එසේය. සිද්ධියට අදාළව පොලිස්‌ විමර්ශන පවත්වා, චෝදනා ගොනුකර, නඩු විභාගයක්‌ පවත්වා, තීන්දුව ප්‍රකාශයට පත් කිරීමට හරියටම වසරකුත් මාස නවයක්‌ ගත වී තිබිණි. වර්ෂ 2010 පෙබරවාරි මස 18 දා පොලිස්‌පතිවරයාගේ නියෝගයක්‌ මත විමර්ශන ආරම්භ වූ සුදු කොඩි සිද්ධිය වර්ෂ 2010 ජුලි මස 21 දින කොළඹ මහධිකරණය හමුවේ චෝදනා ගොනු කිරීමෙන් නඩු විභාගයක්‌ වී වර්ෂ 2011 නොවැම්බර් මස 18 දා තීන්දු ප්‍රකාශයෙන් අවසන් වූයේය. ඒ අනුව සිද්ධියට අදාළ නඩු විභාගය සඳහා කොළඹ මහාධිකරණය හමුවේ මෙම නඩුව වාර 57 ක්‌ කැඳවා තිබිණි.

හිටපු යුද හමුදාපති සරත් ෆොන්සේකා මහතා විත්තිකරු කරමින් කොළඹ මහාධිකරණය හමුවේ විභාග වූ මෙම නඩුව සිද්ධියට අදාළව කියෑවුණු සුදු කොඩි නිසාවෙන් “සුදු කොඩි නඩුව” ලෙසින් ප්‍රසිද්ධියට පත්ව තිබුණේය. රටේ එසවුණු ‘සුදු කොඩි’ යළි එසවීමක්‌ නොවීමට මූලික වූ පුද්ගලයකු වන හිටපු යුද හමුදාපති සරත් ෆොන්සේකා මහතාට ඔහු පැවසූ යෑයි කියෑවුණු “සුදු කොඩියක්‌” පාරාවළල්ලක්‌ වී ආවේය.

දශක තුනකට ආසන්න කාලයක්‌ රටේ නන් දෙසින් රැව් දෙන්නට වූ සුදු කොඩි යුද්ධය නිමාවට පත්වීත් තුඩ තුඩ රැව් දෙන්නට සමත් වූ මාතෘකාවක්‌ සපයන්නට වූයේ එනිසාය. කොටි ත්‍රස්‌තවාදීන්ගේ කුරිරු ඝාතන ක්‍රියා හේතුවෙන් රටේ සෑම තැනම විවිධ තරාතිරමේ පුද්ගලයන් උදෙසා ‘සුදු කොඩි’ එසවෙන්නට වූ අයුරු අප තුළ තවම මතකයෙන් ගිලිහී නැත. රජය මගින් ත්‍රස්‌තවාදයට එරෙහිව ගෙන ගිය මානුෂීය මෙහෙයුම නිසාවෙන් යළි ‘සුදු කොඩි’ එසවීමක්‌ නොවුණු අතර මානුෂීය මෙහෙයුමේ අවසන් අදියරේදී එසවුණා යෑයි කියනු ලබන ‘සුදු කොඩියක්‌’ දෙස මුළු රටම බලා සිටින්නට වූයේය.

ත්‍රස්‌තවාදයට එරෙහි රජය මගින් ගෙනගිය මානුෂීය මෙහෙයුම අති සාර්ථක ලෙස අවසන් වූයේය. කුරිරු ත්‍රස්‌තවාදය සදහටම රටින් තුරන් කර දැමීමට රජයට හැකි විය. ත්‍රිවිධ හමුදාවේ හා පොලිසියේ අධිෂ්ඨානශීලී කැප කිරීමත් නොපසුබස්‌නා වීර්යයත් නිසාවෙන් ත්‍රස්‌තවාදය පරාජයට පත් වී සියලු ජන කොටස්‌ වෙත බියෙන් සැකයෙන් තොරව ජීවත් වීමට ඉඩ ප්‍රස්‌ථාව උදා වූයේය.

යුද ජයග්‍රහණයත් සමඟ ජනාධිපති මහින්ද රාජපක්‍ෂ මහතා සිය ධුර කාලය තවත් වසර දෙකක්‌ ඉතිරිව තිබියදී ජනාධිපතිවරණයට යැමට තීන්දු කරනු ලැබුවේය. වසර තිහක කාලයක්‌ පුරා පැවැති යුද්ධය ජයගත් ජනාධිපතිවරයාට අභියෝගයක්‌ එල්ල කළ හැකි අපේක්‍ෂකයෙක්‌ නොමැති වීම හා තත් කාලීනව දේශපාලන වශයෙන් වෙන්දේසියේ දැමිය හැකි දෙය හොඳම යුද ජයග්‍රහණය වීම නිසා ජනාධිපතිවරණයක්‌ පැවැත්වීමට මෙම තීරණය ගනු ලැබීය. එකට හමු නොවන රේල් පීලි දෙකක්‌ ලෙසින් දිවෙන දේශපාලන මති මතාන්තර දෙකක සිටි එක්‌සත් ජාතික පක්‍ෂය හා ජනතා විමුක්‌ති පෙරමුණ එකට සන්ධාන ගත වී ඔවුන්ගේ පොදු අපේක්‍ෂකයා ලෙස හිටපු යුද හමුදාපති සරත් ෆොන්සේකා මහතා ඉදිරිපත් කිරීමට කටයුතු කරනු ලැබුයේද තත් කාලීනව දේශපාලන ලෙසින් වෙන්දේසියේ දැමිය හැකි හොඳම දෙය යුද ජයග්‍රහණය නිසාවෙනි. ඒ අනුව පසුගිය ජනාධිපතිවරණය වූ කලී යුද්ධයේ වීරයා තේරීමේ ජනමත විමසුමක්‌ වැනි විය. යුද්ධයේ සැබෑ වීරයා යුද්ධයට අණ දුන් සේනාධිනායක ජනාධිපතිවරයාද, යුද්ධය මෙහෙයවූ යුද හමුදාපති සරත් ෆොන්සේකා මහතා ද යන්න එහිදී විමසීමට ලක්‌විය.

එක්‌සත් ජනතා නිදහස්‌ සන්ධානයේ අපේක්‍ෂකයා ලෙසින් ජනාධිපති මහින්ද රාජපක්‍ෂ මහතා ද විපක්‍ෂයේ පොදු අපේක්‍ෂකයා ලෙසින් හිටපු යුද හමුදාපති සරත් ෆොන්සේකා මහතා ද ජනාධිපතිවරණයට ඉදිරිපත් වූයේය. යුද්ධය අවසන් වී පැවැති ජනාධිපතිවරණය උදෙසා මාධ්‍ය වලින් ද දැඩි උනන්දුවක්‌ දක්‌වනු ලැබූ බවක්‌ පෙනෙන්නට විය. ඇතැම් මාධ්‍ය උණුසුම් පුවත් මවමින් විවිධ ප්‍රවෘත්ති ජනතාව අතරට ගෙන යැමේ තරගකාරී බවකින් කටයුතු කළේය. ඒ අතර අපේක්‍ෂකයන් දෙදෙනාගේ කතාබහ, ඔවුන් යුද්ධයට දැක්‌ වූ මෙහෙය, එහිදී ගත් ක්‍රියාමාර්ග විවිධාකාරයේ පුවත් ලෙසින් ඉදිරිපත් විය.

හිටපු යුද හමුදාපති සරත් ෆොන්සේකා මහතා 2009 දෙසැම්බර් 08 දා සන්ඩේ ලීඩර් පුවත්පතට ලබා දුන් සම්මුඛ සාකච්ඡාව ද එයාකාරයේ උණුසුම් පුවතක්‌ ජනතාව අතරට ගෙන ගියේය.

සන්ඩේ ලීඩර් පුවත්පතේ කර්තෘ ‍ෙෆඩ්රිකා ජෑන්ස්‌ මහත්මිය 2009 දෙසැම්බර් 08 දා කොළඹ රාජකීය මාවතේ ෆොන්සේකා මහතාගේ මැතිවරණ මෙහෙයුම් කාර්යාලයට ගොස්‌ සම්මුඛ සාකච්ඡාවක්‌ ලබා ගනිමින් යුද්ධයේ අවසන් අදියරේ ඇති වූ ආන්දෝලනාත්මක සිද්ධියක්‌ සම්බන්ධයෙන් ලබාගත් තොරතුරු මත ලිපියක්‌ සකස්‌ කොට එම 13 දා පුවත්පත මගින් පළ කරනු ලැබුවේය.

ත්‍රස්‌තවාදයට එරෙහිව රජය මගින් ගෙන ගිය මානුෂීය මෙහෙයුමේදී ගැලවීමක්‌ නොමැති වූ කොටි නායකයන් හා ඔවුන්ගේ පවුල්වල අය ආරක්‍ෂාව පතා හමුදාව වෙත සුදු කොඩි රැගෙන යටත් වීමට පැමිණ ඇති බවත් හමුදාව මගින් ඔවුන්ව වෙඩි තබා ඝාතනය කර ඇති බවත්, 2009 දෙසැම්බර් 13 දා සන්ඩේ ලීඩර් පුවත්පත සිය ප්‍රධාන ප්‍රවෘත්තිය ලෙස පළ කරනු ලැබුවේය.

මානුෂීය මෙහෙයුමේ අවසන් අදියරේදී සිදු වූ සිද්ධීන් කා අතරත් වඩාත් කතාබහට ලක්‌වන විට හමුදා සේවයෙන් විශ්‍රාම ගොස්‌ ජනාධිපතිවරණයේ පොදු අපේක්‍ෂකයා ලෙසින් ඉදිරිපත්ව සිටි සරත් ෆොන්සේකා මහතා ආරක්‍ෂක අමාත්‍යාංශයේ ලේකම් ගෝඨාභය රාජපක්‍ෂ මහතා යුද්ධ හමුදාවේ 58 වැනි සේනාංකයේ සේනාංකාධිපතිවරයා ලෙස කටයුතු කළ බ්‍රිගේඩියර් ශවේJද්‍ර සිල්වා මහතාට දුරකථනය මගින් කථා කොට සුදු කොඩි රැගෙන යටත් වීමට පැමිණෙන කිසිදු එල්.ටී.ටී.ඊ. නායකයකුට යටත් වීමට ඉඩ නොදෙන ලෙසට ද ඔවුන් සියලුදෙනා මරා දැමිය යුතු බවට කියා ඇති බවට තමාට දැන ගන්නට ලැබුණේ යෑයි පවසමින් සන්ඩේ ලීඩර් පුවත්පත ප්‍රවෘත්තියක්‌ පළ කර තිබිණි.

සරත් ෆොන්සේකා මහතා සන්ඩේ ලීඩර් පුවත්පතට ලබා දුන්නේ යෑයි කියන එම සම්මුඛ සාකච්ඡාවෙන් කියෑවුණු ප්‍රවෘත්තිය ජනාධිපතිවරණයේදී විවිධ කෝණ ඔස්‌සේ පුළුල් කතා බහට ලක්‌වෙමින් ගලා යන්නට වූ අතර රජය එම පුවත්වලින් ලියෑවුණු සිද්ධිය එක හෙළා ප්‍රතික්‍ෂේප කරනු ලැබුවේය. ලෝකයේ විවිධ රටවල් හා සංවිධාන මේ පිළිබඳව රජයෙන් විමසීම් කරන්නට විය. ජිනීවා හි මානව හිමිකම් කවුන්සලයේ මහ කොමසාරිස්‌ නවනීදම් පිල්ලෙයි මහත්මිය කළ විමසීමකට රජයේ නිවැරැදි බව දක්‌වා කරුණු කියන්නට සිදුවිය.

සිද්ධියට අදාළව පොලිස්‌පතිවරයාගේ දැනුම්දීම මත අපරාධ පරීක්‍ෂණ දෙපාර්තමේන්තුව 2010 පෙබරවාරි 18 දා පරීක්‍ෂණයක්‌ ආරම්භ කරමින් ඊට සම්බන්ධ කීප දෙනකුගෙන් ප්‍රකාශ ලබාගෙන සටහන් කර ගනු ලැබීය.

සුදු කොඩි සිද්ධියට අදාළව මුලින්ම විමර්ශන කටයුතු භාරව කටයුතු කරනු ලැබූයේ අපරාධ පරීක්‍ෂණ දෙපාර්තමේන්තුවේ ජ්‍යෙෂ්ඨ පොලිස්‌ අධිකාරී විමල් සමරසේකර මහතාය. සිද්ධියට අදාළව “සන්ඩේ ලීඩර්” පුවත්පතේ හිමිකරු වන ලාල් වික්‍රමතුංග මහතාගේ ප්‍රකාශ ලබා ගැනීමෙන් අනතුරුව සමරසේකර මහතා විමර්ශන කටයුතුවලින් ඉවත් කරනු ලැබූ අතර 2010 අප්‍රේල් 10 දා සිට අපරාධ පරීක්‍ෂණ දෙපාර්තමේන්තුවේ පොලිස්‌ පරීක්‍ෂක අනුර සිල්වා මහතා වෙත එහි විමර්ශන කටයුතු භාර විය. නඩු විභාගය අවසන් වන තෙක්‌ සුදු කොඩි නඩුවේ විමර්ශන නිලධාරියා ලෙස ඔහු කටයුතු කරනු ලැබූ අතර සිද්ධියට අදාලව ඒ මහතා අධිකරණය හමුවේ සාක්‌කි ලබාදීමක්‌ද සිදු කරනු ලැබීය.

සිද්ධියට අදාළව අපරාධ පරීක්‍ෂණ දෙපාර්තමේන්තුව මගින් සිදු කරනු ලැබූ විමර්ශනයේ වාර්තාවක්‌ කොළඹ හිටපු ප්‍රධාන මහෙස්‌ත්‍රාත් චම්පා ජානකී රාජරත්න මහත්මිය වෙත ඉදිරිපත් කරමින් කළ ඉල්ලීම් තුනක්‌ එම මහත්මිය ප්‍රතික්‍ෂේප කරනු ලැබුයේ ඒවායේ සාක්‌කි සම්පිණ්‌ඩ වාර්තා හා සරත් ෆොන්සේකා මහතා සැකකරුවකු ලෙස නම් කර නොතිබීම මතය. ඒ අනුව 2010 මැයි මස 11 දා සිව් වැනි වතාවටත් වැඩිදුර වාර්තා මගින් කරුණු දැක්‌වූ අපරාධ පරීක්‍ෂණ දෙපාර්තමේන්තුව හිටපු යුද හමුදාපති සරත් ෆොන්සේකා මහතා සිද්ධියට අදාළ විමර්ශනයේ සැකකරුවකු ලෙස නම් කර ඊට අදාළව කීප දෙනකුගෙන් ප්‍රකාශ ලබාගෙන සටහන් කරගෙන ඇති බවත් යුද හමුදා පොලිසිය මගින් අත්අඩංගුවට ගෙන නාවික හමුදා මූලස්‌ථානයේ රඳවා සිටින ඒ මහතාව සුදුකොඩි සිද්ධියට අදාළව කොළඹ මහෙස්‌ත්‍රාත් අධිකරණය හමුවට ඉදිරිපත් කරන ලෙස හමුදාපතිවරයා වෙත නොතීසි නිකුත් කරන ලෙසත් ඉල්ලා සිටියේය.

අපරාධ පරීක්‍ෂණ දෙපාර්තමේන්තුව කළ ඉල්ලීම කෙරෙහි සැලකිලිමත් වෙමින් ප්‍රධාන මහෙස්‌ත්‍රාත්වරිය නිකුත් කළ නොතීසියකට අනුව 2010 මැයි 12 දා ප්‍රථම වරට සුදුකොඩි සිද්ධියට අදාළව නාවික හමුදා මූලස්‌ථානයේ රැඳවා සිටි සරත් ෆොන්සේකා මහතාව යුද හමුදාව මගින් කොළඹ ප්‍රධාන මහෙස්‌ත්‍රාත් අධිකරණය හමුවට ඉදිරිපත් කරනු ලැබීය.

නීතිපතිවරයා නියෝජනය කරමින් පැමිණිල්ල වෙනුවෙන් නියෝජ්‍ය සොලිස්‌ටර් ජනරාල් වසන්ත නවරත්න බණ්‌ඩාර මහතා අධිකරණය අමතමින් හිටපු යුද හමුදාපතිවරයා “සන්ඩේ ලීඩර්” පුවත්පතට ලබාදුන් සම්මුඛ සාකච්ඡාව තුළින් බරපතළ වරදක්‌ කර ඇති බවත් ගමක ගමරාළ කෙනෙක්‌ මෙවැනි ප්‍රකාශයක්‌ කළේනම් එය එතරම් ප්‍රශ්නයක්‌ නොවන බවත් කියා සිටියේය.

සැකකාර සරත් ෆොන්සේකා මහතා වෙනුවෙන් නීතිවේදීන් විශාල පිරිසක්‌ සමඟ පෙනී සිටි නීතිඥ නලීන් ලද්දුවහෙට්‌ටි මහතා කරුණු දක්‌වමින් මෙම සිද්ධියට

අදාළව සන්ඩේ ලීඩර් පුවත්පතට අදාළ ලිපිය සකස්‌ කළ මාධ්‍යවේදිනී ‍ෙෆඩ්රිකා ජෑන්ස්‌ මහත්මිය සම්බන්ධයෙන් ගනු ලබන ක්‍රියා මාර්ගයක්‌ නොමැතිවීම පුදුමයට කරුණක්‌ බව කියා සිටියේය.

ඒ වන විටත් ජෙනරාල් තනතුර ඇතිව සිටි සරත් ෆොන්සේකා මහතා විශේෂ පුද්ගලයෙක්‌ බවත් ඔහුගේ ජීවිත ආරක්‍ෂාව හමුදාව තහවුරු කළ යුතු බවත් පෙන්වා දුන් මහෙස්‌ත්‍රාත්වරිය සැකකරු හමුදා භාරයටම පත් කරන බව දැනුම් දුන්නාය.

සැකකරු වරදක්‌ කර ඇත්නම් එම නීති කෘතියට මූලිකත්වය ගෙන නීතිපතිවරයා කටයුතු කරනු ඇතැයි කී රාජරත්න මහෙස්‌ත්‍රාත්වරිය අධිකරණය හමුවට ඉදිරිපත් කරන ඕනෑම සැකකරුවකුගේ ආරක්‍ෂාව අධිකරණය භාරයට පත්වන හෙයින් යුද හමුදාව භාරයේ සිටින සැකකරුගේ ආරක්‍ෂාව තහවුරු කළ යුතු බවට අවධාරණය කළාය.

මුළු රටම භීතියට පත් කළ ත්‍රස්‌තවාදය සහමුලින් නැතිකර දැමීමට යුද්ධයේදී මූලිකත්වය ගෙන සාර්ථක ජයග්‍රහණයක්‌ තහවුරු කළ සැකකරුට අනෙක්‌ නඩු කටයුතු පසෙකලා ඉක්‌මනින් චෝදනා ගොනු කිරීමට පියවර ගන්නා ලෙස ද මහෙස්‌ත්‍රාත්වරිය වැඩිදුරටත් කියා සිටියාය.

සැකකාර සරත් ෆොන්සේකා මහතා යුද හමුදාවේ විනයාරක්‍ෂණාධිපති බ්‍රිගේඩියර් ජගත් විෙ-සිරි මහතා නඩු වාර්තාවේ අත්සන් කර බාර ගන්නා ලෙසට රාජරත්න මහත්මිය නියම කළාය.

ඊට පසු අවස්‌ථාවකදී පැමිණිල්ලට අදාළව වැඩිදුර වාර්තාවක්‌ ගොනු කරමින් කරුණු දැක්‌වූ අපරාධ පරීක්‍ෂණ දෙපාර්තමේන්තුව සරත් ෆොන්සේකා මහතා සන්ඩේ ලීඩර් පුවත්පතේ කර්තෘ ‍ෙෆඩ්රිකා ජෑන්ස්‌ මහත්මිය සමග පැවැති සම්මුඛ සාකච්ඡාව ඇතුළත් සටහන් පොත විමර්ශනයට අදාළව ඇගෙන් ඉල්ලා සිටියද ඇය එම සටහන් පොත ලබාදීම ප්‍රතික්‍ෂේප කර ඇති බවත් එම සටහන් පොත අධිකරණ නියෝගයක්‌ මගින් තමන් වෙත භාරදෙන ලෙසට ඉල්ලා සිටියේය.

අධිකරණය මගින් කළ නියෝගයකට අනුවනීතිඥවරයකු සමග පෙනී සිටි ජෑන්ස්‌ මහත්මිය අදාළ සම්මුඛ සාකච්ඡාව සටහන් කොටගෙන තිබූ සටහන් පොත කොළඹ හිටපු ප්‍රධාන මහෙස්‌ත්‍රාත්වරිය වෙත භාර දෙනු ලැබුවාය. පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් වසන්ත නවරත්න බණ්‌ඩාර මහතාගේ හා විත්තිය වෙනුවෙන් පෙනී සිටි නීතිඥ නලීන් ලද්දුවහෙට්‌ටි මහතාගේ පරීක්‍ෂා කිරීමකින් අනතුරුව අදාළ සටහ න් පොතේ පිටු ගණන ගැන නිරීක්‍ෂණය කර ඒ පිළිබඳ පැමිණිලි ගොනුවේ සටහන් යෙදූ මහෙස්‌ත්‍රාත්වරිය එම සටහන් පොත මුද්‍රd තබා අධිකරණ සේප්පුවේ තැන්පත් කිරීමට නියෝග කළාය.

කොළඹ ප්‍රධාන මහෙස්‌ත්‍රාත් අධිකරණය හමුවේ සිද්ධියට අදාළ කරුණු විමර්ශනය අවසන් වී හිටපු හමුදාපති සරත් ෆොන්සේකා මහතාට එරෙහිව හිටපු නීතිපති මොහාන් පීරිස්‌ මහතා විසින් 2010 ජුලි මස 21 දා කොළඹ මහාධිකරණය හමුවේ අධි චෝදනා පත්‍ර ගොනු කරනු ලැබුවේය.

චෝදනා පත්‍රය

වර්ෂ 2009 ක්‌ වූ දෙසැම්බර් මස 08 වැනි දින හෝ ඊට ආසන්න දිනකදී කොළඹ 07 රාජකීය මාවතේදී සන්ඩේ ලීඩර් පුවත්පතේ කර්තෘ ‍ෙෆඩ්රිකා ජෑන්ස්‌ සමග පැවැති පුවත්පත් සම්මුඛ සාකච්ඡාවේදී ත්‍රස්‌තවාදයට එරෙහිව රජය මගින් ගෙන ගිය මානුෂීය මෙහෙයුමේ අවසන් අදියරේදී ආරක්‍ෂක අමාත්‍යාංශයේ ලේකම් ගෝඨාභය රාජපක්‍ෂ මහතා යුද හමුදාවේ 58 වැනි සේනාංකයේa අඥපතිව සිටි බ්‍රිගේඩියර් ශවේන්ද්‍ර සිල්වා මහතාට දුරකථනයෙන් කතා කොට “යටත් වීමට උත්සාහ දරණ කිසිදු එල්. ටී. ටී. ඊ. නායකයකුට යටත් වීමට ඉඩ නොදෙන ලෙසටද ඔවුන් සියලුදෙනාම මරා දැමිය යුතු බවට ද කියා සිටි බවට පැවසීමෙන් මහජනයා බියවැද්දිය හැකි හෝ මහජනයා කැළඹිය හැකි ව්‍යාජ ප්‍රකාශයක්‌ කට වචනයෙන් හෝ වෙන කවර හෝ ක්‍රමයකින් පැතිරවීමෙන් හෝ විසුරුවා හැරීමෙන් හා කෙලින්ම හෝ අන්‍යාකාරයකින් ජාතිවාදී හැඟීම් ඇවිස්‌සෙන සුළු යම් කරුණක්‌ සම්බන්ධයෙන් තොරතුරු සැපයීමෙන් හදිසි අවස්‌ථා (විවිධ විධිවිධාන හා බලතල) නියෝජනයන්හි අංක 28 හා 29 නියෝගයන් උල්ලංඝනය කළ බවද එසේ හෙයින් එම නියෝගවල 45(1) නියෝග යටතේ දඬුවම් ලැබිය යුතු වරදක්‌ සිදු කළ බවට ද ලංකාණ්‌ඩුවට විරුද්ධත්වයක්‌ දැක්‌වීමේ හැඟීම් ඇවිස්‌සීමෙන් හෝ ඇවිස්‌සීමට තැත්කිරීමෙන් හෝ ජනතාව අතර සතුරු වූද අසමගි වූද හැඟීම් වැඩිදියුණු කිරීමට තැත් කිරීමෙන් දණ්‌ඩ නීති සංග්‍රහයේa 120 වැනි වගන්තිය යටතේ දඬුවම් ලැබිය යුතු වරදක්‌ සිදු කළ බවටද හිටපු නීතිපති මොහාන් පීරිස්‌ මහතා විසින් හිටපු හමුදාපති සරත් ෆොන්සේකා මහතාට එරෙහි අධි චෝදනා ගොනු කර තිබිණි.

මේ අතර සරත් ෆොන්සේකා මහතාට ගොනු කරනු ලැබූ අධිචෝදනා පත්‍ර විභාග කිරීම විශේෂ අධිකරණ කටයුත්තක්‌ ලෙස සලකමින් ජූරි සභාවක්‌ නොමැතිව මහාධිකරණයේ විශේෂ අධිකරණයක්‌ ඉදිරියේ විනිසුරුවරුන් තිදෙනෙක්‌ විසින් විභාගයක්‌ පැවැත්විය යුතු බව හිටපු අගවිනිසුරු අශෝක ද සිල්වා මහතා විසින් කරනු ලැබූ නියෝගයක්‌ පරිදි මහාධිකරණ විනිසුරුවන් වන දීපාලි විඡේසුන්දර (සභාපති විනිසුරුවරිය) ඩබ්ලිව් එම්. ටි. බී. වරාවැව සහ එම්. ඉසෙඩ් රාශින් යන මහත්ම මහත්මීන් ගෙන් සැදුම්ලත් විනිසුරු මඬුල්ලක්‌ හමුවේ මෙම නඩු විභාගය කැඳවන්නට යෙදුණි.

විත්තිකාර සරත් ෆොන්සේකා මහතාට එරෙහි ගොනු කර තිබූ චෝදනා පත්‍රය මහාධිකරණ භාෂණ පරිවර්තක විසින් කියවා දෙනු ලැබූ අවස්‌ථාවේදී චෝදනාවලට තමන් නිවැරැදිකරු බවට ඒ මහතා දන්වා සිටියේය.

පැමිණිල්ල මගින් සරත් ෆොන්සේකා මහතාට එරෙහිව ගොනු කරනු ලැබූ චෝදනාවන් ඔප්පු කිරීමට සාක්‌කිකරුවන් 20 දෙනකු නම් කර තිබූ අතර පළමු කොට සන්ඩේ ලීඩර් පුවත්පතේ කර්තෘ ‍ෙෆඩ්රිකා ජෑන්ස්‌ මහත්මිය සාක්‌කි විමසීමට කැඳවනු ලැබීය.

පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් වසන්ත නවරත්න බණ්‌ඩාර මහතාගේ මෙහෙයවීම යටතේ ජෑන්ස්‌ මහත්මිය සාක්‌කි දෙමින් .ඨදඒ ධාeර එයෑප එද ඉe Sයදඑ, – Saර්එය ඡදබිeන් (ගෝඨා ඔවුන්ට වෙඩි තබන ලෙසට අණ කළා (සරත් ෆොන්සේකා) යනුවෙන් තමන් සිය පුවත්පතට 2009 දෙසැම්බර් 13 දා ප්‍රවෘත්තියක්‌ පළ කළ බවත් එය සකස්‌ කරනු ලැබූයේ සරත් ෆොන්සේකා මහතා පැවසූ කරුණු මත බවත් කියා සිටියාය. ප්‍රවෘත්යන් කියෑවෙන සිද්ධිය ආන්දෝලනාත්මක එකක්‌ වූ නිසා පුවත් පතේ ප්‍රධාන ප්‍රවෘත්තිය ලෙසින් පළ කළ බව ද කියා සිටි ජෑන්ස්‌ මහත්මිය විත්තිකරු හමුදා සේවයේ යෙදී සිටියදීම හඳුනන බවත් සිය පුවත්පතේ කළමනාකාරීත්වය ඔහුගේ ජනාධිපතිවරණ ව්‍යාපාරයට සහාය පළ කිරීමට තීරණය කර තිබූ බවත් කියා සිටියාය.

යුද්ධයේ අවසන් අදියරයේදී සිදු වූ සිද්ධීන් පිළිබඳව සරත් ෆොන්සේකා මහතාගෙන් විමසීම් කරන විට එතැන සිටි ඡායාරූප ශිල්පියාට හා මාධ්‍යවේදියාට ඉවත්වන ලෙසට ලාල් වික්‍රමතුංග මහතා කළ දැනුම් දීමක්‌ අනුව ඔවුන් පිටතට ගිය බවද කියා සිටි ජෑන්ස්‌ මහත්මිය එහිදී ලාල් වික්‍රමතුංග මහතා සරත් ෆොන්සේකා මහතාගෙන් ප්‍රශ්නයක්‌ අසමින් ලසන්ත මැරුවේ කවුද? කියා විමසීමක්‌ කළ බවත් පවා සිටියාය.

අනතුරුව මානුෂීය මෙහෙයුමේ අවසන් භාගයේදී යටත් වීමට පැමිණි කොටි නායකයන් කීපදෙනකු මරාදමා ඇති බවට ආරංචියක්‌ තියෙනවා. ඒ ගැන මොකද කියන්නේ යනුවෙන් තමන් කළ විමසීමකදී සරත් ෆොන්සේකා මහතා ඔහුට යම් අයෙක්‌ එවැනි දෙයක්‌ කී බවට ඔහු කියා සිටි බවද සාක්‌කි දෙමින් පැවසූ ‍ෙෆඩ්රිකා ජෑන්ස්‌ මහත්මිය ෆොන්සේකා මහතා ජනාධිපති අපේක්‍ෂකයෙක්‌ වූ හෙයින් අනෙක්‌ ප්‍රතිවාදියා වූ ජනාධිපති මහින්ද රාජපක්‍ෂ මහතාගේ සහෝදරයා නීත්‍යනුකූල නොවන අයුරින් නියෝග නිකුත් කිරීම පිළිබඳ ප්‍රවෘත්ති සකස්‌ කර පළ කරන්නට වූ බවත් ඒ මහතා එම පුවත කිසි විටක ප්‍රතික්‍ෂේප කිරීමක්‌ කළේ නැති බවත් පැවසුවාය.

තමන් අධිකරණය භාරයට පත් කළ සටහන් පොතේ පසුපිටු ගැලවී යැම පිළිබඳ කිසිවක්‌ කියන්න බැරි බව පැවසූ සාක්‌කිකාරිය සටහන් පොත අපරාධ පරීක්‍ෂණ දෙපාර්තමේන්තුව වෙත මහෙස්‌ත්‍රාත් අධිකරණයේදී බාර දෙන විට හොඳින් තිබූ බවත් තමන් විත්තිකාර සරත් ෆොන්සේකා මහතාගෙන් ඇසූ කිසිම ප්‍රශ්නයක්‌ සටහන් කර ගත්තේ නැති බවත් කියා සිටියාය.

විත්තිකරු සමග කළ සම්මුඛ සාකච්ඡාවෙන් සකස්‌ කළ ලිපියට අදාළව උසාවි එන්න වේ යෑයි තමන්a නොසිතූ බව ද සාමාන්‍යයෙන් සම්මුඛ සාකච්ඡා පටිගත කරනු ලැබූවද සරත් ෆොන්සේකා මහතා සමඟ කළ සම්මුඛ සාකච්ඡාව පටිගත කිරීමට යන්ත්‍රයක්‌ ගෙන යැමට නොහැකි වූ බවද ‍ෙෆඩ්රිකා ජෑන්ස්‌ මහත්මිය පැමිණිල්ල වෙනුවෙන් සාක්‌කි දෙමින් කියා සිටියාය.

විත්තිය වෙනුවෙන් පෙනී සිටි නීතිඥ නලීන් ලද්දුවහෙට්‌ටි මහතාගේ හරස්‌ ප්‍රශ්නවලට පිළිතුරු දුන් සාක්‌කිකාර ‍ෙෆඩ්රිකා ජෑන්ස්‌ මහත්මිය, සරත් ෆොන්සේකා මහතා නඩුවට අදාළ ප්‍රකාශය තුන්වැනි පාර්ශ්වයකින් අසා දැනගත් එකක්‌ බවට තම ලිපියට ඇතුළත් නොකළ බවත් ඒ පිළිබඳව සඳහන් කිරීමට පසුව සිතා සිටියත් පුවත්පත මුද්‍රණය කර අවසන් වී තිබූ නිසා එය සිදු කිරීමට නොහැකි වූ බවත් කීවාය.

සාක්‌කිකාර ‍ෙෆඩ්රිකා ජෑන්ස්‌ මහත්මියගේ සටහන් පොතේ අදාළ ප්‍රශ්නගත ප්‍රකාශය ලියා තිබූ පිටුව හා අනෙක්‌ පිටුවල වෙනසක්‌ ඇති බවට නලීන් ලද්දුවහෙට්‌ටි මහතා කළ පෙන්වාදීම විනිසුරු මඩුල්ලේ ද නිරීක්‍ෂණයන්ට ලක්‌ වූ අතර ඒ වෙනුවෙන් සාක්‍ෂි ලබාගෙන පැහැදිලි කිරීමට සටහන් පොත භාරගත් කොළඹ හිටපු ප්‍රධාන මහෙස්‌ත්‍රාත් චම්පා ජානකී රාජරත්න මහත්මිය කැඳවන ලෙසට පැමිණිල්ල වෙනුවෙන් නියෝජ්‍ය සොලිසිටර් ජනරාල්වරයා අධිකරණයෙන් ඉල්ලීමක්‌ කරනු ලැබුවේය.

කර්තෘ සංසදයේ සම්මාන උළෙලකට සුදු කොඩි කතාවට අදාළව “සන්ඩේ ලීඩර්” පුවත්පතට තමන් විසින් සකස්‌ කළ ප්‍රවෘත්තිය ඉදිරිපත් කළ බවට විත්තියේ හරස්‌ ප්‍රශ්නවලට පිළිතුරු කියා සිටි ජෑන්ස්‌ මහත්මිය ඊට සම්මානයක්‌ නොලැබීම පිළිබඳ තමන් කනගාටු වූ බවද කියා සිටියාය.

මේ වනවිට නඩු විභාගය පවතින අවස්‌ථා කීපයකදී අධිකරණ ශාලාවේ විදුලිය ඇනසිටීම පිළිබඳව දැඩි දෝෂදර්ශනයට ලක්‌ කළ විනිසුරු මඩුල්ල ඒ පිළිබඳව විමර්ශනයක්‌ පවත්වන ලෙසට ද නියෝග කළේය.

සාක්‍ෂිකාර ජෑන්ස්‌ මහත්මියගේ සාක්‍ෂි ලබාදීම යම් මාධ්‍ය ආයතනයක්‌ විකෘති කරනවා නම් ඒ පිළිබඳව අධිකරණයට දැනුම් දිය යුතු බවත් එසේ නැතිව එම මාධ්‍ය ආයතනවලට එරෙහිව තමන්ගේ පුවත්පත වන “සන්ඩේ ලීඩර්” පුවත්පත මගින් කිසිදු ප්‍රවෘත්තියක්‌ පළ නොකරන ලෙසට විනිසුරු මඩුල්ල මගින් ජෑන්ස්‌ මහත්මියට දැඩි ලෙස අවවාද කරනු ලැබුයේ විත්තියේ නීතිඥවරයා කළ දැනුම්දීමක්‌ අනුවය.

නඩු විභාගය පවතින අතරතුර සාක්‍ෂි සටහන් ලබා ගැනීමටද එරෙහිව ‍ෙෆඩ්රිකා ජෑන්ස්‌ මහත්මිය වෙත විනිසුරු මඩුල්ල තරයේ අවවාද කරනු ලැබුවේය.

විත්තිකාර සරත් ෆොන්සේකා මහතාගේ ආරක්‍ෂාව සම්බන්ධයෙන් නීතිඥ නලින් ලද්දුවහෙට්‌ටි මහතා කළ දැනුම්දීමක්‌ අනුව ඔහුව අධිකරණය වෙත රැගෙන එන හා ආපසු ගෙන යන විටදීත් අධිකරණ භූමිය තුළදීත් ඔහුට පූර්ණ ආරක්‍ෂාවක්‌ සපයන ලෙසට විනිසුරු මඩුල්ල බන්ධනාගාර නිලධාරීන්ට නියෝගයක්‌ නිකුත් කළේය.

ඉන් අනතුරුව සාක්‍ෂි සඳහා කැඳවනු ලැබුයේ එක්‌සත් ජාතීන්ගේ සංවිධානයේ ශ්‍රී ලංකා නියෝජ්‍ය නිත්‍ය නියෝජිත මේජර් ජනරාල් ශවේන්ද්‍ර සිල්වා මහතාය. නියෝජ්‍ය සොලිසිටර් ජෙනරාල් වසන්ත නවරත්න බණ්‌ඩාර මහතා මෙහෙයවීම මත සාක්‍ෂි දුන් ඒ මහතා අධිකරණයට කරුණු දක්‌වමින් මානුෂීය මෙහෙයුqමේදී යටත්වීමට පැමිණි කිසිවකුට හමුදාව මගින් වෙඩි තැබීමක්‌ සිදු නොකළ බවත් ජාත්‍යන්තර ප්‍රජාව පැවැති යුද්ධයේදී මානුෂික අයිතිවාසිකම් කඩවීමක්‌ ගැන නිරන්තර අවධානයෙන් සිටියත් සිවිල් ජනතාවට සුළු හෝ හානියක්‌ නොවන ලෙසින් යුද්ධය පැවැති බවත් කියා සිටියේය.

“සන්ඩේ ලීඩර්” පුවත්පත මගින් සිදධියට අදාළව පළවූ ප්‍රවෘත්තිය යුද වැදුණු රණවිරුවන්ට කළ අවමානයක්‌ බව ද ශවේන්ද්‍ර සිල්වා මහතා එහිදී පෙන්වා දුන්නේය.

ශවේන්ද්‍ර සිල්වා මහතාගේ සාක්‍ෂි මෙහෙයවීමෙන් අනතුරුව නියෝජ්‍ය සොලිසිටර් ජෙනරාල් වසන්ත නවරත්න බණ්‌ඩාර මහතාට නඩු විභාගයෙන් ඉවත්ව යැමක්‌ සිදු වූ අතර ඒ වෙනුවට නියෝජ්‍ය සොලිසිටර් ජෙනරාල් බුවනෙක අළුවිහාරේ මහතාව පත් කරනු ලැබීය.

සුදු කොඩි කතාවෙන් පසු ලංකාව මානව හිමිකම් කඩ කර ඇති බවට ජාත්‍යන්තර සංවිධාන මගින් වාර්තා නිකුත් කිරීමක්‌ කළ බවට එක්‌සත් ජාතීන්ගේ සංවිධානයේ ශ්‍රී ලංකා නියෝජිත කේෂනුකා සෙනෙවිරත්න මහත්මිය අධිකරණය හමුවේ සාක්‍ෂි දෙමින් කියා සිටියාය.

ජනාධිපතිවරණ සමයේදී සරත් ෆොන්සේකා මහතා 2009 දෙසැම්බර් 23 දා රත්නපුර පැවැති රැලිsයකදී කළ කතාවක්‌ ඇතුළත් දෙරණ රූපවාහිනී නාලිකාවේ විකාශනය කළ ප්‍රවෘත්තියේ සංයුක්‌ත තැටිය අධිකරණය හමුවේ ප්‍රදර්ශනය කිරීමට අවසර ලබා දුන් විනිසුරු මඩුල්ල සම්පූර්ණ ප්‍රවෘත්තිය ඇතුළත් සංයුක්‌ත තැටිය අධිකරණය හමුවට ඉදිරිපත් කරන ලෙසට එම නාලිකාවට නියෝගයක්‌ ද නිකුත් කළේය.
‍ෙෆඩ්රිකා ජෑන්ස්‌ මහත්මියගේ සටහන් පොත භාර ගනු ලැබූ කොළඹ හිටපු ප්‍රධාන මහෙස්‌ත්‍රාත් චම්පා ජානකී රාජරත්න මහත්මිය සාක්‍ෂි දෙමින් අදාළ සටහන් පොත තමන් භාරයට ගන්නා විට එහි වෙන්වීමක්‌ නොතිබූ බවට කියා සිටියාය.

අනතුරුව පැමිණිල්ල වෙනුවෙන් සාක්‍ෂි දීමට කැඳවනු ලැබුයේ ආරක්‍ෂක අමාත්‍යාංශයේ ලේකම් ගෝඨාභය රාජපක්‍ෂ මහතාය. පැමිණිල්ල වෙනුවෙන් පෙනී සිටින නියෝජ්‍ය සොලිසිටර් ජෙනරාල් බුවනෙක අලුවිහාරේ මහතාගේ මෙහෙයවීම යටතේ සාක්‍ෂි දුන් රාජපක්‍ෂ මහතා වර්ෂ 2009 දෙසැම්බර් 13 දා සන්ඩේ ලීඩර් පුවත්පතේ පළවූ ආකාරයේ නියෝගයක්‌ තමන් විසින් කිසි විටෙක සිදු කොට නැති බවත් එම ප්‍රවෘත්තිය සම්පූර්ණයෙන්ම අසත්‍ය එකක්‌ බවත් කියා සිටියේය.

තමන් විසින් එවැනි නියෝගයක්‌ සිදු කළේ දැයි විත්තිකරු කිසිවිටෙක තමන්ගෙන් විමසීමක්‌ නොකළ බවද පැවසූ ගෝඨාභය රාජපක්‍ෂ මහතා රජයක්‌ ලෙස භාර වීමට යමෙක්‌ පැමිණියේ නම් භාරගත යුතු බවත් පැවැති මානුෂීය මෙහෙයුමේදී හමුදාවට 11968 ක පිරිසක්‌ භාර වූ අවස්‌ථාවේදී ඒ අයට හොඳින් සලකා පුනරුත්ථාපනයට යෙදවීමට උපදෙස්‌ ලබා දුන් බවත් පැවසුවේය.

ත්‍රස්‌තවාදයට එරෙහි රජය මගින් ගෙන ගිය මානුෂීය මෙහෙයුමේදී කොටි සංවිධානයේ මාධ්‍ය ප්‍රකාශක දයා මාස්‌ටර්, භාෂා පරිවර්තක ජෝර්ඡ් මාස්‌ටර් වැනි නායකයන්ද කාන්තා අංශයේ නායිකා කමලනී හා වෛද්‍යවරුන්ද වූ බව කියා සිටි ආරක්‍ෂක අමාත්‍යාංශයේ ලේකම්වරයා අදාළ පුවත තුළින් රජයටත් තමාටත් විශාල විරෝධතා රැසකට මුහුණ දෙන්නට සිදුවූ බවත් හිටපු යුද හමුදාපතිවරයා විසින් එම ප්‍රකාශය කර තිබූ නිසා බොහෝ දෙනකු එය විශ්වාස කළ බවත් දන්වා සිටියේය.

සිද්ධිය සම්බන්ධයෙන් ජාත්‍යන්තරය පවා රජයට එරෙහිව ක්‍රියා කරන්නට පෙළැඹුණු බව ද පෙන්වා දුන් රාජපක්‍ෂ මහතා හමුදාවට එරෙහිව පරීක්‍ෂණ පවත්වන ලෙසට ඔවුන්ගෙන් බලපෑම් එල්ලවූ බවට කියා සිටියේය.

එහිදී විත්තිය වෙනුවෙන් කළ ප්‍රශ්න කිරීමකදී ගෝඨාභය රාජපක්‍ෂ මහතා සන්ඩේ ලීඩර් පුවත්පතට එරෙහිව ගල්කිස්‌ස දිසා අධිකරණය හමුවේ වන්දි නඩුවක්‌ ගොනුකර ඇති බවට කරුණු අනාවරණය වීමක්‌ සිදුවිය.

පැමිණිල්ලේ සාක්‍ෂිකරුවකු ලෙස කැඳවන්නට යෙදුණු අපරාධ පරීක්‍ෂණ දෙපාර්තමේන්තුවේ විමර්ශන නිලධාරී පොලිස්‌ පරීක්‍ෂක අනුර සිල්වා මහතා සාක්‍ෂිදෙමින්a සන්ඩේ ලීඩර් පුවත්පත් කර්තෘ ‍ෙෆඩ්රිකා ජෑන්ස්‌ මහත්මිය මෙම නඩුවට අදාළ පැමිණිල්ලේ පැමිණිලිකාරියද යන්න හා පොලිස්‌පතිවරයා සිද්ධිය සම්බන්ධයෙන් පරීක්‍ෂණ පැවැත්වීමට නියෝග කළ දිනය තමන්a නොදන්නා බවත් සිද්ධියට අදාළව මුලින් පරීක්‍ෂණ කටයුතු භාරව සිටි ජ්‍යෙෂ්ඨ පොලිස්‌ අධිකාරී නිමල් සමරසේකර මහතාගේ ඉවත්ව යැමෙන් 2010 අප්‍රේල් මස සිට අපරාධ පරීක්‍ෂණ දෙපාර්තමේන්තුවේ නියෝජ්‍ය පොලිස්‌පතිවරයාගේ නියෝගයක්‌ අනුව තමන් විමර්ශන කටයුතු භාරව ක්‍රියා කළ බවත් පැවසුවේය.

නඩු විභාගයේ පැමිණිල්ලේ සාක්‍ෂි කැඳවීම 2011 පෙබරවාරි 08 දායින් අවසන් වූ අතර නම් කර තිබූ සාක්‍ෂිකරුවන් විසි දෙනකුගෙන් දාහත්දෙනකු සාක්‍ෂි ලබාදෙන ලදී.

අනතුරුව විත්තිය වෙනුවෙන් සාක්‍ෂි කැඳවීමට තීරණය වුවද සරත් ෆොන්සේකා මහතා වෙනුවෙන් පෙනී සිටි නීතිඥ නලීන් ලද්දුවහෙට්‌ටි මහතාගේ ඉල්ලීමකට අනුව විත්තිකරුගේ විත්ති වාචිකය කැඳවීමට විනිසුරු මඩුල්ල අවසර ලබාදුන්නේය.

ඒ අනුව විත්ති කූඩුවේ සිට විත්ති වාචිකය ලබාදෙමින් සරත් ෆොන්සේකා මහතා කියා සිටියේ වීරෝදාර රණවිරුවන් ජීවිත පරිත්‍යාගයෙන් රැකගත් මාතෘ භූමිය අවමානය ලක්‌ කරන හෝ තම නියෝග අනුව උපන් දේශය බේරා ගැනීමට සටන් වැදුණු රණවිරුවන් අපහසුතාවට පත් වන කිසිදු ප්‍රකාශයක්‌ නොකළ බවය.

සන්ඩේ ලීඩර් පුවත්පතේ කර්තෘ ‍ෙෆඩ්රිකා ජෑන්ස්‌ මහත්මිය තමාගෙන් අසන ලද ප්‍රශ්නයකට ලබා දුන් පිළිතුර ඇගේ වචන යොදා විකෘති කොට පළ කර ඇති බවද කියා සිටි ෆොන්සේකා මහතා මරණ මංචකය අබියසට තෙවරක්‌ ගොස්‌ පැමිණි තමා 40 වසරක්‌ වූ සිය හමුදා ජීවිතය තුළදී හෝ අන් කිසිම අවස්‌ථාවකදී හෝ මව්බිම පාවාදීමක්‌ නොකළ බවද කියා සිටියේය.

තිස්‌ වසරක්‌ පුරා රට තුළ පැවැති යුද්ධය තමාගෙන් පසු පත්වන හමුදාපතිවරයකුට භාරදීමක්‌ සිදු නොකරන බවට රටට, ජනතාවට ලබාදුන් පොරොන්දුව අභිමානවත් ලෙසින් ඉටු කරමින් තමා සැබෑ දේශප්‍රේමියකු බවට ඔප්පු කර ඇති බවද පෙන්වාදුන් සරත් ෆොන්සේකා මහතා ‍ෙෆඩ්රිකා ජෑන්ස්‌ මහත්මිය හා ලාල් වික්‍රමතුංග මහතා අදාළ ප්‍රවෘත්තිය පළවූ පසුව තමන් වෙත පැමිණ කතාව සම්පූර්ණයෙන් ප්‍රතික්‍ෂේප නොකරන ලෙසත් තමන් එම කතාව ප්‍රතික්‍ෂේප කරනු ලැබුවහොත් ආරක්‍ෂක අමාත්‍යාංශයේ ලේකම් ගෝඨාභය රාජපක්‍ෂ මහතා ඇයව අත්අඩංගුවට ගැනීමට ඉඩ ඇති බවත් බැගෑපත්ව කියා සිටියේ යෑයි පැවසුවේය.

තමන් සන්ඩේ ලීඩර් පුවත්පතට එහි මාධ්‍යවේදී රශ්මික්‌ විඡේවර්ධන මහතා සමග පුවත්පත් සාකච්ඡාවක්‌ සිදු කළා මිස ‍ෙෆඩ්රිකා ජෑන්ස්‌ මහත්මිය සමග කිසි දිනක පුවත්පත් සාකච්ඡාවක්‌ සිදු නොකළ බවත් විඡේවර්ධන මහතා සමග සිදු කළ පුවත්පත් සාකච්ඡාවට ඇයද සහභාගි වූවාට ඇය තමාගෙන් කිසිදු ප්‍රශ්නයක්‌ ඇසුවේ නැති බවත් ඇය එහිදී සටහන් පොතක්‌ භාවිත කළේ නැති බවත් සරත් ෆොන්සේකා මහතා විත්ති වාචිකයේදී කියා සිටියේය.

අසත්‍ය පුවතක්‌ පළ කර එයින් බේරීමට අන් අයකුගේ වුවමනාවකට නිර්මාණය කළ සටහන් පොතක්‌ ජෑන්ස්‌  මහත්මිය අධිකරණය හමුවට ඉදිරිපත් කර ඇති බවද කියූ හිටපු යුද හමුදාපතිවරයා තමා දේශපාලනයට පිවිස රට තුළ දෙවැනි මෙහෙයුමක්‌ ආරම්භ කරනු ලැබුයේ බොරු දේශප්‍රේමීත්වයක්‌ පෙන්වා ජනතාව මුළා කරන දේශපාලනඥයන් ඇති කර තිබෙන දූෂිත දේශපාලන සංස්‌කෘතීන්ට එරෙහිව බවත් අධිකරණයට දැනුම් දුන්නේය.

පැවැති මානුෂීය මෙහෙයුමේදී සුදු කොඩි ඇතිව හෝ නැතිව පැමිණි කිසිම ත්‍රස්‌තවාදියකුට වෙඩි සිදු නොවූ බවද යටත් වූ විශාල පිරිසකට හොඳින් සැලකූ බව ද අවධාරණ කළ සරත් ෆොන්සේකා මහතා තමන්ට එරෙහි මෙම අධිකරණ ක්‍රියාදාමයේදී මුළු අධිකරණ පද්ධතියට ම ආදර්ශයක්‌ වෙමින් මුළු රටේම ගෞරවයට පාත්‍ර වෙමින් යුක්‌තිය හා සාධාරණත්වය මත පිහිටි තීන්දුවක්‌ ලබාදෙනු ඇතැයි විත්තිකූඩුවේ සිට විනිසුරු මඩුල්ලෙන් ඉල්ලා සිටියේය.

මේ අතර එක්‌සත් ජාතික පක්‍ෂයේ මහලේකම් තිස්‌ස අත්තනායක මහතා අන්තර්ජාතික පාර්ලිමේන්තු සංගමයෙන් කළ ඉල්ලීමකට අනුව එම සංගමයේ විශේෂ නියෝජිතයෙක්‌ ලෙස ඕස්‌ටේ්‍රලියානු ජාතික මාර්ක්‌ ත්‍රොaපල් මහතා සුදු කොඩි නඩුව විභාග වන අයුරු නිරීක්‍ෂණයට පැමිණියේය.

විත්තිකාර සරත් ෆොන්සේකා මහතා විත්ති කූඩුවේ සිට දින 06 ක්‌ විත්ති වාචිකය සිදුකළ අතර අනතුරුව විත්තිය වෙනුවෙන් සාක්‍ෂි කැඳවීමට අධිකරණය මගින් අවසර ලබාදුන්aනේය.

ඒ අනුව සිද්ධියට අදාළව විමර්ශන පැවැත්වූ පොලිස්‌ පරීක්‍ෂක අනුර සිල්වා මහතාට එරෙහිව කොළඹ මහාධිකරණයේ හා ශේ්‍රෂ්ඨාධිකරණයේ විභාග වූ මානව හිමිකම් උල්ලංඝනය කිරීම්වලට අදාළ පෙත්සම් කීපයක්‌ විභාග වූ බවත් විත්තියේ සාක්‍ෂි මගින් තහවුරු කරගනු ලැබීය.

එක්‌සත් ජාතීන්ගේ සංවිධානයේ සභාපතිවරයා විසින් පත් කළ දරුස්‌මාන් කමිටුවේ වාර්තාවේ කිසිදු තැනක සුදු කොඩි සිද්ධිය ගැන සඳහන් වීමක්‌ නොවූ බව විදේශ කටයුතු අමාත්‍යාංශයේ එක්‌සත් ජාතීන්ගේ සංවිධාන කටයුතු භාර මානව හිමිකම් පිළිබඳ අධ්‍යක්‍ෂ ජනරාල් සී. ඒ. එච්. එම්. විඡේරත්න මහතා විත්තිය වෙනුවෙන් සාක්‍ෂි දෙමින් කියා සිටියේය.

විත්තිය වෙනුවෙන් සාක්‍ෂිකරුවන් දොළොස්‌දෙනකු නම් කර එයින් සාක්‍ෂිකරුවන් 08 දෙනකු සාක්‍ෂි සඳහා කැඳවනු ලැබූ අතර ඒ අතර එක්‌සත් ජාතික පක්‍ෂයේ නියෝජ්‍ය නායක පාර්ලිමේන්තු මන්ත්‍රී කරු ජයසූරිය, ජනතා විමුක්‌ති පෙරමුණේ පාර්ලිමේන්තු මන්ත්‍රී අනුර කුමාර දිසානායක, පේරාදෙණිය විශ්වවිද්‍යාලයේ ඉංගී්‍රසි භාෂා මහාචාර්ය ඈෂ්ලි හල්පේ, කර්තෘ සංසදයේ සුකුමාර් රොක්‌වුඩ් මහත්වරුන් හා කොළඹ මහාධිකරණයේ හා ශේ්‍රෂ්ඨාධිකරණයේ ලේඛකාධිකාරිවරු වූහ.

නඩු විභාගයට අදාළව දෙපාර්ශ්වයේම සාක්‍ෂි කැඳවීමෙන් අනතුරුව නීතිඥ දේශන පැවැත්වීමට විනිසුරු මඩුල්ල තීරණය කළේය.

පැමිණිල්ල වෙනුවෙන් නීතිඥ දේශනය පවත්වමින් නියෝජ්‍ය සොලිසිටර් ජනරාල් බුවනෙක අලුවිහාරේ මහතා අධිකරණය අමතමින් විත්තිකරු සිය විත්තිවාචිකය පවත්වමින් හමුදාවේ විනය පවත්වාගෙන යැමට ඔහු දැඩිව පියවර ගත් බවට කියා සිටියත් තමන් යටතේ සිටි නිලධාරීන් භාරවීමට පැමිණි කොටි නායකයන්ට වෙඩි තැබීම වැනි හමුදාවේ ගෞරවයට විශාල කැළලක්‌ ඇතිකරන විනය විරෝධී ක්‍රියාවක්‌ කළ විට එයට එරෙහිව පියවර නොගැනීම ගැටලු සහගත බවට පෙන්වා දුන්නේය.

ආරක්‍ෂක අමාත්‍යාංශයේ ලේකම් ගෝඨාභය රාජපක්‍ෂ මහතා සමග තිබූ පෞද්ගලික විරසකයක්‌ හේතුවෙන් විත්තිකරු මෙවැනි වෙඩි තැබීමක්‌ ගැන මාධ්‍යවේදීන්ගෙන් දැන ගන්නට ලැබුණේ යෑයි කියා ඇති බවද පැවසූ නියෝජ්‍ය සොලිසිටර් ජනරාල්වරයාව කොටි ත්‍රස්‌තවාදීන් හා හමුදාව අතර ගැටුම් පැවැති කාලයේදී සිදුවූ දෙයක්‌ අරබයා මෙම නඩු විභාගය පැවැති බවත් එවැනි දෙයක්‌ සිදුවී නැති බවට විත්තිය මගින් ද පිළිඅරන් ඇති බවත් කියා සිටියේය.

පැමිණිල්ලේ සාක්‌කි කැඳවීමෙන් අනතුරුව විත්තිකරුගේ විත්ති වාචිකය කැඳවීමට අධිකරණය තීරණය කළේ චෝදනා පිළිබඳව සෑහීමකට පත් වූ නිසාවෙන් බවත් විත්තිකරු විත්ති කූඩුවේ සිට කළ විත්ති වාචිකය තුළින් පැමිණිල්ල තහවුරු වී ඇති බවත් අළුවිහාරේ මහතා කියා සිටියේය. එහිදී විනිසුරු වරාවැව මහතා නියෝජ්‍ය සොලිසිටර් ජනරාල්වරයා අමතමින් විත්තිකරු විත්ති කූඩුවේ සිට කළ ප්‍රකාශවලින් ද පැමිණිල්ල ඔප්පු කරන්න හදන්නේ පැමිණිල්ලේ සාක්‌කිවලින් නොවේ දැයි විමසීමක්‌ කරනු ලැබුවේය.

විත්තිකරුගේ හමුදා සේවය පැමිණිල්ල මගින් අවතක්‌සේරුවට ලක්‌නොකරන බවට පෙන්වා දුන් නියෝජ්‍ය සොලිසිටර් ජනරාල්වරයා ඔහුගේ හමුදා සේවය, ඔහු හමුදා සේවයට ලබාදුන් දායකත්වය අදාළ ප්‍රකාශය කළාද, නැති ද යන්න තීරණය කිරීමට බලපෑමක්‌ කර ගත නොහැකි බවත් විත්තිකරු යටතේ සියලු හමුදාවන් පැවැති මානුෂීය මෙහෙයුමේ ක්‍රියාන්විතව යෙදී සිටි බවත් පැවසුවේය.

අදාළ පුවත්පතේ පළවූ විත්තිකරු ලබාදුන් පිළිතුරද ඔහු විත්ති කූඩුවේ සිට විත්ති වාචිකය ද පිළිගත්තේය කියා අධිකරනය සිතා බැලිය යුතු බවත් විත්ති වාචිකය තුළින් ඔහු ජනාධිපති මහින්ද රාජපක්‍ෂ මහතා හා ආරක්‍ෂක අමාත්‍යාංශයේ ලේකම් ගෝඨාභය රාජපක්‍ෂ මහතා සමග කෙතරම් විරසකව සිටියාද යන්නත් එවැනි විරසකව පසුවූ පුද්ගලයකු මෙවැනි පෙළඹීමකට හේතුවන බවත් පැවැසූ අළුවිහාරේ මහතා විත්තිකරුගේ විත්ති වාචිකය කිසි ලෙසකින් පිළිගත හැකි එකක්‌ නොවන බවත් එය ප්‍රතික්‍ෂ්ප කරන ලෙස ඉල්ලා සිටින බවත් දැනුම් දුන්නේය.

පැමිණිල්ල මගින් කැඳවන්නට යෙදුනු කිසිදු සාක්‌කියක්‌ විත්තිය අභියෝගයට ලක්‌කර නැති නිසා ඒවා පිළිගත හැකි සාක්‌කි බවත් විත්තිය මගින් කැඳවන්නට යෙදුනු සාක්‌කි තුළින් පැමිණිල්ල තවත් තහවුරු කළ බවත් පැවැසූ බුවනක අළුවිහාරේ මහතා විත්තියේ සාක්‌කිකරුවන්ගේ පක්‍ෂග්‍රාහී බව හා එම සාක්‌කි තරයේ පිළිගත හැකි ඒවා නොවන බව එම පැමිණිල්ල මගින් ගොනුකර ඇති චෝදනා සාධාරණ සැකයෙන් තොරව ඔප්පු කොට ඇතැයි පෙන්වා දුන්නේය.

විත්තිකරුට එරෙහි නගා ඇති පළමු චෝදනාව අදාළ ප්‍රකාශය සිදුකිරීම එය කටකතාවක්‌ වීම හා ඒ තුළින් මහජන බියවැද්දීමක්‌ හා කැළඹීමක්‌ ඇතිවීම යන පදනම් තුනක්‌ යටතේ විග්‍රහයට ගත හැකි බවද කියා සිටි නියෝජ්‍ය සොලිසිටර් ජනරාල්වරයා සාක්‌කිකාර ‍ෙෆඩ්රිකා ජෑන්ස්‌ මහත්මියගේ සාක්‌කිය තුළ විත්තිකරු අදාළ ප්‍රකාශය කළ බවට තහවුරු වී ඇති බවත් එවැනි ප්‍රකාශයක්‌ පැවසීමෙන් කටකතාවක්‌ කර ඇති බවට පෙනී ගොස්‌ ඇති බවත් කියා සිටියේය.

විත්තිකරු විත්ති කූඩුවේ සිට කළ විත්ති වාචිකය තුළින්ම එය කටකතාවක්‌ හා ව්‍යාජ ප්‍රකාශයක්‌ බවට තහවුරු වන බවත් එම ප්‍රකාශය තුළින් මහජන කැළඹීමක්‌ හෝ බියවැද්දීමක්‌ සිදුවිය හැකි යන්න අධිකරණය සිතා බැලිය යුතු බවත් පෙන්වා දුන් අළුවිහාරේ මහතා ජාත්‍යන්තරව රජයට විශාල විරෝධයක්‌ එල්ල වූයේ ඒ නිසා යෑයි පැවැසුවේය.

වසර 30 කට ආසන්න කාලයක්‌ පුරා පැවැති ජාතීන් අතර බෙදී වෙන්වීම නිමා වූ අවස්‌ථාවක යම් කෙනකුගේ ක්‍රියාදාමයක්‌ තුළින් එය නැවත ඇතිවීමක්‌ සිදුවුවහොත් එයින් ජාතිවාදී හැඟීම් ඇවිස්‌සීමක්‌ සිදුවන බවද අවධාරණය කළ නියෝජ්‍ය සොලිසිටර් ජනරාල්වරයා විත්තිකරු විත්ති කූඩුවේ සිට අදාළ ප්‍රකාශය නොකළ බවට කියා සිටියද මාධ්‍යවේදීන් දෙදෙනකුගෙන් එය දැනගන්නට ලැබුණේ යෑයි කියා සිටියේ මන්දැයි ප්‍රශ්න කර සිටියේය.

පැමිණිල්ල මගින් කැඳවනු ලැබූ ‍ෙෆඩ්රිකා ජෑන්ස්‌ මහත්මියගේ සාක්‌කිය පිළිගන්නේ නම් විත්තිකරුට එරෙහි නගා ඇති තුන් වැනි චෝදනාවද පිළිගන්නා ලෙස විනිසුරු මඬුල්ලෙන් ඉල්ලා සිටි අළුවිහාරේ මහතා විත්තිකරුට එරෙහි නගා ඇති චෝදනා ඔප්පු කිරීමට දෙස්‌ විදෙස්‌ නඩු තීන්දු කීපයක්‌ ද ගෙන හැර පාමින් අධිකරණයට දක්‌වා සිටියේය.

විත්තිකාර සරත් ෆොන්සේකා මහතා වෙනුවෙන් නීතිඥ දේශනය පවත්වමින් අධිකරණය අමතන්නට වූ නීතිඥ නලින් ලද්දුවහෙට්‌ටි මහතා පැමිණිල්ල මගින් විත්තිකරුට එරෙහිව නගා ඇති චෝදනා තුනම දොaෂ සහිත පිළිගැනීමට හැකි ඒවා නොවන බවත් එම චෝදනා කිසිවක්‌ විත්තිකරුට අදාළ කරගත හැකි ඒවා නොවන බවත් කියා සිටියේය.

සරත් ෆොන්සේකා මහතාට එරෙහිව නීතිපතිවරයා විසින් ගොනු කර ඇති චෝදනාවන්ට අදාළව පවතින මෙම නඩුවේ නීතිමය තත්ත්වය හා සාක්‌කි මෙන්ම ඒවා නඩුවට කොතෙක්‌ දුරට බලපාන්නේ දැයි යන කරුණු දෙක යටතේ විමසීමක්‌ කළ යුතු බවද පෙන්වා දුන් ලද්දුවහෙට්‌ටි මහතා මෙම නඩු විභාගය මාධ්‍ය භාවිතය සම්බන්ධයෙන් වාද විවාද වූ නඩුවක්‌ වන අතර මාධ්‍ය භාවිතය එහි හසුරුවන්නන්ට අනුව සිදු කළ හැකි එකක්‌ බවට කියා සිටියේය.

මෙම නඩුවට අදාළව පැමිණිල්ල මගින් ගොනු කර ඇති චෝදනා තුනම සන්ඩේ ලීඩර් පුවත්පත් කර්තෘ ‍ෙෆඩ්රිකා ජෑන්ස්‌ මහත්මියට එරෙහිව එල්ල කරන්න සූදානම්ව ඒ සඳහා අවශ්‍ය සියලු කටයුතු සකස්‌ කර අවසන් මොහොතේදී විත්තිකරු භාරයට පත් කරනු ලැබූ බවට නීතිඥ ලද්දුවහෙට්‌ටි මහතා සිය දේශනය අරඹමින් කියා සිටියේය.

විත්තිකරුට එරෙහි නගා ඇති දෙවැනි චෝදනාවේ සඳහන් හදිසි අවස්‌ථා නියෝගයන්හි 29 වැනි නියෝගයෙන් කියෑවෙන්නේ කෙළින්ම හෝ අන්‍යාකාරයකින් ජාතිවාදී හැඟීම් ඇවිස්‌සෙන සුළු යම් කරුණක්‌ සම්බන්ධයෙන් තොරතුරු සැපයීමෙන් යන්න බවද පෙන්වා සිටි නීතිඥවරයා විත්තිකරු එවැනි කිසිදු ප්‍රකාශයක්‌ මුද්‍රණය කර හෝ පළකර නැති බවට පැහැදිලි බවත් තොරතුරු සපයන්නාට එරෙහිව එම නියෝග ප්‍රකාරව චෝදනා එල්ල කළ නොහැකි බවත් පැවැසුවේය.

විත්තිකරු මුද්‍රණකරුවෙක්‌ හෝ ප්‍රකාශකයෙක්‌ හෝ නොවන බවද කී ලද්දුවහෙට්‌ටි මහතා මෙම ප්‍රශ්නය ගැන ප්‍රකාශය ඇතුළත් පුවත මුද්‍රණය කළේ සන්ඩේ ලීඩර් පුවත්පත් ආයතනය හිමි ලාල් වික්‍රමතුංග මහතා බවත් එය ප්‍රකාශනය කර ඇත්තේ එම පුවත්පතේ කර්තෘ ‍ෙෆඩ්රිකා ජෑන්ස්‌ මහත්මිය බවත් ඒ අනුව එම චෝදනාව විත්තිකරුට අදාළ කරගත නොහැකි බවට පෙන්වා දුන්නේය.

පැමිණිල්ල කියන අයුරින් චෝදනා පත්‍රයේ සඳහන් කිසිවක්‌ විත්තිකරු නොකී බවත් ඔහු යමක්‌ එදින ජෑන්ස්‌ මහත්මිය සමග සාකච්ඡා කළා නම් සාකච්ඡා කළේ ඉංගී්‍රසි භාෂාවෙන් බවත් පැවැසූ නීතිඥ නලින් ලද්දුවහෙට්‌ටි මහතා විත්තිකරු පැවසූ වදන් පරිවර්තනය කළ අයෙක්‌ නොමැති නිසා එම චෝදනා සාවද්‍ය ඔප්පු කළ නොහැකි ඒවා බවට කියා සිටියේය.

මෙවැනි නඩු විභාගවලදී ලබා දී ඇති තීන්දු අනුව භාෂාවක්‌ පරිවර්තනය වී ඇත්නම් එම පරිවර්තනය ඉතා වැදගත් බවට දන්වා ඇති බවත් ඒ තුළින් ම පැමිණිල්ලේ චෝදනා ඔප්පු කිරීමට කැඳවනු ලැබූ සාක්‌කි විමසීමක්‌ නොකළ යුතු බවත් නීතිඥවරයා අධිකරණයට පෙන්වා දුන්නේය.

පැමිණිල්ල විසින් විත්තිකරු වරදකරු කරන ලෙසට ඉල්ලා සිටින්නේ ඔවුන්ගේ සාක්‌කිකාර ජෑන්ස්‌ මහත්මිය ලබාදුන් සාක්‌කිය පමණක්‌ පදනම් කොට ගෙන බව ද අදාළ පුවත්පත් සාකච්ඡාවට හතරදෙනෙක්‌ ගොස්‌ සහභාගි වී තිබියදී අනෙක්‌ තුන්දෙනා සාක්‌කි සඳහා කැඳවනු ලැබුවේ නැති බව ද කියා සිටි ලද්දුවහෙට්‌ටි මහතා ජෑන්ස්‌ මහත්මියගේ සාක්‌කිsය කිරා මැන බැලිය යුතු එකක්‌ හෙයින් විටින් විට එකිනෙකට පරස්‌පර වෙනස්‌ දේවල් කියූ ඇගේ සාක්‌කිය පිළිගන්නවාද, ලංකාවේ සිටින එකම තරු හතරේ ජෙනරාල්වරයාගේ සාක්‌කිය පිළිගන්නවාද කියා අධිකරණය ඉතා කල්පනාකාරී ලෙස සිතා බැලිය යුතු බවට පැවසුවේය.

සන්ඩේ ලීඩර් පුවත්පතේ 2009 දෙසැම්බර් 13 දා පළ වූයේ එහි මාධ්‍යවේදී රශ්වික්‌

විඡේවර්ධන මහතා විත්තිකරු සමඟÊකළ සම්මුඛ සාකච්ඡාවක්‌ බවත් එය රශ්වික්‌ මහතා ඇසූ ප්‍රශ්න හා විත්තිකරු ඒවාට ලබාදුන් උත්තර ලෙසින් පළ වී තිබූ බවත් පෙන්වා දුන් විත්තියේ නීතිඥවරයා සාක්‌කිකාර ‍ෙෆඩ්රිකා ජෑන්ස්‌ මහත්මිය එහි ගොස්‌ ඇත්තේ සම්මුඛ සාකච්ඡාව නැරඹීම සඳහා බව ද ඇය විත්තිකරු සමඟÊකථා කර ඇත්තේ සම්මුඛ සාකච්ඡාවෙන් පසු පැවැති පිළිසඳරේදී බව ද කියා සිටියේය.

ජෑන්ස්‌ මහත්මිය ආරක්‍ෂක අමාත්‍යාංශයේ ලේකම් ගෝඨාභය රාජපක්‍ෂ මහතාට අපහාස වන ආකාරයේ ලිපි ලියා පළ නොකරන බවට අධිකරණයට පොරොන්දු වී නැවත ලියා පළ කර අධිකරණයටත් අපහාස කර ඇති සමයක මෙම ප්‍රශ්නගත ලිපිය ලියා පළ වූ බවට ඇගේ සාක්‌කිය තුළින් පිළිගත් බව ද ජෑන්ස්‌ මහත්මිය අගවිනිසුරුතුමියට අපහාස වන ආකාරයේ බොරු චෝදනා එල්ල කොට පසුව ඒවා පිළිගෙන සමාව ගත් තැනැත්තියක්‌ බව ද ලද්දුවහෙට්‌ටි මහතා සිය දේශනය තුළින් කරුණු දක්‌වමින් කියා සිටියේය.

සාක්‌කිකාර ජෑන්ස්‌ මහත්මිය නඩුවට අදාළව ඉදිරිපත් කළ සටහන් පොතේ අදාළ පිටුවේ ඇති වෙනස නුදුටුවේ ඇයි දැයි එය ඇය අධිකරණයෙන් වසන් කිරීමට උත්සාහ කළේ දැයි ප්‍රශ්නයක්‌ මතුවන බව කියා සිටි ලද්දුqවහෙට්‌ටි මහතා ඒ අනුව එම සටහන් පොතේ ඇති වෙනස පැමිණිල්ල මගින් ද පිළිගෙන ඇති තත්ත්වයක නඩුවෙන් බැහැර කරලිය යුතු එකක්‌ ලෙසට තීරණය කරන ලෙසට විනිසුරු මඩුල්ලෙන් ඉල්ලා සිටියේය.

ජෑන්ස්‌ මහත්මියගේ සාක්‌කිය සාධාරණ සැකයෙන් තොරව නොව ෙච්තිය රජු ද අභිබවා ගොස්‌ ඇති එකක්‌ බව ද ඇය නොලිය යුතු දෙයක්‌ ලියා එයින් බේරීමට විත්තිකරුව අසුකර එයින් ඉවත් වී ඇති බව ද කියා සිටි විත්තියේ නීතිඥවරයා ජෑන්ස්‌ මහත්මිය කිසිදු වගකීමකින් හා දැනුවත් භාවයකින් තොරව රටේ විවිධ පුද්ගලයන්ට ඇගේ පුවත්පත තුළින් පහර දෙනු ලැබූ තැනැත්තියක්‌ ලෙසට ප්‍රසිද්ධ කාන්තාවක්‌ බව කියා සිටියේය.

මාධ්‍යවේදියකු ඕනෑම පුවතක්‌ පළ කිරීමට ප්‍රථම එය අදාළ පුද්ගලයන්ගෙන් තහවුරු කර ගත යුතු බව ද පෙන්වා සිටි ලද්දුවහෙට්‌ටි මහතා ඇය ඇගේ ලිපිය සකස්‌ කර පළකිරීමට ප්‍රථම මෙම ප්‍රශ්නගත සිද්ධිය දන්නා ප්‍රධාන පුද්ගලයා වන ආරක්‍ෂක අමාත්‍යාංශයේ ලේකම් ගෝඨාභය රාජපක්‍ෂ මහතාගෙන් විමසීමක්‌ කර නැති බව ද ඇය හැඳින්විය හැක්‌කේ පුවත්පතක කර්තෘවරියක්‌ ලෙසට නොව ෙච්තිය රජුගේ බිසව ලෙසට බව ද කියා සිටියේය.
‍ෙෆඩ්රිකා ජෑන්ස්‌ මහත්මිය අදාළ පුවත පළ කරනු ලැබුයේ සම්මානයක්‌ ලබා ගැනීමේ උන්මාදයෙන් බවට ඇගේ සාක්‌කි විමසීමේදී හෙළිදරව් වූ බව ද ඇයට අදාළ ලිපියට සම්මාන නොදුන්නාට ඇය කර්තෘ සංසදයට ද පුවත්පත මගින් පහර දෙනු ලැබූ බව ද කියා සිටි නලින් ලද්දුවහෙට්‌ටි මහතා මෙතරම් වැදගත් සම්මුඛ සාකච්ඡාවකට ඇය පටිගත යන්ත්‍රයක්‌ ගෙන නොයැම සැකයට බඳුන් වන්නක්‌ නොවේ දැයි අධිකරණයෙන් විමසා සිටියේය.

සන්ඩේ ලීඩර් පුවත්පතේ 2009 දෙසැම්බර් 13 දා පළ වූ මෙම පුවතටම සමාන පුවතක්‌ ඩේලි මිරර් පුවත්පතේ 2009 මැයි 21 දා පළ වී තිබුණු බව ද අධිකරණයට දන්වා සිටි විත්තියේ නීතිඥවරයා ඩේලි මිරර් පුවත්පතේ ලිපිය අකුරෙන් අකුර කොපි කර ජෑන්ස්‌ මහත්මිය සන්ඩේ ලීඩර් පුවත්පතට ලිපියක්‌ සකස්‌ කර ඇති බවත් ඒ අනුව මෙම ප්‍රශ්නගත ලිපියේ ඇති වචන විත්තිකරුගේ වචන ද ඩේලි මිරර් පුවත්පතේ වචන ද යන්න අධිකරණයේ අවධානයට ගත යුතු බවත් පෙන්වා සිටියේය.

තමන් ලියු ලිපියට සම්මාන ලබා ගැනීමේ කෑදරකමින් හා පත්තරේÊවිකුණා ගැනීමේ ෙච්තනාවෙන් වෙනත් පුවත්පතක ලිපියක්‌ කොපි කර එය තමන් කළ සාකච්ඡාවකින් සකස්‌ කළ ලිපියක්‌ ලෙසින් ජෑන්ස්‌ මහත්මිය ලියා පළකර ඇති බවත්, කී ලද්දුවහෙට්‌ටි මහතා විත්තිකරු ඉතා පැහැදිලිව ඔහුගේ විත්ති වාචිකයේදී එවැනි දෙයක්‌ නොකියූ බවත්, එවැන්නක්‌ තුන්වැනි පාර්ශ්වයකින් දැන ගත් දෙයක්‌ බවත් ඔහුට කියන්න පුළුවන් එවැන්නක්‌ දැන ගත්තේ යෑයි පමණක්‌ බවත් කියා සිටියේය.

මෙම නඩුවට අදාළව පැමිණිල්ල මගින් කැඳවනු ලැබූ වෙනත් සාක්‌කිවලින් වැදගත් කරුණු අනාවරණය වීමක්‌ සිදුÊනොවූ බව පෙන්වා දුන් නීතිඥවරයා මෙම නඩුව පවතින්නේ ‍ෙෆඩ්රිකා ජෑන්ස්‌ මහත්මිය බොරු කියනවාද ඇත්ත කියනවාද යන්න මත බවත් පැමිණිල්ල මගින් විත්තිකරුට එරෙහි කිසිදු චෝදනාවක්‌ ඔප්පු කර නැති බවත් අවධාරණය කළේය.

මෙම නඩුවේ විමර්ශන නිලධාරි පොලිස්‌ පරීක්‍ෂක අනුර සිල්වා මහතාට විමර්ශනයන්ට අදාළව විශාල තෑගි ප්‍රදානයක්‌ හිමි වූ බවත් ඔහුට එරෙහිව මහාධිකරණය හමුවේ පැවැති පුද්ගලයකු කෲර ලෙස වධ හිංසනයට ලක්‌ කිරීමේ නඩුවක්‌ නීතිපතිවරයා විසින් ඉල්ලා අස්‌කරගෙන ඇති බවත් කී විත්තියේ නීතිඥවරයා මෙම නඩුව අපරාධ පරීක්‍ෂණ දෙපාර්තමෙන්තුවේ වාණිජ අපරාධ විමර්ශන ඒකකය මගින් සිදු කිරීම අධිකරණයේ අවධානයට ලක්‌ වියයුතු කරුණක්‌ බවත් කියා සිටියේය.

පැමිණිල්ල මගින් කැඳවන්නට වූ සාක්‌කි විමසීමේදී නීතියේ යුවතිය අතැති තරාදියේ එක්‌ පැත්තකට ‍ෙෆඩ්රිකා ජෑන්ස්‌ මහත්මියගේ සාක්‌කියේද අනෙක්‌ පැත්තට විත්තිකරු වෙනුවෙන් ඉදිරිපත් වූ සාක්‌කි හා සැලකිරීම් ද දමා සාධාරණ සැකයක්‌ මතුවන්නේ දැයි සිතා බලන ලෙස විනිසුරු මඩුල්ලෙන් ඉල්ලා සිටි නලින් ලද්දුවහෙට්‌ටි මහතා රට වෙනුවෙන් තුන් වතාවක්‌ දැඩි ලෙස තුවාල ලැබූ තුන්වැනි වතාවේදී මරණය අභියසට ගොස්‌ රටේ වාසනාවට ජීවිතය බේරා ගත් විත්තිකරු විත්ති කූඩුවේ සිට කළ විත්ති වාචිකයේදී ඔහුගේ හමුදා ජීවිතය පිළිබඳව පැවසූ වදන් වලට දැඩි අවධානය යොමු කරන ලෙසට ඉල්ලා සිටියේය.

මෙම නඩුව ද වචන මත පවත්නා නඩුවක්‌ හෙයින් ඔහුගේ සෑම වචනයක්‌ම පිළිගන්නා ලෙස ද නඩු විභාගයේදී වැදගත්ම තහවුරු කර ගැනීමක්‌ කර ගත හැකි ලාල් වික්‍රමතුංග මහතා පැමිණිල්ලේ සාක්‌කිකරුවකු ලෙස කැඳවනු නොලැබීම සැකයට බඳුන් වන්නක්‌ බැවින් එම සැකයේ වාසිය විත්තියට ලබා දෙන ලෙස ද ඉල්ලා සිටි ලද්දුවහෙට්‌ටි මහතා සන්ඩේ ලීඩර් පුවත්පත විත්තිකරු ජනාධිපතිවරණයට ඉදිරිපත් වූ අවස්‌ථාවේ උදව් කිරීමට තීරණය කර තිබූ බවට දන්වා සිටියද විත්තිකරුගේ ප්‍රතිවාදී අපේක්‍ෂකයා වූ ජනාධිපති මහින්ද රාජපක්‍ෂ මහතාගේ ප්‍රතිපත්ති ප්‍රකාශයන් ද ඔවුන් මුද්‍රණය කළ බවට තහවුරු වී ඇතැයි කීවේය.

වැරැදිකරුවන් දහසක්‌ නිදහස්‌ වුණාට කමක්‌ නෑ. ඒත් නිවැරැදිකරුවෙක්‌ වැරැදිකරුවෙක්‌ කළහොත් එය ඉතා හාස්‍යජනක බවත්, නිවැරැදිකරුවන් වැරැදිකරුවන් නොකරන ලෙසට එංගලන්ත විද්වතකු වූ බ්ලැක්‌ ස්‌ටෝන් සාමිවරයා වරක්‌ ප්‍රකාශ කර ඇති බව ද කියා සිටි නීතිඥ නලින් ලද්දුවහෙට්‌ටි මහතා රටේ සිටින එකම තරු හතරක ජෙනරාල්වරයකු වන යුද වීරයා ලෙස සම්මානයන්ට පාත්‍ර වූ විත්තිකරු වෙනුවෙන් ඉදිරිපත් වූ සාක්‌කි හා නඩුවට අදාළව ඔහු කළ ප්‍රකාශ පිළිගන්නවාද……. උසාවියට බොරු කියූ, අපහාස කළ ජෑන්ස්‌ සාක්‌කිකාරියගේ සාක්‌කි පිළිගන්නවාද කියා අධිකරණය තීරණය කළ යුතු බව අවධාරණය කළේය.

සුදු කොඩි නඩුව විභාග කළ ත්‍රිපුද්ගල විනිසුරු මඬුල්ලේ තීන්දු තුනෙන් දෙකට බෙදුණු එකක්‌ වූ අතර විනිසුරුවරුන් දෙදෙනෙක්‌ සරත් ෆොන්සේකා මහතාට එරෙහිව පළමු චෝදනාවට ඔහු වැරදිකරු බවට තීරණය කළ අතර අනෙක්‌ විනිසුරුවරයා ඔහු නිවැරදිකරු කරමින් සියලු චෝදනාවලින් නිදොස්‌කොට නිදහස්‌ කර හැරිය යුතු බවට ප්‍රකාශ කළේය.

සභාපති විනිසුරු දීපාලි විඡේසුන්දර මහත්මිය හා එච්. ඉසෙඩ් රාශින් මහතා සරත් ෆොන්සේකා මහතා පළමු චෝදනාවට වැරදිකරු කරමින් ඒ මහතාට වසර තුනක සිර දඬුවමක්‌ හා රුපියල් 5000 දඩ මුදලක්‌ නියම කළ අතර දඩ මුදල් නොගෙවන්නේ නම් මාස හයක අමතර සිර දඬුවමක්‌ පනවන ලෙසට නියෝග කළේය.

සමන්ත ඉලේපෙරුම
පින්තූර-කමල් බෝගොඩ

අද කටුනායකදී රනිල් හරසරින් පිළිගැනීමට එජාපය සැරසෙයි!,සිංහල ව්‍යාපාර යළි නැංවිය යුතුයි

අද කටුනායකදී රනිල් හරසරින්
පිළිගැනීමට එජාපය සැරසෙයි

පියසේන දිසානායක source:

අන්තර් ජාතික ප්‍රජාතන්ත්‍රිකයන්ගේ සංගමයේ ආසියා ශාන්තිකර කලාපයේ සභාපති ධුරයට පත්ව ශ්‍රී ලංකාවට පැමිණෙන එක්‌සත් ජාතික පක්‍ෂ නායක සහ විපක්‍ෂ නායක රනිල් වික්‍රමසිංහ මහතා කටුනායක ගුවන් තොටුපළේදී අද (17 දා) පෙරවරුවේ මහත් හරසරින් පිළිගැනීමට එ.ජ.ප.ය කටයුතු සංවිධානය කර ඇත.

එජාප නායක රනිල් වික්‍රමසිංහ මහතා පිළිගැනීම සඳහා කටුනායක ගුවන්තොටුපළට පැමිණෙන ලෙස එක්‌සත් ජාතික පක්‍ෂයේ සියලුම පාර්ලිමේන්තු මන්ත්‍රීවරුන්ට එම පක්‍ෂයේ මහලේකම් තිස්‌ස අත්තනායක මහතා විසින් දැනුම් දී ඇත.

මේ අනුව වැඩබලන විපක්‍ෂ නායක ජෝන් අමරතුංග, එක්‌සත් ජාතික පක්‍ෂයේ නියෝජ්‍ය නායකවරුන් වන කරු ජයසූරිය, සජිත් ප්‍රේමදාස, සභාපති ගාමිණී ජයවික්‍රම පෙරේරා, මහලේකම් තිස්‌ස අත්තනායක යන මහත්වරුන් ප්‍රමුඛ මන්ත්‍රීවරුන් වික්‍රමසිංහ මහතා පිළිගැනීම සඳහා අද (17 දා) පෙ.ව. 7.30 ට කටුනායක ගුවන්තොටුපළට පැමිණෙනු ඇත.

එක්‌සත් රාජධානියේ ලන්ඩන් නුවර පැවැති අන්තර් ජාතික ප්‍රජාතන්ත්‍රිකයන්ගේ සංගමයේ සම්මේලනයට සහභාගිවීම සඳහා ගිය රනිල් වික්‍රමසිංහ මහතා සතියකට අධික කාලයක්‌ එහි රැඳී සිටිමින් රාජ්‍ය නායකයන් රැසක්‌ සමඟ ශ්‍රී ලංකාවේ වත්මන් තත්ත්වය පිළිබඳව සාකච්ඡා කොට ඇත.

වික්‍රමසිංහ මහතා සමඟ එක්‌සත් ජාතික පක්‍ෂ ජාතික සංවිධායක රවී කරුණානායක, ජාතික යොවුන් පෙරමුණේ සභාපති සහ පාර්ලිමේන්තු මන්ත්‍රී රුවන් විඡේවර්ධන යන මහත්වරුද මෙම සංචාරයට එක්‌වූහ.

දයා ගමගේ මහතාට අයත් සෙවනගල සීනි සමාගම ඇතුළු පෞද්ගලික ආයතන 37 ක්‌ රජයට පවරා ගැනීම සඳහා ආණ්‌ඩුව පාර්ලිමේන්තුවේදී සම්මතකර ගත් පනත හා ඉදිරි කටයුතු රැසක්‌ සම්බන්ධව රනිල් වික්‍රමසිංහ මහතා මෙම සංචාරයේදී විදේශ රාජ්‍ය නායකයන් සමඟ සාකච්ඡා කොට ඇත.

Ranil, reappointed IDU Asia-Pacific president, returns home

source:

THURSDAY, 17 NOVEMBER 2011 12:46

Katunayake (Srilankamirror) – Opposition leader RanilWickremesinghe this morning (Nov. 16) returned from a trip to London, where he was reappointed Asia-Pacific regional president of the International Democratic Union.

On arrival at the Katunayake Airport, he was warmly welcomed by a large gathering of UNP activists.

They included general secretary Tissa Attanayake, MPs John Amaratunga, Joseph Michael Perera, Dr. JayalathJayawardena, D.M. Swaminathan, GayanthaKarunatilake, Lakshman Kiriella, Colombo mayor M.J.M.Muzammil as well as opposition leaders of provincial councils.

Party headquarters ‘Sirikotha’ had asked MPs and Colombo municipal councillors of the UNP to be at the airport to welcome Mr. Wickremesinghe.

Among the notable absentees were deputy leaders Karu Jayasuriya and Sajith Premadasa.

 

සිංහල ව්‍යාපාර යළි නැංවිය යුතුයි – රනිල් source:

ශ්‍රී ලංකාවේ ප‍්‍රජාතන්ත‍්‍රවාදය හා සිංහල ව්‍යාපාරිකයින්ගේ ව්‍යාපාර රැකගැනීමට ජාත්‍යන්තර ප‍්‍රජාතාන්ත‍්‍රිකයන්ගේ සංගමයේ නායකයින් ලන්ඩන් නුවරදී පොරොන්දුවී යැයි එක්සත් ජාතික පක්ෂ නායක රනිල් වික‍්‍රමසිංහ මහතා කටුනායක ජාත්‍යන්තර ගුවන් තොටුපොළේදී පැවසීය.

ජාත්‍යන්තර ප‍්‍රජාතාන්ත‍්‍රිකයින්ගේ සංගමයේ ආසියා ශාන්තිකර කලාපයේ සභාපති ලෙස යළි තේරී පත්වූ වික‍්‍රමසිංහ මහතා පැවසූයේ 1974 දී සිංහල ව්‍යාපාර රජයට පවරාගෙන නැති නොකළානම් සිංහලයන් ව්‍යාපාර ලෝකයේ දැවැන්තම ව්‍යාපාරිකයන් බවට පත්වන බවයි. මේ ව්‍යාපාර කෙසේ හෝ රැකගත යුතු යැයි ද වික‍්‍රමසිංහ මහතා කීවේය.

බලවේගය ප්‍රශ්නය : ක්‍රිස්තියානි හෝ ක්‍රිස්තියානි චින්තනය දරන සංගමයක සාමාජිකත්වයේන් අපේ රටට වෙන සෙත කුමක්ද ? පහලින් ඇති සංගමයේ විස්තර දෙස  බලන්න ෆුල් හොරා කරෙන් දැනේ… 

http://www.idu.org/news.aspx

Back to Archived
IDU elect John Howard Leader, welcomes ten new members

The Party Leaders Meeting of the International Democrat Union, the global working association of Conservative, Christian-democrat and like-minded parties of the center and center-right, has unanimously reelected former Australian Prime Minister John Howard as its Chairman. New Deputy Chairman is the British Minister for Europe, David Lidington MP.

විදෙස්‌ ටෙන්ඩර් කැඳවීම ප්‍රමාද කර 2012 දී ඖෂධ හිඟයක්‌ ඇති කරන කුමන්ත්‍රණයක්‌

විදෙස්‌ ටෙන්ඩර් කැඳවීම ප්‍රමාද කර
2012 දී ඖෂධ හිඟයක්‌ ඇති කරන කුමන්ත්‍රණයක්‌

අජිත් අලහකෝන් source:

විදෙස්‌ සමාගම්වලින් ටෙන්ඩර් කැඳවීම ප්‍රමාදකරමින් ඖෂධ සංස්‌ථා නිලධාරින් කණ්‌ඩායමක්‌ ලබන වසරේ රට පුරා ඖෂධ හිඟයක්‌ ඇති කිරීම සඳහා කටයුතු කරමින් සිටින බව එම සංස්‌ථාවේම ජ්‍යෙෂ්ඨ නිලධාරියෙක්‌ “දිවයින”ට කීය.

මෙසේ ඖෂධ හිඟයක්‌ ඇති වූ විට ටෙන්ඩර් පටිපාටියකින් තොරව දේශීය වෙළෙඳ පොළෙන් වැඩි මිලකට ඖෂධ මිලට ගැනීමට සිදුවන අතර ඒ ඔස්‌සේ අධික කොමිස්‌ මුදලක්‌ ලබා ගැනීමට මෙම නිලධාරින් සූදානම් වන බවද ඉහත නිලධාරියා ප්‍රකාශ කළේය.

දේශීය වශයෙන් ටෙන්ඩර් කැඳවීමකින් තොරව ඖෂධ මිලට ගැනීමේදී නියමිත මිලට වඩා තුන් ගුණයක්‌ පමණ ගෙවීමට සිදුවන බවද කී ඉහත නිලධාරියා පසුගිය කාලයේදීද මෙම නිලධාරින් කණ්‌ඩායම මේ ආකාරයට හිතාමතා ටෙන්ඩර් කැඳවීම ප්‍රමාද කිරීමෙන් රට පුරා අත්‍යවශ්‍ය ඖෂධ හිඟයක්‌ ඇතිවූ බවද කීය.

ඖෂධ ටෙන්ඩර් සඳහා මෙවැනි ක්‍රියා පිළිවෙතක්‌ අනුගමනය කරන ඖෂධ සංස්‌ථා නිලධාරින් සංස්‌ථාවේ වාහනවලට එන්ජින් තෙල් මිලට ගැනීමටත්, වෝල්ට්‌ 70 එක්‌ බල්බයක්‌ මිලට ගැනීමටත් ටෙන්ඩර් කැඳවීම් කරන බව කීය.

එවැනි සුළු මිලදී ගැනීම්වලට විනිවිදභාවය පෙන්වන මෙම නිලධාරීන් විශාල මුදලකට ඖෂධ මිලට ගැනීමේදී දූෂණ අක්‍රමිකතා සිදු කිරීම විහිළුවක්‌ බවද ඉහත නිලධාරියා වැඩිදුරටත් ප්‍රකාශ කළේය.

මේ ආකාරයට ටෙන්ඩර් ප්‍රමාද කිරීම නිසා ලබන වසරේ මැයි මාසයේදී රටපුරා ඖෂධ හිඟයක්‌ නිර්මාණය කිරීම මෙම නිලධාරින්ගේ අරමුණ වී ඇතැයිද හෙතෙම කීය.

රනිල් උඩු යටිකුරු වෙලා’

රනිල් උඩු යටිකුරු වෙලා’

source: අරුණි මුතුමලි

විපක්ෂ නායක රනිල් වික්‍රමසිංහ මහතා සිංහල බෞද්ධ ව්‍යාපාරිකයන් ගැන මේ අවස්ථාවේදී හෝ කතා කිරීමට පෙළඹීම පිළිබඳ බොහෝ දෙනා සතුටත් පුදුමයත් පළකරන බවත් මෙය විපක්ෂ නායකවරයාගේ පූර්ණ උඩුයටිකුරු වීමක් බවත් තරුණ කටයුතු හා ව්‍යවසාය සංවර්ධන ඇමැති ඩලස් අලහප්පෙරුම මහතා පවසයි.

පාඩු ලබන ආයතන 36 ක් රජයට පවරා ගැනීම පිළිබඳ පනතින් සිංහල බෞද්ධ ව්‍යාපාරිකයන්ට පහර ගැසීමට රජය උත්සාහ කරන බව කියමින් විපක්ෂ නායකවරයා ගෙන එන තර්කය පිළිබඳ තමන් කනගාටු වන බව ද භික්ෂුන් වහන්සේට වැරැදි තොරතුරු සපයමින් මෙන්ම ඇත්ත තොරතුරු සඟවමින් සංඝයා වහන්සේ නොමඟ යැවීම විශාල අගෞරවයක් බව ද ඇමැතිවරයා පැවසීය.

1977 බලයට පත් එජාප ආණ්ඩුව විසින් ලබුදූවේ සිරිධම්ම හිමියන්ගේ විහාරස්ථානය පවරා ගැනීම වැනි කටයුතු මහින්ද රාජපක්ෂ රජයෙන් සිදු නොවන බව ඇමැතිවරයා අවධාරණය කෙළේය. පනත පිළිබඳ පාර්ලිමේන්තු විවාදයෙන් පසුව ඇතැම් එජාප මන්ත්‍රීවරුන් මේ ව්‍යාපාරවල සැබෑ තතු නොදැන සිටි බවට තමන් සමඟ ප්‍රකාශ කළ බව ද පැවසු ඇමැතිවරයා; එජාපය සැබෑ තතු වසන් කරමින් වෙනත් ස්වරූපයක් මවා පෙන්වීමට උත්සාහ කරන බව ද හෙතෙම පැවසීය.

ක්‍රිස්‌තු පූර්ව පළමුවැනි සියවසට අයත් දිඹුලාගල දේවගල පුරාණ වැවේ පුරාවස්‌තු රැසක්‌ රැගෙන ගිහිල්ලා

ක්‍රිස්‌තු පූර්ව පළමුවැනි සියවසට අයත්
දිඹුලාගල දේවගල පුරාණ වැවේ
පුරාවස්‌තු රැසක්‌ රැගෙන ගිහිල්ලා

source:මනම්පිටිය – ඡේ. ඒ. ජයකොඩි සහ
පොලොන්නරුව – කරුණාරත්න ගමගේ

ක්‍රිස්‌තු පූර්ව 1 වන සියවසට අයත් ඓතිහාසික දිඹුලාගල දේවගල පුරාණ වැවක පිහිටි ඉපැරැණි සොරොව්වක්‌ කිසියම් පිරිසක්‌ විසින් විනාශකර එහි තිබූ පුරා වස්‌තු රැසක්‌ රැගෙන ගොස්‌ ඇති බව අරලගංවිල පොලිසිය පැවසීය.

මීට දින කීපයකට පෙර මෙම සොරොව්වට හානි සිදුකර තිබෙන අතර ඒ අසල ඇති තවත් පුරාවස්‌තු රැසක්‌ ගැනීම සඳහා පූජනීය වස්‌තු හා පෞරාණික ගලA කණු වලටද හානි සිදුකර ඇති බව කරන ලද පරීක්‍ෂණවලින් තහවුරුවී ඇත.

මාදුරු ඔය ජලාශයෙන් නිකුත් වන ජලය පිඹුරත්තෑව වැවට ගලා යැමෙන් එම වැවෙහි ජලයද ර¹ පැවතීම සඳහා මෙම සොරොව්ව එකල භාවිතා කර ඇති බවද සඳහන් වේ.

අනුරාධපුර පොළොන්නරු යුගවලට අයත් මෙම පෞරාණික නටඹුන් රැසක්‌ම මෙම දේවගල ප්‍රදේශයේ පිහිටා ඇති අතර ඒවා රැක බලා ගැනීමට කිසිවකුගෙන් අවධානය යොමු වී නැතැයි ප්‍රදේශයේ විහාරාධිපති හිමි නමක්‌ පැවසූහ.

මේ සම්බන්ධව මෙතෙක්‌ කිසිවකුත් අත්අඩංගුවට ගෙන නොමැති අතර ඒ සඳහා විශේෂ මෙහෙයුමක්‌ අරලගන්විල පොලිසිය මගින් ආරම්භ කර ඇති බව අරලගන්විල පොලිස්‌ ස්‌ථානයේ පොලිස්‌ පරීක්‍ෂක ලලිත් රාජමන්ත්‍රී මහතා පැවසීය.

අවසර හාමුදුරුවනේ…

අවසර හාමුදුරුවනේ…

source:

ජාතික ව්‍යසනයක් ඇතිවන සෑම අවස්ථාවකම දේශය වෙනුවෙන් ඉදිරියට පැමිණ එකී ව්‍යසනයන්ට එරෙහි විමුක්ති අරගලයන්හි පෙරමුණ ගැනීමට භික්ෂූන්වහන්සේ ඉදිරිපත් වීම පිළිබඳව ශ්‍රී ලාංකේය ඉතිහාසයෙහි සටහන්ව ඇත්තේ වරක් දෙවරක් නොවේ.

ථෙරපුත්තාභය හාමුදුරුවෝ චීවරයෙන් කලකට නිදහස් වී ගැමුණු රජු සමඟ සංග්‍රාම භූමියට ගියේ ඒ හැඟීමෙනි. එවැනිම දේශප්‍රේමී හැඟීමකින් පන්නරය ලද වාරියපොළ හාමුදුරුවෝ සුදු අධිරාජ්‍යවාදී කොඩිය බිම දමා සිංහ කොඩිය යළි එසැවූහ. අහිංසක ගැමියන්ට එරෙහිව පැනවූ අසාධාරණ බදුවලට එරෙහිව පුරන්අප්පු ඇතුළු විමුක්තිකාමීන්ට උදවු කිරීම නිසා කඩහපොළ හාමුදුරුවෝ වෙඩි උණ්ඩයට මුහුණ දුන්හ.

මේ හැරෙන්නට දේශය වෙනුවෙන් පෙරට ගිය භික්ෂූන්වහන්සේ පිළිබඳව උත්කෘෂ්ට සටහන් අපේ ඉතිහාසයේ එමට තිබේ.

එහෙත් මේ භික්ෂූන් වහන්සේ තම භික්ෂූත්වයෙන් ඔබ්බට පවා යමින් එසේ පෙරමුණ ගත්තේ කාගේවත් මුසා බස්වලින් සිත් දූෂ්‍ය කරගෙන නම් නොවේ. සියල්ල මැනැවින් වටහාගෙන එසේ ඉදිරිපත්වීම තමන් වහන්සේ විසින් කළ යුතු අත්‍යවශ්‍ය මෙහෙවරක් ලෙසින් හෘදයසාක්ෂියට එකඟව තීන්දු කරගත් බැවිනි.

දේශයට අවශ්‍ය සීනි නිෂ්පාදනය වැඩිකරන්නෙමුයි ගිවිස ලබාගත් කම්හලක සීනි නිපැදවීම වැඩි කිරීම වෙනුවට අරක්කු ස්ප්‍රීතු නිෂ්පාදනය වැඩි කිරීමට පියවර ගෙන ඇත්නම් ජාතික ව්‍යසනය ලෙසින් තීන්දු කළ යුත්තේ එසේ ගිවිසුම් කඩා බිඳ අපේ සමාජයම ඔද්දල් කරන අරක්කු ස්ප්‍රීතු නිෂ්පාදනය වැඩි කිරීමට පියවර ගැනීමේ අගතිගාමී ක්‍රියාවලියයි.

අපේ ගෞරවනීය ස්වාමීන් වහන්සේ මත්පැනෙහි ආදීනව උදේ සවස අපට කියා දෙන්නාහ. ඒ අපායෙන් අප මුදවා ගැනීමට අපමණ වෙහෙස දරන්නාහ.

බුදුන් වහන්සේ ද තම උතුම් ව්‍යායාමයෙන් විශාල කොටසක් මත්පැනෙහි ආදීනව කියාදීමට වැය කළ සේක. අවසන් පන්සිල් පදයත් මත්පැනින් මිනිසුන් ගලවාගැනීම සඳහා වෙන්කළේ එබැවිනි.

එබැවින් භික්ෂූන් වහන්සේ පෙරමුණ ගත යුත්තේ මත්පැන් වැඩි වැඩියෙන් නිෂ්පාදනය කිරීමට එරෙහිවය.

සරල උදාහරණයක් ගනිමු. සෙවනගල සීනි නිෂ්පාදනය පසුගිය කාලවකවානුව තුළ සියයට 12 සිට සියයට 4 දක්වා අඩුවී ඇතැයි පැවසේ. එසේම එම කම්හලේ මත්පැන් ස්ප්‍රීතු නිෂ්පාදනය ලීටර් විසිලක්ෂයේ සිට හතළිස් තුන් ලක්ෂය දක්වා වැඩිවී තිබේ.

එක් පැත්තකින් අවසන් පන්සිල් පදය බුද්ධ වචනයෙන්ම ප්‍රකාශිත වී ඇත. මත්පැන් නිසා සිදුවන පොදු ව්‍යසන සහ වෙන් වෙන්ව සිදුවන ව්‍යසන ගැන තොරතුරු ලැබේ. මත්පැනින් සිහි විකල් කරගත් රජකෙනකු තම සිඟිති පුතු මස්කොට “බයිට්” සාදා ඒ කටගැස්මත් සමඟ මත්පැන් පානය කළ අයුරු කියැවෙන කතාන්දර අපට කියාදී ඇත්තේ ද අපේ ගෞරවනීය හාමුදුරුවන් වහන්සේම විසිනි. අදත් එවැනි බිහිසුණු කතා අසන්නට ලැබේ.

එබැවින් අපේ හාමුදුරුවන් වහන්සේ එරෙහි විය යුත්තේ උද්ඝෝෂණ කළ යුත්තේ අධිකරණයට යා යුත්තේ, මත්පැන් නිෂ්පාදනය වැඩි කිරීමට එරෙහිවයි. උන්වහන්සේ උදවු කළ යුත්තේ “මතට තිත” ප්‍රතිපත්ති සම්පාදකයන්ට මිස අරක්කු ස්ප්‍රීතු නිෂ්පාදකයන්ට නම් නොවේ.

අපේ භික්ෂූන්වහන්සේ සාමාන්‍ය ගිහියන්ටත් වඩා සම්මා සතිය ප්‍රගුණ කර ඇත්තාහ. එබැවින් සාමාන්‍ය ගිහියන්ට නොවැටහෙන දේ, නොපෙනෙන දේ උන්වහන්සේට හොඳින්ම පෙනේ. වැටහේ.

එබැවින් උන්වහන්සේ මුලා කිරීම පහසු නැත. මත්පැනින් ලද ආදායම ලාභයක් සේ හුවා දක්වමින් උන්වහන්සේ මුලාකිරිම ද පාපකර්මයකි. එහෙත් එසේ සම්මා සතිය නිසි පරිදි ප්‍රගුණ නොකළ භික්ෂූන්වහන්සේ කිහිප නමක් හෝ සිටීම කනගාටුවට කරුණක් බව කිව මනාය. එය උතුම් වූ බුදුදහමට නිගාවකි.

උන්වහන්සේ කිහිප නමට ද සම්මා සතිය පහළවේවායි මත්පැන් නිසා දුක්විඳින අහිංසක බිරින්දන්ගේ දූ දරුවන්ගේ යහපත වෙනුවෙන් ප්‍රාර්ථනා කරමු. එබැවින් අවසන් සිල්පදය ඔවුන්ගේ යහපත වෙනුවෙන් සමාජගත කිරීමට ඔබවහන්සේගේ කරුණාව ලැබේවා!

මඩ වෙබ් අඩවිවලට වැට බැන්දේ ජනමාධ්‍යයේ කීර්තිනාමය රැක ගැනීමටයි

මඩ වෙබ් අඩවිවලට වැට බැන්දේ ජනමාධ්‍යයේ කීර්තිනාමය රැක ගැනීමටයි

– ඇමැති කෙහෙළිය

ඉන්දික පොල්කොටුව source:

රටේ කීර්ති නාමයට හානි කරමින් අසත්‍ය හා පදනම් විරහිත තොරතුරු ඔස්සේ ක්‍රියාත්මක වෙබ් අඩවි සම්බන්ධයෙන් රජය ගනු ලබන ක්‍රියාමාර්ග මත කිසි ලෙසකින් මාධ්‍ය පාලනයක් හෝ මාධ්‍ය වාරණයක් සිදු නොවන බව ජනමාධ්‍ය හා ප්‍රවෘත්ති ඇමැති කැබිනට් ප්‍රකාශක කෙහෙලිය රඹුක්වැල්ල මහතා පවසයි.

මෙයින් මාධ්‍ය නිදහස් සුරක්ෂිත වන බවත් එමෙන් ම මාධ්‍ය ලේබලය ඔස්සේ ජනමාධ්‍යයේ කීර්ති නාමයට සිදුවන හානිය වැළකී යන බවත් ඒ මහතා කීය.

රටේ කීර්ති නාමයට පමණක් නොව විශාල ලෙස පුද්ගල චරිත ඝාතන පසුගිය වකවානුවේදී මෙම වෙබ් අඩවි හරහා සිදු වූයේ යැයි ද රඹුක්වැල්ල මහතා පැවසී ය.

මේ වෙනුවෙන් නිසි ක්‍රියාමාර්ග ගන්නා ලෙස දෙමාපියන් ඇතුළු රටේ සිවිල් ජනතාව විශාල වශයෙන් ඉල්ලීම් කළ බවත් ඇතැම් අවස්ථාවන්හි ජනමාධ්‍ය අමාත්‍යාංශයට පවා එම දෙමාපියන්ගේ ඉල්ලීම් වෙනුවෙන් ක්‍රියාත්මක වීමට නොහැකිව තිබූ බවත් ඇමතිවරයා කීය.

තායිලන්තය චීනය ඇතුළු රටවල් මේ වනවිට එම රටවලට හානි කරන වෙබ් අඩවි සම්බන්ධයෙන් දැඩිව ක්‍රියා කැර ඇතැයි ද රටක් ලෙස අප රට වෙනුවෙන් ගනු ලබන මෙම ක්‍රියාමාර්ග වලට යම් පිරිසක් එරෙහි වන්නේ නම් ඔවුන් රටට එරෙහි පිරිස ලෙස හැඳින්වීම වරදක් නැතැයි ද ඒ මහතා පැවසීය.

පුවත්පතක රූපවාහිනියක ගුවන් විදුලියක යම් අසත්‍ය ප්‍රවෘත්තියක් පළවූ විට එය නිවැරැදි කිරීමට ක්‍රියාමාර්ග ඇති නමුත් වෙබ් අඩවිවල එවැනි ක්‍රමවේදයක් නොමැති වීමෙන් එම වෙබ් අඩවිවලට රටට ජනතාවට ඕනෑම හානියක් කිරීමට හැකියාව ඇතැයි ද ඒ මහතා කීය.

නෝර්වේ රාජ්‍යයට සාමය තිත්ත වේ

වම්ඉවුර…..
නෝර්වේ රාජ්‍යයට සාමය තිත්ත වේ source:

සී. ඒ. චන්ද්‍රප්‍රේම

නෝර්වේ රාජ්‍යය ශ්‍රී ලංකාවේ සාම ක්‍රියාදාමය සම්බන්ධයෙන් කළ මැදිහත්වීම පිළිබඳ විග්‍රහයක යෙදෙන නෝර්වීජියානු ආණ්‌ඩුවේ වාර්තාවක්‌ අප අතට පත්වී ඇත. නෝර්වේ රාජ්‍යය විසින් ලෝකය පුරාම කරන සාම මැදිහත්වීම් පිළිබඳ මුල්වරට අභ්‍යන්තර විමර්ශනයක්‌ ආරම්භ කරනු ලැබුවේ ශ්‍රී ලංකාව සම්බන්ධයෙනි. පස්‌දෙනකුගෙන් සමන්විත කමිටුවක්‌ විසින් සම්පාදනය කරන ලද මෙම වාර්තාව අරමුණු කීපයක්‌ පෙරදැරි කරගෙන සකසන ලදී. ලංකාවේ සාම ක්‍රියාදාමයට මැදිහත්වීමෙන් ඉගෙනගත යුතු පාඩම් සමාලෝචනය කිරීම ඉන් පළමුවැන්නයි. 1997 – 2009 අතර නෝර්වේ රාජ්‍යය විසින් ලංකාවේ සාමය ඇති කිරීම සඳහා ගන්නා ලද උත්සාහයන් සමාලෝචනය කිරීමයි. තීරණාත්මක අවස්‌ථාවලදී නෝර්වේ රාජ්‍යය විසින් ගන්නා ලද තීරණවල සුදුසු හෝ නුසුදුසු බව තක්‌සේරු කිරීම, ලංකාවේ ප්‍රශ්නය පරිනාමය වූ හැටි ගැන නෝර්වීජියානු අවබෝධය සමාලෝචනය කිරීම හා අනාගත සාම ක්‍රියාදාමයන් සඳහා සුදුසු යෝජනා ලබාදීම මෙකී විමර්ශනයේ සෙසු අරමුණු විය.

විමර්ශන කණ්‌ඩායම ශ්‍රී ලාංකික සාම ක්‍රියාදාමයට හවුල් වී සිටි නෝර්වීජියානු ජාතිකයන් සමග කතා කිරීමේදී ඔවුන් පවසා ඇත්තේ තමන් අවංක උත්සාහයක්‌ දැරූ බවත් සාම ක්‍රියාදාමය අයත්ව තිබුණේ ලංකා ආණ්‌ඩුවට හා කොටි සංවිධානයට බැවින් එහි සාර්ථක හෝ අසාර්ථක භාවයට වගකිවයුත්තේ අදාළ පාර්ශ්ව දෙක බවත්ය. සාම ක්‍රියාදාමයේ නියෑලී සිටි නෝර්වීජියානු ජාතිකයන් හැර එම රටේම වෙනත් අයට විමර්ශන කණ්‌ඩායම කතා කළ විට ඔවුන් නෝර්වීජියානු සාම ක්‍රියාකාරීන් දුටුවේ දකුණු ආසියානු දේශපාලනය ගැන අවබෝධයක්‌ නැති ඉතාමත්ම ලාමක සර්ව සුබවාදීන් හැටියට බවත් ඔවුන්ට පැහැදිලි විය. සිංහල පාර්ශ්වයට කතා කරන විට ඔවුන් කියා සිටියේ නෝර්වේ රාජ්‍යය ලංකාවේ අභ්‍යන්තර කටයුතුවලට ඇඟිලි ගසන බවත් ඔවුන් කොටි සංවිධානයට විශේෂ හිතවත්කමක්‌ දක්‌වන බවත්ය. මුස්‌ලිම් පාර්ශ්වය ද කියා සිටියේ නෝර්වීජියානුවන් හුදෙක්‌ම කොටි සංවිධානය සතුටු කිරීමට වෙහෙසුණු බවයි. කොටි හිතවාදීන් පමණක්‌, නෝර්වේ රාජ්‍යය විසින් ගත් උත්සාහයන් පිළිබඳව ස්‌තුතිය පළකොට තිබිණි. මේ අනුව පැහැදිලිව පෙනෙන්නට තිබුණේ නෝර්වීජියානු මැදිහත්වීම ගැන සිංහල පාර්ශ්වයත්, මුස්‌ලිම් පාර්ශ්වයත් නොසතුටින් සිටි බවත් ඒ
ගැන සතුටු වූයේ කොටි හිතවාදීන්ම පමණක්‌ බවයි.

මෙකී විමර්ශන කණ්‌ඩායමේ අවධානයට යොමු වූ තවත් කාරණයක්‌ වූයේ ශ්‍රී ලංකාවේ ආචාර්ය ජයදේව උයන්ගොඩ ඇතුළු පර්යේෂකයින් පිරිසක්‌ නෝර්වීජියානු මැදිහත්වීමෙන් ශ්‍රී ලංකාව තුළ ඇති වූ ජාත්‍යන්තරකරණයට ලක්‌ වූ හා අසාර්ථක සාම ක්‍රියාදාමය නිසා මහින්ද රාජපක්‍ෂ ආණ්‌ඩුවට බලයට ඒ
මට පාර කැපුනු බවත් එයින් යුද්ධය කුරිරු ලෙස අවසන්වීමට හා බලය බෙදීමේ මතවාදය යටපත්වීමට පාර කැපුනු බවට කර තිබූ ප්‍රකාශයයි. ඔවුන් එතනින් අදහස්‌ කළේ මහත් සේ ජාත්‍යන්තරකරණයට ලක්‌ව තිබුණු සාම ක්‍රියාදාමයේ අසාර්ථකභාවය තුළින්ම මහින්ද රාජපක්‍ෂට නැගඒ
මට පාර කැපුනු බවත් එයින්ම කොටි සංවිධානයේ අවසානයත් බලය බෙදීමේ අවසානයත් තහවුරු වූ බවයි. එවැනි දෘෂ්ටියකින් අප මේ කාරණය දෙස බලනවා නම් යුද්ධය අවසන් කර දුන්නාට අප කාටත් පින් දීමට සිදුවන්නේ නෝර්වේ රාජ්‍යයටය. ඒ
ඔවුන් ලංකාවේ මිනිසුන්ට සාමය තිත්තකොට යුද්ධය හැරුණු විට වෙන කිසිදු මඟක්‌ නැති බව පෙන්වීමෙනි.

විමර්ශන කණ්‌ඩායමේ අවධානයට යොමු වූ වැදගත් කාරණයක්‌ වූයේ සාම ක්‍රියාදාමයේ සාර්ථකභාවය මැනීමට ගන්නා මිනුම් දණ්‌ඩ කුමක්‌ද යන්නයි. ඔවුන්ගේ අදහස වූයේ සාම ක්‍රියාදාමයක මැදිහත්කරුවකු වීමේ වටිනාකම හැමවිටම ප්‍රශ්නය නිරාකරණය වූවාද නැත්ද යන්න මතම පමණක්‌ තීන්දු කළ නොහැකි බවයි. ප්‍රශ්නය නිරාකරණය නොවූවත් එයින් වෙනත් දේවල් ලැබුණා විය හැකි බව ඔවුන් පෙන්වා දෙයි. ඒ
සිවිල් වැසියන්ගේ සුරක්‍ෂිත භාවය හා ජීවන තත්ත්වය වැඩි දියුණුවීම, පීඩනයට පත්වී ඇති ජනතාවට යම් සහනයක්‌ ලබාදීම වැනි දෑ ද සාර්ථක භාවයට අදාළ වන බවයි.

ලංකාවේ සාම ක්‍රියාදාමය සම්බන්ධයෙන් නෝර්වේ රාජ්‍යයට එරෙහිව එල්ල වන ලද විවේචනවලින් වැඩි ප්‍රමාණය අදාළ වූයේ ඔවුන් තම ක්‍රියාදාමයේ මැදිහත්කරුවකු හැටියට ගෙන යන ලද භූමිකාව නිසා නොව ලංකාවේ සටන් විරාම ගිවිසුම අධීක්‍ෂණය කිරීමට බිහි කරන ලද ශ්‍රී ලංකා අධීක්‍ෂණ කණ්‌ඩායම තුළ එනම් ශ්‍රී ලංකා මොනිටරිං විෂන් තුළ ඔවුන් ගෙන යන ලද භූමිකාව නිසාය. මැදහත්කරුවකුගේ භූමිකාව ඔවුන් ඉටු කරන ලද්දේ ඉඳහිටය. නමුත් සටන් විරාම ගිවිසුම අධීක්‍ෂණය කිරීම බිම් මට්‌ටමින් දිනපතාම සිදුවූ දෙයකි. නෝර්වේ රාජ්‍යයට වැඩි වශයෙන්ම විවේචන එල්ල වූයේ ද එකී භූමිකාව තුළය.

නෝර්වේ රාජ්‍යය ලංකාවේ සටන් විරාම අධීක්‍ෂණ කටයුතු සඳහා මැදිහත් වූ ආකාරය ගැන ඉතාමත්ම කර්කශ විවේචනයක්‌ කළ අයෙක්‌ වූයේ එක්‌සත් ජාතීන්ගේ සංවිධානයේ විශේෂ විමර්ශකයකු වූ පිලිප් ඇල්ස්‌ටන් මහතාය. ඔහු 2005 නොවැම්බර් 28 හා දෙසැම්බර් 6 අතර ලංකාවේ කළ සංචාරයකින් පසු ඒ
ගමන පිළිබඳ වාර්තාව ලියුවේ නෝර්වේ රාජ්‍යය ගැන මහත් කලකිරීමකිනි. ඔහුගේ විවේචන පහත දැක්‌වෙන ආකාරයට සම්පිණ්‌ඩනය කළ හැක.

1. නෝර්වේ නායකත්වය යටතේ පැවැති සටන් විරාම අධීක්‍ෂණ කණ්‌ඩායම කොටි සංවිධානය විසින් කරන සටන් විරාම කඩකිරීම් විමර්ශනය නොකිරීම. ඔවුන් ඇල්ස්‌ටන් මහතාට කියා තිබුණේ තමන්ට “පොලිස්‌ රාජකාරි” කළ නොහැකි බවයි. ඔවුන් කරන්නේ සටන් විරාම කඩකිරීමක්‌ ගැන තිබෙන පැමිණිල්ලක්‌ අනෙක්‌ පාර්ශ්වය වෙත යොමු කර, ලැබෙන පිළිතුර අනුව සටන් විරාම කඩකිරීමක්‌ සිදුවී ඇත්දැයි බැලීම පමණි.

2. සටන් විරාම කඩකිරීම් ගණන පිළිබඳ වාර්තා ඔවුන් පළ කළ ද, එම කඩකිරීම් ගැන සවිස්‌තර වාර්තා පළ කිරීමෙන් වැළකී සිටීම.

3. නෝර්වේ රාජ්‍යය සාම සාකච්ඡාවල මැදිහත්කරු වනවා පමණක්‌ නොව, සටන් විරාම ගිවිසුම අධීක්‍ෂණය කිරීම ද කරන නිසා, සාම සාකච්ඡාවලට කොටි සංවිධානය එන්නේ නැතිවේය යන බියෙන් සටන් විරාම කඩ කිරීම් නිසි ආකාරව විමර්ශනය කිරීමෙන් ඔවුන් වැළකී සිටි බව.

ඇල්ස්‌ටන් මහතා කළ විෙච්නයෙන් පැහැදිලි වූ කාරණය වූයේ නෝර්වේ රාජ්‍යය කොටි සංවිධානය සාම ක්‍රියාදාමය තුළ තියා ගැනීමට ඇති වුවමනාව නිසා ඔවුන් කරන සටන් විරාම ගිවිසුම් කඩකිරීම් ගැන විමර්ශනය නොකරන බවත්, ඒ
වා පිළිබඳ විස්‌තර පළ නොකරන බවත්ය. සටන් විරාම ගිවිසුමක්‌ එවැනි මානසිකත්වයකින් අධීක්‍ෂණය කළ නොහැකි බව ඇල්ස්‌ටන් මහතාගේ අදහස විය.

නෝර්වේ රාජ්‍යයේ භූමිකාව විමර්ශනය කිරීමට පත් කරන ලද අදාළ විමර්ශන කමිටුව විසින් යම් යම් කාරණා ස්‌වයං විවේචනාත්මකව පිළිගෙන ඇත. සටන් විරාම ගිවිසුමෙන් සිදුවූයේ සාමයක්‌ ඇති කිරීම නොව, සටන වෙනත් ස්‌වරූපයකින් කරගෙන යැම බව ඔවුන් පිළිගෙන ඇත. එයින් කොටි සංවිධානයට තම වෙනම රාජ්‍යයක්‌ ගොඩනැගීමේ ව්‍යාපෘතිය කරගෙන යැමට රුකුලක්‌ වූ බවත්, කොටි සංවිධානයේ සාමාජිකයන්ට නිදහසේ උතුරු නැගෙනහිර ප්‍රදේශවල සැරිසැරීමට එයින් අවකාශයක්‌ ලැබුණු බවත්, සටන් විරාම ගිවිසුමට පාර්ශ්වකරුවෙක්‌ හැටියට අත්සන් කිරීමෙන් ඔවුන්ට යම් පිළිගැනීමක්‌ ලැබුණ බවත්, පොදු කටයුතුවලදී ජාතික කොඩිය හා කොටි ධජය යන දෙකම ඔසවන තත්ත්වයක්‌ නිර්මාණය වූ බවත් විමර්ශකයෝ පිළිගෙන ඇත.

සටන් විරාම ගිවිසුම නිසියාකාරව අධීක්‍ෂණය කිරීමට නොහැකිවීම සම්බන්ධයෙන් නිරීක්‍ෂකයෝ නිදහසට කාරණා කිහිපයක්‌ ගෙනහැර දක්‌වා ඇත. ඉන් පළමුවැන්න, මුළු නිරීක්‍ෂණ කණ්‌ඩායමේම සිටි උපරිම නිලධාරීන් ගණන හැටකට සීමා වූ නිසා කඩකිරීම් විමර්ශනය කිරීමට ඔවුන්ට අවශ්‍ය පිරිස්‌ බලය නොතිබුණු බවයි. ඔවුන්ට පිරිස්‌ බලය වැඩි කිරීමට නොහැකි වූයේ ද සටන් විරාම ගිවිසුමේ පාර්ශ්වකරුවන් හා ඉන්දියාව ද එවැනි වැඩි කිරීමකට එරෙහි වූ නිසා යෑයි කියයි. නමුත් ඉන්දියාව එයට එරෙහි වූවා යෑයි කියන කතාව අපට කිසිසේත්ම විශ්වාස කළ නොහැක. ඉන්දියාව සටන් විරාම ගිවිසුම සම්බන්ධයෙන් සිටියේ ප්‍රේක්‍ෂකයකු හැටියට පමණි. ඔවුන් එයට කිසිදු මැදිහත්වීමක්‌ නොකළේය. ඉන්දියාව විරුද්ධ වූ නිසා නිරීක්‍ෂකයන්ගේ සංඛ්‍යාව වැඩි කිරීමට නොහැකි වූවා යෑයි ඔවුන් කියන්නේ වගකීම අනුන් මත පැටවීමේ ෙච්තනාවෙන් මිස සද්භාවයෙන් නොවන බව අපට පැහැදිලිය. ඉන්දියාව එවැනි දෙයකට විරුද්ධත්වය ප්‍රකාශ කර සිටියත් ඇමරිකාව ඇතුළු සියලුම බටහිර රටවල් එකතුවී ඔවුන්ට කරුණු පහදාදීමට හැකියාව තිබිණි. නමුත් එවැනි සංවාදයක්‌ කිසිදාක හටගත් බවට අප වෙත කිසිදු වාර්තාවක්‌ සැලවී නැත.

නිරීක්‍ෂකයන්ගේ ගණන වැඩි කිරීමට ලංකා ආණ්‌ඩුව ද විරුද්ධ වන්නේ නැත. ඇත්තවශයෙන්ම ආණ්‌ඩුවට තිබුණු ප්‍රශ්නය වූයේ මේ නිරීක්‍ෂණ රාජකාරිය හරිහැටි සිදු නොවීමේ කාරණයයි. නිරීක්‍ෂකයන්ගේ ගණන වැඩි කිරීම අවාසියට හිටින්නේ කොටි සංවිධානයට පමණි. ඒ
මන්ද යත් විමර්ශන කණ්‌ඩායමේ තක්‌සේරුව අනුවම සටන් විරාම කඩ කිරීම්වලින් 92% කටම වගකිවයුතුව තිබුණේ කොටි සංවිධානය නිසා බැවිනි. මෙයින් ද නැවතත් තහවුරු වන්නේ නෝර්වීජියානු මැදිහත්වීම කොටි සංවිධානයේ වුවමනාවන්ට බලපා තිබුණු ආකාරයයි.

නෝර්වීජියානු රජය විසින් පත් කරන ලද විමර්ශන කණ්‌ඩායම සටන් විරාම ගිවිසුම නිරීක්‍ෂණය කිරීමට යොදා තිබුණු පුද්ගලයන්ගේ විවිධ අඩුපාඩුකම් ද දුටුවේය. ඔවුන්ට ලංකාව පිළිබඳව තිබුණේ ඉතාමත්ම අල්ප වැටහීමක්‌ බව ඔවුන් පවසයි. තවද මෙවැනි සියුම් දේශපාලනික හා රාජ්‍යතාන්ත්‍රික කර්තව්‍යයන් ඉටු කිරීමට අවශ්‍ය හැකියාවන් ද වෘත්තීය පුහුණුව ද ඔවුන්ට නොතිබිණි. එක්‌ අවස්‌ථාවක නාවුක හමුදාවේ යාත්‍රාවක නැඟී ආයුධ ගෙනඑන කොටි නැව් සෙවීමේ නියෑලී සිටි එක්‌ නිලධාරියෙක්‌ කොටින්ට දුරකථනයෙන් කතාකොට ඔවුන්ගේ නැව් මේ ළඟපාතක තිබෙනවා දැයි ඇසීම වැනි මෝඩ ක්‍රියා නෝර්වීජියානු නායකත්වය යටතේ පැවැති සටන් විරාම නිරීක්‍ෂකයන්ගේ අතින් සිදුවූයේ ද වෘත්තීය දැනුම තබා ව්‍යවහාර ඥනය වත් ඔවුන්ට නොතිබුණු නිසා යෑයි විමර්ශකයන් පිළිගෙන ඇත. නෝර්වීජියානු රජය ලංකාවේ කළ මැදිහත්වීමෙන් ඉගෙනගත යුතු පාඩම් අතර විමර්ශක කණ්‌ඩායම පහත දැක්‌වෙන කාරණා ගෙනහැර දක්‌වා ඇත.

ෆ රටක අභ්‍යන්තර ප්‍රශ්නවලට බාහිර උදවිය මැදිහත්වීමෙන් පාර්ශ්වකරුවන්ගේ අදහස්‌ වෙනස්‌ කළ නොහැකි බවයි.

ෆ නෝර්වේ රාජ්‍යයේ හිටපු අගමැතිවරයකු වන ටී. ජැග්ලන්ඩ් මහතා පෙන්වාදී ඇති පරිදි නෝර්වේ රාජ්‍යය ලෝකය පුරා මෙතෙක්‌ මැදිහත්වූ සියලුම සාම ක්‍රියාදාමයන් කඩාකප්පල් වූ බවයි.

ෆ ලංකාවේ සිදුවුණු දෙයින් පැහැදිලි වන්නේ ලෝකයේ බල තුලනය වෙනස්‌ වී ඇති බවත් බටහිර රටවලට අමතරව ලෝකය තුළ දැන් වෙනත් බලකේන්ද්‍ර නිර්මාණය වී ඇති බවත් මේ නව තත්ත්වයන් තුළ නෝර්වේ රාජ්‍යය විශ්වාස කරන ආකාරයේ සාම මැදිහත්වීම්වල වලංගුතාවය ප්‍රශ්න සහගත වන බවත්ය.

නෝර්වේ රාජ්‍යයේ ආණ්‌ඩුව විසින්ම විදේශීය රටවල සාම ක්‍රියාදාමයන්ට මැදිහත්වෙමින් එම රට ගෙන ගිය ක්‍රියාකලාපය විමර්ශනය කිරීමට පත් කරන ලද විමර්ශන කණ්‌ඩායමේ නිගමනයන් අනුව බලනවිට ඉදිරියේදී නෝර්වේ රාජ්‍යය මෙවැනි සාම මැදිහත්වීම් නොකර සිටීමට ඉඩ ඇතිය යන්න ගම්‍ය වේ.

Categories

Balawegaya Flickr Photos

Different countries have visited this site

Free counters!