//

ngo

This tag is associated with 5 posts

බටහිර ස්ත්‍රීවාදයේ ගිලී සිටිමින් ලක්දිව පුරුෂාධිපත්‍ය භීතිකාවක් ඇති කරන NGO කාරියක්

බටහිර ස්ත්‍රීවාදයේ ගිලී සිටිමින් ලක්දිව පුරුෂාධිපත්‍ය භීතිකාවක් ඇති කරන NGO කාරියක්

By DK, on December 22nd, 2011 source:

මින් බොහෝ කළකට පෙර අප විසින් ලියන ලද ලිපියකට අනුබද්ධිත කථාවක් අද දිනයේදී ප්‍රහසනයක ස්වරූපයෙන් අසන්නට ලැබිණි… ඇත්ත වශයෙන්ම එවැනි කථාවක් අසන්නට ලැබීමත් පුදුමයකි… ලක්දිව සිට මෙරටට, ඊනියා “ස්ත්‍රීවාදී” සම්මේලනයක් සඳහා පැමිණි, ලක්දිව රාජ්‍ය නොවන සංවිධානයකට අනුබද්ධිත නීතිඥ වරියක්, “ෆොව්සෙට්” සම්මේලනය ඉදිරියේ අපූරු කථාවක් කියා ඇත.. ඇයට අනුව අතීත ලංකාවේ සැමියන් සිය බිරියන්, තමාට අයිති දේපළ වලින් කොටසක් ලෙස සළකා ඇති අතර, ඇයට “ගොයම් වැස්සී” යන නිගරු නාමයෙන් අමතා ඇත… දැන් ලක්දිව කාන්තාවන් ඒ “පුරුෂාධිපත්‍යයෙන්” මිදෙමින් සිටින බවත්, ඔවුන්ගේ සංවිධානය ඊට මඟ පෙන්වන බවත් ඇය කියා ඇත…

“මැණිකෙගෙ අතින්ම ඇඹුල ටිකක් බෙදන්ටකො…”

ඇත්ත වශයෙන්ම මුන් දන්නා මළ ඉලව්වක් නැත… “ගොයම් වැස්සී” ආමන්ත්‍රණය තුල හෙළ ගොවියා සිය බිරියගෙන් දුටුවේ ශශ්‍රීකත්වය, සෞභාග්‍ය, සහ උතුරා යන මාතෘත්වයයි…ගොයමේ සශ්‍රීකත්වයත්, වැස්සියගේ කිරි සමඟ උතුරා ගලන මාතෘත්වයත් සිය බිරියගෙන් දැකීම නොදන්නා මොවුහු එය නිගරු නාමයක් කොට ලොව හමුවේ තබති.… දෙවනි කරුණ වන්නේ අතීත හෙළයේ “පුරුෂාධිපත්‍යයක්” නොපැවතීමයි… “පුරුෂයාගේ ආධිපත්‍යය” යනු වෛදික දහම් පාර්ශ්විකවත්, ඒබ්‍රහමික යැයි කියන දහම් ( ඉස්ලාම්, ක්‍රිස්තියානි ) පූර්ණවත් හදා වඩා ගත් අවකල්පයකි… අපට තිබුනේ තම ආරක්ෂකයාට සහ බත සපයන්නාට මනා අනොන්‍ය අවබෝධයෙන් යුතුව කරන ගරුත්වය හා කෘතගුණය පෑමකි… එය ඊනියා “ආධිපත්‍යයක්” නොවූ බවට දුටුගැමුණු රජුගේ මාගම් පුර සෙබළියෝ සහ විජයබා රජුගේ සේනාවේ “අදිසි අසිපත් කාරියෝ” සාක්ෂි දරති…

බටහිරයන් ස්ත්‍රියට සලකන ආකරයේ පැතිකඩක්

බටහිර “ස්ත්‍රීවාදය” ( ඉංග්‍රීසියෙන් “ෆෙමිනිස්ම්” ලෙස හඳුන්වනු ලබන ) විසඳුම් සොයන්නේ බටහිරයන්ම මවා ගත් ගැටළු වලටය… පැරණි තෙස්තමේන්තුවේ ආදම්ගේ පර්ශු කූඩුවෙන් “ඒවා” සිරුර ලැබීමත්, නව තෙස්තමේන්තුවේ “පුරුෂ” සංකල්පරූපයේ සර්වබලධාරියා සහ ඔහුගේ පුරුෂ පණිවිඩ කරුවන්ද, පුත්‍රයා ( ඉස්ලාමයේ නම් නබි වරුන් ) හරහා පිරිමියාට ගැහැණිය පාලනයට වර දී තිබීම ඔස්සේ ගොඩ නැඟුණු චින්තනය තුළ, පුරුෂයා ස්ත්‍රිය මත “ආධිපත්‍යයක්” රඳවා ගත්තාය..

කුරානය: 4.34. පුරුෂයින්ට ස්ත්‍රීන් භාරවන අතර එයට හේතුව අල්ලා දෙවියන් පුරුෂයින් ස්ත්‍රීන්ට වඩා උසස් ලෙස මවා ඇති බැවින් හා එලෙසම පුරුෂයින් ඔවුන්ගේ වස්තූන් වියදම් කරන (ස්ත්‍රීන් උදෙසා) බැවිනි. එහෙයින් හොඳ ස්ත්‍රීන් කීකරු හා රහස් පෙදෙස් (අල්ලා නියමකල පරිදි) ආරක්ෂාකර ගන්නෝය. කීකරු නොවේ යයි ඔබ සිතන ස්ත්‍රීන්ට අවවාද කරන්න, නිදි යහනෙන් ඈත් කර තබන්න, හෝ තලන්න (කෝට්ටකින්).

එහෙත් බුදු රජාණන් වහන්සේ දෙසා වදාළ ස්ත්‍රී-පුරුෂ සම්බන්ධතාවය තුළ පීඩක ආධිපත්‍යයක් නැත….නූතන බටහිර ස්ත්‍රීවාදයේ මෙන් පුරුෂයා සහ ස්ත්‍රිය ඊනියා “සම තත්වයේ” හිඳුවා තබන්නට තරම් බුදු පියාණෝ අප්‍රායෝගික නොවූ අතර, ඒ වෙනුවට අවබෝධය කැටි “ගරුත්වයක්” සහ ආචාර කරණයක් පුරුදු කළ සේක… දඹදිව සහ බටහිර මෙන්, බුදු සසුන මුල් බැස ගත් ලක්දිව තුළ ස්ත්‍රීන් “අළෙවි” නොවූයේද ( වහළුන් ලෙස, මනාළියන් ලෙස ) , ජාතික අරගලයේදී සිංහ ධේනුන් සේ පෙරට එන ශක්තිමත් ස්ව-විශ්වාසය ඇත්තියන් පහළ වූයේද මේ බෞද්ධ චින්තනය නිසාවෙනි..

පසු කළෙක ආ දකුණු ඉන්දියානු වෛදික ( මහ නුවර යුගයේදී බලවත් වූ ) සහ වික්ටෝරියානු ක්‍රිස්තියානු “සදාචාරයන්ගේ” බලපෑමෙන් එම පද්ධතිය අවුල් වුවද, අතීතය ගැන දන්නෝ, අතීත හෙළ කත විඳි නිදහස මනාව දනිති…බටහිර “ස්ත්‍රී වාදයෙන්” බිහි කරන්නේ, යුතුකම් අමතක කරන ලද, වෙළඳුන්ට විකුණා ගැනීමට පහසු, සහ පහසුවෙන් අළෙවි වන, පරිභෝජනයේ සිර කාරියන් වූ, අනිසි ස්වෝත්තම අහංකාරය නිසා පවුල් කඩා ඉහිරවා ගන්නා යකිණියන්ය….

සර්වාගමික සංකල්පයද විදේශීය ආධාර ලබන ඇන්.ජී. ඕ. වල නිර්මාණයකි

සර්වාගමික සංකල්පයද විදේශීය ආධාර ලබන ඇන්.ජී. ඕ. වල නිර්මාණයකි

source:

මේ නොබෝදා කොළඹ අගරදගුරු අති උතුම්   මැල්කම් රංජිත් කාඩිනල් උතුමානෝ සිංහල   සංස්කෘතිය සදහා පාදක වී ඇත්තේ බුදු දහම බව    ප්රකාශ කළේය. ඇත්ත වශයෙන්ම සිංහල ජනයාගේ    සිතුම් පැතුම්, ජීවන ක්රමය, කලා ශිල්ප වැනි හැම දෙයක්ම හැඩගස්වනු ලැබුවේ බුදු දහම විසිනි.

බුදු දහම මෙරටට පැමිණීමට පෙර අපේ රටේ බ්රාහ්මීය අක්ෂර ක්රමය පැවතියත් බ්රාහ්මීය අක්ෂර භාවිතය මෙරට ප්රචලිත වූයේ බුදු දහම හා සම්බන්ධ ලේඛන ආශ්රයෙනි. පසුව බ්රාහ්මීය අක්ෂර ක්රමය විකාශනය වී එය පදනම් කරගෙන සිංහල අක්ෂර මාලාව සකස් විය.

පාලි භාෂාව හා පාලි ආගමික සාහිත්‍යය පැමිණියේ බුදු දහම සමගය. ලංකාවේ ආගමික සාහිත්‍යය බිහි වූයේ ත්රිපිටකය හා එහි අටුවාවන්ගේ පරිවර්තනයන් ආශ්රයෙනි. ථේරවාදී බෞද්ධ ලෝකයේ භාෂා මාධ්‍යය වූ පාලි භාෂාව මෙරට සංඝයා වහන්සේගේ අධ්‍යයන මාර්ගය වූයේය. එකල ලංකාවට චීනය හා අග්නිදිග ආසියාවේ අනෙකුත් රටවල් සමග සම්බන්ධකම් ඇති කරගැනීමට පාලි භාෂාව බෙහෙවින් ඉවහල් විය.

මෙරට ආගමික හා සංස්කෘතික ප්රබෝධයේ උල්පත වූයේ බෞද්ධ සාහිත්‍යයයි. ජාතක කථා හෙවත් බුදුන් වහන්සේගේ පූර්ව උත්පත්ති කථා මෙරට වැසියන්ගේ සුචරිත පැවැත්මේ කැඩපත වූයේය. ලංකාවේ වෙහෙර විහාරවල හා දාගැබ් වල දක්නට ලැබෙන ජාතක කථාවල කැටයම් හා බිතු සිතුවම් මෙරට වැසියන්ට ජාතක කථාවල බලපෑම මොනවට පිළිබිඹු කරයි.

සිංහල වැසියන්ගේ සදාචාරය පිළිබදව මාර්ගෝපදේශකයා වූයේ මහා සංඝයා වහන්සේය. බෞද්ධ භික්ෂුහු ගිහියන් අතර ශික්ෂාකාමී ආචාර පද්ධතියක් පුරුදු පුහුණු කළහ. සෑම ගමකම පාහේ  පන්සලක් තිබුණ අතර එය ගමෙහි අධ්‍යාත්මික, ශාස්තීය හා සංස්කෘතික මධ්‍යස්ථානය වූයේය.  අනුරාධපුර යුගයේ මහා විහාරය හා අභයගිරි විහාරය රජුන් හා උගතුන් එකට ඉගෙනගත් විශ්ව විද්‍යාල බදු විය.
බුදු දහම  විසින් ඇති කරන ලද ශද්ධාව හේතුකොට ගෙනය ලංකාවේ සාහිත්‍ය කෘතීන්, කලා ශිල්ප හා ගොඩනැ ගිලිද නිර්මාණය වී ඇත්තේ. විහාර හා දාගැබ් , කැටයම් , බිතු සිතුවම් ආදි සෑම දෙයක්ම ධර්මය හා බැදී පැවති අතර එය බිහි වී ඇත්තේ බුදු දහමේ කීර්තිය හා ජෝතිමත් භාවය මූර්තිමත් කරනු සදහාය.

මෙරට කලා ශිල්පයන්හි දක්නට ලැබෙන විශේෂ ලක්ෂණයක් නම් ඒවායේ සරල සුගම උපශාන්ත භාවයයි. මහමෙවුනා උයනේ සමාධි බුදු පිළිමය අවුකන හිටි පිළිම වහන්සේ, අනුරාධපුර යුගයේ දොරටුපාල කැටයම්, වාහල්කඩ හා සදකඩ පහන කලා ලෝකයේ අද්විතීය නිර්මාණයන් ලෙස සලකනු ලැබේ. ඒවායේ කවර විටෙකත් සමකාලීන ඉන්දියාවේ දක්නට ලැබෙන ප්රතිරූපයන්හි මෙන් කාමුක හා කඨෝර අංගයන් දක්නට නොලැබේ. සිංහල කලා කරුවා සෑම විටම බුදු දහමේ නිර්මල හා දාර්ශනික හරයන් මගින් සංවර කරනු ලැබ ඇත.

බුදු දහම මෙරට වැසියන්ගේ ජීවන රටාව කෙරෙහි බෙහෙවින් පලපෑවේය. ඔවුන්ගේ සිතුම් පැතුම්, ආවේග ඉරියවු හා සිරිත් විරිත් පසුපස වූ බලවේගය බුදු දහම විය. බුදු දහම ඔවුන් තුල මෛත්රීය, කරුණාව අවිහිංසාව හා පරාර්ථය වැනි ආකල්ප කාවැද්දීමට සමත් විය.

අප ලංකාවාසීන් අවුරුදු 2500 කටත් වඩා පැරණි ඉතිහාසයක් ශ්රේෂ්ඨ සභ්‍යත්වයක් හා උදාර සංස්කෘතියකට හිමිකම් ලබා ඇත. මෙරට වැසියන්ගේ සංවරශීලී, ත්‍යාගශීලී හා ආචාරශීලී ගුන සමුදායන් නිසා ඔවුන් සමස්ථ ලෝක ජනතාවගේම ගෞරවාදරයට ලක්ව ඇත. මෑතදී කරන ලද පර්යේෂණයක් අනුව තුන්වන ලෝකයේ ඉතා අඩුම ආදායමක් ලබන නමුත් ආයුෂ වැඩිම කාලයක් භුක්ති විදින ජනතාවක් ලංකාවේ සිටින බව හෙළීදරව් වී ඇත. එය ලංකාවේ ජනතාව බෞද්ධ ජීවන රටාව අනුව ලද පමණින් සතුටු වී ඉතා සැහැල්ලූ ජීවිතයක් ගතකරන නිසාය. මේ නිසා අප ජනතාව බුදු දහමට වින කරන කිසිම බලවේගයක් නොඉවසනු ඇත.

එදා තම යටත් විජිතයන් කඩුවේ හා තුවක්කුවේ බලයෙන් පාලනය කළ බටහිර ජාතීහු අද නව යටත්විජිත වාදය යනුවෙන් හදුන්වනු ලද සියුම් උපක්රමයන් මගින් පෙරදිග වැසියන් තම ග්රහණයට ගැනීමට කිරියා කරති. මේ සදහා ඔව්හු අන්තර් ජාතික මූල්‍ය අරමුදල, බහු ජාතික සමාගම්, සංස්කෘතික ආක්රමණය, ඇන්.ජී. ඕ. ආයතන සහ කිතු දහමද යොදා ගනිති. එක්තරා සංස්කෘතික ආක්රමණයක් වන සර්වාගමික සංකල්පයද විදේශීය ආධාර  ලබන ඇන්.ජී. ඕ. වල නිර්මාණයකි.
සර්වාගමික සංකල්ප පළමුවෙන්ම ඉදිරිපත් කරනු ලැබුවේ විදේශීය ආධාර ලබන ඇන්. ජී. ඕ. සංවිධාන පිහිටුවා ගත් කතෝලික පියවරුන් විසිනි. ඔවුහු කිරිස්තූන් වහන්සේගේ පිළිරුව  එක් පැත්තකින්ද බුදුන් වහන්සේගේ පිළිරුව තවත් පැත්තකින්ද තබාගෙන අහස හා පොළොව මෙන් වෙනස් බුදු දහම හා කිතු දහම සමාන්තර ධර්මයන් යැයි හදුන්වමින් සැගවුනු න්‍යාය පත්රයක් අනුව බෞද්ධයන්ද තම ග්රහණයට ගැනීමට තැත් කළහ.

දෙවැනි වතිකානු  සමුළුවට (1962 – 65) පෙර කතෝලික ස්ථාවරය වූයේ එකම සත්‍ය ධර්මය කිතු දහම බවත් එයින් තොරව මනුෂ්‍ය සංහතියට ගැලවීමක් නොමැති බවය. ශත වර්ෂ ගණනාවක් තිස්සේ කතෝලික සභාව අන්‍යාගමිකයන් මිථ්‍යා දෘෂ්ටිකයන් ලෙස සැලකුවේය. කතෝලික සභාව ‘ ඉන්කිව්ශියන් ’ නමැති සංවිධානය මගින් අන්‍යාගමිකයින් අමු අමුවේ පුළුස්සා මරා දැමීමට තරම් සාහසික වූයේය.   වර්ෂ 2000 දී දෙවන ජුවාම් පාවුළු පාප් වහන්සේ  ඉතිහාසය පුරා කතෝලික සභාව කර ඇති එවැනි දරුණු අපරාධ සදහා ප්රසිද්ධියේම සමාව භජනය කර සිටි සේක.

දෙවන වතිකානු සමුළුව (1962 – 65) කතෝලිකයන් අතර අන්‍යාගමිකයන් සම්බන්ධයෙන් බලවත් වෙනසක් ඇති කළේය. එය අන්‍යාගම් වල ගැබ්ව ඇති සත්‍යයට කතෝලිකයන් ගරු කළ  යුතු බවත් ඒවායේ සංස්කෘතීන්හි ඇති සදාචාර හර පද්ධතීන් අගය කළ යුතු බවත් නිර්දේශ කළේය. එහෙත් දෙවැනි වතිකානු සමුළුව කිතු දහම විකෘති කිරීමට සහතිකයක් නිකුත් කළේ නැත.

දෙවැනි වතිකානු සමුළුව (1962 – 65) කිතු දහම අන්‍යාගමිකයන් අතර ප්රචලිත කිරීමට ඇති කතෝලික වගකීම නැවතත් සාක්ෂාත් කළ අතර  කතෝලික  සභාවේ තවමත් ස්ථාවරය වනුයේ මනුෂ්‍ය වෙස්ගත් සර්වබලධාරී දෙවියන් වහන්සේ  ක්රිස්තුන් වහන්සේ බවත් මනුෂ්‍ය සංහතියට විමුක්තිය ලබාදීමට ඇති එකම සංස්ථාව කතෝලික සභාව බවය.

මේ අතර 2004 ‘ දම්සර ’ වෙසක් කලාපයෙහි තායිලන්තයේ පළ කර ඇති ‘බුදු දහමට එරෙහිව කතෝලික කුමන්තරණය ’ ග්රන්ථයෙහි සදහන් අන්දමට කතෝලික කොටස් බුදු දහම ආක්රමණය කිරීමට යොදාගෙන ඇති ක්රම සහ විධි විස්තර කර ඇත. ඒවා අතර ඇතැම් කතෝලික පූජකයන් බෞද්ධ සංඝයා වහන්සේටත් වඩා බුදු දහම ප්රගුණ කිරීම ධම්ම සංකල්පය දෙවියන් වහන්සේට සමාන කර දැක්වීම, ජනප්රිය වී ඇති බෞද්ධ භවනා ක්රමයන්ට කතෝලික මුහුණුවරක්  දීම සංස්කෘතික උත්සවයන් සදහා කතෝලික මුහුණුවරක් දීමද වේ.
අපේ රටේ ද ඇතැම් කතෝලික පූජකයන් මේ හා සමාන ක්රමවේදයන් අනුගමන කරනු ලැබේ. ඇතැම් කතෝලික පූජකයන් අහස හා පොළොව මෙන් දුරස්ථ බුදු දහම කිතු දහම හා සමාන්තර ධර්මයන් වශයෙන් හදුන්වති. ඇතැම් කතෝලික පූජකයන් වෙසක් වැනි  බෞද්ධ උත්සව  අවස්ථා වලදී බෞද්ධ ආගමික වතාවත් කතෝලික දෙව් මැදුරු පරිශ්රයෙන් පවත්වති. තවත් කතෝලික පූජකයෝ පාස්කු වතාවත් හා සිංහල අළුත් අවුරුදු උත්සවය එකට පැවැත්වීමට යෝජනා කරමින් අළුත් අවුරුදු උත්සවය කතෝලික පිළිවෙතක් බවට පරිවර්තනය කිරීමට වෙහෙසති.

2006 මැයි 07 දින එක්තරා කතෝලික පූජකයෙක් කතෝලික ඉංගිරීසි නිල පුවත්පත වන . ‘ Mesenger’ පත්රයේ සදහන් කරන්නේ කලක් කතෝලික සභාව බුදුන් වහන්සේ ‘ ශාන්ත ජොසපාත් ’ යනුවෙන් කතෝලික සාන්තුවරයෙක් වශයෙන් සැලකූ බවය. එතුමා වැඩිදුරටත් බුදුන් වහන්සේ ගිහි රාජ සම්පත් අත්හැර යාම ක්රිස්තියානි ගුණාංගයක් ලෙස හදුන්වයි. (ගරු ඇලෝසියස් පීරිස් පියතුමා ‘ Mesenger’ 2004 මැයි 07.

බුදුන් වහන්සේ සර්වබලධාරි එකම දෙවි කෙනෙක් ප්රතික්ෂේප  කළ සේක. එමෙන්ම එතුමන් වහන්සේ ලෝකය මැවීම ප්රතික්ෂේප කළ අතර ‘ අනාත්ම ’ සංකල්පය මගින් මනුෂ්‍යයාට ආත්මයක් නොමැති බව ප්රකාශ කළ සේක. එවැනි කතෝලික මූලික පද්ධතීන් ප්රතික්ෂේප කළ බුදුන් වහන්සේ කවර කලෙකවත් කතෝලික සභාව සාන්තුවරයෙකු මෙන් සලකනු ලැබුවේ කෙසේද? එමෙන්ම සර්ව බලධාරි දෙවි කෙනෙක් ගැන විශ්වාසය තබන කතෝලික පියතුමෙක් හට කිතු දහම හා බුදු දහම සංසන්දනය කරන බුදුන් වහන්සේ කතෝලික සාන්තු වරයෙකු  කිරීම අනුමත කළ හැකිද?
අනෙක් අතට සර්වබලධාරී දෙවියන් වහන්සේ කෙනෙක් ප්රතික්ෂේප කළ බුදුන් වහන්සේ එම දෙවියන් යටතේම සාන්තුවරයෙකු  කිරීම සර්වබලධාරි දෙවියන් වහන්සේට කරන නිග්රහයකි. එමෙන්ම සර්වබලධාරි එකම දෙවියන් ප්රතික්ෂේප කළ බුදුන් වහන්සේ එම දෙවියන් යටතේම සාන්තුවරයෙකු කිරීම බුදුන් වහන්සේට කරන බලවත් අපහාසයකි.

අප කතෝලිකයන් හට මානව සංහතියේ ඒකාග්රතාවය සදහා අන්‍යාගමික උත්සවයක් සදහා සහයෝගය දිය හැකිය. එමෙන්ම වෙසක් උත්සවය සදහා දෙවි මැදුරු  පරිශ්රයේ දන්සැලක් පැවැත්වීමද අනුමත කළ හැකිය. එහෙත් මේ සියල්ල කළ යුත්තේ කිතු දහමේ මූලික පද්ධතීන්ට අගතියක් නොවන පරිදි අප අනන්‍යතාවය ආරක්ෂා කර ගනිමිනි.

එහෙත් එක් වසරක කතෝලික දෙව් මැදුරක පරිශ්රයේ වෙසක් සදහා බුදුන් වහන්සේ උපත ලැබූ විට නෙළුම් මල්වල ගමන් කිරීමේ අනුරූපයක් දක්වා තිබුණි. තවත් කතෝලික දෙව් මැදුරක වෙසක් සදහා බෞද්ධ භික්ෂු නමක් බණ දේශනා කරන ලදි. තවත් කතෝලික දෙව් මැදුරු වල වෙසක් සදහා පහන් දල්වනු ලැබේ.
එවැනි ක්රියාදාමයන් කිතු දහම විකෘති කරන අතර බෞද්ධයන්ගේ සැකයට තුඩු දෙනු ඇත. කතෝලික දෙව් මැදුරු වල සර්වබලධාරි දෙවියන් වහන්සේ ප්රතික්ෂේප කළ බුදුන් වහන්සේට පුද උපහාර දැක්වීම බුද්ධිමතුන්ගේ නොනවතින සිනාවට පාත්රවනු ඇත. හැදෙන වැඩෙන දරුවන් ව්‍යාකුල කරනු ඇත. මුග්ධයන් නොමග යවනු ඇත.

එක් කතෝලික පියතුමෙක් ඉරිදා පුවත්පතකට මෙසේ ප්රකාශ කර තිබුණි. ‘‘ තව අවුරුදු දහයක් යනකොට මිනිස්සු බෞද්ධ, කිතුනු, හින්දු, මුස්ලිම් කියල වෙනසක් නැති බව මට විශ්වාසයි. ඒ කියන්නේ අපට සිරිමා බෝධිය ළගට, නල්ලූර්, කෝවිලට, තේවත්තේ පල්ලිය ළගට ගිහිල්ල සමාධි සුවයෙන් ඉන්නට පුළුවන් කාලයක් උදාවෙනවා. ආගමේ තැන අධ්‍යාත්මයට හිමි වෙනවා. (ගරු සිරිල් ඇන්තනි පියතුමා – ලක්බිම ඉරිදා සංගරහය මැයි 16, 2004 මෙයින් සැගවුන න්‍යාය පත්රයක් ධ්වනිත වේ. එය එසේ වුවහොත් එය වැඩියෙන්ම බලපාන්නේ මෙරට සියයට 70 ක් වූ බෞද්ධ  ජනතාවටය. එය වෙනත් ආගම් වල නස්පැත්තියටත් හේතුවනු ඇත.

තවත් විදේශීය ආධාර ලබන සංවිධාන, බටහිර ව්‍යාප්තව පවතින කාමුක රටාව මෙරටද වර්ධනය කරනු දක්නට ලැබේ. ඔව්හු අනාචාරයේ යෙදීම, සම ලිංගික සේවනය හා විවෘත කාමයද සාධාරණීය කරති. ඇතැම් සංවිධාන බටහිර රටවල ඇති අසීමිත නිදහස මෙරට ස්ත‍්‍රීන්ටද ලබාදීම ස`දහා ගම් නියම්ගම් වලට ගොස් කාන්තාවන් උසිගන්වති. මෙරට පවුල් සංස්ථාව සුනු විසුනු කර දැමීමට උඩගෙඩි දෙති.

එක් බෞද්ධ ලේඛකයෙක් තවත් කූට සැලැස්මක් හෙළිදරව් කරන්නේ මෙසේය. ‘‘ පල්ලි කුට්ටම්කාරයෝ අප තරුණ තරුණියන් පමණක් නොව සමහර විට සංඝයා වහන්සේලා පවා ඈත එපිට රටවලට ගෙනගොස් සම්මන්ත‍්‍රණ පවත්වන නියායෙන් ඒ අයට ඉනා බේත් කවති. එක් සම්මන්ත‍්‍රණයකට සහභාගී වීමෙන් පසුව එහිදී ලැබෙන රස නහර පිනායන කෑම බීමද විස්කිද සුව`ද වහනය වන ඩොලර් නෝට්ටුද සුන්දර මිතුරු මිතුරියන්ද ඊ ළ`ග සම්මන්ත‍්‍රණයේදී ලැබෙන්නේ නම් එයට ලැබෙන ආරාධනය ප‍්‍රතික්ෂේප කළ හැක්කේ කාටද? ’’ (ආචාර්ය හරිස්චන්ද්‍ර විජයතුංග – මාර සෙනගගේ හා දේවදත්තයන්ගේ වැඩ – 2003 – 22 පිටුව*
අද බටහිර රටවල සදාචාරය බෙහෙවින් පිරිහී ඇත. කිතු දහම දික්කසාදය පිටු දකින නමුත් බටහිර ක‍්‍රිස්තියානි රටවල පෙරදිග රටවලට වඩා බෙහෙවින් දික්කසාද දක්නට ලැබේ. එම රටවල විවාහකයින් අනාචාරයේ හැසිරීම, එතරම් ගණන් ගතයුතු දෙයක් හැටියට සලකනු නොලැබේ. යුරෝපයේ කතෝලික රටවල පවා පිරිමින් හා ගැහැණුන් නිර්වස්තරව එකට ගැවසෙන පිහිනුම් තටාකයන් ඇත.
ලංකාවේ සදාචාරය බටහිර කාම භෝගී රටවල තරම් පහතට වැටී නැත. මෙහි පවුල් සංස්ථාව  තවමත් ආරක්ෂා වී ඇත. අප සාර්ධර්ම බටහිර රටවල මෙන් පිරිහී නැත්තේ බෞද්ධ දර්ශනයේ දක්නට ලැබෙන සංවරවූත් සංසුන්වූත් ජීවන රටාව නිසාය. අප රටේ කතෝලික ප්රජාවේද සදාචාරය බටහිර කතෝලික රටවල මෙන් තවමත් පහතට නොවැටී ඇත්තේ අප රටේ දක්නට ලැබෙන බෞද්ධ වටපිටාව නිසාය.
අපේ කතෝලික ජනතාවද බටහිරෙන් පැමිණෙන විශම ආකල්පයන්ගෙන් කිතුදහම රැකගැනීමට උත්සුක විය යුතුය. මෙරට අන්‍යාගමිකයන්ද විශේෂයෙන් බෞද්ධයන් සර්වාගමික සංකල්පය නමැති වෙස් මුහුණ පැළදගෙන මිතුරු වෙසින් පැමිණෙන බලවේගයන්ගෙන් තම ආගම සහ සංස්කෘතිය රැකගැනීමට පියවර  ගත යුතුය.

හිටපු මහාධිකරණ විනිසුරු ලෙස්ලි ප්රනාන්දු

බටහිර සාම ගිවිසුමෙන් බැරි වූ දේ ටී.එන්.ඒ. හා ජයලලිතා හරහා ඉටුවේද?

බටහිර සාම ගිවිසුමෙන් බැරි වූ දේ
ටී.එන්.ඒ. හා ජයලලිතා හරහා ඉටුවේද?
source:
ඊශ්‍රායලය බඳු ජාතිවාදී ඩයස්‌පෝරාවේ සංචාරක රාජ්‍යයක්‌ ශ්‍රී ලංකාවේ උතුරේ බිහිකිරීමේ ජාත්‍යන්තර කුමන්ත්‍රණයක්‌ දියත් වෙමින් ඇති බවට ලැබෙන සාධක වැඩිවෙමින් තිබේ. විදේශගත ද්‍රවිඩ පිරිස්‌වල නිල හා නිල නොවන බලපෑම් මත බටහිර රාජ්‍යයන් සිය දෙවැනි උත්සාහය තමිල්නාඩුව හා උතුර හරහා ක්‍රියාත්මක කිරීමට උත්සාහ ගන්නා බව එම සාධක විශ්ලේෂණය කිරීමෙන් පෙනී යයි. රනිල් වික්‍රමසිංහගේ නෝර්වේ සාම ගිවිසුම එහි මුල් ජවනිකාව විය. එය වැරැදී ගියේය. මේ දෙවැනි ජවනිකාවයි. ශ්‍රී ලංකාව තවමත් සිංහල ජාතිවාදය ද බෞද්ධ සංස්‌කෘතිය ද මත පදනම් වූ එමෙන්ම ඒකීය හා භෞමික අඛණ්‌ඩතාව කෙසේ හෝ ආරක්‍ෂා කර ගත් රාජ්‍යයකි. මෙම භෞමික අඛණ්‌ඩතාව හා ඒකීය බව ද, ඊටත් වඩා මුල් බැසගත් සිංහල, බෞද්ධ අනන්‍යතාව ද නොඉවසන පිරිස්‌ සුළුපටු නොවෙති. දේශීය වශයෙන් ද විදේශීය වශයෙන් ද බහුලය.

විදේශගත දෙමළ පිරිස්‌ බටහිර හා නෝර්වේ වැනි රාජ්‍යයන් හි ව්‍යාප්ත වීමත් මෙම රාජ්‍යයන්හි ආර්ථික හා දේශපාලන මත හා ප්‍රතිපත්තිවලට බලපෑම් සිදුකළ බව පෙනී යයි. මේ බටහිර රාජ්‍යයන්ට ශ්‍රී ලංකාවේ සිංහල හා බෞද්ධ අනන්‍යතාව හා ඒකීයබව හිසරදයක්‌ වූවේ ඒ අනුවය. ඒ ලෙසම ඔවුන්ගේ අවශ්‍යතාව ඉටුකර දීම සඳහා ඔවුන්ගෙන් යෑපෙන ඒජන්තවරු දේශීය වශයෙන් බිහිවූහ. යුද්ධය පැවැති සමයේ හා යුද්ධයෙන් පසුවත් අදත් ඔවුහු හොඳින් ක්‍රියාත්මක වෙති. එන්.ජී.ඕ. හෙවත් රාජ්‍ය නොවන සංවිධාන ඒ අතර ප්‍රමුඛය. ඊළඟට උතුරේ ද්‍රවිඩ අයිතීන් හා හිමිකම් කියමින් ආවඩමින් යෑපෙන දේශපාලන පක්‍ෂ ගණනාවක්‌ දකුණේ පවතී. මාධ්‍යකරුවෝ, මාධ්‍ය ආයතන හා පරපටු ඇදුරෝද මෙලෙස ඔඩොක්‌කුවට වැටුණ අය අතර සිටිති. බෞද්ධ, හින්දු හා කතෝලික ආගමික පූජ්‍ය පිරිස්‌ ද එම ජාලයේ සිටිති.

සිංහල- බෞද්ධ ආගමික හා ජාතිකත්වය වෙනුවෙන් වෛර නොකරන අය විදේශ ඩොලර් හා විවිධ වරප්‍රසාද සැප සම්පත්වලට වහල් වී කුමන්ත්‍රණයේ කොටස්‌කරුවන් බවට පත්වී ඇත. මා දකින ආකාරයට රාජ්‍ය නොවන සංවිධාන තරම් උතුරේ වෙනම රාජ්‍යයක්‌ බිහිකිරීමට කැස කවන කුමන්ත්‍රණකාරී පිරිසක්‌ තවත් නැත. යුද මෙහෙයුම් සමයේ යුද ජයග්‍රහණයට බලපෑ වැදගත්ම සාධකයක්‌ වූයේ උතුර – නැඟෙනහිරින් ඔවුන්ව ඉවත් කිරීමය. මේ ආණ්‌ඩුව දැන් කරගෙන ඇති ලොකුම අභාග්‍යසම්පන්න මෝඩකම වන්නේ එන්. ජී. ඕ. මගඩිකාරයන්ට උතුර – නැගෙනහිර යළි විවෘත කර දීමය.

උතුරේ ද්‍රවිඩ ජාතිකවාදී රාජ්‍යයක්‌ පිහිටුවීමේ කුමන්ත්‍රණයේ ඉතිරි මෙහෙයුම්වල වැදගත්ම ක්‍රියාකාරීන් වන්නේ ටී. එන්. ඒ. පක්‍ෂය හා දකුණු ඉන්දීය ජයලලිතාය. ඊළඟට වයිකෝ, රාඡ්, කරුණානිධි වැනි පිරිස්‌ ය. ශ්‍රී ලංකාවේ වාසනාවට උතුරේ වෙනම රාජ්‍යයක්‌ කොයි ආකාරයකින් හෝ බිහිවීමට එරෙහිවීමේ ස්‌ථිර රාජ්‍ය ප්‍රතිපත්තියක අසල්වැසි ඉන්දියාව කවදත් රැඳී සිටී. නැතිනම් ශ්‍රී ලංකාවේ දේශපාලන හා සමාජ, ආර්ථික ඉතිහාසය හා වර්තමානය ලියෑවෙන්නේ බොහෝ වෙනස්‌ ආකාරයකටය.

ටී.එන්.ඒ. සංවිධානය මෑතක්‌ වන තෙක්‌ම සිය ඉල්ලීම් ගැන නිරන්තර අදහස්‌ හුවමාරු කර ගත්තේ ද ඉන්දියාව සමඟය. එහෙත් ඉන්දීය නායකයෝ මුල් අවස්‌ථාවල ටී.එන්.ඒ. නායකයන්ට උතුරු ඉන්දියාවට එන්නට පවා නොදුන් අතර මුණගැසීම ප්‍රතික්‍ෂේප කළ බව අප සිහිකටයුතුය. ශ්‍රී ලංකා ආණ්‌ඩුව සමඟ සාකච්ඡාවන්ට පෙර හා පසු දිව ගියේ ඉන්දියාවටය. කලින් 13 සංශෝධනය සම්බන්ධව යම් බලපෑමක්‌ මහින්දට කරමින් සිටි ඉන්දියාව ක්‍රමයෙන් එතැනින් හිමිහිට ලිස්‌සා ගියේය. 13 සංශෝධනය මෙන්ම එහි ඉඩම් හා පොලිස්‌ බලතල දීම යනු වෙනම රාජ්‍යයක්‌ සඳහා අවස්‌ථාව සලසා දීමක්‌ බව පෙනී ගිය හෙයිනි. අනෙක්‌ අතින් මහින්ද පැහැදිලිව ඉන්දීය නායකයන්ට කීවේ 13 සංශෝධනය උතුරට දුන්නත් ඉඩම් හා පොලිස්‌ බලතල නම් නොදෙන බවය. එහෙත් මහින්ද ටී. එන්. ඒ. සාකච්ඡා සහභාගිත්වය ප්‍රතික්‍ෂේප කළේය. ටී.එන්.ඒ. සංවිධානය අතරමංව සිටියදී ජයලලිතාගේ ජයග්‍රහණය ද්‍රවිඩ ජාතික සන්ධානයට හැම වාසියක්‌ම ලබා දෙන තැනට තල්ලු කරන ලදී. උතුරේ ඡන්ද දෙකේදීම ඔවුqහු ඉතා හොඳ පැහැදිලි ජයග්‍රහණයන් පළාත් පාලන මැතිවරණවලදී ලබා ගත්හ. මන්මෝහන්සිංට දකුණු ඉන්දියාවෙන් ලැබුණේ ප්‍රබල පසුබෑමකි.

කෙසේ වෙතත් ශ්‍රී ලංකාවේ උතුරේ ප්‍රශ්නය සම්බන්ධයෙන් ජයවර්ධන, ප්‍රේමදාස යුගයන්හිදී මෙන් අත පොවන්නට ඉන්දියාව කිසිසේත්ම අකැමැති බව ලෝකයාටම ප්‍රත්‍යක්‍ෂ විය. එහෙත් උතුර සම්බන්ධයෙන් ඉන්දියාව සිය අවධානය අත්හැරියේ නැත. දින දහයක්‌ ශ්‍රී ලංකා ආණ්‌ඩුවට කල් දීම ඉවත දමා සාකච්ඡාවට යන ලෙස ටී.එන්.ඒ. නායකයන්ට ඉන්දීය නායකයන් මේ වන විට පවසා තිබේ. මා දකින ආකාරයට 13 සංශෝධනය හරහා උතුරට බලය විමධ්‍යගත කිරීමට අකැමැතිම පිරිසක්‌ වන්නේ මන්මෝහන් සිංගේ ආණ්‌ඩුව හා උපදේශකයන්ය. නැවත පදිංචි කරවීම, යටිතල පහසුකම්, හදිසි නීතිය හා අත්අඩංගුවට ගැනීමේ හදිසි අවස්‌ථා නියෝග ගැන ඉන්දියාව උනන්දු වෙයි. අනෙක්‌ අතින් 13 සංශෝධනය හා ඉඩම් හා පොලිස්‌ බලතල ගැන මහින්දගේ දැඩි ප්‍රතිපත්තිය ද බලපා තිබේ.

ජයලලිතාට හා වයිකෝ, කරුණානිධි කල්ලියට ද එසේම ටී. එන්. ඒ. සංවිධානයට අවශ්‍ය කුමක්‌ද? මුලින්ම ඉන්දීය කොංග්‍රසය වඩාත් අසීරු හා අපහසුතාවට පත්කිරීමයි. එක්‌ අතකින් දකුණු ඉන්දියාවේ එල්.ටී.ටී.ඊ. හිතවාදීන්ගේ ක්‍රියාකාරකම් වැඩිවීමට ඉඩ සැලැසීම ටී.එන්.ඒ. සංවිධානය මගින් මහින්දට බලපෑම් කිරීම වැනි උපක්‍රමයකි. මෑතකදී වූ අලුත්ම සිදුවීම චෙන්නායි හෝටලයකට එල්.ටී.ටී.ඊ. හිතවාදී පිරිසක්‌ කඩාවැදී ශ්‍රී ලංකා වන්දනා නඩයකට පහරදීම හා හිරිහැර කිරීමය. ඊට පෙර ඉන්දීය මහාබෝධි විහාරයට ප්‍රහාරයක්‌ එල්ල විය. ජයලලිතාගේ ආගමනයත් සමඟÊමේවා පෙර නොවූ විරූ ලෙස මතුව තිබේ. ජයලලිතා, වයිකෝ, ටී.ඒන්.ඒ. බලවත් වන්නට බලවත් වන්නට මහින්ද රාජපක්‍ෂ මහතාද තම මතය හා ස්‌ථාවරය තව තවත් දැඩි කරගන්නා බව පෙනී යයි.

ජයලලිතා කියන්නේ මහින්ද ජාත්‍යන්තර යුද අධිකරණය වෙත ගෙන යා යුතු බවය. වයිකෝ පිරිස කියන්නේ ශ්‍රී ලංකාවට එරෙහිව ආර්ථික සම්බාධක පනවන ලෙස ජාත්‍යන්තර ප්‍රජාවට බලකළ යුතු බවයි. ඉන්දීය පාර්ලිමේන්තුවේදී ශ්‍රී ලංකා දූත පිරිසට හූ කීවත් කථානායිකාව ඒ ගැන දූත පිරිසෙන් හා ශ්‍රී ලංකා රජයෙන් සමාව ඉල්ලීමත් මේ මොහොතේ සිහිපත් වේ. කෙසේ වෙතත් මේ වන විට මන්මෝහන්ගේ ආණ්‌ඩුව දේශපාලන පසුබෑම, අභ්‍යන්තර දූෂණ හා වෙනත් අර්බුද නිසා දුර්වල වෙමින් තිබේ. එහෙත් ඔහු ජයලලිතා හෝ ටී. එන්. ඒ. කතාබහෙන් හෝ වයිකෝ, කරුණානිධිලාව හෝ තඹයකට ගණන් නොගන්නා බව පෙනී යයි. කරුණානිධිගේ දුවට දූෂණ චෝදනාවක්‌ පිට අධිකරණයෙන් සිර දඬුවම් ලබා දුන් පුවත ලෝක ප්‍රසිද්ධය.

හිලරි ක්‌ලින්ටන් ඉන්දියාවට පැමිණ හමුවූයේ මන්මෝහන්සිං නොවේ හමුවූයේ ජයලලිතාය. හරිනම් ඇය හමුවිය යුත්තේ පසුව හෝ මන්මෝහන් සිංවය. ඉන්දියාව දැන් ඉන්නේ ආර්ථික සබඳතා අතින් ඇමරිකාව සමඟ හොඳ හිත වර්ධනය කර ගනිමිනි. හිලරිගේ ජයලලිතා හමුව චැනල් ෆො 1 හා 2 මේ සියල්ල පසුපස ඇත්තේ උතුර ගැන අනුකම්පාවක්‌ හෝ දයාවක්‌ නොවේ. උතුරේ වෙනම ඊශ්‍රායලය බඳු ජාතිකවාදී රාජ්‍යයක්‌ බිහිකිරීමට අඩිතාලම දැමීමය. චැනල් ෆොජවනිකා දැක තම පුතා කම්පනයට පත් වූ බව චන්ද්‍රිකා පවසා තිබේ. සුනේත්‍රා කීවේද එබඳු කතාවකි.

අද බටහිර බලා ඉන්නේ මහින්ද දුර්වල වන්නේ කොයි අවස්‌ථාවේ ද කවදාද යන්න ගැන ඇඟිලි ගනිමිනි. බටහිර පදිංචි දෙමළ ජන කොටස්‌ හා ජයලලිතා හා දකුණු ඉන්දීය එල්.ටී.ටී.ඊ. හිතවාදීන් ද ටී.එන්.ඒ. සංවිධානය ද ඉන්නේ එතැනය. උතුරේ මැතිවරණ ජයග්‍රහණ නොලැබීම තුළින් මහින්දගේ උතුර සම්බන්ධ දැඩි තීරණ හා මතය වෙනස්‌ වේ යෑයි යමකු සිතන්නේ නම් ඊට වඩා මෝඩකමක්‌ තවත් නැත. ජාත්‍යන්තර බලපෑම් එන්නට එන්නට ටී.එන්.ඒ. ජයග්‍රහණ ලබන්නට ලබන්නට මහින්ද උතුර ගැන ඇති දැඩි බව වැඩිවනු මිස අඩු නොවන බව ඒකාන්තය. උතුර – නැගෙනහිර සංවර්ධන කටයුතු නොනවත්වාම සිදුවේ. ඒ හා සමානව උතුරේ යුද හමුදා පාලනය, හමුදා කඳවුරු තවමත් පවත්වාගෙන යැම, හදිසි නීතිය, අත්අඩංගුවට ගැනීම හා රඳවා ගැනීමේ රෙගුලාසි ඒවා එසේමය. හදිසි නීතිය මසකින් ඉවත් කරන බව කී ආණ්‌ඩුව දැන් කියන්නේ වසර අවසානයේ එය සිදුකරන බවය.

මා දකින ආකාරයට ආසියාවේ පමණක්‌ නොව මුළු ලෝකයේම ඉන්නා රාජ්‍ය නායකයන් අතර තමා ගත් මතය මොන බලවේග ඉදිරියේ හෝ වෙනස්‌ නොකරන රාජ්‍ය නායකයන් අතර මහින්ද ඉදිරියෙන් සිටී. එය මහින්දගේ හා ඔහුගේ ආණ්‌ඩුවේ බොහෝ වාසිදායක බවට මෙන්ම ඇතැම් විට අවාසි වීමට ද හේතු වී තිබේ. එහෙත් ඉන්දියාව ඇත්තටම කැමැති වන්නේ ආසියාවේ එබඳු නායකයකු සිටීම ගැනය. වෙනම රාජ්‍යයක්‌ ඇතිවී උතුරේ හා ආසියාවේ එල්.ටී.ටී.ඊ. ව්‍යාපාරය නැවත හිස එසවීම ඔහුට මිස වෙනත් කෙනෙකුට පාලනය කළ නොහැකි බව පැහැදිලි හෙයිනි. ලෝකයටම සාමය උදා කර දෙන්නට ගැටුම් නිරාකරණය කර දෙන්නට හැමදාම මැදිහත් වූ නෝර්වේ රාජ්‍යය අද ත්‍රස්‌තවාදයෙන් හෙල්ලුම් කා අවසානය. ලෝකය පුරා යමින් ගැටුම් නිරාකරණය කළ එරික්‌ සෝල්හයිම් කෝ? මහින්ද කීවේ අවශ්‍ය නම් නෝර්වේ රාජ්‍යයේ ත්‍රස්‌තවාදී වැඩ නතර කිරීමට උපකාර කිරීමට තමා සූදානම් බවය.

ටී.එන්.ඒ. සංවිධානය මේ හැමදෙයක්‌ම කරන්නේ ද උතුරේ බලය තමන් අතේ තබාගන්නටය. මෙතෙක්‌ දෙවරක්‌ ජය ලබා ගත් ඔවුන්ගෙන් යාපනයේ ජනතාවට වූ සේවය කෝ? මේ වනවිට උතුරේ හා නැඟෙනහිර නීතියේ ආධිපත්‍යයේ යම් බිඳවැටීමක්‌ තිබෙන බව පෙනේ. මුතූර් බැංකු මංකොල්ලය, ටී.එන්.ඒ. සංවිධානයට මැතිවරණ කාලයේ පහරදීම, මැතිවරණයට පෙර ජවිපෙ නියෝජිතයන්ට පහරදීම, මැතිවරණයෙන් පසු ජ.වි.පෙ. තරුණ හමුව හා ක්‍රීඩා තරගවලට බාධා කිරීම, zඋදයන්Z ප්‍රවෘත්ති කර්තෘට පහර දීම, ඊට පෙර’උදයන්’ පුවත්පතට වරින්වර කළ තාඩන පීඩන. මේවා එක දිගට හැදෙන ලැයි‍ස්‌තුවකි. මේ තත්ත්වය මහින්දට එරෙහිව හා ඉන්දියාවට පැමිණිලි කිරීමට හැකි පසුබිමක්‌ ජයලලිතාට හා වයිකෝලාටත් ටී.එන්.ඒ. සංවිධානයටත් ලබා දෙන බව පිළිගත යුතුය. ඊටත් වඩා බටහිර ඩොලර් හා ද්‍රවිඩ විදෙස්‌ගත දෙමළ පිරිස්‌වලින් යෑපෙන දේශීය එන්.ජී.ඕ. ඒජන්තවරුන්ට පැවැත්මට සාධක මේ මගින් නොමඳව සැපයේ. එහෙත් මේ එකදු අර්බුදයක්‌ හෝ අවසාන වන්නේ මහින්දට වාසි දෙමින් මිස උතුරට වෙනම රාජ්‍යයක්‌ හෝ ඉඩම් බලතල, පොලිස්‌ බලතල ඉල්ලන ටී.එන්.ඕ. සංවිධානයට වාසි දෙමින් නොවේ. එන්. ජී. ඕ. නඩයට වාසි දෙමින් නොවේ.

මා හිතන ආකාරයට උතුරේ හමුදා කඳවුරු ඉවත් කිරීම් හා හමුදා පාලනය තවදුරටත් පැවැත්වීමට ආණ්‌ඩුව මේ ක්‍රියා නිසා පෙළඹෙනු නියතය. මේ වන විට උතුර – නැගෙනහිර එල්.ටී.ටී.ඊ. ත්‍රස්‌තවාදීන් පිරිසක්‌ සැඟවී සිටින බව ආණ්‌ඩුව ප්‍රසිද්ධ නිවේදනයක්‌ මගින් පවසා තිබේ. අනවසර ගිනි අවි එකතු කිරීමේ වැඩසටහනක්‌ ද ක්‍රියාත්මක විය. පුනරුත්ථාපනය කළ ඇතැම් එල්.ටී.ටී.ඊ. සැකකරුවන් පිරිසක්‌ යළි වැරැදි සහගත ක්‍රියාවලට ඇතුළත්ව ඇතැයි වරක්‌ ප්‍රකාශ විය. මෙබඳු තත්ත්වයක්‌ යටතේ උතුරෙන් හමුදා කඳවුරු හා හමුදාව ඉවත් කළොත් හය මාසයක්‌ යන්නට පෙර උතුරේ යළි ත්‍රස්‌තවාදයේ යක්‍ෂයා හිස ඔසවනු ඒකාන්තය. ජයලලිතා, වයිකෝ, හිලරි හා බටහිර බලපෑම් නිසා මේ තත්ත්වයට ඇති ඉඩකඩ බොහෝය.

මේ වන විට ජයලලිතා ශ්‍රී ලාංකික ඉන්දීය සරණාගතයන්ට රුපියල් දාහ බැගින් ලබා දෙමින් සිටී. සියල්ලන්ට වුවමනා ඊශ්‍රායලය මෙන් රාජ්‍යයක්‌ උතුරෙන් බිහි කරන්නටය. යුද හා ත්‍රස්‌ත ව්‍යාපාරවලින් ප්‍රභාකරන්ට බැරි විය. දැන් විවිධ ජාත්‍යන්තර බලපෑම් හා ව්‍යවස්‌ථාවෙන් ඒ දේ කරගන්නට වෙහෙසෙයි. 13 ව්‍යවස්‌ථාවෙන් ඉඩම් හා පොලිස්‌ බලතල ඉවත් කිරීම සඳහා පාර්ලිමේන්තු ක්‍රියාමාර්ගයක්‌ ගත යුතු යෑයි අධිනීතිඥ ගෝමින් දයාසිරි පවසන මතයට මම ද එකඟ වෙමි.

මැතිවරණවලදී පමණක්‌ උතුර ගැන කතා කරන එ.ජා.ප.ය මේ වන විට උතුරේ අර්බුදය ගැන වචනයක්‌ කියන්නේ නැත. උතුරේ ජනතාව හා ඔවුන්ගේ හිමිකම් ඔවුන්ට වන පීඩා ගැන නිතරම කතා කළ එජාපයට උතුරෙන් ජනතාව පරාජයක්‌ ලබා දීමට හේතුවක්‌ තිබිය යුතුය. උතුර තබා ‍ ද දිගින් දිගටම පරාජය වන එජාපය තම අභ්‍යන්තර අර්බුද විස¹ ගැනීමට නොහැකිව නන්නන්තාරව සිටීම ඊට මූලිකම හේතුවයි.

නායකත්වයේ වරදින් මැතිවරණ පරාජය වන බව කියන සජිත් හා ඔහුගේ කල්ලියට තමන්ගේ හැකියාවන් පෙන්වා දීමට හම්බන්තොට පළාත් පාලන මැතිවරණය ඊළඟ අවස්‌ථාවේ යොදාගත හැකිය.

මා දකින ආකාරයට දැන් උදාවෙමින් තිබෙන්නේ උතුර සම්බන්ධව මහින්දගේ දැඩි මතය හා ස්‌ථාවරය තවත් දැඩි වන කාලපරිච්ඡේදයකි. යුද්ධ මෙහෙයුමේදී මෙන්ම පශ්චාත් යුද සමයේදීත් දේශපාලන හා ආර්ථික ප්‍රශ්න හමුවේ බලවතුන් ඉදිරියේ පවා මහින්ද නැමුණේ නැත. ඒ ආකාරයටම 13 වැනි ව්‍යවස්‌ථා සංශෝධනය හා ඉඩම් හා පොලිස්‌ බලතල ද හැමදාම කතාබහට පමණක්‌ සීමාවේදැයි යන ප්‍රශ්නය මතුව තිබේ.

නීතිඥ ආචාර්ය ප්‍රතිභා මහානාමහේවා

හමුදාව යුද අපරාධකරුවන් කරන්නට එන්.ජී.ඕ. 3 ක්‌ දැරූ තැත වළකී

හමුදාව යුද අපරාධකරුවන් කරන්නට
එන්.ජී.ඕ. 3 ක්‌ දැරූ තැත වළකී

SOURCE:

කීර්ති වර්ණකුලසූරිය

ශ්‍රී ලංකාවේ හමුදාව යුද අපරාධ කළ බවට ජාත්‍යන්තර රාජ්‍ය නොවන සංවිධාන තුනක්‌ විසින් එක්‌සත් ජාතීන්ගේ ආරක්‍ෂක මණ්‌ඩලයේ නව ප්‍රඥප්තියට ඇතුළත් කිරීමට දැරූ උත්සාහය අසාර්ථක වී ඇත. මෙම නව ප්‍රඥප්තිය 2011 ජුලි 11 වැනිදා සිට ක්‍රියාත්මක වන නිසා කොටින්ට එරෙහි දියත් කළ වන්නි මෙහෙයුම ඊට අයත් නොවේ. රෝහල්වලට පහරදීමට වගකිවයුතු පාර්ශ්ව දැක්‌වීම සඳහා එකී පාර්ශ්ව නම් කිරීම මෙකී නව ප්‍රඥප්තියට ඇතුළත් වී තිබිණි.

ඉන්ටර්නැෂනල් ක්‍රයිසස්‌ ගෲප්, ඇමනෙස්‌ටි ඉන්ටර්නැෂනල්, රටින් පිටත ඊළාම් ආණ්‌ඩුව නමැති සංවිධාන විසින් ශ්‍රී ලංකාවට එරෙහිව එකී ක්‍රියාදාමයට සම්බන්ධ වී තිබේ.

මේ නව ප්‍රඥප්තිය ආරම්භවීමට පෙර එක්‌සත් ජාතීන්ගේ ළමා ආරක්‍ෂක කාර්යාලය විසින් චැනල් 4 වීඩියෝ පටය සම්බන්ධව ආරක්‍ෂක මණ්‌ඩලයේ නියෝජිතයන් වෙත විද්යුත් ලිපියක්‌ රහසිගතව යවා තිබූ බවද හෙළිවී ඇත.

මේ ගැන ශ්‍රී ලංකා රජයට වාර්තාවීමත් සමග එම කාර්යාලයේ ප්‍රධානියා වූ රාධිකා කුමාරස්‌වාමි තමා ඊට සම්බන්ධ නැතැයි ප්‍රකාශ කර තිබේ.

Cliff Richard’s NGO

Cliff Richard’s NGO

June 24, 2008

Cliff Richard’s NGO, TEARFUND, has got this to say on its web site:

http://www.tearfund.org/News/Asia/

Church response

In Thailand, Tearfund has just started working with a church organisation called “We Love Thailand”. We have seen increases in church attendance, with one area seeing a growth from two churches to 20.

In southern India we are working closely withCatholic priests who have good relationships with their communities.

Close links have also been fostered with local churches in Sri Lanka.  Clare Crawford (Project Manager in Sri Lanka) says, “One of the partners has been working with a group of young people, many of whom now want to follow Jesus. They feel welcome in the churches – so there is now a youth church meeting regularly that has sprung out of a small tsunami project.  This is a great side of our work!”

 

Categories

Different countries have visited this site

Free counters!